Ka Nupepa Kuokoa, Volume XXXVIII, Number 20, 19 May 1899 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXXVIII.  HELU 20

HONOLULU POALIMA, MEI 19, 1899.

NA HELU APAU 2755

 

@oolaha @umau

W. C. Aohi.                 Enoch Johnson.

ACHI & JOHNSON,

LOIO!             LOIO!             LOIO!

Ka na Hana, Helu 10 aoao Komohana Alanui Moi.

 

W. R. KAKELA

Oio a he Kokua ma ke Kanawai

HE LUNA HOOIAIO PALAAPLA.

2370

 

LYLE A. DICKEY

Loio a he Kokua ma ke Kanawai.

Notari no ka Lehulehu

     E hookoia na hana pili kanawai apau mai na Mokupuni mai.  Kihi o Alanui Betela me Moi.  Pahu Leta 786.  Telepona 806.

 

Papa!   Papa!

Aia ma kahi o

LEWERS & COOKE

(Lui Ma.)

Ma ke Kahua Hema o na Alanui Papu me Moi.

 

E LOAA NO NA

Papa Nouaiki

O keia a me keia ano

Na Pani Puka

Na Puka Aniani

Na Olepelepe

Na Pou

                                    Na O’a

                                    Na Papa Hele

                                    Na Papa Ku

                                    Na Papa Moe

 

Na Pili Hale O na Ano apau.

A me na

Wai Hoohinuhinu Nani

O Na Ane Apau

Na Palaki o na Ano he Nei Wale

     Ke haiia aku nei oukou e na makamaka a pau, ua makaukau keia mau makamaka o oukou e hoolawa aku ma na @@@ a pau e pili ana ma ka laua Oihana @@ ka.

@ku Haahaa Loa

I like me ka mea a holo ana maw@@@@ a L@@@ a me ka Mea Kuai.

E @@@ Mai o Wao @@ Oukou Ihe

 

KUNU KALEA

     @@ wahi keikikane uuku ka’u I ameane e make no ke kunu kalea.  Hai mai la kuu poe makamaka ia’u no ka Laau Kunu a Kamalena.  Aole o’u manaoio iki e loaa ana kahi laau e pono @@ ia, aka, mahope iho o ko’u hooiainu ana he mau puna o kela laau, ike iho la au i kona maikai ana ae.  Hookahi no omole laau, o kaon ola loa no ia.  O ka laau kunu maikai loa keia maloko o ko’u hale.  J. L. Moore, South Borgettstown, Pa.  E kuaiia ana e Benson, Smith & Co., na Agena Kuai Kukaa no ko Hawaii Pae Aina.

 

VICTORIA IN HE PORTABLE CHAIR

     The illustration shows Queen Victoria in her traveling chair being carried from the steamer by her attendants.  This is at Boulogne, where the royal party changes from steamer to railway train when making the annual trip to the Riviera.  This chair accompanies the queen on all her journeys of any length.

 

     O ke kii maluna ae nei, oia ke kii e hoike ana i ke ano o ke kaikaiia ana o ka Moiwahine Vitoria e kona poe lawelawe maluna o kekahi noho maluna mai o ka moku a kau i kuia.  O ka noho kaahele keia o ka Moiwahine iaia i hele aku nei ma Europa.

 

Ke Aloha o kuu Makuahine

KE ALOHA O KA’U MEA I ALOHA AI.

Ka Mana o ke Aloha.

He Moolelo Walohia

MOKUNA XVII

     “Aka, o ka ninau a kaua e noonoo ai, oia ka mea e pili ana i ka paiapaia kauoha a ke kane,” wahi a ke kauna i pane aku ai me ka leo malie imua o ka loio.

     “Aka, e kuu makamaka,” wahi a ka loio i pane mai ai, “he elua keia mau palapala kauoha a’u e paa nei i keia wa.  O ka ke kane ame ka ka wahine.  O ka palapala kauoha a ka wahine, ke hooili nei ia i kona waiwai apau maluna o ke Kauna-wahine Berene, oia hoi o Mademoasela Mareceli.  E nana mai oe i ka mea kupanaha loa.  O keia palapala kauoha i hanaia ai no ke Kauna-wahine Berene, aia ia i ka la 12 o Ianuari, 1877; a o ka palapala hoike make hoi au i hoike mai nei ia’u, aia ia i ka la 9 o Dekemaba, 1875.  Ke hoomaopopo mai la anei oe?”

