Ka Nupepa Kuokoa, Volume XXXVIII, Number 20, 19 May 1899 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Hui Alahao me Aina o Oahu

HAI A MAHOPE AKU O IUNE 13, 1898

 

Manawa Holo

 

WAHI HOOLULU. Mai Honolulu aku.)                   Waiane, kaa huikau, na la apau koe ke Sabati.                       Waialua, kaa ohua, na la apau.            Waianae, kaa ohua, na la apau.                       Wili o Ewa, kaa ohua na la apua.

                        A.M.                A.M.                P.M                 P.M

Honolulu         7:10                 9:15                 3:10                 5:10

@anan@         8:07                 9:48                 3:43                 5:50                

Wili o Ewa      8:37                 10:08               4:08                 6:10

Waianae          9:27                 10:53               4:43                                        

Waialua                                   12:00               5:38

 

WAHI HOOLULU. Mai waho Honolulu.)                Wili o Ewa, kaa ohua, koe ke Sabati.             Waialua, kaa ohua, na la apau                    Waianae, kaa huikau, na la apau, koe ke Sabti.          Wailua, kaa ohua, na la apau               Wili o Ewa, kaa ohua, Sabati wale no

 

                        A.M.                A.M.                A.M.                P.M.                P.M.

Waialua                                   6:12                                         2:39    

Waianae                                  7:12                 10:09               3:55    

Wili o Ewa      5:50                 7:47                 10:59               4:32                 12:45

@a@ana         6:15                 8:07                 11:34               4:52                 1:10

Honolulu         6:50                 8:40                 12:15               5:26                 1:45

G. P. DENISON,

Luna    F. C. SMITH

Luna Kuai Palapala Holo

 

NU HOU HAWAII

 

            Ua hanauia mai ka wahine a Kauka Bona o Kohala Akau, ma ka la 10 o keia mahina, he keikikane.

 

            @ Honolulu iho nei o Keoni Kaimana o na Kona, a e hoi aku ana no oia no na aina nani nei ma ka mokuahi "Ma@alani."

 

            Ma ka Poakolu nei i hookolokoloia ai o Lilinoe imua o ka Aha Apana o Honolulu nei, no ka hewa lapaau hoomanamana, a ua hoopai ka Aha laia he $@00 me na koina.

 

            Ua hoeelo mai nohoi ka lauahea mai Kona kai opua mai ka lai e haalele @u ana o Mr. Sam Kaai ia Kona, Ha@a@, a e hoi hou ae ana ia i Hana no na holo balota ana.

 

            E hoola koke ia na me ka hikiwawe a Eczema, ke poo kepia, meeau ame na meneo o ka ili, o kela ame keia ano, mau Hamo a DOAN. Aia no na ma kahi ka mea pa-ipa-i laau. 50 keneta.

 

            Ma ka Poalua nei i laweia ae o Kaainoni Opio imua o ka Aha Apana o Honolulu nei no ka hewa puhi ahi.@a manaoia nana i puhi kolohe i kelau @@@e o Mr. Keoni Kolobana, mauka ae @@ o Manoa, i kahi wa i hala ae nei.

 

            Mamulio ka pilikia o ka mea nana e wahi nei na moolelo o ka Liona o ka @@@ ame Ka Malolo, nolaila, ua hoo@@@a ko makou poe heluhelu me ia @@ moolelo i keia pule. Aka, aole @ @akou e nele mau loa aku ana.

 

            Ma ka po Poaono aku nei i hopuia o Mr. Su Yong e Hope Ilamuku Chillingworth no ka hewa malama i ka @le banako kipa. O kona huli hoi @a mai nei no ia mai Kina mai. Ua @okuuia nae oia ma ka bela o %550.

 

            Enana ae i ka makou moolelo piha @ ka hoopilia ana o ka Loio Kuhina o @ Aupuni ma kekahi wahi o ko makou @epa o keia la. Aole e loaa keia ma na pepa Hawaii e ae o ke kulankau@@ nei.

 

            Mai ka ehukai mai o ka nalu o Uo, ahana, i loaa mai ai ia makou ka loaa he ekolu mau moho holo balota e @aonioni mai ana no keia kau koho balota ae, a he poe Loio wale no keia a @kolu. O Geo. Hons, D. H. Kahaule@ame S. M. Kaaukai.

 

            Ma ka Poaha o kela pule aku nei hoomaka ai ka wili o Oahu nei ma Ewa ae nei i ka wili ana i ke ko, a ua @@ keia ka holo pono o na hana ana a@ona mau mea paahana. Ma keia wili @@na ana, he 20 paha ka nui o na kaa @@ wiliia.

