Ka Nupepa Kuokoa, Volume XXXVIII, Number 12, 24 March 1899 — Page 3
| This text was transcribed by: | Kaulu Luuwai |
| This work is dedicated to: | Mahie Crabbe |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Hui Alahao me Aina o Oahu
MAI A HAHOPE AKU O IUNE 13, 1898
Manawa Holo
Wahi Hoolulu. Mai Honolulu aku.,
Waianae, kaa huikau, na la apau koe ke Sabati.
Waialua, kaa ohua, na la apau.
Waianae, kaa ohua, na la apau.
Wili o Ewa, kaa ohua na la apau
A.M. A.M. P.M. PM.
Honolulu ..... 7:10 9:15 3:10 5:10
Manaua....... 8:07 9:48 3:43 5:50
Wili o Ewa.. 8:37 10:08 4:08 6:10
Waalanae… 9:27 10:53 4:43 …….
Waialua 12:00 5:38 …….
(Wahi Hoolulu. Mai waho mai a i Honolulu.)
Wili o Ewa, kaa ohua, koe ke Sabati.
Waialua, kaa ohua, nna la apau.
Waianae, kaa huikau, na la apau, koe ke Sabati.
Waialua, kaa ohua, na la apau.
Wili o Ewa, kaa ohua, Sabati wale no
A.M. A.M A M. P.M. P.M.
Waialua…… … 6:12 …… 2:39 …..
Waianae…... ….. 7:12 10:09 3:55 …..
Wili o Ewa… 5:50 7:47 10:59 4:32 12:45
Manana……. 6:15 8:07 11:34 4:52 1.10
Honolulu ....... 6:50 8:40 12:15 5:26 1:45
G. P. Denison,
Luna. F. C. SMITH
Luna Kuai Palapala Holo
NU HOU HAWAII
Ua mahuahua ae nei na hoa o ka Hui Y. M. C. A. Ua hiki ko lakou nui i ka 500 i kela wa.
-
I keia la e ku mai ai ka mokuahi “Maunaloa” mai kona mau awa mai Maui a mai Hawaii mai.
-
Owai la auanei ka hui e hoalaia aku ana ma keia hope aku o “Kaiulani” kona inoa? He inoa maka-ala keia.
-
Ua hoomaka iki ka puka ana o ka nupepa puka la “Ka Lahui Hawaii,” a loaa he wa pono hou aku, alaila, olali hou aku ia me ka maikai.
-
O kahi e puka aku ai o ka auwaha lawe mea ino o loko nei o ke kulanakauhale, aia o ia makai aku o ke kahua ki-ki-pu ma Kakaako ae nei.
-
He keu a ka mea lapuwale nui wale, oia hoi, ka meeau ame ka maneo, e aai ana i ka ili. E hoopau i keia mea poino. Ola i ka aila hamo a Doan. Loaa ma na halekuai laau lapaau apau.
-
Ma keia la paha e haalele iho ai o Mr. W. J.Kenny, ke Komisina Pelekane mua maanei, maluna o ka mokuahi Hongkong Maru, a huli hoi aku no Formosa, kahi ana i noho ai a kamaaina.
-
O ka helu o ka hoaloha nupepa “Ka Makainana” o keia pule iho la, oia ka helu mua loa oia nupepa i hooholoia ai kekahi o kona mau kolamu manao e ka mikini uila o ko makou nei hale-pai.
-
Ua haawi makana ae nei o Mr. Keoni Kolobana he $250.00 no ka mea e lawe ae ai imua ona he olelo hoike e hiki ai ke loaa ka mea nana i puhi kolohe i ka hale i noho mau ia ai e E. H. Naoho mauka o Manoa.
-
Ua haawi ae ka Loio Kuhina (i pau) W. O. Kamika, he wahi papa ahaaina launa aloha, i na ’lii makai o ka Olhana Makai o Honolulu nei, ma ka Hale Hui Pakipika, ma ke ahiahi Poalua nei.
-
-
Ina e loaa ole ana na kula ma keia mua iho, alaila, e himeni leo “solo” ana o Mise Cecilia Kealoha Poepoe, ma ke anaina pule hora 7:30 o ke ahiahi o ka la 2 o Aperila ae nei, maloko o ka Ariona Hale. Aohe kumukuai no ka lohe ana.
-
Elua a makou mau huaale, he Akala a he Hoola Kukala kaumaha a hiki ole ke onioni. Kuai oe i ka Akala, mohala pono no holo ana a ke koko, a ke kuai oe i ka huaale hoola kikala, oni pono ka naue ana i kai o ka uwapo, a i uka o Maemae ma, i nae, i Waikiki a i o i Kapalama, iluna o Kaimana Hila, a ilalo o Ewa i ka i’a hamau leo.
