Ka Nupepa Kuokoa, Volume XXXVII, Number 47, 25 November 1898 — Page 4
| This text was transcribed by: | Stephanie Kawamura |
| This work is dedicated to: | For my Great-Grandmother, Josephine Flores. |
Ka Nupepa Kuokoa
KE KILOHANA POOKELA NO KA LAHUI HAWAII.
Ke Aloha o kuu Makuahine
KE ALOHA O KA‘U MEA I ALOHA AI.
Ka Mana o ke Aloha.
He Moolelo Walohia.
(Unuhiia e Hoolale-a-Ka-Ua-Kukalahale no “Ke Kilohana Pookela o ka Lahui Hawaii.”)
HE HOOILINA WAIWAI NUI.
Ua pane mai la ka Barona wahine: “Auwe no ka hoi!”
Me ka leo oolea pane aku la no o Madame Lamabereta:
“Heaha la ko oukou ano?”
“E Josephine! E Josephine!” wahi a ka Barona wahine i pane mai ai.
“E manao hoi paha oe,” wahi a Madame Lamebereta i pane aku ai, “He mea keiki nohoi au elike la nohoi me oe. Aole anei oe i ike i ka hopena o kau mea i hana iho nei: o oe ame kau kane? Ke pepehi nei olua iaia.”
“E kuu Akua, e kuu Akua,” wahi a Adele i hooho ae ai,” o kau mea huaolelo ehaeha e hoopuka mai nei ia’u, e kuu hoaloha, ua piha loa ae la ke kiaha awahia o kuu ehaeha.”
“O my poor George! aloha ino no ka hoi kuu keiki,” i hooho ae ai o Madame Lamabareta. “Ua nui kona aloha ia Alice, a ua aloha nohoi o Alice iaia. Nolaila, ma ko’u manao, nau, a i ole ia; na kau kane o hookikina e mare o Alice me keia Kauna?”
“Aole; e kuu Josephine aloha. Aole na’u o Alice o koi aku e mare oia me ke Kauna. He mare keia na’u i hoowahawaha loa ai, a o ka’u kane no hoi kekahi i makemake ole i keia mare. E kuu Josephine aloha, aole o’u hoahewa ia oe no kou noonoo ana ae me ka walohia no kau keiki; aka, e aloha mai nohoi oe ia’u. Ua hana au me kuu ikaika apau e hooko ole ia keia mare, aka, aole nae i hiki ia’u ke akeakea aku i ka hoea ana aku o ia mea i ka hooko io ia ana. Ua noke aku au i ka uwe ame ka huhu ana nohoi iaia—ae—ia Alice, a o ka mea i loaa mai ia’u, oia ka hiki ole ana i kona noonoo ke hoonaueueia ae. Ua kamailio aku nohoi au iaia no George me ka olelo ana, ua aloha oia iaia me kona naau apau; a o kana i pane mai ai imua o’u, ‘Ua aloha au ia George, elike me ke aloha ana a ke kaikuahine i kona kaikunane.’ A ua hoike pono mai no oia imua o’u, o keia Kauna Berene kana mea i aloha ai.”
“Pehea? Olelo mai ia, ua aloha oia i keia Kauna?”.
“Ae. I mea hoi e hopauia ai kou kuhihewa, e kuu hoaloha—e Josephine—e hele aku no oe e huipu me ia, a e ninau ponoi aku nohoi oe iaia?”
“Aole—aole. E hookuu aku no au i ko kaikamahine e hoopulakaumaka ana me ka hauoli no ka pomaikai e loaa ana iaia ma keia mare ana. Aole au e hele aku, e ike iaia. Ua hewa loa au i ko’u hele ana mai la. Goodbye.”
“E Josephine” i kahea aku ai ka Marona wahine, me ka wa a kona hoaloha i hoea aku a ii ka puka, “Ea, e Josephine, mai haalele mai oe ia’u elike me keia.”
“Aohe a’u mea e kamailio hou aku ai ia oe.”
“Auwe!” i hooho ae ai ka Barona wahine, hookah no o’u wahi hoaloha maopopo i koe, a eia nae oia ke haalele mai nei ia’u.”
