Ka Nupepa Kuokoa, Volume XXXVIII, Number 15, 14 April 1899 — KA PUALI INU WAI A NA KULA SABATI HAWAII. [ARTICLE]

KA PUALI INU WAI A NA KULA SABATI HAWAII.

Ma na lono i loaa mai ia makou, eia ka hapa nui o na Kula. Sabati o na Ekalesia Euanelio o Honolulu nei ke hooliuliu mai nei ia lakou iho no ke komo ana aku ma ka hana hookahakaha nui e malamaia ana ma ka mahina ae nei o Mei. Eia na Kula Sabati o ke Kulai Kamehameha—Keikikana ame Kaikamahine —ke hoomakaukau mai nei ia lakou iho; pela na Kula Sabati Pukiki, Pake ame lapana. He elua mau himeni kuikawa e mele ia ana ma ia la, oia mele i hakuia e Mr. P. H. Dodge, no ka Hui "Christian Endeavor. Society o Hawaii," a o ka leo nae, oia o "Hawaii Ponoi." E alakaiia ana kfi mele ia ana o keia mau himeni e Mr. D. L. Naone, me ke kani ana o na ohe keleawe (cornets) he eha ka nui. E kai huakai ana na Kula Sabati me ko lakou mau ka?hiko nani apau, me ko lakou mau hihimanu apau o hela ame keia ano ma ke alo ae o ka Opera House (Hale Mele Hou) oiai malaila e ku ai ke kahua kuwaena o na hana. Oiai kela ame keia Kula e nee a« ana ma ia wahi, e poha ana ko lakou mau leo mele ika lewa. E himeni ana na Pake, na lapana, na Puklki, ka Haole ame ka Hawaii. Ea, o lilo ana paha keia la i la hoomanao no na olelo lehuiehu i hoomaka mua ai ma Babela. E komo mai ana na Kula Sabati o Kaumakapili ame Kawaiahao. E lilo ana ke alakai ana i ka Bana puhi ohe o ke Kula Kamehameha. E lawe ana kela Kula ame keia -Kula i na ha€ hoohiwahiwa. O na Komite i maopopo ia makou i keia wa, oia keia.: Komike Papa Hoonohonoho Hana, o Mr. Bowen, paha ka lunahoomalu; Komite Waiwai o Mr, Weedon; Komite Hoohiwahiw& o Mr. Dodge ka lunahoomalu; Komite o ka Huakai Hele, Mr. Coleman ka lunahoomalu. Hookahi Komite Kuwaena, akc ole makou e kuhihewa o Mr. Richards ka lunahoomalu. Ke manao nei makou, he huakai puali inu wai keia a na Kula Sabati, elike me ka hana mau i ikeia mawaena c na Kula Sabati o ka wa kahiko ma Hawaii nei.