Ka Nupepa Kuokoa, Volume XXXVIII, Number 23, 9 Iune 1899 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

T. MITAMURA M.D.

Alanui Beritania, mewaena o na Alanui Emma ame Papu. Telepona 277; Pa’au Leta 843. Na hora hana: 9 a ka 12 a.m., a mai ka hora 7 a 8 p.m.; a ma na ka Sabati mai ka hora 9 a 12 a.m.

2756-tm

 

DR. I. MORI

Keena Oihona, helu 427 Alanui Nuuanu, Pahu Leia 842. Telepona 132. Hale Noho 524 Alanui Nuuanu. Halemai 530 alanui Nuuanu. Nahora; 9 a 12 a.m., a mai ka hora 6 a 8 p.m. Na la Sabati, hora 2 a 6 p.m.

2756-1m

 

W.C. Achi

Enoch Johnson

ACHI & JOHNSON

LOIO! LOIO! LOIO!

Keena Ilana, Helu 10 aoao Komohana

Alanui Moi.

 

W. R. KAKELA

Poia a ke Kokua ma ke Kanawai.

HE LUNA HOOIAIO PALAAPLA.

 

LYLE A. DICKEY

Loio a he kokua ma ke Kanwai

Notari no ka lehulehu.

Pi hookoia na hana pili kanawai apau main a Mokuouni mai.

Kihi o alanui Betela me Moi. Pahu Leta 786. Telopna 806

 

Papa! Papa!

Aia ma kahi o

LEWERS & COOKE

(Lui Ma)

Make Kahua Hema o na Alanui Papu me Moi

 

E LOAA NO NA
Papa Nouaiki

O keia a me keia ano

Na Pani Puka…

Na Puka Aniani…

Na Olepelepe…

Na Pou…

Na O’a…

Na Papa Hele…

Na Papa Ku…

Na Papa Moe

 

Na Pili Hale

O na Ano apau

A me na

Wai Hoohinuhinu Nani

O Na Ano Apau

 

Na Palakio o na Ano he Nei Wale

Ke haiia aku nei oukou e na makamaka a pau, ua makaumakau keia mau makamaka o oukou o hoolawa aku ma na @@@ a pau e pili ana ma ka laua Oihana mo ka

 

Uku Haahaa Loa

A ike mo ka mea e holo ana mawan@@@

L@@@ @ me ka Mea Kui

E Hale Mai o Wae no Oukou Ike.

 

Ke Aloha o kuu Makuahine

KE ALOHA O KA’U MEA I ALOHA AI

Ke Mana o ke Aloha

He Moolelo Walohia

Mokuna XIX

“I hana au I kela hana I hiki ai ia’u ke hoopoina I na mana ikiiki pono ole e hana ino ana iloko o ko’u noonoo, mamuli o ko’u ike ana iho, aole kela, wahine I aloha ia’u. Aka, e hai aku au ia oe I ka mea oiaoi loa, aole I kana mai ko;u aloha I kuu wahine, a ua hooi loa ia aku hoi heia aloha o’u iaia, I ko’u hoomaopopo ana, eia no oia ke ola nei I keia wa,” wahi a ua Kauna nei I pane pane aku au imua o loio Durana.

Nana mai la joi ka loio iaia me na onohi maka hookokoe a pane mai la:

“I hu ae la paha kou aloha kupaianaha o keia wa, mamuli o kou hoomaopopo ana, aia maloko o ka ekeeke o Kauna-wahine Berene I keia wa, he huina dala waiwai nui? He keu no ke kamahao ioa o ke aloha o kekahi poe kane I ka lokou mau wahine, oia hoi, I ka wa ilihune, a I ole ia, I ka wa nele o na wahine a lakou I mare aku au, mamuli o ka hookikina ana ana o na makemake kau kokoke mai o ka manawa, aole e ulu mahiehie ae ana ia mea he aloha iloko o lakou; aka, ua ilo kelapoe wahine a lokou I hopilikia ai I mau kauwa hooluhi na ko lakou mau manao hoowahawaha; aka, ma ka wa e loaa ai he pomaikai I kela poe wahine, mamuli paha o ko lakou malama hoomanawanui ana I na wahi loaa liilii I haawi ia aku ia lakou e na kane aloha ole lakou, oia ka wa a ua poe kane la e olelo lehelehe iho ai, he aloha au, a he mea au I kuu wahine. Kupaianaha o na kupaianaha, pau no na mea apau I ke kupaianaha.”