 

            Ma ka auina la o kela Poaono aku @@@na malama ae na haumana o ke Kula sabati o ka Ekalesia o Iesu Ka@@@o i hoonohonoho hou ia he papa @aina i loko pono i na mea ai o na @@he nui. Ua kaanaia na mea apau @@@a maikai.

           

            Ua loaa mai ia makou ka lono mai Maui mai, ua hoohui ae la o Keoni Lo@@@ na o Wailuku me S. Murata Kaaua o Honolulu nei, ma ka lawelawe @a ka oihana loio ma ia mokupuni. Ma ka laua keena ma Lahaina. Ma@a o ia olua.

 

            @@2 i Honolulu nei o Lolo Naahielua o Kona Hema, Hawaii, me kona ohna @ ua manao oia e hookuene pono AA AA maloko nei o ke kulanakauhale @@@@@lawe aku i ka oihana loio ame ka oihana ana-aina. Aia oia i keia wa maloko o ke keena loio o ka lunahooponopono o keia pena.

 

HE HOONAAUAO KUPONO

 

            Ke Hoolaha aku nei makou i keia manao mahope ae nei, a makou i lawe mai ai mailoko mai o ka nupepa "Hawaii Herald," (Poaha, Mei 11), no ka pomaikai o ko ke kulanakauhale nei poe ame ko na wahi e ae o keia Pae Aina, no kekahi mau keehina hana kupono e malamaia ai ka maemae o na nohona home, i mea e kaupale ia aku ai ka ulu nui ana mai o na mai hoopilikia ola kino.

            Aloha oukou;-O ka makou haina no ka ninau i ninau mai ai ia makou ma kekahi palapala i kakauinoa ia hoi e ka lehulehu, ma ka la ekolu o keia mahina, a penei ka makou pane:

            Ma ko makou nana ana, komo kauhale ana, kuka ana, ua loaa iho la ia makou ke kumu nui o ka laha ana mai o keia ma ʻ i fiva maloko o ke kaona o Hilo nei, mailoko mai no ia o ka wai.

            Ke kono aku nei makou i ka lehulehu me ka ikaika, ame ke a ʻ o pu aku ia oukou e kupa ia ka wai a mo ʻ a, wai e inu ai, ame ka wai e hoomakaukau ai no ka mea ai. Aole no hoi he maikai o ka wai i mo ʻ a ke hoohuihui koke ia, mamuli o ka ho-o ana i hau iloko, no ka mea, mailoko mai no o ka wai ka hau, a i ka hoohui ana aole e make na holoholona liilii a naio paha o loko o ka wai. Ua hiki no ke hoomaalili ia ka wai i mo ʻ a ma ka ukuhi ana iloko o na omole, me ka paa no nae i ke pani ia, alaila, e waiho aku maloko o ka pahu hau, a i ole, ma kekahi wahi paha.

            He ninau nui keia, he hiki no anei ke loaa kekahi wahi maemae ia Hilo kaona nei? He hiki no ina e loaa kekahi mau kunu wai wauka aku o na aina e mahi ia mai nei, e pili ana me ke kuahiwi, e aho paha ia wai, aka he nui no na lilo e hoolilo ia ai no keia hana, a he loihi no hoi ka manawa e kali ai. A eia wale iho no ka mea nui ia kakou i keia mau la o ka hoomo ʻ a ana i ka wai, i make ai na naio a i palekana ai kakou.

            O kekahi mau kumu e ae nohoi oia no na luawai, na puu opala e waiho mokaki mai nei, ame kekahi mau wahi e lana mau nei o ka wai i hele a opilopilo, maloko nei o keia kaona. a nolaila, he mau helehelena ia e hoike mai ana ia kakou i ka maikai ole, a oia ka makou e hoikaika aku nei i ka lehulehu e hoopauia ia mau mea ino.

            Aole e hiki ia makou ke hana ke ole e loaa mai na kokua ana mai ia oukou mai, he mea no ia pono like ai ka lehulehu, a e pono no e hoomaemae kela ame keia mea i kona pa ponoi iho, a e hoike mai no hoi oukou ia makou i na poe e hookuli ana i keia mau a ʻ o ana.

