Ka Nupepa Kuokoa, Volume XXXVIII, Number 5, 3 February 1899 — Page 2
| This text was transcribed by: | Arnold Hori |
| This work is dedicated to: | Foster Botanical Garden |
Ka Nupepa Kuokoa
KE KILOHANA POOKELA NO KA LAHUI HAWAII.
Hoolaha Mana Hooko
KOHO ALANUI.
E wehe ia ana na koho no ka hana alanui ma Honolua. Pohakupule me Honokahau i ka hora 12 o ka Poakahi, la 20 o Feberuari, ma ke Keena o ke Kuhina Kalaiaina.
E ike ia na kuhikuhi ana ma ke Keena o ka Luna Nui o na Hana Hou a ma ke keena hana o L. Ahiborn, Lahaina.
Na ke Kuhina e e i kekahi koho a e hoole paha i na koho apau.
JAS. A. KING.
Kuhina Kalaiaina.
Feberuari 3, 1899. 2740-3t
HOOLAHA AINA AUPUNI.
Ke hoolahaia aku nei ma keia i ka poe apau o ka Hui Aina Hookuonoono o ka Aina o Wahiawa, Waialua, e waiho mai i ka lakou mau noi no na Apana aina ma ke Keena o na Aina Aupuni, ma keia la, a mahope aku hoi oia la.
J. F. BROWN.
Agena o na Aina Aupuni.
Ianuari 31, 1899. 2740-4t
HOOLAHA AINA AUPUNI.
Ke hoolahaia aku nei ma keia, ua hiki no ke waihoia mai na noi no keia mau Apana aina i hoikeia mahope ae mei, ma ke keena o W. O. Aiken, ma ka hora 10 a. m. a mahope aku, Feb. 11, 1899. ma Paia, Maui, malalo o na olelo o ke Kanawai Aina no ka Pono o ke Kuai ana i na Hoolimalima, a Aina Kuleana ma ke Dala Kuike.
Apana 31 Pulehuiki . . . .13 91-100 Eka. Kaupo.
Apana Helu 8 . . . . . . . . . 30 91-100 Eka.
No na hoakaka e pili ana i keia maa apana ae la, e ninau ma ke Keena o W. O. Aiken, Paia, Maui, a i ole ia, ma ke Keena Aina Aupuni, Honolulu.
Hanaia Ianuari 31, 1899.
J. F. BROWN.
Agena o na Aina Aupuni.
2740-4t
KUAHAU KOHO BALOTA.
Oihana Kalaiaina.
Honolulu, Ianuari 9, 1899.
I kulike ai me ka Pauku 54 o ke Kumukanawai, ke hoolahaia aku nei ma keia, e malamala ana he Koho Balota Kuikawa no ke Senatoa, no ka hoopiha ana i ka manawa i pau ole, a e pau ana nae ma ka Poakolu hope iloko o Sepetemaba, 1899, mamuli o ka waiho ana o W. H. Schmidt, ke Senatoa mai ka Apana Koho Senatoa Ekolu mai, ma na Apana Koho Senatoa Ekolu la, Mokupuni o Oahu, mai ka hora 8 a. m. aku a ka hora 5 p. m. o ka Poalima, la 24 o Feberuari, 1899. E waihoia hoi me ike Kuhina Kalaiaina na inoa o na moho iloko o na la, aole emi malalo o ka umi, mamua ae o ka la koho.
Eia iho malalo nei na Mahele, na Wahi Koho ame na Luna Nana Koho Balota maloko o ka Apana Koho Senatoa Ekolu:
O kela hapa apau o ka Mokupuni o Oahu e moe ana ma ka Hikina ame ke Komohana o ke alanui o Nuuanu, ame ka laina e holo pololei ana mai ka Pali aku o Nuuanu a hiki i ka lae o Mokapu.
Mahele Ekahi--O kela hapa apau o oa Apana la i komo ai o Honolulu, a i oie ia, o Kona. a e moe ana ma ka Hikina o Alanui Punahou, ame ka laina e holo ana mailaila aku a mauka a makai.
Wahi Koho: Hale Hooulu Mea Kanu o ke Aupuni, hookui ana na alanui Moi ame Waikiki.
