Ka Nupepa Kuokoa, Volume XXXVIII, Number 18, 5 Mei 1899 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

Ke Aloha o kuu Makuhine

KE ALOHA O KA'U MEA I ALOHA AI.

Ka Mana o ke Aloha.

He Moolelo Walohia

MOKUNA XV.

Ma ka wa i pau ai ke kamailio ana a ka Barona wahine me Susana, ua hoopuiwa hou ia ae la ua Barona wahine la i kona ike ana aku i ka holo @ mai a kekahi kaa, ma ka aoao malalo mai o ke alanui, a ike aku la hoi ia i ka wahine aahu eleele e noho mai ana maluna o ua kaa la.

Oiai ua kaa la i kokoke mai ai e kaalo pono ae mamua o kahi a ua Barona wahine nei e noho ana, me kana moopuna ame Susana, na hoohele malie ae la na kaa nei, a i ke kaa pono hoi mamua o kahi a lakou nei e noho ana, ua kiei mai la ka wahine aahu eleele a kunou mai la i ka Barona wahine, a kunou aku la nohoi ia imua o ka wahine aahu eleele, a ma ia wa i holo aku ai ke kaa me ka ikaika.

I keia wa hoi i namunamu ae ai ua Barona wahine nei:

"Kahaha!  Nani wale hoi ke kapalili ano e o ko'u houpo.  Me he mea la hoi kela wahine, a he io ponoi loa no'u, ke ano e o na haili manao e opuopu mai nei iloko o'u.  O kahi oiwi kino o kela wahine, a o kona kulana no upau, ua like loa no me ko Alice.  Kahaha!  He keu kahi mea kupaianaha!"

Alaila, lalau iho la ia i ka moopuna, hapai ae la iluna, a honi iho la.  Pane iho la nae ia:

"Ke honi nei au ia oe, e bebe, no ko'u aloha i kela wahine malihini."

"E, e---" wahi a ua wahi keiki nei i pane ae ai i kona kupunawahine---"Aole kela he wahine malihini.  O kela no ka wahine e hele ae ai i ko makou hale.  Hookahi ahiahi ana i hele ae ai, ua pio ke kukui o ko maua rumi ia wa.  Lohe au i ka uwe ana o kela wahine, oiai oia e hii ana ia'u.  Lohe au i kona olelo ana ae, My Mother!  Dear Mother!  I would like ot see your face!"

"I ka wa hea oe e bebe, i lohe ai i kana olelo ana pela?" i ninau iho ai ka Barona wahine.

"Manao au eha ahiahi paha i hala ae nei.  Aole anei pela e Susana?" i huli ae ai ua wahi Edemona nei a ninau ae la ia Susana, akia, aole ane oia i pane mai.

"Auwe!" wahi a ka Barona wahine i pane ae ai, "he ekolu ae nei paha la i hala, loaa mai la kekahi palapala ia'u, mai kekahi mea mai i malihini loa ka inoa ia'u.  Na keia palapala i hai mai ia'u i ko'u wahi e ike ai ia oe, e bebe, a ke olelo mai nei hoi oe, ma ia ahiahi aku no i lohe ai oe i kela wahine e olelo ana no kona makemake, ame kona makemake loa e ike iaia.  He kupanaha keia!  Aia @kela wahine malihini a kakou i ike aku nei, ka mea a'u i makemake ai e kamilio pu, e ninau iaia ina paha oia ka anela maemae nana i hoouna mai i ka palapala e hoike ana i ko'u wahi e hui ai me oe, ka'u moopuna, aia nae ua holo aku la ia mai a'u aku; aka, aole liuliu hoea hou mai nei ia imua o kaua, maluna o ke kaa, a kunou mai nei oia ia'u.  He mea oiaio, ua ike mai nei oia ia'u, aka, owau ka makuahine o Alice---kou mama hoi, e kuu moopuna.  O kou luaui makuahine, e kuu lei, aole ia i keia ao, ua hala---ua hala ia ma kela aoao."

A kahe iho la na waimaka ma na papalina o ua Barona wahine la.

"Ina pela, e tutu, o Mama no kela," wahi a Ekemona i hooho ae ai me ka leo nui a piha hoihoi, me ka paipai ana ae o kona lima.