Ua like keia mau olelo a ka loio I hoopuka mai ai imua o ua Kauna nei me kekahi kui oi loa e houhou ana I kona puuwai, a me kea no hooanawanui o ka noonoo maikai ole iloko o ua Kauna nei, pane aku la ia:

“O kahi poe kanaka okoa aku paha ia au e olelo mai nei, aka no’u nei nae la, aole pela. Ua aloha maoli au I kuu wahine keia wa. Nui ko’u aloha laia, Nolaila, o ka’u hana e hana aku ai, oia walehana no ka imi ana ku ua loaa ia.”

“Aha, ke loaa oia ia oe, heaha kau hana iaia?”

“E hoihoi no hoi au iaia a ko maua home, a hoomaku no hoi maua e noho pu he kane a he wahine, ma kea no I oi aku I kea no o ko maua noho ana o ka wa mamua. He noho ana nae keia o maua iloko o ke aloha oiaoi loa.”

:Malia o kou makemake io uo ia, o ka hoihoi ana aku I ke Kauna-wahine I kou wahi, aka, ina aole e ae mae ana oia I kou makemake, pehea iho la?”

“Ina aole oia e ae omolu mai ana I ka’u e koi aku ai iaia no ka hoi pu ana me a’u, alaila, e hana aku ana au I ko’u mana ma ke kanawai.”

“Alaila, e hana hou aku ana no oe I ka hana aloha oie maluna ona? Ua like no a like ia ia hana ana aku’au au iaia mana ia ano, ma kou hauhau a hili ana aku iaiame kekahi huipa lio. O ka lima o ke kanawai, oia no ka laau hauhau e paa ana ma ka lima o kekahi kanaka I mea hookoia ai ka makemake o kona inaina I hoeueuia ae iloko o kona uhane I oiha I ke kuakoko o ka ukiuki. Auhea iho la ua aloha nei ou?”

“Ea, aole au I manao e hana mai ana oe ia’u e like me keia au e hana I mea e ko ai ko’u makemake oia ke alahele e hoowaiwaiia ai ke dala a’u e uku aku ai ia oe?”

“Aole ka loio e hooko wale ana I keia ame keia makemake hupo a oia lau wale o keia ame keia mea e makemake ana I kona ike ame kona noeau. No’u nei, aole I lilo kea no am eke kulana o kekahi kanaka, me ka nui o kona waiwai ame kana dala I mea e hookauwaia ai au, aole. E hai aku au ia oe I ke kanawai au e makemakenei e kahea aku elilo I kokua noi ma ke kii ana aku I ke Kaunawahine e hoihoi e hoihoi iaia me oe, mahope iho kona pakele ana mailoko mai o ka luakupapu. He opu maumalu je kanawai no na mea apau, a ke hoohooio na kanaka apau. O kona kahua I ku ai, ioia no ke kaulike. Elike hoi me ka nui o ka pono o kekahi kanaka, pela ka nui o ka pulama maikai ana a ana a na eheu hoomalu o ke kanawai. Elike hoi me ka nui o ka hana hewa a ke kanaka e hana ai, peia auanei ka nui o ka hoopaewa ana a ua kanaka la I ka pomo kaulike a ke kanawai I lilo ai I keai, a no ia mea, e hooniia ae ai ka iliwai kaulike o ka ke kanawai hoomalu ana,ma kea no e imi hou ana I kona ana iliwai kulike mea I ku au, I ,ea e eha ai ke kanaka mua I ku’ai I me e eha ai ke kanaka hana hewa, a nolaija oleloia iho la jeia eha ana o ke kanaka hana hewa ua hoopaiia oia e ke kanawai.