-
E hookuku kinipopo “beki bolo” hou ana no o Kamehameha me Punahou ma ka auina la o ka la apopo ma kahi mau. He elua eo ana o Punahou ia Kamehameha, a hookahi wale no eo ana o Kamehameha ia Punahou; nolaila, ina e loaa hou ana ka lanakila ia Kamehameha i ka la apopo, e kau ana ia i ka helu 3, a kuemi hope kona kokoolua i ka 2.
-
Ua hoea mai kekahi poe o ka Hui Poola o Honolulu nei imua o makou, a ua haawi mai lakou i na mahalo ana i ka Nupepa Kuokoa no ka hoolaha piha ia ana o naino o na Poo-la i huki ai i ke kaa hoolewa o ke Alii opio. Aole hewa ke malama i na nupepa i puka ai ua mau inoa la, i mea hoomanao no keia mua aku. He mau kope kakaikahi loa koe o ke Kuokoa e waiho nei ma ko makou keena i keia wa. @
Lanakila o Kamehameha maluna o Punahou.
Ma ka auina la Poaono o ka pule i hala i malamaia ai ka hokuku nou popo hoolei i@oko o ka @inai, mawaena o kekahi mau kaikamahine o ke Kulakaikamahine o Kamehameha ame kekahi mau kaikamahine nohoi o ke Kula o Punahou. O ka@i i malamaia ai o keia hana, ma ke kaaua paani no ia o ke Kula Kaikamahine Kamehameha. Ua hana maoli ia keia hana e na aoao paonioni elua, me ke ku@o, ka makaala, ka eleua ame ka ikaika. E hoao ana na moho opio o keia ame keia Kula, e lilo ka lanakila ame ka eo ana o ke hakoko mawaena o laua i kekahi aoao.
He auina la maikai keia, a ua piha holookoa ma halii ana a ua la ’la, me na haawina mohala maikai a ka malia ame ka oluolu. Ua haiamuia na hiona apau o ka manawa me na manaolana ulumahiehie o kela ame keia aoao paonioni me na kuko ame na lia ana e ko ka upu i upuia, oia hoi, e loaa ka lanakila.
O kahi paani mua nae i kahoahoaia ae ma ke kahua kinipopo, he hookuku pa’i popo “tenisa” ia, i uleleia mawaena o Miss Maggie Anahu, ma ka aoao o Kamehameha, ame Miss Kely, ma ko Punahou aoao. I ka oni ana, nee ana, hili ana pa’i ana a k@la ame keia o ua mau moho la, me ke akamai nui ame ka makaukau, ua ikeia ma ka ai hoopau mua, ua lilo ka lanakila ia Miss Maggie Anahu o ke Kula Kamehameha. He 6 kona helu ia 1 a kona hoa aumeume.
I ka ulele hou ana no ka helu elua o ka manawa, aia hoi, ua “wela ka hao” o na aoao elua, a i ka nee ana, oni ana, alu ana, pa’i ana, hili ana, aia hoi eo hou no ia Kamehameha. He 6 ia 2.
Hala keia, hoea mai la ka paani i kialaai nui ia e na mea apau, oia ka paani nou popo hoolei iloko o ka hinai.
O na lede opio i lilo i nau “kkoa” i mau “moho” a i mau “ko-i” no Kamehameha, oia o Elizabeth Robinson, Angeline Wohler, Rose Alaran, Hawley Stone ame Emily Alexander. O ko lakou hoailona hoohiehie, he aahu hooluu ulaulua me keokeo. O na “moho,” na “koa,” ne “pukaua” ma ko Punahou aoao, oia o Mary Clark, Anna Schmidt, Sophie Judd, Florence Hall ame Alvena Marshal. He uliuli bolu hoi ko lakou hooluu.
I ka nee ana o na hana, lele ae la ka popo, ma o, pa maanei,” kono o ka hinai, pulelo hou iwaho, lele hou ma o a ma o, aohe wa hoomaha o na aoao elua. Eleu, a makaukau na apo ana a na aoao elua, pela me na hoolele popoana. Oi nee ke kaua “alaapapa” a Kamehameha a hoea i ka hopena, ua ikeia ae la, ua eo no ia Kamehameha. He 8 ka helu a Kamehameha a he 6 a Punahou.
O ka paani hope, he pa’i popo tenisa pu-lua, mawaena o Miss Dillingham ame Miss Kelly ma ka aoao o Punahou, ame Miss Anahu me Miss Kenny o Kamehameha. He mea minamina hoi ke komo ole ana o Miss Helen Desha, kaikamahina a ko makou hoaloha Mr. George Desha o ka Oihana Leta o ke Aupuni, mamuli o ka ma-ui ana o kona wawae, a oia hoi kekahi o na lede opio o ke Kula Kamehameha i hilinai nui loa ia no ka makaukau ma keia hana. I ka paani mua ana, lilo no ka “eha” ia Kamehameha, he 6 ana helu ia 3 a Punahou. I ka lua mai o ka ulele ana, ua “wela ka hao” i na lede opio o Punahou, oiai ua alapine me ka awiwi nui na hoonee pa’i popo ana mai ko laua aoao aku, aka, i ka hoea ana o na aoao elua i ka pahu hopu hope, ua lilo hou no ka lanakila ia Kamehameha, he 7 ana helu ia 5 a kona hoa.