            Hookahi no laau ikaika loa e hiki ai ke hoomake i na holoholona liilii apau loa oia ano, Sulpahte of Iron, kukae hao paha ma ka kakou olelo, hookahi poho lima piha o keia ano laau e hookomo ai iloko o hookahi pakeke piha i ka wai, alaila, e kopipi aku me keia wai laau ma na wahi ea inoino apau loa a oukou e manao iho ai mailaila mai e kupu mai ai kekahi mau ma ʻ i fiva. He 10 keneta wale no ke kumukuai o hookahi paona o keia ano laau, a e loaa no ma ka halekuai laau Hilo nei.

            Ua le ka aku nei makou i ka Papa Ola ma Honolulu, me ke noi pu ana aku ia lakou, e a ʻ o mai ia kakou i na mea e pono ai no keia ma ʻ i fiva ma ko kakou kaona nei.

W. L. MOORE, M. D..

Agena o ka Papa Ola.

R. .A LYMAN,

Agena o ka Papa Ola.

L. A. ANDREWS,

Agena o ka Papa Ola no ka Mokupuni o Hawaii.

CHAS. MERX,

Agena o ka Papa Ola.

R. B. WILLIAMS

Kauka Awa o Hilo.

 

HE HANA POWA MA IWIKEI AE NEI.

 

            Ma ka po Poaono o kela pule aku nei, oiai kekahi hapa-haole nona ka inoa o Edward Devauchelle e hoi mai loko aku nei o ke kulanakauhale no kona wahi noho ma Iwilei ae nei, me $180 ma ke gula ma kona poli, aia hoi, i kona hoea ana ma kekahi wahi o ua wahi apana hookalakupua nei, ua haua ia iho la ia i kekahi pauku laau a hina ilalo, me kona ike ole ana ae i ka mea nana i hana i keia hana. Ua laweia aku la mai iala aku kana mau dala apau e paa ana i kona poli.

            Ua olelo ae oia mahope aku nei o ke kua kona hahau ia ana aku me ka laau, a hina ai oia ilalo. Ua waiho maile oia ilalo me ka pouli pu o kona ike, a hala paha he hapaha hora okoa.

 

E ULU ANA ANEI KE KO MA KA MOKUPUNI O KAHOOLAWE.

 

            Ma ka loaa ana mai ia makou o na lono lauahea iloko o keia mau la pokole i aui ae la, no ka manaoia e hoolilo aku i ka Mokupuni o Kahoolawe i aina kanu ko, ua ulu mai la iloko o makou na noonoo hoohui ana no keia ano hana a ka poe kanu ko e hana mai nei.

            Ua ikeia aia maluna o keia wahi Mokupuni, he 40,000 eka kupono no ke kanu ana i ke ko. Wahi hoi a ka olelo ia, i  ka wa kahiko, he moku Puhi kela i piha loa i ka ululaau, aka, i keia wa, ua olohelohe ia a neoneo. Ua manao ia no nae, he wahi kupono ia no kanu ko. O kahi mokupuni keia i koe o Hawaii nei, a pau loa paha na mokupuni apau o Hawaii i ka haawe i ka lau o ke ko.

 

E102

G. DIETZ.

HE MEA HHANA WATI AKAMAI A PIHA NOEAU LOA.

Alanui Nuuanu, Helu 417.

            Aia ma ke Alanui Nuuanu, mauka iho o ka Halekuai Pipi "Central Meat Market."

 

NA LETA

 

HE KANAENAE ALOHA A HALA I NA AINA E.

 

E  ka Nupepa Kuokoa:

            Aloha oe.-E hai i ko ʻ u aloha i kou mau haku, ka lunahooponopono, na keiki ulele hua metara o ka halepai, na luna lawe pepa, ame ka poe a pau e heluhelu ana i kou mau kolamu.

            Me ke aloha au e hoike aku nei ia oe, e pau ko kaua haihai olelo ana ma ko Hawaii Pae Aina, a e puili aloha ana kaua ma keia mua aku ma ka aina o Amerika, e loaa no au ia oe ma ka aina o Iosepa, Skull Valley, tooel Count, Utah, U. S. A.

            E Mr. Kuoka, ke kaena nei au nou no ko ke Akua koho ana ia oe i kaula i keia mau la hope, elike me Noa i kona mau la, a na kupuna o kakou i hoolohe ole ai, a lana ana ka auwae i kahi uuku. Pela no hoi oe i wenana mai ai no ka hoohui aina, ke kumuhana a ka lahui i kue mai ai ia oe ame ka poe naauao maoli o ka aina e kakoo ana ia kumuhana au i huai ae ai ma ke akea.

            E Mr. Kuokoa, ua pau kau hana, ua kau ke poo i ka uluna, ua kulou mai ka la, ka mahina ame na hoku he umikumamalua, koe ka poe hookananuha wale iho no, no ka hilahila i kana kalai aina mua.

