Ka Nupepa Kuokoa, Volume XXXVII, Number 46, 18 November 1898 — Page 2
| This text was transcribed by: | James Kirkendall |
| This work is dedicated to: | Mohala Hou Foundation |
Ka Nupepa Kuokoa
KE KILOHANA POOKELA NO KA LAHUI HAWAII.
Hoolaha Alana Hooko
HOOLOLI I KAHI E KU AI KA PA AUPUNI MA KA APANA O KOLOA, KAUAI.
I kulike ai me ka Pauku I o ka Mokuna XXXV. o na Kanawai o 1888, i keia la i hoololi ai au i kahi i ku ai ka Pa Aupuni maloko a ka Apana o Koloa, Kauai, mai Kuikuiula a i Puukohekohe maloko o ua Apana la.
O Mr. Jacob Kauia ka Luna Pa Aupuni o ua Pa Aupuni la.
J. A. KING. Kuhia Kalaiaina. Keena Kalaiaina, Nov. 1, 1989. 2729-3t
HOOLAHA AINA AUPUNI.
Ma ka Poaono, Dek. 17, ma ka hora 12 awakea, ma ke Keena o W. O. Aiken, Paia, Maui, e kuaiia aku ai ma ke kudala akea, malalo o na kumu aelike kuikawa e pili ana i na hookaa ana ame na hana hou, keia mau apana aina ma Nahiku, Koolau, Maui.
Apana 9 95.26 eku kumukuai oi $333.41.
Apana 38 108.25 eka kumukuai oi $216.50
Apana 29 48.45 eka kumukuai oi $84.78.
Ma ia manawa a ma ia wahi hookahi no e kuaiia aku ai no ke dala kuike, he 26 mau apana liilii a koena hoi o ka aina kalo o ke Awawa o Kahakuloa, Maui, mai 1-30 a 1/4 eka o ka apana hookahi. Kumukuai oi aku mamua o $100 no ka eka.
No na mea aku i koe, na kii, a pela aku, e ninau ma ke Keena o W. O. Aiken, a i ole, ma ke Keena Aina, Honolulu.
J. F. BROWN. Agena o na Aina Aupuni. 2729-4t
KUAI O KA HOOLIMALIMA O KA APANA HELU 19, PAUKU "B," HILO, HAWAII.
Ma ka Poakahi, Dek. 12, 1989, ma ka hora 12 o ke awakea, ma ke alo iho o ka Hale Oihana Hooko, e kuai ia aku ai ma ke Kudala Akea ka hoolimalima o ka Apana Aina Aupuni Helu 19, e waiho la ma ke kihi o na alanui Frant ame Shipman, Pauku "B," Hilo, Hawaii.
Manawa—21 makahiki.
Uku Hoolimalima oi aku maluna o $100. E uku mua ia ana i keia ame keia hapalua-makahiki.
O ke kuai ana i keia hoolimalima, aia no ia mamuli o ke kumu aelike, oia hoi, e kukulu no ka mea hoolimalima iloko o eono mahina mai ka la aku o ka hoolimalima ana i hale makeke kupono maluna ino oia wahi, nona hoi ke kumuliio aole e emi ino malalo o Elua Tausani Dala.
No na mea i koe e pili ana i na kumu aelike o keia kuai ana e loaa no ma ke noi ana ma ke Keena Oihana o ka Makai Nui o Hawaii ma Hilo, Hawaii, a ma ke Keena Kalaiaina ma Honolulu, Oahu.
J. A. KING. Kuhina Kalaiaina. Keena Kalaiaina, Nov. 10, 1898. 2729-3t
HOOLAHA AINA AUPUNI.
Ma ka Poalua, Dekemaba 20, 1898, ma ka hora 12 o ke awakea, ma ke alo iho o ka Hale Oihana Hookolokolo, Honolulu, e kuaiia aku ai ma ke Kudala Akea na Hoolimalima o keia mau Apana Aina Aupuni mahope ae nei:
Molokai—
O ka moo aina i ikeia o Punaluu, maloko o laila he 89 Eka aia ma kapa kahakai aneane 6 mile ma ke komohana ae mai Kaunakakai aku, a he aina kula hapa pa ia, a he aina kaheka paakai nohoi.
