Ka Nupepa Kuokoa, Volume XXXVIII, Number 9, 3 March 1899 — Page 3

This text was transcribed by:	Toni Lynne Kaefferlein
This work is dedicated to:	Mummy , Elizabeth Sherman Allyn

Ka Nupepa Kuokoa

KE KILOHANA POOKELA NO KA LAHUI HAWAII.

Ka Hui Alahao me Aina o Oahu

MAI A MAHOPE AKU O IUNE 13, 1898

Manawa Holo

WAHI HOOLULU.

Mai Honolulu aku,)

Waianae, kaa huikau, na la apau koe ke Sabati.

Waialua, kaa ohua, na la apau.

Waianae, kaa ohua, na la apau.

Wili o Ewa, kaa ohua na la apau.

A.M. A.M. P.M. P.M.

Honolulu.. 7:10 9:15 3:10 5:10

Manana.. 8:07 9:48 3:43 5:50

Wili o Ewa.. 8:37 10:08 4:08 6.10

Waaianae.. 9:27 10:53 4:43 ..

Waialua.. .. 12:00 5:38 ..

I WAHI HOOLULU.

Mai waho mai a i Honolulu.)

Wili o Ewa, kaa ohua, koe ke Sabati.

Waialua, kaa ohua, na la apau.

Waianae, kaa huikau, na ia apau, koe ke Sabati.

Waialua, kaa ohua, na la apau.

Wili o Ewa, kaa ohua, Sabati wale nu.

A.M. A.M. A.M. P.M. P.M.

Waialua.. .. 6:12 .. 2:39 ..

Waianae.. .. 7:12 10:09 3:55 ..

Wili o Ewa.. 5:50 7:47 10:59 4:32 12:45

Manana.. 6:15 8:07 11:34 4:52 1:10

Honolulu.. 6:50 8:40 12:15 5:26 1:45

G.P DENISON, Luna.

F.C.SMITH, Luna Kuai Palapala Holo

NU HOU HAWAII

Na ikeia mai nei o H. W. Schmidt, Esq., e Peresidena McKinley, ma ke ano he Kanikela no Euedena ame Norewai ma Hawaii nei.

Ma keia poakolu ae e ku mai ai ka mokuahi "Kulanakauhale o Pekina" mai Kapalakiko mai, no Honolulu nei, a hala loa aku i Kina ame Iapana.

E manaoia ana e na alakai o na Kula Sabati o Honolulu nei e malamaia ana kekahi ahahui nui o na Kula Sabati a pau o Oahu nei ma ka malama ae nei o Mei, la 6.

Eia i Honolulu nei i keia wa o Rev. C. H. Yatman, kekahi o na haiolelo Euanelio makaukau loa o Amerika Huipuia, a eia oia ke lawelawe nei i kana hana hoeueu pono.

Ua nonoi hou ae nei o L. L. McCandless (Likana) imua o Lunakanawai Pere, e aeia ka hookolokolo hou ia ana o kana hoopii kue ia Solomon Mahelona ma.

E ku mai ana ka mokuahi "Moana" mai Kapalakiko mai i keia la, ke ole e loaa na kula. Ua manaoia, e hoea mai ana ka Loio W. R. Kakela maluna ona no Honolulu nei.

He keu a ka mea lapuwale nui wale, oia hoi, ka meeau ame ka maneo, e aai ana i ka ili. E hoopau i kela mea poino. Ola i ka aila hamo a Doan. Loaa ma na halekuai laau lapaau apau.

Ke ole e hoololiia ka olelo hooholo a Lunakanawai Pere, ma ka mea e pili naa i ka mokuahi Columebia, alaila, e mai kudala hou ia ana ua mokuahi la ma ka hora 12 awakea o ka la 11 o keia mahina.

E haawila ana maloko o ka halekula Olelo Beritania ma Pauoa, he aha mele e Miss Aheona. A o na pomaikai e loaa ana mai ia hana ana, e hoo@oia ana no na lilo o ka ogana oia halekula.

E malamaia ana ka ahaaina luau nui a ka Hui Hawaii Kokua ma ka Home Hoohanau Keiki, ma ka la apopo. E hoomaka ana mai ka hora 12 o ke awakea a pau i ka hora 9 o ka po. Luia no ka ai ana.

O kela hoopii a ke Aupuni kue ia Aldrich i noho ai imua o ke kiure haole i kela pule aku nei no ka hewa hoolaha ana i ke dala pepa apuka, ua hookuuia e ke kiure, me ka lawe ole ia ana o na olelo hoike ma ka aoao pale.