Na Luna Nana:
Geo. Mason,
C. S. Crane,
Fritz Rowald.
Mahele Elua--O kela hapa apau o ua apana la i komo ai o Honolulu, a i ole ia, o Kona, a e moe ana mawaena o ka palena Komohana o ka Mahele Ekahi ame ka laina e holo ana penei: Mai kai loa mai o ke Alanui Hema, pii ma ke Alanui Hema, i na Alanui Moi me Alapai, a mai ke poo o Alanui Alapai a hiki i ka pahuhae ma kahi kahiko o na pu ki aloha ma Puowaina; mailaiia aku ma ka lapa ma ka aoao hikina o ke awawa o Pauoa a hiki i ka piko o ka mauna.
Wahi Koho: Halekula Alanui Beritania.
Na Luna Nana:
J. A. Magoon,
W. C. Wilder, Jr.
S. Decker.
Mahele Ekolu--O kela hapa apau o na apana la i komo ai o Honolulu, a i ole ia, o Kona, a e moe ana mawaena o ka palena Komohana o ka Mahele Elua ame Alanui Nuuanu, a mauka o Alanui Kula ame ka laina e holo pololei ana mai ka huina o na Alanui Kula ame Puowaina a hiki i ka pahuhae ma kahi kahiko o na pu ki aloha ma Puowaina.
Wahi Koho: Ma ka hale i ke komo ana aku i ke kahua o ka luawai i kai mei, ma Alanui Nuuanu.
Na Luna Nana:
W. H. Hoogs,
J. D. Holt,
F. P. McIntyre.
Mahele Eha--O kela hapa apau o ua apana la i koma ai o Honolulu, a i ole ia, o Kona, a e kaupalenaia ana e na Mahele Elua ame Ekolu, na Alanui Beritania ame Nuuanu.
Wahi Koho: Halekula Alii.
Na Luna Naha:
James Nott, Jr.,
F. L. Hoogs,
W. M. Pomroy.
Mahele Elima--O kela hapa apau o ua apana la i komo ai o Honolulu, a i oie ia, o Kona, a e kaupalenaia ana e ka Mahele Elua, ke Alanui Beritania, Alanui Rikeke ame ke Awa.
Wahi Koho: Kapuaiwa Hale.
Na Luna Nana:
Alex. Lyle,
P. H. Burnette,
D. Logan.
Mahele Eono--O kela hapa, apau o ua apana la i komo ai o Honolulu, a i ole ia, o Kona a e kaupalenaia ana e Alanui Rikeke, Alanui Beritania, Alanui Nuuanu ame ke Awa.
Wahi Koho: Hale Bele.
Na Luna Nana:
J. M. Sims,
W. L. Eaton,
P. D. Kellett, Jr.
Mahele Ehiku--O kela hapa apau o ua apana la i komo ai ka apana hookolokolo ame auhau o Koolaupoko, a e moe ana ma ka Hikina ame ka Hema o ka laina e holo ana mai ka Pali o Nuuanu a hiki i ka lae o Makapuu.
Wahi Koho: Halekula o Waimanalo.
Na Luna Nana:
. . . . . . . . . .
. . . . . . . . . .
. . . . . . . . . .
O kela hapa apau o ka Mokupuni o Oahu e moe ana ma ke Komohana ame ka Akau o ke Alanui Nuuanu ame ka laina e holo ana mai ka Pali o Nuuanu a hiki i ka lae o Makapuu.
Mahele Ekahi--O kela hapa apau o ka Apana Hookolokolo ame Auhau o Koolaupoko e moe ana ma ke Komohana o ka laina e holo ana mai ka Pali o Nuuanu a hiki i ka Lae o Makapuu.
Wahi Koho: Hale Hookolokolo o Kaneohe.
Na Luna Nana:
H. Cobb Adams,
E. P. Aikue,
Frank Pahia.
Mahele Elua--Ka Apana Hookolokolo ame Auhau o Koolauloa.
Wahi Koho: Hale Hookolokolo o Koolauloa.
Na Luna Nana:
W. K. Rathburne,
Moses Nakuaau,
Wm. Isaac.
Mahele Ekolu--Ka Apana Hookolokolo ame Auhau o Waialua.