"No, no---aole kela o kou mama.  Aia ia ma kela ao laelae," wahi a kona kupunawahine i pane iho ai, me kona hooiaio ana no nae iloko iho ona, o kana kaikamahine no kela wahine aahu eleele.

Oiai ke kaa o Allice i haalele iho ai i kahi ana i ike ai i kona luaui makuahine, a mahope iho hoi o ko Alice ike ana ua pau kona ano pioloke ame ka uluku pihoihoi no kona ike ana i kona luaui makuahine, ua pane aku la oia ia Rikeke:

"Ea; nui maoli ko'u aloha i kuu ike ana aku nei i na maka o kuu mama aloha.  Manao loa no ka hoi au e holo aku au a honi iaia, i ole wale no kou paa e ana mai ia'u, oiai, ua ike aku au i kona anehe ana mai e hele mai e huipu me a'u."

I ka hoea ana mai o kekahi pule ae, oia hoi ka lua o na pule e malamaia ai ka mahele elua o na hana keaka, ua hookomo hou aku la ke Kauna Berene iaia iho iloko o ka aie ana i mea e lawa ai na makemake o kana aloha no ka po keaka mua ame ka lua.

Aka, ma ka Poalua, oia hoi ka lua o ka la o ke kikina keaka elua, hoea mai ana o Geoki mai Parisa mai, a hoike mai la ia he mau helehelena ano kaumaha imua o Alice.  A ia wa ninau aku la o Alice iaia:

"E George, heaha keia?  Ano e maoli hoi kou mau helehelena i keia la.  He pilikia hou anei keia o kaua?  E hai mai oe ia'u, no ka pono a no ka hewa, no ke ola no, a no ka make nohoi."

Alaila, hahai aku la o George i kona hui ana me ka Barona wahine oiai oia ma Parisa.  Kona lohe ana mai ua Barona wahine nei i kekahi mau olelo, ana i manao loa ai, ua komo ka manaoio iloko o ua Barona wahine nei a pela nohoi me kana kane, ua ola hou o Alice.

I kona hoikeike ana mai i ke pihi daimana i loaa ai iaia maloko o ka hale keaka---kona ike ana i ka inoa, Alice, ma ua pihi la---kona hui ana me kana moopuna---ka hahai ana aku a kana moopuna iaia i ka mea e pili ana i ka wahine aahu eleele---ko laua haawi aloha ana i kahi ame kahi---kona ike ana i ka hulali o na pihi daimana ma kona (ko Alice) umauma---a pela wale aku.

Ua lilo keia mau olelo a George i hoopuka aku ai imua o Alice i mau mea nui nana e noonoo ai.  A mahope, pane hou aku la o George:

"O kekahi mea hou ano nui loa a'u e hai aku ai ia oe, a he mea hou kaumaha nohoi ia, oia keia, ua make o Madame Hardy, kou makuahine bapatema."

Ua uwe koke ae la o Alice, a hanini koke iho la kona mau waimaka ma kona mau papalina.

He mau la pokole wale no i kaa hope ae i loaa mai ai ia Alice he palapala mai ua makuahine bapatema nei ona, e hai mai ana he ola kino maikai no kona, a nolaila, aole o Alice i hoomakaukau iki no ka halawai ana me kekahi lono kaumaha elike me ia a George i hoike aku ai iaia.

He mea oiaio, ua make hikiwawe loa ua wahine la, aole nohoi i ikeia ka kumu o kona make ana.

Ua hoopaaia kona mau waiwai apau e kona loio ame kona lunahooko kauoha, a ua hoikeia mai la ka lohe ia Barona de Maraceli ame Kauna de Berene no kona make ana, ame ka la e hoolewaia ai kona kinowailua.

Aole i kana mai ka hauoli o ke Kauna de Berene i ka loaa ana mai o keia lono iaia.  Lele kapalili ae la ka olioli iloko o kona naau, ua hiki mai ka hora o kona hoopakeleia ana mai ka ilihune mai.  pane ae la ia:

"Eia no kuu laki ke hoi hou mai nei ia'u.  Ekolu, eha a elima miliona e loaa mai ana ia'u!  Ho---laki maoli au.  Pau ka pilikia.  Ona ka ai, lealea ka hiamoe ana.  Bon---bon (maikai---maikai).