Ua loaa mai ka lohe ia makou, e malamaia ana ma ka la 15 nei o Maraki, he halawai nui o ka poe kanu kope o ka mokupuni o Hawaii, no ka noonoo ana i kekahi mau kumuhana e pili ana i ka oihana kanu kope. Ma Hilo e malamaia ai keia halawai.

Ma ka noho ana o ka Aha Kuhina ma ke kakahiaka Poalua nei, ua hooholoia e kauoha koke aku ia Eneginia Hering, e holo koke mai i Hawaii nei, no ka hoomakaukau ana i na lako e pono ai ka auwaha lawe mea ino o loko o ke kulanakauhale nei.

Ma ke aumoe o ka po Sabati a'ao ae Poakahi nei, ua loheia aku la kekahi leo hoopuoho o kekahi haole ma Kapamoo ae nei. I kona ninauia ana aku i ke kumu o keia hoopuoho ana, hai mai la ia, ua komoia kona rumi e moe ana e kekahi piko pau iole, a ua aihueia mai a iaia aku he $12.50, he uwati gula me ke kaula wati, ame kona lole wawae.

Ma ka auina ia o ka Poalima o kela pule aku nei i haawi mai ai ke kiure hui - haole ame Hawaii - i ka lakou olelo hooholo ma ka hoopii e L. L. McCandless (Likana) kue ia Solomon Mahelona ma, i ka olelo hooholo e mahele hapalua ana i kela aina o Boe Wallace ma Waianae. Hookahi hapalua ia Likana a hookahi hapalua i mahele ole ia ia Solomon Mahelona. Ua hoohalahala na aoao elua i keia olelo hooholo.

"Manao au, e holo pupule ana au no kekahi eha i loaa ia'u, ina aole ka Laau Hano a Kamalena," i kakau mai ai o Mr. W. H. Stapleton, Herminie, Pa. "Ua loaa au i ka ma'i rumatika no kekahi mau makahiki he nui, a ua hoao nohoi i na laau i pau ole i ka heluia, aka, o ka Laau Hamo a Kamalena ka laau maikai loa." Hookahi no kau ana, o ka oluolu no ia o ka eha. E kuaiia ana e Benson Smith & Co., Kaupalenaia, na Agena Kuai Kukaa. *

UA HALA O MRS. M. GAVIN.

Ma ke ahiahi Poakolu nei i make ai o Mrs. M. Gavin, kupunawahine o Mrs. Theo. C. Porter, William Savidge, Mrs. John Cassidy ame Samuel Savidge. Ua hoolewaia kona kino mai ka luakini aku o Sana Anaru.

HOOLEIA KA HOOKOLOKOLO HOU.

Ua hooloheia ke noi a Likana (L. L. McCandless) ma kana hoopii ia Mahelona et. al., no ka ae hou ana o ka Aha e hookolokolo hou ia kela hihia imua o ka Aha Kiure, a ua hoole o Lunakanawai. Pere i ke noi a Likana. Kikila Balaunu no ka mea hoopii; Poepoe ame Waila no S. Mahelona.

PAKELE KE OLA O KEKAHI LUNAHOOPONOPONO NUPEPE I KA LAAU KUNU A KAMALENA.

Ma ka hapa mua loa o Okatoba, 1896, loaa iho la au i kekahi anu ino, a paa iho la ua anu la ma kuu mau akemama. Ulu mai la ka hopohopo iloko o'u, no ka ulu ana mai o ka mai ai ake ma kona anuu mua loa. E kunu mau ana au, a ke kuha aku hoi i kahi mea i owa ae mailoko mai, aole nae e puka aku. Ua hopohopo loa au no keia mea, a hoao iho la ke kauka e lapaau ia'u, eia nae aohe holopono, noiaila, kuai iho la au i omole laau Kunu a Kamalena, a o ka-hopena i ikeia ua loaa ia'u he oluolu, a mahope iho o ka pau ana ia'u he ekolu mau omole i ka inu ia, ua loaa hou ke ola maikai i kuu mau akemama. E kuaiia ana e Benson, Smith & Co., Kaupalenaia, na Agena Kuai Kukaa.

NA LETA.

Eia iho ka Papa inoa o na Leta e waiho nei maloko o ka Hale Leta a hiki i ka la 28 o Feberuari, M. H. 1899.