E hakoko hou ana na “moho” lanakila o ke Kula Kamehameha, ma ka paani popo hoolei hinai, ma ko lakou mau hoa paonioni, ma ka aoao mai o ke Kula o Punahou ma ka auina la o ka Poakahi ae nei, ma ke kahua paani popo o ke Kula o Punahou.
Ea, o ka wai moa la auanei ke kani haaheo ana ma ia la? No Kamehameha ke kahua, kani no ka Kamehameha moa. No Punahou hoi keia kahua, kani no paha auanei ko laila moa? “Hauaia i ka pu-awa hiwa a i lawa ka moa,” wahi a kahiko olelo oiaio ole.
HE MEA PILI I KA MANAOIO.
Hoapono ke Kahuna pule i kahi Ukuliilii Ahikanana.
O ko kakou mau manaoio pili hoomana, ma ke ano nui, he mau mea ia i maopopo. Heaha la ka Ekalesia a manaoio hoomana a kakou i uhai aku ai, e omau ana kakou i ko kakou mau manaoio maluna o na olelo ame na a’o ana mai a ko kakou kahu Ekalesia. Aole e kanalua iki ia ana kona kuio ana ma kana mau olelo o ia ano; aohe nohoi kanalua no kona manaoio ana ma kana mau mea e a’o ai. O ka manao hoi o kekahi kahunapule maluna o kekahi kumuhana, he mea no ia e manaoio ia ana e na kanaka o kela ame keia ano. (He lehulehu loa na keonimana Kahunapule e hoike nei no kahi Uku-liilii Ahikanana. Aole nohoi o ka lakou mau mahalo ana, mamuli ia o ka ike malani wale ana no i na hana a keia laau, aka, mamuli no ia o ko lakou hoao paka maoli ana. A mamuli o ke alhoa ame ka iini nui no ka pomaikai o ka lehulehu, ua loaa mai la na olelo hoike mai ua kahunapule la mai o na aoao hoomana apau.
Eia iho ka olelo hoike a Rev. M. H. Shimp, wahi noho helu 2025 Arctic Ave., Atlantic City, N. J.:
“E loaa mau ana au i kela ame keia wa, iloko o eono a ehiku makahiki i ka eha ma kuu kikala, aneane no nae mahope pono ae o ka puhaka. He mea mau hoi e holo ana keia eha iluna ae o ke kua, a e holo ana nohoi ilalo, a hoea i na wawae, oia hoi na kuli, a i kekahi wa, i na kapuai. I kekahi wa hoi e pilikia loa ana au mamuli o ka paa ana o ka mimi. I keia wa e ike ai au i ka eha ma ka puukole. I kekahi wa, aole loa e hiki ana ia’u ke huli ae, oiai au e moe ana maluna o ka moe, me ka ike ole ana i ka eha mai na puupaa mai. Ina e loihi loa iho ka’u noho ana ma ka noho, e aneane hiki ole ana ia’u ke ku ae iluna. E hoea mai ana ia wa he mau eha e ae, ame ka paupauaho o ka hana ana. Ua kuai nae au he poho o na Huaale a Doa no ke Kikala Hanenee me na Puupaa, a hoao iho la. Ma ka’u ike, ua hooia mai ka lakou hana i ka oiaio o na mea i olelo kaulana ia no lakou. O ke ola i loaa ia’u, mamuli no ia o na Huaale a Doan no ke Kikala Hanenee ame na Puupaa. Ua loaa ia’u ka pono oi aku mai keia mau huaale mai mamua o na laau e ae a’u i hoao ai, a ke haawi aku nei au i ka’u mau hoomaikai ana no ia mau huaale.”
E loaa ana no keia laau waiwai nui no na mai apau o ka Puupaa ma na hale kuai laau lapaau apau, a i ole, mamuli o ka hoouna ana mai he 50 keneta no ke poho, a he $2.50 no 6 poho, ia Hollister Drug Co., ma Honolulu nei, a hoounaia aku no ma ka eke leta.
KA LAAU QUAKER.
