Ka Nupepa Kuokoa, Volume XXXVII, Number 45, 11 November 1898 — KE AU O KA AINA. [ARTICLE]

KE AU O KA AINA.

Ma ko makou hoomaopopo ana i ke kulana o ka aina i keia wa, ma ka m-ea e pili ana i ka liana ame ka liooulu waiwai ana iloko nei o ka aina, ua ikeia eia ke kahe-a-wai nei na hooholomua ia ana o ka oihana kanu-ko ma kela ame keia wahi o ka aina. Ke lu ia nei h-e man miliona dala iloko o keia hana. Aolē i kana mai ka nui o ke dala i lumaiia iloko o keia hana waiwai nui wale. A mamuli nohoi o na mea ,i hoikeia mai imua o makou ame na mea maoli nohoi a niakou i ike ai, eia na poe paa mahele kuleana iloko o na mahiko ke ohi nei i na puka o keia hana, ma ke ana kiekie loa, me ka luhi ole ame ka oluolu nohoi. ame ka auhau aupuni ole maluna o keia mau puka ame keia mau loaa. Ua maopopo, ua lilo ka oihana mahiko i oihana makua e huki ana 1 ka holomua o ka aina no keia mau mua aku. Mamuli o keia oihana e hoewe paa loa ia ai ka.hekau.ana mai o na waa kalepa kuloko a kuwaho ma ko 'Hawaii nei mau kapakai. He hale kipa o Hawaii nei na ka oihana kalepa kuwaho mai, e hele ana mai ka hikinua mai a hoea i ke komohana. Mamuli hoi auanei o ka lilo ana o na mokupuni Pilepine ma ka huli komohana mai Hawaii aku nei, i aina e paa ia ana malaio o ko Ameiika mana, e lilo ai ke alahele moana mai Amei'ika mai a hoea ia ne't a hoea loa aku i Pilepine i auwai e kahe mai ai na ha'na hooulu waiwai 110 Manila. a e lilo ana no o Hawaii nei i puu oioina e hoomaha ai na kamahele r aumoana, mai ka hikina mai a hoea i k« komohana, a mai ke komohana mai hoi a hoea i ka hikina. He mea maopopo nohoi. aole e liuliu loa na la mai keia la aku a hamama no ke ala wai oki o Panaima, a o Ni>kāragua paha. O ka ilina no nae o na hekau ana i na auwaa e hele mai* ana ma keia alahele o Hawaii nei no ia. !Ma ka nana pono ana ame ka hakilo pono ana i na hooneeia ana o na mea paahana e hooulu ma'huahna ana i ka waiwai ame ka lko mluna o ka aina, aole hiki ke -kanaluaia, eia na mea holke apau ke koi maii nei i ke kanaka mikiala hana, eia ke ko nei ke au o. ka aina no ke 'komo aku iloko o na wa e ulumahiehie mai ai na hana. i hihimanu me na pomaikai. Oia mau mea. apau, no ka pomaikai no ia o ke kanaka hana, a he nele hoi ko ka mea maka'u a hoohemahema i ka hana. :