Ka Nupepa Kuokoa, Volume XXXVIII, Number 24, 16 June 1899 — NA RULA O KA POE MAIKAI. [ARTICLE]

NA RULA O KA POE MAIKAI.

Eia makou ke hoolaha aku nei ma keia wahi o ka makou pepa i kekahi "Mau Loina no ka poe maikal," i kapaia i kekahi wa "He Mau Rula Hookeonimana a Malaina Kulana Lede hoi." 1. E haawi mauNiku ke kane (keonimana) i noho i ka wahine (lede), e wehe mai oia i 'ka puka o ka hale i ka wa a ka lede e komo mai ai, a ma kona wa e haalele iho ai i ka hale, a e lalau iho nohoi oia i kela ame keia mea i haule piai ka lima iho o ka wahine, ina no he kamaaina ia wahine ia oe, a he malihini paha oia. 2. Aole he ano maikai, a ku hoi i ka rula o ka poe maikai, ke kiei ana aku ma na poohiwi o kekahi mea e kakau'palapala ana, a e heluhelu buke ana paha. 3. I ka wa e kamailio ai kahi kane me kahi waliine, mawaena o ke a'naina maikai, e kapae loa ia mai ko laua mau lehelehe aku na huaolelo koaka, na huaolelo maemae ole, na huaolelo pilikino no kekahi mea e ae. A o na kamailio hoomakeaka ana e ehaelia ai ka naau, a o ka manao o kekahi mea o loko o ke anaina, e kapae loa ia ae no ia. 4 Ma ka wa a kekahi kane e hele ae ai a maalo ma ka aoao o kekahi wahine, e ku ana ma kēkahi wahi i konoia ai ua kane la, a o ua wahine la paha, lioaui ae i kona liino, i loaa ai he kowa e hiki ai i ke kane ke kaalo ae, alaila, e wehe ae kela kane i kona papale, 1 a kunou mai hoi kona poo imua 5. A o ka hana hoi a ka wahine e hana ai ma ia wa, oia kona kunou ana aku imua o ke keonimana. G. Ma ka 'wa e kaana ai i ke kamailio ana mawaena o ke anaii!iftif ka,poe maikai, mai noho a haanui wale i ka olelo ana, o haule ai\anei oe iloko o ke i na mea oiaio ole. O ka hoike k£kou manao me ka oiaio, he mea ia'e palekana ai oe mai ka aea ana aku iloko o ka waliahee. 7. 0 kou manao ana, o oe ke pookelamalunao kou poe hoa apau, ma ka ike, ma ka naauao ame ke akamai paha, a ano e ae paha, oia kekahi o na inanao moowini liupo loa i hoopunanaia iloko' o ka noonoo o kou puniu poo; a e ike wale ia mai ana oe, lie kanaka, a he wahine noonoo pnpa'u oe. Nolaila, e kapae ae i na kamailio pai ia oe iho, a mahalo nohoi ia oe iho. 8. He kulana lede ole no ka wahine ke ku oia me kona mau lima i olekea ia ae ma kona alo, a i ole ia, e opea kua ana paha. 9. He ku ole i ka rula maikai ka mili wale ana iho no o kekahi kane i kona mau lima, a e hoopaiiapana ai paha i kona mau manamanalima; e milimili wale ai no i kana kaula wati, e kiloiloi wale ae hoi i kona mau mikini lima, e hooleomo ae i ke ku-au o ke kookoo, a o ka mamalu (paliu) iloko o ka waha, a e mili ae hoi i ka aikala a lei ai paha, ke ole he kumu ku-. pono no ka liana ana pela. 0 ke oolea ioena o ke kino ma ka noho ana, ma ka hele ana, a ma ke kamailio ana, oia kekahi mea hoike mai, he paa rula keonimana ole oe. 10. 0 ka onioni ana o na kuli, a o ka hooka'i lewa ana paha i ka wawae, oiai e kau ana māluna o kalii wawae, ma ka wa e noho ana maluna o ka noho, oia kekahi hana leue i lea rula hookeonimana. O ka hookakani ana i na manamanalima malunā, o ke pakaukau, a o ka puka aniani paha, he kue no ia i ka rula o ka poe maikai. 11. Ike kamaillo ana no kekahi poe i kamaaina nui ole me oe, mai hoopuka oe iko lakou mau inoa. A ina hoi he poe lakou i kamaaina ia oe, alaila, mai poina i ka hoopili ana aku i ka hoailona "Mr." no ke kane, o "Mrs." hoi no ka waliine, o "Master" no ke keikikane, a o "Miss" no ke kaikamahine i mare kane ole. 15 like me keia: ''I lo'ne mai au mai a Mr. Leimamo mai." "Na Mrs. Kanoelani au i hai mai." "Pela mai nohoi o Miss Cecelia i kamailio mai ai ia'u." "Owau ame Māster Kanoe kai hele aku i ka ahaaina." 12. Ina hoi he kauka, he kahunapule, a he lunakanawai ka mea nona ke kamailioia ana, alaila, mai poina i ka hoopili ana aku ia '"Rev." no ke kahunapule, a i ole ia "Lunakahiko' paha, "Makua" paha no na kahuna Katolika; a o "Epikopo" a "Bihopa" hoi no ka poe elike me "Epikopo Gulekana," "Bihopa Willis," a o "Kauka" (oia ke Dr,) no ke kauka lapaau.'a kahunapule paha i heaia ma ia kulana, elike me "Kauka Hai," "Kauka Bihopa," "Kauka Binamu;" a o Lunakanawai nohoi no kekahi mea e noho lunakanawai ana, a i noho lunakanawai mua paha, elike me "Lunakanawai Kiekie Alapaki." iPela no me ka Peresidena, ke Kuhina a Kiaaina paha (aoie nae i keiā wa): E laa o Peresidena Dole, Kuhinā Daimana, Kiaaina -—owai la? 13. Ina he wahine oe, alaila, i kou kamailio ana i ka inoa o kekahi kane, mai poina oe i ka hoopili aku i ka inoa "Mr." a inoa hoohanohano e ae ma ka inoa ponoi o ke keonimana, nona ua inoa la au e kamailio ae ana. He ano koaka ke olelo ae oe, "Holmes," aka, e olelo oe "Mr. Holmes," "Kauka (Dr.) Warren."