Mrs Abigaila Mrs A Aikue M G.H Anna Mrs Kelekia Ahuna Mrs Aukai Mr Poai Auamo Mrs Kalele Adams Mr Clay Aona Mrs Hana Aupuni Miss Mary Ah Hou Miss Ane Mrs Anahua J N Auae Miss Papalani Apuna Mr Aiko Mrs Aio Ahboon Mr Poai Auamo Mrs Loke Aiona Mrs Harry Aye

Maliu Ako Miss Makue Akiona Mary Akai Miss Mary Akai Mrs Kapela Akau Miss Annie Akina Mrs Kulia Aki Mrs Mary Akaa J Akana Mr Akana Akana

Mr Aalona Mrs Annie Alapai Mrs Maria Alohikea

Mr J H Amai Mrs Hattie Amohiona Mr Amapo Victoria Amoi

Mas Kiai Eneka Miss Emalia Miss Emilia B Enos Miss E Enoka

Mr W H Iuko Miss Ili Mrs P Iliona Miss Malie Iona Helemano I

Umiokalani

Mrs Haloa Hanawahine Hana Miss Hattie Mas Dan Hanale Miss Lepe Haaheo Makalika Hanakeawe Mr B Haaheo Mrs Wahinealii Hanapi Mas Hamohamo

Mrs Malaea Hekekia Miss Heneriaka

Mr Kalama Hina Mr Geo Hiram Mr R Hina Mr Hiapakona Mr Paul Keanohalia Hipa Miss Rose Hiram

J W Holoua Mrs Hoomana Mr Geo Holowale Honolulu Mr Hokuula Hola Mr W Hooikaika Hoomana Mr O Holt Mrs Holokai Hoolulu

Miss Mary Huakini W Joe Huke

Mr Kames Kaeha Mr Hiram Kaehu

KAA

Mr James Kaeha Mas Albert K. Kaaipohaku Mrs Kaai Mrs Kaaikaula Mrs Mary Kaaihue Sam Kaahiki J P Joe Kaana S W J Kaalokai James Ben Kaailiilii Mrs Hary Kaaua Mr Kaahu Mrs R K Kaapokalani Mr. G. Kaaiohelo Paulo Kaaua M. Kaanaanaliilii Mr H Kaalea Miss Mary Kaaiaikaula

KAI

Mr Sol J Kaiwi Mr Sam Kaili Mr Joe Kaia Mrs Kaiwa Mr J K Kaialiilii Mr Kaia Kaunu Mr Kaiawe Mr Huihui Kaimiloa Joseph Kaikihonua Mr Geo Kaiewe J Kaui Kainuwai S Kawika Kaili Mrs Kaihe Miss Sadie Kailipua Mrs Kaikuahine

KAU

Mr M H Kau Mrs Kauluwehiwehi Mas S K Kaulana Mr Kauha Miss Kailianu Kauahilo Sam Kauhini Miss Julia Kauka David Kaukaha D K Kaumiumi S Kauhane Sol Kaaui Mrs Maliipapu Kaukua Mr Kauhiwai Mr Kauhaianae Mr J M Kauakahi

KAH

Mrs Kaholowaa Makepa Kahaloa Mrs E Kahoomana Mr M K Kahai Mr Geo Kahele Mrs Kahele Mrs Kahoalii Mokulehua. J H Kahula Kahalauloa Kahele Malie Kahanu Mas Ikaika Kahulu Mrs E Kahoolealii Mrs E Kahuakai Mr Kahakanila Kimo Kahui Mrs Kahalehewa Loka Kahula Malie Kahaulani Moses Kelii Kahikilauena Mrs A Kahoopai P S Kahilialau Mrs Kahaulelio Mr Kahaleiwi D B Kaluuhonu Esioyge Kahau

KAK

Mrs Pakelo Kakoi

KAL

Mrs Ane Kali (2) Miss Keoho Kalalou (2) Mrs Kaluli Nonaaea J W Kaluahine D Kalei Alii Mrs Malia Kaluna Kaluawai (k) Mrs Huihui Kaluna Miss Malaia Kale Kalehua Mrs Kaloaa

KALA

Mr Kalaihi Sam Kalama Kalama (k) Kalaulipo (w) Kalawela Mrs R K Kalawaiamoku Kalakupuaihawaii Miss Kalaaukapu

KAM

Master Helio Kamaka Mr Kamaialii Kamakau Miss Martha Kamaka Miss Keanoaloha Sam I K Kamealoha P Kamalii (2) Miss Sophia Kamaalea J W Kamali (2) Lewi Kamaka S Kameeu Mr Kamaka Haliaka Kamai D Kamai Mrs Kamalu Mrs G Kamakee

