Ka Nupepa Kuokoa, Volume XXXVII, Number 45, 11 November 1898 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

hoolaha Mana hooko

            Ma ka mana o na Komisina o na Aina Aupuni, ua hookohuia aku o Mr. E. S. BOYD i Komisina, a i Hope Agena no na Aina Aupuni no ka Mokupuni o Oahu, ma kahi o Mr. C. P. Iaukea, i waiho mai, e hoomaka ana ka mana oia hookohu mai ka la 1 aku o Novemaba, 1898.    J. F. BROWN, Agena o na Aina Aupuni.          2728-3t

 

            Poakahi, November 28, 1898, he la "Kiulaia" Aupuni ia, e paniia ana na Keena Aupuni apau o ka Repubalika ma ia la.   J. A. KING. Kuhina Kalaiaina.  Keena Kalaiaina, November 5, 1898.            2728-3t

 

            I keia la i hookahuia aku ai o W. O. Aiken Esq., i hoa no ka Papa Alanui no ka Apana Auhau o Makawao, Mokupuni o Maui, ma kahi o John Wagner i waiho mai.

Eia na hoa o ka Papa i keia wa:

C. H. Dickey, Lunahoomalu,

W. H. King,

W. O. Aiken.

                        J. A. KING,  Kuhina Kalaiaina.  Keena Kalaiaina, Nov. 2, 1898.                2727-3t

 

KUAI KUDALA O NA LAIKINI AWA.

            I kulike ai me na olelo o ka Pauku 18, Mokuna 64 o na Kanawai o 1896, hookahi laikini awa no kela ame keia Apana o na Mokupuni lehulehu e Kuai Kudala akea ia aku ana mawaena o ka la 1 ame 7 o Dekemaba, 1898.

            O kela ame keia laikini no ka manawa ia o Hookahi Makahiki mai ka la 1 aku o Ianuari, 1899.  O na kumukuai maluna aku o keia malalo iho nei, penei:

No ka Apana o Honolulu                    $1000.00

No ka Apana o Hilo                              500.00

No ka Apana o Wailuku                        500.00

No ka Apana o Lahaina                         100.00

 

            O na Laikini no na Apana o Honolulu, Koolaupoko, Koolauloa, Waialua, ame Ewa ame Waianae ma ka Mokupuni o Oahu, e kuaiia aku no ma ke alo iho o ka Hale Oihana Hooko, ma ka Poalima, la 2 o Dekemaba, 1898, ma ka hora 12 awakea.

            O na laikini hoi no na Mokupuni o Hawaii, Maui ame Kauai, ma ka la ame ka manawa maloko o ka manawa i kaupalenaia e ke Kanawai, elike me ka mea e hoikeia aku ana e kela ame keia Makai Nui, a e ko lakou poe hope paha.  E hoikeia aku ana ka la ame kahi e kuaiia aku ai maloko o na Palapala Hoolaha maloko o kela ame keia o ua mau apana la.

            Ua makemakeia e waiho mai ka mea koho i lilo ai ka laikini i dala i like ka huina me iwakalua-kumamalima hapa-haneri o ka huina i lilo ai ka laikini, ma ka wa i haule ai ka hamare, a e lilo loa ia dala i waihoia mai ai i ke Aupuni ina e hookaa ole ia mai ka huina i kohoia iloko o elima la mai ka la aku o ke kuaiia ana.

J. A. KING, Kuhina Kalaiaina.  Keena Kalaiaina, Nov. 2, 1898.      2727-3t

 

            I keia la, ua hookohuia aku o A. N. Hayselden Esq., i hoa no ka Papa Alanui no ka Apana Auhau o Lahaina, Mokupuni o Maui, ma kahi o R. C. Searle.

Eia na hoa o ka Papa i keia wa:

L. Ahiborn, Lunahoomaiu.

D. Kahaulelio.

A. N. Hayselden.

            J. A. KING, Kuhina Kalaiaina,   Oct. 28, 1898.                            2727-3t

 

OLELO HOOLAHA I NA POE HOOKOMO MAI A HANA HOI I NA KAA.

