Ka Nupepa Kuokoa, Volume XXXVIII, Number 15, 14 April 1899 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Hui Alahao me Aina o Oahu

 

MAI A MAHOPE AKU O IUNE 13, 1898

 

Manawa Holo

 

WAH@’HOOLULU

Mai Honolulu aku,@

 

                        Waianae, kaa huikau, na la apau koe ke Sabati

                                                Waialua, kaa ohua, na la apau

                                                                        Waianae, kaa ohua, na la apau.

                                                                                                Wili o Ewa, kaa ohua na la apau.

 

Honolulu         7:10 am           9:15 am           3:10 pm           5:10 pm

Manana           8:07 am           9:48 am           3:48 pm           5:50 pm

Wili o Ewa      8:37 am           10:08 am         4:08 pm           6:10 pm

Waaianae         9:27 am           10:53 am         4:43 pm           ……..

Waialua           ………            12:00 am         5:38 pm           ……..

 

WAHI HOOLULU.

@Mai waho mai @@, Honolulu.)

 

                        Wili o Ewa, kaa ohua, koe ke Sabati.

                                                Waialua, kaa ohua, na la apau.

                                                                        Waianae, kaa huikau, na la apau, koe ke Sabati.

                                                                                                Waialua, kaa ohua, na la apau.

Wili o Ewa, kaa ohua, Sabatl wale no.

 

Waialua           ……..              6:12 am           ……..              2:39 pm           ……..

Waianae          ……..              7:12 am           10:09 am         3:55 pm           ……..

Wili o Ewa      5:50 am           7:47 am           10:59 am         4:32 pm           12:45 pm

Manaua           6:15 am           8:07 am           11:34 am         4:52 pm           1:10 pm

Honolulu         6:50 am           8:40 am           12:15 am         5:26 pm           1:45 pm

 

G. P. DENISON, LUNA

F. C. SMITH, Luna Kuai Palapala Holo

 

NU HOU HAWAII

           

He omaimai ko Lunakanawai J. Kekahuna O Waianae, ma ka Poakahi nei.

 

Ua hala aku o Bihopa Willis no ka Mokupuni o Kauai, ma ka Poalua iho nei, maluna aku o ka mokuahi Waialeale.

 

Ma ka Poalua nei i hala aku ai @ Mr. L. A. Thurston, no Maui, no ka hooponopono ana i na mea e pili ana i ka Hui Mahiko o Kihei, Maui.

 

Aia ke keena o ka Hui Alahao “Rapid Transit: maloko o ke Keena Loio mua iho nei o Kini me @alu, ma ka aoao ma Waikiki o ke Alanui Papu.

 

Ua lilo aku nei ma ke kuai ka hale uoho ame ka aina o ka Mea Mahaloia @. P. Iaukea, ma Manana ae nei, Ewa, no ka huina o $10,000, ia B. F. Dilinahama.

 

He mokukaua Italia ko Honolulu nei, a mea ia mai, e hoopahee loa aku ana oia no na kaiaulu o Kina.  O ua minole no paha auanei keia a Europa ia Kina?

 

Ua paa iho nei ka Palapala hoohui o ka Hui Mahiko o Nahiku.  O ke kumuwaiwai he $750,000.  He $75,000 I @@@ @ keia wa.  E hoomaka koke ia @@@ ana ka hana o keia mahiko.

 

Eia ka hoi i Honolulu iho nei o Hon. S. K. Kaeo o Nawiliwili, a hoi aku la @@ e ike i hahi wai kaulana o “Kenamo,” i “ka noe a ka ua Paupili.”  Aole nae ua hoa la i pa wahi kanaka mai, a hoi aku la no.

 

Ua haia aku o Mr. Carter ame Mr. Kluegel no Hawaii, no ka hookuene pono ana i ka hana o ke alahao kaa.  Ahi o Hilo, O Mr. Kluegel, ka eniginia no ka hana alanui kaa ahi ma ka Hui Kaa Ahi o Oahu nei.

 

Ma kekahi ia o ka pule i hala i lilo mai ai ia Hon. W. C. Achi, ma ke kuai, he mau eka aina nui ma Kona Akau, Hawaii, no ka huina o $50,000.  Ma ka mokuahi Mauna Loa o ka Poaono aku nei, i holo aku ai oia e makaikai pono i@ua aina la.

 

E kukuluia aku ana ma ka aoao ma Waikiki ae o ka hale pohaku o Lunakanawai Kiekie Alapaki Kauka, e ku nei ma Alanui Kalepa ame Papu, he hale pohaku hou nona ke kiekie he elima hale, mai lalo ae a hala iluna.  Maluna keia o ka aina o Kauka Minuke@@@.

 

Ma ka ia Sabati nei i Heluhelu mai a@ o Bihopa Willis imua o na hoaha@@@ o ka Ekalesia Anegalikana ma Hawaii nei i kana Palapala haalele i ka noho Bihopa ana no ka Ekalesia ma Hawaii nei a e kali ana nae oia no ka pane mai ka Bihopa mai o Cantebure, @adana, mai.

