Ka Nupepa Kuokoa, Volume XXXVIII, Number 12, 24 March 1899 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

HE MOOLELO KUPAIANAHA

--:NO:--

Ka Moku Kamahao

KA MALOLO.

(THE FLYING FISH.)

Lele’i ka Poiuiu o ka Lewa—

Oni i ka Papaku o ka Moana—Hapapa i ka Ilio o ka Honua—Hoea i ka Welau Akau—Ike i ke Kulanakauhale Kahiko o Opira—Haaheo ma na Mauna Himalaia.

Kakauia e Henry Collingwood, a unnhiia e Hooulumahiehie no ke “Kilohana Pookela no ka Lahui Hawaii.”

MOKUNA IV.

            Ua hooholo iho la ka Porofesa ame ka Barona ma ke po o kekahi la Sabati mai, e hoomaka ai ka lele ana o ka Malalo no kana huakai hele ma ka moana lewa i ka poiuiu.  Ma ke kakahiaka oia la e hele mai ai laua me ko laua mau hoa, no ke komo ana iloko o ka opu o Ka Malolo.  Ua hai mai la hoi ka Porofesa i ka Haku Barona, e lilo ana ka pule holookoa mahope mai, i wa nona ame kana wahi kauwa, e hoemakaukau ai i na lako mea ai e pono ai lakou ma ka lakou huakai.  Me keia mau mea, ua hoi aku la ka Haku Barona no kona home, me ka nui o kona hauoli, oiai hoi, ka Porofesa i hoi aku ai i kona hale no ka hooluolu ana ma ia po iho.

            Ma ka oPakahi ae, ua hoomaka aku la ua Poofesa nei me George, kiana kauwa, e hoopiha i na keena o luna o ka moku me na mea ai o kela ame keia ano, pela hoi me na mea inu maikai loa.

            I ka hele ana a hoea i ka Poaono ua huipu ae la ka Porofesa, ka Haku Barona, Cyril Lethbridge ame Lutanela Edward Mildmay ma ka Hale Hui.  Ua kamailio iho la lakou no ka lakou huakai lele poai lewa, maluna o ka moku i moeuhaneia ai e ka Porofesa hookahi makahiki a oi i kaa hope ae.  E hoomaka ana hoi ia huakai ma kekahi la ae.  Ua hooholoia iho la hoi e lakou, ma ke kakahiaka Sabati e akoakoa ai lakou ma ia wahi, a mai laila aku lakou e hele like ai no kahi o ko lakou moku kupaianaha.

            I ka hoea ana mai o ke kakahiaka Sabati, ua eleu like mai la lakou apau no ka Hale Hui, a mai laila aku, hele aku la lakou no kahi i ku ai o ka moku kamahao “Ka Malolo.”

            Eia na inoa hope ke hele nei me ka nui o na pioo ana o ko laua mau noonoo.  E aumeume ana hoi ke kanalua iloko o lauau, a oiai lakou e hele ana, pane ae la o Konela Cyril Lethbridge i kona hoa:

            “Ehia ka hoi me aloha o ka hauoli o keia noho ana.  He pono paha nei hele ana a kaua, he pono ole paha?  ‘Auhea kaua i ike mua i nei moku opu makani e manaoia nei o ko kaua wahi ia e hoolele naaupo ia aku ai me he lupe la.  E aho nae paha ka lupe, he paa ia i ke aho i ka honua nei, he oki loa keia.  O ka lele no paha auanei keia pau ke ola.  Ehia ka hoi mea aloha, aole au i kokoke aku i ko’u mau la e wali ole ai kahi kuala ono o nei ola ana.”

            Ua lohe mai la ka Barona i keia mau hookilihehe olelo a ua wahi Konela puni hoomakeaka nei, a pane mai la ia:

            “E kuu hoaloha, e hoomanawanui hoi kakou i kahi o ka halelana o kakou, alaila, pau kou kuhiwea.”