Manawa Hoolimalima 21 makahiki.
Uku hoolimalima oi aku $250 no ka makahiki. E hookaa mua ia ana i kela ame keia hapalua makahiki.
Maui—
Eono mau koena Aina Aupuni ma ka Apana o Kipahulu, moloko o laila he huoina Ili (area) o 156 Eka, oi aku a imi mai paha, e aina ko a hanai holoholona.
Manawa Hoolimalima 21 makahiki.
Uku Hoolimalima oi aku $400 no ka makahiki. E hookaa mua ia ana i kela ame keia hapalua makahiki.
No na mea i koi aku, na kii, a pela aku, e ninau i ke Keena Aina. Honolulu.
J. F. BROWN, Agena o na Aina Aupuni. Nov. 17, 1898. 2729-4t
KUAI O KA HOOLIMALIMA O KA APANA AINA AUPUNI HELU 18, MA AINA HOU. HONOLULU, OAHU.
Ma ka Poakahi. Dekemaba 19, 1898, ma ka hora 12 o ke awakea, ma ke aio iho o ka Hale Oihana Hooko, e kuai ia aku ai ma ke Kudala Akea ka hoolimalima o ka Apana Aina Aupuni Helu 18, ma Aina Hou, Honolulu, Oahu.
Manawa 36 Makahiki.
Uku Hoolimalima maluna aku o $360 no ka makahiki. E uku mua ia ana i kela ame keia hapaha makahiki.
O keia kuai maluna no ia o na kumu aelike i hoakakaia ma na Pauku 2 me 4 o ke Kanawai 7 o na Kanawai o 1896, oia hoi:
Pauku 2. E hanaia i aelike maloko o kela ame keia palapala hoolimalima oia no, ma ka aoao o ka mea hoolimalima mai, e kukulu oia maluna o ka aina i hoolimalima ia iloko o na makahiki mua eha o ka manawa hoolimalima o ia palapala hoolimalima i hale pau ole i ke ahi, oia hoi i hale uinihapa paha, hale pohaku, a i ole, hale paha i hanaia me ka metala, a e hanaia kela hale ma ke ano ku i ke ano noeau a lawa i ka aponoia e ke Kuhina, a no na kumu lilo aole e emi iho malalo o kekahi huina i haiia; a e panihakahaka kupono ia aole e emi malalo o elua-hapakolu o kona waiwai io no ka pomaikai o ka mea hoolimalima; a e malamaia kela ano hale ma ke ano paa maikai no ke koena aku o na makahiki o ka palapala hoolimalima, koe wale aku no ke ano kahiko a apalu iho o ka hale, ma o ka hoohana kupono ia ana, a me ko ke au no hoi o ka manawa; a ina e poino a pau paha ia ano hale i ke ahi, e hana hou ia a maemae e like me kinohi ma o ka hooponopono ana a kukulu hou ana paha, a i ole ia, e hoihoi aku i ka huina i panihakahakaia i ka mea hoolimalima.
Pauku 4. E hookomo ia maloko o kela ame keia palapala hoolimalima o ia ano ma ka aoao o ka mea e hoolimalima aku ana, i ka olelo hoopaa, e ae ana, ina mamua o ka pau ana o kona manawa hoolimalima e noi mai ka mea hoolimalima mai, a o kona mau hope paha, ma o ka palapala i kakauia, alaila, ina ua malama pono ia na kumu aelike e hanaia ai e ka mea hoolimalima aina, e waiho aku i ke kudala ka palapala a hoolimalima o ia aina no ka manawa aole e oi aku mamua o iwakalua makahiki, ino aole i makemake ia kahi i oleloia no na hana o ka lehulehu, a no ia mea e haawiia aku i ka mea nana i hoolimalima ka hooiaha no ia mea no ka manawa aole e emi malalo o hookahi makahiki. E malamaia ua kuai kudala ana la aole e oi aku mamua o eono mahina mamua iho o ka pau ana o ka manawa i oleloia.