Wahi Koho. Hale Hookolokolo o Waialua
Na Luna Nana:
Edward Hore,
A. Cox,
Alfred Kaili.
Mahele Eha--Ka Apana Hookolokolo ame Auhau o Waianae.
Wahi Koho: Hale Hookolokolo o Waianae.
Na Luna Nana:
Sam'l Andrews,
G. W. Nawaakoa,
Isaia Halualani.
Mahele Elima--O kela hapa apau o ka Apana Hookolokolo ame Auhau o Ewa e komo pu ana o Hoaeae ame Honouliuli.
Wahi Koho: Keena Heluhelu o ka Mahiko o Ewa.
Na Luna Nana:
D. B. Murdoch,
Joseph Fernandez,
F. P. Johnson.
Mahele Eono--O ka hapa i koe o ka Apana Hookolokolo ame Auhau o Ewa.
Wahi Koho: Hale Hookolokolo o Ewa.
Na Luna Nana:
Frank Archer,
J. M. Ezera,
S. Hookano.
Mahele Ehiku--O kela hapa o Honolulu, a i ole, o Kona, e moe ana makai o Alanui Moi mai ka laina mai o Ewa a hiki i ke alahaka o Alanui Moi, ame ua wahi apau mauka o ua alanui la mai ka laina mai o Ewa a hiki i ke aianui e pii ai i uka o ke awawa o Kalihi.
Wahi Koho: Halekula Hoopololei.
Na Luna Nana:
G. D. Gear,
W. R. Sims,
J. Miller.
Mahele Ewalu--O kela hapa apau o Honolulu, a i ole ia, o Kona, e moe ana mauka o Alanui Moi mai ke Alanui nui mai e pii ai i uka o ke Awawa o Kalihi a hiki i Alanui Liliha, ame ka laina e holo ana mai ke poo mai e kamoe ana i ka laina o Alanui Kauka a hiki a pili i ka lapa ma ke Komohana o ke Awawa o Nuuanu.
Wahi Koho: Hale o ka Hui Kaa Hapaumi, kehi o ka pa Kula o Kamehameha.
Na Luna Nana:
H. Zerbe,
R. W. Cathcart,
R. H Baker.
Mahele Eiwa--O kela hapa apau o Honolulu, a i ole ia, o Kona, e moe ana mawaena o ka Mahele Ewalu ame Alanui Nuuanu, a mauka o ka aina e holo ana ma Alanui Kula, ke kahawai o Nuuanu ame Alanui Beritania.
Wahi Koho: Halekula o Kau'uwela.
Na Luna Nana:
C. L. Rhodes,
H. Waterhouse, Jr.,
Peter Souza.
Mahele Umi--O kela hapa apau o Honolulu, a i ole ia, o Kona, a e kaupalenaia ana e na Alanui Moi, Liliha ame Kula, ke Kahawai o Nuuanu, na Alanui Beritania ame Nuuanu.
Wahi Koho: Hale Kaawai Pake.
Na Luna Nana:
J. Effinger,
Ed. Towse,
C. Hutace, Jr.
J. A. KING,
Kuhina Kalaiaina.
I keia la i hookohuia aku ai o W. J. Lowrie Esq., i Hoa no ka Papa Alanui no ka Apana Auhau o Wailuku, Mokupuni o Maui, ma kahi o W. T. Robinson. Eia na Hoa o ka Papa i keia wa:
L. M. Baldwin, Lunahoomalu,
C. B. Wells,
W. J. Lowrie.
J. A. KING,
Kuhina Kalaiaina.
Keena Kalaiaina, Ianuari 16, 1899.
2738-3t
HOOLAHA I NA HUI I HOOHUIIA.
I kulike ai me ka Pauku 2024 o ke Kanawai Kivila, ke hoolahaia aku nei na Hui apau i Hoohuiia, e waiho mai i hoike piha a pololei no ke kulana o ka lakou mau hana, ma ke ano no ka la mua ia o Ianuari, 1899, e waihoia mai hoi ua Hoike la ma ke Keena Kalaiaina, no ka makahiki e pau ana ma Dekemaba 31, 1898, ma ka la 31 o Ianuari, 1899, a mamua ae paha oia la.
