Ka Nupepa Kuokoa, Volume XXXVIII, Number 14, 7 ʻApelila 1899 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Hui Alahao me Aina o Oahu

 

            MAI A MAHOPE AKU O JUNE 13, 1898

 

Manawa Holo

 

(train schedule here, mostly unreadable)

 

G. P. DENISON,

Luna.     F. C. SMITH,

         Luna Kuai Palapala Holo

 

MAUNAOLU SONG.

 

Hakuia e Mary Tilton, Hattie Lee Pat

me Mary Pihi.)

1         Hu mai nei hoi ke aloha,

I ka home imi naauao,

Ia home i aloha nui ia

E kakou nei na keiki.

Chorus – E Maunaolu mau a mau,

Aloha, aloha ia home,

I ku kilakila ai

I ka ua Ukiukiu.

2  I Kalena makou a hoi mai,

Me na hoohiwahiwa o ke kuahiwi,

Aole i manao mua ia

He poino nui a ei ae.

Chorus – E Maunaolu mau a mau, etc.

3  Mahope o ka aina ahiahi,

Luana iho la hoi makou,

Pa-e mai la hoi he leo

Auwe! Pau kakou i ke ahi.

Chorus – E Maunaolu mau a mau, etc.

4         Haila pau na noonoo,

Holo pioo io a ia nei,

Aohe mea pono i ka manao

I ka a nui loa mai a ke ahi.

Chorus – E Maunaolu mau a mau, etc.

5         Holo pupule ana i-o ia nei,

Hapuku ana i kela i keia,

Hea aku la kikahi i kekahi,

Auhea oe la e? Holo kakou.

Chorus – E Maunaolu mau a mau, etc.

 

 

NU HOU HAWAII

 

      E hoala hou ia ae ana ma Honolulu @ he Hui Palpalapala hou, nona ka @ “The Mercantile Printing Co.” 

 

K@ ole e loaa na kuia e holo aku ana @ mokuahi “Hokuao” no na Pae Aina @ ka Hema, ma keia Poalua ae, ma @ na huakai “misionari” maa mau.

 

      O ka nui o na tona kopaa i loaa i @ wiliko o Ewa ae nei iloko o ka pule hookahi i hala, e pau ana i ka Poaono aku nei, Aperilal, he 775 tona. He huina mahuahua loa keia.

 

O ka nui o an make o Honolulu nei ma ka mahina o Maraki aku nei, ua niki aku i ke 99. Na kane 48, na wahine 51. Na Hawaii he 51; alaila, he 19 poe Iapana; 14 Pake; 8 Pukiki; a pela aku.

 

      Ma ke ku ana mai o ka mokuahi Mauna Loa mai Kona mai, i huli hoi mai ai ke Keikialii Cupid Kalanianaole me kana “aliiwahine” mai “Konakai-opua mai i ka lai.”

 

Ua lilo aku nei ka aelike Aupuni no ke kukulu ana i ka hale kula aupuni ma ke Alanui Beritania, i kekahi “kamana kukulu hale” o Kapalakiko, Ka@poni, no ka huina o $17,999.

 

      E kukuluia aku ana ma Olaa, Puna, Hawaii, ma keia mua aku, he hale wili a hoomaemae kope. Ua kauohaia aku nei ka wili o ua hale hana la i Kapa@kiko. O ke kumukuai o keia mea mahana he $10,000.

 

Ua lilo aku ma ke kuai, mai a Harry Klemme aku a ia Bert Peterson, ke kaleana hoolimalina o ka hale auau “Haniwai,” ma Waikiki, no ka huina o $5,000, a ua hoolimalimaia aku ia wahi @ J. J. Gensoul.

 

      Ke hopohopoia nei ma Sepania, pela ka lono i loaa mai ia nei e hoala hou @ o Don Carlos i ka hana hooka@ Aupuni malaila, ma ka wa mahope @ o ka hookoia ana o ka hana pa@ kuikahi maluhia.

 

      Ua loheia mai, aia ma ka la 29 o keia mahina, e haalele iho ai o Mr. John Ena ame kona ohana ia Hawaii nei, maluna o ka mokuahi “Kulanakauhale @ Pekina,” a holo aku no Kapalakiko, a mai laila aku paha no Mekiko.

 

      Ma kekahi la o ka pula i hala i make loa ai o F. Keiser, he luna-hana no ka Hui Mahiko o Waimea, Kauai, mamuli o ke pahuia ana e ke “giana panda,” oiai oia e lawelawe hana ana me ia mea. Ua hele-e ka pilina o kona kino, a he ku no i ka weliweli kona make ana.

