Ka Nupepa Kuokoa, Volume XXXVII, Number 51, 23 Kekemapa 1898 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA MEA HUNA POHIHIHI

Unuhiia e Hooulumahiehie no “Ke Kilohaua Pookela o ka Lahui Hawaii.”

            Oiai ke pihoihoi e poipu ana maluna o na mea apau o loko o kela anaina a ke kaumaha ame ka walohia e poipu ana, aia hoi, komo mai la he elua mau mea kino kanaka, hookahi wahine a hookahi kane.

            E kuu makamaka heluhelu, e hoomanao iho oe, me ka poina ole, o Pegi keia, kahi wahine kahu hipa, ame Geoki Negewina, kana aloha.

            Ua loaa ia Negewina ka pohala loa ana mai na holapu ana a ka mai fiva i loohia ai oia ma ke alahele ma ka la mamua iho, elike me ka mea i hoikeia aku ia oe, e kuu makamaka heluhelu, ma kekahi o na helu i kaa hope ae nei, a mamuli o ka loaa ana oia ololu iaia, ua loaa iaia ka ikaika o ka hoomau ana mai i ka laua huakai hele no Hametonavila. 

            I ko laua hoea ana mai i ka hale Kakela, ua hai aku la kekahi kauwa ia laua, aia ka Lede Beatirisia maloko o ka hale hooluolu, a me he mea la aia pu me ia ka Haku Tereveliana.

            Ma ka wa i hoea mai ai o Pegi ame Geoki Negewina i kahi hale hooluolu, elike me ka mea i hoikeia ae la, e maneleia mai ana o Geoki e kekahi mau kanaka elua i hoolimalimaia aku e Pegi.  Ma ka wa hoi i hoea mai ai o Pegi ma i ka puka o ka hale hooluolu ua ike koke aku la o Adelo i kana kauwa ia Geoki Negewina, a ia wa i haikea holookoa ae ai kona helehelena.  Hoomaopopo aku la ua Haku Adelo nei ma na helehelena kuoo o ua kauwa nei ana, ua loli ano e loa ia i keia wa mai kona ano mau mai ana i kamaaina mau ai iaia.

            I kela wa i huli ae ai oia (Haku Adelo) a anehe ae la e puka aku iwaho mailoko aku o ka hale hooluolu, aka, aia no na maka o Negewina ke haka pono loa mai la maluna ona me ke oolea.

            A i kona ike ana mai i ko ka Haku Adelo hoao ana e haalele iho ia loko o ka hale hooluolu o ka wa ia i o mai ai kona lima, e kuhikuhi ana ia Adelo, a pane mai la ia:

            “Hold that man!  (E paa i kela kanaka!)  E kaohi aku oukou ia Haku Adelo!  He karaima eleele loa ka’u e hoike aku ana imua o oukou, a o kela kanaka, ka mea nona ka lima i paumaele i ua karaima la!  Stop him—don’t let him go!”

            I kela wa hoi, mamuli o ke kauoha a ka Haku Tereveliana i kekahi o na makai ua hopuia aku la ua Haku Adelo, nei, a paa ia iho la.  Alaila, ma ka wa i hookuuia iho ai ka manele ilalo, oia ka manawa i pane mai ai ua wahi Negewina nei:

            “O geoki Negewina ko’u inoa.  He kauwa au na ka Haku Adelo.  He kauwa kahiko loa au nana, a i kekahi mau makahiki loihi nae i hala ae nei, ua kaawale au mai iaia mai, a eia wale iho nei no ko’u noho hou ana me ia.  Mamua ua ikeia au ma ka inoa a’u i hoike ae la, a i keia wa iho nei, o Hekini ko’u inoa.”

            Aole i kana mai ka nui o ka pioo mawaena o ka poe apau e ku ana iloko o kahi hale hooluolu ma kela wa, i ko lakou lohe ana aku i keia mau huaolelo i hoopukaia mai e ua wahi kanaka nei.

            “He umikumamawalu makahiki i hala ae nei,” i hoomau mai ai ua wahi Negewina nei i ka olelo ana, he kauwa lawelawe au no ka Haku Adelo ame Mr. Geofere Tereveliana.  A o Geofere anei keia?” wahi ana i ninau mai ai, me ka huli ana ae a nana ae la ia Geofere e paa ia ana he pio a he paahao e kekahi mau makai, alaila, kamailio ae la ua wahi kanaka nei imua o Geofere, “E Mr. Geofere, ke nonoi nei au ia oe, e kala mai oe ia’u!  E hai aku au ia oe, e kala kahiko loa i hiki ai ia’u ke hana i na mea e pau ai ka eleele o ka hewa i hapala wale ia aku maluna ou; aka, ua pani au i ka hoowalewaleia mai e ka Haku Adelo, mamuli o ko’u lawe ana i kana dala, nolaila, ua lilo iho la au i mea huna hewa a i kokua kewa nohoi no ka Haku Adelo.  Ua hoolimalima ia au e Adelo e haalele iho ia Enelani nei, a ua haalele io iho la au, a hele aku la au i ka aina malihini.  Aka, e Mr. Geofere, he kanaka hewa ole oe, a ua hiki ia’u ke hooiaio aku ia mea.”