Nui ke ohohia o na kanaka i ka laau Kueka e hoolaulahaia mai nei i keia mau la. He laau Sagwa paha ka mua loa o ka hoea ana mai ia nei, a mahope mai nei he laau “Kikapu” Ilikini, a he laau Kueka” (Quaker) hoi keia. O ka poe Kueka, ka poe i kapaia na Hoahanau Aloha, a ua oleloia aole e ole ka ikeia o ka noho ana maia o ka Uhane Hemolele maluna o kahi hoahanau e oni ana ke kino a naka haalulu i kekahi wa. Oia ka mea i kapaia ai he “Quaker,” he “Nakanaka, he Haalulu.” O ke ano laau paha keia i kapaia o “Wai Haalulu.”
NA LETA
OLELO HOALOHALOHA NO KA MEA KIEKIE KE KAMA@LII WAHINE VITORIA KAIULANI KALANUIAHILAPALAPA LUNALINO.
No ka mea hoi, he mau la mamua ae o kona kaa ma’i ana, ua hoike mua mai ke Akua o kona mau makua i kekahi mau hailona kupono e pili ana iaia ma kona ano he pua alii kiekie mai ka po mai, ma ke kani-kui-lua ana o ka leo o Kanehekili, ame ka uwila e huai ana i kona malamalama ano e — e hoomalamalama ana i na kihi eha o ke kulanakauhalealii o Honolulu, kahi o kona mau kupuna alii ame kona mau makua e moe mai la mauka o Maunaala ame ka waikahe nui palena ole i ua ole ia e ka ua, ka uhi puia ana o na mauna e ka ua koko amu na lalani anuenue e pipio ana i ka lewa, nolaila, he lua ole ke aloha o ke Akua no keia Alii opio.
A ma ke kakahiaka Poakahi, hora 2, la 6 o Maraki, 1899, ala hoi, ua hoohiki lele ia ka manao o ka lahui ma na ouli kupaianaha i hoike mua ia mai e ke Akua ma ka ua ame ka makani nui ikaika, ka waikahe palena ole, ka uwila, ka hekili me ka makani puahiohio e hoonaueue ana i ke kulanakauhale o Honolulu nei. Eia ka, o ka Mea Kiekie ke Kama’liiwahine opio Vitoria Kaiulana Kalaninuiahilapalapa Lunalilo ua hala i ka poli lua a Kane. Noalila, ua loaa ia makou he haupu, he minamina, he aloha i ka Wohi Alii i hala, ka mea hiki ole ia makou ke olelo ae he panihakahaka kona e ola mai nei, nana la hoi e pani i ka hakahaka o ke Alii opio i make. Iloko o kona mau la opio o kona noho ana ma keia ao a hoi aku la ma o, ma ka poli o ke Akua i kulike ai me ka mea i olelo ia mai, Nana no i hoonoho mai i na alii ma keia honua, a Nana no i lawe aku e hoomaikai ia ka inoa o Iehova, oiai o kona mau la o kona noho opiopio ana ma keia ao, he pakele, aka nae, ua haawi aku oia i ka hapanui o kona manawa apau no ka imi ana aku i pono no kona lahui mana aupuni o ka honua no ka hoolawa ana iaia iho i ka ike kalaiaina ana i upu ai e loaa ia mau pono no ka pono o kona aina hanau ame kona lahui, a nana e kukulu hou ae i ka hale o na Kamehameha i hiolo, a e hoopaupa hou i na pua alii mai kona puhaka alii mai, i mea e hooko ia ai ka makia a kona mau makua i kukulu ai a e kukulu ia nei he hooulu a he hoola lahui ka ma@ o ko lakou aupuni iloko o kona wa e opiopio ana ua hele aku oia i na aina e — a noho no ka manawa loihi no umikumamalua makahiki me ka hoomanawanui, aole he mau lono i lohe ia mai nona, ua malama la @hia oia i ka inoa maikai o kona aina hanau, a ua hapai ae i ke kulana hanohano o kona lahui. Oia ka hana oi ke@akeia a ke Alii opio i papahi iho ai maluna iho ona, oia, oia e hono ana ma na aina e, me ke ola maikai aole he mau pilikia i loaa iaia.
He Aliiwahine opiopio oia, he iwakaluakumamaaha wale no makahiki, aka, ma kona ouli ua hoike ia mai ua @o hoaka nona, ua lawa kupono oia no ka ike kalaiaina, a ua lana ka manao o kona lahui maluna ona, ua paulele, ua hilinai piha e lilo oia i hoopakele no na opio iloko o kona lahui ponoi ma keia mua aku.
A no keia mau manao walohia o kona lahui me ka luuluu, ke hoike aku nei makou, kekahi mau lala o ka papa hooko o ka Hui Kalaiaina i keia mau olelo hooholo:
1. Olelo hooholo, Hooholoia, O makou o kekahi mau lala o ke komite hooko o ka Ahahui Kalaiaina ia oe e ka Mea Kiekie Ake, ka makuakane o ka Wohi Alii kapu o a Keohokalole laua me Kapakea, ma ko makou hoike ana aku i ko makou manao aloha a luuluu a kaumaha no ka make ana o kau Alii, a ke hui pu nei makou me oe ma ka lawe pu ana me oi i na kaumaha no ka mea i make;
Hooholoia, Ke hui pu aku nei makou me oe e ka mea Kiekie Kapiolani a me na mea Kiekie Kawananakoa ame Kuhio ame na ’lii hanau e pili ana i ke alii i make, ma ke komo pu ana me oukou i na hoomanao ana no ka mea i make.