 

      He pilahi loa ana paha ka nui o na poe koho halota i keia kau koho ae? Pela paha.

 

      He aha mele maikai loa ke haawiia ana i keia po e ka Hui Kilohana Noeau, ma Model Block.

 

      Ke ole e loaa na kuia, alaila, e haalele iho ana o Mrs. Marie Nian ia Honolulu nei, ma keia pule ae, maluna o ke Kinau, no ka-ua-kani-lehua o Hilo.

 

      Hora 10 o kakahiaka o ka la apopo e holo aku ai ka mokuahi Mauna Loa no kona mau awa no Maui ame Hawaii.  Aole i keia la.

 

      Ke manao nei na ona o ka mahiko o Kona, Hawaii, e hoomahuahua aku i kahi mahiko e ku ia ilaila i keia wa.

 

      Ua hopuia o Senatoa J. A. McCandles i ke kakahiaka Poaha nei no ka pepehi ana i kekahi Pake.

 

      Aohe ae o Kuhina Kalaiaina King i ke noi a kekahi poe e weheia i pono auwai ma kekahi aina ma Kailua, Koolaupoko ae nei. Nolaila, ua lilo keia hoole i kumuhana na ka Aha.

 

      Ua loaa mai ia makou he palapala mai a Mr. Gabriel K. Keawehaku o Hilo, e hoike ana aia ko makou hoaloha Mr. J. Niau ke lawelawe la i kekahi hana holomua o ka noho ana ma ke kulanakauhale i kaulana i ka “ua lu lehua.” Mahalo.

 

      Eia i Honolulu nei, mai ke kulanakauhale mai o “Ka-ua-Kani-Lehua,” ko makou hoaloha kahiko o ka oihana o ka maka-peni, nona ka inoa o Mr. J. T. Stacker, ka Lunahooponopono o ka nupepa “hapa waita” Hilo Herald.

 

      Ua paiia e Mr. Samuel Kekuewa Moanauli o Honolulu nei, na mea i hoohiwahiwaia ai a i hoonaniia ai o loko a Mililani Hale no ke anaina pule o ke ahiahi Sabati nei. He ku i ka maikai ke kii i paiia ai e ia ma ke kakahiaka Poalua nei.

 

      Ua malanai anu mai nei ka makani o kuu aina aloha, oia o Kohala, e i mai ana, e hoopalau ana ka, o Miss Fanny Kaimana, kaikamahine a Mr. me Mrs. J. Kaimana o Kohala Akau, Hawaii, me Mr. David L. Keliipio o Honolulu nei. Pela io anei?

 

      Ua hanau mai na Mrs. Annie Voeller, kaikamahine hiapo a ka lunahooponopono o keia pepa, ma ka hora 6 o ke ahiahi oPalua nei, Aperila 4, he keikikane, ma Alanui Moiwahine, makai aku o “Kapuaiwa Hale.” O ka helu eha iho la keia o ka laua mau keiki.

 

      No kekahi mau la i hala ae nei, i hoomaha ai ke kokua lunahooponopono o ka nupepa P. C. Advertiser maloko o ka Halemai Moiwahine, no ke omaimai i loaa iaia. Ua hoopohala loa nae kona nawaliwali ma ka home noho o Prof. Hosmer o ke Kulanui o Punahou.

 

      Ke loheia mai nei e kukuluia aku ana ona mahiko ma ka Apana o Puna, Hawaii, ma keia mua aku. O na aina i komo ma keia mhiko e upuia aku nei, oia na aina o ka Ekalesia Katolika, ko Robert Rycroft, ko Lupe Laimana (Rufus Lyman) ame kekahi poe e ae.

 

      Ua loaa mai he lono mai ka “Lua mai o Pele,” ua pohalu hou aku la ka papa-ku o ua lua la, ma ke kakahiaka o ka Poaha, la 23 o Maraki aku nei, a ua ikeia ka hiolo ana o na aoao o ka lua. Aole maopopo, ka hohonu o keia puhalu ana o na lua nui. Hala loa no paha i Manila?

 

      Ma ke ahiahi Poalua nei, ua laweia ae la kekahi kanaka paele i “Kalakaua Hale” no ka hoeha i kekahi Pake. Ua nonoi aku oia i ka Pake i “palaoa” me ona “sadini,” a ma ka wa a ka Pake i haawi mai ai i ke kini “sadini,” ua paki aku la oia i ua kini la ma ka maka o ka Pake.