KAN

Mr H Kane Master Kane Sam Kaanaana Kaniela Mrs B Kauea Mrs Kanohokuahiwi Maunaloa Kaneai Mr Kanahele Mr Kanakaole Mrs E Daniel J Kanae

KAP

Nane Kapule Kapika Kapeahi Ju Kapaahu Mr V L Kapikookalani J N Kapahu Kapika (w) Mr Kaiwi Kapa (2) Hanale Kapaihi

KAW

Jas Kawai Miss Rose Kawaipao Miss Kawaha Mas Kawae Mrs Kawaipuilani Mas Ben Kawai Miss Kawaikini

Miss Annie L. Kepaa Mr K W Ben Kenui D K Kewiki Mr Kepano Mele Keoki Mrs Mary Keliiwaiwaiole P J Keliihananui Kelalaina Mr Keoki Mrs Keola

KEA

D Kealohapauole Mrs Kamakani Kealoha Mrs Maliana Kealakai Mrs M Keawepooole Miss Meleana Kealakai Mas Kaulana Keahemakani Miss Keamana Mr Keaweamahi Kekila Kealohilani Mr Kealoha Miss Keanoaloha Mrs Lani Kealaula Mrs Keawa Mrs Mariana Kealaikai Mr Wm Keala Mrs Clement Kealoha Daniel Keanini Mr Sol Keawe Hoolulu Kealoha

KEK

Mr Kekoa Mrs Luika Kekaua Miss Laa Kekaa Mrs Kekahuna Mrs M O Kekela Mr D Kekulu Nele Kekipi J M Kekaula Capt Sam Kekaulike Mrs Lucy Keihe W M Kekoa

Mr David Kipi Kinimaka Mr Kime A G Kipahulu Kiake Mr Kina

Mrs Kahooio Ahana Koholua J Kona S Koanui

A K Kunuiakea Mr S Ku'helani Mr W H K Kuhaupio Mary Kuuku J W M Kuaiwa Kuleikumuhoa Mr Kuaana Mrs Kulia Kapu Kuluwaimaka Mr J Kuuku Mr Kuaana Mas E Au

Laumania Laia Laakina Lanaku Mary Laea Keahi Lulapoli

Lele Leialoha Keahi Lelepoli James Lewis

S Lili D I Lima

Mr Kaina Lowell Mr Manuel Lopa

Stephen M Lukua Mrs Lukimila Mrs Lulua Mr Luahiwa

Mrs Loke Malie (2) Miss Mahina D W Mahuahua E Makakoa Mrs M@ Wahine Mrs E K Sylva Maile Ia Makia Frank Manoha S W Mahi Keomai Maiola (2) P Pake Maikai Kinamakue Mrs G Maile J W Makuaole F S Manoha Miss Mahailani Maunaloa J W Mahelona Mrs Mary McGurn Mrs Makakaualii Mr Weli Ma G Makanahelehele

Miss Mary Megal

Mikoliana

Mrs P Mokimana Moehao (k) Moke (k) Mr Moke

Miss Muliwai Mrs Welley Muller Mrs Emalia Kale Mu

Mr Kuukuu Naiapaakai Mr Kaili Nao B N Nauka Paka Mr Namahoe Pila Nakooka Mr Haoheihi M Napahu John Nahola S K Nawaa Mrs Kahalewai Naoho Nakoa B K Naehuehua Maliaokamalu Namaielua Mrs Nawahineokalua W M Nalima Mr P Nauka Mr Thomas Nahiwa Mrs Kilikina Naua Mrs J Naai

Mrs S H K Ne

Kamakee Niau

Mr Nokea

Mrs Kane Noraki Mr Sam Nuuanu Mr David K Nui

Mrs Bila Palapala Mrs Pake Mrs Kaimi Paia Mr Jno Padaken Mr Palapala Mr S N Palea Mr Robt Palau Mrs Kanamu Pai Mr W H Paina Mr Palaualelo Mr N Pau Mr S Paulo Miss Papalani

Mrs Kawailiula Peter Me Peku Mrs Peahi Miss Anela Petelo Pedro Mr Pena

Mr Pii Mr S K Pikake

Mrs Kaluna Pohaku Mrs Pokini Miss Annie Polonia Miss Pohue

Mrs Mele Kamala Puuku Miss Kulia Punahoa Mr Akoni Pukiela Mr Puahi Mr Puanui Mr Punahou

Mrs Wahinealii Mrs Waialii Miss Rose William Mr P R Welani Mr Allen Wright Mr Henele Wile Mrs Kelekoma Waiau