O ke kumulilo o ka hale e kukuluia ana e like me ka Pauku 2 e like me ia maluna ae nei, aole e emi ia kumulilo malalo o $6000.
O na materia e hanaia ai ke kukuluia ana o ka hale i oleloia ae nei, he pohaku uinihapa no ia, a i ole, he pohaku maoli ame ka hao.
E ikeia no ke kii o keia Apana Aina ma ke Keena Kalaiaina, Honolulu, Oahu.
J. A. KING, Kuhina Kalaiaina. Keena Kalaiaina, Nov. 15, 1898. 2729-3t
Ma ka mana o na Komisina o na Aina Aupuni, ua hookohuia aku o MR. E. S. BOYD i Komisina, a i Hope Agena no na Aina Aupuni no ka Mokupuni o Oahu, ma kahi o Mr. C. P. Iaukea, i waiho mai, e hoomaka ana ka mana oia hookohu mai ka la 1 aku o Novemaba, 1898.
J. F. BROWN, Agena o na Aina Aupuni. 2728-3t
Poakahi, Novemaba 28, 1898, he la "Kiulaia" Aupuni ia, e paniia ana na Keena Aupuni apau o ka Repubalika ma ia la.
J. A. KING, Kuhina Kalaiaina. Keena Kalaiaina, Novemaba 5, 1898. 2728-3t
I keia la i hookohuia aku ai o W. O. Aiken Esq., i hoa no ka Papa Alanui no ka Apana Auhau o Makawao, Mokupuni o Maui, ma kahi o John Wagner i waiho mai.
Eia na hoa o ka Papa i keia wa:
C. H. Dickey, Lunahoomalu. W. H. King, W. O. Aiken.
J. A. KING, Kuhina Kalaiaina. Keena Kalaiaina, Nov. 2, 1898. 2727-3t
KUAI KUDALA O NA LAIKINI AWA.
I kulike ai me na olelo o ka Pauku 18, Mokuna 64 o na Kanawai o 1896, hookahi laikini awa no kela ame keia Apana o na Mokupuni lehulehu e Kuai Kudala akea ia aku ana mawaena o ka la 1 ame 7 o Dekamaba, 1898.
O kela ame keia laikini no ka manawa ia o Hookahi Makahiki mai ka la 1 aku o Ianuari, 1899. O na kumukuai maluna aku o keia malalo iho nei, penei:
No ka Apana o Honolulu....$1000.00 No ka Apana o Hilo....500.00 No ka Apana o Wailuku....500.00 No ka Apana o Lahaina....100.00
O na Laikini no na Apana o Honolulu, Koolaupoko, Koolauloa, Waialua, ame Ewa ame Waianae ma ka Mokupuni o Oahu, e kuaiia aku no ma ke alo iho o ka Hale Oihana Hooko, ma ka Poalima, la 2 o Dekamaba, 1898, ma ka hora 12 awakea.
O na laikini hoi no na Mokupuni o Hawaii, Maui ame Kauai, ma ka la ame ka manawa maloko o ka manawa i kaupalenaia e ke Kanawai, elike me ka mea e hoikeia aku ana e kela ame keia Makai Nui, a e ko lakou poe hope paha. E hoikeia aku ana ka la ame kahi e kauiia aku ai maloko o na Palapala Hoolaha maloko o kela ame keia o ua mau apana la.
Ua makemakeia e waiho mai ka mea koho i lilo ai ka laikini i dala i like ka huina me iwakalua-kumamalima hapa-haneri o ka huina i lilo ai ka laikini, ma ka wa i haule ai ka hamare, a e lilo loa ia dala i waihoia mai ai i ke Aupuni ina e hookaa ole ia mai ka huina i kohoia iloko o elima la mai ka la aku o ke kauiia ana.
