Ka Nupepa Kuokoa, Volume XXXVIII, Number 12, 24 March 1899 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXXVIII.    HELU 12   HONOLULU.  POALIMA,  MARAKI 24, 1899.

 

 

@oolaha @umau.

 

W. C. Achi           Enoch Johnson

ACHI & JOHNSON,

LOIO!         LOIO!         LOIO!

Keena Hana, Helu 10 aoao Komohana

Alanui Moi.

 

W.R. KAKELA

Loio a he Kokua ma ke Ka@awai

HE LUNA HOOIAIO PALAAP@A.

@@70

 

LYLE A. DICKEY

Loio a he Kokua ma ke Kanawai.

 

Notari no ka Lehulehu.

E hookoia na hana pili kanawai apau @@@ na Mokupuni mai.

Kihi o Alanui Betela me Moi.  Pahu Leta 786.  Telepona 806.

 

PAPA! PAPA!

Aia ma kahi o

LEWERS & COOKE

(Lui Ma)

Ma ke Kahua Hema o na Alanui

Papu me Moi.

 

E LOAA NO NA

Papa Nouaiki

O kela a me keia ano.

 

 

Na Pani Puka.....

Na Puka Aniani.....

Na Olepelepe.....

Na Pou.....

.....     Na O’a.....

.....     Na Papa Hele.....

.....     Na Papa Ku.....

.....     Na Papa Moe

 

Na Pili Hale

O na Ano apau.

A me na

Wai Hoohinuhinu Nani

O Na Ano Apau.

 

Na Palaki o na Ano he Nui Wale.

 

          Ke haiia aku nei oukou @ na makamaka a pau, na makaukau keia mau makamaka o oukou @ hoolawa aku ma na @@@ a pau e pili ana ma ka la@a Oihana @o ka

 

Uku Haahaa Loa

 

@ @@ke me ka @@@ @ holo ana mawaena @ L@@@ a me ka @@@ K@@i.

 

E Holo Mai @ Wao @@ Oukou @@@,

 

          E hoola koke ia ana me ka hikiwawe ka Eczema, ke poo kepia, meeau ame ka meneo o ka ili, o kela ame keia ano.  Laau Hamo a DOAN.  Aia no ma kahi o ka mea pa-ipa-i laau.  50 keneta.

 

          Ke lohelohe wale ia mai nei i @@apai aku ana na alakai kahiko o ka Hui Kalaiaina he nupepa hou nona ka inoa “Ke Kalaiaina o Hawaii.”  O ko @akou kumuwaiwai, pela ka oleloia mai, he $3000 a emi iho.  O Peresidena D. Kalauokalni o ka Hui Ka@alaina, oia ka “Bo-kia” nui o ka hana, olike la nohoi me ka nupepa “Ka Ahailono o Hawaii,” i kona mau la mua.

 

Ke Aloha o kuu Makuahine

KE ALOHA O KA’U MEA I ALOHA AI

Ka Mana o ke Aloha.

He Moolelo Walohia

 

          “Me ka hauoli loa e hana aku no au na mea apau e hookoia ai kou makemake.” wahi a George i pane aku ai. “Mai Parisa pololei mai la maua, a i hoea mai la maua ia nei no ka @inau ana aku ia oe, no ke alahele kupono loa a maua e hana aku ai mahope iho o kou lohe ana i na mea apau e pili ana ia maua.”

         

          Ia wa i hoomaka aku ai o George e hoike i na mea apau e pili ana no kona hoopalau ana me Alice-kona hele ana ikekai-kona hoi ana mai-kamake emoole ana o Alice-kona hoopakele ana iaia-kona ola hou ana, a hoea wale i ka laua hiki ana mai ilaila.

 

          “He keu keia a ka moolelo i piha i ka walohia ame ka ehaeha.” wahi a ua Madame Hardy nei i pane ae ai.