Ma ia wa huli mai la o Madame Lamabereta a nana mai la i kona hoaloha, me na maka i piha i ke aloha, alaila, hoi hou mai la ia a honi mai la i ka Barona wahine, me ka olelo ana mai, “Ke mau nei no ko’u aloha nou e Adele,” a o kona wa no ia i haalele iho ai i ka rumi.
He umi paha minute mahope iho komo mai la o Alice iloko o ka rumi o kona makuahine, a olelo mai la:
“E mama, lohe mai nei au, ia nei iho nei o Madame Lamabereta. He oiaio anei ia?”
“O kona hala ana aku la no ia?”
“Nokeaha la hoi kou mea i keahea ole au nei ia’u? Makemake loa au e ike iaia.”
“Aohe one makemake e halawai me oe. Ua manao paha kela, he wa maikai ole keia nona e ike ai ia oe, oiai e lilo loa ana oe ma ka noonoo ana no na mea e pili ana no kou mare ana aku i ke kane.”
“Aole paha ia he hana pilikia o kona hele ana mai e ike ia’u. Pehea la, e hele hou mai ana no anei ia?”
“Ma ka’u hoomaopopo aku i kea no o kana olelo, me he mea la o kona ike hope loa ia ana mai la no ia ia nei.”
Ua like keia mau huaolelo a ka Barona wahine i pane aku ai imua o kana kaikamahine me kekahi mau pua pana i oili mailoko aku o kekahi kaula kakaka a ku pono i ka puuwai o Alice a ia wa i hiolo iho ai na waimaka ma kone mau papalina.
I ka ike ana aku hoi o kona makuahine i keia hiolo ana mai o kona mau waimaka, oia kona wa i kamailio aku ai:
“E Alice, e kuu keiki, aole i hala ka wa pono. E hai mai oe ia’u, e kuu keiki, aole ou makemake e mare i kela kanaka lapuwale, a ua hiki loa i kou mama nei ke hoopau koke i keia mare.”
Aka, ua @oloi ae la o Alice in a waimaka i kiheahea iho ma kona mau papalina a hoi ae la no kona ano a like me ko ka wa mua. Kamailio mai la ia no na makana i loaa iaia mai ke Kauna mai.
“E kuu Akua!” wahi a ka Barona wahine i hooho ae ai iloko iho ona, “heaha la hoi kea no o keia kaikamahine i nei wa, oiai nae, he puuwai kela i hiki ia’u ke heluhelu a ke ike aku i na mea i hanaia ma ia wahi? He mea oiaio, ua paniia na ipuka o kela puuwai ia’u nei.”
Ma is ahiahi iho, ua kakauinoaia iho la ka aelike mare mawaena o ke Kauna Berene ame Alice, imua o kekahi anaina o na maka hanohano apau o ke Kuna Berene i paina pu ai me ia ma kela ahiahi a Alice i hoea aku ai ilaila, a koe hookah o lakou, oia hoi, o Robata de Malatere.
“Aole loa au e lilo i hoike no kekahi o na hana lapuwale kiekie loa i hanaia ma Parisa nei,” wahi a Robata de Malatere i puana ae ai iaia iho, me ka olelo ana, “Ua oi aku ko’u makemake loa e lilo keia Kauna Berene i enemi no’u mamua o ko’u haalele ana i ko’u noho hoaloha ana no George Lamabereta.”
I kekahi kakahiaka ae hoi, loaa mai la ia Alice kekahi palapala mai kona makuahine bapatema mai, oia hoi o Madame Hardy. Ua hoi aku la ia a loko o kona rumi heluhelu iho la ia i ua palapala ‘la:
E kuu kaikamahine ma ka uhane—Ua hookaumaha loa ia au no ka hiki ola ia’u ke hele kino aku i kou la e mareia a ii ke kane. He ma’i ko’u e waiho ne ii keia wa, a ua olelo mai kuu kauka he rumatika ko’u. Ua nui ko’u noonoo ana no ka’u wahi makaua e haawi aku ai ia oe, ma ke ano he makana mare. Oi noonoo au, aohe wahi mea a loaa iki, nolaila, aohe a’u wahi makana oia ano ia oe, e kuu kaikamahine.