            Maanei hoomaha iho la ua wahi Negewina nei, oiai hoi i olino ae ai he hiohiona hauoli ma na helehelena o Geofere Tereveliana, a pela nohoi maluna o na helelena o na poe apau i pili iaia.  Huli mai la ka Lede Beatirisia a paa hou mai la i ka a-i o kana kane.

            “E hoomau mai oe i kau kamailio ana, e Negewina,” wahi a Geofere i pane aku ai imua o kahi kanaka.  “He mea huna pohihihi loa na hana i hanaia ma kela po weliweli.”

            Ua iino loa ae la hoi na helehelena o Adelo, a me ka nanaina e hoike ana i ke ano hoopohala o ka noonoo, pane aku la ka Haku Tereveliana:

            “E hoomau mai oe i kau kamailio ana.  Ke ike maopopo io nei au i keia wa, o oe no o Negewina.  Ua hele oe a he iwi wale no i keia wa.  Heaha nei moolelo kaao au e kamailio mai nei?”

            “E kuu haku,” wahi a Negewina i pane mai ai me ka kuoo, “Ua aneane au e make, a ina aole na kokua aloha ana a keia lede maikai nei—kuu Pegi aloha—alaila, ua make io maoli no au.  Ua hoike mai keia ia’u i kekahi hana nui e pono ai e hanaia e a’u, a nana au i lawe mai nei a hoea mai i keia wahi—

            “Kahaha!” wahi a Tereveliana i hooho ae ai, me ka olelo ana aku, “e hai mai oe i ka mea e pili ana i kela po i powaia ai au e kela kanaka.”

            Ia wa no i kuhikuhi ae ai ua Makuisa nei ia Geofere.

            “E kuu haku,” wahi a Negewina i pane mai ai, “O oe ke pookela loa o na kanaka i alakai hewa ia kona noonoo iloko o keia mau makahiki lehulehu i kaa hope ae nei.  E hai aku au ia oe me ka oiaio loa, a ma o ke ola ana hoi o ka Makua o ka oiaio, aole loa na Mr. Geofere nei i hana i kela karaima.”

            “Ea,” wahi a ka Haku Tereveliana i puoho ae ai me ka li o ana ae o kona mau maka a okala kunahihi ae la hoi kona helehelena apau, “Pehea kau olelo?  Ua pupule maoli ia paha oe e nei wahi kanaka?  Kai nohoi ua ike pono au iaia me ko’u mau maka!”

            Aka, hoomau mai la no o Negewina i ke kamailio ana me ka nana ole mai i na olelo a ka elemakule Tereveliana:

            “E kuu haku maikai, he umikumamawalu makahiki i haia ae nei e noho ana o Mr. Geofere Tereveliana ame Haku Adelo maloko o kou rumi e kuu haku, a oia hoi ko’u wa i komo mai ai ma ke keena e pili ana i kou rumi me ka ike ole mai o laua nei ia’u.”

            Kuhikuhi ae la oia ia Adelo ame Geofere, alaila, hoomau mai la:

            “Ua hana iho o Adelo ia wa he rama i paipaiia me ka wai lemi.  Ike aku la au iaia i kona huli ana ae ma kahi e a ninini iho la he wahi wai mailoko mai o kekahi omole uuku ana i unuhi ae ai mailoko ae o kona pakeke.  Aia no au maloko o kela rumi kahi i kiei malu mai ai.  Aole au i kamailio mai ia laua no ka’u mea i ike mai ai.  Aka, hoomau mai la au i ka nana pono ana ia laua me ka makaala loa.  Inu ae la o Mr. Geofere i ke kiaha rama a Adelo i hana ai me kela wai o loko o ka omole ana i unuhi ai mailoko oe o kona pakeke.  E noke ana nae o Mr. Geofere nei i ka olelo aku ia Adelo, aohe ona makemake e inu i kela kiaha rama.  E olelo ana nohoi oia, aohe ona makemake i ka inu rama, aka, e hookikina ana o Adelo iaia e inu.  Ua inu aku la o Mr. Geofere i ua rama la, a i ka pau ana, lohe aku la no au i ka Hake Adelo koi ana aku ia Mr. Geofere e ai opiuma laua, ma ke ano e hoao laua i ke ano oia mea he opiuma.  Me he mea la ua pouli pu ae la ko Mr. Geofere noonoo ao kanaka ia wa mamuli o ka rama i komo iloko ona, nolaila, aole oia i ike i kana mea e hana ai.  Ua haawi aku la o Adelo iaia i ka hua opiuma, a ai aku la no ia.  O Adelo hoi, aole au i ike aku i kona ai ana ae i hua opiuma.”