            Aka, luliluli ae la no ke poo o ua wahi Konela nei, a olelo mai la ia:

            “Aole o’u manaoio i ka hiki i kekahi moku ke lele iloko o ka lewa.  Aka, ua hiki nae ia’u ke olelo ae me ka oiaio loa, ua heluhelu au ikekahi moolelo no ka lele ana o kekahi wahine wawae muumuu me ka huhui paipu a komo iloko o ka mahina.  He moolelo oiaio keia i paanaau i ka poe i hele pu me Kapena Kuke i ka Pae Aina i kapaia o na Mokupuni o Haku Sandwich, oia hoi, ka Pae Aina o Hawaii.  Aka, no ka lele ana o kekahi moku elike me keia a kakou e hele aku nei e nana i ka nele ame ka hoka, aole loa o’u manaoio iki.”

            I nei wa lohe mai la ka Porofesa, a pane mai la ia:

            “Aole no i manaoio iki o Toma, ua lele hou mai ka uhane o ka Haku i hele aku ai i ka Limbo, a hui hou me kona kino materia, e waiho ana ma ka opu o ka luakupapau, a lanakila ae la ka Liona o ka ohana a Iuda maluna o ka mana o ka make ame ka laukupapau, ala wale no kona manaoio ana, a ike maka oia me kona mau maka i ka oiwi kino o ka Haku, a hou kona manamanalima ma na puka o kona kino laahia, akahi no oia a manaoio.”

 

            Ekahuhu!  E Mr. Porofesa, aohe paha mea a kaua e hoopaapaa ai ma ia mea, oiai, he moolelo ia i manaoioia kona oiaio.  Aka, aole pela keia.  He okoa loa keia.  Koe wale no nae paha keia, o na loina akeakamai au i hoike waha mai ai ia makou, oia na mea hooia iki e hiki ai ia’u ke manaoio iho e lele io ana au i ka lani elike me ka hiki i ka lepelepe-o-hina hanau hou.”

            Ua hu ae la ka loku nei aka no keia mau olelo a ua wahi Konela nei.  O ka Porofesa pu kekahi i hoonakuluia e ka akaaka.

            A hala kekahi wa o ka lakou nei hele ana, ua hoea aku la lakou ma ka muliwai Teima, a kau ma ka waapa, a hoea aku la i kahi e ku ana “Ka Malolo.”

            I ka ike ana aku o kahi Konela ame ka Lutanela i ke kino hulali kupaianaha o ka Malolo, aole i kana mai ko laua piha pahaohao.

            “Kahuhu!  Ao9le no i kana mai o ka nui o keia auka dala i hanaia ai i mea hoomaunauna wale.  Pehea e lele io ana no keia pauku dala?”

            “E hoea mai ana ka wa e pau ai kou pohihihi, e kuu hoaloha,” wahi a ka Haku Barona i pane mai ai.

            I nei wa i pii aku ai lakou nei ma @ke alapii, elike no me ka pii ania, a ka Porofesa ame k Haku Barona, ma ka la Sabati i kaa hope ae.  I ka hoea ana iluna, a komo aku la lakou ma na keena mua loa o ka moku, ua lawe pololei aku la ka Porofesa ia lakou noloko o ka rumi hookipa.  Ma keia wahi, huli mai la ka Porofesa a olelo mai la i ka Haku Barona:

            “Ea, i kela la Sabati aku nei owau kou kamaaina nana i hoomakaikai ia oe iloko o na rumi paahana o luna nei o ka moku i lilo i waiwai nou i keia wa; nolaila, i keia la Sabati hoi, e lilo oe i kamaaina no laua nei, ma ka hele hoomakaikai ana aku ia laua ia luna nei o ka moku, elike nohoi me ka’u i kuhikuhi aku ai ia oe, oiai hoi au e hoomakaukau ana me George i na mea e pono ai ko kakou aina awakea o nei la.  Ke lohe oukou i ka leo o ka bele uwila e kani ana, e manao oukou o ka wa ai ia.”

            I kela wa i hele aku ai ka barona me ke Konela ame ka Lutanela, a elike no me na mea i hoikeia ma na helu i kaa hope ae nei, pela no keia huakai makaikai a ke Konela ame ka Lutanela i hele aku ai, malalo o na Hookamaaina ana a ka Barona, ka haku a ona hoi o ka moku.

