Ka Nupepa Kuokoa, Volume XXXVIII, Number 18, 5 Mei 1899 — Page 3

This text was transcribed by:	Phillip M. Arnold
This work is dedicated to:	Awaiaulu

Ka Nupepa Kuokoa

KE KILOHANA POOKELA NO KA LAHUI HAWAII.

Ka Hui Alahao me Aina o Oahu

MAI A MAHOPE AKUO IUNE 13, 1898

MANAWA HOLO

WAHI HOOHOLO

Waianae, Waialua Waianae, Wili o Ewa

Kaa huikau, kaa ohua kaa ohua, kaa ohua

Na la apau na la apau na la apau na la apau

Koe ke Sabati

A.M. A.M. P.M. P.M.

Honolulu 7:10 9:15 3:10 5:10

(?) 8:07 9:48 3:43 5:50

Wili o Ewa 8:37 10:08 4:08 6:10

Waianae 9:37 10:53 4:43 .............

(?) ............. 12:00 5:38 .............

WAHI HOOHOLO

Mai waho mai ia Wili o Ewa Waialua, Waianae, Waialua, Willi o Ewa

Honolulu kaa ohua, kaa ohua, kaa huikau. kaa ohua, kaa ohua

koe ke Sabati na la apau na la apau na la apau Sabati wale no

koe ke sabati

A.M. A.M. A.M. P.M. P.M.

Waialua ..... 6:12 ....... 2:39 ........

Waianae ..... 7:12 10:09 3:55 ........

Wili o Ewa 5:50 7:47 10:59 4:32 12:45

(?) 6:15 8:07 11:34 4:52 1:10

Honolulu 6:50 8:40 12:15 5:25 1:45

G. P. Denison

Luna F. C. Smith

Luna Kuai Palapala Holo

_________________________________________________________________

NU HOU HAWAII

Ke oia mau la no o Manila i ka ehu (?)

__________________________________

Eia mai no ka makou mau moolelo hoonanea ekolu ma ko makou o (?) la.

___________________________________

O na “kika” Manila ame na “niu (?) ” a Samoa na mea kaulana loa keia wa.

___________________________________

Eia mai ka hoolaha o na leta i kii (?) ia maloko o o ka Hale Leta o Honolulu nei.

___________________________________

Mai poina i ka nana ana ae i na (?) hoolaha e puka aku nei ma ko kakou pepa o keia la.

___________________________________

I ka po o ka la apopo e paaniia ai maloko o ka Hale Mele Hou, ka paani o “Romio ame Julieta.”

_____________________________________

Ua lilo o Senator Hocking i Luna (?) no ka Hui Mahiko o Nahiku, a o Alexander & Baldwin na agena o ka hui.

(unclear)

____________________________________

Ua hoopukaia ae ma Hilo, Hawaii, (?) nupepa hou nona ka inoa “A Vox Jubileo” – Ka Leo o ja Lehulehu. He nupepa Pukiki keia.

__________________________________

Ma ka Poakahi nei i noho ai ke aku (?) o ka malama o Mei nei, ma Aliioka Hale, a o Lunakanawai Perry ke (?) o ka aha.

________________________________

O ka malama keia o Mei. O ka elima la o na mahina e pau ana o keia makahiki ia kakou, a hoea aku i ka i ka malama ae nei o Iune.

________________________________

Ma ka kakahiaka o ka Poakolu nei (ua?) mai ai ka mokukaua Badger no Honolulu nei, a maluna ona ke (Komisina) Hooponopono e holo ana no Sabati.

________________________________

(?) ala mai o Joseph O. Carter (Keo ...?... ) mai kona wahi moe ma’i mai, ua hauoli kona may hoaloha i ka ike ana, na pohala mai oia mai kona nawaliwali mai.

_______________________________

Ma ka Poalua nei no i hopu hou ia (?) kela Kauka “Kueka” (Quaker) no ka hewa lapaau laikini ole. O ka helu (?) iho la keia o kona hopu ia ana (?) Aupuni.

_______________________________

Ina makemake oe i kaa baisikaia he la ekai o ka oniu ana e kuai oe i ke kaa “Kalivilana”. E loaa no ma Honolulu Bicycle Co., ma Alanui Hotele helu 909.

_______________________________

Ma Ka Poakahi nei i hooholo ai ka Aha Kuina e hooliloia ka huina o ($50,000?) no na mea e pono ai ka Oihana Hoomaemae a Lame Mea Ino o Honolulu nei.