            “Ae—ae—ke hoomanao la au ia mea,” wahi a Geofere Tereveliana i pane ae ai.  “Aka, mahope iho oia wa la, pau ko’u ike ana.  He pouli wale no.  Heaha la ka hope?” 
             “Alaila, hele aku la ka Haku Adelo i ka rumi o Mr. Geofere, a lawe mai la i ka pahi puhaka a Mr. Geofere.  Alaila, alakai aku la ka Haku Adelo ia Geofere iloko o kou rumi moe, me ka hele nihi ana a malie loa nohoi.  E alakai ana ia ia Mr. Geofere me he keiki liilii loa la.  E hiamoe ana kuu Haku Makuisa ia wa.  Ua ukali aku la au mahope o laua ma ko’u hele malie loa ana nohoi.  Komo aku la kuu haku, oia o Adelo, iloko o ka rumi moe o ka Haku Tereveliana.  I ko laua hiki ana ma ka moe au e moe ana, ua kulou iho la ka Haku Adelo maluna ou a o iho la i ka pahi pahaka ma kou kipoohiwi, a lalau ae la ia me ka hikiwawe loe i ka lima akau o Mr. Geofere a hoopaa iho la ma ke kumu, a ia wa oia i holo aku ai mailoko aku o ka rumi.  O keia ka mea oiaio loa, a ke hookihi nei au imua o ke Akua Mana Loa!”

            Ia wa i loheia aku ai ka hoopuka ana ae a ka Haku Adelo he mau olelo hailiili.

            Ua meha pu iho la hoi o loko o kahi hale hooluolu, alaila, hoomau mai la o Negewina i ke kamailio ana:

            “Ua ike oe i ka hopena.  Ua ahewaia o Mr. Geofere a ua kipakuia aku oia mai Tereveliana Pa aku.  Ia po iho no, ua hai aku au i ka Haku Adelo ua ike au i na mea apau ana i hana ai.  Ua uku mai la oia he puu dala nui ma kuu lima, a haawi mai la oia i dala uku moku no’u e haalele iho ai ia Enelani nei a holo aku i Auseteralia.  Malaila au i noho ai a hoea wale i keia kau kupulau hoi mai nei au i Enelani nei.  Ua hai mai nohoi o Adelo ia’u, ma kona wa e lilo ai i haku no na waiwai apau o ka ohana Tereveliana, oia kona wa e uku mai ai ia’u i puu dala nui loa.  Nolaila, e kuu Haku Tereveliana, ua hoike aku la au i ka moolelo oiaio apau e pili ana i keia karaima, a o ke Akua ko’u hoike.”

            I kela wa i haka pono aku ai na maka o ka Haku Tereveliana maluna o na helehelena haikea o Negewina.  Ike aku la ia, he oiaio na mea apau e hoikeia mai ana ma ia mau helehelena.

(E hoomau ia aku ana).

Ke Kau Kiure ma Lahaina.

Mr. Lunahooponopono:

            Ua hoopau au i ka’u moolelo o na hana o ka Aha o keia kau ma Lahaina nei ma ka Poaouo, a penei na hiiha i hoo@oheia ma @a hope mai:

            Repubalika o Hawaii kue ia Puu Hakolo, wawhi hale ma ka degere ekahi.  He hima keia i hoohalahala ia mai ka Aha Apana o Wailuku.  Ua hoo@e ka mea hoopina i kona hewa i ka la mua i weheia ai ke kau, aka, ma ka Poakahi, la 12 nei, ua ku hou mai oia a ae mai i kona hewa wawahi hale ma ke degere 2, a ua kau ia ka hoopai e hoopaahaoia ma ka hana oolea no 18 mahina.

            Repubalika o Hawaii kue ia Wiliama Keaka no ka hoohiki wahahee.  He hoohalahala no keia mai ka Aha Apana o Wailuku.  He kanaka keia i ku hoike ma ka aoao o ke Aupuni ma ka hihia o kekahi Pake i hopuia no ka malama opiuma, aka, ma ka hoomaopopo ia ana ma na olelo ike, ua ike ia na keia kanaka no i lawe kekahi wahi puolo lehu opiuma a waiho iloko o ka hale inu kope o ka Pake.  Ma ka hoolohe ia ana e ke kiure, ua hoopuka ia ka olelo hooholo ahewa, a ua kau ia ka hoopai i keia la e hoopaahaoia ma ka hana oolea no 3 makahiki me koina.