     “Ke ike aku la ua oia hoi, ua lilo kena palapala kauoha i mea ole,” wahi a ke Kauna.

     “Aohe i like ko’u manao me kou.”

     “Pehea hoi?”

     “Aole anei hiki ia oe ka noonoo no keia la 12 o Ianuari, 1877, aneane 34 la mahope mai o ka la 9 o Dekemaba, 1875?”

     “Aohe maopopo ia’u o kau mea e olele mai nei.”

     “E hai aku au ia oe i ko’u ike ma keia mea, oia hoi, he mea oiaio mamuli o ka hanaia ana a kakauinoaia ana o keia palapala kauoha ma ka la 12 o Ianuari, 1877, mahope mai o ka wa i hoikeia ai ua make ke Kauna-wahine Berene, eia no ua Kauna-wahine Berene nei ke ola nei i keia wa.”

     “Aole pela ko’u noonoo.  O ko’u manao maoli, mamuli o ko Madame Hardy hana ana i keia palapala kauoha ma keia la 12 o Ianuari, 1877, ua pupule maoli ia oia.”

     “Aole pela.  Ua ike pono no au ia Madame Hardy ma ka la ana i kakauinoa ai i keia palapala.  He noonoo maikai loa kona ma ia wa, a pela no hoi ka loio nana i hana i keia palapala.”

     “He keu keia a ka hana ku i ka naaupo loa!” wahi a ke Kauna i hooho ae ai me ka piha huhu.

     “He keu keia o ka mea pahaohao nui wale, a ma keia olelo ana, he kea keia a ka mea pohihihi.”

     Me ka leo ano piena, pane aku la ke Kauna:

     “Nau wale no keia e hoopohihi nei, aole oia ka mea oiaio.”

     “Mai poina oe, e ke Kauna, i ka hoomaopopo ana iho, he wahi lunahookowale iho no au no keia palapala kouoha.”

     “Alaila, e hoole loa mai ana oe i ko’u kuleana o ke komo ana ‘ku iloko o ka waiwai?”

     “Ma ko’u aoao nei ke hoole loa aku nei au ia oe, aole hiki ia oe ke komo iloko o ka waiwai a paa hoi ia mea.  Aka, ua hiki nae i ke Kauna-wahine Berene, oia hoi o de Maraceli ke haawi mai ia kuleana ia oe.”

     “Alaila, wahi a ke Kauna i pane aku ai me ka piena launa ole imua o kahi loio, “e hiki mai ana ka la e uku mai ai oe ia’u no keia mau hana hoohoka au ia ‘u.”

     “Ua hiki ia oe ke hoopii aku ia’u imua o na Aha Kanawai, aka, aole nae ia he mea no’u e maka’u ai.”

     I nei wa i ku ae ai ua Kauna nei iluna, ame na onohi maka i hele a piha i ka huhu ame ka inaina, ame ka leo haalulu ano e nane aku la ia:

     “E, i hookahi a’u huaolelo i koe imua ou, mamua o ko kaua kaawale ana.  E ae mai anei oe, e hai mai ia’u i ke kumu nui o kou makemake ana e hoopohihi mai ia’u elike iho le me keia au e hana mai nei?”

     “Ua hoike aku nei au ia oe i na mea apau.  Aneane hookahi hora okoa a kaua i kamailio iho la, a iloko oia wa okoa, ua hai aku au imua ou i ke kumu o keia mea pohihihi.  Ma ka la 9 o Dekemaba, 1876, make ke Kauna-wahi-ne, aka, ma ka la 12 o Ianuari, 1877, e ola ana no ia.  O ka’u wale no e hai aku nei ia oe, he mea pono ke loaa ia oe kekahi palapala hookohu mai ke Kauna-wahine de Berene mai.”

