Ka Nupepa Kuokoa, Volume XXXVII, Number 48, 2 December 1898 — Page 2
| This text was transcribed by: | Stacey Kawano |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Hoolaha Mana Hooko
HOOLAHA AINA AUPUNI.
Dekemaba 30, ma ka hora 12 o ke awakea, ma ke alo iho o ka Hale Oihana Hookolokolo e kuaiia aku ai ma ke Kudala Akea:
Ka hoolimalima o ka aina papu o ke Awawa o Waimanu, Hamakua, Hawaii, maloko o laila he 200 Eka, oi aku a emi mai paha. He aina wai keia, a he kupono no ke kanu raiki ana.
Manawa hoolimalima he 21 makahiki.
Uku hoolimalima e oi ana maluna o $400 no ka makahiki. Na ka mea hoolimalima, e uku i $8 no ka eka hookahi, ke oi aku ka huina o na eka i mahiia mamua o ke 50.
No na mea i koe, na kii, a peia aku, e ninau ma ke Keena Aina Aupuni, Honolulu, Nov. 22, 1898.
J. F. BROWN,
Agena o na Aina Aupuni.
2730-4t
HOOLOLI I KAHI E KU AI KA PA AUPUNI MA KA APANA O KOLOA, KAUAI.
I kulike ai me ka Pauku I o ka Mokuna XXXV, o na Kanawai o 1888, i keia la i hoololi ai au i kahi i ku ai ka Pa Aupuni maloko o ka Apana o Koloa, Kauai, mai Kuikuiula a i Puukohekohe maloko o ua Apana la.
O Mr. Jacob Kauiaa ka Luna Pa Aupuni o ua Pa Aupuni la.
J. A. KING.
Kuhina Kalaiaina.
Keena Kalaiaina, Nov. 1, 1898.
2729-3t
HOOLAHA AINA AUPUNI.
Ma ka Poaono, Dek. 17, ma ka hora 12 awakea, ma ke Keena o W. O. Aiken, Paia, Maui, e kuaiia aku ai ma ke kudala akea, malalo o na kumu aelike kuikawa e pili ana i na hookaa ana ame na hana hou, keia mau apana aina ma Nahiku, Koolau, Maui.
Apana 9 95.26 eka kumukuai oi $333.41.
Apana 38 108.25 eka kumukuai oi $216.50.
Apana 29 48.45 eka kumukuai oi $84.78.
Ma ia manawa a ma iawahi hookahi no e kuaiia aku ai no ke dala kuike, he 26 mau apana liilii a koena hoi o ka aina kalo o ke Awawa o Kahakuloa, Maui, mai 1-30 a ¼ eka o ka apana hookahi. Kumukuai oi aku mamua o $100 no ka eka.
No na mea aku i koe, na kii, a pela aku, e ninau ma ke Keena o W. O. Aiken, a i ole, ma ke Keana Aina, Honolulu.
J. F. BROWN.
Agena o na Aina Aupuni.
2729-4t
KUAI O KA HOOLIMALIMA O KA APANA HELU 19, PAUKU “B,” HILO, HAWAII.
Ma ka Poakahi, Dek. 12, 1898, ma ka hora 12 o ke awakea, ma ke alo iho o ka Hale Oihana Hooko, e kuai ia aku ai ma ke Kudala Akea ka hoolimalima o ka Apana Aina Aupuni Helu 19, e waiho la ma ke kihi o na alanui Front ame Shipman, Pauku “B,” Hilo, Hawaii.
Manawa--21 makahiki.
Uku Hoolimalima oi aku maluna o $100. E uku mua ia ana i kela ame keia hapaiua-makahiki.
O ke kuai ana i keia hoolimalima, aia no ia mamuli o ke kumu aelike, oia hoi, e kukulu no ka mea hoolimalima iloko o eono mahina mai ka la aku o ka hoolimalima ana i hale makeke kupono maluna iho oia wahi, nona hoi ke kumulilo aole e emi iho malalo o Elua Tausani Dala.
No na mea i koe e pili ana i na kumu aelike o keia kuai ana e loaa no ma ke noi ana ma ke Keena Oihana o ka Makai Nui o Hawaii ma Hilo, Hawaii, a ma ke Keena Kalaiaina ma Honolulu, Oahu.
