Ka Nupepa Kuokoa, Volume XXXVIII, Number 20, 19 May 1899 — NA HANA HOOHOIHOI I NA OPIO. [ARTICLE]

NA HANA HOOHOIHOI I NA OPIO.

Aohe palia he mea nui e ae a kakou e noonoo ai i keia wa elike me ko kakou nonoo ana no na mea e pili ana i a Opio o kakou nei. Ke ike nei kakou apau me ka ehaeha launa ole mai o ko kakou naau i ka nui launa ole mai o keia poe Opio e launa ole mai ana me na hana ku i ka pono a me ka maikai. Ua lilo na anaina haipule i keia poe me he mea la o ka hapa nui loa paha oia poe, 'i m€a heowahawaha loa ia e lakou. 0 na hana lealea ame na hana e alaliai aku ana ia lakou ma na hopena maikai ole o ka noho ana ku o keia mua aku, oia na hana makemake loa ia e keia poe. E ike mau ana makou i na kamalii he nui e paani kinipopo ana makai iho o ka Hale Aupuni ma na auina la Sabati apau, a me he la, aole o lakou mau hakua na lakou e ao pono mai ia lakou he oi aku ka pono no lakou e noho ma na hale e imi a e huii buke ai n.o ka hoamakaukau ana ia lakou i-ho no ke kula ma ka Poaka.hi ae, a i ole ia, e hana no hoi lakou i kekahi mau hana e loaa ai ia lakou he mau mea e waiwai ai lakou ma keia hope' aku. No keia mea, ua manao makou e paipai aku i na poe aloha a makee io maoli i na Opio Hawaii e hooikaika loa lakou ma ke komo kino ana. iloko 0 na kauhale e ninau ai i na makua ame na kahu malama o na keiki o keia ano, ina paha he mea hiki ia lakou ke hoouna -i "keia ano kamalii iloko o na Kula. Sabati ma na la Sabati, a i ole, e hoouna ia lakou ma na wahi e hiki ai ke loaa ia iakou na hoonaauao ia ana ma na 'la Sabati. He mea oiaio, aole o makou kuleana e haawi aku i na olelo ao- o keia ano imua o na. makua keiki ame na kahu •hanai o na keiki elike ae la me ka makou e hoi'ke ae la, aka, ua hoolilo makou i na mea a makou i hoike ae la i kumu a hoike hoi i ka mea 1 makemake ia e makou, no ka hana j pono a kakon e hana ai ,rae na Opio o kakou iho nei. He kumuhana "kupono loa keia i pono e noonooia e kakou. Aole pono ia kakou ke ku nanamaka wale aku i na hana maikai ole a nei mau Opio e hookumu e nei i keia wa. Aka, he uhane naauao no nae ko kela ame keia mea i hiki 'ke noonoo i ka mea pono nona iho. 0 ka mea e hoolohe mai ana i ke ao ia aku, oia kai loaa ia leakou; a o ka mea nohoi ē loaa ole ana ia kakpu ma ke ao ana aku, oia iho la no ko kakou poino. A he mea minamina no nae ia no kakou apau. L ;