“Eia iloko o keia wahi palapala e loaa ana ia oe he wahi apana pepa uuku, a ua hiki nae ia oe ke hoolilo i ua wahi pepa la i dala a i gula paha elike me kou makemake. O ke dala e loaa mai ana ia oe, ua hiki no ia oe ke kuai aku i na mea au i makemake ai.
“A no ka mea hoi e pili ana i kou mare ana, e hai aku au ia oe, o ka ui i loaa ia oe, he mea ia e loaa ai ia oe he kane i oi aku o ka maemae imua o ke Kauna Berene. Aole nohoi paha au e olelo aku i keia mau huaolelo imua ou, e kuu kaikamahine, ina no la hoi paha he kanaka opiopio o Kauna da Berene. Aole hoi oia wale no; aka, ke kanaka maa loa kela o ka hana pili waiwai, i ka inu rama, ka ona, ame na hana maikai ole e ae no he nui.
“E kuu Alice, e hai aku au ia oe, ua ike pono kela lapuwale nui i kana mea e hana nei, mamuli o ka mare ana ia oe. Aole oia i poina iki i na olelo malu a’u i hoike aku ai iaia i kahi wa i kaa hope loa ae nei. Ua ike kela kanaka lapuwale, mamuli o ka palapala kauoha a hooilina hope a kuu kane i hala aku i ka make, ua hooiliia maluna ou he elima miliona hapaha farani ma ko’u wa e make ai. Aole no nae o’u wahi i koe. Ua kokoke loa mai no ka wa e ili aku ai keia huina dala maluna ou. Alice, kuu kaikamahine, aole oe he kaikamahine ilihune.
“Owau iho no me ke aloha nui ia oe.
“AMELIA HARDY.”
O kahi apana pepa i oleloia maloko o keia palapala, he bila kikoo ia ma ka Banako o Farani no ka huina o 50,000 hapaha Farani. Ua like hoi ia me $10,000.
O kahi nae o keia palapala i lilo i mea nui loa na Alice e noonoo ai, oia no na lalani hope e pili ana i ka elima miliona hapaha farani.
Ua lilo hoi i mea nana e ninau nui ai iloko iho ona, i na wa apau mahope mai o kona lohe ana ua makemake ke Kauna Berene e mare iaia, i ke kumu nui o ko keia Kauna makemake ana e mare me ia, oiai ua hoomaopopo no ia, aole i ulu mai ia makemake iloko o ua Kauna nei no kona aloha maole ia Alice; aka, mamuli o na mea i hoikeia mai iaia me keia palapala, akahi no oia a ike maopopo loa i ke kumu nui hookahi o keia mare ana ma ka aoao mai o ke Kauna.
A e kuu makamaka heluhelu, ke ike pu nei kaua o ke aloha o Alice i kona luaui makuahine, ke kumu nui o kona ae ana e mare i ke Kauna de Berene; a o ke kumu hoi o ko ke Kauna makemake ana e mare ia Alice no kona ike ana, e loaa ana ia Alice he elima miliona hapaha farani, ua like ia me $1,000,000.
(Aole i pau.)
Ma ka auina la o ka Poaha nei i hoihoi aku ai ke Keena Waiwai he $152,000 ma ke dala gula Amerika, he $14,856.90 ma ke dala keokeo ame ke dala pepa. He mau loaa auhau keia i ohiia e ke Keena Ohi Auhau o Honolulu nei iloko o 15 la wale no, oia hoi, mai ka la 1 a ka la 15 o keia mahina e nee nei.
NUHOU O NA AINA E
Ladana, Novemapa 7.—O na hoomakaukau ana a eBritania Nui no ke kaua, ua lilo ia i mea ano nui loa. I keia la, eia na pualikoa apau o ka Apana komohana ke houluulu nei, elike me ke kauoha i hoopukaia ma ka la inehinei e na poo o ka oihana koa ma Devonport, kahi hoolako a hana mokukaua ano nui loa maloko nei o ke Aupuni. Aia ma keia apana Komohana he lehulehu loa na pualikoa huluaa o ka eleu.