E hoolakoia aku no na Pepa I Pai Hakahaka ia no keia hana ma ke noi ana mai ma ke Kena Kalaiaina.
Ma ka wa e hoohala ai kekahi Hui i Hoohuiia i ka waiho ana mai i ka Hoike iloko o ka manawa i kauohaia, e hiki no i ke Kuhina Kalaiaina, oia iho paha, a ma o kekahi Komisina, a mau Komisina paha i hookohuia e ia, ke kauoha (call) aku e laweia mai na buke ame na pepa o ua Hui la i Hoohuiia, a e ninaninau i kona poe luna, malalo o ka hoohikiia ana no ka mea e pili ana i kana mau hana.
J. A. KING,
Kuhina Kalaiaina.
Keena Kalaiaina, Ianuari 13, 1899.
2738-3t
KA
Nupepa Kuokoa
No ka Makahiki - - - $2.00
No Eono Mahina - - - 1.00
Kuike ka Rula.
PUKA } 1 2 3 1 2 3 1
ANA. } Pule Pule Pule Mal. Mal. Mal. Mak.
Iniha.. $1.50 $2.00 $2.50 $3.00 $5.00 $6.75 $12.00
2 Iniha.. 2.00 2.75 3.50 4.00 7.00 9.00 15.00
3 Iniha.. 2.50 3.50 4.50 5.00 9.00 12.00 18.00
4 Iniha.. 3.00 4.00 5.00 6.00 11.00 13.50 21.00
5 Iniha.. 3.50 4.75 6.00 7.00 12.00 15.00 24.00
6 Iniha.. 4.00 5.50 7.00 8.00 13.00 16,50 27.00
O na Olelo Hoolaha a pau e noouna ia mai ana no ka Hoolaha maloko o keia Nupepa, e hoouna pu mai me ka auhau, a ina aole, aohe hookomo ia.
HOOPUKAIA E KA
HAWAIIAN GAZETTE CO.
A. W. PEARSON, Luna Nui.
JOSEPH M. POEPOE, Lunahooponopono.
Honolulu, Oahu
POALIMA, - - - FEBERUARI 3, 1899
Aia no ka ninau Hawaii ke kiai makaala loa ia la e kona mau hoaloha, maloko o na hale elua o ka Ahaolelo o ke Aupuni makua. He manaolana nui no ko na hoa loha o ua kumuhana la maloko o ka Hale o na Lunamakaainana, no ka hiki e hooholo koke ia ke kanawai kumu no keia Pae Aina, ma keia noho ana o ka Ahaolelo, elike me ka mea i hoomakaukauia e ke Komite, A o ka olelo hooholo a ko kakou Aha Kiekie iho nei no ka mea e pili ana i na Pake eemoku, kekahi mea nana i kakoo ikaika loa aku i ka pono e hanaia kahi hana e ka Ahaolelo Nui no Hawaii nei.
Aia o Aguinaldo, kela alakai o na kanaka Pilipino, ke ku mai la i keia la me ka iwikuamoo oolea a palupalu ole. Aia malalo ona i keia wa, he 30,000 poe koa oiwi i lakou pono me na mea kaua. A ma ia wa hookahi no, ke hoopuipuiia la keia heluna e na koa ohi hou he lehulehu loa, Ua maopopo, he pualikoa keia e kakoo ana i ka pono kuokoa o ka Aupuni Repubalika i kukuluia ae ai e ua kanaka la: aka, mawaho ae o ka ikaika kuloko i loaa i ua kanaka la no keia hoouaho@ ana mai ia Amerika Huipuia, hookahi mea ano nui loa e hiki ai ke noonooia iho. a oia keia: E aa ana anei o Amerika Huipuia e hooili aku i kekahi kaua maluna o kekahi lahui nawaliwali, elike me ka poe Pilipino, e hakoko ana no ko lakou pono kuokoa; ina no e ku hookahi mai ana keia poe a paio mai ia Amerika?
KELA HAAWINA DALA NO KAIULANI.