            E Mr. Kuokoa, e hiki mai ana ka manawa e pu-ai nawele ai ia manao iloko o lakou, a hiki aku kakou i ka lokahi ana o ka manao, me ka puana like ana, o Amerika ko kakou makua.

            E oluolu no hoi oe, e ao aku i ka lahui no na aina leialii, e hookuu aku ia kumuhana na ka Moiwahine e koi, mai kakoo aku ka lahui o haule pu i ka lua hookahi elike me ka makapo i ka makapo.

            E ao iho i ko kaua lahui e hoohiki i loaa ka mana ame ka ikaika iloko o ka pahu barota i hoojoia ka makemake o ka lahui. Aole no nae he make make o ka Repubalika o Hawaii e pau ka lahui i ka hoohiki o hookui pu ia lakou a pili i ka paia ma ka la koho. E ho-ai aku no nae oe, a i hoole mai, haawi aku i ka mahalo ia lakou, a owau kekahi e mahalo pu aku, no ke aloha i ko lakou paa kumu ole.

Owau iho no

Me ke aloha nui

M. NAJUAAU

Honolulu, May 16, 1899

 

            (Aloha oe, e Moke Nakuaau, kekahi o na kanaka Hawaii i paio me ka ikaika no ka pono ame ka palekana o ke Aupuni Repubalika o Hawaii, a pela pu hoi me kona hoohuiia ana aku me ke Aupuni o Amerika Huipuia. aole poina ke Kuoka i na hoaloha oiaio o ke Aupuni Repubalika o Hawaii, a ke manaolana nei no makou, aole no e poina ana na keiki Hawaii ili keokeo i hooikaika nui e ku keia kulana aupuni hou Hawaii nei i na Hawaii maoli apau i hui a kakoo pu aku ia lakou ma keia hana hoomaemae aupuni, a kukulu aupuni hou. Ua paio oe e Moke Nakuaau me ka pahi kaua o ka "makakila" kakau, a ua paio no oe ma ka paio waha ana. Ua ike makou ia mea. I kou noho ana ma ka aina au i hele aku la, e hoomanao mau oe, e ku ana no ke Kuokoa ma ka aoao e holomua ai ke ku ana o ke aupuni maikai a holomua ma Hawaii nei, e kalahea ana no kona leo i na Hawaii apau e malama nui i ka pono o ke Akua i lanakila lakou maluna o ka nohona ilihune ame ke nele. E ka hoaloha, mai poina i mau wahi mea hou mai ka aina Mauna mai. Aloha i na Hawaii apau malaila. -L. H.)

 

KA HOIKE AHAHUI OPIOPIO.

 

Kilauea, May , 1899.

            Malamaia ka Hoike Ahahui Opiopio Imipono KAristiano o Koolau, Kauai, ma ka Luakini o Kilauea, hora 11 a. m. Hoomakaia na hana, me ka hoomalu ana a ke komite hoeueu J. K. Apolo, e ka himeni aoao 149, Hoku Ao Nani, me ka ple a Rev. S. Kaula.

            Na hana mua, he hoolaha mai a Rev. S. Kaula no na mea pili Ekalesia, mai ka Peresidena mai o ka Ahahui Opiopio no na mea pili i ka Ahahui, ke Kahu Kula Sabati mai no na mea pili i na komite; mele hou aoao 191, Hoku Ao Nani; malamaia ka llu dala:

            Mai poina i ka nana ae i ke Kaa Hehihehi Wawae lua o ka paa, ka maikai ma ka holo ana, i ikeia ma na wahi kuai apau.

 

Kalivilana Cleveland. Honolulu Bicycle Company.

 

209 Alanui Hotele.      Telepona 909.

2753-1m

 

Anehola 2.65, Koolau $2.65, Kilauea $1.55, Makaikai $2.65; mele hou ia ka aoao 196, Hoku Ao Nani. MAhope o keia mele ua kahea ia ke kula o Kilauea e alakai ia ana e Mr. Makani, huina hauman 20, he opio me na pokii ko keia papa; manawa i hanaia e lakou 8 minute. Ke kula mai o Koolau e alakai ia ana e J. K. Kapolo, huina haumana 38, he makua me na opio ko keia papa; manawa i hana ia e lakou 17 minute. Himeni hui, aoao 89, Hoku Ao Nani. Ke kula mai o Anehola e alakai ia ana e P. Miggle, huina haumana 19, he makua me na opio ame na pokii ko keia papa; manawa i hanaia e lakou 15 minute. himeni hui, Himeni 348, G.H.