O kekahi mea ano nui loa hoi, oia ko Italia ikeia ana aku e hoomakaukau kaua ana, oiai nae mamua aku nei, ua nana ole ia aku ia, oiai o Enelani, Farani ame Rusia a pu-a-hi ana ma na hooliuliu ana. Ua kauohaia na mokukaua Italia e hoakoakoa ia lakou iho ma ka Mokupuni o Haddalena no na hana hoikeike aumokukaua. Ua manaolo loa ka nupepa Italia Militaire, e kaua aku ana no mawaena o Farani ame Enelani, a ua hoike ae hoi ia, ina e hoea mai ana ia manawa, alaila, o ka hana pono wale no a Italia e hana ai, oia kona houluulu ana i kona mau mokukaua ame kona poe koa. O ka Mokupuni o Haddalena, kahi a na mokukaua e houluulu la, oia ke ki o ke kulana pale kaua moana o Italia.
Me he mea la o keia hana a Italia, he wahi leo kahoahoaia ana ia Rusia, ka mea nona na agena i kukakuka malu me ke Suletana o Raheita, ma ko kai Ula, kahi i noho hoomalu ai o Italia no kekahi wa loihi loa.
Ua loaa mai nei he lono mai Dover mai e hoike ana, ke aneane la ke aumokukaua akau o Farani e haalele aku ia Brest a holo aku ma kekahi huakai moana. Aole i maopopo e hui aku ana paha keia aumokukaua me kela aumokukaua hema o Farani e ku la ma Toulon. Aia hoi ke aumokukaua Beritania i houluuluia ma Gibaraleta ke kiai la no keia nee ana o ke aumokukaua akau o aFrani, a e hakilo ana hoi lakou ina paha e hoao ana keia poe mokukaua e holo mai e huipu me na moku me ka hema.
O keia ka la e halawai ai ke Komite pale kaua, a e malamaia ana ka lakou halawai ma ke ano malu loa. Ma ke kauoha a ke Keena Kaua, me he mea la aole na nupepa o Ladana nei e hoolaha aku ana i na mea e pili ana i ka hana a keia Komite.
Ke ikei aku nei ka hoonee ikaika ana o na hana ma na pa kapili moku, o ka oi loa aku nae ma Devonport. Mawaena o na mea ai i kauohala mai keia pa kapili moku aku, he elua miliona paona “cocoa,” he 1,500,00 paona barena a he 160,000 galani rama.
Eia na mokukaua Pincher ame Blazer ma ka pa kapili moku, ua pau pono laua i ka hoomaemaeia. Eia ke hoomakaukauia nei kela ame keia moku o ke aumokukaua Beritania i kupono no ka hana, no ka au ana aku i ke kai.
Ua lauhala ae ka lono a puni o Ladana nei, e koiia auanei o Beritania Nui e hana aku i keehina hana maopopo loa ina e hoounaia ana na mokukaua poopuipui a o na koa paha o Farani ma kona mau panalaau.
E hoike ana ua lono la mai Sana Pateroboro, ua piha inaina loa na nupepa o laila no ka pau wale ana o ka hoopaapaa ana mawaena o Farani ame Enelni no k mea e pili ana ia Fashoda, a pela pu hoi me ka Enelani mau hana ma ka mea e pili ana i ke alawai oki o Sueza, a e lilo ana ia i mea noonoo lahui ia ai e na mana nui o Europa.
HOOMAU NO KA AETO I KA HOOMAKAUKAU KAUA.
Wasinetona, Nov. 14.—Mamuli o ke ulolohi loa o na hana a ke Komisina Kuikahi e noho nei ma Parisa, ua lilo ia i mea hookupilikii loa mai i ka noonoo o ka Peresidena, ma ka mea e pili ana i kana hoike e waiho aku ai imua o ka Ahaolelo ma keia mahina ae. Ua olelo ae hoi ia: “Aaole o makou manaoio iki, e loaa ana he mahae mawaena o na Komisina o na aoao elua ma ka lakou mau hana ma Parisa, aka nae, e hoomakaukau ana no kakou no ka wa e hoea mai ai he hana.”