Ma ka la no i loaa mai ai ka lohe no ka make ana o Madame Hardy, ua huipu iho la ua Kauna nei me Barona Maraceli, a ua pane aku la ka barona imua ona:

"Aloa o'u manao e hele aku au i laila i keia wa, koe wale no, ka la e hoolewaia aku ai ia; aka, ina nae e kauoha mai ana ka loio ia'u, alaila, e hele aku no au."

"He oiaio ia," wahi a ke Kauna i pane mai ai, "aka, e hoomanao oe, ua hooiliia kahi hapa o ka waiwai o kana kane maluna o Alice, a he mea pono ia'u ke makaala aku i keia wahi o ka waiwai o ka'u wahine.  Alaila, aole ka paha oe e hele pu ana me a'u?"

"Aole paha hiki ia'u ke hele i keia wa.  Aohe hewa, o oe o kakou ke hele e aku; a ina hoi oe e ike ana, he mea pono no'u ka hele ana aku, alaila, e kakau mai no hoi oe ia'u."

Ia ahiahi iho, hoea aku la ua Kauna nei imua o Mademoasela Clara, a hai aku la iaia e haalele ana oia ia Parisa i ke kakahiak ana ae, a e holo aku ana ia i ka hema o Farani, no ke ke kii ana i na miliona hapaha farani ana i hai mau mai ai iaia i na wa i kaa hope ae.

Oiai nohoi laua e kamailio ana, hoea mai la ke kauwa lawelawe me kekahi nupepa puka ahiahi a haawi mai la ia Madamoasela Clara.

Nana koke iho la ia ma kahi o ka hoolaha e pili ana i ke keaka oia po, oia hoi, ke keaka i maa mau ai oia i ka hele ana, a ike iho la ia, ua hooki ia ke keaka ana no ke koena aku o ua pule la, a e hoomaka hou ia ana hoi ma ka wa e hoolaha hou ia mai ai.

Ma ia wa nohoi komo mai la kekahi mau hoaloha o ua Clara nei, a luana kamailio iho la lakou.  Ua hoopukapuka ae la no ke Kauna de Berene no ka mea e pili ana i na miliona dala e loaa mai ana iaia.  A ia wa i pane ae ai kekahi lede opio i kipa mai ai:

"Laki maoli no oe, e Clara.  E noho aku ana ka oe i ka hanohano loa.  E mare koke ana ka olua."

A ma ka wa i anehe ae ai o Clara e kamailio, aia hoi, komo mai ana kahi kauwa lawelawe me kekahi palapala.  I ka nana ana iho a ua lede opio nei, ike iho la ia he palapala ia mai a Robata aku, e hoike aku ana iaia no ka hoopaneia ana o ke keaka no ke koena aku oia pule no ka pilikia o kekahi hoa koikoi o ka puali keaka, a e hai pu mai ana hoi ia aohe pono e ae e mare me ke kauna, oiai, aole i maopopo ka loaa io mai o na miliona hapaha farani na i hoike mau mai ai iaia.

Nolaila, i ka ike ana o Clara i keia mau olelo, ua pane ae la ia, me ke ano homakeaka i ka lede opio i kamailio mai ai iaia no kona mare ana me ke Kauna:

"Aole au e mare ana me ia nei, aia a ike aku kuu mau maka nei e aiai mai ana na miliona dala.  Aole paha he hewa o keia kali ana ea?"

Aka, ma ia wa hookahi no nae, ua anohoopohala iho la no ka manao ua Clara nei no ka manao hope a Robatat i hoike mai ai iaia, a ua manao loa iho la no ia, he mau miliona dala io no ke loaa mai ana i kana kane hoopalau.     (Aole i pau.)

HE MOOLELO KUPAIANAHA

---:NO:---

Ka Moku Kamahao

KA MALOLO.

(THE FLYING FISH.)

Lele i ka Poiniu o ka Lewa---Oni i ka Papaku o ka Moana---Hapapa i ka Ili o ka honua---Hoea i ka Ili o ka Honua---Hoea i ka Welau Akau---Ike i ke Kulanakauhale Kahiko o Opira---Haaheo ma na Mauna Himalaia.