“I kou koi ana aku I ke kanawai e heie mai e kokua ua oe ma ka hoihoi hou ana mai I ka wahine I onouia e oe iloko o ka luakupapau, e ae ana no ke kanawai e haawai mai kanaa kokua ana, olei aole I hookiia ke kaula o ka mae a ke kanawai o hoopaa ai mawaena oi am eke Kauna-wahine; a aka ma ka wa nae a ke kanawai e ike ai I ka oi ana o ka pono koi hoomalu maluhia ma ka aoao o ke Kauna-wahine no ka hookaawale ana aku iaia mailoko aku a ka berita mare e hoopaa ana iaia ame oe, alaila, e kanakau ana ke kanawai no ke aloha I ke Kauna-wahine, a nana ole mai ia ia oe ame kau koi ana. Aole loa he aha hookolokolo ma ke aupuni nei o Farani e hole ana I ka haawai ana I ka pono o ko olua, hookaawaieia ana. E loaa ana I ke Kauna-wahine n haawina o le alohaia e ko Farani nei apau, a o ka haawina o ka hoowahawaha ame ka hoinoia ana ke ka mai ana maluna oi. Ma keia ninau aia ka pono nui loa ma ka aoao o ke Kauna-wahine, a io ai mea e oi aku ana ka ikaika o ka pulama ana a na eheu o ke kanawai ia pono, mamua o ka mea a ua kanawai ia pono, mamua o ka mea a ua kanawai ia e pulama mai ai no kou pini. O ka mea nui e loaa ana ia oe, oia ka hilahila ame ka nui o ka wa oleloia ana ma na poai apau o Europa nei.”

Ua ike iho la ua Kauna Berene nei I ka pololeo o na olelo a ka loio, a ua hiki ole iaia ke pane kikoola hou aku imua ona, nolaila, me ka lei oluolu ninau aku la ia:

“Alaila heaha la ka mea pono a’u e hana ai?”

“he ninau pohihihi no keia.”

“E kuu hoaloha mai haalele mai oi ia’u I kuu hora o ka pilikia. E lilo oe I mea alakai ia’u. Aole anei he mea maikai no’u e hele aku au umia o Barona de Marseli, a hoike aku au iaia, aia no kana kaikamahine ke ola nei I keia wa, a e noinoi ak hoi au iaia, e kokua mai oia ia’u ma ka imi ana I kahi e loaa ai kana kaikimahine?”

“aole o’u mnao he alahele maikai ia ua e hana ai. Aole o’u kanalua iki e lilo no kou makuahunowai I me hoopilikia mai I kau huli ana I kahi e loaa ai kau wahine. No keia manawa, e ao aku au ia oe, alia oe o hoike aku ia Barona de Maraseli I keia mea. O ka mea mua loa a’kaua e hana ai, oia ko kana imi ana I kahi e noho, a I oie uam kona wahi paha e huna ia nei. Ma ia wa hookah no hoi, e huli pu no kaua ikona mea nana e malama nei Owai la ke kanaka nana oia e malama nei?”

I keia wa I li=o ae ai na maka o ua Kauna erene nei, okalaff kunahihi ae ia kona mau halehelena apau, a pane ae la ia me ka leo awiwi launa ole:

“E Durana, e durana, ke ike nei au I keia kanaka I keia wa. Ae, o ua kanaka la, oi’a mo o GeorgeLamabeta,”
“Auwe, o George Lamabeta,” wahi a Durana I hooho ae ai, me ka nana ana mai hoi I ke Kauna.

Mahope iho o keia mau hoohoo olelo ana ae o ua mau kanaka nei, ua noho mamule iho la laua no kekahi wa, a me he mea la e noonoo nui ana laua no na mea e pili ana a George. A hala e kekahi wa  keia noho mamule ana a laua, ia wa pane mai ia o Durana:

“o keia George Lamabeta au I hoike mai nei, aole anei oia kekahi o na alii moku kiekie loa o ko kakou mau moku kaua?”