Ua iaweia aku nei kekahi palapala nonoi i kakauiuoaia e kekahi poe lehulehu loa o loko nei o ke kulanakauhale, e Mr. Alex. Young, no ka Ahaolelo Nui e noho mai nei. O ke ano nui o keia palapala, he noi ia i ka Ahaolelo Amerika e loaa ona haawina uku hoomau no ke Kamaliiwahine Kaiulani, no kona kuleana i ka nohoalii o Hawaii, mamul o ka hookahuliia ana o ke Aupuni Moi o Hawaii nei.
Oiai makou e ahewa ole ana i keia hana i hanaia iho la e kekahi poe lehulehu loa o keia kulanakauhale, a e hoapono ana nohoi he pono no ia noi ana e loaa mai ona haawina kokua i ke alii opio, he mea nae hoi ka makou e hapai ae ai ma keia wahi i na hoohuoi nui ana, nokeaha la hoi i huki kapakahiia ae ai i hookahi aoao alii wale no e haha aku ai i ka umauma lokomaikai o ke Aupuni makua (Amerika Huipuia) a nana ole la iho la kekahi aoao alii a kakou apau i hoopaa kanawai ai i na haawi kokua ana?
Aole makou i poina iki, mamua o ka haalele ana iho o ka hapanui o ke Komisina Hawaii ia Hawaii nei, a hoi aku no Amerika Huipuia, ua waihola aku la mua o ua Komisina la he palapala noi kumu mai ka Hui Lahui Hawaii (Hawaiian National League) aku, e nonoi ana e loaa ona mau uku hoomau, mai ke Aupuni kuloko aku o Hawaii nei, ma kona wa e pono ai, i ke Kamaliiwahine Kaiulani, ame kahi mau "Alii" e ae elua a ka lahui. Ke ole nohoi makou e kuhihewa, he poe Hawaii wale no ka poe i kakoo i keia noi, a me he mea la. o ke noi mua loa no ia oia ano i ikeia mai kela lahui aku. Ua lohe mai nohoi makou, ua kakauinoa iho la kekahi mau lala koikoi o ua Hui Lahui Hawaii la malalo o keia palapala noi kaukapakahi, me he mea la, eia ka lakou mau kakoo ana o keia wa, no na noi haawina uku hoomau "alii," ma kahi a kekahi poe ulakolako loa o ka aina e kaualako hele ai, me ka noonoo pono ole o ua poe la i na moolelo i palapalaia o ka lakou mau hana oia ano hookahi ma ka wa a makou i hoike ae nei. Mai oi loa aku ka pono, ina i ku keia poe maluna o ko lakou mau wawae, me ke oolea, ma ka wa i laweia mai ai keia palapala noi, e olelo aku. he mea maikai e pakuiia iho ke noi uku hoomau no ka "Moiwahinekanemake" Kapiolani, i kulike ai me ka lakou palapala hoopii i waiho mua aku ai imua o ke Komisina.
He keehina hana keia na makou i makemake ole e ike aku e hanaia ana e na poe i manaoia aku, i poe alakai no ka Lahui Hawaii. Ua minamina loa makou, aole makou i ike i ka hapanui o keia poe Hawaii o loko o ka Hui Lahui Hawaii i kakauinoa elike iho la me keia.
No makou iho, ua manao makou he oi loa aku ka pono ina e kakau ole keia poe maloko oia palapala, ma ke ano, e pulama lakou i ke kulana a lakou i lawelawe mua ai ma ka hana noi uku hoomau no na "'Lii" a kakou.
O kekahi nohoi, aia maloko o ke noi a keia Hui Lahui Hawaii, e loaa na uku hoomau no na "'Lii" a kakou, he mahele e olelo ana ,"e haawiia mai he mana, maloko o ke kanawai kumu a ke Komisina e hoomakaukau ai, i ka Ahaolelo kuloko o Hawaii nei, e hana a e hooholo i mau haawina uku hoomau no na 'Lii Kaiulani, Kapiolani ame Liliuokalani. Me he mea la o ka manao nui keia o ua mahele la o kela palapala hoopii a ka Hui Lahui Hawaii. Ma keia palapala hou hoi, ke kauoha pololei nei ia i ka Ahaolelo Makua e haawi mai i uku hoomau no hookahi "Alii" wale no, ma ke ano i kue i ka mea i noi ia e ka Hui Lahui Hawaii.