Kakauia e Henry Collingwood, a

unuhiia e Hoolulumahiehie no

ke "Kilohana Pookela no ka

Lahui Hawaii."

MOKUNA IV.

ONI KA MALOLO.

"Ua manao ua." wahi a ka Porofesa i pane aku ai imua o ka Barona, "mahope iho o ko'u ike maopopo ana i ka ikaika lele o ka moku nei, ma kona pii ana ae iloko o  ka poai lewa, he mea pono ia kakou ke ike i ke ano o kona nee ana aku no mua, iloko o keia moana kai ea e halana mai nei imua o kakou; a ke ike kakou i kona ikaika ma keia nee ana, alaila, e hoao kakou e ike i kona ikaika hoonee ma ka luu ana aku iloko o ke kai.  O kahi hohonu loa o loko o ke kowa kai Beritania nei, oia kahi i kapaia ke 'Awawa Lipolipo,' he aneane eono mile ma ka akau aku o ke Kaseka (Casquests) a me he mea la, he 94 anana kona hohonu, ua like hoi ia me 564 kapuai, malalo aku o ka ilikai.  Ma ko'u manao, o kahi keia a kakou e hoao ai i ka ikaika luu o ka moku nei, a ma ia wahi hoi kakou e komo ai i ko kakou mau kapa aukai.  Pehea; e apono mai ana anei oe i keia manao?"

Manao iho la ka Barona ame kona mau hoa e ae elua, he manao maikai loa ka ka Porofesa i kamailio mai ai, nolaila, ua hoike koke aku la lakou i ko lakou ae imua o ka Porofesa.

Ia wa lalau aku la ua Porofesa nei iloko o kekahi holowaa, a unuhi mai la i kekahi kii palapala aina, no ke kowa Beritania, a kuhikuhi mai la ua Porofesa nei maluna o ua palapala aina 'la i kahi ana i makemake ai e hoolele aku i ka moku.  E hoike ana hoi ka palapala aina, aia ia wahi ma kahi he 150 mile mamua aku o ke alahele pololei a ka moku e lele aku ai, a hiki i kona kau pono ana maluna iho.

Ua haawi ae la ua Porofesa nei i ke kauoha e lele aku lakou no mua.  Mamuli o ka hoonee ana o ka enegini o ua moku nei elike me ka mea i makemakeia e ka Porofesa, ua loaa ae la ke kaulike ana o ua moku la ma ke alahele i makemakeia ai.  A ia wa i nee aku ai ka moku ma ka velocite mama loa.

O ke ano nae o keia lele ana, ua hookamoeia aku la kona lele ana ilalo.  A ia wa hoi i pane mai ai ka Porofesa:

"O ko kakou kulana keia e nee aku ai, a hiki i ko kakou hekau ana ma kahi he 1000 kapuai mai ka ilihonua ae, alaila, hoolana kakou.  Ma keia wahi e loaa ai ia kakou ka poai ea kaumaha, e kupono ai ka paahana ana a ka huila nei o ka moku.

Ua lawa nohoi ia kiekie no kakou e kaalo ae ai maluna o na kiekiena kipapali kiekie o Enelani.  Ke ole au e kuhihewa, me he mea la o ke kiekie o Leita Hila, he eiwa haneri ame kanaonokumamahiku kapuai no ia mai ka ili laumania ae o ka honua.  A oia hookahi ka puu kiekie loa ma ke alahele e nee aku ai kakou.  Aka, e kaalo aku ana nae kakou ma kona aoao komohana, ma kahi paha o ekolu a eha mile, ina nae e mau ana ka pohu.  A ke kaalo pono aku hoi kakou maluna o ka puu o Katarina Hemolele, alaila, he 775 wale no kapuai kona kiekie.  Nolaila, aohe o kakou hopohopo ana."

He wa pokole wale no, ua hoea aku la ua moku nei ma kahi i makemakeia e ka Porofesa; a ma ka wa i pau ae ai i ka holoiia na popo hau (snow) i pipili mai ai ma na puka aniani o ka hale pailata, ike ae la lakou i ka malamalama o ka mahina o ka po o Kulua e aiai ana ma o a maanei o ka poai lewa a lakou e nee aku ana.

