Ka Nupepa Kuokoa, Volume XXXVII, Number 52, 30 December 1898 — Mai Maui Mai. [ARTICLE]

Mai Maui Mai.

Mamuli o ko Mr. G. B. Robertson mauao ana ua oi aku ka pomaikai o ka noho malama hale !hotele mamua o ka noho imi pomaikai ana /malalo o ke kanawai, noiaila, ua hoolimalima ae la ia keiki o Maui i ka Hotele de Maui o Wailuku mai a von Gravemeyer a lilo iaia. Eia oia ke hoonee nei ia apana hana me ka holomua i keia mau la a hookuu iho nei na hana a ke Kiure o Lahaina i ka Poaha nei, a ua hauoli

loa na hoa o ia aha no ka huli hoi aku ma na home 110 ka hoomanao pu ana ma na hauoli Karisimaka. O ke alanui e moe ia mai Wailuku aku a i Lahaina, ua oi ae ka maemae o keia i ko ka manawa i hala, he nani a he akea kupono, e hiki ai na kaa lio e holo palua i ka manawa hookahi, a he kohukohu Honolulu nohoi ke nana iho. Eia na keiki kanu taro o na Wai Eha ke hoolako aku nei i ko īAhaina mau keiki me na eke taro ame na paiai uouo i keia mau la mauka aku no o ka aina. He nui ao hoi na eke taro i lueia a pau i ka laweia aku i Kailua, Hawaii, no k ahui H. C. & Co. Ma ka La Karisimaka iho nei, he meha pu waLe no na kauhale mai ka po a 'hiki i ke ao ana a po wale no, ua ha'o hoi ka lohe nui ia aku o ka alala mai o na leo puaa ma na kauhale. Wahi ana kanaka Hawii o Maui nei e olelo aui nei i keia mau la, "Ua huli ke alo o ka aina iialo." "He mau kumulaau Karisimaka ka i hoouluwehiwehiia ae maloko o ka halekula Union a pela no hoi maloko o na halekula o na haumana o Waihee ame Waikapu. No ke kuai ana o kekahi Pake malama halekuai i ke kini kamano i kekahi kanaka make i'a i ka La Sabati iho nei, ua hopu ia iho la oia, a oia no hoi kekahi o na kanawai bolu e kiai loa ia nei i na Pake a me ka poe haihai e ae o Maui nei ia kanawai. He mau la hoopoluluhi wale iho no keia o Maui nei aohe hanini iho, malia nae paha, e hoiliili ana a piha o Kulanihakoi i keia 1899 ae, alaila, hoohanini iho, eloelo pono. Eia no ua hoomakaukau ana o na kula Sabati o na Maui elua i keia mau la e nee nei, a ua pau Jho nei ka kekahi mau kula i ka hoolaha a ke hoomakaukau nei nohoi ka kekahi mau kula.