 

Ua hopuia kekahi kanaka o Waianae, ma ka Poalua nei, no ka hooweliweli me ka pu i kekahi mau kanaka elua maluna o ka waa e lana ana iloko @ ke kai.  Ua koho mai nei ka mea @ hopuia ia Mr. Kikila Balaunu ame ka lunahooponopono o nei pepa i mau loio nona.  Ma ka Poalua ae nei e hooloheia ai keia hihia imua o ka Aha Apana o Waianae.

 

Ua hoolilo loa aku nei o Lunakanawai A. W. Carter i kona mau mahele kuleana apau iloko o ka Hui Mahiko “American Sugar Company” ma ka Mokupuni o Molokai, i kekahi poe o loko nei o ka aina, no ka huina o $275,000, a ke huiia keia huina me ka huina @@@@ i loaa iaia, no kekahi mau mahele mahiko no ana i hoolilo mua ai, na hiki kona huina loaa i ka $400,000.  A ke manao wale ia nei e komo aku ana ia iloko o ka Mahiko e manaoia nei ma Olaa, Hawaii.

NA EKALESIA.

 

MOOLELO O KA AHAHUI EUANELIO O KA MOKUPUNI O OAHU.

 

            Halawai ka Ahahui Euanelio o ka Mokupuni o Oahu ma ka Luakini o Kaumakapili.  Aperila 5, 1899, hora 10 am.

            Ua hoomaka nah ana me na manao paipai a ka Lunahoomalu mua, Rev. E. S. Timoteo.  I ka hoopau ana ae o na manao paipai, ua kaheaia na inoa o na laia i hiki mai.  Ekalesia o Kawaiahao, Rev. H. H. Pareka, Kahu; D. L. Naone, Elele; Ekalesia o Kaumakapili, Rev. E. S. Timoteo Kahu; Sam. Maiopili, Elele; Ekalesia o Kalihi ame Moanalua, Rev. O. H. Gulick, Komite; Kalohealii, Elele; Ekalesia o Ewa, Rev. J. M. Ezera, Kahu; J. E. Kahoa, Elele; Ekalesia o Waianae, J. Kekahuna, Komite; Helemano, Elele; Ekalesia o Waialua, Rev. S. K. Oili, Kahu; J. A. Awai, Elele; Ekalesia o Hauula, Rev. Sol. D. Nuuhiwa, Kahu; Kauhi, Elele; Ekalesia o Waikane, Rev. James Davis, Kahu; E. P. Aikue, Elele; Ekalesia o Kaneohe ame Waimanalo i hui ia, Rev. H. H. Paleka Komite; Kaailua, Elele;  Lala mau—O. P. Emerson, J. Waiamau, H. Binamu, J. Nua, R. Maka, D. Kapali.

            I ka pau ana o ke kahea inoa ua hapaiia ke koho ana i na luna nui o ka Aha.  Ma ke noi a D. L. Naone ame E. P. Aikue, ua kohoia o Rev. E. S. Timoteo i Lunahoomalu, a o Rev. J. M. Ezera i Kakauolelo.

            Noi mai o D. L. Naone e lilo na haumana o ke Kula Kahuna amen a hoa kupono e ae i mau hoa kuka, aponoia.

            Koho ka Lunahoomalu i na komite mau:  Rev. James Davis, D. L. Naone, Sam. Maiopili komite Halawai.  Rev. O. P. Emerson, Rev. J. Kekahuna, Rev. S. Oili komite imi kumuhana.  Rev. O. H. Gulick ame T. Richards, komite imi haawina.  Na Rev. E. S. Timoteo ame J. M. Ezera na komite pai moolelo.

            Mahope iho o ka pau ana o na komite i ke kohoia, ua Heluhelu mai o Rev. O. P. Emerson i ka hoike a ke komite imi kumuhana:  1.  Hapa hora haipule;  2. hoike kihapai;  3.  Palapala hoopii;  4.  olelo hoalohaloha;  5.  hoike komite;  6.  oihana kuwaho;  7.  oihana kuloko; (a) ola kahu; (e) luakini, halehalawai ame halekahu; (i) ekalesia kahu ole; (o) kula hanai; 8.  Heluhelu haawina;  9.  na elele a keia Aha i ka Ahanui ma Iune;  10.  na me keakea i nah ana pono;  11.  kahi ame ka wa e noho hou ai keia Aha.

            Hapai ka Aha i ke kumuhana 2—Na Hoike Kihapai.  Na D. L. Naone, Sam. Maiopili; S. W. H. Kawelohelii, J. E. Kahoa, S. Helemano, J. A. Awai, S. W. Kauhi, E. P. Aikue ame Kaailua.