            Papa kula ma ka Haawina Baibala haole ame ka himeni haole no, o keia mau haumana mai loko mai o ka papa o Koolau, eha ko lakou nui, he mau opio a ua haawiia mai na ninau mai na makmaka haole mai i akoakoa ae ma ia la; ko lakou manawa he 6 minute. Pau nahana hoike kula o ka Ahahui, ua kahea ia ka Peresidena o ka Ahahui o Kapaa i mau olelo paipai, mahope o kana he mau makamaka hole mai, o D. Puhi mai, o K. W. Kini mai, ke Komite Kahu Ekalesia Rev. S. Kaula, ka Peresidena mai o ka Ahahui G. M. Huddy. Mahope o keia mau olelo paipai ua hoolaha mai ke komite hoeueu e malama hou ia an ka hoike o keia Ahahui ma ka Luakini o Koolau i ka la 6 o Augate, 1899.

            O ka huina nui o na haumana he 77, hui me na alakai ame na luna nui, na makaikai, ua loaa ka huina i akoakoa mai ikeia la he 112. Ma ke noi a D. Puhi e hookimoia ka moolelo o keia hoike ma ka Nupepa Kuokoa, ua hooholoia.

WILLIAM HUDDY,

Kakauolelo.

 

(E na koa e paio ana no ka Pono, mai kuihe a hopohopo. E kali aku i ko oukou mau hoa opio. E lilo oukou i poe hakolo pu me na ino o ko keia ao. Mai kali, aka, e aloha i na opio e hele auwana ana.-L. H.)

 

OHOHIA O HONOLULU

 

            Ke ike oe i kekahi mea maikai, e hai aku no oe,

            Aole ia he mea e emi iho ai kona maikai.

            Aka, he mea ia e pono ai o hai aku.

            Ina ua ola au mai, e hai aku no oe,

            Oiai he nui no ka popilikia e like me ia,

            E kali ana i ka mea e ola ai.

            He nui loa na kikala hanenenee ma Honolulu nei.

            He wahi piha hana loa keia, a he mea pono i na kanaka ke hana.

            He wahi piha hana loa keia. a he mea pono i na kanaka ke hana.

            He nui no hoi na popilikia no ia mea he mai no na puupaa.

            Ua hoomaopopo anei oukou, i ka nui o na kanaka maluna aku o na makahiki he 40 i loohia i keia mai?

            Mailoko ae nohoi o na poe he umi, ua loohia no he ehiku oia poe i ke anu e pilikia ai ko lakou mau puupaa.

            O na puupaa ke kumu o ka pilikia, aole o ke anu. E malama pono ia lakou apau.

            Ua hiki no ia oukou ke hana ia mea me ka maikai ame ka oluolu.

            Aole e ulu mai na hoopailua ana.

            Aia wale no na paahana a ka laau ma na puupaa.

            A o kela paahana ana nae, e hikiwawe ana ia ame ka mau loa.

            E hana ana na Huaale a Doan no ke Kikala Haneneenee ame na Puupaa me ka hololea loa.

            Ua piha o Honolulu nei i na leo mahalo no ua mau Huaale la.

            Ua kakau mai la o Mr. H. G. Crabbe (Papai). o Alanui Nuuanu, o loko o keia kulanakauhale, he kanaka kelepa a he kakauolelo oia mamua, a i keia wa nae, he Ohi Aie kana hana: "He 69 o ʻ u makahiki i keia wa, a ua loaa ka ʻ u mau keiki ame na moopuna. No elua makahiki i hala ae nei, ua loaa iho la au i kekahi eha oolea loa ma ke kua, He wa pokole i hala ae nei, ua kuai aku au i na Huaale a Doan no ke Kikala Hanenene me na Puupaa ma ka Halekuai Laau Lapaau o Hollister & Co., a ike iho la au i ko ʻ u oluolu ana mamuli o ka ai ana i ua mau Huaale la. E malama mau ana au i kekahi mau huaale i mea e pale aku ai i ka pii hou ana mai o ka mai, a i keia wa nae, aohe o ʻ u makau iki i ua mai kahiko la o ʻ u, oiai e lilo ana na Huaale a Doan no ke Kihala Haneenee ame na Puupaa i mau mea e paio aku ai i ka hoee hou ana mai a ka mai maluna o ʻ u."

            E kuai ia na e na poe kuai laau lapaau apau. He 50 Keneta no ke poho hookahi. He $2.50 no 6 poho. E hoounaia aku no maloko o ka Eke Leta e Hollister Drug Co., na Agena kua kukaa no ko Hawaii Pae Aina.