J. A. KING.
Kuhina Kalaiaina.
Keena Kalaiaina, Nov. 10, 1898.
2729-3t
HOOLAHA AINA AUPUNI.
Ma ka Poalua, Dekemaba 20, 1898, ma ka hora 12 o ke awakea, ma ke alo iho o ka Hale Oihana Hookolokolo, Honolulu, e kuaiia aku ai ma ke Kudala Akea na Hoolimalima o keia mau Apana Aina Aupuni mahope ae nei:
Molokai--
O ka moo aina i ikeia o Punaluu, maloko o laila he 89 Eka, aia ma kapa kahakai aneane 6 mile ma ke komohana ae mai Kuanakakai aku, a he aina kula hapa pa ia, a he aina kaheka paakai nohoi.
Manawa Hoolimalima 21 makahiki. Uku hoolimalima oi aku $250 no ka makahiki E hookaa mua ia ana i kela ame keia haplua makahiki.
Maui--
Eono mau koena Aina Aupuni ma ka Apana o Kipahulu, maloko o laila he huina Ili (area) o 156 Eka, oi aku a emi mai paha, he aina ko a hanai holoholona.
Manawa Hoolimalima 21 makahiki.
Uku Hoolimalima oi aku $400 no ka makahiki. E hookaa mua ia ana i kela ame keia hapalua makahiki.
No na mea i koe aku, na kii, a pela aku, e ninau i ke Keena Aina, Honolulu.
J. F. BROWN.
Agena o na Aina Aupuni.
Nov. 17, 1898. 2729-4t
KUAI O KA HOOLIMALIMA O KA APANA AINA AUPUNI HELU 18, MA AINA HOU, HONOLULU, OAHU.
Ma ka Poakahi, Dekemaba 19, 1898, ma ka hora 12 o ke awakea, ma ke alo iho o ka Hale Oihana Hooko, e kuai ia aku ai ma ke Kudala Akea ka hoolimalima o ka Apana Aina Aupuni Helu 18, ma Aina Hou, Honolulu, Oahu,
Manawa 36 Makahiki.
Uku Hoolimalima maluna aku o $360 no ka makahiki. E uku mua ia ana i kela ame keia hapaha makahiki.
O keia kuai maluna no ia o na kumu aelike i hoakakaia ma na Pauku 2 me 4 o ke Kanawai 7 o na Kanwai o 1896, oia hoi:
Pauku 2. E hanaia i aelike maloko o kela ame keia palapala hoolimalima oia no, ma ka aoao o ka mea hoolimalima mai, e kukulu oia maluna o ka aina i hoolimalima ia iloko o na makahiki mua eha o ka manawa hoolimalima o ia palapala hoolimalima i hale pau ole i ke ahi, oia hoi i hale uinihapa paha, hale pohaku, a i ole, hake paha i hanaia me ka metala, a e hanaia kela hale ma ke ano ku i ke ano noeau a lawa i ka aponoia e ke Kuhina, a no na kumu lilo aole e emi iho malalo o kekahi huina i haiia; a e panihakahaka kupono ia aole e emi malalo o elua-hapakolu o kona waiwai io no ka pomaikai o ka mea hoolimalima; a e malamaia kela ano hale ma ke ano paa maikai no ke koena aku o na makahiki o ka palapala hoolimalima, koe wale aku no ke ano kahiko a apalu iho o ka hale, ma o ka hoohana kupono ia ana, a me ko ke au no hoi o ka manawa; a ina e poino a pau paha ia ano hale i ke ahi, e hana hou ia a maemae e like me kinohi ma o ka hooponopono ana a kukulu hou ana paha, a i ole ia, e hoihoi aku i ka huina i panihakahakaia i ka mea hoolimalima.