            Ke poloaiia aku nei ka poe apau i kuleana a i komo ma ka hana i hoikeia ae la, e nana aku i ke Kanawai 25 o na aKnawai o ke Kau Ahaolelo o 1898 e pili ana (i na apo Huila ame na Iho Huila) o ka oi loa aku nae o na kaa i hookomoia mai iloko o ko Hawaii nei Pae Aina, a o ka hanaia ana paha o ia kaa ua paa ia mhope iho o ka la 30 o Iune, 1898, a pela pu hoi me ka hoopai e kauia maluna o lakou no ka hooko ole ana i na olelo o ua Kanawai la.

J. A. KING,  Kuhina Kalaiaina.  Keena Kalaiaina.  Nov. 2, 1898.     2727-31

 

HOOLAHA AINA AUPUNI.

            Ma ka Poakahi, Nov. 21, ma ka hora 12 awakea, e kuai kudala ia aku ai, ma ka puka ma ke alo o ka Hale Oihana Hookolokolo, Honolulu:

            44 1/2 Eka aina ma Kamalomaloo,  Kauai, he aina awawa, aneane 3 1/2 mile mauka o ke Alanui Aupuni.

            Kumukuai oi aku maluna o $500.

            Kuike ke Dala, ma ke Dala Gula o Amerika Huipuia.

            No na hoakaka piha e ninau ma ke Keena Aina Aupuni.           J. F. BROWN, Agena Aina Aupuni.  Honolulu, Oct. 18, 1898.

 

KA

Nupepa Kuokoa

No ka Makahiki                      $2.00

No Eono Mahina                     $1.00

Kuike ka Rula.

 

PUKA             1          2          3          1          3          3          1

ANA               Pule     Pule     Pule     Mal.     Mal.     Mal.     Mak.

   Iniha                       $1.50   $2.00   $2.50   $3.00   $5.00   $6.75   $12.00

2 Iniha               2.00    2.75    3.50    4.00    7.00    9.00    15.00

3 Iniha               2.50    3.50    4.50    5.00    9.00  12.00    18.00

4 Iniha               3.00    4.00    5.00    6.00  11.00  13.00    21.00

5 Iniha               3.50    4.75    6.00    7.00  12.00  15.00    24.00

6 Iniha               4.00    5.50    7.00    8.00  13.00              16.50    27.00

 

            O na Olelo Hoolaha a pau e hoounaia mai ana no ka Hoolaha maloko o keia Nupepa, e hoouna pu mai me ka auhau, a ina aole, aohe hookomo ia.

 

HOOPUKAIA E KA

HAWAIIAN GAZETTE CO.

A. W. PEARSON, Luna Nui.

JOSEPH M. POEPOE, Lunahooponopono.

Honolulu, Oahu

POALIMA,                NOVEMABA 11, 1898.

 

KE AU O KA AINA.

            Ma ko makou hoomaopopo ana i ke kulana o ka aina i keia wa, ma ka mea e pili ana i ka hana ame ka hooulu waiwai ana iloko nei o ka aina, ua ikeia eia ke kahe-a-wai nei na hooholomua ia ana o ka oihana kanu-ko ma kela ame keia wahi o ka aina.  Ke lu ia nei he mau miliona dala iloko o keia hana.  Aole i kana mai ka nui o ke dala i lumaiia iloko o keia hana waiwai nui wale.  A mamuli nohoi o na mea i hoikeia mai imua o makou ame na mea maoli nohoi a makou i ike ai, eia na poe paa mahele kuleana iloko o na mahiko ke ohi nei i na puka o keia hana, ma ke ana kiekie loa, me ka luhi ole ame ka oluolu nohoi, ame ka auhau aupuni ole maluna o keia mau puka ame keia mau loaa.

            Ua maopopo, ua lilo ka oihana mahiko i oihana makua e huki ana i ka holomua o ka aina no keia mau mua aku.