            Noi mai o O. P. Emerson e hoopanee ka Aha a noho hou i ka hora 2 auina la, aponoia.  Hoopanee ka Aha me ka pule a ke Kakauolelo.

Halawai Auwina la, Hora 2.

            Halawai hou ka Aha e like me ka hoopanee ana, Mr. Lunahoomalu ma ka noho.

            Hoomakaia nah ana me ka pule ame ka himeni a James Davis.

            Na Rev. O. P. Emerson he noi e hookaawale ia ka hora 9 kakahiaka Poaha i Manawa e hoolauna pu ai me ke Kaikuaana Makua i hoi mai Rev. J. Kekela amen a makamaka a hoahana e ae o na Ekalesia like ole.

            Hapai ka Aha i ke kumuhana 3.—Palapala Hoopii.  Na ke Kakauolelo i Heluhelu mai he Palapala hoopii mai ka Ekalesia mai o Kaumakapili e kahea ana ia Rev. E. S. Timoteo i kahu, oiai, ua kokoke e pau ka manawa o ka Palapala mua.

            Mahope o ko ka Aha noonoo ana ua kohoia o Rev. O. HG. Gulick i komite nana e pane aku imua o ka Ekalesia me na manao a’o a keia Aha.

            Hapai ka Aha i ke kumuhana 5.—Hoike Komite o ka Kihapai Kahu Ole.  Heluhelu mai o J. Kekahuna i kana a aponoia.

            No ka pau pono ole mai o na hoike komite e ae, ua hapai ka Aha i ka mahele (i) oia kumuhana hookahi no, oia hoi, Ekalesia Kahu ole.  A ua kamailio pokole na hoa o ka Aha, no ka Ekalesia o Waianae e paipai ana ia lakou e pono e kahea i Kahu, a mahope o ka pau ana ua kohoia o Rev. S. P. Kaaia i komite kokua ia Rev. J. Kekahuna ma ia mau Ekalesia.

            Na ka elele o Kalihi ame Moanalua he noi e hoomauia no o Kulika i komite, aponoia ke noi.

            Na Kaailua, elele o Kaneohe, e hoomauia no o Rev. H. H. Paleka i komite, aponoia.

            Hapai ka Aha i ka mahele (a) o ke kumuhana.—Ola Kahu.  Ua hoike pokole mai ka Lunahoomalu, aneane loa oia e hapai ma keia mua koke iho, i ke kumuhana noi dala no ka hoahu ana i mea e kokua ai i ka pilikia o na Kahu.

            Hapai ka Aha i ka mahele (e).—Na Luakini, etc.  Ma ka wa i noonoo ia ai ka pono o na Luakini, etc., ua hapai pu ia ka noonoo ana o ka hoike Ekalesia o Kauula, oiai, e noi mai ana e ae ia aku lakou e komo mai i loko o na Ekalesia o keia Mokupuni no ke noi ana i ka huina o $300 i mea e hoolawa loa ai i na hemahema o ko lakou luakini.  Ua ae ia ke noi me ka apono ana ia Rev. S. D. Nuuhiwa ame T. Richards i mau komite noi. etc.

            No ka mea e pili ana i ka Halekahu o Waialua ua Kohoia no ke Kahu ame T. Richards i mau komite.

            No Waianae hoi o K. Kekahuna ame T. Richards.

            Hapai ka Aha i ka mahele (o)—Ku@a Hanai.  Ua hoike pokole mai o Lidinghama no ke Kulakahunapule a na Emerson i na kula e ae.  Hapai ka Aha i ke kumuhana 9—Na Elele a keia Aha.  Koho ka Lunahoomalu ia Sam. Maiopili, J. E. Kahoa, E. P. Aikue ame J. A. Awai.

            Hapai ka Aha i ke kumuhana 10—Na mea Keakea i na Hana Pono.  Noi mai o S. K. Oili e waiho na kela ame keia Ekalesia e hana a hoopau i na mea keakea, aponoia.

            Hoike mai ke komite Halawai i ka inoa o na mea nana e malama i ka Halawai.  Na S. Kaailua ame Kauhi e malama ka Halawai po.

            Noi mai o E. P. Aikue e hoopanee keia Aha a noho hou ma ka wa e pau ai ka Ahahui Kula Sabati, aponoia.

            Hoopanee ka Aha me ke mele ana ka aoao 78 o ka Hoku Ao Nani.

            Halawai Auwina la Poaha, Hora 2, Aperila 6, 1899.

            Mahope o ka malamaia ana o ka hapa hora haipule, ua hoomaka koke nah ana.  Rev. E. S. Timoteo ma ka noho.  Hapai ke Kakauolelo i ke kahea inoa ana, a mahope o laila ua hapai koke ka Aha i ke koena o na hoikle komite.  Na Gulick I ko Kalihi ame Moanalua.  A nana pu mai no he hoike komite imi haawina Heluhelu no keia kau ae, a penei:

            Heaha na mea i ku i keia Manawa e pono e a’o ia, amen a ano io i hohu pono no ke Kahunapule Hawaii?—J. Kekahuna.