Pauku 4. E hookomo ia maloko o kela ame keia palapala hoolimalima o ia ano ma ka aoao o ka mea e hoolimalima aku ana, i ka olelo hoopaa, e ae ana, ina mamua o ka pau ana o kona manawa hoolimalima e noi mai ka mea hoolimalima mai, a o kona mau hope paha, ma o ka palapala i kakauia, alaila, ina ua malama pono ia na kumu aelike e hanaia ai e ka mea hoolimalima aina, e waiho aku i ke kudala ka palapala a hoolimalima o ia aina no ka manawa aole e oi aku mamua o iwakalua makahiki, ina aole i makemake ia kahi i oleloia no na hana o ka lehulehu, a no ia mea e haawiia aku i ka mea nana i hoolimalima ka hoolaha no ia mea no ka manawa aole e emi malalo o hookahi makahiki. E malamaia ua kuai kudala ana la aole e oi aku mamua o eono mahina mamua iho o ka pau ana o ka manawa i oleloia.
O ke kumulilo o ka hale e kuuluia ana e like me ka Pauku 2 e like me ia maluna ae nei, aole e emi ia kumulilo malalo o $6000.
O na materia e hanaia ai ke kukuiuia ana o ka hale i oleloia ae nei, he pohaku uinihapa no ia, a i ole, he pohaku maoli ame ka hao.
E ikeia no ke kii o keia Apana Aina ma ke Keena Kalaiaina, Honolulu, Oahu.
J. A. KING,
Kuhina Kalaiaina.
Keena Kalaiaina, Nov. 15, 1898.
2729-3t
Elua mau Ninau i pane ia.
Heaha ka waiwai o kou nana ana i waiwai oi aku o ka maikai mamua o ka kou hoa paonioni, ina e loaa ole ana ia oe he kumukuai oi aku o ka maikai?
Pane.—No ka like loa ana o na kumukuai o na waiwai elua, e kuai auanei ka lehulehu i ka mea oi aku o ka maikai, a nolaila, o kahi puka e loaa mai ana ia makou he uuku no paha ia, ma ke ana uuku loa, aka, e mahuahua ana no nae ia ma ka huina houluulu nui o na puka.
Pehea e maopopo ai i ka lehulehu o ka oukou ka mea oi loa aku o ka maikai?
Ina e hoounaio ia aku ana na waiwai elua imua o ka lehulehu, e hoao like ia ana laua a i elua, a e haawi koke ana ka lehulehu i ka lakou olelo hooholo maluna oia mau mea elua, a e lawe wale ana no lakou i ka mea oi aku o laua.
O keia ka mea e hoomoakaka ana i ke kumu o ka nui o ke kuaiia ana o ka Laau Kunu a Kamalena. Ua inu na kanaka i keia laau no na makahiki he lehulehu, a ua ike lakou he laau ia i hiki ke hilinaiia i na wa apau. Malia paha e lilo ana no lakou ma kekahi mau laau e ae, mamuli o na ohohia ana o ka manawa, a me na hana hoikeike ano hou, me na olelo haanui, aka, e hoi hou mai ana no nae lakou i ka laau mua a lakou i ike ai he hiki ke hilinaiia, a no ke kunu, ke anu ame ke kunu ho, aohe lua e loaa ka Laau Kunu Ola a Kamalena. E kuaiia ana e na poe kuai laau apau. O Benson Smith & Co. na Agena no Ko Hawaii Pae Aina.
KA
NUPEPA KUOKOA
No ka Makahiki $2.00
No Eono Mahina 1.00
Kuike ka Rula.
PUKA ANA. 1 Pule 2 Pule 3 Pule 1 Mal. 2 Mal. 3 Mal. 1 Mak.
Iniha $1.50 $2.00 $2.50 $3.00 $5.00 $6.75 $12.00
2 Iniha $2.00 $2.75 $3.50 $4.00 $7.00 $9.00 $15.00
3 Iniha $2.50 $3.50 $4.50 $5.00 $9.00 $12.00 $18.00
4 Iniha $3.00 $4.00 $5.00 $6.00 $11.00 $13.50 $21.00
5 Iniha $3.50 $4.75 $6.00 $7.00 $12.00 $15.00 $24.00
6 Iniha $4.00 $5.50 $7.00 $8.00 $18.00 $16.50 $27.00
O na Olelo Hoolaha a pau e hoouna ia mai ana no ka Hoolaha maioko o keia Nupepa, e hoouna pu mai me ka auhau, a ina aole, aohe hookomo ia.