________________________________

(?) ka la apopo ka la e pau ai ka ohi (?) i na mahele o ka Hui mahiko o (?) . Aia ma ke keena o B. F. Dillingham, ma ka Halepohaku o Kauka, (?) ai na mahele.

________________________________

Ma ka po Poaono o kela pule aku nei (?) mai ai ka mokuahi Kulanakau (...?) o Pekina” no Honolulu nei, me ke kahi mau limahana no ka kula mahi (?...) kakou nei.

________________________________

Ua hoolaha ae nei o Mr. W. H. Cummings (Bila Kamaki)he olelo papa, (?...) e kiiia ke one ma ka aoao ma (?...) o ke alanui Ala Moana e holo la (?) Kalia, aole nohoi e paeli wale ia ia wahi.

_______________________________

Ma kale Poaono aku nei i holo aku ai na haumana o ke kula Sabati o ka “Ekalesia o Iesu Kristo i hoonohonoho (?) ia,” no na nalu ha’i hoi o Kalehuawahe(?) ae nei. He mau bana maikai (?) e hoomahuiia ai e na kumu ame na haumana Kula Sabati.

----KOLAMU ELUA----

E hoaoa ae ana makou i ka mahiko. He ono no ke ko, he momona.

________________________________

Aole a makou mau omole a Kamalena i keia pule. Aole nohoi Huaale Akala.

________________________________

O ka nui o ka lala o ka Hui Opiopio Haole o Honolulu nei i keia wa, ua hiki aku i ka 439.

________________________________

U puke ana na nupepa “Ke Elele Evanelio” i keia pule, ke ole e hooka’ulua hou ia a keia pule ae.

________________________________

E lawe i ka nupepa “Delineator” ma kahi o Mrs. Hanna. He nupepa keia no na paikini no ka hana lole ana.

________________________________

Ua loaa mai na lono, aole e liuliu loa na la i koe, a hoea mai kahi moku lawaia Ka Malolo me na i’a he nui no keia makeke.

_________________________________

Ke loheloheia mai nei e liloaku ana ka Halekuia Ki-ka ame ka Paka Nau o Hollister i kekahi poe kalepa mai waho mai.

_________________________________

E lilo aku ana paha ma keia mua aku i ke Aupuni o Amerika Huipuia ka lawelawe ana i na hana hoohohonu a hoakea i ka awa o Honolulu nei.

__________________________________

Mai poina o ka la apopo ka la e pau ai ka lawe ana i na mahele mahiko o Hui o Olaa. E lawe i keia la, a e lawe i ka la apopo. Momona ke ko.

__________________________________

Ke koiia nei o Chas. S. Desky, kekahi mea luleana nui ma ke Hui Keaka “Opiuma,” e hoolilo i kona kuleana i kekahi poe mai waho mai, aole nae ona ae i keia manao.

__________________________________

Ua haule hou iho o Moses Nakuaau o Laie ame kona ohana, aole i kau ma ka mokuahi Kaleponi o kela poalima aku nei, no ka piha e ana o ka moku. E hele ana no nae.

__________________________________

Ua lawe ae nei kekahi mau limapaahana o ko makou nei halepai he mau mahele mahiko iloko o ka mahiko o Olaa. He 5 o kekahi,e he 10 kahi a pela aku. Ono no ke ko, momona.

__________________________________

Pahee maikai no na mahele kuleana kopaa e hele nei i keia mau la. Nui na nalo dala e pipili nei ma ia mau wahi, ame na nalo eheu gula. Ono ke ko – momona ke ko.

__________________________________

Ai ana, inu ana, noonoo ana o ko ia mua noho ana aku. He anu ke ua, a he wela ka la. O kahi hapauea i loaa he wahi waiona banako, e hala ana ke anu, ka wela a ka la iaia.

__________________________________

Aole he huakahi hookahakaha a na Kule Sabati ma ka la apopo, no ka pilikio loa o kekahi poe limahana maloko o na halekuai. Ua pahee loa keia hana i ka welowelo a hoea i keia Poaono ae.

__________________________________

Ua haawe ae o Mrs. R. W. Wilcox he anaina paina hoomanao la hanau ma ko lau wahi noho ma Honolulu nei. Ua nui na poe i konoia, a ua mahaloia na mea i hoomakaukauia ame na hoonanea o ia ahiahi.