J. A. KING, Kuhina Kalaiaina. Keena Kalaiaina, Nov. 2, 1898. 2727-3t
I keia la, ua hookohuia aku o A. N. Hayselden Esq., i hoa no ka Papa Alanui no ka Apana Auhau o Lahaina, Mokupuni o Maui, ma kahi o R. C. Searle.
Eia na hoa o ka Papa i keia wa:
L. Ahlborn, Lunahoomalu. D. Kahaulelio. A. N. Hayselden.
J. A. KING, Kuhina Kalaiaina. Keena Kalaiaina, Oct. 28, 1898. 2727-3t
OLELO HOOLAHA I NA POE HOOKOMO MAI A HANA HOI I NA KAA.
Ke poloaiia aku nei ka poe apau i kuleana a i komo ma ka hana i hoikeia ae la, e nana aku i ke Kanawai 25 o na Kanawai o ke Kau Ahaolelo o 1898 e pili ana (i na apo Huila ame na Iho Huila) o ka oi loa aku nae o na kaa i hookomoia mai iloko o ko Hawaii nei Pae Aina, a o ka hanaia ana paha o ia kaa ua paa ia mahope iho o ka la 30 o Iune, 1898, a pela pu hoi me ka hoopai e kauia maluna o lakou no ka hookoale ana i na olelo o ua Kanawai la.
J. A. KING, Kuhina Kalaiaina. Keena Kalaiaina, Nov. 2, 1898. 2727-3t
Ka Nupepa Kuokoa
No ka Makahiki -- $2.00 No Eono Mahina ---1.00
Kuike ka Rula.
PUKA ANA} 1 Pule 2 Pule 3Pule 1 Mal. 2 Mal. 3 Mal. 1 Mak.
Iniha $1.50 $2.00 $2.50 $3.00 $5.00 $6.75 $12.00
2 Iniha 2.00 2.75 3.50 4.00 7.00 9.00 15.00
3 Iniha 2.50 3.50 4.50 5.00 9.00 12.00 18.00
4 Iniha 3.00 4.00 5.00 6.00 11.00 18.50 21.00
5 Iniha 3.50 4.75 6.00 7.00 12.00 15.00 24.00
6 Iniha 4.00 5.50 7.00 8.00 13.00 16.50 27.00
O na Olelo Hoolaha a pau e hoouna ia mai ana no ka Hoolaha maloko o keia Nupepa, e hoouna pu mai me ka auhau, a ina aole, aohe hookomo ia.
HOOPUKAKA E KA HAWAIIAN GAZETTE CO. A. W. PEARSON, Luna Nui. JOSEPH M. POEPOE, Lunahooponopono. Honolulu, Oahu.
POALIMA, -- NOVEMABA 18, 1898
HE KULANA KAMAHAO.
He hiohiona kupaianaha no ia e ikeia aku nei no na hana a kekahi mau poo Aupuni o Europa ma ka mea e pili ana i ko laila maluhia. Eia ka Emepera o Rusia ma ke alahele o ka hoakoakoa ana i na elele mai na mana aupuni mai apau o ke ao nei no ka noonoo ana i ka hiki ame ka hiki ole ke hoemiia ke kulana ikaika o na koa aina ame na aumokukaua o kela ame keia Aupuni. Aia hoi ka Emepera o Geremania ma ka aina Hemolele o Palesetina e hooko la i kekahi kumuhana ano nui loa ana i noonoo ai iloko o kekahi mau makahiki loihi i kaahope ae nei, oia hoi, ka hiki ana e hoolauleaia ka Pope o Roma me ka Moi o Italia, a wahi a keia Emepera i hoopuka ae ai, aia ka Pope o Roma ke noho mana nei maluna o na lunaikehala, oia hoi na lunamanao o ka hapa nui o na kanaka Karistiano ma ka honua nei apau.