Eia no ke paahana nei ka enegini o ka moku me ka palanehe loa; a e niniu poahi ana hoi ka huila hoonee o ka moku, ma ka 1000 niniu ana i ka minute hookahi.  A e lohe ana lokou nei---oia hoi na poe lele poai lewa---i ka hu a ka makani mawaho ae o ka hale pailata.

Ua kaa hope ae la o Leita Hila, a ikeia aku la hoi ka haaleale ana mai a ke kai ia wa, oiai e alohi ana ka malamalama o ka mahina, a iloko o ka wa pokole ua hoea pono aku la lakou nei maluna pono ae o ka moanakai o ke Kowa Pelekane.  I keia wa nae, ua owehewehe ae la kai ao, a ma ka wa i hoomauia aku ai ko lakou nei nee ana a hoea ma kahi i makemakeia, ua ane o mai la na kukuna o ka malamalama.  A i ka hele ana o lakou nei a pili ka ilo o ke kai, ua puka mai la ka la me kona nani nui ma ka hikina.  Ma keia wa i lana iho ai Ka Malolo maluna o ka ili o ke kai, ia wa i unuhi ae ai ka Porofesa i kana wati, a nana iho la ia i ka manawa.

"Hookahi haneria ame kanalima mile i nee ia mai nei e kakou iloko wale no o hookahi hora ame ka hapaha.  He wa maikai loa keia i nee ia mai nei e ka moku.  O keia no ka mamao i upuia e a'u e hiki ana iaia nei ke nee iloko o hookahi hora.  Ano, i keia wa e hoohana aku ai kakou i ka pauma ea, Oia hoi e hoopiha hou kakou i ko loko oia nei me ka ea.  Me he mea la ma ka awa e lawa pono ai ka ea i makemakeia e kakou no ka hooholo-a-i'a ana iaia nei, e lilo ana na kukuna o kela la i opu malumalu e ike ole ia ai ko kakou piholo ana iho iloko o ka opu o ka hohonu nei, oiai, e lilo ana ka la i mea hoolinolino i na maka o ka poe e nana mai ana ma keia wahi, ina he poe kekahi i kokoke mai ma kahi a kakou e lana nei.  Aka, manao au, mamua o ko kakou luu ana  iho iloko o ka opu o ka hohonu, he mea pono ia kakou ke puka aku iwaho a hanu aku i na ea makamaka hou o ke kai.  Owau nae, he makemake loa au e auau."

Ua hoopaaia ae la hoi na enegini nunui, a e hoonee malie wale ia ana no ka pauma ea, a ma ia ano i emi malie wale iho ai ka moku ilalo, iloko o ke kai.

I keia wa hoi, i hoohala iho ai na ohua o ua wahi moku kamahao nei ma ka auau ana, a i ka pau ana, ua ai iho la lakou i ko lakou aina kakahiaka.  Mahope iho o ko lakou paina kakahiaka, ua hoi aku la lakou no ka hale pailata.  I ka ike ana o ka Porofesa o ka wa kupono ia e kapoo iho ai lakou iloko o ka opu lipolipo o ke kai, ua hoopaaia ae la ka paahana ana a a ka pauma ea, a ua weheia ae la hoi ke pani o ka puka omo kai, a ia wa i omoia ae ai ke kai e komo iloko o ka moku.  Ia wa hoi i emi malie iho ai ka moku noloko o ke kai, a nee loa aku la ia a hala ilalo o ka papaku o ka moana.

Ma ka wa i hekau iho ai, ua Malolo nei ma ka papaku o ke kai, ua nana iho la ka Porofesa i kana wati, a ike iho la ia o ka hora 8 ia o ke kakahiaka.  I nei wa i olelo mai ai ka Porofesa i kona mau hoa, he mea pono ia lakou ke hoi e hooluolu, oia hoi, e hiamoe mai ia hoa aku a hoea i ka hora 2 o ka aluina la.  Hoike aku la nohoi ia imua o kona mau hoa, ke hiki aku ia manawa na ke kuene e hoala mai ia lakou.