     “Ea, i ehia la o’u manawa e hooia aku ai imua ou, ma ke ano, ua make ke Kauna-wahine, a, aole hoi oia i ola hou mai, mai ka make mai.  Ua lohe no anei oe, ua ola hou mai kekahi kino kanaka i hahaoia iloko o ka pahu kupapau, a i ho-o ia aku iloko o ka pahu kupapau?  Ua hoike mai nei au ia oe i ka palapala hooia aupuni no kona make ana.”

     “He palapala hooia aupuni io kau no ka make ana o ke Kaunawahine, wahi au i manao ai, ua make oia a ua pale ka wa pono no kona ola hou ana mai, a koe wale no ke ola ana mai ma ka la mahope.  He palapala hooia aupuni nonoi ka’u i hoike ake nei ia oe, eia no ke Kaunawahine Berene ke ola nei i keia wa.  Aole i lawa kena palapala hooia make no ka hooiaio ana mai, aole ke Kaunawahine ke ola nei i keia wa.”

     “Aole anei keia o ka lua ole o ua hana lapuwale loa o ka hupo i hanaia ma kekahi waiwai nui elike me keia?”

     “E kuu makamaka, ke kaia aku nei au no ka nui o kou pioloke i keia wa.  Ke hoike mai nei kou ano apau i kou piha ana i ka hehene huhu koikoi loa, aka, he mea ole nae ia ia’u, aka, ua hoopahaohao loa ia nae au i ka ike ana ame ka hoomaopopo ana hoi i kekahi kanaka nona ke kulana kiekie elike me kou, e komohia aku kona noonoo ma ke kulana hoohui no kekahi hana i lawelaweia e a’u, ma ke ano he hana ia i kanaia e a’u iloko o ka hupo ame ka hemahema.  Nolaila, e ke Kauna, ke hai aku nei au ia oe i ka mea ciaia:  Ua hianoe ke Kaunawahine Berene, a ua ala mai oia mailoko mai oia hiamoe ana, a eia no oia ke oia nei i keia wa.”

     “Pehea!  Me ka hooia maopopo loa no a’u i hoike aku nei imua on, a hoopaakiki mai na nae oe ia’u eia no ke oia nei ke Kaunawahine?”

     “Ua hai aku nei au ia oe, aohe i lawa kena mea hoike no ka hoole ana, aole ke Kaunawahine ke oia nei i keia la; aole no hoi ia he mea hoike lawa pono e hoole ai, aole ia e ola ana ma ka la 12 o Ianuari, 1877, ma ka wa i hanaia ai keia palapala kauoha.”

     I keia wa i kahuli ano e loa ae ai ka hiohiona o ua Kauna la, a nana pono aku la ia maluna o ka loio.  Ua haikea pu ae la kona helehelena.  Ma kahi o ka puai ana o ka ula ma kona mau onohi maka, a me na kumu o kona niau pepeiao, aia hoi, he keokeo pu wale no ma ia mau wahi.  Kokolo puanuanu mai la ka maeele hopohopo iloko o kona houpo.  Me he mea la hoi, ua ike ae la ia, ua paa ae la kona poo i kekahi apo hao kaliki oolea loa, a puu hua ohia mai la kona man@onohi maka iwaho.  Me he mea la hoi ma kona hoomaopopo iho ia wa, e hamama mai ana ka honua mamua pono mai ona, e hiolo iho ana hoi na paia ame ke kaupoku o ka hale maluna ona.

     “He moeuhane uluahewa pohihihi loa keia!”  wahi ana i namunamu malie ae ai, aka, ua lohe mai la no nae kahi loio, a pane mai la oia:

     “Aole keia he moeuhane au i lohe iho la, aka, he mea oiaio maoli no kena.  A e hai aku au ia oe, he wa pokole wale no i hala ae nei, ua hoouna aku la au he 100,.000 farani ma ka inoa ponoi o Kaunawahine de Barene.  E hai hou aku au ia oe, ua ike au iloko o hookahi makahiki i hala ne nei i na palapala he nui i kakauia mai e Alice de Maraceli.  A ina aole i pau kou kanalua ma ia mea, alaila, e hai hou aku au ia oe, ma ka malama o Dekemaba aku nei, ua loaa ia’u ke hanohano o ka ike ana i ka Kaunawahine, he maka no a he maka, a kamailio pu me ia, maloko o ka rumi hookipa o kona makuahine bapatema.”