Hooholoia, I ka mea Kiekie ka Moiwahine Liliuokalani, ke kumu lipo o ka wahine alii o ka Mea Kiekie ke Kama’liiwahine Vitoria Kaiulani Kalaninuiahilapala Lunalilo, oiai oe e noho ana ma ko ma aina e, ke hoouna aku nei makokku i keia kope, ma ko makou ano he komite hooko ma ka lawe pu ana me oe i keia ukana luuluu i hookau ia iho maluna ou ame kou lahui no ka make ana o kau keiki aloha nui ia.
Ke pule nei makou i ke Akua Mana Loa e hoomama mai ia oe a i na ’lii no apau, o keia ka makou pele ma ka inoa o ka Haku Iesu Karisto, Amene.
O makou iho no o na lala o ke Komite Hooko o ka Ahahui Kalaiaina o na kanaka Hawaii o ko Hawaii nei Pae Aina.
DAVID KALAUOKALANI.
JOSUA KEAU.
J. KANUI
F. S. KEIKI.
THOS. C. POLIKAPA.
D. AI.
J. KUKAULALII.
P. KAUIMAKAOLE.
G. P. WAILEHUA.
DAVID HAIOLA.
DAVID M. KUPIHEA.
WM. K. KALEIHUIA.
-
Ma ka hora 7 o ka po o ka la 8, 1899, ua hik ikino aku na lala o na papa hooko o na Ahahui ma Ainahau, Waikiki, ka Ahahui Aloha Aina kane ame ka Ahahui Kalaiaina, me na olelo hoalohaloha pakahi inua o ka Mea Kiekie ke Alii Kiaaina Ake, a ua hoomaka mua ia ka ka Ahahui Aloha Aina ma ka heluhelu ana a Keoni mahiai.
Mahope aku ka ka Ahahui kalaiaina na D. Kalauokalani i heluhelu e like me na olelo maluna,o ka olelo pane i paneia mai i ke komite e ka Mea Kiekie Ake: —
“E na Keonimana, ua oluoluia au i keia hora mamuli o ko’u halawai pu ana me oukou, o ke Alii opio a kakou e kanikau nei, i kona wa opiopio, ua hoouna aku kona mau makua iaia i ke kula no ka imi ana i ka ike i ko na aina e, ua loaa iaia ka ike mamuli o ke kokua ana o kona lahui i ke dala ma na Kau Ahaolelo i hala. He Alii opio hoopono, aole i haki iaia ma kanawai o ke kula, ua puka mai oia me na palapapla hoomaikai a na kumu, ua malama oia i ka hanohano o kona lahui ame kona aina hanau. Iaia ma ka aina e he oluolu pono kona kono ame kona manao, ai kona hoi ana mai nei i kona aina hanau ua ulia i ho la keia poino maluna ona. O kela ka’u olelo pane ia oukou e na Keonimana o ko oukou ahahui.
-
(Aole nae hiki ia makou ke hooia aku imua o ka lehulehu o ke kope oiaio loa keia o ka Olelo Hoalohaloha i waihoia aku imua o ka Mea Mahaloia A. S. Clgehorn, ka luaui o ke “Alii Wohi.” He mau mamalaolelo kulana pili kalaiaina kekahi i komo maloko o ke kope i haawiia mai ia makou i kapaeia ae e makou, ma ke ano, he ku-e ia mau olelo i ke kula nohona kanikau a kaumaha o keia wa. L.H.)
-
KUU LEI ALOHA UA HALA.
Ma ke ahiahi o ka la 4 iho nei o Maraki, 1899, ma ke awaawa o Pelekunu, ma Molokai, ua kikoo mai la ka lima o ka anela o ka make a lawe aku la i ka uhane o Daniela Kaumiuni a kai a lupe aku la i ka aoao mau o ka honua. Ua hanau ia oia ma ka pa Kula Kahuna i ka la 15 o Feberuari, M. H. 1891. Ua piha iaia na makahiki ewalu me na la 17 a hala aku la. Ua waiho iho oia i na makua ame kona pokii kaikuahine e pauauma aku ma keia aoao o ka muliwai eleele oka make.