HOOP@ E KA
HAWAIIAN GAZETTE CO.
A. W. PEARSON, Luna Nui.
JOSEPH M. POEPOE, Lunahooponopono.
Honolulu, Oahu.
POALIMA, DEKEMABA 2, 1898
Ma keia Poakahi ae, e weheia ai ka Ahaolelo Nui o na Mokuaina huiia o Amerika Huipuia, a ma ia wa e waiho aku ai o Peresidena MaKinile i kana olelo hoike pili Aupuni no ke kulana o ke Aupuni ame na hana hou i makemakeia no ka pono o ke Aupuni. Ma keia akoakoa ana mai o ia Hale e waiho ia aku ai ka hoike a kela Komisina Hooponopono Kumukanawai hou o Hawaii nei, a oia hoi kahi e ike maopopoia ai ke kulana Aupuni e loaa mai ana ia kakou ma Hawaii nei.
O ka Poakahi nei, oia ka la 28 o Novemaba, a oia ka La hoomanao Kuokoa o Hawaii nei. Oia ke kuokoa i hooiaia mai ai e na Aupuni o Enelani ame Farani. A oia nohoi ke Kuokoa i aeia mai ai e Amerika Huiia. Aka, oia ke Kuokoa i kohu ole ke hoomanaoia e ke Aupuni o Hawaii i keia wa, oiai aia ke Aupuni Hawaii nona kela kuokoa i ikeaia ma ka la 28 o Novemaba, e na Aupuni o Beritania ame Farani, malalo o ka malu o Amerika Huiia. Ua pau ko Hawaii noho ana malalo o kela ano kuokoa, a eia o Hawaii i keia la ke kaana nei i ka nohoa kuokoa o ka Lahui Aerika holookoa. Aia a hiolo ke Aupuni o Amerika a lilo i mea ole, oia ka hiolo ana ame ka pau ana o keia kuokoa o Hawaii. Ma ka wa e hoopilikia ia ai keia kuokoa i loaa ia Hawaii, oia ka wa e lele like mai ai na miliona kanaka o Amerika Huiia e pulama i ke ku mau ana o keia kuokoa a Hawaii e paa nei i keia wa.
KA IMI OLA MA NA AINA E.
Aia maloko o na hoakaka a Hon. W. C. Achi no na mea e pili ana i kana huakai aku nei i Kapalakiko, Kaleponi, e ikeia ai kekahi mea ano nui i pili i ke ola o ke kanaka, oia hoi, ka hoike a kekahi kauka iaia, “Mamuli o ke ano wela o ka ea ma Hawaii (nei) o ke kanaka e hoopapau loa ana i ka hana me ka hoololiloi nui ole i kona wahi e noho ai, e lilo ana ia i mea hoo-howai i ke koko iloko o ke kino, a oia kekahi mea e hiki ole ai ke hiamoe i ka po; nolaila, o na poe e noho ana ma na wahi ea elike me Hawaii (nei) he mea pono e holo ma na wahi anu i kekahi manawa, a i ole, e holoholo mau ma na wahi ea mama o Hawaii i ole e howai ke koko.”
He mea oiaio keia. Ina e laweia ka waiu bata a hookokoke ia ma kahi o ka wela, a e waiho wale ia ae paha imua o ka wela o ka la, e hehee auanei ia; aka, ina e waihoia ana maloko o na pahu a holowaa i hoopihaia me ka hau, e paa ana ia a mau kona maikai. Mamuli io no o ka wela mahuahua i loaa i ko Hawaii nei ea, oia io na ke kumu nui e hoolahilahila ai ke koko, a oia hoi ka mea i kapaia he koko howai. O ka lilo ana o ke koko i mea howai, he kumu no ia e hoopilikiaia ai ke ola kino o ke kanaka.
