Ka Nupepa Kuokoa, Volume XXXVIII, Number 24, 16 June 1899 — E MAKAALA LOA IA AKU ANA. [ARTICLE]
E MAKAALA LOA IA AKU ANA.
Mamuli o ka aihue pinepineia o na kaa baisikala mai na hale kuai aku oia ano kaa maloko nei o Honolulu, a pela hoi mai na poe e ae o ke kulanakauhale nei, ua hooholo iho n.ei ka poe kuai kaa oia ano maloko nei o ke kulanakauhale e haawi i ka lakou mau kiai ana no ka poe apau e lawelawe ana i na hana hoopoino ia lakou. O kekahi hana maalea loa a kekahi poe kuai kaa, oia ko lakou hele ana i ka liale kuai kaa, a haawi aku la i na wahi dala hookaa mua, a i ka lawe ana i ke kaa, o ka lawe no ia me ka noonoo ole he koena aie ko ke kaa i koe. I kekahi wa, e kuai a e hoolilo hou aku ana keia poe i ua mau kaa la a lakou i hookaa hapa ai i ke kumukuai a ma ka wa e Ikeia ae ai ua kaa la ma ka lima o ka mea i lilo. aku ai, e kau ana ka pokai maluna ona. 0 ka inoa o keia hui kiai kaa baisikala, oia ka Papa Kalepa Sikala (Cyele Board of Trade.)