 

          “O kou makemake loa, e hele aku maua i Italia, a malaila maua e noho ai.  Ka aina i kaulana i kona mau pua nani ame kona mau kihapai maikai.  E noho hoi maua malaila ma ke ano huna loa.  Aka, aole nai maua i hooholo pono loa i ko maua manao ma keia mea, a oia ke kumu o ko maua kipa ana mai la e ike ia oe, ina paha @ hiki ana ia oe ke hoike mai i kekahi mea e loaa ai ia maua he maalahi ma keia huakai hele a maua. Ua hai aku au ia Alice, e hoolohe no au i kau mau mea apau e hoike mai ai ia maua.  A ina manao oe e hoi hou o Alice i Parisa, alaila, e hana no maua elike me ia.”

 

          “E a’u mau keiki aloha,” wahi a ua luahine nei i pane mai ai, “he ninau pohihihi keia a olua i onou mai ai imua o’u.  He mea maopopo, aole o’u makemake ia Alice e hoi hou oia me kela Kauna.  Kela kanaka hoi a’u i makemake ole ai.  Ina e ulia ka nahoahoaia ana o kona poo i kekahi pohaku, ina ua maikai loa ia.”

 

          “He mea oiaio no, oia wahi au i pane ma ila,” i pane aku ai o George me ka hoomau ana’ku hoi i ka olelo ana, “hookahi wale no mea nui nana i koi mai ia Alice nei e hoi hou aku me ke Kauna, oia kana bebe.”

 

          Mahope iho o ka hala ana o kekahi wa pokole o ka noho pane leo ole ana mai a Madame Hardy, pane mai la ia:

 

          “E Alice, e hoomanao oe, mamuli o ko George lilo ana i anela honua nana e olokaa ai i ka pohaku mai ka waha ae o ka luakupapau i hahaoia aku ai kou kino ola, ua haawi mai la na lani i ke kuleana oiaio iaia, e lilo oia i kahu malama mou, a ke manao nei no au, ua hoea loa aku no keia kuleana malama o George ia oe a na pohai i pili i na kuleana o kau kane maluna ou i keia wa.  O oe, he wahine oe ua make mai a Kauna de Berene mai.  A i keia wa, he kuleana kou e hana ai i na mea apau e malu a e palekana ai kou kino mai kela kanaka mai a’u i hoowahawaha loa ai,”

 

          “E Alice, ke lohe ai la anei oe?”  wahi a George i huli mai ai a ninau mai la i kana aloha, me ka hoomau ana mai i ke kamailio ana, “Na like loa kamanao o kou makuahine bapatema me ko’u.”

 

          “Alaila, ma Italia olua ‘e noho ai no kekahi wa, a e kali hoi i na mea e hoea mai ana ma keia mua aku.  O ka mea maikai loa no nae, oia ka hoea ana mai o ka anela o ka make me kana pahi kakiwi a ooki ae i ke Kauna mai keia ili Honua aku; aka, o ke Akua wale no nae ka mea i ike ia mea.  Eia nae, o ko’u iini loa,e hoea hikewawe loa mai ia manawa.  Aka, e a’u mau keiki, o ko olua manao ana e noho olua ma Italia a ma kekahi wahi e ae paha o Europa nei, me ke @ala wale no e pono ai.”

 

          “Eia me a’u i kela wa he kanaiwa tausani hapaha Farani; a ua manao au ua lawa keia mau wahi dala no @@@@ e noho ai ma Italia no ekolu ame eha paha makahiki,” wahi a George.

 

          “Ua lawa io no ia man wahi dala ke noho olua ma ke ano haahaa loa.” wahi a Madame Hardy.

 

          “Aohe pilikia oia, oiai aole no o Alice he wahine i maa i hahoonuanua wale ana mai i na mea hihimanu o ko keia noho ana, elike @a me ko ka po@ waiwai.”