Mrs Bipi Mr Bill Mas Bila Sam J B Burns Mr Jno Brown Mr Wm Bacle

Miss Minnie Crowningburg Mrs P S S Cott

D F

Mr Jno Davis Mr Levi Drew Mrs Fun

Mr H Galbraith Mr G George Mr Alex George

Mr Salem Johnson Mr Jackson Mas James

Mrs Annie Rose Mrs J N.Robinson Mr Wm Robinson Mr C S Rosario

Miss Sabina Miss Kahue Silva Mrs Ewalaina Smith Mr Sam Stone, Jr Mrs Emily Sylva Mrs Ane Sow Miss Saoma Pulo-Paku

J. M. OAT.

Luna Leta Nui,

Honolulu, Feberuari 28, 1899.

Hela ame Keia.

KUAI WAIWAI PAA NA KE KAHU MALAMA WAIWAI.

Mamuli o kekahi olelo kauoha a ka Aha Kaapuni Apana Hookolokolo Elua o ko Hawaii Paeaina, e kuai aku ana ka mea nona ka inoa malalo ma ke akea i ka Poakolu, la 29 o Maraki, M. H. 1899, i ka hora 12 awakea oia la, mamua ponoi iho o ka hale leta ma Wailuku, Maui, i ka mahele huikau he hookahi-hapakolu o Hana (w), keiki oo ole, iloko o na aina a pau i hoakaka ia penei:

1. Apana aina i hoakakaia ma ka Palapala Sila Nui Helu 3128, Kuleana. Helu 3548 no Naheana, ili 5 7-10 eka, oi aku a emi mai paha.

2. Elua apana aina i hoakakaia ma ka Palapala Sila Nui Helu 1145 no Naheana, huina o ka ili 19-100 eka, oi aku a emi mai paha.

3. Ekolu apana aina i hoakakaia ma ka Palapala Sila Nui Helu 3123, Kuleana Helu 3508 no Kuheleloa, huina o ka ili 3 21-100 eka, oi aku a emi mai paha.

4. Apana aina i hoakakaia ma ka Palapala Sila Nui Helu 1517 no Kuheleloa, ili 31-100 eka, oi aku a emi mai paha.

Aia keia mau apana aina iloko o ka Iii o Ohia, ma Waikapu, Mokupuni o Maui. No ka Hui Mahiko o Wailuku ka elua-hapakolu o keia mau aina, he aina kalo a he aina kula. Ua lawa keia mau aina i ka pono wai, a no ke kokoke loa i ke alanui aupuni, ua kupono na apana aina maloo no ke kukulu ana i mau hale noho. O na lilo palapala me ka poe koho no ia, a aia ka mana o keia kuai ana a hooholoia pela e ka Aha. Dala kuike ka rula, dala gula o Amerika Huipuia. No na mea e ae, e ninau ia Hon. A. N. Kepoikai, ka loio o ke kahu malama waiwai.

AKUHUNA.

Malama Waiwai o Hana, keiki oo ole.

HOOLAHA HOOPONOPONO WAIWAI.

O ka mea nona ka inoa malalo iho, lunahooko o ka palapala kauoha hope loa o Kekapa Robinson, o Honolulu, Oahu, ame Kona, Hawaii, i make, ma keia ke hoike aku nei oia i ka lono i na poe apau i aie aku i ka waiwai o ka mea i make, ina he mau koina ka lakou, e waiho mai ia mau koi iloko o na mahina eono, o hoole loa ia auanei. A o ka poe i aie i ka waiwai o ka mea i make, ke kauoha ia 'ku nei e hookaa koke mai.

Honolulu, Oahu, Feberuari 23, 1898.

M. P. ROBINSON,

Lunahooko Palapala Kauoha Hope loa o ka mea i Make.

2743-5t

OLELO HOOLAHA.

Ua hookohuia mai ka mea nona ka inoa malalo iho nei Lunahooponopono Waiwai no ka Waiwai o W. I. Kauwe, i make, no Lihue, Kauai, ke hoolahaia aku nei ma keia, i ka poe apau i aie ia aku ai e ka mea nona ua waiwai la, e waiho mai i ka lakou mau koi, me na palapala, hooia, ma kona keena oihana ma Lihue, Kauai, iloko o eono mahina mai ka la aku o keia, a i ole ia, e hoole mau loa ia aku no lakou.

Lihue, Kauai, Feberuari 15, 1899.