Ke makemake nei keia Emepera o Geremania, e loaa ka noho lanakila ana i ka Pope, ma kona ano he Poo Ekalesia no ka Hoomana Katolika Roma, i mea e hiki ai i ua Pope la o Roma ke noho i lunakanawai kohoia ma kekahi mau ninau pili Aupuni apau e aia mai ana mawaena o kekahi mau aupuni nui o ke ao nei, o ka oi loa aku nae paha, oia na kuee e hoea mai ana mawaena o na lahui Katolika Roma. He hoolepope keia Emepera o Geremania, ke ole makou e kuhihewa he hoomana Lutera no paha kona, ka hoomana Ekalesia Aupuni hoi o Geremania. O Lutera ke kahunapule Katolika mua loa o Geremania i kue ikaika loa i ko ka Pope noho mana pookela ana maluna o na Ekalesia Roma, a o ka Emepera Wiliama o Geremania ke Alii mua loa oia Aupuni e ku nei a kakoo aku i ka Pope. He kulana kamahao no keia.
Ma ka hoomaopopo ana hoi i ke kuahaua a ka Emepera o Rusia, no ka hoemi ana i na ikaika kaua apau o kela ame keia aupuni, me he mea la, he hooko wale ana aku no ia i ka olelo wanana a kekahi kaula kahiko o ka Baibala, no ka mea e pili ana i ka hooliloia ana o na mea kaua i mau mea paahana mahiai. Aka, oiai nae keia mau hiohiona hoohoihoi manao e ku mai ana imua o ko ke ao nei, aia pu no ke nee ae la ma ka huina aouli o na hana a ua mau Aupuni nei, he mau ouli o na hooliuliu kaua ana.
Aia no o Rusia ke hoomakaukau la iaia iho, ma ka houluulu ana i kona mau mokukaua ma Port Arthur, ma Kina; a ma ia wa hookahi nohoi, aia oia ke paipai la i na Aupuni o Europa e huipu me ia ma ke kue ana mai ia Amerika Huipuia, ke makemake oia e paa i na mokupuni Pilipine.
Ma keia wa hookahi nohoi, aia o Geremania ua hana aelike kuikahi ae la me Tureke, ma ka manao ana o kekahi poe, he aelike pili kaua no keia mawaena o laua. Aia hoi ma na lono i loaa mai, ua hehi aku la @a kapuai o ka Emepera o Geremania i ka aina hemolele o Palesetine, a haawi makana mai la ia i ka Pope i kekahi lihi aina oia wahi, e hoike ana i kona makemake e hooko i ka hopena o kana mea i manao nui ai e hana aku no ka pono o ka nohona maluhia o Europa wahi ana.
Iloko no o keia leo kahea mai Rusia mai, "Ua oki na mea kaua," a pela hoi ka leo mai Geremania mai. "E laulea o Leo XIII, me Humebereta I, o Italia," aia o Enelani ke hookani la i kana pu e kahea ana ma ke kai a ma ka aina, "E ku me ka makaukau - ko na kai me ko na mauna," Eia nohoi o Amerika ke hookaheawai nei no i kona mau kanaka no Pilepine, kahi a Rusia e nana mai la me ka hoihoi ole. Aole hoi oia wale no, aka, ei ae kekahi mau "pilikua aumoana" ona ke nee mai nei no Hawaii nei, a hala loa aku no paha no Pilepine.
O keia mau mea apau, he ku no i ke kamahao ke nana iho. Ma ka houluulu ano nui ana i keia mau kulana, ua loaa no ka haina penei: E pau na pualikoa nunui ame na aumoku nui hewahewa, aka, e hoomakaukau no nae no ke kaua. Rusia. E noho aloha ka Pope me ka Moi o Italia, wahi a Geremania, aka, awaiaulu no nae ia me Tureke no ka hoomakaukau kaua. Kupaianaha o na kupaianaha, pau ko ke ao nei i ke kupaianaha.
Ke Kuahana Maluhia -: A KA :- Emepea Nikolasa o Rusia
Ua kokoke loa mai anei ke Au Milenio?