 

      Ma ka la Sabati, Maraki 26, i poniia ai o Mr. J. Kaimana o Honomakau, Kohala Akau, Hawaii, e Rev. (?) E. Kekoa o Hilo i kahunapule no ka Ekalesia i kapaia, “Hoomana Aloha Aina.” He mahele keia i like loa me ka hoomana i kapaia “Hoomana Naauao” e alakaiia nei e Mr. J. Kekipi o Honolulu nei.

 

      Ma ka mokuahi “Kinau” o ka Poalua nei, i haalele iho ai o Senatoa Clark o Wyoming, Amerika Huipuia, ia Honolulu nei, no ka “uka iu ano” o Mana, Waimea, Hawaii. He malihini kipa ana ia na Hon. Samuel Parker, ko laila keiki lalawai.

 

      Ma ka Poakahi nei i hoomaka ai ka ninaninauia ana o na poe makemake oihana kumukula aupuni maloko o ka halekula aupuni, ma “Ruta Keelikolani Hale,” oia hoi, kahi e malamaia nei ke “Kula Kiekie” (High School) o ke Aupuni.  He 35 ka nui o ka poe noi. Ma ka Poalua nei i hoopau loa ia ai ia hana.

 

      Ma ka horn 1 o ka auina la Poalua iho nei, ua kipu iho la kekahi haole paahana o ka Hui o Hakapila Ma iaia iho, maloko o kekahi o na hale waiho ukana oia Hui. Aia ma kahi kokoke ma kona puuwai kahi i ki ai oia iaia iho. Aole nae i lele loa ke aho. Aohe maopopo ke kumu o keia hana hoao lawe ola ana.

 

      Ma ka kakahiaka Poalua iho nei, ma Honolulu nei, i koho ai na poe paa mahele kuleana o ka Hui Alahao o Hilo (Kaupalenaia) i na luna nui o ia Hui. B. F. Dilinahama, Peresidena; L. A. Kakina, Hope-Peresidena; A. W. Carter, Kakauolelo; M. P. Robinson, Puuku; Henry Waterhouse, Luna Hooia; A. S. Hartwell, F. M. Hatch me Albert Whyte, ka Papa Hooko.

 

      Ua oleloia e hoea mai ana mai Amerika mai, no Honolulu nei, ma ke alahele holo loa aku no Auseteralia, ka puali puhi ohe Pelekane, nona ka inoa “British Guards Band,” malalo o ke alakai ana a Lutanela Dan. Godfrey, kekahi o na alakai puhi ohe kaulana loa o ke ao nei. Ke makemke nei kekahi poe o Honolulu nei e ka’ulua iki keia puali puhi ohe ma Honolulu nei.

 

      Ma ka hora 1 o ka auina la Poakahi nei i hoopakele ai o Chas. Kakalia, kekahi makai ku-huina o Honolulu nei, ia Keoki, he luina no ka mokuahi Kinau, mai ka holo a-i a loa ana aku o ua wahi luina nei iloko o ke kai, a hala loa i Manila. Ua loheia ka leo kahea “kokua” o ka mea pilikia iloko o ke kai, e ka maka’i, a ua lele aku la oia e hoopakele i ka mea e piholo iho ana. Pakele “Mai hala loa i Manila.”

 

      Ma ka Poakahi nei i hoao aku ai kekahi o na hoa o ka Hui Nupepa hou “Ka Loea Kalaiaina,” e nonoi ia Mr. Kamaliikane o ka Nupepa “Ka Loea Kalaiaina” (kahiko) ma Alanui Moi, haliu pono i Alanui Liliha, e komo aku ka Hui hou ma ia hale-pai e pa’i ai i ka lakou nupepa, ma o ko lakou kuleana ‘la iloko o ka papa pai, a ua hoole ia mai ia noi e Mr. Kamaliikane, ke ole lakou e uku aku iaia i uku hoolimalima no ke paiia ana o ka lakou pepa malaila. Hala loa no paha auanei i Manila?

 

      Ma ka hookuku kinipopo i malamaia ma ka auina la o ka Poaono aku nei, mawaena o ka Hui Kinipopo Kamehameha “Mamalahoe” ame Kamehameha “Ai-luau,” ua lilo ka eo ia Kamehameha “Mamalahoe.” He aha (4) wale no wahi “ao luau” a Ramehameha “ailuau” i mo’a pono, oiai, he eono (6) may mapuna hoe oolea a Kamehameha “Mamalahoe” i ikeia ka oniu ana. He mau haumana wale nae no keia no ke Kula Kamehameha. O ka mua, eia no i ke kula kahi i noho ai; a o ka lua, eia i waho nei.