            O ka haawi i hana ma ka pawaina no na hoahanau opiopio, he mea anei keia e hookuonoono ai lakou ma ka pono?—S. K. Oili.

            Pehea e hiki ai i ke Kahu Ekalesia e alakai i na hoahanau o kona Ekalesia ma nah ana lima a me ka malama ana i na loaa?—James Davis.

            Hapai ka Aha i ke kumuhana 4—Komite Hoalohaloha.  Kohoia o Rev. J. Kekahuna, H. H. Parker ame S. K. Oili I mau komite.  Hookahi olelo hoalohaloha no ka makuakane o ke Kama’lii Kaiulani a hookahi no Mrs. Pailolo Davis, kahu wahine o Waikane.

            Hapai ka Aha i ke kumuhana S.—Heluhelu Haawina.  Na J. M. Ezera i kana a ma ke noi a Paleka ua hooholo ka Aha e hoolahaia ma na nupepa. 

            Na ka Lunahoomalu E. S. Timoteo i kana a ma ke noi no a Paleka ua hooholo ka Aha e hoolahaia ma na nupepa.

            Hapai ka Aha i ke humuhana hope loa—Kahi ame ka wa e hoho hou ai keia Aha.  Noi mai o E. P. Aikue e noho hou keia Aha ma ka Luakini o Kaumakapili, hooholoia e like me ke noi.

            Na D. L. Naone i noi ami a i hoopanee keia Aha, alaila e noho hou ia ma ka Poakolu mua o Okatoba o keia makahiki, aponoia.

            Na Rev. S. K. Oili i Heluhelu mai he olelo hooholo, hooholoia, Ke haawi aku nei na lala o keia Aha i na hoomaikai piha i ka Ekalesia Makua o Kaumakapili no ko lakou kokua lokomaikai ana mai i na mea e oluolu ai keia kino.  Aponoia ka olelo hooholo.

            Heleheluia ka moolelo a aponoia.

JNO. M. EZERA, Kakauolelo.

 

HOIKE KULA SABATI.

 

            Malamaia ka hoike hapaha o na Apana Kula Sabati o Koolau, Kauai, ma ka luakini o “Poni Moi” i ke Sabati, la 2 o Aperila, 1899.  Hoomakaia na hana hora 11 a.m. ma ke mele ana ma ka aoao 128 Hoku Ao ame ka pule a Rev. S. Kaulili.

            Na Kula Sabati i hiki mai—Anehola, Koolau ame Kilauea.

            Kaheaia ka hoike a ka Elele o ke Kuia Sabati i ka Ahahui i Lihue, pau ia, ka Elele o ka Ahahui Opiopio.  Hoike a ke Kakauolelo ame Puuku o ka Ekalesia elike me ia i hoopaneeia mai ai.  Hoike a ke Elele o ka Ekalesia.  Hoolaha a ke Kahu no na mea pili Ekalesia.  Hoolaha a ka Peresidena o Ka Ahahui Opiopio.  Hoolaha a ke Komite Hoeueu of ka Ahahui Opiopio, oia hoi e malamaia ana ka Hoike o na Apana Ahahui Opiopio o Koolau ma ka luakini o Kilauea ke hiki aku i ke Sabati mua o Mei, 1899, pau ia kohoia ekolu mau komite nana e nana na hana o ka la, oia o Rev. S. Kaulili, W. Huddy ame G. M. Huddy.  Himeni hui aoao 220 Hoku Ao, 1 pauku.  Malamaia ka lulu elike me ka mau, a penei na mea i loaa:  Kula Sabati o Anehola, $2.00; Koolau, $5.50; Kilauea, $2.00; na makaikai, $4.50; huina $14.00.  Himeni hui aoao 251 Hoku Ao, 1 pauku.

            Kaheaia ke Kula Sabati o Koolau na lakou e wehe mua nah ana o ka la.  O ka nui o na haumana ke hui me ke alakai he 48, ko lakou Manawa ma ke kahua kaua, 15 minute.  Nani a maikai na mea apau i hanaia, na keia kula i hana main a haawina, ua kohu uwila i anapu mai ma kekahi aoao o ka lani a alohilohi aku la ma kekahi aoao.  Hoihoi ka manao ke nana aku.  Himeni hui aoao 275 Hoku Ao, 1 pauku.

            Kaheaia ke Kula Sabati o Anehola, ko lakou huina he 18, manawa 13 minute.  O ke kula keia nona ka inoa kapakapa, “Keahiokalalea.”  Ae; he oia mau no ia i ke alo pali.  Himeni hui aoao 103 Hoku aoao.

            O ke Kula Sabati o Kilauea i ka Lei Mokihana ka hope.  Ko lakou nui he 17, manawa 9 minute.  He poe koa pokii ame ka opio wale no ko keia kula, a hookahi no makua o ke alakai.  Ae; he oia mau no ke ala o ka Lei Mokihana.  Himeni hui aoao 272 Hoku Ao, 1 pauku.