 

HE KOENA O KE KAUA.

 

            He nui na koa e ike nei i ka inea a ke kaua i hoomanawanuiia iho nei e lakou. Penei ka olelo a Mr. Geo. S. Anderson o Rossville, mahele aina o York, Penn., kekahi o na kanaka i ike i na owelawela a ke kaua, a i loaa hoi i ka rumatika" "Ua loohia au i kekahi eha ikaika loa i keia wa iho nei, a ua kuai aku au i omole o ka Laau Hamo a Kamalena. Ua ike au i ko ʻ u oluolu ana, nolaila, makemake au e hai mai oe ia ʻ u i ke kumukai no hookahi kakini omole." Ua makemake o Mr. Anderson i keia mau omole laau, nona iho a no ka haawi ana aku  kona poe hoaloha ame na makamaka, no kona manao ana, he mea pona ke loaa i kela mae keia ohana i hookahi omole, aole nae no ka ma ʻ i rumatika wale no, aka, no ke kikala hanene, ka maui, ka pehu, ka moku, na palapu ame ka wela ahi. He lua ole keia laau. Benson, Smith & Co., na Agena Kuai Kukaa no ko Hawaii Pae Aina.

 

OLA KA MA ʻ I HI.

 

            Ua ike au i kekahi kanaka i loaa i kekahi ma ʻ i hi kau loihi, mai ka wai mai no o ke kaua ana, a i hoao i na ano laau apau. MAhope nae, loaa iho la ia ʻ u hookahi laau, i lilo i laau ola, oia ka Laau Ola a Kamalena no ke Nahu, ke Kolera ame ka Hi.-H. E. Grisham, Gaars, Mills, La. E kuaila Kuai Kuakaa no Hawaii Pae Aina.

 

Kela ame Keia.

HOOLAHA I KA POE AIE

 

            Oiai, ua hookohu pono ia mai ka mea nona ka inoa malalo iho nei i Lunahooponopono Waiwai no ka Waiwai o Hana Keoki, o Honolulu, Oahu i make.

            Ke hoolahaia aku nei ma keia i ka poe apu e waiho mai i ka lakou mau koi i ka Waiwai o Hana Keoki i oleloia, i make, i hoolaio pono ia, ina paha ua hoopaaia ma ka moraki a ana e ae, i ka mea nona ka inoa malalo iho nei, ma Honolulu i oleloia, iloko o eono mahina mai keia la aku, a i ole, e hoole mau loa ia aku no lakou. A o ka poe apau i ua waiwai la, ma keia ke kauoha ia aku nei e hookaa koke mai i ka mea nona ka inoa malonei.

ROBERT PAKER WAIPA.

Lunahooponopono Waiwai o ka Waiwai o Hana Keoki.

            Hanaia Honolulu, Oahu, Maraki 10, M. H. 1899.      5174-6m

 

Hoolaha Hookp Mocaki

HOOLAHA HOOKO MORAKI A KA MEA PAA MORAKI.

 

            I kulike ai me ka olelo o kekahi palapala moraki i hanaia e Aiona o Hookena, Kona Hema, Hawaii, ko Hawaii Paeaina, ia H. Hackfeld & Co., Kaupalenaia, no ko Hawaii Pae Aina nohoi, e ikeia ana ma ia palapala ka la elima o Aperila, A.D. 1898, ma ke ano oia ka la i kakula ai, a i kopeia hoi maloko o ke Keena Kakau Kope Palapala, ma Honolulu, Oahu ko Hawaii Pae Aina, maloko o ka Buke 187 ma na aoao 164 ame 165, ma keia ke hoolahaia aku nei ka mea paa moraki e hooko aku i ua moraki la no ka uhakiia ana o ke kumu aelike maloko o ua palapala ʻ ia oia hoi: ka uku ole ia ana o ke kumupaa ame ka ukupanee i hoopaaia maloko o ua moraki ia, ma ka wa e hookaaia ai. Ke hoolahaia aku nei ma keia, ma ka Poaha, la 18 o Mei, 1898, ma ka hora 12 awakea, ma ke awa pae o Hookena, Kona Hema, Hawaii, ko Hawaii Pae Aina, kela apana aina Huluhulu, maloko o laila, he 24-10 eka, ma Honokua, Kona Hema, Hawaii, ko Hawaii Pae Aina, pela pu hoi me kekahi hoolimalima o 10 eka aina kope e waiho la ma Waiea, Kona Hema, Hawaii, ko Hawaii Pae Aina, a i hoakakaia maloko o ua moraki la. E kuai ia aku nei i ka mea koha kiekie loa no ke dala kuike i mea e hookaaia ai ua moraki nei.

