Ka Nupepa Kuokoa, Volume XXXVIII, Number 24, 16 June 1899 — KA LUNA DUTE NUI HOU. [ARTICLE]
KA LUNA DUTE NUI HOU.
Ma ka noho ana a ka Aha Kuka a na Kuhina ma ke kakahiaka Poalua aku nei, ua waiho aku la o Kuhina Daimana imua o kona mau hoa i ka inoa 0 Rikeke Ivers i mea nana e hoopiha 1 ka hakahaka o ka Oihana Dute, i waiho hakahakaia, mamuli o ka haaleie ana mai o Mr. F. B. McStocker. Ua apono lokahiia hoi keia inoa. Aka, mamua nae o ka noonooia ana 0 keia inoa, ua waiho mua ia aku keia oihana ia Mr. Stratemeyer, kekahi hoa kahiko o loko o ka Oihana Dute, aka, ua hoole mai nae ia keonimana. O keia Luna Dute hou, oia no ke kaikunane o Mrs. William G. Ir\vin. Iloko o na makahiki ewalu i kaahope ae nei, ua lilo nui ka hapa nui o kona manawa ma ka malama ana ame ka huli i na buke o na hui mahiko lie lehulehu o loko nei o ka Pae Alna, a lie kanaka makaukau hoi oia ma ia hana. Ua kamaaina no oia ia Hawaii nei, a he nui na poe o ka Pae Aina nei 1 kamaaina me ia.