            Kahea ia o J. Kaoni e haawi mai i mau manao paipai.  Pau ia o Rev. S. Kaulili, William Huddy a na G. M. Huddy, ka lunahoomalu o na komite i hoike mai i ka lakou olelohooholo penei:  Kula Sabati o Anehola ame Koolau helu ekahi, ma ke ku wale o kahi poe aole himeni.  Kula Sabati o Kilauea helu ekahi ma ka paa pono o na mea apau.

            He mau manao paipai mai ke Kahu Kula Sabati Apana G. W. Mahikoa a mea nana i alakai na hana o ka la, a nana no, e malama hou ia ana ka hoike hapaha o na Apana Kula Sabati o Koolau ma ka Luakini o Anehola i ke Sabati mua o July, 1899, a penei na haawina, Kula Sabati o Kilauea, haawina o Aperila; An#hola, Mei; Koolau, Iune, 1899.

            O ka nui o na haumana i hana i ka hana ma keia la ke hui pu me na @una, he 88, hui me na makaikai he 35, loaa ka huina o 123.

            Noi mai o Mr. Pukalo e hookomoia ka moolelo iloko o ka nupepa, kokua mai o David Trask, a pakui mai e hookomoia iloko o elua nupepa, oia ke “Kuokoa” ame ke Aloha Aina.  Ma ka ninau ana, hooholoia.

            Hookuuia na hana ma ke mele ana ma ka aoao 48 o ka Hoku Ao ame ka pule a W. Huddy.

            A mahope oia ua noho iho na mea apau e ai i na mea i hoomakaukauia e ke Kula Sabati o Koolau, e laa ka poi uouo ono o Kalalau, ame ka puaa momona o Hanakapiai, a he nui wale o na ano ia like ole, mai ka i’a kau I ka wekiu a ka i’a luhe mai i ka apapa, a mai ka i’a maka ole e loli pua nei a ka i’a kaulana, i ka piko no lihaliha, a ke keiki lalawai G. M. Huddy i hului mai ai a ku ke koa, oi noke iho o Hanale @ ohe wahi i lawalu aku.

            GEO. W. MAHIKOA.  Kakauolelo.  Kilauea, Kauai; Aperila 7, 1899.

 

            (Aole makou hoowahawaha iki i na hana e pili ana i ka hooulu ana i ka pono, elike me na hoike Kula Sabati.  O ka mahuahua nui ana mai o na opio komo iloko o ke Kula Sabati, a lawelawe i na hana pono io maoli, oia ka hooulu ana i ka nohona pono a holomua mawaena o ka lahui opio o Hawaii nei, a e pono ai ko lakou nohona lahui ma keia mua aku.  E hooikaika na Kahukula Sabati, na Kumu ame ka poe makee pono apau e kii aku i na opio hele ole i na hana pono, e hele mai lakou ia mau hana.  L. H.)

 

KA MAHIKO O KILAUEA.

 

            E hoike ana ka nupepa “Call” o ka la 5 o Aperila, mai Kapalakiko mai, ua hoohuiia ae la he Hui hou ma Kapalakiko, malalo o ka inoa “Kilauea Plantation Company,” no ka huina kumuwaiwai o $2,000,000, ma na mahele, 40,000 no $50 no ka mahele kuleana hookahi.  O ka Papa Alakai o keia Hui oia o A. B. Spreckels, J. D. Spreckels, William Irwin, C. A. Hugg ame W. D. K. Gibson.

 

HE NUHOU HOOPIOO.

            Ma ke ku ana mai o ka mokuahi Aorangi ma ka Poakolu nei mai ka Hema mai, ua laulaha ae la kekahi lono hoopioo ano nui loa mawaena o kekahi poe o ke kulanakauhale nei, oia hoi, ua loheia mai la mai na ‘lii mai ame na ohua o ka moku, ua hopu pio ia iho la ke Kapena o ka mokukaua Geremania “Falk” ma Samoa, a ua hoopaa pio ia oia maluna o ka mokukaua Pelekane “ Porpoise” (Nai’a).  O ke kumu i paa pio ai oia, no kona hoolako malu ana i na poe Samoa me na lako kaua.

            Ua oleloia ae, ua loaa mai keia lono i na poe o luna o ka moku mai Suava mai.

 

HE MAKANA HIWAHIWA LUA OLE.