Ua holo like ae la keia manao i na mea apau, a ua hoi aku la kela ame keia o lakou e hiamoe, elike me ka makemake o ka Porofesa.  He mea oiaio, ua haule aku la lakou apau maluna o na bela nolu, a ahaiia aku la iloko o ka aina moeuhane o "Hiku i ka nahele."

Ke ike nei oe, e kuu makamaka heluhelu, i ka hookoia ana o na olelo a ka Porofesa i hoike mai ai imua o kona mau hoa, e hoaumoe ana lakou maloko o ka opu lipolipo o ka hohonu.

MOKUNA V.

Ka Huakaihele ma ka Opu o ka Ho-

honu Lipolipo.

Ma ka hora 2 o ka auina la, ua haawi mai la o George, ke kuene i ka bele kahea, e hoala ana i kona haku---oia ka Porofesa---ame kona mau hoahele.

Mahope iho o ka pau ana o ka lakou paina ana, ua komo iho la lakou i ko lakou mau aahu aukai.  Oiai, o ka wa mua loa keia o ko ka Haku Barona komo ana i ke kapa o keia ano, a pela nohoi me kona mau hoa, ua lilo i hana nui na lakou ka hoaahu ana ia lakou iho me na kapa luu i hanaia e ka Porofesa.  Ua kokuaia hoi lakou ma keia hana malihini e ka Porofesa.  I ka paa ana o ko lakou mau aahu, ua komo iho la ka Porofesa i kona kapa luu.

Ua like ke komo ana a ua Porofesa nei i kona kapa luu, me he komoia ana la o ke kapa aahu maoli.  A i ka paa ana o kona aahu ua haalele iho la lakou i ka moku, ma ke alahele o ke pani o ka rumi e pili ana ma ka aoao lalo o ka moku elike me ka mea i hoike mua ia aku.

Peneei nae ke ano o keia puka ana aku o ua poe nei mailoko aku o ka moku.

Ma ka wa i komo aku ai lakou ma ka rumi luu-kai, oia hoi ka rumi e puka aku ai lakou mailoko aku o ka moku a komo i ke kai, e hoomalamalamaia ana iwa wahi e kekahi ipukukui uwila.  A na ia malamalama i hoike mai i kahi i paa ai ke pani o ka puka, a pela hoi me na laka hoopaa o ke pani.  Ua weheia ae la ke pani hoopaa kai, a hoomaka mai la ke komo ana mai o ke kai iloko o ua keena la.  I nei wa i kamailio mai ai ka Porofesa imua o kona mau hoa:

"Ano, e hoolohe mai oukou i ka'u mau hoakaka ana aku imua o oukou i kekahi mau mea.  Ina e ike kekahi o oukou i keia wa, a ma keia mau aku paha, i ke ano paupauaho o ka hanu, a ano ikiiki paha o ka ea o loko o ko oukou mau aahu, oiai ke kai e pii hoopuni ae ana mawaho ae o oukou apau, alaila, e wehe ae oukou i keia pani ea, a oia auanei ka mea e loaa ai ia oukou he ea mai ka waihona ea mai.  E holo mai ana ia ea a hooke ae i ka wai i hoonee ikaika loa ae i ko oukou mau kapa; alaila, e pani hou iho oukou i ke pani hoopaa kai ame ke pani hoopaa ea.  E wehe ae hoi oukou i kela pani hoomaha, a ma ia wahi e holo aku ai ka ea i komo mai la, ma na wahi e ae o ka moku, a ua hiki loa ia oukou ke haalele iho i keia keena, a komo aku oukou ma kela keena, no ka wehewehe ana ae i ko oukou mau aahu.

I keia wa i piha loa ae ai o loko o ka rumi i ke kai, a uhi pu ia ae la ka Porofesa ame kona mau hoa.  Mamuli hoi o ka paa ame ke oolea loa o ka metala i hanaia ai ua kapa luu o ua poe nei, ua lilo ae la na kaomi ana a ke kai ma na aoao apau o lakou nei i mea ole.  Ua hiki loa hoi ia lakou nei ke nee me ka maikai ame ka pilikia ole, me he mea la aia lakou apau ma ka aina maloo.

Ma ia wa ninau aku la ka Porofesa i kona mau hoa:

"Pehea: aole nae paha o oukou ano paupauaho mai?"