Ina hoi e ae mai ana o Amerika Huipuia i keia noi, alaila, e ku ana ka haawina uku hoomau o ka Moiwahinekanemake Kapiolani. ma kahi e hiki ai ke paio ia iloko o ka Ahaolelo kuloko o Hawaii nei, ma keia mua iho, me ke kulana hiki ke kapae loa i, oiai, aole i hanaia ka hana elike me ke alahele o keia palapala noi uku hoomau i hele aku la.
Ke olelo nei ke Kuokoa ma keia wahi: "Ke holoi nei makou i ko makou mau lima mai na haukae mai apau o keia hana i hanaia e kahi mau hoa o ka Hui Lahui Hawaii."
LA HOOMANAO NO KA MOI LUNALILO.
O ka Poalua nei, Ianuari 31, oia ka la hanau o ka Moi Lunaiilo, ka hope loa o na koko Kamehameha, ma ka nohoalii o Hawaii.
Ua malamaia he ahaaina ma ka "Home Ilihune" i heaia ma kona inoa. He nui ka poe makaikai o ke kulanakauhale nei i holo aku no ua Home la.
He Moi o Lunalilo i ohohia nui ia, a i aloha nui ia nohoi e na kanaka Hawaii. A o kana makana i haawi iho ai i ka lahui i puka aku ai kona mau kupuna ame kona mau makua, oia no kela Home i heaia ma kona inoa, oia hoi, "Home Lunalilo."
NA LETA.
HE AHA MELE HOLOMUA I HAAWIIA
MA KILAUEA, KAUAI.
I ke ahiahi Poaono i hala iho la. Ianuari 21, ua haawi ae na kalapu-himeni o Koolau ame Kilauea nei he aha mele hoonanea malalo o ke alakai ana a keia mau keonimana iho. J. M. Lydgate, G. M. Mahikoa ame Wm. Huddy, a no ka pomaikai no o keia luakini. Mawaho ae o na mea maa mau he himeni. ua hooi loa ia ae ka ui o keia aha hoolaulea me na kapalo (tableau), ipukukui hooleleaka (magic lantern or stereoptican views), a i hoowehiwehi ia hoi me na hae like ole o na lahui like ole. Hoomaka na hana i ka hora 8 p. m. Mamua iki iho nae. ia ka hemo ana mai o ka ipuka, aia hoi ke ike aku oe me he la ua hoolilo ia oloko o ua luahine home nei me he la aia iwaena, o ke kini o na koa kumu ole o ua uka nei, ka ua mea o ka wehi i na hae o na lahui like ole. a he mea oe a ka paoa i ke ala o ka lei kaulana o Kauai he mokihana: kilohi iho oe mai kela kihi a keia kihi o ka hale ua hele a piha-u i na poe makaikai i ke kokua Karistiano, ma o ka naue ana mai e kokua like e hoopehu i ka haawina i makemakeia.
Mai ke ahi o Kalalea, ka ohu wanana ua o Haupu, ka ulu kukui huli aku huli mai o Koolau, ka ulu paina o Kilauea, ka ua loku o Hanalei, ka hele e ike i keia aha mele a hiki lou i na hula au o Naue i ke kai. i kui ia me ka lauae o ka poli o Lohiauipoihaena. A malaila ae nohoi ma ka aoao ili aiai o kakou ka makua o ka mahiko, G. W. R. Ewart ame kona ohana, Mr. Cairns ame kona ohana. H. R. Smythe, David Trask, I. H. Kahilina. Mr. J. Bush. Mr. Wall, H. Hossman, me ko lakou mau ohana pakahi. Kekahi mea nui loa i keia aha mele, he oi aku na kikiki hookahi dala i lawe ia mamua o na mea hapalua. No ke kumu ua hai akea ae ka haku kokua nui o ka mahiko, he oi aku ka maikai e lawe kakou peia a lawa ae na dala i makemakeia no ka hoomaemae ana i ka luakini me ka ike i keia mau mea lealea, mamua o ka hele kaapuni ana me ona palapala komite. Ua aneane e kanaiwa dala na loaa, eia iho ka papa o na lealea:
1. Chorus--"Vabine"................
Kahilikolo Glee Club.
