Ka Nupepa Kuokoa, Volume XXXVIII, Number 23, 9 June 1899 — PAINA LUAU MA WAILOA. [ARTICLE]

PAINA LUAU MA WAILOA.

Ma ka Poalima nei, Mei 19, ua haawi ae la o luna nui W. J. Feary he papaaina. i luluu i na mea ai e haupu ilio ai oe ke kama.hele a mau-ha, ma ka uka iuiu o Wailoa. 0 keia wahi i hai ia ae la aia i ke kuahiwi o Waikolu, a he aina kaupapaloi hoi e mahi a e kanuia ana no e ka'Papa Ola ma o keia luna nui la no. Ua nani a maikai na mea 1 hanaia, a ua h.auoli pu hoi kou mea kakau i ka ike ana i keia wahi i halia ae la, oiai, ma keia wahi e ulu aiia ka' ai mai o ao o ka aina e hewa ai ka maka i ka nana ana, a he ola hoi ia no ka Panalaau nei no nei mua aku. Nolaila ua hiki kino ae ma keia papaaina o .hope luna nui J. Waiamau, Jr., J. K. Makakoa, Mr. and Mrs. Nathaniel, William Feary, Mrs. Smith, Arthur Mitchel, Hiram Palea, Kalani Kamakini, C. Kapena, A. Puaaloa, ame kekahi mau hoa aku i anaane e piha ke kanakolu. Ua ai a lawa i ka lokomaikai o ka luna nui, nolaila, ke haawi nei kou mea kakau i ka mahalo ia luna nui W. J. Feary no kona pahola ana mai i kona lokomaikai imua o kekahi o kona mau hoa inea o ka Panalaau nei. Ke hooki nei au me ke aloha ia Mr. Lunahooponopono ame kona mau keiki oniu hua medala. Owau iho no me ka oiaio, HOAAI. Kalawao, Mei 24, 1899.