            He mea oiaio, ma keia hele makaikai ana, ua hoohehee nui ia na manao hoopohola a hoopauha o kahi Konela.  I ko lakou hele ana nohoi a hoea ko lakou puka ana ilalo, ua ku iho la kahi Konela ame ka Lutanela a nana mai la laua i ka Haku Barona, me na onohi maka i piha i ka haohao, a ninau mai la kahi Konela:

            “Ea, heaha ke ano o keai Porofesa?  He mana kupua anei kai loko o keia kanaka?  Kupanaha o na kupaianaha, aole paha he kupanaha hou aku elike me keia!”

            Ia wa lohe ae la lakou i ke kani onu hoolai mai a kekahi mea mailuna mai o ka moku, a ia wa i hoomanao ae ai lakou o kaaina awakea ia.  I ko lakou nana ana ihoi ka lakou mau wati, ike iho la lakou o ka hora 12 ponoi ia.

            Ia wa hele ae la lakou a ma ke alapii, alaila, pii hou aku la lakou noluna o ka moku.  I ko lakou hoea ana aku iluna, e ku ana kahi George, ke kuene o ka moku, e kali mai ana ia lakou nei:

            “Gentlemen,” wahi a ua wahi George nei, “come this way and follow me.”  (E na Keonimana, maanei mai e hele mai ai, a e hahai mai ia’u).

            Aole i liuliu ka lakou nei hele ana aku, ia wa hoea aku la lakou iloko o kekahi keena nani loa, a o keia ka rumi aina.  O ka veleveta e halii ana i ka papahele, he lua-ole ka nani.  He nolu pu wale no ia ma ka wa e hehi aku ai ka wawae.

            He keena keia, he 30 kapuai huinahalike, a he aneane 10 kapuai kona kiekie, e pili ana hoi i ka niao o ka papa paale iho o luna.  O na paia keia o ua rumi nei, ua hanaia no me ka maiau loa.  A he nui na mea hoonani o loko o ua keena la.  Aia ke ku la iwaena pono o ua rumi la he pakaukau i hele a piha pono i na mea ai o kela ano ame keia ano.  Ua uluaia mai na ono apau a muu mokaki ma ua pakaukau la.

            E noho mai ana ka Porofesa ma kekahi poo o ke pakaukau, a kuhikuhi aku la ia i ka Haku Barona e noho ma kekahi poo o ke pakaukau.  A o ko laua mau kokoolua nohoi, ua noho iho la laua ma kela ame keia aoao o ke pakaukau.

            “He Nani.”

            “He Maemae.”

            He Ui.”

            Oia na huaolelo i hoohoia ae e kahi Konela ame kahi Lutanela.  O ka Haku Barona nohoi kekahi i komohia pu mai iloko o keia mau hoomaikai ana.  Mahope iho o na huaolelo pule i puana mama ia ae e ka Porofesa, ua kena mai la ia i kona mau hoa e ai.  Me ka puai leo hou ole ana mai, mai ua Porofesa nei, kakahele iho la kana pa@@hi ame ke ko maluna o kana pa.

            He nui a lehulehu loa na wa a kahi Konela i makemake ai e kamailio aku

 

i ka Porofesa, aka, ua pololi loa ia ua Porofesa nei, nolaila, ua lilo loa ia i ka hoonuu i na mea ai, a loaa ole iaia he wa e haawi ae ai i kamakama lio ana i kona mau hoa.  No keia hakanu i hoikeia mai ai e ka Porofesa, ua manao iho la kahi Konela, he hana naauao ma kona aoao, ka hoolilo ana ae i kona manawa ma ka hoonuu ana i na mea ai ono.  He mea oiaio, ua hoea like aku la lakou apau i kahi i pau nui ai o Hanale ma, Kapololi ma i ke kikapu a e lakou, a noho mai la o Keoni Bulu ma, Kamaona ma, Ololaika ma me lakou.