:oia no ia, aka, ua haalele nae oia I ona komisina,” wahi a ke Kauna I pane aku ai.

“Aole anei oia he hoaloha pilip paano Robata de Malatere e noho hoa hui nei no kekahi o ko kakou mau hale Banako?”

Oia no.”

“Aole anei o keia no joi ke George Lamabeta I oleloia ai I kahi mau makahiki I haia ae nei, oia ke mare ana ia Alice de Mareseli?”

“Oia no.”

Ua aloha paha oia ia Alice?”

“Pela paha”

“Aole anei hoi I aloha o Alice iaia?”

“O ka mea oiaio maolu no ia,” wahi a ua Kauna nei I pane ae ia me ka inoino launa ole o kona maka.

Nana mai la ka loio I ua Kauna nei a pane mai la: “He keuka oe a ke kanaka lapuwale maoli. Ua ike no oe, aia ka puuwai o kela kaikamahine I keia kanaka, eia nae ua mare aku la oe ia Alice. Auwe akahi no au a hoomanao mai ia no kekahi mea a’u I lohe ai no keia mare I hanaia mawaena ou a me Alice, ka mea hoi e kapaia nei o ke Kauna – Wahine Bereme mamuli o kekahi mea e ae, koe wale no oe ame ia, ua heie kino maoli aku la oia kou hale, a ae iho la oia iloko o keia wa pokole loa e mareia olua I hoopania ai ke pohihihi o ka mea pohihihi I lilo I mea hoopilikia I ka noonoo o ua lede opio nei. Ua ike nohoi oe, he okoa loa ke kanaka a ua lede opipo la I aloha ai me kona naau apau, eia nae ae eku la no oe e mareia olua? Pehea la I hiki ai keia lede opio I haawi I kona puuwai I kekahi mea okoa aku, e heie aku imua ou, a iloko o’hookahi wale no sekona o ko olua kamailio pu ana, o kona ae no ia e mare me r? He mea huna pohihihi loa keia ia’u.”

Ua noho mumuie iho la ke Kauna me ka pane leo ole, alaila, kamailio hou mai ia no o Durana:

“Ua oleloia, ua hana aku oe I kekahi hana I hookomohiala ai kela lede opio iloko o ka ae ana I kou makemake eleele; a nolaila ua ae oia e mare ia oe. Ua like loa keia me kekahi hana powa, I ke oia o kela lede opio. Ua mare oia ia oe, mamuli o ka makau.”

“Aole loa pela,” wahi a ua Kauna nei I hooho ae ai. “Ua mare mai no oia ia’u mamuli o kona makemake iho. Aole loa au I hana I kekahi hana hooweliweli iaia Aole.”

“Aole no o’u manao, he olelo e ae kekahi au e kamailio mai ai ia’u no keia mea. Aka, e ninau aku au ia oe: Heaha la kau e hoakaka mai ai ia’u I ke kumu o keia lede opio o hoopalauia a hoi ia George Lamabereta I ae ai  e mare me oe, mahope koke iho no o kahala ana aku o ka mea ana I aloha ai? Mahope iho hoi o ko olua mare ana, ua maikai anei k olua noho ana? Pehea la na makua o kau wahine? Ke ole au e kuhihewa, mai ke ahiahi I meria ai olua, a hiki I ka wa I manaoia ai ua make ke Kauna-wahine, aole loa ka Barona wahine I hehi hou maloko o na paia o kou hale? Heaha ke kumu?”

“E kuu hoaloha maikai, he keu ka weliweli o kau mau huaolelo e hopuka mai nei ia’u, mamuli o kou hoakaka ana mai la I na mea e pili ana I kea no o ko’u mare ana I ka’u wahine?”

“e hoomanao oe, o ka’u hana keia, a o ka’u kumuwaiwai nohoi ia ma ka’u oihana. Makemake au e ninau aku ia oe. He oiaio anei keia mau olelo a’u e hoike aku nei ia oe, aole paha?”