     “Alaila, ua ike maoli oe i kuu wahine?”  i ninau aku ai ke Kauna me ka puuwai nui.

     “Ua ike maopopo loa au iaia, elike me ko’u ike ana ia oe i keia wa.”

     Kahuli hou ae la ke ano o na helehelena o ua Kauna nei, a o mai la na kukuna o ka maka’u ma kona mau onohi maka, li-o ae la kona mau lauoho, ame ka hooho leo ano e ana ae, eia hoi, holo aku la ia mailoko aku o ka rumi, me he kanaka pupule la.

     A oiai ua Kauna nei e holo awiawiana ma ke alanui, ua namunamu ae la ia:

     “Auwe!  auwe!  aole ka i make kuu wahine.”

     Ua kupouli loa ae la kona noonoo, aole i kana mai.  Ua pono hele wale aku la no ia, me ka maopopo  ole iaia o kana wahi e hele ana.

     I ka hoea ana mai o ka po, aia hoi, ma ka wa i o mai na aheahe huihui a ke kehau ahiahi, ua maalili iho la na holapu ikiiki ana a na manao ulala iloko ona, a  hoomaka mai la ka mohala hou ana mai o ka noonoo ao kanaka, a ia wa hoi i ninau iho ai oia iaia iho;

     “Eia la au i hea i keia wa?”

     Ia wa i huli ae ai oia a nana ae la ma o a maanei o kahi ana e ku ana ike iho la ia, aia oia ia wa ma kekahi aina kuaaina loa.  Ia wa hoi e pa iho ana ka malamalama o ka mahina, a na ia mea i hoomaopopo pono mai iaia i ke ano o ka aina ana i hoea aku ai me ka maopopo ole.

     Aia ma kona aoao hema, ike ae la ia he wahi puu i hele a hihipea ia e ka ululaau, a ma kona aoao akau hoi, he kula maau loloa e waiho mai ana me ka maikai.  Aole nae oia i ike aku i kekahi mea kino ola e maalo mai ana ma ia wa.

     Hoao hou ae la hoi ia e hele aku, aka, aole nae e hiki, oiai, ua hele mai la ia a maloeloe, a ua hiki ole i ka ikaika o kona mau wawae ke halihali aku iaia.

     Nolaila, ku iho la oia me ka noonoo nui ana no kekahi wa.  He mea oiaia loa, aole e hiki ana iaia ke hele aku, a o ka hana pono wale no ana i noonoo ai ma ia wa, oia kona hookuu ana iaia iho ma ia wahi e homaha ai.

     Nolaila, haule iho ia ia ilalo a noho iho la.  Ia wa hoi ala mai la kona mau homanao ana no na olelo a ka loio i hai mai ai iaia, a kamailio ae la oia iaia iho:

     “He keu keia a kahi loio ino nui wale, ua oi aku ka ikaika o ka pa ana mai o kana mau huaolelo maluna o’u  mamua o ka ikaika o kekahi kuina hekili ina oia mea kai pa mai maluna o’u.  He kupanaha maoli.  Eia no ka ke ola nei kau wahine.  Ta, ta, he wahahee wale no paha ka keia loio i hai mai nei ia’u.  Na kela wahi opulepule wale no paha i hana ae i keia moolelo hoopunipuni-ae-na kela Madame Hardy i hana i keia wahahee nui.  Eia nae, o kela wahi loio hoi kekahi i puni aku nei i kela wahahee i hakuepaia e kela luahine.”

     A ia wa i akaaka ano e ae ai ua Kauna nei, a oia wale no ka leo nana i haehae ae i ke anoano maikai oia ahiahi.

     “Ke ola nei no ka kuu wahine,”  wahi hou ana i pane ae ai.  Aole anei hoi au i ike me ko’u maka ponoi nei i kona hookomoia ana iloko o ka pahu kupapau, ame ke kakia ia ana iho o na kui maluna o ua pahu la?  Aole anei hoi au i haha aku i kona mau lima puanuanu?  Aka, wahi a kela loio pupule, olelo mai oia, ua ike oia iaia he maka no a he maka.”