 

HE HUMUKAMAA NO LEBANONA, PA.

 

      He oihana “kumeka” kamaa ka oihana a Mr. Michael Gross o Helu 1107 Alanui Walnut, Lebanona, Pa. I kela wa ame keia wa ana e hookikookoo ae ai i kona kino maluna o ka noho laau loihi, e kookoo ae ana oia i kona mau lima ma kona kua, ma kahi kokoke i ka puhaka, me ka luliluli  ana ae hoi o kona poo, oaii e loloku walania ae ana ka eha i kona kua, a ua like nohoi a like kona eha me ko na kanaka kumeka kamaa e ae o loko nei o ka Repubalika.  Olelo oluolu aku la hoi ko makou agena imua ona, “Nokeaha nohoi i ai ole ai oe i na Huaale a Doan no ke Kikala Hanenee ame na Puupaa?”  “Ka, ua ike nohoi paha au,” wahi a Mr. Gross i pane mai ai, “i na olelo hoolaha e pili ana i keia laau maloko o ko kakou mau nupepa kamaaina iho nei, aka, ua manao no au, ua like no keia ano laau me na laau e ae apau i hanaia elike ma keia.”  “E hoao oe i ua laau la,” wahi a ko makou agena i pane aku ai. “Ina nohoi e loaa ole ana ia oe ke ola mai keia mau huaale mai, aole no ia he mea nou e poino ai.”  He ekolu pule mahope mai, ua hele aku la ko makou agena e ike ia Mr. Gross no ka lua o ka manawa, a ma ia wa oia i hai mai ai i keia moolelo mahope ae nei, penei:  “No umi makahiki i loohia ai au i ka pilikia ma kuu mau puupaa. I kinohi, aole no i hele i ka pilikia loa, aka, mahope iho o ko’u loohia ana i kekahi hi ikaika, a loihi nohoi ka wa o ka alaa ana mai oia hi ia’u, ua hoopau ae la au i ko’u lawelawe ana ma ka’u hana, oiai ua eha loa mai la ko’u kua.  Ike iho la au i ka eha o’eo’e ma kuu puhaka, pela ma na papakole ame na a-mi, holo ae la ma kuu aoao hema, pinai mai la hoi ka aaki ana mai a ka nalulu ame ke poniuniu, kulu mau ka mimi, eha mai la ka puukole, aole i kana mai. Mahope o ko’u hoao ana i na laau lapaau he lehulehu, aia hoi hoao iho la au i na Huaale a Doan no ke Kikala Hanenee ame ka Puupaa. Ma na ano apau, ua hooko pono keia mau huaale i na mea i hoikeia no lakou. Ua hauoli loa au e hoike aku i ka waiwai nui o keia mau huaale i ka poe apau i loohia i ka pilikia elike me ko’u nei, ina hoi ma na puupaa ko lakou popilikia.”

      E loaa no keia mau huaale ma na wahi kuai laau lapaau apau, a’ i ole, e hoounaia aku no ma ka eke leta e Hollister Drug Co., Honolulu, ke loaa mai ke kumukuai. 50 keneta no ke poho, a i ole, 6 poho no $2.50.

 

      Mamuli o ka omaimai o Loio Numana, ua hookauluaia ke kukuluia ana o na kaa uwila elua i loaa mai nei no ka Hui Hawaiian Tramways.

 

NA HOALOHALOHA.

 

CLELO HOOHOLO HOALOHALOHA.

 

I ka Hon. A. S. Cleghorn.

      Me ka mahalo: -O makou o na lala o ka Ahahui Opiopio Imipono Karistiano o ka Apana o Hanalei ma o ko makou komite ‘la.

      No ka mea, ua oluolu i ka Makua Mana Loa ka lawe ana ‘ku i ka hanu hope loa o kau kaikamahine alii, ka mea Kiekie ke Kama’lii Victoria Kawekiu Kaiulani. A ua lilo ia i mea e mokumokuahua ai kou naau; nolaila e Hooholoia, ke komo pu aku nei makou e u pu me oe iloko oia kaumaha hookahi, a o ke kaumaha i loaahia ia oe e ke Alii, ua pahola iho ia maluna o makou. O ka makou pule i ka Makua Mana Loa e hoomania mai i kou naau kaumaha.

      O makou iho no me ka luuluu.

MRS. CHARLOTTE KAKINA.

MRS. ELIZA WERNER.

MRS. SARAH AALONA.

MRS. LOUISA MAUHILI.

MRS. MARY KAIAWE.

MRS. JULIAN LOTA.