Ua hoomaka mai kona loaa ana i ka mai ma ka mahina o Novemaba, he emi pu wale mai no o kona kino, ua hoao ia na lapaau naauao ana e Dr. Morinths ame Dr. Emesona, a ua loaa no he maha, aka, ma ka la 18 iho nei o Ianuari, ua hoomaka hou mai la ka mai he anu ma kona mau wawae a oiakona ma’i i haalele mai ai ia’u, ko-na papa ame ka okana, a mamua iki iho o kona lele loa ana, ua ala mai la oia mai kahi moe mi a pane mai ia’u ame ka ohana. E make ana au, e hele mai oukou apau e aloha ia’u, ua hooko aku na mea apau a mahope iho o ka ike ana o na ohana ua kauoha mai la oia e ku oukou iluna a himeni mai. Ua hooko ia aku ia ma ke mele ana i ka himeni 282 o ka Hokuao 1 pauku, i ka pau ana ua kauoha mai la oia ia’u e papa e pule aku oe i ka Haku e hookipa aku i kuu uhana, i ka hookuu ana iho o ka’u leo pule ua lalau ae oia i ho’u a-i a huki iho no ko’u honi hope loa ana i kona mau papalima a upoi iho kona mau lihilihi me ka malia. He keiki oluolu a akahai oia malalo o na makua, aka, na ka Haku no i haawi mai a Nana no e lawe aku, e hoomaikai ia Kona inoa.
Auwe aloha ino. A ua haku pu ia hoi he mau wahi lalani mele nona e ke Kula Sabati o Pelekunu, a he ku o i ke aloha na mea i haku ia nona.
Owau iho no me ka luuluu
REV. D. K. KAUMIUMI.
Pelekunu, Maraki 22, 1899.
Kela ame Keia.
HOOLAHA A KE KOMISINA ALA LIILII ME PANO WAI.
Oiai, ua waiho mai o Ahmoehiona he palapala hoopii e kue an’ ia Pat Shaw o Lahaina, Maui, e hoopii ana iaia no kona kukula ana ame ka hoomau ana i kekahi palaau e ku olokea ana mai kahi aoao a kahi aoaoa o ke Alanui Nui ma Lahaina i oleloia ae nei, ma keia ke hoolahaia aku nei, e hooloheia ana keia hoopii ma ka Hale Hookolokolo ma Lahaina, ma ka Poaono, Aperial 8, 1899, hora 10 A.M., a ke hoolahaia aku nei ka poe apau i kuleana i ka pono alanui e hele mai a e hooiaio i ko lakou mau kulenana, a i ole ia, e hooholoia no me ka nana ole ia oia hiki ole ana mai o lakou.
O ka pono alanui e koiia nei, aia no ia ma Waiokama, Lahaina, a e a’e aku ana, a e pili aku ana paha i na Kuleana o makalaukalo, mokuhinia, Kaleimoku, Kalama, ame Kupalii.
HENRY DIKENSON. Komisina ala Liilii ame Pono Wai no ka aipana o Lahaina.
Lahaina, Maraki 20, 1899.
2747-2t
HOOLAHA I KA POE AIE.
Oiai, ua hookohu pono ia mai ka mea nona ka inoa malalo iho nei i Lunahooponopono Waiwai no ka Waiwai o Hana Keoki, o Honolulu, Oahu, i make.
Ke hoolahaia aku nei ma keia i ka poe apau e waiho mai i ka lakou mau koi i ka Waiwai o Hana. Keoki i ole-laia, i make, i hooiaio pono ia, ina paha ua hoopaaia ma ka moraki a ano e ae, i ka mea nona ka inoa malalo iho nei, ma Honolulu i oleloia, ioko o eono mahina mai keia la aku, a i ole, e hoole mau loa ia aku no lakou. A o ka poe apau i aie i ua waiwai la, ma keia ke kauoha ia aku nei e hookaa kokei mai i ka mea nona ka innoa malalo nei.
ROBERT PARKER WAIPA.
Lunahooponopono Waiwai o ka Waiwai o hana Keoki.
Hanaia Honolulu, Oahu, Maraki 10, M. H. 1899 5174-6m
KUAI WAIWAI PAA NA KE KAHU MALAMA WAIWAI.
Mamuli o kekahi olelo kauoha a ka Aha Kaapuni Apana Hookolokolo Elua o ko Hawaii Paeaina, e kuai aku ana ka mea nona ka inoa malalo ma ke akua i ka Poakolu, la 29 o Maraki, M. H. 1899, i ka hora 12 awakea oia la, mamua ponoi iho o ka hale leta ma Wailuku, Maui, i ka mahele huikau he hookahi-hapakolu o Hana (w), keiki oo ole, iloko o na aina a apau i hoakaka ia penei:
1. Apana aina i hoakakaia ma ka Palapala Sila Nui Helu 3128, Kuleanan Helu 3548 no Naheana, ili 5 7-10 eka, oi aku a emi mai paha.
2. Elua apana aina i hoakakaia ma ka Palapala Sila Nui Helu 1145 no Naheana, huina o ka ili 19-100 eka, oi aku a emi mai paha.