     Noho iho la ua Kauna nei me ka noonoo nui ana, a hala kekahi wa loihi loa, ia wa i pane ae ai oia iaia iho:

     “E imi aku ana au i keia mea huna pohihihi.  He mea oaio maoli he mea huna pohihihi keia.  Ua make, a ua ola hou ka.  Olelo mai o Solomona, Lapuwale o na lapuwale, pau na mea apau i ka lapuwale.  Aka, o keia na kupaianaha o na kupaianaha, pau loa na mea apau i ke kupaianaha.

     Iaia hoi i huli hou ae ai a nana aku ma o a maanei o kahi ana e noho ana, a kiola loa aku la hoi na kiei ana a kona mau maka mamua pono aku ona, aia hoi ike aku la ia i ke ku mai o ka oioi o kekahi halepule maloko o kekahi ululaau, a ia wa i mohala maikai mai ai kona noonoo.

     Me ka hooikaika hele kupaoi aku la ia no kahi e ku mai ana ka halepule nona ka oioi ana i ike aku ai.  I kona hoea ana aku i kahi i ku ai ka halepule, ike iho la ia he kahi kulanakau hale uuku ia, a, aia iwaena ponoi o ua wahi kulanakauhale ia i ku ai kahi halepule ana i ike mai ai.

     Kipa mua aku la ia ma ka hale mua loa i hoea aku ai oia.  Ike iho la ia he wahi hale hookipa ia.  Haawi aku la ia i ke kauoha e hoomakaukauia mai ona mau wahi mea ai nana, a ninau aku i l@hoi i, no ka mamao mai ia wahi aku a i kahi kulanakauhale o Frejus.  Ua haiia mai la hoi iaia, he eha legue kona kaawale mai ia wahi aku.  Hoomaopopo iho la ia he mau mi@e kona mamao loa mai ke kulanakauhale mai ana i haalele pupuahulu aku ai, iloko o na noonoo uluahewa.

     Hoaumoe iho la ia maloko o keia wahi hale hookipa ia po.  I ke kakahiaka ama ae, ua ala ae la ia, ua kau ae la ia maluna o ke kaa hoolimalima a holo aku la no ke kulanakauhale o Maraseila, kahi hoi e loaa ai iaia ke kaa ahi.  I ke awakea kona hoea ana aku ilaila, a, paina iho la kona ina kakahiaka ilaila.  Mahope iho o  ka pau ana o kana ai ana, ua kau aku la ia maluna o ke kaa-ahi a huli hoi aku la no Parisa, me kona poina loa ana ia Mademoasela Ciara, e kali uluhua ana nona maloko o kekahi hotele okoa aku.

     Ma ke ahiahi o kekahi la ae, ua hoea aku la ia i Parisa.  I ka hehi ana no kona mau kapuai ma ka paepae o ka puka o kona hale, o kana huaolelo mua loa o ka pane ana ae ai wa, oia keia:

     “E hele aku ana au e nana i kela pahu kupapau i hookomoia ai kuu wahine.”

 

MOKUNA XVIII.

     E kuu makamaka heluhelu, e hoomau aku ana no kaua i ka nana ana no na hana a ke Kauna De Berene  mahope iho o kona hoea ana aku i Parisu, a e hoopanee iki ana kaua i ke kamailio ana no Alice ma.

     O kana mea mua loa nae i hana ai, oia kona hele ana aku imua o kekahi loio.  I kona hoea ana aku imua o  ka loio, ua ninau mai la ka loio iaia:

     “Ea, heaha keia pilikia ou?  He helehelena maikai ole maoli kou i keia kakahiaka.  Ua ma’i ia anei oe?”

     “Aole,” wahi a ke Kauna i pane aku ai.

     “Aole ka auanei.  Ke nana aku nei au i kou mau maka, ua hele a ano e.  O kou helehelena hoi keia, ua hele a hailepo.  O kou ano apau, ua keokeo pu oe elike me ke keokeo o kekahi pepa.”

     “O ka mea oiaio maoli, aole ko’u he pilikia ma’i maoli, aka, ua lumilumi ano e loa ia ko’u noonoo ma kekahi mea ano nui loa.  A no ia mea ka’u i hiki mai la imua ou.”