 

            Ua haawi makana ae ka Hui o Kakela ame Kuke, he makana hiwahiwa lua ole ma ka Poakolu nei, Aperila 12, i na paahana o loko o ia halekuai.  Ua lohe mai makou, ua haawi ae ka Hui, ma o Mr. George Castle la, he $450 i ka haole paahana hookahi, elike me ke ano o ke kulana, ka loihi o ka wa i noho ai iloko o ka hana a ka hui ame ke ano o ka hana.  Hookahi kanaka Hawaii i ukali aku ma keia huina makana o $450, oia o Lono, oiai he paahana kahiko oia iloko o ka hana.  A ua haawiia ae ia Aina Lawelawe, Makaeha Lawelawe ame Adam he $250 pakahi.  Ua loaa hoi ia Henry Kane, David Smith, Keawe Hao, Jim Kalehua ame Aarona Kuwe, he $25.00 pakahi.

            Ua haawiia mai keia mau makana e ka Hui i keia poe paahana, mamuli o ke kaa ana aku o ua Hui la malalo o ka Hui hou o Dilinahama Ma.  Mahalo no i keia mau hana maikai a na haku hana maikai, elike ae la me keia mau keiki a na “Mikanele.”

 

HALAWAI ALOHA.

 

            Ma ka hora 9 kakahiaka o ka Poaha o ka pule i hala, ua malamaia he anaina ike a hookipa aloha e na kahu o na Ekalesia Euanelio Hawaii o Oahu nei i akoakoa mai ai ma ka luakini o Kaumakapili, no ka Makua Rev. J. Kekla i hoi mai nei.  He halawai keia i malamaia me ka piha aloha o na mea apau.  Ua nui na manao aloha I hoikeia e na kahu ame na makamaka o ka Makua Rev. J. Kekela, imua ona ame kona ohana ma keia halawai ana.  Ua hanini keia mau manao aloha, me ka hanini pu ana o na waimaka o na mea apau.

 

HE MAKE I ALOHA NUI IA.

 

            Ma ka po Poakahi nei, i hookuu mai ai i keia ola ana, ka wahine a Henry Espinda o ke Oihana Makai o Honolulu nei.  He kaikamahine keia na ko makou koaloha B. H. Brown o Hilo, ko laila Kapena Makai.  Ua hoonaauaoia keia lede opio Hawaii ma ke kula Beritania o Hilo, a no kekahi mau makahiki ua noho kumuao ma ke Kula o Waiakea.  Ua laweia aku kona hi@owailua no kona one hanau, ma Hilo, maluna aku o ka mokuahi Kinau o ka Poalua nei.

 

KA MAIKAI LOA MA KE AO NEI.

 

            Ke manaoio nei makou, o ka Laau Kunu a Kamalena oia ka laau maikai loa ma ke ao nei.  He mau pule i hia ae nei, loohia ia iho la makou i ke anu nui ame kekahi kunu oolea, a mamuli o ko makou heluhelu ana i ka lakou mau olelo hoolaha ma ka lakou mau nupepa ame kekahi mau pepa e ae, ua kuai ku i mkou i omoiae laau kunu i mea hoi e ikeia ai ka oiaio.  O ka mea oiaio, mamua o ka pau ana o ka laau o ua omole ia ika inuia, ua ola loa ae la makou.  O keia ka laau maikai loa no ke anu ame ke kunu.  The Herald, Andersonville, Ind.  E kuaiia ana e na poe kuai laau apau.  O Benson, Smith & C. (Kaupalenaia) na Agena o Ko Hawaii Pae Aina.

 

            E hooia koke ia ana me ka hikiwawe ka Exzema, ke poo kepia, meeau ame ka meneo o ka ili, o keia ame keia ano.  Laau Hamo a DOAN.  Aia no ma kahi o ka mea pe-ipa-i laau.  50 keneta.

 

HELA AME KEIA.

HOOLAHA A NA LUNAHOOKOKAUOHA I NA POE AIE.

 

            Ke hoolaha aku nei ka poe no lakou na inoa malalo iho nei, ua hookohu pono ia mai lakou a ua hookupono ia hoi i poe Lunahooko Kauoha no ka Palapala Hooilina a Kauoha Hope loa a Hermann A. Widemann, o Honolulu mamua, a i make.  O ka poe apau he mau koi ka lakou i ua Waiwai ia o ka mea i make i oleloia, ina paha ua paa i ka moraki a ano e ae, ke hoolahaia aku nei ma keia, e waiho mai ia mau mea i hooia pono ia me na hooiaio kupono ina e loaa ana, i ka poe no lakou na inoa malalo iho nei, me ke Keena o F. W. Macfarlane ma Honolulu, iloko o eono mahina mai ka la aku o keia hoolaha, a i ole, e hoole mau loa ia aku no.

            O na poe apau i aie mai i ua Waiwai la ke kauohaia aku nei e hookaa koke mai i ka poe no lakou na inoa malalo iho nei, ma ke Keena o F. W. Macfarlane.

            H. R. MACFARLANE, F. W. MACFARLANE, J. M. DOWSETT.  Na Lunahooko Kanoha o ka Palapala Kauoha a Hermann A. Wedemann.

2748-4t

 

HOODAHA.

