Ka Nupepa Kuokoa, Volume XXXVIII, Number 24, 16 Iune 1899 — KA AINA HUI O HOLUALOA, KONA AKLAU HAWAII. [ARTICLE]

KA AINA HUI O HOLUALOA, KONA AKLAU HAWAII.

Ma ka Poalua nei i hoopuka mai ai o Lunakanawai Pere i ka olelo hooholo a ka Aha, ma ka hoopii a M. F. Scott kue ia E. N. Pilipo ame kekahi poe e ae. Ua hookohuia o William *A. Wall i komisina nana e mahele ka aina, a e hooko aku hoi i na kauoha a ka olelo hooholo, a penei ke ano nui o ka mahele ana. Ka mua:—O kela hapa o ka aina e pili ana i kahakai, e maheleheleia no iloko o na apana, a hookahi apana no kela ame keia mea kuleana iloko o ka aina. " Elua:—O ka aina mawaena o keia I hapa, a e nee ana a he 700 kapuai ke | an ailiwai maluna ae o ke kai, e ma- ! heleheleia no iloko o na apana kupono, ! a e kuai kudalaia aku no ka pomaikai o ka hui holookoa. Ekolu:— 0 ka aina apau e waiho ana mai keia wahi aku o 700 kapuai ke ana i iliwai, a lioea i ke alanui aupuni, e maheleheleia no iloko o na apana, a hookahi hoi apana no kela ame keia mea kuleana mahele iloko o ka o Holualoa. Elha:—o ka aina apau e waiho ana mauka aku o ke alanui aupuni, me he m6a la, he 1000 eka paha ka nui, e maheleheleia no iloko o na apana, a i hookahi apana no kela ame keia mea mahele kuleana iloko o ka Hui. Elima: —O ka aina hoi apau mauka aku o keia wahi i mahele hope ia ae la, e kuai kudalaia aku no, no ka pomaikai o na poe mea kuleana apau o loko o ka Hui o Holualoa. Ua malamaia he anaina hookipa ulumahiehie e ke Kuhina Waiwai ame kana wahine malalo ae nei o Moanalua no ka hoohanohano ana i ka laua keiki a me ka laua hunona, ma ka auina la o kela Poaono aku nei, a ua haale i ka wai ka nui o na poe maka hanohano o Honolulu nei i hoea aku malaila.