H. HACKFELD & CO., LTD.

2754-4tF

 

HOOLAHA HOOKO MORAKI.

 

            Mamuli o kekahi mana kuai i hoike ia maloko o kekahi palapal moraki i hana ia mawaena o Junius Kaaw ame Jessie Kaae, kana wahine, no Honolulu, Oahu, o ka aoao mua, ame Joseph B. Atherton o Honolulu i oleloia, o ka aoao elua, ma ka la 13 o Novemaba, 1896, i kakau kope ia ma ka buke 166, aoao 94 a 96, a mamuli o ka uhai ia ana o na kumu aelike o kela moraki, oia hoi no ka hookaa ole ia o ka uku-panee ma ka wa e hookaa ai, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.

            A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jos. F. Morgan, ma Honolulu, ma ka la 22 o Mei, 1899, hora 11 o ia la.

            Aia ma kahi o W. R. Kakela na olelo hoakaka no keia mea.

            Hanaia i keia la 25 o Aperila, 1899.

JOSEPH B. ATHERTON.

Mea Moraki Mai.

 

            Penei na aina i moraki ia:

            1. Palapala Sila Nui 5489, Kuleana 3111 ia D. Kapule ma Wailua, Kauai-Apana 2, 5 Eka, 29 pereka; aina riki. Apana 3, 4 Eka, 2 ruda, 9 pereka, he pa-hale. Apana 4, 3 Eka, 3 ruda, 15 pereka; he loko-i ʻ a.

            2. Palapala Sila Nui 6020, Kuleana 3561 ia Kaumualii ma Wailua, Kauai, he 17 Eka, 3 ruda, 28 pereka; aina raiki.

            3. Palapala Sila Nui 6021, Kuleana 3226 ia O. Onapin m Wailua, Kauai, 4 Eka. 2 ruda, 32 pereka; aina raiki.

            4. Palapala Sila Nui 6978, Kuleana 3909, i Nahinu ma Wailua, Kauai, Apana 1, 4 Eka, 11 pereka; aina raiki Apana 2, 16 pereka; he pa-hale.

            5. Palapala Sila Nui 6976, Kuleana 8247 ia Ehu, ma Puna, Kauai, 3 ruda; he aina laau hua.

            6. He kuleana hapalua ma kekahi apana pa-hale ma Lahaina. Maui, iloko o ka Palapala Sila 1175, Kuleana 6499, ia Nakaelua, ma Kainehe, 1 Eka, 3 ruda.                      2752-4t

 

Hoolaha Mana Hookolokolo.

ILOKO O KA AHA KAAPUNI, APANA HOOKOLOKOLO EKAHI O KO HAWAII PAE AINA.

Ma ka hana o ka waiwai o Frncis Specer, o Waimea, Hawaii, i make.

            Ma ka heluhelu a me ka waihona ana mai o ka moowaiwai ame ka palapal hoopii a MRs. Martha N. Spencer, lunahooko o ka palapala kauoha hope loa a Francis Spencer, i make, e hoike ana he $536.75 na dala i loaa ma kona lima a he $3.906.48 ka nui o na hoolilo, a e nonoi ana ina e aponoia ia mau mea, a e hookuuia oia mai ka oihana lunahooko; nolaila

            Ua kauoha ia o ka Pokahi, la 19 oIune 1899, hora 10 kakahiaka, ma ka rumi hookolokolo o ua aha la, ma Aliiolani Hale, Honolulu, mokupuni o Oahu, oia kahi ame ka manawa e hoolohe la ʻ i o ia mau mea a me na keakea a ka poe kue ina he mau kue paha ka lakou, me ka hoike pu mai owai la kai kuleana i ua waiwai la.

            Na ka Aha:

HENRY SMITH.

Kakauolelo o ka Oihana Hookolokolo Kakauia Honolulu, May 15, 1899.

2755-3t

 

            ILOKO O KA AHA KAAPUNI APANA HOKOLOKOLO EKAHI O KO HAWAII PAE AINA-MA KA HOOPONOPONO WAIWAI.

            Ma ka  hana o ka Waiwai o kaeha (k) o Waianae, Oahu. i make kauoha ole.