     “Ae; a heaha kou makemake ia’u?”

     “O ko’u hoi ana mai nei no ia mai Mareseila mai.  I ka la aku la nae hoi i nehinei.  O kou wahi nae i hele aku ai i kahi kulanakauhale no ia o Frejus.”

     “Oia nohoi paha kahi i noho ai o ka makuahine bapatema o kau wahine?”

     “Ae; aka, ua make nae oia i keia wa.”

     “Alaila, i hele aku nei oe ilaila e koi ai i kona waiwai ma ka aoao o kau wahine?”

     “Oia aku nei hoi ke kumu o ka’u huakai aku nei ilaila, aka, aole nae i kana mai ko’u pilikia no keia hana a’u i hana aku nei, oiai i ko’u hoea ana aku imua o ka loio o ka waiwai o ua makuahonowai bapatema nei o’u, ua hoole mai no ia ia’u, aole owau ka hooilina o keia waiwai.”

     “Pehea ka hoi kela palapala kauoha au i hai mai ai lau mamua.

     “Eia no ia palapala ke paa nei i keia wa.”

     “Alaila, heaha ke kumu a ka loio i hoike mai ai ia oe, no kona hoole ana mai ia oe, aole o oe ka hooilina o ka waiwai?’

     “He kumu kupaianaha loa kana o ka hoike ana mai iau.  He keu a ka mea pohihihi maoli.”

     “Malia paha he palapala kauoha pakui kekahi.”

     “E kuu makamaka maikai” wahi a ke Kauna i pane aku ai i kona loio, e nonoi e aku au ia oe o ka mea a’u e hoike aku nei ia oe, he mea huna pohihihi no ia.  Ua ike nohoi oe, o oe no ko’u loio ma ka’u mau hana nunui apau o keia ame keia ano.  Ua aie nui au i kou ike ame kou naauao.  Ua lilo maoli nohoi oe i hoaloha nou, a nolaila ia oe au e hoike aku ai i ko’u mau manao huna apau.”

     “He mea oiaio ua hiki no ia oe kepaulele mai maluna o’u.”

     “Ae, ua hoike mai ka loio ia’u, eia no ke Kaunawahine de Berene ke ola nei i keia wa.  Aole oia i make.”

     I keia wa i nunui ae ai ka maka o ka loio, a nana mai la oia maluna o ke Kauna a pane mai la:

     “Aole anei oe i paa pu aku me oe i na pepa e hooiaia ana no ka make ana o ke Kaunawahine, a peia hoi me kona kanu ia ana?”

     “Ua paa pu aku no au ia mau pepa apau me a’u, a ua hoike aku no hoi au i ua mau pepa la imua o ka loio, aka, aole nae ona manaoio mai ia mau mea.”

     “Aole ka ona manaoio mai i na mea hoike maopopo i hoikeia aku e oe?”

     “Aole.  O kana i pane mai ia’u, oia keia:  Ua hana o Madame Hardu he palapala hooilina waiwai maluna o ke Kaunawahine, ma ka la 18 o Ianuari, 1877.”

     “I ka wa hea i make ai kau wahine?”

     “Ua make ia ma ka mahina aku ne@ o Dekemaba, 1876.”

     “Aole io no a ka mea kupaianaha nui wale.  He mea oiaio, he hana nui aku ana kena.  Ua ike au o keia loio, aole ia he loio wale no ma kana oihana, aka, he Notari oia no ka lehulehu, a ua ike nohon au, he kanaka makaala loa keia i kana hana.”

     “Heaha la kou manao no keia mea?”

     “Aole i like ko’u manao me kou,” wahi a ka loio i pane mai ai.

     “Ua komo mai no hoi iloko o’u ka manaolo ana no na olelo a ua wahi loio nei i  hai mai ai ia’u.  I kinohi, ua kanalua loa au i kana mai olelo, aka, ma ka wa ana i hoike mai ai ia’u, ua ike pono loa oia i ke Kaunawahine, he maka no a he make, a ua kamalilo pu.

(E nana ma ka aoao@)