__________________________________

He elua mau mea e bapetizoia ana ma ka la Sabati ae nei iloko o ka Ekalesia o Iesu Karisto i Hoonohonoho Hou ia no na poe Hoano o na La Hope, oia o Mrs. Alice Kanui ame Miss Anna Waihoikawananakakoa.

___________________________________

Mamuli o ke kukihewa ana o E. B. Thomas i ke kakau ana i na huahelu o kana koho i haawi ai no ke kukulu ana i ka hale pakui hou no “Kalakaua Hale” ae nei; nolaila, ua haalele oia i ka aelike. O ka huina i kakau kuhihewa ia he $5,849, o ka pololei nae, he $6,849.

___________________________________

Mai minamina oe i kau mau dola he umi, i loaa ai ia oe he elima mahele kuleana o ka Mahiko o Olaa; ina he iwakalua dala, he umi mahele ia, a pela aku. O ka hookaa mua ana keia, a mahope aku na hookaa e ae e lawa ai ka waiwai io o kou mau mahela kuleana.

___________________________________

Ke wawa wale ia mai nei e manao ana kekahi poe e kanu ko ma Waimea, Hawaii, ma na ina o Mr. Samuela Paka. O kahi kena nona ka oleloia ana: “Hole Waimea i ka ihe a ka makani, Hao mai na ale a ke kipuupuu,

*************

Oolua i ka nahele o Mahiki.”

___________________________________

Ma kela ahiahi Poaono aku nei, ma ka wa i hoikeike ae ai kela haole hele maluna o ka uwea, ma Alanui Papu ae nei, mauka iho o Alanui Beritania, ua piha pu ae la ia wahi i na kanaka a hiki ole i ke kaa hapaumi ke hele mai. I ka hoao ana o ke kalaiwa e onou mai i ka lio mawaena o ka puulu kanaka, ua laweia ae la ia no Kalakaua Hale.

____________________________________

O ka olelo hoolaha mai ke Keena Kalaiaina mai e puka aku nei ma ko makou pepa o keia la, ua loaa mai la ia ma ka Olelo Hawaii, i kakau ponoi ia e ke Kuhina Damon, ke ole nae makou e kuhihewa. O ke Kuhina Kalaiaina mua loa paha keia o keia au hou o kakou i hoouna mai he olelo hoolaha ma ke olelo Hawaii i kakau ponoi ia e ia.

----KOLAMU EKOLU----

NA LETA

Eia iho ka papa inoa o na leta e waiho nei maloko o ka Hale Leta a hiki i ka la 30 o Aperila, M. H. 1889:

Aponokui, Mrs. M. Aulani, Mr. R.

Au, Mas Chas M. Alana, Mrs. Loke

Ahun, Mrs. Mary Ape, Mrs. H.

Ahsing, Mrs. A. Aikue, Miss A.

Ahia Ailau, Mrs. Mary

Aoba, Mr. D. Apikaila, K.

Auld, Mrs. J. Annie, Mrs.

Awan, Mrs. S. A. Apuna, Mas. H. A.

Anton, Mas. H.

Uwaia, Julia Z. K. Ukuuku, Mr. K.

Hanawahine, Mrs. Haleakalii, A. K.

Hattie, Miss Mary Hanale, Mrs. K.

Haliilehua, Mr. K. Haloa, Mrs. K.

Helem. Miss M. Henry, Anton

Heanu, Henry

Hulahaa, Mrs.

Kaeheha, Mrs. Kaohelaulii, Mr. E.

KAA

Kaapuni, Mrs. Pine Kaahalama, Mrs.

Kaahanui, Mrs. Kaalia, Mr. K.

Kaalele, Mr. Kaauamo, Mrs.

Kaaialii, Mrs. Kaai, Mrs. S.

Kaaia, Mrs. A. Kaaua, Mr. M.

Kaaikike, Mr. S. Kaaiai, Mr. S. S.

KAI

Kaike, T. Kaikuhi, C.

KAU

Kauanaulu, Mr. M. Kaiahi, S. W.

W. K. Kaunahi, Miss

Kaunahi, Mr. M.

KAH

Kahaulani, Miss M. Kahela, Miss M.

Kahaulelio, Mas. K. Kaholokahiki, Mr.

Kahuakailoa, Mr. K. Kahau, Mr. M.

Kahoiwai, J.W. Kahanano, Miss

Kaluia, S. Lily

KAL

Kalekeopu, Mr. Kalani, Mrs.