"Aole," wahi a lakou i hooho mai ai.

"Pehea; he lohe pono mai no nae paha oukou i ka'u mea e kamailio aku nei ia oukou?"

Ae like mai la aikou apau.  Alaila, pane aku la ka Porofesa:

"Ua pono.  Ua hookoia kekahi mea ano nui a'u i iini ai a i hui ai nohoi iloko o kekahi mau makahiki loihi i kaa hope ae nei, oia hoi, ka hiki ana i na kanaka elua a oi aku e noho ana iloko o ka opu o ka moana, ke kamailio i kahi ame kekahi, me ka hololea loa.  No keia mea, ua hana au he mau ohe apo leo ma na papale o na kapa aahu nei o kakou.  He mea oiaio, elike me ka oukou i hoike mai nei, ua hiki pono ia oukou ke lohe i na mea apau a'u e kamailio aku ai la oukou; nolaila, ua holo pono keia apana hana i huliia ai e a'u.  Ke hoomaopopo nei au, ma ka hiki ia'u e lohe aku i ko oukou mau lea me ka maopopo loa, ua holo pono loa na paahana ana o ka'u ohe apo leo.  Ano, ua makaukau anei oukou?"

E kuu makamaka heluhelu, ke ike nei kaua i kekahi wahi apana hana akamai loa i hanaia e ka naau o ka Porofesa, oia hoi, kela mau ohe apo leo i hookomoia aku ma na papale o lakou apau.  Mamuli o na paahana ana a keia mau ohe i loaa ai he lohe ana i kela ame keia o kela poe kanaka, ma ka wa e kamailio ai kekahi o lakou, elike me ka kaua i ike ae la.

I ka hemo ana ae o ke pani hookuu, ia wa i nee like iho ai na kino o na poe apau noloko o ka opu o ke kai.  A i ka pa ana o ko lakou mau kapuai i ka papaku, ua pane hou aku la ka Porofesa:

"E ho-a ae oukou i ko oukou mau ipukukui, a e hoomaka aku i ka hele ana.  E hoomanao hoi, he honua malihini keia a ko kakou mau kapuai e hehi nei."

I keia wa hoi ihuli mai ai ka Haku Barona a ninau mai la ka Porofesa:

"Ua manao mua no anei oe, aole hiki ke lohe ia ka leo o ke kanaka iloko o ka wai nei i noonoo ai oe e hana i keia mau ohe apo leo, wahi au?"

(Aole i pau.)

O ka nui o ka waiwai io o C. P. Kanakanui i make e waiho ana ma Ewa, he $1000.

Aia ana maloko o ka hale pohaku o Kimo Ona Miliona o Lahaina, e weheia aku ai ka Banako nona ka inoa, "The First American Bank of Hawaii," e hoalaia mai ana ma keia mua iho.

He pule ahaaina a ka Haku ka la Sabati ae nei i kekhi poe Ekalesia o Honolulu nei.  Ua makaukau anei oe?

Eia mai no ka hoi na laau a Kamalena.  Mai poina i ke kii aku i kekahi o keia mau laau i kahi o Benson, Smith & Co.

Ke manao nei kekahi poe o Honolulu nei e lulu dala a loaa he waihona e kokuaia ai na hana hoomalu i ka pono o na holoholona poino.

"Heaha la ke kumu i oi loa aku ai ka make mawaena o na Hawaii mamua o ko na lahui e ae?"  he kumumanao maikai keia e noonooia ai.

E nokeia aku ana i ka hopuhopu ia ka poe e lawelawe ana i na hana lulu maloko o na hale inu rama.

e ai keia poe makaikai no @ @ nei ke aku mai nei i ke ka@ mai koe.

Ua makaukau na buke @ @ @kuonoono o Hawaii nei i pane @ e keia halepai.

Aohe halawai a ka Papa @ @ la inehinei no ka akoakoa oie @ o na hoa apau o ka Papa.

Aia maluna o ka moku @ "Morgan City" e ku mai ana, he @ 000 no na koa Amerika ma @

He paikau hookahakaha @ @ ali Pukaa i o na koa Amerika @ ma ka auina la onehinei ma ke @ o Halaaniani.

