Ka Nupepa Kuokoa, Volume XXXVIII, Number 20, 19 Mei 1899 — KE KAI HUAKAI A NA KULA SABATI. [ARTICLE]

KE KAI HUAKAI A NA KULA SABATI.

Ma kela auina la Poaono aku nei i malamaia ai, ke kai huakai hookahakaha a na Kula Sabati o Honolulu nei, elike me ka mea i lioike mua ia aku. He ku no i ka nani ame ka maikai na mea apau i hanaia e ua mau Kula la. Maikai na himeni, maikai na aahu, na hae, a pela pu hoi me na mea heohiwahiwa i laweia ae e 'kela ame keia Kula Sabati. Ma keia huakai, ua ikeia na Hawaii, na Haole, na Pukiki, na Pake ame na lapana. He ouli keia no ka Milenio. E huipu ana na lahui apau ke hiki mai ia wa, maiaio o ka hae hookahi o Karisto, a ka'i huakai like iakou ma ke au Mil«nio o ko ke ao nei noho ana. Oiai o ke ao nei apau e pioo ana ine na ka'i huakai o na hakoko kaua, eia o Hawaii nei ke ka'i huakai nei me na puali koa liilii o Karisto. E himeni ana, a e hoonani ana i ke Akua Ihiihi ma na Lani Kiekie loa. 'Elike no hoi me ka mea i hoike piua ia aku, ua kukuluia iho, ia kahi hoolulu o na Komite nana i hana na Kula Sabati oia ia, mamua pono iho o ka Hale Meie hou, oiai hoi kela ame keia Kuia Sabati i maaio ae ai mamua oia wahi me ka nani ame ka maikai. 0 kekahi la maka kanaka nui keia i ikeia ma Honolulu nei, Ua hele ua aianui e pili kokoke ana i na wahi i maalo mai ai na Kula Sabati a piha pono i na leanaka makaikai o na ano lahui apau.