            Mahope iho o ke kaana maikai ia ana o na mea ai kupono na niho e hoowali, ua hooneeia mai la maluna o ke pakaukau na mea inu mama.  Pua ae la ka uwahi, a hooulumahiehie mai la hoi na apu wai koo-lihilihi.  A i kela wa i makaukau ai ka Porofesa e lumai iaia iho ma ka au ana iloko o ka moanakai o na hooulu noonoo, ma ka wa e ninauia mai ai oia e kona mau hoa.  O ka mea mua loa i kamailio mai ia wa, oia o Lutanela Mildmay:

            “E Mr. Porofesa, he wahi hoohuoi ko’u, a ua makemake au e hoopau mai oe i ko’u kanalua, a oia keia:  Ua ike aku nei au i ka papa hoike o ke panana o ka moku nei, he mau kuiooi liilii, oia hoi, aia ma ka ili hualala owaho o ua papa hoike la, makela ame keia hapaha paina (point) e ku ae ana he wahi kui, a pela aku ana ia hapaha paina a puni ke papa-hoike.  Ua hoike mai nei ka Haku Barona ia maua i na mea apau i ikeia aku nei e ko maua mau maka, a ua koe ole he pohihihi iloko o maua—owau no nae ka’u i ike—a koe keia wahi mea a’u i hoike aku la ia oe.  Heaha la ka manano o ka hanaia ana o keia papa hoike me keia ke ano?  Heaha la ka manao o keia mau kui liilii i ikeia ma kela ame keia hapaha paina o kela poai?”

            E kali oe a keia pule ae, alaila, pane aku ka Porofesa o ka Akeakamai o na Mea Huna Pohihihi.

(Aole i lele.)

Ka Liona o ka Akau

He Mooolelo no ke Au Manawa

--:o:--

Gustavus Adolphus.

Kakauia e G. A. Henty a unuhiia e

kekahi mea unuhi mooleloo

ke Kukoa.

            Ua eliia kekahi lua kupapau nui mawaho o ka pa pohaku o ke kulanakauhale, a maloko o keia lua i kanuia ai na kino make o ka poe Auseturia.  Aole no i nui loa ka poe o loko o ke kulanakauhale i hake, aka, he lehulehu o lakou i hoehaia me ke kukonukonu.

            Mamuli o ka manao ana o Kauna Manasefela e hoi hou mai ana na koa Imeperiela e hoouka kaua hou mai maluna o lakou, ua kauoha aku la ia i na kanaka o loko o ke kulanakauhale e hele lakou e hana koke a paa na wahi o ka pa i nahaha a i hoohioloia.  He mea oiaio, ua eleu koke aku la keia poe a hana aku la i na wahi o ko lakou pa i nahaha a hiki i ka paa ana.

            Ua nui ka hauoli o na kanaka o ke kulanakauhale no ka pau ole ana o ko lakou mau hale i ke pubiia i ke ahi e na koa Auseturia.  Ua hoi mai la hoi na wahine ame na ohana apau o loko o ke kulanakauhale i pau ai i holo no ke kuahiwi, a hui iho la ka wahine me ke kane, ke keiki me na makua, ke kupuna me na moopuna, a pela aku.

            Ua hele mai la hoi na kane, na wahine ame na kamalii o loko o ua wahi kulanakauhale la, a haawi mai la i na hoomaikai ana ia Makamu, aka, ua hoole aku la nae ia imua o lakou apau, me ka olelo ana aku, aole i oi aku ka mea i hanaia e ia ame kona mau hoa Sekotia mamua o na mea i hanaia e na kamaaina o loko o ke kulanakauhale ma ka hoouka kaua ana aku i na koa Imperiela.

            Aka, ua pane mai la nae ke Kauna nona iho a no na kanaka hoi o loko o ke kulanakauhale, penei:

            “E kuu hoaloha opio.  Aole makou i lilo i poe aie kaa ole ia oe, no kou paio ana ma ko makou nei aoao, a pela hoi me kou mau hoa Sekotia, aka, ua aie makou ia oe no ka nui o kou naauao ame kou wiwo ole ma ke alakai ana ia makou e hana aku i na hana e lanakila ai makou maluna o ko makou poe enemi.  El ke hoi me kou wiwo ole ame kou maka’u ole pela no kou poe kanaka, a na ia mau haawina i loaa ia oukou i kaohi paa i na kanaka o loko nei o ke kulanakauhale e ku a e paio aku me ko lakou poe enemi.  O kau mau oleloa’o ia makou, he waiwai nui loa ia i loaa mai ia makou, oiai ma ko’u manao maoli, ina aole oe i kupaa ma ka aoao ku mau aku i ko makou poe enemi, ina no ua haule makou he poe pio na kela poe Auseturia i ka hoea hou ana mai o na koa Auseturia hou a lele kaua mai ai maluna o makou.  O ke’a pomaikai nui i loaa mai ia makou, mamuli no ia o