14. Ina hoi, ua paloaiia oe ma kekahi ahaaina, alaila, mai noho oe a nema i ka mea inu e haawiia mai ana ia oe, iua paha he mea inu maikai ia. ahe mea inu maikai ole paha ia. Ria ka moolelo paa rula o kekalii kanaka Parani i hoea i Euelani. Ma ka wa e kaua kipi kuloko ana ke Aupuni o Farani, ua hoea aku la i Enelani ke Duke de Grammont, ma ke ano i kipakuiu aku oia mai Farani aku. . Olai ia malaila, ua haawi iho la ke Duke o Bedefoda lie ahaaina hoohanohano nona (ke Duke Farani). 0 kekahi keia o na ahaaina nani loa o na alii Pelekane e liaawi ai me ka ulumahieliie nui. l T a lako ke pakaukau i na mea ai ono o na ano apau. Ma ka wa i hoea aku ai ka nee ana o na kaanaia ana o ua papa ahaaina nei, ma ka wa no ka inu waina ana, ua laweia mai la kekahi omoie waina i kapaiai he Constantia, a o keia ka waina lua ole o ka maikai ma FaranL He waina ala keia, a lie maikai kona.iuu ia afia. Ika nona āna aku i ka wai o, keia omole i lawe ia mai la, ua huaolelh ae la ia elike me ka hooluu najJTo ke gula. la wa i nio|ni iho ai ua puke Bgdefoda nei i ka wai o ua omoe la iloko o ke kiaha, a haawi mai Ta i kana malihini kipa, oia ke <Duke de Grammont. Lalau mai la ia i ua kiaha la a inu ae la, a pau ka inu ana, olelo ae la ua Duke Farani nei, he keu ia a ka waina maikai loa. I kela wa hoi, makemake iho la ke Duke Bedefoda e hoao i ka maikai io o ka waina a kana malihini i haawi mai ai i ka mahalo ana. I kona ninini ana i kona kiaha, a kaikai ae la e inu, aia hoi, honi e iho la ia i ka hohono aila hoonaha (Castor Oil) a ia wa i ano e ae ai kona helehelena, a ninau ae la ia i ke kuene nui: "Heaha keia mea?" Lalau aku la ua kuene nei i ka omole a ke Duke e paa ana, a honi iho la, ame ke ano e loa ana ae nohoi o kona ano, hoike ae la ia, he aila hoonaha (Castor Oil) ua omole la. Aole i kana mai ka pono ole o ka noonoo o ke Duke Berefoda. Aka, o ke Dulce Faranl nae, ua inu oia i kela aila hoonaha, me kona pane leo ole ana ae, ame ke ano e ole hoi o kona helehelena. Ua ike no oia he aila hoonaha kana i inu ai, eia nae aole oia i pane ae i kekahi huaolelo. Ua noho hamau loa iho la ia. (Aole i pau.)