2. Chorus--"Now Good Evening"....
Koolau Club.
3. Chorus--"Wai o ka niu".........
Kahilikolo Glee Club.
4 Solo--"Kuu Lei Kau i ka Wekiu"..
S. W. Meheula.
5. Tableau................
Lihue Club.
6. Chorus--"Malanai anu ka Makani"
Kahilikolo Glee Club.
7. Duet--"Liko Pua Lehua".........
Misses Trask and Smith.
8. Duet--"There'll Come a Time"....
Mrs. Kanamu and S. W. Meheula.
9 Tableau ................
Lihue Club.
10. Chorus--"Manolau" ..........
Kahilikolo Glee Club.
11. Magic Lantern .........
J. M. Lydgate.
12. Tableau ......................
Lihue Club.
13. Duet--"Night Sinks on the Waves"...
Misses Smith.
14. Chorus--"Wela Ka Hao"
Kahilikolo Glee Club.
15. Tableau .................
Lihue Club.
16 Duet--"Kealia Beauty"............
S. W. Meheula and J. Hano.
17. Chorus--"Wai Mapuna" .............
Kahilikolo Glee Club.
18. Tableau ...................
Lihue Club.
19. Chorus--"O Balmy Sleep"........
Koolau Club.
20. Ohorus--"Lei Mokihana" .......
Kahilikolo Glee Club.
Hawaii Ponoi.
I ka hiki ana i ka hora 11 p. m. pau pono na hana, a huli hoi ko keia ame keia kihi o ka aina me ka hauoli nui i ka ike ana i na kii o kela aina hauailiki i ke anu o Norewai me Suedena, a o ka oi loa o ke kii i ake nui ia, oia no ke kii o ke Alii Kalakaua, he ano kaumaha a luuluu ka helehelena o ke aloha alii a ano halo'ulo'u waimaka kekahi i ka ike aku me he la oia maoli no e noho mai ana, a imua o na mea apau o ka oi loa o ka mea nani o keia ahiahi, oia no ka hoi ana o kela ame keia no kona home me ka olioli piha ke noonoo iho, aole wale no oia i ike i keia mau mea aka na kokua pu i na hana a ka Mea nana i hana i na mea apau ma o ka lu ana i ona hapaumi no ka hoomaemae ana i ka luakini o Kilauea. I Kauai-o-manokalanipo. ka moku kihapai nani a me kahi a ka malie me ka maikai i hoohemolele wale ai. Nona keia mau wahi lalani:
Maikai Kauai i ka malie,
Ohuohu i ka lauae o Makana,
He makana hanohana na Haena,
Na hala o Naue au i ke kai,
Waiakanaloa ka'u aloha,
Waiakapalae kau i ka pali,
E aha ana oe a e Lohiauipo
Nanea ana paha me Kilioe
O oe a owau ka i ike iho
I ka wehi pau ole a oia pua.
Etc., Etc., Etc.
Ua lawa peia keia hana ana, a no kekahi wa aku. Me na keiki oniu hua metala ko'u hialaai a me ka Lunahooponopono ko'u welina.
POLI LAUAE.
Halewili o Kilauea, Ian. 25, 1899.
KA MOOLELO O KE KULA K@
O NA KAHUNAPULE AME N@
LUNA EKALESIA O KA M@
PUNI O KAUAI
Hale Ha@awai o Na@
Ianuari 1@
Rev J. M. Lydgate @ kumu @
kahu. Sam. Kaili ame G @ K@p@
haiolelo. J. M. Naeole ame @
kani. Na luna ekalesia. H. K. @
ame J. K. Hanuna o Hana.
Hora 10:30 kakahiaka @o@
hana ame ka himeni ame @
Sam. Ka@. Koho ka h@
Komite pai moolelo.
Haawina l.--"Ke Kaiana @
nei." Ma ka noonoo ana @
mao mea e hoeueu a@ i ua @
Nolaila, na hoohoioia e haiol@
haawina ma na luakini apau @
nei ma ke Sabati hope o w@
o Ianuari.
