Ka Nupepa Kuokoa, Volume XXXVIII, Number 18, 5 May 1899 — KA HUI MAHIKO O OLAA. [ARTICLE]

KA HUI MAHIKO O OLAA.

Ke manao nei makou, he mea maikai loa i na kanaka iHawaii i loaa he m<au wahi kenikeni, e kiola ae i mau mahele mahiko no lakou. A ke manao nei makou, o ka Hui Mahiko o Olaa ma Hawail, e hoalaia mai nei i keia wa, oia kekahi hui e palekana ai keia mau dala, ina iloko o ko laila mau mahele e ohi ai na kanaka. Ua paiipai mua aku no makou i ko makou poe heluhelu, e komo nul ae lakou ma ke kuad mahele kuleana mahiko ana, a e haawi hoi i !ka lakou mau hilināi ana ame na paulole ana malalo o na alakai hooulu waiwai ana a na keiki haole kamaaina o loko ponoi iho nei o ka aina, eHike me ka Hul Mahlko o Olaa e ha'paiia mai nei i keia wa. 0 ke kumuwalwai o keia Hui e hoalaia aku ana, ma ka wa mua loa, he $5,000,000 « ua hiki ke hoomahuahuaia aku a hoea i ka $10,000,000. He $20 ke kumukuai o ka mahol« kule>ana hookahi. Ina e lawe ana ke kanaka i 5 wahi mahele, ua llke ia me $100 kona waiwai io, iloko o ka Hui; a he nani maoli hoi, ke mahuahua kahi kumuwaiwai e !oaa ana i ke kanaka iloko o keia Hui. O ke kopaa, oia ka lua eli gula waiwai loa ma Hawaii nei i ka wa i hala ae nei, i keia wa e ku noi, a i lra wa e hoea mai ana. He mea maikai no ke kanaka Hawaii hoomakaulii daia e kiola i kana mau dala maloko o na raahele (mahiko.