            Repubalika o Hawaii kue ia Koa, hoohiki wahahee.  No Lahaina nei no keia hihia.  Ua oleloia, ua hoike keia kanaka i kekahi mau olelo e kau ana i ka hewa o ka uhaki ia ana o kekahi mau kumu kope ma Honolua, ma ka aina mahi kope o Baluwina, he 400 a oi mau kumu kope i uhuki ia, a i ke Kau ma Wailuku iloko o Iulai i hala, ua hookuu ia na mea i hopu ia, a maopopo ai ka wahahee o keia Koa.  Aka, ma keia Kau, ua hoolohe ia imua o ke kiure, a ua hookuu ia.

            Repubalika o Hawaii kue ia Chas. Palea, no ka hewa aeahaukae, oia hoi, kona loaa ana aku ma kahi o kekahi kanaka okoa me ke kuleana ole.  No Wailuku keia hihia.  O keia ke kanaka opio i komo malu ai iloko o ka lumi moe o kekahi kanaka a moe ma ka aoao o kana wahine oiai oia e hiolani ana i ka hiamoe, a hoao iho la e hoohaumia i ka waihona kapu.  Ua oleloia no hoi, he mau kamaaina keia mea kokolo o ka po me kela iwiaoao nohea, a oia ke kumu o ke kamaaina ana a aneane ai e halawai ke kila me ka paea, e kilapao ana i ka nuku o Nuuanu, aka, aole ela ka manao o ke kiure, ua hooholo lakou he iole monakuke kona hoa like, he pakaha wale, a ua hoahewa ia oia, a kau iho la ka laau hoomiko a ka Aha e aahu i na kapa kahanahana o ka hale hoopololei o ke Apuni no 4 mahina a e uku i na dala he 18 o na koina o ka Aha.  Kau a kolohe.

            Repubalika o Hawaii kue ia Oscar Kaeo, no ka hewa apuka.  He haumana keia no Lahainaluna.  Ua oleloia na keia keiki i lawe aku i kekahi palapala kikoo dala no $8 i kakau apuka ia ma kekahi inoa kapakapa, a haawi aku la i kekahi Pake ma ke ano kolohe.  Ua kuai oia he palule no 90 keneta a ua hoihoi man la ka Pake he $7.10.  I ka hoolohe ia ana nae o keia hihia imua o ke kiure, ua kanalua lakou, mamuli o kekahi mau kumu mamuli o na olelo ike a na hoike, a ua hookuu ia ka mea i hoopiiia.

            Repubalika o Hawaii kue ia Kawamoto, he Kepani kuai waiona me ka laikini ole.  Ua hoopau wale ia ka hoohalahala a lawe ia ka bona.

            Ka hihia kivila a Mrs. H. Kahahawai ma kue ia L. Kanohohale ma, no ka hoomaopopo ana i ke kuleana io maluna o kekahi aina, ua hoopanee ia a ke kau o Iune, 1899.

            W. R. Kalaeokekoi kue ia Mahiko o Wailuku, he hihia kipaku, hoopaneeia a keia kau ae.

            Joe Fernandez kue ia D. P. Eldredge, hoopaa hewa i kekahi mau pipi ma ka pa Aupuni, hoopau wale ia.

            A ka Poakahi ae nei noho ke kiure haole.

            Mamuli o ka hoike a kekahi komite o na loio i kohoia e ka Lunakanawai J. W. Kalua, oia hoi o E. B. McClanahan, Arthur A. Wilder ame J. Mahiai Kaneakua, ua kauoha ka Aha e hoopukaia na palapala laikini loio imua o na Aha Apana ame na Aha Kaapuni ma ke Keena ia A. F. Tavares no Makawao, P. N. Kahokuoluna, Lunakanawai Apana o Makawao ame Noa W. Aluli o aWiluku. 

            Ua loaa aku mai ka Lunakanawai J. W. Kalua, na hookohu hou no elua makahiki i na Lunakanawai S. Kahoohalahala o Lanai ame W. P. Haia o Hana.

            I keia la e haalele iho ai ke Kakauolelo o ka Aha Kiekie Jame A. Thompson no Kahakuloa no ka lawe ana i na olelo ike a kekahi wahine nawaliwali, he hoike hoi ma kekahi hihia kivila.  E holo loa ae ana ia a ma Wailuku e hoohiki loa mai ai i Lahaina nei i ke kakahiaka Poakahi.

            Eaneane pau o@e ana paha keia kau kiure ma@a o ka @a Ka@maka.

            I ka po Poana nei ua malama @ he aha me@e ma Halealoha @o ke kokua i ka e@esia o @, a ua @ na hana.  E ma@ama hou @a ana ne a@a me@e hou i ke@a Poa@ua i@o, a o na Kakauolelo o ka Ana ame kahi mau loio ke komo pu ana.  E me@e ana ka pupukamoe Miss Kama@p@i ma ia po.  O na pomaikai no ia kumu hookahi no.