Ua hoiia o Hon. Achi i ka oiaio o na olelo i hoikeia mai iaia e ke kauka ma Kapalakiko, a wahi nohoi ana ponoi i hoike mai ai imua o makou, ua loaa io maoli ke ola kino maikai iaia iloko o na pule elua wale no ana i noho ai ma Kapalakiko, a wahi ana, “o na dala i hooliloia e ke kanaka Hawaii no kona holo ana’ku mai Hawaii aku nei, ka noho ana ma na wahi kupono nohoi ma Kaleponi, ame ka hoi hou ana mai i ke one oiwi nei, mahope iho o ka hala ana paha o hookahi mahina ma na kaiaulu o Kaleponi, he mau dala poho ole kela.”
O keia no ke kumu nui o ko kakou ike ana i ka hapa nui o na haole kuonoono ma Hawaii nei e holo mau ana i na aina e. Malia paha, ua holo no kekahi poe o lakou ia mau wahi ma ke ano oihana, aka, ma ia wa hookahi no nae, e loaa ana no ia lakou ka pomaikai o ka ea huihui puanuanu oia mau kaiaulu a lilo no ka huakai pili oihana a ke kanaka i nee aku ai mai Hawaii aku nei i mea waiwai nui.
NA OLELO SENATOA HOAR O KA MOKUAINA O MAKEKUSETA.
Aole paha i hoopoina ko makou poe heluhelu i kahi mea e pili ana ia Senatoa Hoar, ma kona lilo ana i lima lawelawe ma ka aoao o na palapala Memoriala i laweia aku ai e na Komisina “Roialiti” ma ka hapa hope o ka makahiki, mai Hawaii aku nei, a iloko o ka Aha Senate. Ua loaa mai na lono i Hawaii nei mai Wasinetona mai ua lilo keia kanaka i “pukaua” ikaika no ke kokua ana i na koi a na “Roialiti.” A i mea hoi no ko makou poe heluhelu e ike maopopo ai i ke kulana maoli o keia kanaka ma ka mea e pili ana i kona manao no ke alahele e hiki ai ke lilo kekahi aina mawaho ae o Amerika Huipuia i hapa no ia Aupuni, a pela pu hoi me kona manao no ka Amerika keehina hana e lawelawe nei i keia wa ma Cuba, Porto Rico ame na mokupuni Pilepine, ke hoopuka aku nei makou i ka unuhina Hawaii o kekahi haiolelo ana i hoike ao ai imua o kekahi halawai makaainana i malamaia ma ka Hale Mekanika, ma ke ahiahi o ka la 1 o Novemaba aku nei:
“He makahiki keia i hooulu wehiwehiia me na kaau moolelo ame ka hanohano hoi. A ma kuu manao, ua hoomiua pu ia nohoi ia me ka pilikia. O ua pilikia ia, oia ko kakou hoololiia ana’ku mai ke kulana Aupuni Repubalika i kukuluia maluna o ka olelo kuahaua kuokoa, i alakaiia e na oleloao a Wasinetona, a i ke kulana Aupuni koaka o ke ano Emepaea, i kukuluia iho maluna o ka lima ikaika. Ua oleloia, no kakou o Porto Rico. Malia paha e lilo ia mai ana no o Porto Rico ia kakou. Aka, aole nae he mana ma ke Kumukanawai o Amerika Huipuia e haawi ana i ka mana e lalau aku i kekahi aina e aku, koe waie no ma o ke kuikahi la e aponoia ana e ka elua hapakolu o ka Senate, a i ole ia, mamuli o kekahi Kanawai i aponoia e ka Peresidena, na lunamakaainana ame ke senate. Ua oleloia nohoi, no kakou na Mokupuni Pilipine, mamuli o ka ikaika kaua, O nei mea, he poe kanaka—na kane, na wahine, na keiki, ka lahui—aole pono ke laweia mai lakou ma ke ano he waiwai pio mamuli o ke kaua ana, a i ole ia, i mau moepuu paha mai na kahua kaua mai. Malia paha, e loaa ana ke aponoia o keia ano hana maloko o na Kanawai kaua kahiko loa o na wa pouli, aka, ma ke Kumukanawai o Amerika, aohe wahi ona i aponoia ai.