Ua halawai ka Hui Opio Hawaii @ ko lakou keena mau, ma Poka @ ma ke ahiahi o ka Poaha nei @ lawai ano nui ka lakou.

e hoomanao na kanaka @ @ apau e komo mai ana iloko @ @  Honolulu nei, he kahu malama ko la @ holoholona, oia o Miss Helen W@

Ua aeia ke noi a ka Luna Leta @ e ukuia na paahana o kona keena @ na i hana ma waho aku o ka m@ ua ae ka Aha Kuhina.  E nanaia @ au he papa phoonohonoho no @ @ o keia ano.

Oiai kekahi Pake e oki maua @ ma ka pahale o Saabury ma uku @ @ o ke Alanui Liliha ma ke kakahiaka Poaha nei, ua moku ae ia kona @ manamanalima.

He haiolelo ka Prof. chas H Hi@cock o ke Kulanui o Dartsmouth, @ Kulanui o Punahou ; keia ahiahi kaua kumumanao, oia.  ke @ Hulihonua o Hawaii nei  E komo 2 ana na kii hoikeike ma @ @

He eha mau keiki koa Amerika hoonanaea ae i kekahi au@ @ ana ole me na leo h@ ma Alanui Papu i ka po o keia Poaono  @ @ He maikai na lilolii ana a ko @ mau leo.

E lawe i mau maholo kuleana @ ma ka Hui Mahiko o Olaa. @ @ mahele e lawe ai, ua like ia me @  e uku mua aku ana oe i @ @ @ mau mahele elima a koe he @ kaa liilii @ ma ke @ @ @ ai oe.  Aole wa e @ @ @ ka @ kopaa.

Ka Ayer Laau

Hoomaemae Koko.

SARSAPARILLA.

E hoomaemae oe i ko koko me ko Ayer Laau Hoomaemae Koko (Sarsaparilla).  o keia ka @ pahua ole o kona ikaika hoola.  Kupono maoli keia laau no ka ma'i Alaa@ ma'i Hehe, Puha, ma'i Aai, ma'i Kuapuhi, ma'i Puupuu oolohu, ma'i Kane pohaka, ame na ma'i no apau e ulu mai ana mailoko mai o ke koko @  He kupono loa nohoi keia LAAU HOOMAEMAE KOKOO A AYER no ka ma'i @alulu (@tarrh), rumatika ame ka rumtika pehu.

Ma ke ano he laau hooikaika kimo ia, aohe ona lua.  e kokua ana ia i na mea paahana o ka opu ma ka hoow@ ana i ka ai, hooikaika i ka hana ana a ke ake-paa nawaliwali, hooikaika hoi i na aa-lolo a hooikaika pu hoi ; ke kino i hele a nawaliwali mamuli o ka luhi ame ka hoomailio ana a ka ma'i  Ua ike na kauka lapaau ma ka wahi apau, he Laau maikai loa keia Laau Hoomaemae Koke a Ayer @ laau keia i loaa no loko mai o ka pa'ipa'i ame ke kawili a hoo@ naauao ia ana o na laau hoomaemae koko a hooikaika kino ikaika loa.  Aohe laau hoomaemae koko elike me keia, a i makemake nui ia nohoi elike me keia.

Ka Ayer

Sarsaparilla

Hoomakaukauia e

DR. J. C. AYER & CO.,

Lowell, Mass., U. S. A.

Oia ka Ma'i Awa -:- awahia o ka Opu i na Huaale a Ayer

No Keaha  I HOOKAWELEWELE LOA AKU AI OE I KELA

AME  ANU, KUNU PUU EHA?

Ua kaulana loa ka LAAU KUNU A AYER (Ayer's Cherry Pectoral) iloko o na makahiki he aneane 60, ma ka hoola ana i na Ma'i o ka Puu ame ke Akemama, ke Anu, ke Kunu, ka Ma'i La Grippe, ame ka Ma'i Mala o ka pale Akemama.  He ono keia laau ma ka inu ana, a he oiaio ke ola.

Ayer's Cherry Pectoral

Na Medala Gula mai na Hoikeike Nui o ke Ao

Mai lawe i na Laau Emi i Hoohalikeia me keia

Hollister Drug Co. Lt.

Na Agena ma ka Paeaina Hawaii.