 

          “Pela io no paha; aka, e hoomanao oe, e kuu keiki, he mea pona e lilo ke dala i ana nana e hookiekie ae a e hoohaahaa iho paha i na hapai ana a na makemake ame na ulumahiehie ana a kekahi wahine.  Ina nui ke dala iaia pela no auanei e hihimanu ai na mea i hoouluia mai ana e kona makemake; a ina hoi he @uku ke dala loaa iaia peia no ka panaiki ana mai o na mea e loaa mai ana iaia.  O Alice-kuu Alice aloha nei-kuu kaikamahine mai ke aloha mai o ke Akua, he mea pono iaia ke ola elike me ke ola ana o na wahine ona miliona.”

 

          “Aole a’u o’elo ana no ia mea, “aka, e hoomanao oe, e ka Makua maikai, aia ko’u wahi pono i o’u mau makua.  Nou iho, he nele au ma na ano apau; nolaila, o kahi mea i loaa ia’u mai ko’u mau makua mai o ka maua like ia e kaana like ai, me ka hoomanawanui, a hookahi no mea nui, oia ko maua noho pu ana, ike aku a ike mai, me ke kali ana no ka wa pono e loaa anaia maua.”

 

          “E kuu keiki, aole au e kamaillio ana no ka mea i loaa ia oe; aka, ke kamailio nei au i keia wa no Alice,” wahi a Madame Hardy.

 

          “Auwe! no ka hoi!!” i hooho ae ai o Alice, “ua oi loa aku ko’u nele i ko George nei.  E aho oia nei o maua he wahi dala kana, elike nohoi me kana i hoike aku la, aka, owau nei, he nele @oa.  E aho no maua e noho me ka hoomanawanui me na wahi mea i loaa ia George.”

 

          “E kuu keiki, ua poina ka paha oe i ka palapala hooilina a kou makuakane?  Mamuli o kela palap@la kauoha, ua loaa ia oe he loaa makahiki o 100,000 hapaha Farani.  A e haawi aku ana au i keia huina dala ma kou l@ma mamua o kou haaleleana mai ia’u.  Pehea la ka loihi o olua @ noho ai ia nei?”

 

          “Manao au ma ka la apopo no maua e haalele iho ai ia nei, a holo aku no Italia.”

 

          “Ua maopopo ia’u ke kumu o ko olua awiwi loa i ka hele i Italia, a nola la, aole pono ia’u ke hoohakalia i ka olua huakai.  O ka’u wahi noi nae ia olua e kali ko olua haalele ana iho ia nei, a hiki i ke ahiahi o ka la apopo.  A ina e hoea mai ana kekahi popilikia maluna o olua ma ia wa a olua e ka’ulua ai ia nei, elike me ka’u e noi aku nei ia olua, alaila, e haawi no au i kuu llima kokua ia olua i mea no olua e pakele @i.”

 

          I kela wa hookani ae la ua Madame Hardy nei i kekahi bele, a hoea mai la kekahi kaikamahine lawelawe, a ia wa i olelo aku ai oia iaia:

 

          “O keia na hoaloha o kekahi hoaloha kahiko o’u mai ke kulanakauhale mai o Bordeaux.  E hoomakaukau mai oe i ka rumi bolu no ke Keonimana opio, a o ka rumi akala hoi no ka lede opio.”

 

          “Kunou mai la ke kaikamahine lawelawe a puka aku la e hooko i @ana hana i kauohaia aku ai.

 

          Huli mai la ua Madame Hardy nei a kamailio mai la ia Alice ma:

 

          “Eia no me a’u e noho nei, he elua mau wahi kauwa kahiko loa i  kamaaina ia Alice.  I ka la apopo auanei, e hoouna aku no au ia laua i hahi e, a oia ko kakou wa e kuka ai no na mea e pono ai olua.”

 

          Mamuli o ke ano maluhiluhi loa o Alice, ua hooki koke ia na kamailio ana, a ua alakaiia aku la na kamahele opio no ko laua mau rumi pakahi.