M. F. PROSSER.

Lunahooponopono o ka Waiwai o W.I. Kauwe. 2742-4t

KE KULANA O KA BANAKO O HAWAII, I KAUPALENAIA

Ma ke paniia ana o na buke oihana ma Dekemaba 31, 1898.

Ua kauoha ka Pauku 14 o na Kanawai Banako o 1884, ma ka Poakahi hope iloko o Ianuari o kela ame keia makahiki, e pono i na banako e waiho aku i hoakaka no ka lakou mau hana, me he mea la no ka la 1 ia o Ianuari.

O ka hoike mahope ae nei no ke kulana o ka Banako o Hawaii, i Kaupalenaia, ma ka la 1 o Ianuari, 1899.

Ke kumu waiwai o ka Hui he $400,000, i maheleheleia iloko o 4,000 mahele o $100 no ka mahele, a ua hookaa piha ia ka mahele hookahi.

NA AIE.

Kumupaa .... $ 400,00 00

Na Kikoo a ka Mea Hookaa Dala, a i kuleanaia e na Banako e ae.... 166,297 44

Na Hoahu ... 485,035 38

Na Aie lehulehu... 19,156 75

$1,070,489 57

NA KUMU LOAA.

Na Bila Kikoo Dala i ko na Aina E ame na Nota Aie. $ 648,511 00

Dala Kuike ma ka waihona 125,596 65

Na Bona Dala Aupuni Hawaii. 26,500 00

Kekahi mau mea hoopaa dala e ae 269,881 57

C. H. COOKE.

Mea Hookaa Dala.

Nanaia a ua ikeia ka pololei.

T. MAY,

J. A. McCANDLESS.

Papa Alakai.

GEO. R. CARTER,

Luna Hooia.

Honolulu, Mokupuni o Oahu, ss.

C. H. Cooke, ua hoohikiia, a olelo mai la, he oiaio a he pololei na mea apau i hoikeia ae la maluna.

Kakauinoaia a hoohikiia imua o'u i keia la 5 o Ianuari, 1899.

HARRIET E. WILDER.

Notere no ka Lehulehu.

2742-3t

OLELO HOOLAHA.

E ike auanei na kanaka apau ma keia, owau o Kealoha Kalaehao, i ikeia mamua o Kealoha Harbottle, ke hoole, a ke hoopau loa nei au i na Palapala Hooilina, a mau Palapala noho hope pha e paa ia nei e kekahi o ko'u mau ohana a poe e ae paha, ina he mau palapala kekahi oia ano me ko'u ae ole, a ike ole mamua, e kua no wau elike me na mea o hoakakaia maluna ae. Owau no me ka oiaio,

KEALOHA KALAEHAO.

Honolulu, Oahu, Feb. 17, 1899.

2742-3t

HOOLAHA I KA POE AIE - WAIWAI O ANTONE ROSA.

Ke hoolahaia aku nei ma keia i ka poe apau i aie mai ia Antone Rosa o Honolulu, Oahu, i make, ua hookohu pono ia mai au i Lunahooko no ka Palapala Kauoha a ua o Antone Rosa, a ma keia ke hoolahaia aku nei ka poe apau a ua mea la i make i aie aku ai e waiho mai ia'u i ka lakou mau koi i hooiaio pono ia, ame na palapala hooia kupono, ina e loaa ana, ina no ua hoopaaia ke koi ma ka moraki maluna o ka waiwai paa, ma ko'u keena oihana ma ke Alanui Kaahumanu, ma Honolulu i oleloia, iloko o eono mahina mai ka la i puka aku ai keia hoolaha, a ina e waiho ole ia mai ia mau koi ma ia ano, e hoole mau ia aku no lakou.

JNO. F. COLBURN.

Lunahooko o ka Palapala Kauoha a Antone Rosa, i make.

Honolulu, Feberuari 3, 1899.

2739-4t

Hoolaha Hooko Moraki

KA HOOLAHA MAKEMAKE HOOKO MORAKI A KUAI AKU A KA MEA PAA MORAKI.

Ke hoolahaia aku nei ma keia, ma muli o kekahi mana kuai ame na mana e ae i hoopaaia maloko o kekahi palapala moraki, i hanaia ma ka la 7 o Dekemaba, A. D. 1891, i hanaia e Henry Bissen i ka Pioneer Building and Loan Association of Hawaii, i kopeia ma ke Keena Kakau Kope, Oahu, maloko o ka Buke 129, ma na aoao 384, 385, 386 ame 387.