Kali, Kalaunui, Mrs. Kalahiki, Sam

Kalehua, Mr. H. Kalanilauloa, Mrs.

Kaloaokalani, Mrs. Kalaukapu, Mrs.

Kalewahine, Mrs. Ane

Kaleohana, Mr. P. K. Kalapa, Mr. J. K.

Kalai, Mrs.

KAM

Kamoani, Wm. Kamoiliili, R.

Kamalu, Mr. P. Kamakaokana

Kamalu, Mr. Julia Kamaili, Mr. Geo.

Kamikana, Mr. K.

KAN

Kanolulu, Miss. A. Kanehoa, S. K.

KAW

Kawai, Miss M. Kawika, Mrs. W.

Kawaiula, Mas H. K. Kawaiola, Mrs. Ane

Kema, Mrs. H. Kealiikahi, Mr. K.

Keloa, Mr. J. Kekauanui, J. B. A.

Keoni Peniko, Mr. Keahemakani, Mrs.

Keweheana, Akiao Kealoha, Miss J.

Kepano, Sam W. Keanaaina, J.

Keola, Mrs. A. Keaweopala, Mr.

Keonikaua, Miss K. Keawa, Mrs.

Kelaiki, Mrs. M Keaopiilani, Mrs.

Keohe, J. H. Keahi, Miss A.

Keoki, Mrs. L. Keaunui, Mas. W.

Keoua, M. P. Keanaaina, R.

Keohokalani, Mr. Kealakai, Mr. K.

B. B. Kealiikanakaole, Mr. S.

Keohomaewaokalani Keahi, Mrs.

Keoki, Mr. Keawa, Miss K.

Keomaka, H. E. Kealoha, Mr. J.

Kela, Mrs. Kekai, Mrs. E.

Kelukipi, Mrs. M. Kekala, I. M.

Kepio, Mrs. E. Kekulanui, Mrs.

Kelaana Kekiokalani, Miss

Keoni, Mrs. A. Kekuaa, Mrs. M.

Kean, Mrs. H. O. Kekai, Mr.

Kikuaiheho, S. Kiliona, D. S.

Kihaapiilani, Naancy, Kipi, Miss H.

A. Kiniohi, Mr. M.

Koleka, Mrs. Koa, Mrs. P.

Kui. Mikoliana, Mrs. Kukue, Mr. Geo.

Kuihelani Kupalu

Kukailani, Mrs. Kuku, Sol.

Kuaehi, Mr.

Lima, Mas. D. Lima, Miss E.

Luha, D.W. Luhipo, Mrs.

Manu, Mr. C. A. Malamae, Miss H,

Maka, Mr. R. Makaka, J.

Mahike, Mr. W. K. Maipelekane, Mrs. K.

Maunakalika, Mas. Malomauliolona

Maihui, Mrs. A. Maka, Mary

Maile, Miss Loke Manono, Miss

Manoha, Mr. F. Mahoe, Mr. Sam

Meleana, Miss Mendiola, Jno, P.

Makaula [Mokaula??) Moku, Miss Mary

Mokulehua, Mrs.

Mule, Mrs. Mu, Kapea

Naha, Mrs. A. Nawaihielua, D.

Nawaa, S. Napualei

Napualii, Mrs. Naleimano, Miss

Niheu, Mrs. K. Neki, Miss L.

Ninii, Mrs. J.

Nui, Mas J.

Pae, Mr. K. Paakoli, Mr.

Paiaala, S. W. Pauahi, Miss K.

Paono, Mr. K. Pakeku, Mika Mr.

Pali, Mrs. Pala, Mr. M.

Pauelua, Geo. J.

Pilialo, W. H. Pilialoha, P. K.

Poina, Mrs. L. Polani

Puahi, Mr. I Puha, M. M.

Puanalau, Mr. M Punikala, L.

Pula Puakomela

Punahoa, Mrs. K. Puleimoku, Mrs.

Pukooku, Mrs. H. Puu, Mrs. P.

Waiauokalani Wentworth, Miss Alice

Wallace. J.

Wahlers, Mrs. L. Wills, Harry

Waiohowale, Mr.

----KOLAMU EHA----

[Aia maanei ke Kii o ke Kaa Hehihehi Wawae lua ole]

Mai poina i ka nana ae i ke Kaa Hehihehi Wawae lua ole o ka paa, ka maikai ma ka holo ana, i ikeia ma na wahi kuai kaa apau.