      Hanalei, Maraki 17, 1899.

 

OLELO HOOHOLO HOALOHALOHA.

 

I ka Hon. A. S. Cleghorn.

      Me ka Walohia: - O makou o na makaainana o ka Apana o Hanalei, ma o ko makou mau komite ‘la.

      No ka mea, ua oluolu i ka Makua Mana Loa ka lawe ana ‘ku i ka hanu hope loa o kau lei i aloha nui ia ka Mea Kiekie ke Kama’liiwahine opio Victoria Kawekiu Kaiulani, a ua lilo ia i mea e mokumokuahua ai kou naau.

      Nolaila, Hooholoia: (1) Ke komo pu aku nei makou e u pu me oe iloko oia kaumaka hookahi; (2) O ke kaumaha i loaahia ia oe e ke Alii, ua pahola pu iho ia maluna o makou; (3) O ka makau pule i ka Makua Mana Loa e hoomama mai i ka naau kaumaha.

      O makou iho no me ka haalaa.

JNO. KAKINA,

SAM. KANEWANUI,

J. S. KAEHA,

WM. WERNER, JR.,

PETER NOWLIEN,

G. R. TITCOMB,

SAM LOUIS,

R. P. PAUOLE,

J. A. KAOPUA,

BILL MAUHILI,

S. KAIAWE,

JAMES K. LOTA,

M. PUULEI.

 

OLELO HOOHOLO HOALOHALOHA.

 

I ka Moiwahine Kanemake Kapiolani.

      Me ka Walohia: -O @akou o na lala o ka Ahahui Opiopio Imipono Karistiano o ka Apana o Hanalei ma o ko makou mau komite ‘la.

      No ka mea, ua oluolu i ka Makua Mana Loa ka lawe ana ‘ku i ka hanu hope loa o kau Kama’lii i aloha nui ia ka Mea Kiekie ke Kama’lii Victoria Kawekiu Kaiulani, a ua lilo ia i mea e ehaeha ai kou naau; nolaila, e hooholoia: Ke komo pu aku nei makou e u pu me oe iloko oia kaumaha hookahi, a o ke kaumaha i loaahia ia oe, ua pahola iho ia maluna o makou. O ka makou pule i ka Makua Mana Loa, e hoomama mai i kou naau i piha i ke kaumaha, a e hooloihi ia kou mau la me ka oluolu.

      O makou no me ka luuluu.

MRS. CHARLOTTE KAKINA,

MRS. ELIZA WERNER,

MRS. SARAH AALONA,

MRS. LOUISA MAUHILI,

MRS. MARY KAIAWE,

MRS. JULIAN LOTA.

      Hanalei, Maraki 17, 1899.

 

OLELO HOOHOLO HOALOHALOHA.

 

I ke Aliiwahinekanemake Kapiolani.

      Me ka Walohia: -O makou o na makaainana o ka Apana o Hanalei ma o ko makou mau komite la. No ka mea, ua oluolu i ka Makua Mana Loa ka lawe ana ‘ku i ka hanu hope loa o kau Kama’lii i aloha nui ia, ka Mea Kiekie ke Kama’liiwahine opio Victoria Kawekiu Kaiulani, a ua lilo ia i mea e ehaeha ai kou naau; Nolaila,

      Hooholoia: Ke komo pu aku nei makou e u pu me oe iloko oia kaumaha hookahi; a o ke kaumaha i loaa hia ia oe, ua pahola iho ia maluna o makou. O ka makou pule i ka Makua Mana Loa, e hoomama ia mai kou naau i piha i ke kaumaha, a e hooloihi ia kou mau la me ka oluolu.

      O makou iho no o kau mau kauwa haahaa.

JNO. KAKINA,

SAM. KANEWANUI,

J. S. KAEHA,

WM. WERNER, JR.,

PETER NOWLIEN,

G. R. TITCOMB,

SAM LOUIS,

R. P. PAUOLE,

J. A. KAOPUA,

BILL MAUHILI,

S. KAIAWE,

JAMES K. LOTA,

M. PUULEI.

 

Ua lilo ae nei ia E. B. Thomas, ka aelike o ke kukulu ana i hale pakui hou no ka Halewai ae nei, no ka huina o $5,849.

 

KE OLA KUPANAHA ANA O KA RUMATIKA.

 

Kenna, Jackson Co., W. Va.