Ma ka la 24 o ka malama aku nei o Augate i hoouna ae ai o Kauna Muravie@, ko Rusia Kuhina o ko na Aina E he palapala i na luna Aupuni apau o na Aupuni e ai o Europa e noho ana ma ke aloalii o Sana Peteroboro, malalo o ke kauoha a ka Emepera o Rusia. O ka manaoa nui o ua palapala nei, oia no ka makemake ana o ua Emepera la e kukulu paa ia ka maluhia ma Europa holookoa apau, a ma kekahi olelo ana hoi, ma ke Ao holookoa nei apau, a ma ia wa hookahi nohoi e koi ana ua Emepera la i na Aupuni e ae o Europa ke hoeme iho i ko lakou mau ikaika apau. A i mea e maopopo pono ai i ko makou poe heluhelu ke kulana maoli o keia palapala ke hoolaha aku nei makou i ka unuhina ano nui i laweia mai e makou mailoko mai o ka nupepa Chicago Tribune:
"O ka malamaia ana o ka maluhia laulaha, ame ka hiki ana hoi e hoemiia iho o na hoolako kaua nui hewahewa ana, e kau koikoi nei maluna o na lahui apau, ke ku mai nei ia mau mea elike me ka mea e ikeia aku nei ma na kulana nohona o ko ke Ao nei apau ma ke ano he mau mea ia i pono e noonooia e na Aupuni apau. Ua hoohaliuia aku na manao aloha kanaka a mau manao hiwahiwa hoi o ke Alii ka Emepera, kuu haku ilihia hoi, e nana aku i keia mau kumuhana me ka hoomaopopo pono ana, ua kulike keia manao hiwahiwa me na pono ame na pomaikai i pili oiaio i na mana Aupuni apau; a ua manao hoi ke Aupuni Imeperiela (o Rusia) o keia ka wa kupono loa e imi ia ai na mea e hooholo pono ia ai keia mau kumuhana.
"O ka noonooia ana o na ninau pili Aupuni e na kukakuka Aupuni ana oia ke alahele palekana loa e loaa ai ka pomaikai oikelakela no na lahuikanaka apau, a oia pomaikai, oia no ka maluhia oiaio e mau loa ana; a maluna ae hoi o na mea apau, e hooki ana ia ka nee mahuahua mau ana aku o na hooiako kaua e ikeaia nei i keia wa.
"Iloko o na makahiki he iwakahua i hala ae nei, ua pii mahuahua maoli me ka maopopo loa ka makemake ame ka ani iloko o na lunamanao o na lahuikanaka apau e loaa nei ia mea he nohona maluhia laulaha, a no ka pulamaia ana o keia maluhia, ua lilo ia i kumuhana alakai Aupuni iloko o na Aupuni apau. Mamuli o keia inoa (maluhia) i hana ai na Aupuni nui he mau aelike kuikahi mawaena o lakou iho.
"He oi aku ka pono e hoopaaia ia mea he maluhia mamuli o na olelo hoopaa hooia mamua o ka hoopaaia ana oia mea mamuli o ka pii mahuahua ana o ka ikaika kaua me ka hoomauia ana nohoi oia pii mahaahaa ana o @a kaua me ka nana o@ ia o ka nui o na lilo.
"Eia nae, aoe loa i hiki iki i keai mau hooikaika ana ke hoohua mai i ka hopena pomaikai i makemake oia hoi ka maluhia.
KAOHIIA KA HOLOMUA.