--------------------------

Kalivilana [Cleveland]

Honolulu Bicycle Company

---------------------------

209 Alanui Hotele Telepona 909

2753-1m.

____________________________________________________________________________

Clark, Miss A. Cockett, I

Cavanagh, Mrs. A. {Too blurred to read]

D F

Doropn, Moses

Simiola, S. Sasaki, Mrs. A.

Spencer, J. Sherman, Mrs. Kela

J. M. Oat.

Luna Leta Nui

Honolulu, Aperila 30, 1899.

____________________________________________________________________________

KA HUI MAHIKO O OLAA

Ke manao nei makou, he mea maikai i na kanaka Hawaii i loaa he mau wahi kenikeni, e kiola ae i mau mahele mahiko no lakou. A ke manao nei makou, o ka Hui Mahiko o Olaa ma Hawaii, e hoala mai nei i keia wa, oia kekahi hui e palekana ai keia mau dala, ina iloko o ko laila mau mahele e ohi ai na kanaka.

Ua paipai mua aku no makou i ko makou poe heluhelu, e komo nui ae lakou ma ke kuai mahele kuleana mahiko ana, a e haawi hoi i ka lakou mau hilinai ana ame na paulele ana malalo o na alakai hooulu waiwai ana a na keiki haole kamaaina o lokou ponoi iho nei o ka aina, e like me ka Hui Mahiko o Olaa e hapaiia mai nei i keia wa.

O ke kumuwaiwai o keia Hui e hoalaia aku ana, ma ka wa mua loa, he $5,000,000 a ua hiki ke hoomahuahuaia aku a hoea i ka $10,000,000. He $20 ke kumukuai o ka mahele kuleana hookahi.

Ina e lawe ana ke kanaka i 5 wahi mahela, ua like ia me $100 kona waiwai io, iloko o ka Hui; a he nani maoli hoi, ke mahuahua kahi kumuwaiwai e loaa ana i ke kanaka iloko o keia Hui.

O ke kopaa, oia ka lua eli gula waiwai loa ma Hawaii nei i ka wa i hala ae nei, i keia wa e ku nei, a i ka wa e hoea mai ana. He mea maikai no ke kanaka Hawaii hoomakaulii dala e kiola i kana mau dala maloko o na mahele mahiko.

__________________________________

OLA KA MA’I HI

__________

Ua ike au i kekahi kanaka i loaa i kekahi ma’i hi kau loihi, mai ka wa mai no o ke kaua ana, a i hoao i na ano laau apau. Mahope nae, loaa iho la ia’u hookahi laau, i lilo i laau ola, oia ka Laau Ola a Kamalena no ke Nahu, ke kolera ame ka hi – H. E. Grisham, Gaars, Mills, La. E kuaiia ana e Benson, Smith & Co., na agena Kuai Kukaa no ko Hawaii Pae Aina.

________________________________

HALA IA KUPA O KA AINA

___________________

Ma ka Poakahi nei, Mei 1, mauka ae nei o Kapalama, i haalele mai ai i keia ola ana o Jesse Amara, hope makai nui mua o Waialua, a hoa hanohano nohoi o ka Ahaolelo mai ia Apana mai i kahi wa i hala hope ae nei. Ua oleloia, he 74 ka nui o kona mau makahiki ma keia ola ana, a hookuu mai la oia i keia ao. Ua hoihoiia aku kona “kinowailua” no ka Apana o Waialua. Ua haalele iho oia ma keia ola ana, he mau kaikamahine , he mau keiki, he mau hunona, na moopuna ame na hoaloha he nui loa.

O Amara ka halekipa ma Waialua, a ko Honolulu nei poe maka ko’iko’i e hookaukoo aku ai i na wa i hala ae. He kanaka piha oluolu a puuwai hamama.

Ke komo pu nei makou iloko o ke kanikau ana me kona ohana ame kona poe hoaloha apau.

Ua oleloia, he ma’i “numonia” kona o ka make ana.