Haawina II.-- "Heaha @ po@
Hawaii nei." He kumu@man@
haku ia e Sam. Kaili, ua lawe @
a noonoo, ma ka balota ana @
holoia o ka "Hoomanaku @
nui i poino ai o Hawaii nei.
Haawina III.--"Ka Hoike K@hap@
na Kahu." Ua ike ia hookahi wa@
like e lana malie ana o Han@a
Haawina IV.--"Ka @ H@
makaukau na kahu ame na hana@
lesia ma keia haawina me na kum@
na like ole mai loko mai o ka @
ma Mat. 7:3@ 4.
He elua la i noho ai keia kula a pa@
Heluhelu ia ka moolelo a apo@
Hoopaneeia me ka pule a Kakani.
SAM. KAILI
Komite Pai M@oie@
LOAA NA PAONA HE KANA@
KUMAMAWALU
"He nui ko'u ono i ka wai ona @
ka hoomaka ana o ka omilo ana m@
ko'u ola. He kauwa kuapaa nohoi @
na nei mea heinu ana i ke @me@
kope. Ua lapaauia au e ka lap@
eia nae, aole loaa kahi pono.
O kahi hapa keia i laweia o@
loko mai o kekahi manao i h@
maloko o ka nupepa Daily Hera@d @
Clinton, Iowa. He mau olelo paha @
i kupono no kekahi ha@ole@o hoole @
ona. aka. aole nae ia o ke kuma@
makou hoolaha ana i keia m@
mea hoike keia, no ka hoop@
ia ana o na mea paahana o @
kanaka mamuli o ka ina wai@
ka mai nohoi. ame ka m@
ai ka ikaika i ke kino. Aoie p@
mea hoike maikai e a@ a h@
hoike aku ai, aka, o na h@
no a kela mea nana na h@
ikeia ae nei:
"No na makahiki h@
ia'u ke hana i ka'u hana. @
ia'u ke hiamoe i ka po, a h@h@
i ke ao, no ka eha mau ma @a@
a ma kuu kua. Aole hiki ke w@ p@
ka ai o kuu opu. E ike mau @
na, nalulu o ke poo ame ka eha o @
mimi ana aku, a e mimi pinepine@
nohoi au, a pinapinai mai la ke ka@
lili ana o kuu puuwai. Nolaila @
aku ia au i kuu aina mahiai a @
la iloko o ke kulanakauhale @
lilo maoli au i kanaka ma@ kuko@
konu loa, a ua olelo mai hoi ke ku@
aole e loaa hou ana ia m@a he @
"Mahope koke mai o ka paa ana @
he eha poho o na Huaale Akal@
Williams no na Kanaka Nan@kea @
mai ia wa mai hoi, ua paa @
ka nalulu o ke poo ame ka wa@
ka ai iloko o ka opu. Ono ka'u @
a ua pau hoi ka ono mai i ka @
ke @i a i ke kope nohoi a me h@
la he kanaka au o iwakalua @ka @
ka opiopio.
"Ua pii ae la ke kaumaha o @ua @
a he 48 paona hou. Aole au @
keha nui wale aku no na H@
a Dr. Williams, aka. ke hoo@
nae au ua loaa ia'u ke ola mam@
mau hu@ale.
JOHN B COOK
Kakauinoaia a hoohik@a @mua o
kei@ la um@kumamaoho o @ei@
1897.
A. P. BARKER
Notere o ka L@l@e@
No ka poe no lakou na kino @
mamuli o kekahi kumu pilikia@
ona paha, a ma'i m@i p@ha @
auanei na olelo i hoikeia ae nei @
luna i mau mea waiwai nui. A@ho m@
e kanaluaia ai ka oiaio oia mau ol@
oiai ua hoohikila, a ua hoik@ ak@
makou i ua olelo hoike @ mananei @
O ka inoa ame kahi o lo@ ai o @
mea nana na olelo maluna ao @
no o John B. Cook o @86 South @
Street, Lyon, Iowa.
Ua waiho aku o R. A. And@ i @
noho hope luna kakau kope no ke Ke-
ena Kakau Kope palapala o ko Aupun@
a e lilo aku ana ia wahi ia Mr. Mo@
N@kuina, he Hawaii maoli.