“Ua olelo ae kekahi poe noonoo pono ole mawaena o ko kakou poe hoaloha, iloko o ka ulu mahiehie ana o ko lakou mau noonoo ana, ma kahi e welo ai ka hae Amerika, o kona wahi no ia e kau ai. Aka aole paha lakou makemake iki, e hooko io aku ko lakou aina ia rula a lakou i olelo ae ai Ua kau kakou i ua hae la ma ke kulanakauhale o Mekiko, eia nae, aohe i loheaia ka leo noi o kekahi kanaka e olelo mai ana, e mau aku no ka welo ana oia hae malaila. Ina e hoomauia aku ana ke kaua, e kukulu aku ana paha kakou i ua hae la ma na kapakai o Sepania, aka, aole paha kakou e makemake ana e hoomauia aku kona welo ana ma ia mau wahi. Ina e lilo mai ana na Mokupuni Pilepine ia kakou, alaila, mamuli auanei o na olelo hooholo hou loa iho nei a ko kakou Aha Kiekie, e lilo auanei kela ame keia keiki e hanauia ana ma ia mau mokupuni ma keia hope aku i poe kupa Amerika, e hiki ana ia lakou, me ke keakea ole ia, ke hele mai ia nei, a haalele iho hoi ia nei elike me ko lakou makemake. A e paa aku ana anei oukou ia lakou ma ke ano he poe makaainana Amerika lakou? Pehea la e koho ana anei oukou i luna ohi auhau lahui, ke pookela loa hoi o na kanaka i hele a maka-pa mau i kela ame keia home noho o ke kanaka Amerika? E hoomahuahua aku ana anei oukou i ka nui o ko oukou aie lahui ma na patausani?
“Aka, o keia mau mea apau a’u i hoike ae la, e komo mai ana no lakou iloko o na hooho leo nui ana no nei mea he Aupuni Emepaea. No’u iho, aole o’u manaoio iki a ua hoohuoiia mai nohoi ka inaina iloko o’u, i ka hoomaopopo ana e hahaola aku ana ka lahui Amerika iloko o keia mau hoololiloli ana.”
Ma keia haiolelo a nei kanaka kalaiaina kaulana o Amerika, ua hoike maopopo mai ia, he elua wale no alahele e hiki ai ke lilo kekahi aina mawaho ae o Amerika i kalana aina no ia Aupuni. O ka mua: Mamuli o ke kuikahi e aponoia ana e ka elua-hapakolu o na hoa o loko o ka Aha Senate; o ka lua: mamuli o ke alahele kau kanawai maoli, e aponoia ana e ka Peresidena, ka Aha Senate ame ka Ahaolelo o na Lunamakaainana. O ke alahele mua, aole ia o ke alahele i hoohuiia ai o Hawaii nei me Amerika; aka, aia ma ke alahele elua, ma ia alanui i hoohuiia ai o Hawaii nei me Amerika, ma o ke aponoia ana o ka Olelo Hooholo Hui a Lunamakaainana Newlands, e ka Hale o na Lunamakaainana, e ka Aha Senate ame ka Peresidena.
A mamuli o keia olelo hoike mai a Senatoa Hoar mai, ke lana nei ko makou manao e hoopauia ana ke kanalua o kekahi poe kanaha Hawaii noonoo kuhihewa nei i keia wa, aole i hui o Hawaii nei me Amerika.
He Kanaka Naauao.
He Loio kana Oihana.
Eia mawaena o kakou nei kekahi kanaka Aferika i hanauia ma Amerika, nona ka inoa o T. McCants Stewart. He loio kana oihana. Ua hanauia oia ma ka mokuaina o Karolina Hema, a he kanaha-kumamalima paha ona mau makahiki i keia wa.
He haumana oia i puka pono mai ke kulanui mai o kona mokuaina i hanau ai. Ua loaa iaia na degere ma ka ike maoli a ma ka ike kanawai nohoi. Ua noho a’o oia ma ke kula o Princeton, ma ka mahele akeakamai, a mahope iho ua holo aku oia i Europa a noho malaila no hookahi makahiki. He hoa keia keonimana “paele” no ka papa loio o Nu Ioka no na makahiki he 22, a ua holomua ka@a lawelawe a@a i ka oihana loio. No eono makahiki, he hoa oia no ka Papa Hoonanaauao o Brooklyn, a he lunahoomalu hoi no ke Komite Rula, a he hoa hoi no ke komite no na Haawina A’o a na haumana.