“Heaha anei ka’u me e kamailio aku ai ia oe no keia mea. Elike nohoi me kau I olelo mai nei ia’u he mea huna pohihi keia, peia no au e hooia aku nei ia oe, he oiaio, he mea huna pohihihi io no. Ae. Kea e nei au imua oi, he mea huna no ka mea nana I kono ia lice e mare mai oia me a’u.

“Ua pau,” wahi a ka loio I pane mai ai, “ke ike nei au I ka oiaio o ka manao koho a’u I hoolala ai kinohi. Aole o’u makemake enoli aku iloko o na paia e hoopuni ana I kela mea huna pohihihi. Ua lawa ko’u ike ana I keia mea ma keia wahi.”

“Eia hou no au mau olelo oolea nei au ke puka hou mai nei, me kou noonoo ole nohoi, he hoaloha au nou,” wahi a Kauna Berene I pane aku ai me kahi leo nawaliwali, ame ka haikea pu ana ae o  kona helehelena.

“E hai aku au ia oe I ka mea oiaio. Aole o’u hoolimalima I ko’u lunaikehala no ko dala a ko’u lunaikehala I ike ai he hewa. Ano, e hoolohe mai oe, o kau koi e koi nei, elike me kau e hoike ma nei imua o’u, e koi la I hiki ole ma ke kanawai. Aole e hoolohe mai oe, o kau koi e koe nei, elike me kai e hoike mai nei imua o’u, he koi ia I hiki ole ma ke kanawai. Aole loa kau wahine e hoi hou mai ana me oe. Aole kona poo e komo hou malalo o ke kaupoku o kou hale. He mea hoohilahila wale no ia iaia, oiai I keia la, he wahine oia I lako I na mea apau nona iho me ke kaukai ole ana I pono nona mai a oe aku. He mea oiaio mamuli o kona hoi ana me oe, ina e hoi io ana oia me oe, mamuli o ke alahele au e makemake nei, alaila, o kahi huna uuku o kona waiwai ke loaa mai ana ia oe, me ka piha nae ou I ke paheneneheia e ko kea o nei. Nolaila, ina leo hooho pahenehene ia oe, alaila, e hana aku oe elike me kou makemake.

Me na helehelenea okala kunahihi pane aku la ua Kauna Berene nei:

“Pehea la; he hoaloha paha ka’u e kamailio nei I keia wa, ma kea no oia ko’u loio, a I ole, he lunakauawai paha?”

“mamuli o ka hoike oiaio o ka lunaikehaia iloko o’u I keia wa ke hai aku nei au ia oe, he lunakanawai ka mea au e kamailio pu nei I keia wa.”

“Ua pono ae la. O ka leo o ka lunakanawai ka’u I lohe aku la me ka maikai ole o ko’u noonoo; a I keia wa, makemake au e lohe I ka leo o ko’u hoaloha. Heaha la kana oleloao ia’u?”

“Ma ko’u ano he hoaloha oiaio loa au nou, kea o aku nei au ia oe, e akahele loa oe I kau mea e hana ai. E hamau loa oe I kau mea e hana ai. E hamau loa kou waha, aole e luai wale I na mea e pili ana I kou mau pono kanawai maluna o ke Kauna-wahine. O kau e hana ai, e hana oe me ka malie akhele loa, I mea e kaawale ai o George Lamabereta mai kau wahine aku.”

“E hiki anei ia o eke hai mai I ua hana la a’u e hana ai I mea e kaawale aku ai o George Lamabareta mai kuu wahine aku?”

“E ninau oe ia ninau I kou naau iho, a na ka uluhia o ka manawa e punohu ae ana iloko ou, e hai ae I ka haina oia nanaus. Nolaila, aohe a’u mea e hai aku ai ia oe.”

“Ke haawi aku nei au ia oe I ka’u hoomaikai ana, a e hana aku ana au elike me kea o ana mai nei a ka hoaloha.”