Ua laulaha ae ka lono ma Wasinetona nei, ua kauoha aku nei ke Keena Kaua Moana e houluulu na mokukaua apau ma ke awa o Hampton. Me he mea la he hoomakaukau ana keia a ke Aupuni no ka wa e ikea ai ka mahae a kuikahi like ole ana o na Komisina, a oia ka wa e hoounaia aku ai keia poe mokukaua no na kapakai o Sepania.
KE KOI A AMERIKA IA SEPANIA.
Nu Ioka, Nov. 14.—Ma ka Poakolu ae nei e waiho aku ai o Lunahoomalu Day ame kona mau hoa he palapala imua o na Komisina Sepania e koi ana e hookuu o Sepania i kona mana apau maluna o ka Pae Aina o Plepine.
NA HOOLIULIU LAKO KAUA ME MOKUKAUA.
Norfolk, Va., Nov. 14.—E hoounaia aku ana ma ka Poakahi ae nei he 20,000 poe poka pahu o eono paona ke kaumaha i ka Pa Kapili Moku ma Mea Ailana. ekolu kaa-ahi lawe ukana e hiki ai ke lawe aku i keia mau lako kaua ai ke lawe aku i keia mau lako kaua no ia wahi. Ua loaa mai na kauoha i ka Pa Kapili Moku e hana ia ka mokukaua Princeton me ka awiwi loa, hiki koke ai oia ke hui aku me na mokukaua e akoakoa ae ana ma ke Awa o Hametona. O ka makukaua Nu Ioka ka moku lawe hae oia poe mokukaua. Ua haawi pu ia mai nohoi ke kauoha e awiwi loa ia ka hanaia ana o na mokukaua monika Puritana ame Terror (Kaukaweli) i makaukau ai laua no ka hoohanaia ana iloko o ka wa pokole.
KE KULANA O NA KOMISINA SEPANIA MA PARISA.
Maderida, Nov. 15.—Mamuli o kekahi mau lono ano pili Aupuni, e kupaa mau aku ana na Komisina Sepania me Parisa, ma ke kulana mua a lakou i lawe ae ai i kinohi no ka mea e pili ana i na mokupuni Pilepine, a e ae ole ana lakou i na kumu koi a Amerika Huipuia i waiho mai ai imua o lakou. O kekahi hoi, ina aole e hoihoi hou ia ae ana na kukakuka olelo ana a na Komisina o na aoao elua maloko o na palena o ka palapala alakai kumu no ka noonoo ana, alaila, ua hooholo na Komisina Sepania, aole lakou e kakauinoa malalo o kekahi maluhia. Ua lonoia ae nohoi, ua kakoo aku ke Aupuni o Sepania i keia manao o kona mau Komisina.
KA PANE A SEPANIA.
Parisa, Nov. 16.—Ma ka hora 2:15 o keia auina la i malamaia ai ka halawai a ke Komisina Amerika-Sepania, a pau no ma ka hora 3 p. m. Ua waiho aku ke Komisina Sepania he palapala loihi, ma ke ano he pane ia i na kumu koi a ke Komisina Amerika i waiho mai ai imua o lakou. Mamuli o ka aelike ana o na aoao elua, ua haawiia aku keia palapala i na Komisina Amerika me ka heluhelu ole ia ana, a ua hoopanee ka halawai a noho hou ma keia Poaono ae. E unuhiia ae ana keia palapala mai ka olelo Sepania ae a ka olelo Beritania i keia ahiahi, a ma ka la apopo e noonooia ai na olelo o ua palapala la e ke Komisina Amerika.
Ma keia palapala a na Komisina Sepania, ua hooia mai no lakou i ke kulana a lakou i lawe ai ma ka mea e pili ana i ko Sepania noho mana ana ma ka Pae Aina Pilepine. Ua koi lakou o na huaolelo i hoikeia ma ka palapala alakai kumu, ma ka Pauku II, oia hoi keia mau huaolelo: “E hooholo ai i ka noho mana ana, ka hoohana ana ame ka hoomalu ana i na mokupuni Pilepine,” aole ia he mau huaolelo e pili ana i ko Sepania unuhi ana mai i kona noho mana ana mai ka Pae Aina Pilepine mai, koe wale no mamuli o kona makemake ponoi iho; a nolaila, ke koi nei na Sepania e noonoo maoli ia keia ninau imua o kekahi aha uwao, a na ia aha e noonoo i ke ano o na huaolelo i hoikeia ae nei.