 

          I kekahi kakahiaka ae hoi, ua kauoha aku la o Madame Hardy i kona mea kakau palapala, oia hoi ka Notere.  A mahope iho o ke kamailio ana ame ke kukakuka ana o laua, ua hana iho la ua Notere nei i ka palapala kauoha a hooilina hope loa, e hooili ana i kona waiwai apau i kana kaikamahine bapa@ema.

 

          Ia ahiahi no, haalele iho la o George ame Alice ia wahi a holo aku la no Italia.  Hookahi pule mahop iho o ko laua noho ike ana ma kekahi hotele nani loa @ Italia, ua loaa iho la ia Alice he hale na@i, ma kekahi wahi mawaho @ku o ke kulanakauhale Folorena, a e ku ana hoi ia hale ma na kapa o ka Arno.  A ma keia home nani i noho iho ai laua me ka hoomanawanui ana i n kapu o keia ame keia o laua.  Aia a ma na po haawi hemeni Opera ia ma ke kulanakauhale o Felorena, oia na wa a laua e hoea ai i ke kulanakauhale.

 

          Aka, aole nae i liuliu ko laua noho ana ma keia wahi, ua ala pioo mai la na wa olelo ana mawaena o na poai mka hanohano o loko o ke kulanakauhale.  M@muli hoi o na kauwa a laua nei, ua ku-ku’i aku la ka lono no kaui o Alice a puni ke kulanakauhale, a nolaila ma kela ame keia wa e @keia ai o Alice ma ke kulanakauhale, e nui auanei ka uluhua ame ka hoonauliuli o kekahi poe opio no ka uhi maka e uhi iho ana i na maka o Alice.  E @ke loa ana lakou e hemo ae ia mea, a e ike aku lakou i ka nani ame ka ui a lakou i lohe wale ai: aka, he ole nae ko lakou ike i ka Ui o Parisa.

 

          Ua hoomaepopoia hoe, mai Parisa mai laua nei, a he mare oiwi hanau laua no Ferani, aka, no kapoai hea la o na maka hanohano o Parisa i ku ai laua, ihe mea huna pohihihi ia i na mea apau o Felorena.  Heaha la ke kumu o ko laua ike a hookipa ole ana i kekahi poe ma ko laua home, a hele ae paha laua ma na home o kekahi poe, oia mea huna pohihihi no ia.  Heaha la ke kumu o ko laua noho ana ma Italia, oia mea huna pohihihi no ia.  Aka nae, mamuli o ka nui hewahewa o na dala i hooliloia e laua maloko o ke kulanakauhale ma na mea ai, na lako aahu ame na lako e pono ai ka home, ua hoike mai @a @a @nau mea i ka @@mi o ke kuonoono i loaa ia laua.

 

          Ua lilo nohoi laua nei i mau mea nui i ka laua poe kauwa lawelawe, a e hookani mau ana keia poe kauwa i na leo mahalo no laua, ma na wahi a pau a kela ame keia o lakou e hele aku ai.

 

          I kela ame keia pule e loaa mai ana @o he hookahi, a elua nohoi palapa a mai Parisa mai, i kela ame keia pule.  Ua loaa mai nohoi ka palapala a kahi kanaka kiai @@in kupapau, oia o Petero Rikeke, a e hahai mau mai ana nohoi ia i na mea apau e pili ana ia Kauna de Berene.

 

          Pela nohoi me ka luaui makuahine o George, e loaa mau mai ana no kana palapala, a e hoike mai ana nohoi ia i kekahi wa no ka mea e pili ana i na makua o Alice, a ma ia ano e ike ai o Alice i na mea e pili ana i kona mau makua aloha, me ka ike a hoomaopopo mua ole nae o ka makuahine o Goerge, eia o Alice ke ola nei.

 

          He eiwa paha mau mahina o ko laua nei noho ana ma keia home hou o laua, me ka maikai ame ka oluolu, ua lohe mahuihui mai la o Geaorge, e loaa mai ana ia laua he mau palapala poloai mai kekahi poe maka hanohano mai o ke kulanakauhale o Felorena no ke kipa ana aku ma ko lakou mau hale.