He hoa hui kana keikihiapo na ke keiki a ke Kiaaina o Wisconsin ma ka oihana kalepa waiu, a oia ke poo o kekahi hui hana waiu karima nui loa ma Amerika i keia wa. Ua oi aku ka nui o kana waiu e hoouna ai i Nu Ioka mamua o ka nui waiu e ae, ua hoopuka oia he nupepa pili oihana mahiai, a he ike hoi kona i hiliuai nui ia, ma na mea e pili ana i ka bata ame ka waiu.
Ua puka keia keiki hiapo mai ke kula lapaau mai o loko o ke kulanao Wisekonosiua, ma ka ike @uli i na ma’i o loko o ke kanaka.
Ua holo pu mai nei no kana wahine me ia i Hawaii nei, me ka laua kaikamahine. Ua hoonaauaoia o Mrs. Stewart ma Parisa.
He nui na palapala hoolauna maikai i loaa mai i keia kanaka mai na poe maka hanohano mai o Amerika, elike me Peresidena Kalivalana, R. Stewart Dodge, Kenerala Woodford, Kuhina Amerika mua i Sepania, Joseph H. Choate, ka helu ekahi o na @oio o Nu Ioka, Konela W. F. Allen, ame kekahi poe lehulehu e ae.
NA MEA HOU O KONA HEMA.
He 15 mau Olulo mai ka Moana lipolipo mai i pae i ka aina—He 20 La maluna o ka hokua o na Ale.
KA MOKU PAUAHI MA KA MO NA.
He 2,000 Mile ka mamao mai ka Aina aku @e@.
Mr. Lunahooponopono, aloha oe@ Eia hou no au me na hun@h@na o na nuhou walohia o na olulo mai ka moana kai lipolipo mai, a na kou eleu hoi ia e kukini mama aku ma na ipuka hale o na kini o kaua e hoike ana no keia nuhou wa@ohia.
Ma ka hora 12 a oi aku a @ mai paha o ke awakea Poaono, Nov. 26, o keia makahiki uo, ua ike ia aku la kekahi waapa ma kahi mamao ioa mai ka aina aku nei. A mamu@i o na manao kohokoho a ko uka nei poe, he waapa Kepani lawaia, aka, i ke kokoke loa ana mai no ka aina nei, aia hoi, ua ike pono ia aku ka hae Amerika e welo ana, a e hoike mai ana hoi i ke kulana pilikia i loaa ia lakou,
I ke kokoke loa ana i ko makou awa nei, ua eleu aku ko uka nei poe ma na waa, a pili ana i ka waapa, eia ka, he waapa poino me na olulo maluna ona, ua loaa maila kela lono walohia i ka Hope Makai Nui ame ka Lunakanawai nohoi, a ua kii ia lakou, a pau @ maila i ka pae iuka nei o ka aina, me ke ano nawaliwali o kekahi mau sela, a kaa aku la ko lakou malama ia ana na ke Aupuni, a mai a lakou i loaa mai ai ka moolelo walohia e pili ana no ka pilikia i loaa ia lakou ma ka moana, penei:
KA MOKU KALEPA POINO MA KA MOANA.
Ma ka la 17 o ka mahina o Okatoba, o keia makahiki no, ua haalele aku keia moku kalepa i kahi kulanakauhale o Taoensen ma Wakinekona me ka piha ukana o 1,200.00 a oi aku a emi mai kapuai papa, a e holo ana no Aferika Hema, i ka hiki ana i ka la 5 o Novemaba nei, ua hiki aku la ka moku i ka lonitu akau 13 degere, 10 minute, a i ka latitu hema hoi 121 degere 47 minute, a ma ka hora 10 a. m. o ua la nei ua ike ia aku ka @ahi e p@noh@ ae ana mamua o ka ihu o ka moku, a ua hoomaka koke ke kinai ia ana o ua ahi la, a hiki i ka hora 2 oia wanaao, ua ike iho la lakou na oi aku ka ikaika o ka a ana o ke ahi mamua o ka ikaika hiki ia lakou ke kinai, nolaila, ua haalele aku la lakou i ke ahi oiai e a ana, a ua hoomakaukau iho la lakou i na waapa no ke kau iho, a holo aku no ko lakou mau o@a iho mai na alelo ana ole mai o ke ahi.