Aneane ekolu makahiki i hala ae nei, loohiaia iho la ka’u wahine i ka rumatika, a waiho oia maluna o kahi moe no hookahi mahina a oi, a hiki ole iaia ke hele ke ole oia e kokuaia aku, oiai ua pehu mai la kona mau wawae a oi papalua aku ka nunui i ko ka wa mau. Ua koi hoopaakiki mai la o Mr. S. Maddox ia’u e lawelawe ai i ka Laau Hamo a Kamalena. Ua kuai aku la hoi au i omole no kanalima @eneta, a kau iho elike me na kuhikuhi, a i kekahi kakahiaka ae, komo mai ana ia no ka aina kakahiaka me ke kokua ole ia ana, a mai ia wa mai, aole oia i loaa hou ia ma’i. A. B. Parsons. E kua@a ana e na poe kuai laau apau. O Benson, Smith & Co. (Kaupalenaia), na Agena o Ko Hawaii Pae Aina.

 

      Ua huli hoi mai nei o Rev. Kekela mai ka aina e mai.

 

      Ma ke ahiahi Poakahi nei i kohoia ai na luna nui o ka Hui “Y. M. C. A.” no keia makahiki e nee aku nei. Ua lilo o Walter C. Weedon i Peresidena, T. Clive Davies i Hope-Peresidena, B. F. Beardmore i Kakauolelo, C. H. Atherton i Puuku, a o C. H. Cooke, T. Clive Davies ame A. B. Wood i Papa Alakai. O ka nui o na lala o keia hiu i keia wa he 450.

 

Kela ame Keia.

 

HOOLAHA A NA LUNAHOOKOKAUOHA I NA POE AIE.

 

      Ke hoolaha aku nei ka poe no lakou na inoa malalo iho nei, na hookohu pono ia mai lakou a na hookupono ia hoi i poe Lunahooko Kauoha no ka Palapala Hooilina a Kauoha Hope loa a Hermann A. Widemann, o Honolulu mamua, a i make. O ka poe apau he mau koi ka lakou i ua Waiwai la o ka mea i make i oleloia, ina paha ua paa i ka moraki a ano e ae, ke hoolahaia aku nei ma keia, e waiho mai ia mau mea i hooia pono ia me na hooiaio kupono ina e loaa ana, i ka poe no lakou na inoa malalo iho nei, ma ke Keena o F. W. Macfarlane ma Honolulu, iloko o eono mahina mai ka la aku o keia hoolaha, a i ole, e hoole mau loa ia aku no.

      O na poe apau i aie mai i ua Waiwai la ke kauohaia aku nei e hookaa koke mai i ka poe no lakou na inoa malalo iho nei, ma ke Keena o F. W. Macfarlane.

H. R. MACFARLANE,

F. W. MACFARLANE,

J. M. DOWSETT.

Na Lunahooko Kauoha o ka Palapala

      Kauoha a Hermann A. Widemann,

2748-4t

 

HOOLAHA.

 

      E hoomaka ana mai ka Poalima aku, la 7, a hiki i ka wa e hoolaha hou ia aku ai, e noho mau ana ka Papa Hoopaa inoa Koho Balota, mai ka hora 8 a. m. a ka hora 12 awakea, a mai ka hora 7 a ka hora 9 p. m. ma na la apau (koe ka la Sabati) o kela ame keia pule, ma ke Keena mua iho nei o ka Papa Ola, ma ke kihi o na Alanui Moi wahine ame Alanui Mililani.

      I mea e hoopau wale ole ia ai ka manawa, ke kauoha aku nei ka Papa Hoopaa Inoa Koho Balota i na mea a pau e nonoi mai ana e Hoopaaia ka inoa, e lawe pu mai i ka Palapala Hookaa Auhau.

J. M. CAMARA, JR., Lunahoomalu,

F. B. OAT,

ROBERT H. BAKER.

Honolulu , H. I., Aperial 6, 1899.

2749-2t

 

HOOLAHA HUI.

 

I keia la i hanaia ai he Hui mawaena o C. E. Le Munyon ame P. J. Church, no Honolulu laua elua, Mokupuni o Oahu, Ko Hawaii Pae Aina, no ka lawelawe hana ana ma na Lako Pa’ikii, Hooleleaka, na Buke Kii oia ano, na Kope ana i na Kii, ke Pena ana, a pela aku, ma na Rumi Helu 2, 3 me 4, Hale Pohaku o Love (Love Building) ma Honolulu i oleloia, malalo o ka inoa hui i kapaia, “The Le Munyon Photo Supply Comnpany.”

C. E. MUNYON.

F. J. CHURCH.

Hanaia, Honolulu, Aperial 5, 1899.

2749-2t

 

HOOLAHA MAHELE PUKA.