Mahope iho o ka hala ana aku o ke Kauna, ia huli ae ia ua loio nei I kona pakaukau hana, a ma ia wahi noho iho la ia me ka olelo ana iaia iho:

“E lilo aku ana keia kanaka I mea e hoopaumaele ai I kona mau pulima iho me na kiheahea koko o ke kanaka hala ole. He mea pono ia’u ke haawi aku I ka iohe iaia no ka naau eleele o nei Kauna.”

Aole I pau.)

 

HE LEO ALOHA NO K. K. NAHALE OPIO

He homaikai I na hoa’loaha,

Aia iloko o ka lokahi ka ikaika.

I o’u hoaloha apau, a’u keiki o ke Kula Kamehameha, amen a hoa’aloha e ae ma Honolulu, Oahu, I ke Kula Sabati amen a hoa’loha e ae ma Kona, Hawaiim I kokua pu ia makou ma na mea e pili ana no ka make ana o ka’u keiki I aloha nui ia, Joseph K. Nahale, Jr., ma ke Kula Kamehameha, ma ka la 23 o Mei, 1899.

Ma ka oukou mau hoomaikai I loaa mai, amen a hana kokua e ae I hanaia, ke mahalo loa nei maua me ka hoomaikai ae I na lani, e kokua mai ia kakou.

Aloha kuu lei o ua aina nei, aia ka wai I ka maka o ka opua.

Aloha oukuo apau.

Ko oukou hoa iloko o ka ehaeha.

J. K. NAHALE

Kailua, N. Kona, Hawaii, June 5, 1899.

 

OLELO HOALOHALOHA

I ko makou hoa paahana pu: ia Jos. K. Nahale, Ssq., Mrs. N. Nahale, David K. Nahale, amen a pokii I hooneleia mai la I ka hanau mua pie:

Aloha oukou: Me ka puuwai kaumaha a luuluu, walohia wale ka naau, kapalili eha ka manawa, hiolo na kihene waimaka a ke aloha – em he aloha la. He waimaka halia keia e hanini nei, no ka lono hoeha puuwai’a hoolele hauli I pahola ae ma na lae makawalu o Kona.

“O Kona kaipua I kai lai,

Opua hinano ua malie.”

Aia hoi ua oluolu I ka Mea Mana Loa ka lawe palanehe ana’ku I ka hanu hope loa o Master Joe Hoolana Nahale, Jr., mai keia noho inea ana a I ka Home e maha mau loa ana, ma ka la 23 o May, 1899, ma ke kulanakauhale o Honolulu, Mokupuni o Oahu, o ko Hawaii Pae Aina. A no keia lono hookaumaha puuwai, nana I hoaleale ae a hakukio mai la na ao hakumakuma o Kulanihakoi, aia hoi he kuaua ui o ka uwe kanikau ana am eke kumakenu no Master Joe Hoolana Nahale, Jr., I pulelo kololani aku ia me ka palaenhe ole aia joi, ua kuu ka luhi a ua hoomaha oia me kona Haku aloha.

Nolaila, o makou o na haumana o ke Kula Sabati Makua o Kailua, a ma o ko makou komite ia. Hooholoia:

1 – o makou o na haumana o ke Kula Sabati Makua o Kailua, ke hui a ke komo pu aku nei makou a pau me oe e Joseph K. Nahale, Esq., Mrs. N. Nahale, David K. Nahale, amen a Pokii I hooneleia mai la I ka hanau mua ole, e uwe, e kanikau, a e palauma pu aku hoi me oukoi me ka waimaka no master Joe Hooiana Nahale, Jr., he pua hoonani no ko oukou home aloha, I pili pu ia me oukou ame ia. Aia hoi, ua mae, ua hala aku la ma o me kona Haku aloha, a.

No ka mea hoi, o ka mea I hala aku la ma o, a o kakou pu hoi me ka poe e u pu aku ana nona ma keia ao, he mau hoa kuilima pu noia no ke Kula Sabati Makua o Kailua, a o Master Joe Hoolana Nahale, Jr., oia puali nani. Minamina waie na hoa uhaiaholo pu o ka pono a Thomas kakina I lu iho ai I “Kalai malino a Ehu.”