HOOKIKINA KEKAHI NUPEPA O PARISA IA SEPANIA E AE I KA AMERIKA KOI.
Parisa, Nov. 16.—Ua olelo ae ka nupepa Journal o keia la ma ka mea e pili ana i na hana a na Komisina Amerika-Sepania, penei:
“Ke manao nei makou o na koi kikoo@a ana a Amerika Huipuia, he kumu ia e aneane ai e hiki e loaa na kuka hololea ana mawaena oia Aupuni ame Sepania. O ka mea hiki wale uo ke hanaia, oia ko Sepania ae ana aku i ka Amerika mau koi.O na lono i lauahea ae no ke kokua ana mai o ka Emepera o Geremania ia Sepania, he kaao wale no ia. He mea pono ia Sepania ke nana nona ponoi iho. E hoomakaukau oia iaia iho no na hakoko e hoea mai ana ma keia mua aku.”
KA IKAIKA O KA AOAO REPUBALIKA MA KA AHA SENATE.
Nu Ioka, Nov. 9.—Penei ka hoike a ka nupepa Sun: He poe Repubalika kai puka ma kela ame keia o keia mau mokuaina eiwa oia hoi o Kaleponi, Nu Ioka, Dakota Akau, Virginia Hema, Delewea, Inidiana, Marilana, Nebraska ame Wisekonosini. Mamuli o keia mau loli ana i loaa mai i ka aoao Repubalika, e loaa ana ia lakou ka hapanui e holo pono ai na hana, ma ka hui pu ana me ke kuikahi me na hoa Repubalika o ka Hale o na Lunamakaainana ame ke Papa Hooko Repubalika.
O ke kulana e ku nei ka Hale o na Senate, he 44 poe Repubalika, 34 poe Demokarata, 5 Populiki, 4 poe Repubalika, Dala Keokeo, 2 Dala Keokeo, a 1 Kuokoa (Independent). Ma keia noho hou ana mai o ka aha Senate, e loaa ana i ka poe Repubalika he 53 poe hoa, mailoko ae o ka huina o 90 hoa.
Eia iho na Senatona Demokarata e pau ana ma ka la 4 o Maraki, 1889 ae nei, a e paniia iho ana ko lakou mau wahi e na poe Repubalika: Stephen M. White o Kaleponi, George Gray o Delewea, David Turpie o Inidiana, Arthur P. Gorman o Merilana, William N. Allen of Nebraska, James Smith, Jr., o Nu Ierese, Edward Murphy, Jr., o Nu Ioka, W. M. Roach o Dakota Akau, Charles Faulkner o Viriginia Komohana, a he mau hoa kekahi no ka Hale o na Makaainana.
O ka nui o na poe Repubalika ma ka Hale o na Makaainana he 188 na Demokarata, 161 na Populika ame Kuokoa he 8. Ua like me 19 ka oi o na Repubalika mamua o ka aoao Demokarata i hulia me na aoao e ae.
HOOMALUIA O HAWAII NEI E KA MANA KOA AMERIKA.
N Ioka, Nov. 15.—E hoike ana ka mea kakau o ka nupepa Herald mai Wasinetona mai no ka ano nui o ka palapala a ka Peresidena e waiho aku ai ma ka wa e weheia ai ka Ahaolelo. A mawaena o na manao he lehulehu, ua ikeia kekahi mea e pili ana i ke ano e hoomaluia ai na mokupuni o Amerika. Penei na mea i oleloia ma ua hoike la: “E hookaawaleia aku ana na hana hooponopono Aupuni kalaiaina maoli mailoko aku o ka nohona o na mokupuni. E kaa ana ko lakou hoomaluhia ana malalo o na alii koa, a na lakou e hooko aku i na hana kivila a oihana koa hoi ma na mokupuni.”