 

      E ukuia ana he Mahele Puka i na Lala o ka Hui Hawaii Kuai Aina (Kaupalenaia) ma ka Umi Pa-keneta no ke Dala Hookahi ma ka Poakahi, Mei 15, 1899, ma ke Keena o W. C. Aohi & Co.; a e paa ana na Buke o ka Hui no ka hoopuka ana i na Mahele mai Mei 10 a hiki i Mei 15, 1899.

JESSIE MAKAINAI,

Puuku o ka Hui.

Honolulu , Aperila 3, 1899.

2749-1m

 

HOOLAHA A KA LUNA HOOPONOPONO WAIWAI.

 

Ua hookohuia ka mea nona ka inoa malalo iho i Lunahooponopono i ka waiwai o kona kaikuaana, James R. Renton, o Hamakua, mokupuni o Hawaii, i make, a ke hoike ia’ku nei ka lono i ka poe a pau ina he mau koi ka lakou i ua waiwai la e waiho mai ia mau mea i ka mea nona ka inoa malalo iho ma Honouliuli, Ewa, mokupuni o Oahu, a i ole ia Henry Smith, ma Honolulu, ma ka Halehookolokolo, ma Aliiolani Hale, iloko o na mahina eono mai keia la aku, o hoole loa ia. A o ka poe i aie i ka mea i make, ma keia ke kauoha ia’ku nei lakou e hookaa koke mai i ka mea nona ka inoa malalo iho.

GEO. F. RENTON,

Lunahooponopono Waiwai o James R. Renton, i make.

Kakauia ma Honouliuli, Ewa, Oahu, Maraki 27, 1899.

2748-5t

 

HOOLAHA I KA POE AIE.

 

      Oiai, ua hookohu pono ia mai ka mea nona ka inoa malalo iho nei i Lunahooponopono Waiwai no ka Waiwai @ Hana keoki, o Honolulu, Oahu, i make.

      Ke hoolahaia aku nei ma keia i ka poe apau e waiho mai i ka lakou mau koi i ka Waiwai o Hana Ke@ i oleloia, i make, i hoolaio pono ia, @ paha ua hoopaaia ma ka moraki a @ e ae, i ka mea nona ka inoa malalo iho nei, ma Honolulu i oleloia. Hoko o eono mahina mai keia la aku, a i ole, e hoole mau loa ia aku @ lakou. A o ka poe apau i aie i ua waiwai la, ma keia ke kauoha ia aku nei e hooh@ koke mai i ka mea nona ka inoa malalo nei.

      ROBERT PARKER WAIPA.

Lunahooponopono Waiwai o ka Waiwai o Hana Keoki.

      Hanaia Honolulu, Oahu. Maraki 10, M. H. 1899.    5174-@

 

Hoolaha Hooko Maraki

 

KE KUAI A KA LUNA HOOKOKAUOHA I KA WAIWAI PAA.

 

      Ke hoolahaia aku nei ma keia, malalo a i kulike ai hoi me ke kauoha i hoopukaia e ka Aha Kaapuni o ka Apana Kaapuni Ekahi ma ka hana o ka Waiwai o Manuel A. Bare@e, i make. Ua kauohaia mai au e Antonio Richard, ka Lunahooko Kauoha o ua Waiwai la, i kulike ai me ua kauoha la, e kuai aku ma ke Ku@ Akea i ka mea koho kiekie loa no ke @ala kuike, ma ke Poakahi, la 10 o Aperila, 1899, ma ka hora 12 o ke awakea o ua la la, ma kuu Keena Kudala ma Alanui Moiwahine, maloko o ke kuianakauhale o Honolulu, i keia apana aina apau e waiho la ma Kalihi, Honolulu i oleloia ae nei, a he hapa hoi ia o ka Palapala Sila Nui @, Ku@ana @, a i hoike ia hoi na palena penei:

      “E hoomaka ana ma ke kihi Akau Komohana o keia aloa a e holo ana: Ak. 53 00 Hik. @ kapuai ma Kahauiki; Ak. 85 00 Hik. 336 kapuai ma ke Alanui Hao; Hem. 19 30 Kom. 366 kapuai ma ko W. L. Wilcox, Ak. 33 00 Hik. 490 kapuai ma ko W. L. Wilcox a hoea i kahi i hoomaka ai, Hi 3 3-10 Eka.

      Kuike ke Dala.

      O na lilo palapala huai i ka mea ia e lilo aku ai ka aina, a e ku ana hoi kela huai ana malaio o ke apono ana mai a ka Aha Kaapuni o ka Apuna Kaapuni Ekahi.