 

kau mau oleloa’o naauao.  O ka mea oiaio, he poe aie kaa ole makou i kou lokomaikai.  No’u iho, ua aie loa au ia oe no ka pakele ana o ka’u wahine a me ka’u kaikamahine, a elike aunei me ka loihi o na la o ko’u ola ana ma keia ili honua, pela no ka loihi o ko’u noho aie ana nau.”

            I kekahi la ae, haalele aku la o Makamu ame kona mau hoa i kahi kauhale o Manasefela, a huli hoi aku la lakou ma ke alahele e a’e hou aku ai lakou i na kuahi wi a hoea aku i kahi kauhale o Glogan, kahi a lakou i waiho ai i kahi kaa o lakou ame ka hapa nui o na wahi opeope o lakou.

            Mamua o ko Makamu haalele ana iho i ke Kauna  me kona ohana, ua haawi makana aku la ua Kauna la he aahu kila maikai loa ia Makamu, a o ka makana hoi a ke Kaunawahine i haawi aku ai, he kaula lei gula kumukuai nui.  Ua loaa aku nohoi he makana maikai ia Kakiana Sinclair, a he 50 dala i kela ame keia koa Sekotia.

 

MOKUNA IX.

Ka Hoouka Kaua o Breitenfeld.

            I ko lakou nei hoea ana aku i kahi kauhale o Glogan, ua nui ka hauoli o ko laila poe no ko lakou nei hoea hou ana aku me ka palekana ame ka maikai.  Ua hoaumoe iho la lakou ilaila ia po.

            Ma ke kakahiaka o kekahi la ae, ua haalele iho la lakou ia wahi me ko lakou lako apau.  Ua haawi mai ila hoi na kanaka o ua wahi kauhale la ia lakou i na hua ai ame na lako ai e pono ai lakou ma ke alahele.

            Mahope iho o ka hala ana o na la elua o ko lakou hele ana, lohe iho la lakou, ua hala aku la ka pualikaua Suedena no Werben, a ua uhai aku la hoi ka pualikaua o Tilly mahope o na Suedena a hoea ilaila.

            I ka loaa ana mai o keia lono ia Makamu, ua hoeueu aku la oia i kona mau hoa, e pono lakou e awiwi i ka hele ana i hoea aku ai lakou i ke kahua hoomoana o ko lakou pualikaua ma ka wa pono.  Nolaila, ua hoeleu loa ia ka nee ana o ua wahi pualikoa Sekotia nei.  Mahope iho o ko lakou nee ana iloko o ka ulunahele, iho ana i na oawa, pii ana i na pali, ame ke au ana i ka wai o na muliwai ame na kahawi, i mea e halawai ole ai lakou me na koa Auseturia malalo o @enerala Tilly, ua hoea palekana aku la lakou i kahi i hoomoana ai o ka pualikaua Suedena.

            Ua maki pololei aku la hoi o Makamu i kona poe koa no ke kahua i hoomoana ai ka Moi Gustavus.  I ka ike ana mai hoi o na hoa Aliikoa o ua wahi Makamu nei iaia, ua hele mai la lakou me ka hauoli a lululima pu iho la me ia.

            “Ua lilo keia noho ana ou, e Makamu, ma na kuahiwi i mea e loaa ai ia oe ke ola kino maikai,” wahi a Nigela Gerema i pane mai ai imua o Makamu.  “Ke ike nei au, ua loaa pu keia haawina maikai i kou mau hoa apau.  He mea oiaio, ma ka la a oukou i haalele iho ai i kahi a kakou i hoomoana ai, he poe oukou i hele na wahi kino a laukuakupapau, aka, i keia wa, aole i kana mai ko oukou ui ame ka puipui maikai o ko oukou mau kino.  Ma ko’u hoomaopopo aku ia oukou i keia wa, me he mea ia o ko oukou hoea ana mai nei no ia mai Sekotia mai.  Aka, e komo paha oe maloko o ko makou hale pea nei, e ai ai, oiai, o kekani ana mai nei no ia o ka o-le kahea no ka aina ahiahi.  E kali ana makou o ka hoea mai o Konela Munero.  Eia oia i keia wa ma ka Ahakuka koa a ka Moi oia ame Hepburn ame kekahi mau aliikoa koikoi he nui o ka pualikaua nei.”