_________________________________

HE KOENA O KE KAUA

__________

He nui na koa e ike nei i ka ineaa ke kaua i hoomanawanuiia iho nei e lakou. Penei ka oleloa Mr. Geo. S. Anderson o Rossville, mahele aina o York, Penn.. kekahi o na kanaka i ike i na owelawela a ke kaua, a i loaa hoi i ka rumatika: “Ua loohia au i kekahi eha ikaika loa i keia wa iho nei, a ua kuai aku au i omole o ka Laau Hamo a Kamalena. Ua ike au i ko’u oluolu ana, nolaila, makemake au e hai mai oe ia’u i ke kumukuai no hookahi kakini omole.” Ua makemake o Mr. Anderson i keia mau omole laau, nona iho, a no ka haawi ana aku i kona poe hoaloha ame na makamaka, no kona manao ana, he mea pono ke loaa i kela ame keia ohana i hookahi omole, aole nae no ka ma’i rumatika wale no, no ke kikala hanene, ka maui, ka pehu, ka moku, na palapu ame ka wela ahi. He lua ole keia laau. Benson, Smith & Co., na agena Kuai Kukaa no ko Hawaii Pae Aina.

----KOLAMU ELIMA----

[Aia maanei he kii o ka wati (uwaki) waikala]

G. Dietz

He mea hana Wati Akamai a piha

Noeai loa

Alanui Nuuanu, Helu 417

E hooiaia ana na hana apau. 2753-1m

KUNU KALEA

__________

He wahi keikikane uuku ka’u i aneane e make no ke kunu kalea. Hai mai la kuu poe makamaka ia’u no ka Laau Kunu a Kamalena. Aole o’u manaoio iki e loaa ana kahi laau e pono ai ia, aka, mahope iho o ko’u hoohainu ana he mau puna o kela laau, ike iho la au i kona maikai ana ae. Hookahi no omole laau, o kona ola loa no ia. O ka laau kunu maikai loa keia maloko o ko’u hale. J. L. Moore, South Borgettstown, Pa. E kuaiia ana e Benson, Smith & Co., na agena Kuai Kukaa no ko Hawaii Pae Aina.

________________________________

OLA HOU KEIA MAI RUMATIKA I

KA LAAU OLA A KAMALENA

___________

Ua loohia kuu keike i ka ma’i rumatika, ma kona wawae akau, a hiki ole iaia ke hele. Mahope iho nae o kona inu ana i ka laau o hookahi omole ame ka hapa o ka Laau Hamo Ola a Kamalena. Ua hiki iaia ke hele hou ma o a maa nei. Ke hooia aku nei au me ka oiaio no keia laau, no ka poe i loohiaia i ka rumatika --- John Snider, Freed Calhoun Co., W. Va. Benson, Smith & C0. na agena Kuai Kukaa no ko Hawaii Pae Aina.

___________________________________________

I keia la e holo aku ai ka moku lawe koa Amerika “Newport” no Manila.

_____________________

Ua haalele aku ka mokulawekoa “Morgan City” ia Kapalakiko, me 600 poe koa, no Honolulu nei a hala loa aku lakou i Manila.

_____________

Ke mau nei no ka piha ia ana o ka Hale Mele Hou, no ka makaikai i na hana loea akamai a ka poe hoikeike i na paani a Hoonaueue ihe.

____________

Ma ka Poakolu nei i holo aku ai na moku pea Martha Davis ame S. G. Wilder no Kapalakiko. He 17,179 ekekopaa ma ka moku elua, no laua ka huina waiwai io, he $186,799.93.

____________

O ka mea wale no e nele ai na hale hana a hoomaemae kaa baisikila, oia kou kau ana maluna o ke kaa “Kalivalana.” E loaa no keia ano kaa ma Honolulu Bicycle Co., na agena ma Alanui Hotele.

Kela ame Keia

_________________________________________________

Oiai, ua hookohu pono ia mai ka mea nona ka inoa malalo iho nei i Lunahooponopono Waiwai Hana Keoki, o Honolulu, Oahu, i make.

Ke hoolahaia aku nei ma keia i ka poe apau e waiho mai i ka lakou mau koi i ka Waiwai o Hana Keoki i oleloia, i make, i hooiaio pono ia, ina paha ua hoopaaia ma ka moraki a ano e ae, i ka mea nona ka inoa malalo iho nei, ma Honolulu i oleloia, iloko o eono mahina mai keia la aku, a i ole, e hoole mau loa ia aku no lakou. A o ka poe apau i aie i ua waiwai la, ma keia ke kauoha ia aku nei e hookaa koke mai i ka mea nona ka inoa malalo nei.

ROBERT PARKER WAIPA.