 

            E hoomaka ana mai ka Poalima aku, la 7, a hiki i ka wa e hoolaha ho@ ia aku ai, e noho mau ana ka Papa Hoopaa Inoa Koho Balota, mai ka hora 8 a. m. a ka hora 12 awakea, a mai ka hora 7 a ka hora 9 p. m. ma na la apau (koe ka la Sabati) o keia ame keia pule, ma ke Keena mua iho nei o ka Papa Ola, ma ke kihi o na Alanui Moi wahine ame Alanui Mililani.

            I mea e hoopau wale ole ia ai ka manawa, ke kauoha aku nei ka Papa Hoopaa Inoa Koho Balota i na mea a pau e nonoi mai ana e Hoopaaia ka inoa, e lawe pu mai i ka Palapala Hookaa Auhau.

            J. M. CAMARA, JR., Lunahoomalu, F. B. OAT, ROBERT H. BAKER.

            Honolulu, H. I., Aperila 6, 1899.

2749-2t

 

HOOLAHA HUI.

 

            I keia la i hanaia ai he Hui mawaena o C. E. Le Munyon ame P. J. Church, no Honolulu laua elua, Mokupuni o Oahu, Ko Hawaii Pae Aina, no ka lawelawe hana ana ma na Lako Pa’ikii.  Hooleleaka, na Buke Kii oia ano, na Kope ana i na Kii, ke Pena ana, a pela aku, ma na Rumi Helu 2, 3 me 4, Hale Pohaku o Love (Love Building) ma Honolulu i oleloia malalo o ka inoa hui i kapaia, “The Le Munyon Photo Supply Company.”

            C. E. LE MUNYON, F. J. CHURCH. Hanaia, Honolulu, Aperila 5, 1899.

2749-2t

 

HOOLAHA MAHELE PUKA.

 

            E ukuia ana he Mahele Puka i na La@a o ka Hui Hawaii Kuai Aina (Kaupalenaia) ma ka Umi Pa-keneta no ke Dala Hookahi ma ka Poakahi, Mei 15, 1899, ma ke Keena o W. C. Achi & Co.’ @ e paa ana na Buke o ka Hui no ka hoopuka ana i na Mahele mai Mei 10 a hiki i Mei 15, 1899.

            JESSIE MAKAINAI,  Puuku o ka Hui.  Honolulu, Aperila 3, 1899.

2749-1m

 

HOOLAHA A KA LUNA HOOPONOPONO WAIWAI.

 

            Ua hookohuia ka mea nona ka inoa malalo iho i Lunahooponopono i ka waiwai o kona kaikuaana, James R. Renton, o Kamakua, mokupuni o Hawaii, i make, a ke hoike ia’ku nei ka lono i ka poe a pau ina he mau koi ka lakou i ua waiwai la e waiho mai ia mau mea i ka mea nona ka inoa malalo iho ma Honouliuli, Ewa, mokupuni o Oahu, a I ole ia Henry Smith, ma Honolulu, ma ka Halehookoiokoio, m@ Aliiolani Hale, iloko o na mahina eono mai keia la aku, o hoole loa ia.  A o ka poe i aie i ka mea i make, ma keia ke kauoha ia’ku nei lakou e hookaa koke mai I ka mea nona ka inoa malalo iho.

            GEO. F. RENTON, Lunahooponopono Waiwai o James R. Renton, I make.

            Kakauia ma Honouliuli, Ewa, Oahu, Maraki 27, 1899.

2748-5t

 

HOOLAHA I KA POE AIE.

 

            Oiai, ua hookohu pono ia mai ka mea nona ka inoa malalo iho nei i Lunahooponopono Waiwai no ka Waiwai o Hana Keoki, o Honolulu, Oahu, i make.

            Ke hoolahaia aku nei ma keia i ka poe apau e waiho mai i ka lakou mau koi i ka Waiwai o Hana Keoki i oleloia, i make, i hooiaio pono ia, ina paha ua hoopaaia ma ka moraki a ano e ae, i ka mea nona ka inoa malalo iho nei, ma Honolulu i oleloia, iloko o eono mahina mai keia la aku, a i ole, e hoole mau loa ia aku no lakou.  A o ka poe apau i aie i ua waiwai ia, ma keia ke kauoha ia aku nei e hookaa koke mai i ka mea nona ka inoa malalo nei.

            ROBERT PARKER WAIPA.  Lunahooponopono Waiwai o ka Waiwai o Hana Keoko.

            Hanaia Honolulu, Oahu, Maraki 10, M. H. 1899.

5174-6m

 

HOOLAHA MANA HOOKOLOKOLO.

ILOKO O KA AHA KAAPUNI, APANA HOOKOLOKOLO EKAHI O KO HAWAII PAE AINA.

            Ma ka Hana o ka Waiwai o Elizabeth H. Robinson ame Isaac J. Robinson, he mau keiki oo ole.