            Ia wa no i hoea mai ai o Konela Munero maluna o kona lio.  Halo mai la ia, a i kona lele ana iho ilalo, ike mai la ia ia Makamu, a ia wa i haawi mai ai oia i kona aloha iaia me ka hauoli nui.  Poloai mai la nohoi oia iaia nei e komo pu me ia ame kona mau hoa aliikoa iloko o ka hale-pea no ka paina ana.

            Oiai hoi lakou e hele ana, ua ninau aku la o Makamu ia Nigela, ina paha e hoouka koke ia ana kekahi kaua mawaena o na pualikaua elua, ko na Auseturia ame ko na Suedena.

            Ua pane mai la hoi o Nigela:

            “Aole o’u manao e hooukaiai ana i keia wa.  Eia makou ke ka@ aku nei o ka hoea mai o na koa hou.  Ua hiki hoi ia oe ke hoomaopopo iho, ua maikai ko kakou kulana e hoomoana nei ma keia wahi.  Ua paa pono ko kakou mau aoao apau i ka hoonohonohoia me na mea e hiki ai ke pale aku i na enemi, ina e manao ana lakou e lele kaua mai maluna o kakou; nolaila, aohe o kakou hopohopo ana no ko kakou kali ana a hoea hou mai o@a poe koa no kakou.  Inehinei aku ia, ua hoao mai la o Kenerala Tile e hoouka kaua mai maluna o makou, aka, aole nae i ae ka Moi Gustavus i na leo he lehulehu loa o kona mau alihikaua e ae aku e lele kaua aku maluna o na Auseturia; aiai ua ike ka Moi ua oi palua aku ka nui o na Auseturia mamua o kona poe kanaka.  Owau kekahi i hoohalahala loa i keia hooka’ulua ana o ka Moi, nokamea, ua like ke a me ka hoike ana aku o ko kakou aoao nei imua o na Auseturia he poe hohe a maka’u wale kakou, aka, ua ike no nae ka Moi i ka hopena o kana mea

 

i hana ai.  Ua hoomaopopo no au, ua pololei ka Moi ma keia keehina ana i hooholo ai.  Manaolana nae au, aole e liuliu loa ka kakou kali ana, a hoea mai no ka la e hooko a ai ka makemake o na Auseturia, a peia pu hoi me ko kakou.  Ea, he nuhou anei kekahi e Konela??”  wahi a Nigela, i huli ae ai a ninau ae la ia Konela Munero.

            “Aohe mea hou ano nui loa,” wahi a ke Konela i pane mai ai, “aka, o kahi mea hou wale no o ke alo alii, oia ko ka Moi piha pahaohao loa no kekahi lono i loaa mai iaia.  I keia la iho la no, ua laweia ae la kekahi koa kaua lio o ka poe Auseturia, ma ke ano he pio, imua o ka Moi, a na keia wahi kanaka i hoike mai, ua hoauheeia kekahi mahele koa helewawae ame kaua lio o ka poe Auseturia ma ke kulanakauhale o Manasefela.  He poe koa Suedena ka poe na lakou i hoauhee i kela poe Auseteria.  Ua hooia mai oia i ka oiaio o keia mea, oiai oia pu kekahi, wahi ana ma keia hoouka kaua ana, a ma ka la iho la no inehinei koua hoea ana mai ia nei me kona mau hoa i hoauheeia ai ma kela hoouka kaua ana ma Manasefela.  He mea oiaio, aole hiki ia kakou ke manaoio i keia lono, oiai aole poe koa Suedena ma ia mau kaiaulu.”

            I nei wa i aka ae ai o Makamu me ka leo nui, a ua lilo keia aka ana a ua koa opio nei i mea e puiwa ai kona mau hoa aliikoa apau, a nana mai la lakou maluna ona me ka piha haohao.