O ka ni o na kanaka maluna o keia moku ke hui pu ia me ka wahine a ke kapena, ame ka laua mau keiki opiopio, he 22, i ka makaukau pono ana o ka waapa, ua kau iho ia lakou maluna o na waapa ekolu, ma ka mahelehele pono ana i na kanaka maluna o keia mau waapa, ko ka Hulipahu, Malamamoka ame @ ke @ kou apau i kau aka @ waapa, a hoio @ ia a @ ka moku mai @ aku la i ke lakou @ aloha, oiai ke @ hana @ a ke @
Oiai lakou e @ hiki i ka pau o ka a @ moku, oiai, ua pau @ a la, a haawi no lakou i @ hope l@a no ko @ aku la lakou @ ka @ lakou iho, ke @ ana wahi a lakou.
Ma ka auina @a o ka ia o @ lakou ia wahi, a @ holo like no, oiai lakou @ ma ka po o ka @a 20 o @ ua halawai iho la lakou @ ino nui makani, @ o lakou me @ ai ka waapa o ka Hu@ @ ka waapea o ka Mala@ keia huli ana o ka waapa o @ mamoku, make aku @ waapa, oia ke kuk@ a o @ ua @ loa @ ke Kapena waapa, a @ a ma ka @ Novemaba 26 @ ka aina nei me @ kahi mau sela.
O ka mamao @ moku, a hiki i ka aina @ m@e, a oi aku a @ mau @ lakou iloko @ ka @ m@ana, e kaupaona @ wahi mea ai, a @ he nui ka pilikia, wahi a lakou @ ua maha lakou no ke@ manawa @ muli o ko ke Akua aloha @
O ka waapa o ka Hu@ @ ia i ike ia, a hiki iho @ ana i ka aina nei, pehea @ aku la paha lakou, a i ole, @ la paha lakou i kahi @ lakou nei pae @ ka @ aloha ke Akua.
E Mr. Lunahooponopono @ paha keia ea, a @ ao, a hui hou aku.
Kou no.
@
Hook@, Kona Hem@ N@
Mahalo nui i kou @ makamaka. Thank you @
Na Ahika@ana @ ke Kana
Mai ha Nupepa Times-@ Kikako.
O na mahalo ana no na @ a o na @ hui o ke kaua @ i kukuni paa ia il@k@ o ka p@ kanaka, a e h@ea mai ana @ ma ka wa pono e @ heea ana mai, @ maka @ i ka @ hiki ole @ ke @
Mawaena hoi o ka p@ koa wiw@ ole ma ka @ iho nei o kakou @ fened@ Alanui Sedgwick, Kikako. He Au@turia o i a ma ka hanau ana, a i ka iwaka@ua o kona mau makahiki @ea mai oia i Amerika nei, a lilo koke @ i @ Amerika. E @ M@ mua o @ oia ma ka Pua@ A @ @wakalua-kumamaono o @ o Wisekonosina. Ma ka @ Po@, i @ i nei @ ma ke awawa @
Ma ka @ m@ i @ Gettysburg, @ Schiffender ma kona @ lilo @ kumu @ mahope mai. @ kekahi hapa @ ame Anderson@, a @ oia ma ke @. Hoi @, ka @ K@ Sherm@ aku @ a @ i ke kai.
Ma keia @ ho@ Schiffender @ hoo@ o ka opu, a, @ oluolu no @ makahiki @
Ua heluhelu iho ia @ H@ Kanaka N@ hookahi ma@ wahi @ a @ Hooholo iho ia @ Kuai iho @ maka iho @ Ua ola @ oia @ hou, @ ko’u puu @ ka a@ me ka maikai. Ua hiki @ i ka waiwai nui @
He kan@ ka@ana @ Schiffender @ kako, @ kona ohana i @ nei.
AHA @ NUI
E we@ @ @ Kaumakapili, ke @ keia mahina, he @ maka ana @ ahiahi. O a @ ia ana iaL@ o Ka@