3. Ekolu apana aina i hoakakaia ma ka Palapala Sila Nui Helu 3123, Kuleana Helu 3508 no Kuheleloa, huina o ka ili 3 21-100 eka, oi aku a emi mai paha.
4. Apana aina i hoakakaia ma ka Palapala Sila Nui Helu 1517 no Kuheleloa, ili 31-100 eka, oi aku a emi mai paha.
Aia keia mau apana aina iloko o ka Ili o Ohia, ma Waikapu, Mokupuni o Maui. No ka Hui Mahiko o Wailuku ka elua-hapakolu o keia mau aina, he aina kalo a he aina kula. Ua lawa keia mau aina i ka pono wai, a no ke kokoke loa i ke alanui aupuni, ua kupono na apana aina maloo no ke kukulu ana i mau hale noho. O na lilo palapala me ka poe koho no ia, a aia ka mana o keia kuai ana a hooholoia pela e ka Aha. Dala kuike ka rula, dala gula o Amerika Huipuia. No na mea e ae, e ninau ia Hon. A. N. Kepoikai, ka loio o ke kahu malama waiwai.
AKUHUNA.
Malama Waiwai o Hana, keiki oo ole.
HOOLAHA HOOPONOPONO WAIWAI.
O ka mea nona ka inoa malalo iho, luna hooko o ka palapala kauoha hope loa o Kekapa Robinson, o Honolulu, Oahu, ame Kona, Hawaii, i make ma keia ke hoike aku nei oia i ka lono i na poe apau i aie aku i ka waiwai o ka mea i make, ina he mau koi@a ka lakou, e waiho mai ia mau koi iloko o na mahina eono, o hoole loa ia auanei. A o ka poe i aie i ka waiwai o ka mea i make, ke kauoha ia @ nei o hookaa koke mai.
Honolulu, Oahu, Feberuari 26, 1@.
M. P. ROBINSON,
Lunahooko Palapala Kauoha @
Loa o ka mea i Make.
2743-5t
Hoolaha Hooko Moraki
KE KUAI A KA LUNA HOOKOKAUOHA I KA WAIWAI PAA.
Ke hoolahaia aku nei ma kela, malalo a i kulike ai hoi me ke kauoha i hoopukaia e ka Aha Kaapuni o ka Apana Kaapuni Ekahi ma ka hana o ka Waiwai o Manuel A. Barete, i make. Ua kauohaia mai au e Antonio Richard, ka Lunahooko Kauoha o ua Waiwai la, i kulike ai me ua kauoha ia, e kuai aku ma ke Kuda a Akea i ka mea koho kiekie loa no ke dala kuike, ma ka Poakani, la 10 o Aperila, 1899, ma ka hora 12 o ke awakea o ua la la, ma kuu Keena Kudala ma Alanui Moiwahine, maloko o ke kulanakauhale o Honolulu, i kela apana aina apau e waiho la ma Kalihi, Honolulu i oleloia ae nei, a he hapa hoi ia o ka Palapala Sila Nui 3546, Kulenana 10@98, a i hoike ia hoi na palena penei:
“E hoomaka ana ma ke kihi Akau Komohana o keia aina a e holo ana: Ak. 53 00 Hik. 148 kapuai ma Kahauiki; Ak. 85 00 Hik. 336 kapuai ma ke Alanui Hao; Hem. 19 30 Kon. 566 kapuai ma ko W. L. Wilcox’ Ak. 32 0@ Hik. 490 kapuai ma ko W. L. Wilcox a hoea i kahi i hoomaka ai. Ili 3 3-10 Eka.
Kuike ke Dala.
O na lilo palapala kuai i ka mea ia e lilo aku ai ka aiua, a e ku ana hoi kela kuai ana malalo o ke apono ana mai a ka Aha Kaapuni o ka Apana Kaapuni Ekai.
No na mea aku i koe e ninau ia Cecil Brown, ka Loio o ka Lunahooko Kauoha.
Hanaia Honolulu, Maraki 14, 1899.
JAS. F. MORGAN.
2746-4t Luna Kudala.
KA HOOLAHA MAKEMAKE HOOKO A KE MEA PAA MORAKI.
Ke hoolahaia aku nei ma keia, mamuli o ka mana kuai i paa maloko o kekahi Moraki i hanaia ma ka la 27 o Dekemaba, A. D. 1892, i hanaia e Emma A. Kempster ame Charles E. Kempster, kana kane, o Kohala Akau, Mokupuni o Hawaii, ia Theo. H. Davies, T. R. Walker ame F. M. Swanzy, o lakou apau no Honolulu, Mokupuni o Oahu, he poe hoahui e lawelawe hana pu ana malalo o ka inoa hui o Theo. H. Daview & Company, a i onoia hoi e Theo. H. Davies & Co., i kaupalenaia, a ke makemake nei hoi o Theo. H. Davies & Co., i kaupalenaia, e hooko aku i ua moraki la no ka uhakiia ana o na kumu aelike i paa maloko o ua moraki la, oia hoi: Ka hookaa ole ia ana o ke kumupaa ame ka uku-panee.
