Ka Nupepa Kuokoa, Volume XXXVIII, Number 20, 19 May 1899 — E MAKAAMA NO KO OUKOU MAU PONO KIVILA. [ARTICLE]

E MAKAAMA NO KO OUKOU MAU PONO KIVILA.

Aohe a makou ieo paipai maikai e ae e waiho aku ai ianua o ko maiou poe heluhelu, a i ole ia, imua nohoi o ka lahui Hawaii holookoa mai Hawaii a Kauai, o ka leo paipai wale no ia e

hoike aku ana, o ka wa pono keia e hele ae ai kakou apau no ka iioohiki ana imua o na Papa Nana Kakauinoa Koho Balota e noho nei ma na wahi lehulehu o ko kakou mau mokupuni nei. Ina makemake kakou e loaa ia kakou ka ikaika ma ka pahu balota i mea e hiki ai ia kakou ke kaana pu ma na hana pili kaukanawai o ko kakou nei aina ponoi iho nei, alaila, aol-e loaa ia pono ia kakou mamuli o ko kakou lawe ole ana i ka hoohiki i hoike maopopo ia mai maloko o ke Kumukanawai. He mea pono ia kakou ke kapae ae i ko kakou mau manao kuhihewa apau o ka wa i hala, a e apo kakou i na hana o ke kulana aupuni hou a kakou e noho nei i keia wa, me ke kali hou ole ana aku, aia a hoihoi hou ia mai ke Aupuni i hoohaule mau loa ia kona ku ana mailuna aku o ka umauma o Hawaii. Elike me na olelo a'o a makou i hoonaauao mau aku ai imua o ka lanui i na wa i hala ae nei, a pela no<hoi i keia wa, a i kakooia *mai hoi e ka hoaloha Nupepa Ka Makaainana, oia no ka makou e hoike aku nei imua o ka lehulehu apau, mai Hawaii a Kauai he mea pono ia kakou ke komo pu mai iloko o ka poai o ka nohona Aupuni hou. O ka loaa ana ia kakou o ka pono koho balota i keia wa, oia ka anea e hookaulua ole ia ai ko kakou kuleana hoohana koke aku ia pono ma keia mau wa kokoke e hoea mai nei, ka wa pono hoi a kakou e kaana pu ai ma na hana hoomaka mua o ko kakou nei aina. Aka, ina kakou e hoohemahema ana i keia pono' alaila, e kaa holookoa ana keia pono «maloko o na lima o ka poe >mai na aina e mai, a iia like no ia me ko kakou pepehi maoli ana iho ia kakou iho, a umi maoli hoi kakou i ka kakou poe keiki ame na pua a kakou ! ma keia hope aku. I