 

          Ke @@@koke aku nei keia i ke kikina o na la lealea o ke kulanakauhale, ka wa hoi e akoakoa mai ai na maka hanohano apau o ka mahele aina oTusekani, ka wa hoi e hoohamamaia ai na home o ka poe hanohano no na hookipa ana o na hoaloha ame na ohana.

 

          Aka, ma ka wa i kokoke aku ai i ka la hope o ka mahina o Sep@temaba, ua hoopahaohao loa ia na mea apau o ke kulanakauhale i ko lakou lohe ana aku, ua haalele iho la na opio.  waiwai o Parisa i ka home a laua i noho ai no na mahina eiwa.  A ma ka wa hoi a laua i haalele iho ai ia wahi, ua lawe pu aku la laua i na kauwa ekolu a laua.

 

          Ai la i hea?

 

MOKUNA XIV

 

          Ma ka wa i ikeia ai e na mea apau o ke kulanakauhale o Parisa, ua make a ua kanuia hoi o Alice, mai ia wa mai i makemake loa ai o Barona-wahine Maraceli e malama i kana moopuna, oia hoi, ke keiki a kana kaikamahine, a e hoolilo hoi i kona manawa ma ka hoonaauao ana iaia.

 

          Ua hele aku la ua Barona-wahine nei, a nonoi aku la i ke Kauna Berene a haaw imai oia nono e maiama i kana moopuna.  Ua ae mai nohoi ua hunona Kauna ne iana.  Nola@la, @@ lilo mai la ka hanai ia ana o ke keiki a Alice, nona ka inoa e Edem@@@.  @ k@@a m@@ kupuna.

 

          Aka, i ka malama ana o na kupuna o ua wahi Edem@na nei la@a a hala paha na mahina eono, u kaili hou ia aku la oia, @ kona @uau@ makuakane, mai a laua aku, me ka maopopo ole hoi o ke kumu.

 

          Ma keia wa i laweia aku ai ua wahi keiki nei, mai kona mau kupuna ak@, ua hoihoi hou ia aku la kona hanaiia ana i kona kahu hanai mua ma Brunoy, he mau legue ke kaawale mai ke kulanakauhale aku o Parisa.

 

          A ua lilo keia hana ana o ua Kauna Berene nei i mea e hoe@aeha loa ia ai na noonoo o na makua o Alice.  Ma ka wa hoi a ke kupunakane (oia hoi ko Alice makuakane) e nonoi aku ai i ke Kauna Berene he makemake oia e ike @ kana moopuna, ua hooleia mai la kana noi, me ka olelo ana mai hoia ke Kauna iaia, aole pono iaia ke haawi hou i kona noonoo no ka mea e pili ana i kana keiki.  Ua olelo mai la ola i keia mau olelo a ke aloha ale:

 

          “E, ua make aku la no ko olua @@leana; aole o olua kuleana i keia wa maluna o kela keiki.  Owau kona makuakane, a nolaila, owau ka mea i kuleana maluna ona.  Aohe no he pilikia i ke keiki i keia wa.  Ua hiki no iaia ke hanai, ke malama a ke hoonaauao iaia, el@ke  me kana i manao ai @@e pono.  Aole ona makemake e ike hou ua maka o kana keiki ia laua.”

 

Aole i kana mai ka piha kaumaha o Barona Maraceli i ka lohe ana i ke@a nau huaolelo i puka ponoi mai ka waha mai o ke kanaka ana i haawi @aelae aku ai i ka lima o kana kaika@nahine ma ke kuahu o ka Mater@mo@o.  Ua kulu iho la na waimaka ma @ona mau papalina, a me ke kauma@a ame ka ehaeha e luuluu ana iloko @na, aia hoi, hoi aku la oia i ka h@le, @ hoike aku la imua o kana wahine @ @a mea apau a Kauna Berene i pane @ai  ai imua ona.  Ua uwe iho la nohoi @a Barona-wahine, no ke aloha i kana @ane, a pela no ka laua moopuna, a humai la ke aloha iloko o laua a i elua @o ka laua kaikamahine:

 

“O! Alice! Kuu lei aloha! Kuu manaonao nohoi ia oe.  Ua hoopakele mai oe ia’u nei i kou mama, aka, ia lilo oe i luahi @a ka make no kou aloha ia’u ame kou luaui nei.  O! Alice! A hea la au hui me oe.  Peneia anei maua e hanaia ai e keia kanake puuwai eleele, e keia deragona omo-koko.  Ua hana aloha ole mai oia i kou makuakane.”

 

“A@o, e kuu makamaka heluhelu, e waiho iki kaua i ke kamailio ana no ka Barona-kane ame ka Barona-wahine, a e nana ae kaua ia Petero Rikeke, kahi kanaka kiai pa ilina.

 

I ka ike ana o ua wahi Petero nei ua kailiia o Edemona, e Kauna Berene, mai kona mau kupuna mai, ia wa i moke ai oia i ka huli ma na wahi apau o loko o Parisa no kahi i laweia aku ai ua wahi keiki la, a pela hoi kona wahi e malamaia ana.  Hookahi pule okoa paha o kona huli hoomanawanui ana me ka hoomaha ole, loaa @hola iaia kahi i malamaia ai o uawahi keiki la.  A ma ka pule hope hoi o ka malama o Sepetemaba kakau palapala aku la ia ia George ma Italia, penei na ol@lo:

 

“Ua ma’i loa ia o bebe.  He elua mau kauka e hele mau nei i kona wahi i malamaia ai, a ua lohe au, ua kauohaia aku nei ke kolu a no kauka mai Parisa mai.  Ua lohe mai au, aohe manaolana i koe o na kauka e ola ana o bebe.”

 

Me na waimaka e hiolo ana ma na papalina o Alice, pane mai la ia:

 

“E George, he mea pono ia’u ke ike i kuu keiki!”

 

“Dear Alice, o kou makemake wale no ka’u i hooko aku ai.  Apopo, haalele iho kaua ia Felorena nei.”

 

Ua loaa pu aku nohoi ia George na palapala a kona luaui makuahine, a ma ia mau palapala, e kauoha aku ana ia ia George e hoi mai oia i Parisa.

 

La ia no, kakau iho la ia he palapala na Petero Rikeke, kana kauwa hoolohe loa.  Ua kauoha aku la oia iaia e holo mai ma ke kaa ahi a hoea i ke kulanakauhale o Melun, a malaila oia e hoolimalima ai i hale maikai no laua nei; a malaila laua e halawai pu ai me ia.

 

He elua @a mahope iho o la hala ana aku @ @@ palapala George @a @@ @@@@ Rikeke, o ka wa @a a George m@ @@@@@ ame na kauwa Italia ekolu @ @aalele @ho ai  i na kaia@l@ o Italia.

 

Ho@@ aku @a lak@@ nei @o ke kulanakauhale o Mel@n, a malaila i @@@@@ ai me Rikeke.  I kekahi @a a@ @@@lele iho la o A@@@@ ame Rikeke @a wahi @ holo pololei aku la no Brunoy.  @@hi hoi i malamala ai o Edemona, @@@@ o George ame na kauwa Italia i noho @ho ai i Melu@.

 

Oiai lakou ma ke alahele, kama@lio mai @a kahi kauwa hoopono @a George:

 

“I nehinei aku nei ka hele ana @@ o ke kauna e ike i ke keiki, me na kauka mai no ekolu mai Parisa mai.  Nolaila. aole kakou e halawai ana me ia i keia la.  He kane ame ka wahine na mea @a laua e malama nei i ke keiki.  He @@ paha makahiki o ke kane, a malalo mai ko ka wahine.  Manao au, he mau mea no keia i kamaaina mua i ke Kauna, a oia no paha ke kumu o kona haawi ana na laua e malama i ke keiki.  He wahine malama pono loa kela ia bebe.”