KA SENATOA MORGAN OLELO NO HAWAII NEI.
Wasinetona, Nov. 14.—Ma ka ninania ana aku o Senatoa Morgan i kona manao no ka mea e pili ana i ka Pae Aina o Hawaii, ua pane mai la ia:
“E haawiia aku ana ke kulana Aupuni Panalaau ia Hawaii ma keia noho an mai o ka Ahaolelo Nui. Aka, hookahi nae mea nui e pono e hana koke ia, oia ka hoomoeia ana o kekahi laina telegarapa moe moana a hoea ilaila. Ua maopopo loa kona waiwai. He mea pono ke hanaia e Amerika Huipuia nei a e noho mana ia nohoi e ia.”
KO EUROPA IKAIKA KAUA.
Aina. Na Koa. wa maluhia. Na Koa wa ka@@.
Rusia... 1,743,244 4,943,364
Geremania... 607,308 5,@98,180
Farani... 559,260 4,788,812
Beretania Nui... 220,199 637,863
Italia... 216,235 2,127,320
Auseturia – Hunegaria 277,192 1,@09,811
Tureke... 228,371 1,@6@,862
Sepania... 352,197 1,512,197
Suedena – Norewai... 40,440 2@@,440
Belegiuma... 54,839 170,939
Netherlands... 101,594 234,194
Denemaka... 27,720 117,136
Helevitia... 142,175 493,175
Bulegaria... 32,642 226,3@2
Serevia... 65,452 271,@@0
Roumania... 40,437 2@0,537
NA LILO NO KA OIHANA KAUA O EUROPA.
Beretania Nui.
Pualikoa (manaoia no 1898), $102,849,371; Aumokukaua (manaoio no 1898), $51,628,500.
Farani.
Pualikoa me Aumokukaua, $119,614,765.
Geremania.
Pualikoa (haawina dala no 1898), $50,463,072; Aumokukaua (haawina dala no 1898), $5,249,454.
NA LILO O KEKAHI MAU HOOUKA KAUA O KEIA AU HOU E NEE NEI.
Kaua Kivila (Amerika Haipa@@) $6,190,000,000.
Kaua mawaena o Farani me Perasia, $3,000,000,000.
Kaua mawaena o Rusia me Tureke (1877), $1,800,000,000.
Kaua mawaena o Auseturia me Perusia (1866), $1,000,000,000.
Kaua mawaena o Helene me Tureke (1897), $280,000,000.
Kaua ma Mekiko (1847-1848) $200,000,000.
Kaua o 1812, $240,000,000.
Kaua Kipi Kuloko (1776-183@, $350,000,000.
KELA AME KEIA.
Ma ka wa maluhia, o ka nui o na lilo no ka oihana koa i kela ame keia la, $8,000,000.
Ke poho o Rusia no ka pau ana o ke kulanakauhale o Mosekao i ke ahi, $120,000,000.
Iloko paha o aneane 300 makahiki ua hooli@o o Beritania Nui no nei mea he kaua, $6,795,000,000.
Ua manaoia, mai ka wa i hanau mai ai o Karisto a hoea mai i keia wa, ua hiki aku ka nui o na kanaka i make iloko o ke kaua, 4,000,000,000.
Ka nui i na kaua kaulana loa ma ka moolelo o ke ao nei (aole paha i helu ia na kana a Kamehameha I o Hawaii nei?—L. H.) ua hiki aku i ka 1,521.
KA LAAU HOOPIPILI MAIKAI LOA.
O kahi apana lole huluhulu i hooma-uia iloko o ka KAMALENA LAAU HAMO (Pain Balm) a wahi ae ma na wahi i eha, ua oi aku ia i na laau hamo e laau hoopili e ae. Ina e eha mai ka umauma, ka aoao, a ano hanene mai ke kua, e hoao i kela laau. E oi aku ana kou hauoli no ke@a laau mamuli o ka loaa ana inoe he ola hikiwawe. O kela laou “Pain Balm” (Laau Hamo) he laau hoola nohoi ia no ka rumatika (ke anu ame ka hu’i o na a-mi o ke kino). E kuaila ana e na poe kuai laau apau. Benson Smith & Co., na Agena no ko Hawaii Pae Aina.
