Ka Nupepa Kuokoa, Volume XXXVIII, Number 20, 19 Mei 1899 — NA LETA. [ARTICLE]

NA LETA.

HE KANAENAE ALOHA A HALA I ! NA AINA E. ! E ka Nupepa Kuokoa: Aloha oe.—E hai i ko'u aloha i iou mau haku, ka lunahooponopono, na keiki ulele hua metara o ka halepai, na luna lawe pepa, ame ka poe a pau e heluhelu ana i kou mau kolamu. Me ke aloha au e hoike aku nei ia oe. e pau ana ko kaua haihai olelo ana ma ko Hawaii Pae Aina, a e puili aloha ana kaua ma keia mua aku ma ka aina o Amerika, e loaa no au ia oe ma ka aina o losepa, Skull Valley, Tooel Count, Utah, U. S. A. E Mr. Kuokoa, ke nei au nou no ko ke Akua koho ana ia oe i kaula i keia mau la hope, elike me Noa i kona mau la, a na kupuna o kakou i hoolohe ole ai, a lana ana ka auwae i kahi uuku. Pela no hoi oe i wanana mai ai no ka hoohui aina, ike kiimuhana a ka lahui i kue mai ai ia oe ame ka poe naauao maoli o ka aina e kakoo ana ia kumuhana au i huai ae ai ma ke akea. E Mr. Kuokoa, ua pau kau hana, ua kau ke poo i ka uluna, ua kulou mai ka la, ka mahina ame na hoku he umikumamalua, koe ka poe hookananuha wale iho no, no ka hilahila i kana kalai aina mua. E >Mr. Kuokoa, e hiki mai ana ka manawa e pu-ai nawele ai ia manao iloko o lakou, a hiki aku kakou i ka lokahi ana o ka manao, me ka puana like ana, o Amerika ko kakou makua. E oluolu tio hoi oe,e oo aku i ka lahui no na aina leialii, e hookuu aku ia kumuhana ea ka Moiwahine e leoi, mai kakoo aku ka lahui o haule pu i ka lua elike me ka makapo i ka makapo. E ao iho i ko kaua lahui e hoohiki i ioaa ka mana ame ka ikaika iioko o ka pahu barota i hookoia ka makemake o ka lahui. Aole no nae he malkemake o ka Repubalika o Hawaii e pau ka lahui i ka hoohiki o hookui pu ia lakou a pili i ka paia ma ka la koho. E ho-ai-ai aku no nae oe, a i hoole mai, haawi aku i ka mahalo ia lakou, a owau 'kekahi e' mahalo pu aku, no ke, aloha i ko lakou paa kumu ole. Owau iho no Me ke aloha nui/ . v M. NAKUAAU. Honolulu, May 16, 1899. (Aloha oe, e Moke Nakuaau, kekahi 0 na kanaka Hawaii i paio me ka ikaika no ka pano ame ka palekana o ke Aupuni Repubalika o Hawaii, a pela pu hoi me 'kona hoohuiia ana aku me ke Aupuni o AmerLka Huipuia. Aole poina ke Kuokoa i na hoaloha oiaio o ke Aupuni >Repubalika o Hawaii, a ke manaolana nei mo makou, aole no e poina ana na keiki Hawaii ili keokeo i hoōikaika nui e ku keia kulana aupuni hou ma Hawaii inei i na Hawaii maoli apau i hui a kakoo pu aku da laikou ma keia haaia 'hoomaemae aupuni, a kukulu aupuni hou. Ua paio oe e Moke Nakuaau me ka pahi kaua o ka "makakilk" kakau, a ua paio no oe ma ka paio waha ana.' 'Ua ike makou ia mea. 1 kou noho ana ma ika aina au i hele aku la, e hoomanao mau oe, e ku ana no ke Kuokoa ma ka aoao e holomua ai ke ku ana o ke aupuni maikai a holomua ma Hawaii nei, e kalahea ana no kona feo i na Hawaii apau e malama nui i ka pono o ke Akua i lanakila lakou maluna o ka nohona ilihune ame ka nele. E ...ka hoaloha, inai poina d mau wahi mea hou mai ka aina Mauna mai. Aloha i naJHawaii apau malaila. —L. H.)