            Ua haa@e@e na haole Ganciana i ka hana a ka mahiko i ka la i nehinei a ua pau i ka hopu ial  Mahope o ka hoea ana imua o ka Aha, ua ae e hoi hou i ka hana a koe e@ua mailoko ae o aneane 20 o lakou, a e@a ia mau mea elua maloko o ka halepaahao. 

            E holo aku ana ka Lunakanawai J. W. Kalua no Wailuku i ke kakahiaka Sabati.  Iaia ka halawai haipule auwina la malaila, a hoea hou no na hana o ka Aha ma ka wehekaiao Poakahi.

            He maikai no ke ola o ka makua Rev. A. Pali ame kona ohana, koe wale no kona wahi ano omaimai mau ke hiki iho.

            Ke hana hou ia nei ka Hale Hookolokolo a nani mamuli o na kauoha ame na kuhikuhi a ka Lunakanawai Kalua.  Nui ka popopo, oiai, akahi no a hana hou ia no aneane 35 a 40 paha makahiki.

            Ua lawe o “Bila Aila” W. White i ka hoohiki malalo o ke Aupuni e ku nei, a ua loaa hou iaia kona laikini loio; a i ka Poakolu nei oia i oloka ae ai i kana mau ulu iki imua o ka Aha ma kekahi hihia.

            Inehinei i hoao mua loa ai ka Hon. D. Kahaulelio imua o ke kiure malalo o kona palapala laikini loio piha a ua loea no.

            Ke hana hou ia nei ke kahua o ka pahu hae.

            I ka Poakolu, la 7 ka la hoi i wehe ia ai ke kau o keia Aha, ua uu mua loa ia ka hae Amerika no ka hoohanohano i ka @a ma@a@o o ke kauona a ka Lunakanawai o na Hono o Piilani.

            He maikai no ke o@a o ka Lunakanawai D. Kahaulelio a me kona ohana.

            Inehinei i piha ai ko Senetoa A. N. Kepoikai mau makahiki i ke 37.

            Ke pii mau ae nei ka oluolu ame ka palekana o ia keiki kupa o ka Ma@u @lu S. Nolena. 

            I Lahaina iho nei ke keiki Alii Kalanianaole me kana lede mai Kona mai a hoi hou aku la no Mana e hauoli pu i ka male ana o P. Wood ame Miss Iwa Parker.

            Malie hou o Lahaina, aole ua maloo na alanui.  I na la ua iho nei nae, o ka manawa kupono loa ia o ke Kuhina Kalaiaina e hiki mai ai a e hele holoholo ae ma na alanui i kumu e hookaakaa ia ai kona mau maka i ke kulana loi kalo o na alanui o Lahaina nei.

            Mamuli o ka paina pinepine a hoonuu o ke Kakauolelo o ka Aha Kaapuni o Maui nei, a no ka ono loa o na mea ai ame ka poi a ke Ahi o Wailuku, ua palahalaha loa kona mau papalina a laula kona kino, nolaila, ma ka hoomaopopo aku ua pahaahaa loa iho a he wahi haa ka olelo ana.  Ke mau nei no kona piha hauoli ame ka eleeleu, a e like no hoi me kona ano mau a kamaaina loa ia, he makamaka maikai a oluolu.

            He maikai no ke ola kino o ka Lunakanawai J. W. Kalua i ka hoomaka ana mai o na hana o keia Kau, aka, mamuli o ka ni maoli o na hana, e hoomaka ana i ka hora 8 o kakahiaka a pau i ka hora 11 o ka po, mai na hihia kiure na hihia kiure ole, na hihia ma ke Keena ame na oki mare, ua nui kona hoomanawanui a ua mahuahua loa ka luhi, nolaila, ua hoomaopopo ia aku kon mau helehelena luhi, aka, iloko no o ka nui maoli o na hana i ke ao ame ka po, aole loa oia i haalele i ka hana.  Iloko o na uluaoa o na hauwalaau a na loio namu, ua lilo wale no la i mea hoopalenehe iloko, wale no o ka wai lana malie e hooholo ia mai ai na kumu ame na ninau hoopaapaa.

HUNAHUNAKAI.

Lahaina, Dek. 17, 1898.

 

LUA OLE NA HUAALE A DOAN NO KE KIKALA HANENE AME NA PUUPAA.