 

I ka hoea ana aku o laua nei i Brunoy, ua uhi paa iho @a o Alice i kona mau maka me ka uhi-maka, oiai na ano e mai la kona noonoo ia wa no kana keiki.

 

Oiai laua nei i hele aku ai a kokoke i ka hale i malamaia ai o Edemona, ia wa i kamailio mai ai o Rikeke la Alice:

 

“E hele malie loa ae oe mahope nei.  E holo mua ae au e nana i ka poe o loko o ka hale, a hoi hou mai au a hoike aku ia oe.”

 

@@@@@e, kalali aku la ua w@@@ Rikeke nei a komo ana iloko o kekahi hale, aole n@hoi i liuliu puka hou malana ia iwaho, a hele mai @a a hui @o@me Alice, a olelo mai @a ia:

 

“E, o ka wa pono loa keia au e hele ai a komo iloko o kela hale.  Ao@e mea e ae o loko o ka hale i keia wa.  He wahi luahine wale no me bebe.”

 

A keia pule ae ike i ka Lei Aloha a ke kino.         (Aole i pau)

 

 

KA AHA MELE MA FOSTER HALL

 

          Ma ke ahiahi o ka la apopo e malamaia ai he Aha Mele maloko o Foster Hall,” oia kela hale pohaku, ma ke kihi o kahi alanui olowi e moe ana ma ka hale hana-hao aku o “Ulakoheo,” mai ke Alanui Nuuanu aku nei, oia nohoi ka hale o “Mere Poka.”  He Aha Mele keia i hapaiia a i hoo@@@ikaia e Miss Aheong, kumu o ke Kula Olelo Beritania o Pauoa, i mea e hiki ai ke loaa ona dala no ka ogana e pona ai kela kula.  Ma ka papa hoonohonoho hana o na mea e waiho@a mai ana imua o ka lehulehu ma ia po, ua ike iho makou i ka nui o na mele ame na haiolelo maikai loa.  Ua ike iho makou e komo pu mai ana ka poe hookani “pila” Mandolin o Waiahole, Koolau@poko ai nei, a pela no ko @aila Hui Hookani Guitar, malalo o ke alakai ana a Mr. Chas King.  O Mrs. J.L. Ho@t kekahi i kokua ana i keia hana maikai.  He elua ana mau “solo” ma ka Piano.  E oluolu na hoaloha o Hawaii e kokua ae i kela hana maikai.

 

 

          Aohe laau lapaau maikai e ae no na bebe elike la me ka Laau Ku@u a Kamalena.  O ka ono o keia laau ma ka wa e inu aku ai, oia kona mea i lilo ai i laau ame na kamaili, a pela pu nohoi me ka hikiwawe o ke oia.  E ola koke ana ko lakou mau kunu ame ke an@ a hoopauia hoi ka loohia ana i ka ma’i numonia, a mau mai e ukali ana i nei mea he anu ame ke kunu.  E ola ana ka ma’i kunu ho, a ua inu ia keia laau @ na poe ma’i he umi @ausani ka nui o keia ano ma’i, aole he ma’i i nele i ke ola, wahi a ko makou hoomaopopo, Aole nohoi i  hiki wale ana no i keia laau ke hoo@a i ka ma’i k@nu ho, aka, ma ka wa e haawi mua loa @a @@ kela laau i ka wa o ka hoomaka ana mai o ua ano kunu @a, e kaohi koke ia ana kona kuene pono ana mai.  Ma na ma’i kunu-kalea hoi, i hoopalupalu ana keia laau i ka male uaua, a oluolu ke kun@ @na aku, a hoemi mai hoi i ka ame paupauaho ana a ke kunu ame kona pinapinai ana, a pela auanei e palela ae ai na hopena poino oia ano ma’i.  E kuaila ana e Benson Smith & Co., Kaupalenia, na Agena Kuai Kukaa.