            No ka mea ua waihoia mai he palapala hoopii e ke Kahu Malama Waiwae, S. K. Kane, e nonoi ana e kuai kudala ia ka aina o na keiki oo ole e waiho la ma Apua, Honolulu, Oahu.

            Nolaila, ma keia ke haiia aku nei ka lono i na poe apau i kuleana o ka Poalima, la 12 o Mei, 1899, hora 10 kakahiaka, ma Aliiolani Hale, Honolulu, Oahu, oia kahi ame ka manawa e hooloheia ai o ua palapala hoopii la. A e hoike mai lakou no ke aha la e ae ole ia ai ke noi a ke Kahu Malama Waiwai.

            Honolulu, Aperila 24, 1899.  Na Ka Aha:  J. A. THOMPSON.  Kakauolelo.

2750-3t

 

AHA KAAPUNI, APANA KAAPUNI ELIMA, KO HAWAII PAE AINA.  MA KE KEENA—MA KA HOOKO KAUOHA A HOOPONOPONO WAIWAI.

            Ma ka Hana o ka Waiwai o J. W. Lota o Hanalei, Kauai, i make.

            Ma ka heluhelu ana ame ka waihoia ana mai o ke Noi a W. G. Smith, ka Lunahooponopono of ka Waiwai i oleloia ae nei, e noi ana i Kanoha no ke kuai ana aku i kakahi waiwai paa @ pili ana i ua Waiwai la, I hoakakaia mai, penei:

1.                   O kei aina apau e waiho @a ma Hanalei, Mokupuni o Kauai, e nohoia nei e W. E. H. Deverill, no ka uku hooilimalima o $120 no ka makahiki hookahi, nona hoi ka Palapala Sila Nui 3024, Kuleana 7944, e hoomaka ana ma ke kihi Hik. Hem. Alaila, (maganeti) Ak. 55 Hik. 82 kap., i ka Apana o Kealaiki; alaila, Ak. 26 Kom. 83 kap. Ma ko Kealaiki; alaila, Ak. 69 Hik. 93 kap. Ma ko Kealaiki a i ka apana o Kahue; alaila, Ak. 20 Kom. 132 kap., ma ko Kahue; alaila, Hem. 87 Kom. 587 kap., i ke kai; alaila, Hem. 15 Kom. 312 kap., ma ke kai (ma ka wa kai make); alaila, Al. 87 Hik. 550 kap. i kahi i hoomaka ai.  Maloko o laila he ili o 3 9-10 Eka.

2.                   O keia, apana aina apau e waiho la ma Hanalei i oleloia, i ikeia ma ke ano o ka Aina Halekuai (Store Lot) e nohoia nei e See Wo, a i hoakakaia na palena penei;  E hoomaka ana ma ke Kihi Ak. Hik. Alaila (maganeti) Hem. 26 Hik.  99 kap., i ke Alanui Aupuni; alaila, Hem. 65 Kom. 282 kap., ma Alanui Aupuni; alaila, Ak. 26 Kom. 99 kap.; alaila, Ak. 65 Hik. 282 kap. i kahi i hoomaka ai.  Maloko o laila he 0.65 Eka.

E hoakaka pu mai ana hoi he mau kumu ma ke Kanawai no keaha ia o kuai ia ai ia aina. 

Nolaila ma keia, ke kauohaia aku nei na hooilina ame na poe pilikoko o ka mea i make ame na poe apau i kuleana i ua Waiwai ia e hele mai imua o keia Aha ma ka Poaha, la 27 o Aperila, A. D. 1899, ma ke Keena Hookolokolo ma Lihue, ia wa a ma ia wahi e hoike mai ai i kumu e hiki ole ai ke aeia ke kauoha no ke kuai ilio ana aku i ua waiwai nei.

Hanaia ma lihue, Kauai, Maraki 24, 1899.

Na ka Aha:  R. W. T. PURVIS, Kakauolelo.

2748-3t

 

ILOKO O KA AHA KAAPUNI, APANA HOOKOLOKOLO EKAHI O KO HAWAII PAE AINA—MA KA HOOPONOPONO WAIWAI.

Ma ka hana o ka waiwai o Anela Kakoi, o Honolulu, i make kauoha ole.

No ka mea, ua waihoia mai e Kaili Kakoi, ka makuahine o ka mea i make, he palapala noi no ka Hookoh@ Lunahooponopono Waiwai no ka waiwai i oleloia, a e hoopukaia ia palapala iaia, nolaila, ma keia, ke hoolahaia aku nei i ka poe apau i kuleana ma ua waiwai ia, o ka Poakahi, Mei 1, 1899, hora 10 o ke kakahiaka, ma Aliiolani Hale, oia aku kahi ame ka manawa e hele mai ai lakou, a e hoike mai i na kumu, ina ke kumu ka lakou e ae ole ia ai ke noi.

Honolulu, Maraki 27, 1899.

Na ka Aha:  J. A. THOMPSON.  Kakauolelo.

2748-3t