            I ka wa e loaa ole ai he hoa like o kekahi laau lapaau, a ua eueu iki aku hoi oia imua o na laau lapaau e ae apau no kekahi mau mai maopopo.  O ka manao o ka poe lapaau kahiko, o ka laau i komo ai na hunahuna liilii o kela ame keia laau he mea ia e ola ai na mai apau.  Ua akaka loa makou i keia ano hupo i keia la, a piha haohao nohoi no ka manaoia ana he manao naauao keia.  O ka o@elo @akai hoi o keia au, oia ka imi ana i ke ano o ka mai a maopopo, alaiala, hoopili aku i ka laau, a oia maoli ka pololei o ka hana ana.  Eia ke lawelawe ia nei na ano mai apau e na poe ike lawelawe mai o kela ame keia ano, a ua ike lakou i ke ano e hoo@a ai ame ka laau e hiki ai ke ola, ma ke ano e kaulana loa ai ka inoa.  Ua ike anei oukou i ke ano o ka lakou paahana ana?  O lakou na mea paahana iloko o ke kino no ka hana hou ana i ke koko mamua o kona hoohana hou ia ana aku.  E heluhelu me ke akahele.  O kela ame keia pana ana a ka puuwai, oia ka hooleleia ana o ke koko e holo iloko o ke kino i loaa ai kona ola.  Ma ka wa e loaa aku ai he wai awahia a make iloko o ke koko e halihaliia aku ana ia iloko o na puupaa.

            Ina e nawaliwali na puupaa, aole hiki ia lako ke paahana, a e make ana ke ola o ke koko mamuli o ka awiliia ana me ka awahia o ka mimi.  E hooponopono ana na Huaale a Doan no  ke Kikala Hanene ame ka Puupaa, i na mai apau o na puupaa, a lilo keia mau mea paahana i mau mea  hoomaemae koko oiaio.  Ke ike lea nei ko Honolulu nei poe kanaka.  Penei ka olelo a Mr. Frank J. Hoffman o 105 N. Alanui Masinetona, Rome: “I hua no ka loaa ana ia’u o kekahi eha ina ana o ko’u kino mamuli o ko’u hapai ana i kekahi mea kaumaha, aneane hookahi makahiki ame ka hapa i hala ae nei, ua loohia ia iho la au i kekahi eha ma kuu mau papakole.  Ke hala ia’u kekahi wa loihi e ku ai, e nui loa ana keia eha; maikai ole ka hemo ana o ka mimi, a ke hemo aku e wewela ana.  He ehaeha loa ko’u kino.  I kekahi mau mahina ae nei i hala, loaa mai la ia’u na Huaale a Doan no ke Kikla Hanene ame na Puupaa, a ua loaa ia’u ka pono; ua hoike mai la keia mau huaalae i ka waiwai io o ka lakou hana, a oia maoli ka laau i kupono ia’u.  Mai ko’u mimi i keia wa, pau ka eha o ko’u kino, aohe ou pilikia i koe.  E hoomaikai mau aku ana au ia lakou.”

            E kuaiia aku ana na Huaale a Doan e na poe kuai laau apau no 50 keneta o ke poho.  E hoounaia aku ana ma ke eke leta e Hollister Drug Co., Honolulu, ke loaa mai ke kumukuai.  Mai lawe i na huaalae i nele ka huaolelo Backache ma ke kua o ke poho.

 

KII POEPOE HONUA NUI.

I Hoomaopopoia no ka Hoikeike Nui o Parisa i ka 1900.

            Iwaena o na ao kaalelewa o ka lani, a i ole iwaena paha o na mea kupaianaha e ae o ka makahiki 1900 e noea mai ana, a@a paha kekahi mea nui nana e hoopahaohao i ka noonoo o ke knaka, oia kekahi kii o ka honua poepoe i hoomakaukauia e ia olohe huli honua M. Elisee Reclus, ka mea nana i hoopuka kekahi buke kaulana i kapaia—“Ka Honua ame Kona mau Mea ola.”

            O keia kii poepoe honua nui, ua hanaia no ia mailoko mai o kekahi papa ano metala nona ke anawaena o 26 meta, (100 kapuai) a e ku ana maluna o kekahi ku hao kila o 90 kapuai ke kiekie, a aia ma kona mau aoao a i elua, e ku ana kekahi mau kia hao kila nona ke kiekie o 250 kapuai mai ka lepo ae a ka piko oluna, me ko laua mau piko me he mau towera la no kekahi hale kakela nani no laua ke kiekie pakahi o 70 kapuai.

            A aia malalo ae o ka ili lepo ma kahi o ke kahua kahi i ku ai o keia miki@i ano hou, ala he mikin@i i hoomakaukauia no ka hoohana ana i na aoao apau o keia kii poepoe honua, kona hooni ia ana ke makemakeia ke ano o kona kaa ana e like me ka ka honua kaa ana a kakou e oia nei.  E like no me ka nee ana o ka honua nei i ka la a puni ka makahiki kona huli i ka la iloko o na hora he 24, ka latitu a me ka lon@, ke ao ame ka po, ka malamalama ma ka welau akau no eono mahina, ka nee ana o na manawa kai piha a kai emi paha, e ike ia no ia me ka nui ole o ka hana.