      No na mea aku i koe e ninau ia Cecil Brown, ka Loio o ka Lunahooko Kauoha.

      Hanaia Honolulu, Maraki 14, 1899.

JAS. R. MORGAN.

2746-4c    Luna Kudala.

 

Hoolaha Mana Hookolokolu.

 

AHA KAAPUNI, APANA KAAPUNI ELIMA, KO HAWAII PAE AINA. MA KE KEENA – MA KA HOOKO KAUOHA A HOOPONOPONO WAIWAI.

 

Ma ka Hana o ka Waiwai o J. W. Lota

      o Hanalei, Kauai, i make.

      Ma ka heluhelu ana ame ka waihola ana mai o ke Noi a W. G. Smith, ka Lunahooponopono o ka Waiwai i oleloia ae nei, e noi ana i Kauoha no ke kuai ana aku i kekahi waiwai paa o pili ana i ua Waiwai la, i hoakakala mai, penei:

      1. O kel aina apau e waiho la ma Hanalei, Mokupuni o Kauai, e nohola nei e W. E. H. Deverill, no ka uku hoolimalima o $120 no ka makahiki hookahi, nona hoi ka Palapala Sila Nui 3024, Kuleana 7944, e hoomaka ana ma ke kihi Hik. Hem. alaila, (maganeti) Ak. 55 Hik. 82 kap., i ka Apana o Kealaiki; alaila, Ak. 26 Kom. 83 kap. ma ko Kealaiki; alaila, Ak. 69 Hik. 93 kap, ma ko Kealaiki a i ka apana o Kahue; alaila, Ak. 20 Kom. 132 kap., ma ko Kahue; alaila, Ak. 69 Hik. 50 kap., ma ko Kahue; alaila, Hem. 37 Kom, 587 kap., i ke kai; alaila, Hem. 15 Kom. 312 kap., ma ke kai (ma ka wa kai make); alaila, Ak. 87 Hik. 550 kap, i kahi i hoomaka ai. Maloko o laila he Ili o 3 9-10 Eka.

      2. O kela apana aina apau e waiho la ma Hanalei i oleloia, i ikeia ma ke ano o ka Aina Halekuai (Store Lot) e nohoia nei e See Wo, a i hoakakaia na palena penei: E hoomaka ana ma ke Kihi Ak. Hik. alaila (maganeti) Hem. 26 Hik. 99 kap., i ke Alanui Aupuni; alaila, Hem. 65 Kom. 282 kap., ma Alanui Aupuni; alaila, Ak. 26 Kom. 99 kap.; alaila, Ak. 65 Hik. 282 kap i kahi i hoomaka ai. Maloko o laila he 0.65 Eka.

      E hoakaka pu mai ana hoi he man kumu ma ke Kanawai no keaha ia e  kuai ia ai ia aina. Nolaila, ma keia, ke kauohaia aku nei na hooilina ame na poe pilikoko o ka mea i make ame na poe apau i kuleana i ua Waiwai la e hele mai imua o keia Aha, ma ka Poaha, ia 27 o Aperila, A. D. 1899, ma ke Keena Hookolokolo ma Lihue, ia wa a ma ia wahi e hoike mai ai i kumu e hiki ole ai ke aeia ke kauoha no ke kuai lilo ana aku i ua waiwai nei.

      Hanaia ma Lihue, Kauai, Maraki 24, 1899.

      Na ka Aha:

      R. W. T. PURVIS.

2748-3t       Kakauolelo.

 

ILOKO O KA AHA KAAPUNI. APANA HOOKOLOKOLO EKAHI O KO HAWAII PAE AINA. – MA KA HOOPONOPONO WAIWAI.

Ma ka hana o ka waiwai o Anela Kakoi, o Honolulu, i make kauoha ole.

      No ka mea, ua waihoia mai e Kaili Kakoi, ka makuahine o ka mea i make, he palapala noi no ka Hookohu Lunahooponopono Waiwai no ka waiwai i oleloia, a e hoopukaia aku ia palapala iaia, nolaila, ma keia, ke hoolahaia aku nei i ka poe apau i kuleana ma ua waiwai la, o ka Poakahi, Mei 1, 1899, hora 10 o ke kakahiaka, ma Aliiolani Hale, oia kahi ame ka manawa e hele mai ai lakou, a e hoike mai i na kumu, ina he kumu ka lakou e ae ole ia ai ke noi.

      Honolulu, Maraki 27, 1899.

      Na ka Aha:

      J. A. Thompson.

2748-3t     Kakauolelo.