Ka Nupepa Kuokoa, Volume XXXVIII, Number 21, 26 May 1899 — HOOPIIIA O KEOKI PUKUNIAHI NO KA HEWA APOKAKA. [ARTICLE]

HOOPIIIA O KEOKI PUKUNIAHI NO KA HEWA APOKAKA.

KULANAKAUHALE O LOKO PAAKAI, Utah. Mei 14.—Ua hookumu ae nei o Nathan Tanner. Jr., kekahi ka maaina o Ogden he mau kumu hoopii ia Keoki Pukuniahi (George Q. Cannon) kekahi hoa o ka Papa Peresidena Mua o ka Ekalesia Moramona no ka hewa Apokaka, oia hoi ka hewa alakai hewa ma na mea pili i ka manaoio. Ua waihoia aku keia mau kumu hoopii e Mr. Tanner imua o ka Aha Kiekie nta ke Kulanakauhale o Loko Paakai. eia nae. ua hoole ke kakauolelo o ua Aha Kuka Kiekie nei o ka Ekaleala i ka lawe ana aku i ua palapala hoopii la. malalo o ke a'o ana a Perresidena Angus M. Cannon. he hioahanau no Keoki Pukuniahi. O ke kumu I hooleia ai ka laweia ana aku o keia palapala, aole o Mr. Tanner he hoahanau pono iloko o ka Ekalesia, a nolaila, aohe ona kuleana iloko o ka Ekalesia. Ua manaoia e na poe he nui. ua ala mai keia mamuli o ka hookikinaia ana e kekahi poe Demokarata e noho kue nei me ka poe Repubalika e alakaiia ana e Mr. Cannan.