            Ina e ku keia kii poepoe honua ma ke kumu o na mauna Himela, alaila e oi iki wale ae ana no ia he 1-16 wale no o ka iniha i ko keia kii poepoe honua, oiai no nae mai ka ilikai ae a ka piko oi loa o ia mauna, he elima mile kona kiekie.

            Ua ikea ka hau aiai ma na piko o na towera @ao kila, maluna o na wahi i hookaawaleia no na wai ma@una o ua kii poepoe honua la, he bolu, eleele, melemele ame ka omaomao, e like no me ke ano i makemakeia ai; a o na wahi i hookaawaleia no na aina, he omaomao, ahiahia, hauliuli a pe@a aku e like no me ke ano o na aina ma ke ano o ka lakou mau ea ma na aina like ole a pau maluna o ka ili o ka honua nei.  Maloko ae o ka ili @lala e uhi ana i ua kii poepoe honua la, ua kahakahaia me ke ano o na lahui a pau e noho ana maluna iho o na aina a pau e kau pono ana mawaho iho o ua poepoe honua la, ko lakou mau moolelo, ka lakou olelo ame na mea a pau e pili ana i kela ame keia lahui like ole.

            O ka ilo no ka hoomakaukau ana i keia mau mea a pau, ua manaoia aia no ia ma kahi o $800,000.  Ua hoolawa pono ia keia kii honua me na huila e hooholo pono ai i keia mau mea a pau i ka manawa i makemakeia ai, a e hoea io ae ana keia mea kupaianaha ma ke kulanakauhale o Parisa ma ka hoikeike nui e malamaia aku ana ma ka A. D. 1900, ka 5904 hoi o ke ku ana o ka honua maoli nei a kakou e ola nei, e kau nei me ka lewa.

 

MAIKAI OLE KA HOOWALI ANA A KA OPU, LOOHIA I KA PUUWAI INOINO.

            O ka maikai ole ana o ka hoowali ana a ka opu i ka ai, oia ka mea e maikai ole ai ka paahana ana a ka puuwai.  E kuhihewa ana nae keia maikai ole ana o ka paahana ana a ka puuwai, he mai maoli ia no ka puuwai.  He ano like loa no nae na ouli o keia mau mai elua.  Aka, he mau mai like ole loa keia o laua i kekahi ame kekahi.  O ka mai kuloko maoli o ka puuwai he mai hiki ole ia ke hoolaia ma ka hapanui o ka manawa; a o ka mai i koho wale ia he mai puuwai ia he mai ola ia ina e maikai ae ana ka hoowali ana a ka opu hoowali ai.  Ua ikeaia kekahi mai o keia ano mailoko mai o ka nupepa Ke Au Hou o Greensburg, Ind.  O Mrs. Ellen Colsom, Newpoint, Ind., he wahine ia o kauahakumamakolu makahiki, a he eha ona mau makahiki o ka loohia ana i ka eha ma ka opu.  Mamuli o ka wali pono ole ana o ka ai iloko o ka opu , ua pua ae la he mau a kaomi aku la i ka puuwai, a oia ke kumu o ka maikai ole ana o kana paahana ana.  Ua nui kona eha ma kona opu a ma kona puuwai, a e loaa mau ana ia i na hookui weliweli ana iloko o kona houpo a apo pau ke aho, o ka oi loa aku ma ka po.  Ua hoaoia na kauka, a he makehewe, ua oi loa aku la ka pilikia o ka mea mai, a e kau e wale ana no ka haili weliweli o ka make maluna ona.

            Ua nui loa kona makau, eia nae ua ike iho la nohoi ia, ma kekahi mau manawa, aole no i ano pilikia loa mai kona opu, a maikai nohoi na paahana ana a kona puuwai.  Nolaila, mamuli o kona noonoo pono ana ike ano o kona mai, hoomaopopo iho la ia ua pilikia ia kona opu hoowali ai, nolaila, hele aku la ia a kuai aku la i laau kupono no ia mea, a he mea oiaio ua loaa iaia ke ola.  Hoi hou mai la ka ono o kona puu i ka ai, ua emi mai la ke ano paupauaho o kona houpo, a mahope mai pau loa ae la.  Hoi hou mai la kona kaumaha, ka mea hoi i hele a lilo i mea ole mamuli o ka ikaika o na omilo ana a ka mai iaia, a i keia wa ua oi aku kona kaumaha ma na paona i ko na wa e ae mamua aku ana i ike ai nona iho.  Aole i emo puai mai la ka ula ma kona mau papalina, a hoike mai la ia i ka maikai o kona koko.

            He mai ano nui loa keia, a he mai nohoi i loohia mau i ke kanaka.  I maopopo ai i kekahi poe e ae ke kumu i loaa ai i kela wahine ke ola e hai aku makou i ka inoa o ka laau nana i hoola iaia oia hoi Na Huaale Akala a Dr. Williams no na Kanaka Nananakea.  Aia maloko o keia mau huaale na hunahuna apau o na laau hoola e maikai ai ke koko a e ikaika hou ai na aa lolo nawaliwali.