2 – Ke kono pu aku nei makou apau me ka naau pepe a hui pu aku me onkou I ka ohana I hookaumahala a waiho aku I na alana ana imua o ka Mea Mana Loa, nana e lawe ae I na kaumaha amen a luuluu apau mai ia kakou ae, a e haawi I ka naau mama, ka oluolu am eke aloha, elike me kana I kahea aloha mai ai. “E heie mai oukou io’u neui e ka poe luhi ame ka poe kaumaha, a Na’u oukou e hoomaha aku.” A maluna ae hoi hoi o na mea apau, o ka makou noi keia: E mau ke aloha o ko kakouHaku me oukou apau.

Naloha wale,

W. M. KALAIWAA

J. H. M. KEKAHUNA

ABE J. KAUHAIHAO

DAVID ALAWA,

P. K. KAANAANA

WILL KIA

MRS. E. L. ALAWA

MRS. JULIA PELEKANE

MISS M. A. KAIAWE

MRS. E. K. KAHUA

MISS K. KIA

Na komite

Kailua N. Kona, Hawaiim May 31, 1899

 

HOALOHALOHA A KA PUALI MAKAI O KONA AKAU IA JOSEPH HOOLANA NAHALE, JR.

Ia Mr. ame Mrs. J. K. Nahale:

E oluolu mai ka Pana ana a ko olua mau puuwai I keia mau wahi lalani pokole malalo nei penei:

Mamuli o ka lokomakai o ke Akua ka Makua Mana Loa I ka lawe ana aku I kana o ka uhane, mai ke kino aku o ka olua lei aloha Jos. H. Nahale, Jr., ma Honolulu, ma ka la 23 o May. M. H. 1899, nolaila, ua kau iho maluna o ko olua mau hokua a komo loa iloko o ko olua mau puuwai, me ka olua mau Lei I koe, na kupuna, me na ohana, na haawe kaumaha, luuluu, ehaeha me ka walohia pu.

Nolaila, o makou o kau mau keiki ma ka Oihana Makai, o ka apana o Kona Akau, Hawaii, ma keia, ke noino aku nei makou ia olua me na naau haahaa e ae mai ia makou e komo pu me olua na keiki, na kupuna, me na ohana pu, me ko makou mau manao ku i-o, e auamo pu I na kaumaha I kau iho maluna o olua me ke kaniuhu ole.

O ka makou leo pule ke waiho nei imua o ke Akua, nana e haawi mai I na manao mama ia olua, na keiki, na kupuna, me na ohana pu.

E hooiana I ka manao e hui hou ana no kakou ma-o e na manao hauoli he nui.

O makou no me ka haahaa, kau mau keiki ma ka Oihana Maika o Kona Akau, Hawaii.

ALEX, LINDSAY, JR., Kapena,

J. N.. KOOMOA. Lunapaahao,

SAMUEL KAAUIA, Makai N. Kona

THOMAS SILVA, Makai N. Kona

J. G. LINCOLN, Makai N. Kona

D. M. KILIHANE, Makai N. Kona

(Aole I pau.)

 

KA HUI MAHIKO O WAHIAWA.

Ke lauhala loa mai nei ka wawaia ana no ke kukulu ia ana aku ona mahiko hou ma na kaiaulu o Waialua ae nei, a e kapaia ana paha ia o ka Hai Mahiko o Wahaiawa. Ua oleloia o Keoni Emeluka, Keoni Holo ame kekahi poe, e ae na poe e kakoo aku ana I ka holomua o keia hui hou.

 

KA AHAHUI O KA UHANE HEMOLELE

Eia maloko o na hoahanau Portugala o ka Ekalesia Katolika Roma o Honolulu nei, he Ahahui I kapaia ka Ahahui o ka Uhane Hemolele, a ma ia Sabati aku nei I hala I noho ai ka lakou halawai mau. O na iuna nui keia Hui o S. M.Gomes, ka Peresidena; J. de S. Ramos, ke Kakauolulo; Mon. R. Vierra, ka Puuku; M. A. Gonsaives, L. F. Meneses, J. de Silva, Luna Hooko.