"O na hoolilo dala ana e ka'i huakai pu ana me keia nee ana o na mea kaua, he mea ia i hookui aku i ka holomua ana o ka pomaikai o ka lehulehu. O ka naauao ame ka ikaika kino maoli o ka lahuikanaka, pela hoi ke dala ame nei mea he paahana ana ua hoohuliia ae la lakou, mai na auwaha maa mau mai e loaa ai he pomaikai. Ua hooliloia he mau haneri miliona dala no ka imi ame ka huli ana i na mea paahana weliweli no ka luku ana, a oia mau mea hoi, ua manaoia lakou i keia la, he mau mea paahana pookela loa i hiki i ka hopena hope loa o ka noeau o ke kanaka ke hoohua mai, aka nae, i ka la apopo e lilo ana ko lakou mau waiwai ia i mau mea ole mamuli o ka loaa hou ana he mu mea paahana oi aku o ka holo pono ma ia mahakea hookahi o ko ke kanaka noeau. O ka hooholomua ana i ke ola mohaha maikai o ka nee pono ana o ka nohona lahui, ame ka hooulu ana i ka waiwai, me he mea la ma ka nana aku, ua hoonawaliwali maoli ia, a ua kaohi maoli ia nohoi. Eia hoi kekahi, elike ma ka ratio o ka pii mahuahua ana aku o na hoolako kaua ana a kela ame keia Aupuni, pela ka ratio o ka emi ana o na hooko ia ana a ua mau aupuni ia i ke kumuhana i makemakeia ai e lakou e hana aku.
"O ka pilikia nele dala i keia wa mamuli o ke omoia ana oia mea he dala e keia hoomakaukau a hoopuipui lako kaua ana, ame ka pilikia mau e moe lolii ana iloko o keia auau mea kaua i hoomahuahuaia, ua lilo ae la ka maluhia e kakooia nei e ka ikaika o na mea kaua i keia mau la i haawe koikoi maoli e auamoia ana e na kanaka me ka hoomanawanui.
KE KO AKU NEI KEIA KULANA I KAHI E HOOUKAIA AI HE KAUA.
"H mea maopopo loa, ina e hoomauia aku ana keia kulana, e alako aku ana no ia i keia mau Aupuni e hoea aku i kekahi hopena weliweli e hiki ole ai ke alo ia ae, a o na weliweli o ia mau hana, ua kau e mai la no ka lia hopohopo o ka maka'u i keia wa no e nee aku ana.
"I mea e hoopauia ae ai keia mau hoomahuahua lako kaua ana, ame ka imi ana hoi i na hana e paleia ae ai na poino weliweli he nui e hoohahani mai nei maluna o ko ke ao nei apau, oia na hana koikoi loa e kau nei maluna o na Aupuni apau.
"Me keia mau manao, ua oluoluia e ke Alii ka Emepera ke kauoha ana mai ia'u e waiho aku imua o na Aupuni apau, no lakou hoi na luna Aupuni i hoonoho pono ia mai ma ke aloalii Imeperiela nei, no ka houluuluia ana o kekahi Aha Kuka no ka noonoo ana i keia kumuhana ano nui.
"O keia Aha Kuka auanei, mamuli hoi o ko ke Akua kokua ana mai, he hana kaulana ia no ke Keneturia e kokoke aku nei e hoomakaia kona holo ana aku. E hooliloia auanei na hooikaika pakahi ana, me ka oiaio, a na Aupuni apau i kiko-waena ikaika hookahi, e lanakila ai ka maluhia laulaha puni maluna o na mea paahana o ke kuee ame ka hakoko ana, a ma ia wa hookahi nohoi e kipapaia ka lakou aelike ana, ma o ko iakou hoolaa like ana i na kumu alakai o ke kaulike ame ka pono, a maluna oia mau mea e ku ai ka palekana ame ka pomaikai o na lahui apau."
KA LAAU HOOPIPILI MAIKAI LOA.
O kahi apana lole huluhulu i hooma-uia iloko o ka KAMALENA LAAU HAMO (Palm Balm) a wahi ae ma na wahi i eha, ua oi aku ia i na laau hamo e laau hoopili e ae. Ina e eha mai ka umauma, ka aoao, a ano hanene mai ke kua, e hoao i keia laau. E oi aku ana kou hauoli no keia laau. E oi aku ana kou hauoli no keia laau mamuli o ka loaa ana iaoe he ola hikiwawe. O kela laou "Palm Balm" (Laau Hamo) he laau hooia nohoi ia no ka rumatika (ke anu ame ka hu'i o na a-mi o ke kino). E kuaiia ana e na poe kuai laau apau. Benson Smith & Co., na Agena no ko Hawaii Pae Aina.