Lunahooponoono Waiwai o ka Waiwai o Hana Keoki

Hanaia Honolulu, Oahu, Maraki 10, M. H. 1899

5174-6m

Hoolala Hooko Moraki

____________________________________________________

HOOLALA HOOKO MORAKI

Mamuli o kekahi mana kuai i hoike ia maloko o kekahi palapala moraki i hana ia mawaena o Junius Kaae ame Jessie Kaae, kana wahine, no Honolulu, Oahu, o ka aoao mua, ame Joseph B. Atherton o Honolulu i oleloia, o ka aoao elua, ma ka la 13 o Novemaba, 1896, i kakau kope ia ma ka buke 166 [?] aoao 94 a 96, a mamuli o ka uhai ia ana o na kumu aelike o kela moraki, oia hoi no ka hookaa ole ia o ka uku-panee ma ka wa e hookaa ai, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.

A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jos. F. Morgan, ma Honolulu, ma ka la 22 o Mei, 1899, hora 11 o ia la.

Aia ma kahi o W. R. Kakela na olelo

------KOLAMU EONO-----

hoakaka no keia mea.

Hanaia i keia la 25 o Aperila, 1899.

JOSEPH B. ATHERTON.

Mea Moraki Mai

______________

Penei na aina i moraki ia:

1. Palapala Sila Nui 5489, Kuleana 3111 iaD. Kapule ma Wailua, Kauai – Apana 2. 5 Eka, 29 pereka; aina raiki. Apana 3, 4 Eka, 2 ruda, 9 pereka, he pa-hale. Apana 4, 3 Eka, 3 ruda, 15 pereka; he loko i’a.

2. Palapala Sila Nui 6020, Kuleana 3561 ia Kaumualii ma Wailau, Kauai, he 17 Eka, 3 ruda, 28 pereka, ; aina raiki.

3. Palapala Sila Nui 6021, Kuleana 3226 ia O. Chapin ma Wailua, Kauai, 4 Eka, 2 ruda, 32 pereka; aina raiki.

4. Palapala Sila Nui 6978, Kuleana 3909, ia Nahinu ma Wailua, Kauai, Apana 1, 4 Eka. 11 pereka: aina raiki. Apana 2, 16 pereka: he pa-hale.

5. Palapala Sila Nui 0976, Kuleana 8247 ia Ehu, ma Puna, Kauai, 3 ruda: he aina laau hua.

6. He kuleana hapaluama kekahi apana pa-hale ma Lahaina, Maui, iloko o ka Palapala Sila 1175, Kuleana 6499, ia Nakaelua, ma Kainehe, 1 Eka, 3 ruda.

2752-4t

___________________________________________________________

KA HOOLAHA A KA MEA PAA

MORAKI NO KA HOOKO

MORAKI A KUAI AKU

___________________

Ke hoolahaia aku nei ma keia, mamuli o kekahi mana kuai ame kekahi mau mana e ae i paa maloko o kekahi moraki i hanaia ma ka la 28 o Mei, A. D. 1891, i hanaia e Jacob Markle ame Edzal Markle ia S. Roth, i kopeia maloko o ke Keena Kakau Kope, Oahu, maloko o ka Buke 132, ma na aoao 221, 222 ame 223, i hoolilo pono ia mai e Cecil Brown, ka Lunahooponopono Waiwai a Kahu Malama Waiwai (Trustee) me ka palapala kauoha i hoopili pu ia a S. Roth, i make, i oleloia ae nei, ia George W. Farr, Kahu Waiwai (Trustee), ma kekahi palapala i kakauia ma ka la 19 o Aperila, A. D. 1899, a i kopeia ma ke KeenaKakau Kope i oleloia maloko o ka Buke -- , aoao -- .

Ke makemake nei o George W. Farr, Kahu Waiwai (Trustee) e hooko aku i ua moraki la no ka uhakiia ana o ke kumu aelike i paa maloko o ua moraki la, oia hoi, ka uku ole ia ana o ke kumupaa ame ka ukupanee ma ka wa e uku ia ai.

Ke hoolahaia aku nei ma keia, mahope aku o ka pau ana o na hebedoma ekolu mai ka la aku o keia hoolaha, e hoolahaia aku no ka waiwai i hooliloia mai a i paa maloko o ua moraki la, no ke kuaiia ana, a e kuai ia aku nohoi ma ke kudala akea ma ke keena kudala o Jas. F. Morgan, ma Honolulu, ma ka Poaono, la 13 o Mei, A. D. 1899, ma ka hora 12 awakea o ua la ‘la.