Hoolaha Kumau.
Ka Ayer Laau Hoomaemae Koko.
SARSAPARILLA.
E hoomaemae oe i ko@ @ @ Ayer Laau Hoomaemae K@k@ @ (Sarsaparilla), o keia ka laau pahu@ @ @ kona ikaika hoo@a. Kupono @ @ laau no ka ma’i. Alaila, ma’i @ Puha, ma’i A@i,ma’i K@@@@@@ @ Puupuu oolohu, ma’i K@@@ po@@@@ ame na ma’i no apau e @@@ @@@ @@ mailoko mai o ke koko @ @ @ pono loa nohoi ke@a LAAU @ @ MAE KOKO A AYER no ka m@@ @@ lulu @ @ @ @ @ mauka @.
Ma ke ano he laau @ @ la, aohe ona loa. E kokua ana @ @ mea paahana o ka op@ ma ka h@@@@@@ ana i ka ai, hooikaika i ka hana @ a ke ake-paa @ @ hoi i na @a-lelo a @ @ @ ke kino i hele a naw@@@@@@@ @ @ ka luhi ame ka hoo@@@@ @ @ @ ma’i Ua ike na kauk@ @ @ @ wahi apau, he Laau @ @ Laau Hoomaemae Koko a @ @ laau ke@a i loaa no @oko m@@ @ @ pa’ipa’i ame ka hawaii a hoo@@ @@ naauao ia ana o na laau hoomaemae koko a hooikaika kino ikaika @ Aohe laau hoomaemae koko @@@@ @@ keia, a i makemake nua @a @@@@@ @@@@ me keia.
Ka Ayer Sarsaparilla.
Hoomakaukauia @ DR. @.C. AYER & CO.
Lowell, Mass. U. S. A.
Oia ka Ma’i Awa awahia o ka Opu i na Muaale a Ayer
No Keaha I HOOKAWELEWELE LOA AKU AI OE I KELA
AME ANU, KUNU PUU EHA?
Ua kaulana loa ka LAAU KUNU @ AYER (Ayer’s Cherry Pectoral @@@@ o na makahiki he aneane @@, @ @ hoola ana i na Ma’i o ka Puu ame @ Akemama, ke Anu, ke Kuau, ka M@ La Grippe, ame ka Ma’i Ma@a @ @@ @@@ Akemama. He @no ke@a l@au ma @@ inu ana, a he oiaio ke o@a.
AYER’S CHERRY PECTORAL
@a M@dala Cu@a mai @@ @ @ e @@ @@
Mai lawe i na Laau E@@ Hooka@@@@@ @@ @a@
Hollister Drug C@. Lt
Na Ag@@@ @@ @@ P@@@@@ @@@@@@
Kakela ME Kuke.
Ka Halekuai Nui
O NA
Waiwai Like Ole
O na Mea
HANA KAMANA A PAU
Na Lako @@@ @@@@ Kuk@l@ H@l@,
Na Kepa b@l@,
Na L@i @@@,
Na K@@@@@@@ @@@@,
Na Pahi,
Na Up@,
Na K@p@ H@@@,
@a P@@@@@@
Na Palau Lio
N@
Mea @ahi@i,
Na Au H@, Na Au K@i,
Na kua !ipi, Na lei bipi, Na k@@@@@@ @@@@
Na @@@@ p@, N@ k@@ p@@@@@,
Na mea p@@@@, Na
Ipu@@@.
Makau ME Aho Lawaia
Na Iliwai... Na Pak@k@
Na K@@@... Na @@@@@@ @@@@
Na H@@@ P@@@... Na Kapu H@@
Na P@h@@@... Na P@@@@
Na P@na me Aila... Na K@@@@@@@@
Na Kopa... Na U@@@@ @ @@
Na Aiia Mahu... Na Ipukak@@
Mikini Humuhumu Ka@ @ana a
Wilcox & Gibbs
Hookahi Lopi.
KA REMINGTON, Elua Lopi.
A me na ukana he nui wale @ kela a me keia ano.
Kakela me Kuka