Ke hoolahaia aku nei nohoi ma keia o na aina apau, na pono ame na @ apau i pili i ua aina la i paa maloko o ua palapala moraki la, a i hooka@aia hoi maloko olaila, e kuai kudala ia aku no ma ke akea maloko o ke Keena Kudala o James F. Morgan ma Alanui Moiwahine, maloko o Honolulu i oleloia ae nei, ma ka Poakahi, la 10 o Aperila, 1899, ma ka hora 12 awakea o ua la ’la.
O ka aina i paa maloko o ua moraki la, oia no kela apana aina e waiho la ma Ohanaula, ma Kohala i oleloia ae nei, a i hoakaka pono loa ia hoi ma mokuna ame na palena elike me kela: — E hoomaka ana mai ke kihi Akau Komohana aku o ko Kapela aina, mai ka pohaku aku i hoailonoia X a e holo ana Hem. 79 Hik. 2 kaulahao ma ka aoao mauka o ke Alanui Aupuni, alaila, Hem. 14 30 Kom. 4 87 kaul hao i ka pa o Kekapa a i ka pohaku i hoailonaia X; alaila, Ak. 82 Kon. 2.32 kaulah@o a hoea hou i ka aina o Kapela, a mai keia pohaku hou mai a i kahi i hoomakaia ai, e holo ana Ak. 16.30 Hik. 5 10 kaulahao, maloko o laila he Ili o Hookahi Eka, oi aku a emi mai paha.
He Kuike ke Dala ma ke Dala Gula o America Huipuia. O na lilo palapala i ka mea ia e lilo ai ka aina.
Hanaia Honolulu, Maraki 8, 1899.
THEO. H. DAVIES & CO, KAUPALENAIA
Mea Paa Moraki.
No na mea i koe e ninau ia C@ Brown, Honolulu. 2745-4t.
Hoolaha Mana Hookolokolo.
ILOKO O KA AHA KAAPUNI APANA HOOKOLOKOLO EKAHI O KO HAWAIIA PAE AINA. — MA KA HOOPONOPONO WAIWAI.
Ma ka Hana o ka Waiwai o A@hi K. Akau, o Honolulu, Oahu, i make.
Oiai ua waihoia mai ka Palapala Noi ame ka Hoike Waiwai a ka Luna Hooko Kauoha o ka waiwai o ka mea i make i oleloia ae la, ma ia palapala i noi mai oia e nana ia a e apono ia kana hoike waiwai a e hoopukaia ke kauoha hope loa no ka mahele ana i ka waiwai e koe nei ma kona lima i na poe i kuleana ma ia waiwai, a e hookuu ana iaia mai na ko’iko’i mai apau ma kona ano Luna Hooko Kauoha.
Ua kauohaia, o ka poakahi, la 17 o Arepila, M. H. 1899, hora 10 o ke kakahiaka, ma ke Keena Hookolokolo, Aliiolani Hale, ma Honolulu, oia kahi ame ka manawa i hokoia no ka hoolohe ana i ua noi la ame ka hoike waiwai, a malaila a ma ia wa hoi e hele ae ai na kanaka apau i kuleana ma ia waiwai a hoike mai i na kumu, ina he mau kumu ka lakou e ae ole ia ai na noi la.
Honolulu, Maraki 9, 1899.
Na ka Aha:
GEORGE LUCAS.
2746-3t Kakauolelo.
ILOKO O KA AHA KAAPUNI, APANA HOOKOLOKOLO EKAHI O KO HAWAII PAE
AINA — MA KA HOOPONOPONO WAIWAI.
Ma ka Hana o ka Waiwai o John N. Ilae, o Honolulu, Oahu, i make kauoha ole.
No ka mea, ua waihoia mai e D. K. Ilae, ke keiki a ka mea i make, he palapala noi no ka Hookou Lunahooponopono Waiwai no ka waiwai i oleloia, a e hoopukaia aku ia palapala iaia, nolaila, ma keia, ke hoolahaia aku nei i na poe apau i kulenana ma ua waiwai la, o ka Poalima, Aperial 7, 1839, ma Aliiolani hale, Honolulu, hora 10 o ke kakahiaka, oia kahi ame ka manawa e hele mai ai lakou, a e hoike mai i na kumu ina he mau kumu ka lakou e ae ole ia ai ke noi.
Honolulu, Maraki 7, 1899.
Na ka Aha:
GEORGE LUCAS.
2745-3t Kakauolelo.