            No ka mea, ua waihoia mai e Kaneakama (w), ka wahinekanemake, he palapla noi no ka Hookohu Lunahooponopono Waiwai no ka waiwai i oleloia, a e hoopuka aku ia palapala iaia, nolaila, ma keia ke hoolahaia aku nei i na poe apau i kuleana ma ua waiwai la, o ka Poalima, Iune 16, 1899, ma Aliiolani Hale, Honolulu, Oahu, hora 10 o ke kakahiaka, oia kahi ame ka manawa e hele mai ai lakou, a e hoike mai i na kumu, ina he mau kimu ka lakou, e ae ole ia ai ke noi.

Honolulu, Mei 17, 1899

Na ka Aha:

GEORGE LUCAS.

2755-3t            Kakauolelo

 

AHA KAAPUNI, MAHELE KAAPUNI EKAHI O KO HAWAII PAE AINA.

 

Martha Dunleavy vs. Frank Jay Dunleavy

(Hoailona Pai.)

Ka Repubalika o Hawaii:

            I ka Ilamuku o ko Hawaii Pae Aina, a i Kona Hope, Aloha:

            Ua kauohaia aku oe e kena aku ia Frank Jay Dunleavy, mea i hoopiiia, ina oia e waiho mai i Pane i kakauia iloko o Iwakalua la, mahope aku o ka la i hookoia ai keai palapala maluna ona, no kona hoea ana mai imua o ka Aha Kaapuni i oleloia ae nei, ma ke Kau o Mei, e noho ana ma Honolulu, Mokupuni, o Oahu, ma ka hora umi a.m., e hoike mai i kumu, nokeaha ia e ae ole ia ai ke koi a Martha Dunleavy, Mea Hoopii, elike me ka mano nui o kana Palapala Noi i hoopili pu a me keia.

            Alaila,e hoihoi mai oe i keia Palapala me kau hoike piha no ke ano o kau hana ma ia palapala

            I ka Hon. A. Perry, Lunakanawai Mua o ka aha Kaapuni, ma Honolulu, Oahu, i keia la 22 o Maraki, 1899.

(Sila)    GEORGE LUCAS,

Kakauolelo.

            Ke hooia nei au o keia palapala maluna ae, he kope oiaio ia o ka Palapala Kena Kumu ma ka hihia i oleloia, a ua kauoha ka Aha Hookolokolo i oleloia ae la e hoolahaia ia mea, a ua hoopaneeia aku ua hihia la a ke Kau o Augate ae nei, 1899, o keia Aha.

J. A. THOMPSON

Kakauolelo.

            Hanaia Honolulu, Haw ʻ n Is., Mei 8, 1899.

2754-6t.

 

ILOKO O KA AHA KAAPUNI APANA HOOKOLOKOLO EKAHI O KO HAWAII PAE AINA.-MA KA HOOPONOPONO WAIWAI.

Ma ka hana o ka waiwai o MOLLY H. Kapu (w), o Honolulu, Oahu i make kauoha ole.

            No ka mea, ua waiho mai o Hiei J. Kapu, ke kanewahinemake, he palapala noi no ka Hookohu Lunahooponopono Waiwai no ka waiwai i oleloia, a e hoopukaia aku ia palapala iaia, nolaila, ma keia, ke hoolahaia aku nei i na poe apau i kuleana ma ua waiwai la o ka Poalima Iune 9, 1899, ma Aliiokalani Hale, Honolulu, hora 10 o ke kakahiaka, oia kahi ame ka manawa e hele mai ai lakou, a e hoike mai i na kumu ina he mau kumu ka lakou e ae ole ia ai ke noi.

Na ka Aha:

P. D. KELLET. JR.,

2754-3t            Kakauolelo.

 

ILOKO O KA AHA KAAPUNI APANA HOOKOLOKOLO O KO HAWAII PAE AINA-MA KA HOOPONOPONO WAIWAI.

Ma ka Hana o ka Waiwai o C. P. Kanakanui (k), o Honolulu, Oahu, i make kauoha ole.

            No ka mea, ua waihoia mai e J. Alfred Magoon, ka mea aie, he palapala noi no ka Hookohu Lunahooponopono Waiwai no ka waiwai i oleloia, a e hoopukaia aku ia palapala iaia, nolaila, ma keia, ke hoolahaia aku nei i na poe apau i kuleana ma ua waiwai la, o ka Poalima, Iune 2, 1899, ma Aliiolani Hale, Honolulu, hora 10 o ke kakahiaka, oia kahi ame ka manawa e hele mai ai lakou, a e hoike mai na kumu ina he kumu ka lakou e ae ole ia ai ke noi.

            Honolulu, Mei 2,1899.

            Na ka Aha:

GERGE LUCAS

2753-3t           Kakauolelo.