            Olelo aku la o Makamu imua o lakou:

            “Auhea oe, e kuu Konela.  O kuu wahi pualikoa uuku paha ka mea nana i hana i nei hana a na Auseturia i kuhihewa ai, he pualikaua holookoa maoli o na Suedena kai hoouka kaua aku maluna o kela poe Auseturia ma ke kulanakauhale o Manasefela.”

            “Pehea keia au olelo mai nei, e Makamu?” i ninau mai ai ke Konela ia Makamu, me ke ano hoomaopopo ole i na mea a Makamu i kamailio aku ai iaia.

            Ia wa hoike aku la o Makamu i na mea apau e pili ana i ka hoauheeia ana o na koa Auseturia ma ke kulanakauhale o Manasefela, elike nohoi me na mea i ikeia ma na helu i hala ae nei.

            I ka pau ana o ka Makamu olelo ana, ia wa i hu ai ka aka a na mea apau e noho pu ana me Makamu ma ka papaaina, a ia wa i pane mai ai o Konela Munero:

            “ua pono loa keia hana ana au, e Makamu, a ua lilo keia hana hiwahiwa a kaulana au i hana ai, i mea e loaa ai he pomaikai nui i ka aoao a kakou e kakoo nei, ma keia mau hoouka kaua pili hoomana ma Europa nei, oiai mamuli o keia lono i loaa mai ia Kenerala Tilly, ua hoouna aku la ia he 5000 o kona poe koa e hele huli aku a loaa kela pualikoa i manao wale ia ai e na Auseturia he mahele koa nui o na Suedena; a ke halawai aku keia poe Auseturia 5000 i hoounaia aku la, me kela poe Suedena, e haawi koke aku lakou i kekahi hoouka kaua ikaika loa.  O keia kekahi mnea i hoikeia mai imua o ka Moi e keia wahi koa kaua lio.  Aka, mamuli o kau hoike maopopo ana mai nei imua o makou, e Makamu, i ka mea oiaio maoli, akahi no a pau ae la keia pohihihi.  Ua hooia mai no kela wahi koa kaua-lio, ua ike pono ia i ka pualikoa Sekotia o ka Mahele Omaomao, a ua lohe pono hoi oia i ka hooho ana ae o kela poe koa Sekotia i ka inoa o Hepburn.  He mea pono ia’u ke hele koke aku e ike i ka Moi me keia nuhou hauoli.”

            “O Hepburn nohoi kekahi, ua nui launa ole kona haohao no keia mau olelo a kahi kanaka Auseturia.  A ua manao hoomakeaka wale iho no ia, ina he mea oiaio ka ua wahi koa kaua lio la i hoike mai ai, alaila, he pualikoa Sekotia kela i alakaiia e na uhane kinowailua o na ‘liikoa Sekotia i make ma ke kahua kaua o Bradenburg hou.  O ka mea maa keia mawaena o kakou o na Sekotia, oia hoi, ina aole maopopop ia kakou ke kumu oiaio o ka hoea ana mai o kekahi hana ano nui loa, alaila, e olelo ana kakou ua hana ia na hana oia ano e na mana ano kupua.  O ka mea keia i ikeia maloko o na moolelo kahiko loa o ko kakou aina hanau.  O keia ka mea i ikeia ma ka moolelo o Kenete ka Wiwo Ole, ame na koa kaulana e ae he nui o Sekotia.  E Makamu, e hai mai oe ia’u i ka moolelo piha o kela hoouka kaua ana?  Aka, e kala mai oe ia’u, e Makamu, e hai mua aku  au ia oe, i keia wa, he lutanela kou kulana iloko o ka pualikoa, ma kahi o Lutanela Foulis i make mamuli o ka ma’i fiva.  E inu kakou apau no kou hookiekiela ana ae ma keia kulana.”

            (Aole i pau.)

