Ka Nupepa Kuokoa, Volume XXXVIII, Number 15, 14 April 1899 — KA MOKU LELE I KA LEWA. [ARTICLE]

KA MOKU LELE I KA LEWA.

LADA'NA, Aperila ohohia nui ia ka moku lele poai lewa a Dr. Felix Bariou e na loea akeakamai o ke Aupuni Beritania. "Ua konoia mai au e na luna Aupuni e hoomakaukau au 1 kii ame ke ana o ka moku lele a'u i imi ino nei a loaa," wahi a Dr. Flelix Bartou i oleio ae ai i keia la. "Aole au i ike i kekahi kumu e hiki ole ai i kuu moku lele poai lewa, ke lele aku mai keia aoao aku o ka Moana Atelanika a hoea i kela aoao. E hiki ana i keia moku lele, ke hali aku i ewalu kanaka ame na paona he 4,000. Ke makemake oe e pii ae ka moku iluna, e huki mai oe i ke ki o mua o ka moku, a niniu ae la ka huila, oia kona. wa e pii ae ai, a ke hookuu iho hoi oe i ke ki o mua, o ka iho iho la no ia ilalo. 0 kau wahi mea o ka hoao ana iho nei, he wahi moku uuku e hoohanaia ana e kekahi mikini elike me ko na kuila iloko o ka wati, aka, o keia moku lele a'u e hana aku ai, e hooneeia ana ia e ka uwila ma ka ikaika nee o 12 mile i ka hora. Ua hiki holo lea i keia moku ke lele aku mai a nei aku a hoea 1 Nu loka, no ka wa e emi ana malalo iho o elua la.