Ka makemake nei ka Pioneer Building and Loan Association of Hawaii e hooko aku i ua moraki la, no ka uhakiia ana o ke kumu hoopaa i hoikeia maloko o ua moraki la, oia hoi, ka hookaa ole ia ana o ka uku-panee ame na uku-kaulele (premiums) ma ka wa'e hookaa ai.

Ke hoolahaia aku nei nohoi ma keia, mahope iho o ka hala ana he ekolu pule mai ka la aku o keia hoolaha, e hoolahaia aku no ka waiwai i hooliloia mai, a i paa hoi maloko o ua moraki ai ia aku ana ma ke kuai kudala akea maloko o ke Keena Kudala o Jas. F. Morgan, ma Honolulu, ma ka Poakolu, la 15 o Maraki, A. D. 1899, ma ka hora 12 o ke awakea o ua la 'la.

O ka aina e kuaiia aku ana malalo o ua moraki la, penei i hoakakaia ai:

O kela apana aina apau e waiho ana ma Alanui Pensacola, ma Honolulu i oleloia, i hoikeia na palena, penei: e hoomaka ana ma kekahi kiko ma ka aoao Akau o ke Alanui Pensacola ame ke Alanui Wilder (elike me ia i hoike ia ai me ke kii i kinohi) a e holo ana Hema 43 35 Komohana oiaio 117.55 kapuai ma Alanui Pensacola, alaila, Akau 46 25 Komohana oiaio 120 kapuai m@ loko o ka Apana 349; alaila, Akau 4@ 33 Hikina oiaio 117.55 kapuai; alaila Hema 46 25 Hikina 120 Kupuai ma k@ Mahele 1 o ka Apana (Lot) 351 a i kahi i hoomaka ai, maloko o laila, he Ili o 14.106 kapuai kuea, a he hapa ia no ka Mahele I (Apana 351 i hoikeia maloko o ka Palapala Sila Nui (Grant) Helu 3440; me na mea apau maluna iho a i pili i ka aina, na pono ame na pomaikai i pili i ua aina la.

THE PIONEER BUILDING AND LOAN ASSOCIATION OF HAWAII.

Mea Paa Moraki (Mortgagee).

Kuike ke dala, ma ke Dala Gula o Amerika Huipuia. O na palapala kuai, na ka mea e lilo ai ka aina, e uku.

No na mea i koe e ninau ia A. G. M. Robertson, Loio o ka Mea Paa Moraki.

Hanaia Honolulu, Feberuari 17, 1899.

2742-3t

KA HOOLAHA MAKEMAKE HOOKO MORAKI A KUAI AKU A KA MEA PAA MORAKI.

Ke hoolahaia aku nei ma keia, mamuli o kekahi mana kuai ame na mana e ae i hoopaaia maloko o kekahi palapala moraki i kanaia ma ka la 14 o Mei, A. D. 1897, e L. J. Nahora Hipa i ka Pioneer Building and Loan Association of Hawaii, i kopeia ma ke Keena Kakau Kope, Oahu, maloko o ka Buke 170, ma na aoao 289, 290 ame 291.

Ke makemake nei ka Pioneer Building and Loan Association of Hawaii e hooko aku i ua moraki la no ka uhakiia ana o ke kumu hoopaa i hoikeia maloko o ua moraki la, oia hoi, ka hookaa ole ia ana o ka uku-panee ame na uku-kaulele (premiums) ma ka wa e hookaa ai.

Ke hoolahaia aku nei nohoi ma keia, mahope iho o ka hala ana he ekolu pule mai ka la aku o keia hoolaha, e hoolahaia aku no ka waiwai i hooliloia mai, a i paa hoi maloko o ua moraki la, no ke kualia ana aku, a e kuai kudala akea ia aku no ma ke Keena Kudala o Jas. F. Morgan, ma Honolulu, ma ka Poakolu, la 15 o Maraki, A. D. 1899, ma ka hora 12 awakea o ua la 'la.

O ka aina e kuaiia aku ana maloko o ua moraki la, penei i hoakakaia ai:

O kela apana aina apau e waiho la ma Kapalama, Honolulu i oleloia, i hoakakaia na palena penei:

E hoomaka ma ke kihi Komohana Hema ma ke Alanui Austin, a e holo ana penei,

Ak. 30° Kom. 100 kapuai ma ko Aehi me Alapai,

Ak. 52° Hik. 58 kapuai ma ke Alanui Aehi,

Hem. 40° Kom. 100 kapuai ma ko Sniffen,

Hem. 52° Kom. 62 kapuai ma ke Alanui Austin a hiki i kahi i hoomaka ai.