            “Manao au, e holo pupule ana au no kekahi eha i ioaa ia’u, ina aole ka Laau Hano a Kamalena,” i kakau mai ai o Mr. W. H. Stapleton, Herminie, Pa. “Ua loaa au i ka ma’i rumatika no kekahi mau makahiki he nui, a ua hoao nohoi i na laau i pau ole i ka heluia, aka, o ka Laau Hamo a Kamalena ka laau maikai loa.”  Hookahi no kau ana, o ka oluolu no la o ka eha.  E kualia ana e Benson Smith & Co., Kaupaienaia, na Agena Kuai Kuka@.

 

Hoolaa Kumau.

Ka Ayer Laau

Hoomaemae Koko.

(SARSAPARILLA.)

            E hoomaemae oe i kou koko me ka Ayer Laau Hoomaemae Koko (Saraparilla) o keia ka laau pahu’a ole e kona ikaika hoola.  Kupono maoli keia laau no ka ma’i Alaala, ma’i Hebe. Puha, ma’i Aai, ma’i Kuapuhi ma Puupuu oolohu, ma’i Kane pohaka ame na ma’i no apau e ulu mai ana mailoko mai o ke koko ino.  He kapono loa nohoi keia LAAU HOOMAEMAE KOKO A AYER no ka ma’i nalulu (catarrh), rumatika ame ka rumatika pehu.

            Ma ke ano he laau hooikaika kino ia, aohe ona lua.  E kokua ana ia i na mea paahana o ka opu ma ka hoowaii ana i ka ai, hooikaika i ka hana ana a ke ake-paa nawaliwali, hooikaika hoi i na aa-ioio a hooikaika pu hoi i ke kino i hele a nawaliwali mamuli o ka luhi ame ka hoomailo ana a ka ma’i Ua ike na kauka lapaau ma na wahi apau, he Laau maikai loa k@@@ Laau Hoomaemae Koko a Ayer.  He laau keia i loaa no loko mai o ka pa’ipa’i ame ke kawili a hoohuihui naauao ia ana o na laau hoomaemae koko a hooikaika kino ikaika loa.  Aohe laau hoomaemae koko elike me kela, a i makemake nui ia nohoi elike me keia.

Ka Ayher

Sarasaparilla

Hoomakaukauia e

DR. J. C. AYER & CO.,

Lowell, Mass., U. S. A.

Ola ka Ma’i Awa

awahia o ka Opu i a@  Huaale a Ayer

 

No Keaha

NOOKAWELEWE

LE LOA AKUA A@

OE I KELA

ANU, KUNU

AME

PUU EHA?

            Ua kaulana loa ka LAAU KUNU @ AYER (Ayer’s Cherry Pectoral) Hoke o na makahiki he apeane @@ ma ka hoola ana i na Ma’i o ka Puu ame ke Akemama, ke Anu, ke Kuuu, ka Ma’i La Grippe, ame ka Ma’i Mala o ka pale Akemama.  He ono keia laau ma ka inu ana, a he oialo ke ola.

AYER’S CHERRY PECTORAL

Na Medaia Guia mai na Hoikeike Nui o ke A@

 

Mai lawe i na Laau Emi i Hoolaiikeia me keia

Hollister Drug Co. Lt.

Na Agema ma ka Paeal@@ Hawaii.

 

KAKELA ME KUKE

(KAUPALENAIA.)

Poe Kalepa ma ke Komisina,

A HE

Poe Lawelawe Kopaa.

AGENA.

2736-tf

 

Metropolitan Meat Co

(Hui Kuai Pipi Lietropolitan.)

G. J. WALLER, (Waia) – Luna Nui

108 Alanui Moi

 

Poe Kuai a Hoolako i na Moku

ME

Na Io Pipi, Hipa a pela’ku.

 

E loaa mau ana na Manu ame na Ko-

mano i hoohu’ihu’iia iloko o

ka Hau.

            Makepono ke Kuai i na I’o Pipi m@@nei.

TELEPONA HELU 46

 

            Ma ke kakahiaka Poalua nei i hoopuka mai ai ka Aha Kiekie i ka olelo hooholo e apono ana i ka lilo ana o ka mokuahi “Colombia,” ma ke kuai kudala i malamaia ai ma kekahi wa kokoke i hala ae nei, a i lilo ai hoi ia Kapena Makai Henry L. Evans no $1,500.  Ua kauohaia ka Aha Kaapuni e apono i kela kuai ana.