Penei i hoakakaia ai ka waiwai e kuiia aku ana malalo o ua morkai nei:

O kela apana aina apau e waiho ana ma ka nuku o ke Awawa o Manoa, maloko o laila he lii [?] o Eono Eka, oi aku a emi mai paha, a i hoakaka pono ia maloko o kekahi ana i anaia e W. E. Rowell, he mea ana ina, ma ka la 23 o Okatoba, A. D. 1890, a penei na holo ana:

E hoomaka ana ma kekahi kiko he 43 kapuai ke kaawale a e holo ana A.K. 55 degrees 30’ Kom., oiaio, mai kahi i hoomaka mai ai, a i hoakakaia maloko o ka Palapala Sila (Aina Aupuni) Helu 882 ia Theophilas Metcalf, oia hoi, ma ka huina Ak. Hik. O ka pa pohaku e hoopuni ana ia Pilipili; alaila, holo Ak 55 degrees 30’ Kom. oiaio 491.6 ma ka pa pohaku e hookaawale ana i keia apana mai Wailele mai. Ak. 63 degrees 30’ Kom oiaio 181 kapuai ma ka pa puhaku: Hem 4 degrees 46’ Kom, oiaio, 1102.5 kapuai: Ak. 41 degrees 40’ Hik, oiaio, 770 kapuai [unclear] ke alanui, a aneane 40 kapuai mai ka pa pohaku mai, mawaena o Pilipili ame Puahia, a e aneane e holo kau.... [?] me ia, a hoea i kahi i hoomaka ai: me na pono, na pomaikai, na mea i kukuluia iho a i paa maluna o ua aina la.

GEORGE W. FARR.

Kahu Waiwai, Waihonao ka Mea Paa Moraki

Na kumu: Dala Kuike me ke Dala Gula o Amerika Huipuia. I ka mea e lilo ai na lilo palapala.

No na mea i koe e ninau ia Robertson & Wilder, na loio o ka Waihona o ka Mea Paa Moraki.

Hanaia Honolulu, Aperila 20, 1898

2731- [unclear]

Hoolaha Mana Hookolokolo

ILOKO O KA AHA KAAPUNI APANA HOOKOLOKOLO O KO HAWAII PAE AINA – MA KA HOOPONOPONO WAIWAI

Ma ka Hana o ka Waiwai o C. P. Kanakanui (K) o Honolulu, Oahu. I make kauoha ole.

No ka mea, na waihoia mai e J. Alfred Magoon, ka mea aie, he palapala noi no ka hookohu Lunahooponopono Waiwai no ka waiwai i oleloia, a e hoopukaia aku ia palapala iaia, nolaila, ma keia, ke hoolahaia aku nei, i na poe apau i kuleana ma ua waiwai la, o ka Poalima, Iune 2, 1899, ma Aliiolani Hale, Honolulu, hora 10 o ke kakahiaka, oia kahi ame ka manawa e hele mai ai lakou, a e hoike mai i na kumu ina he kumu ka lakou e ae ole ia ai ke noi.

Honolulu Mei 2, 1899.

Na ka Aha:

GEORGE LUCAS

2753-3t Kakauolelo

ILOKO O KA AHA KAAPUNI, APANA HOOKOLOKOLO

EKAHI O KO HAWAII PAEAINA

Ma ka hana o ka waiwai o Lilia N. Hanaia, o Honolulu, Oahu, i make kauoha ole.

Mamuli o ka waiho ia ana mai o ka moowaiwai a S. W. Kaleikini lunahooponopono, e hoike ana he $129.20 na hoolilo a he $1608.50 na dala i loaa mai kona lima, a me kona noi e nana a e aponoia ia mau mea; nolaila, ua kanohaia.

O ka Poakahi, la 29 o Mei, M. H. 1899, hora 10 kakahiaka, ma ka rumi hookolokoloo ua aha la ma Aliiolani Hale, ma Honolulu, mokupuni o Oahu, oia kahi a me ka manawa e hoolohe ia i na keakea a ka poe kue ina he mau keakea ka lakou, a me ka hooholoana i ka poe i kuleana i ka waiwai i hoikeia ae la.

Kakuaiai keia la 24 o Aperila, 1899.

Na ka Aha:

HENRY SMITH,

Kakauolelo Oihana Hookolokolo.

2752-3t