Ka Hui Alahao me Aina o Oahu
MAI A MAHOPE AKU O IUNE 13, 1898
MANAWA HOLO
WAHI HOO
LUL@
Mai Honolulu
Ho@
Manana
Wili o Ewa
Waaianae
Wa@
Waia@
WAHI HOO
LUL@
Olai waho mai
a i Honolulu
Waialua
Waianae
Wili o Ewa
Manana
Honolulu
G. P. DENISON, Luna. F. C. SMITH Luna Kuai Palapala.
HU HOU HAWAII
Aole e huhu a @ tausani poe Pukiki paaha@ nei.
E hoouna pololei mai @ ke Kuokoa ma ka imua Hawaiian Gazette Co., Honolulu, Oahu @ ka inoa o kahi mea e @
Ua hanau mai @ Keiki ma ke ahiahi @ i hala. Novemaba @ mohaha maikai
Ma keia Puakahi @ ka mokuahi Moko@ ka Home Bihopa @ na @ ma ke Kahua Mai Le@e poe puuwai ha@
Ua lilo aku nei ia H@ iho la ka hapalua okoa @ o ke Aupuni, a ke huipuia @ mau pualikoa i ma@ laila, ua palekana ke k@ o ka u@ Kinilihua.
Ma ka Poakahi nei @ Apana o Honolulu nei, ua @ Lunakanawai Wiliauki he @ like kepa i hanaia mawaena poe @ remania i @ mau makahiki ma ke kau@
O ka hookuku kino popo @ wawae i malamaia ai mawa@ Punahou ame kekahi poe koa @ mai ka Mokuaina mai o lewa ma Poakahi nei, ua loaa ia ka @ he hua nene (@) a he 21 ka @ keiki aukai
Ua pau i ka aihueia @ ka hale moa a Mr. Cha@ poe mua mo@ e kekah@ ma ka po Poaono nei. Ma @ keia o Kapalama-kai, o@ nana na moa i kai nei @ kauhale ma ia ahiahi.
Na ka mokuahi Coptie no Honolulu nei ma ka Poakahi hoea mai ai he elua mau @ Pilepine. O A Co@ ka inua @ o a M. Cortes ko kekahi. He @ naka aina nui laua no Ma@ hala loa aku nei @ kaua @ ma ka mokuahi Coptie ma @ Komisina e nunui ana i ka @ Nui o Amerika Huipuia, e ae @ hui aku i ma mokupuni o @ Amerika Huipuia.
Ma ka Poalua nei i hoopu@ kiure na lakou i hoolohe i ka @ a M. K. Kaiilikane kue i ka @ ahi o Waila ma, i ka olelo @ ka pono o ka mea houpii, @ $195 me ka ukapa@ pu @ mai ana mai ka la 18 o Aperila. He kui kela no ke poho i loaa hoopii mamuli o ka @ kapena o ka mokuahi M@ lawe i na eke kalo he @ hoopii, mai Halawa @ Molokai.
HE HOAILUNA OIAIO NO @ O KE KUNU KALEA
O ka hanapilo ana mai o ka @ keiki i loaa i ke kunu @ lona oiaio ka no ka @ mai o ka m@. Ina o haawiia @ LAAU KUNU a KAMALENA @ i hanapilo ai ka @ a mahope koke iho paha o ka @ ana mai ke ano Kunu Kalea he @ e paleia aku ai ka ili @ ana @ o ke kunu. He lehulehu @ kuahine he pue keiki ka @ i keia ano kunu i ma@ mau @ laau, a ua ike hoi kakou he @ kia i paleia ae a pela @ He hiki ke hilinai @ he maikai ka ina ana. E @ e na poe h@ apaa @ & Co., na Agena no K@ Hawaii@ Aina.