A he hapa ia no ka aina i hoikeia ma ka Palapala Sila Nui 401. Kuleana 8305 ia Paulo Kanoa a i hooliloia aku ia L. J. Nahora Hipa, ma ka palapala kuai a W. C. Achi, i hanaia i Dekemaba 12, 1889, a i kopeia ma ka Buke 119, aoao 305, maloko o laila he Iii o 6000 kapuai kuea, me na pono ame na kuleana i pili i ua aina la.

THE PIONEER BUILDING AND LOAN ASSOCIATION OF HAWAII.

Mea Paa Moraki (Mortgagee).

Kuike ke dala. Ma ke Dala Gula o Amerika Huipuia. O na palapala kuai na ka mea i lilo aku ai ka aina, e uku.

No na mea i koe e ninau ia A. G. M. Robertson, Loio o ka Mea Paa Moraki.

Hanaia Honolulu, Feberuari 15, 1899.

2742-3t

Hoolaha Mana Hookolokolo.

ILOKO O KA AHA KAAPUNI APAna Hookolokolo Ekahi o ko Hawaii Pae Aina. Ma ka hana o ka Waiwai o Nancy S. Ellis, o Honolulu, Oahu, i make.

No ka mea ua waihoia mai he palapala hoopii e ka Lunahooponopono Waiwai, Victoria S. Ellis, e nonoi ana e kuai kudala ia na aina o ka mea i make e waiho la ma Hauhaukoi, Oahu, i mea e hookaa ai i ka aie o ka mea i make.

Nolaila ma keia ke haiia aku nei ka lono i na poe apau i kuleana o ka Poalima, la 17 o Maraki, 1899, hora 10 kakahiaka, ma Aliiolani Hale, Honolulu, Oahu, oia kahi ame ka manawa e nooloheia ai, o ua palapala hoopii la, a e hoike mai lakou no ke aha la e ae ole ia ai ke noi a ka lunahooponopono waiwai.

Honolulu, Feberuari 10, 1899.

Na ka Aha: GEORGE LUCAS.

2742-3t Kakauolelo.

AHA KAAPUNI O KA MAHELE

Kaapuni Ekolu o Ko Hawaii Pae Aina. Ma ka Hooponopono Waiwai. Ma ka Hana o ka Waiwai o Maikiiki (w) o Kona Akau, Hawaii, i make.

Ua waihoia mai ke Noi e Mrs. Annie Lewis, e nonoi ana e kukalaia na hooilina o Maikiiki (w) i oleloia, a e haawiia hoi ka waiwai o ua mea ia i make i na hooilina, elike me ke kauoha a ka Aha.

Ke hoolahaia aku nei ma keia, o ka Poaono, la 8 o Aperila, A. D. 1899, ma ka hora 9 a. m., ma ka Hale Hookolokolo ma Kailua, Kona Akau, Hawaii, oia ka wa ame kahi i kohoia no ka hoolohe ana i ua noi la, a ma ia wa hoi a ma ia wahi e hele mai ai ka poe apau i kuleana ma ia hana, a hoike mai i kumu, ina paha he kumu ka lakou, nokeaha la e ae ole ia ai ua noi la.

Hilo, Feberuari 10, 1899.

Na ka Aha:

DANIEL PORTER.

2742-3t Kakauolelo.

ILOKO O KA AHA KAAPUNI, APAna Hookolokolo Ekahi o ko Hawaii Paeaina. Ma ka hana o ka Waiwai o W. L. Holokahiki, o Honolulu, Oahu, i make.

No ka mea ua waiho ia mai ka palapala kauoha hope loa o ua W. L. Holokahiki la e Annie Holokahiki, ka wahinekanemake, me kana palapala hoopii e nonoi ana e hooiaio ia ua palapala kauoha hope loa la a e hoopuka ia ka palapala hookohu no kana oihana hooko kauoha; nolaila, ua kauohaia o ka Poalima, la 24 o Maraki, 1899, i ka hora 10 kakahiaka oia la, ma ka rumi hookolokolo oia Aha, ma Aliiolani Hale, Honolulu, Oahu, oia kahi a me ka manawa i koohoia no ka hoolohe ana i ua palapala hoopii la a ka mea nonoi, a me ka hoolohe ana i na keakea ina he mau kue kekahi a ka poe i kuleana i ua waiwai la.

Hanaia i keia la 16 o Feberuari, 1899.

HENRY SMITH.

Kakauolelo o ka Oihana Hookolokolo.

2742-3t