 

            O ka Poakolu iho la ka la ne’ine’i loa o ka makahiki.

 

            He mau kii o na kahua kaua ke houwehe ia ae ana ma ka Hale Mele Hou i ka Poaono iho.

 

            Ia ke laha mai nei iwaena o kekahi mau home Hawaii kekahi ano mai ano e, he luai me ka hi ka hoomaka ana a o ka hope, ua palupalu koke mai @a lala me ka eha ma ka opu.  Aole hana pono e ae, o ke kii wale no i ke kauka.

 

            O na poe mea kuleana aina e pili la ma na aoao o alanui Pupule mai Alanui Moi aku, ua akoakoa ae la lakou ma ka home noho o J. K. Kaulia i kela ahiahi iho nei no ka noonoo ana i ka pono o ka hoakea hou ae ia alanui olowi.

 

Hoolaha Kumau.

Ka Ayer Laau Hoomaemae Koko.

(Sarsaparilla.)

            E hoomaemae oe i kou koko me ka Ayer Laau Hoomaemae Koko (Sarsaparilla), o keia ka laau pahu’a @ o kona ikaika hoola.  Kupono maoli ke@a laau no ka ma’i Alaala, ma’i He@ Puha, ma’i Aai, ma’i Kuapuhi, m@ Puupuu oolohu, ma’i Kane pohak@ ame na ma’i no apau e ulu ma@ a@ mailoko mai o ke koko ino.  He k@ pono loa nohoi kela LAAU HOOMAEMAE KOKO A AYER no ka ma’i na lulu (catarrh), rumatika ame ka @ ma@a peh@.

            Ma ke uno he laau hooikaika @ ia, aohe ona lua.  E kokua ana ia i @ mea paahana o ka opu @ ka hoow@ ana i ka ai, hooikaika i ka hana @ a ke ake-paa nawaliwali, hooikaika hoi i na aa-lolo a hookaika p@ hoi ke kino i hele a nawaliwali mamuli @ ka luhi ame ka hoomail@ ana a ka ma’i.  Ua ike na kauka lapaau ma @ wahi apau, he Laau maikai loa k@ Laau Hoomaemae Koko a Ayer.  H@ laau keia i loaa no loko mai @ ka pa’ipa’i ame ke kawili a hoohuihui naauao ia ana o na laau hoonaemae koko a hooikaika kino ikaika @.  Aohe laau hoomaemae koko elike m@ keia, a i makemake nui @a nohoi elike me keia.

 

Ka Ayer Sarsaparilla

Hoomakaukauia e

DR. J. C. AYER & CO.

Lowell, Mass., U. S. A.

Ola ka Ma’i Awa awahia o ka Opu i na          Huaale a Ayer

 

No Keaha        I HOOKAWELEWE LE LOA AKU AI OE I KELA

ANU, KUNU AME PUU EHA?

 

            Ua kaulana loa ka LAAU KUNU @ AYER (Ayer’s Cherry Pectoral) @ o na makahiki he aneane 60, ma ka hoola ana i ua Ma’i o ka Puu @ Akemama, ke Anu, ke Kunu, ka @ La Grippe, ame ka Ma’i Mala o ka @ Akemama.  He ono keia laau ma ka inu ana, a he oiaio ke ola.

AYER’S CHERRY PECTORAL

Na Medala @ mai na Moikeike @ o ke @

Mai lawe i na Laau Emi I Hoo@ me @

Hollister Drug Co. Lt.

Na Agena ma ka P@ Hawaii.

 

Kakela me Kuke.

Ka Halekuai Nui

O NA

Waiwai Like Ole

O na Mea

HANA KAMANA A PAU

Na Lako Pili Hao K@ Hale,

Na Kepa @,

Na L@ Ilio,

Na Kaulahao Ilio,

Na Pa@

Na Upa,

Na Kope H@

Na Pulup@

 

Na Palau Lio

Na

Mea Mahiai,

Na Au Ho, Na Au Koi,

Na kua bipi, Na lei bipi, Na kalahao @

Na uwea pa, Na Kaa p@,

Na mea piula, Na

Ipuhao.

 

Makau ME Aho Lawaia

Na Iliwai         Na Pakeke

Na Kula           Na Pakeke H@

Na Hulu Pena  Na Kapa H@

Na Pulumi       Na P@

Na Pena me Aila         Na Kuk@

Na Kopa          Na Uwiki, a @

Na Aila Mahu             Na Ip@

Mikini Humuhumu Kau @ana a

Wilcox & Gibbs

Hookahi Lop@,

KA REMINGTON, Elua Lop@.

A me na ukana he nui wale @ kela a me keia ano.

Kakela me Kuke.