            Mamuli o keia oihana e hoewe paa loa ia ai ka hekau ana mai o na waa kalepa kuloko a kuwaho ma ko Hawaii nei mau kapakai.  He hale kipa o Hawaii nei na ka oihana kalepa kuwaho mai, e hele ama mai ka hikinua mai a hoea i ke komohana.  Mamuli hoi auanei o ka lilo ana o na mokupuni Pilepine ma ka huli komohana mai Hawaii aku nei, i aina e paa ia ana malalo o ko Amerika mana, e lilo ai ke alahele moana mai Amerika mai a hoea ia nei a hoea loa aku i Pilepine i auwai e kahe mai ai na hana hooulu waiwai no Manila, a e lilo ana no o Hawaii nei i puu oioina e hoomaha ai na kamahele aumoana, mai ka hikina mai a hoea i ke komohana, a mai ke komohana mai hoi a hoea i ka hikina.

            He mea maopopo nohoi, aole e liuliu loa na la mai keia la aku a hamama no ke ala wai oki o Panama, a o Nikaragua paha.  O ka ilina no nae o na hekau ana i na auwaa e hele mai ana keia alahele o Hawaii nei no ia.

            Ma ka nana pono ana ame ka hakilo pono ana i na hooneeia ana o na mea paahana e hooulu mahuahua ana i ka waiwai ame ka iko miuna o ka aina, aole hiki ke kanaluaia, eia na mea hoike apau ke koi mai nei i ke kanaka mikiala hana, eia ke ko nei ke au o ka aina no ke komo aku iloko o na wa e ulumahiehie mai ai na hana i hihimanu me na pomaikai.  Oia mau mea apau, no ka pomaikai no ia o ke kanaka hana, a he nele hoi ko ka mea maka'u a hoohemahema i ka hana.

 

KA PAPA OLA AME KE KAHUA HOOMOANA O NA KOA AMERIKA.

            Ma ko makou pepa o kela pule aku nei i hoopuka aku ai makou i ka moolelo piha o na hana i hana e ka Peresidena o ka Papa Ola ame kekahi o na'liikoa kiekie o na koa Amerika i hoomoana ai mawaho ae nei o Waikiki a e hiki ana i ko makou poe heluhelu ke ike iho me ka maopopo. ua loaa mai la na olelo awahua mai kekahi aliikoa mai, a pakele hoi ia mai ka eha mai a kela koa i manao ai e kau mai me ka manao inaina maluna ona.

            Ua auamo ae ka Peresidena o ka Papa Ola i keia mau ehaeha apau ma Iuna ona, aole no kona hooko ana i kekahi hana no kona pomaikai a pono pilikino ponoi iho, aka, no ka pono ame ka pomaikai o ka lehulehu apau mai Hawaii a Kauai.  O ka hana malama ola a ka lehulehu kana i hooko aku ai.  No ko lakou pono kana i hana aku ai, a loaa mai la iaia no olelo ino ia ana ame ka aneane ana i kahi o ka hoehaia.

            O kona olelo ino ia ana, o kona aneane ana e hoehaia, no kona hooko ana i kekahi hana no ka pomaikai o ka lehulehu, ua lilo ia i mea hauoli loa ia e kekahi poe kanaka, a manao iho la lakou, mai oi loa aku ka pono ina ua eha io maoli oia.  Aka, iwaena o ka poe noonoo maikai a kaulike--na Repubalika ame na Roialiti--ua kaumaha loa lakou na keia hana i hanaia mai maluna o ka Peresidena o ka Oihana e kiai ana no ke oia ame ka palekana o ka lehulehu mai o a o.

            No makou iho, pehea la ka nui o ka like ole o ko makou mau manao me ko na luna aupuni o keia mau la e nee nei, ma na mea he nui e pili ana i kekahi mau hana, aole nae ia he mea no makou e koiia ai e kakoo aku i na leo hoonaikola a hoopahenehene i kekahi luna aupuni i loaa mai na hoinoia ana ame na pilikia kino maoli paha, mamuli o kona hooko pono ana i kana hana me ka ewaewa ole no ka pono o ka lehulehu.

            Aka, ua lanakila ka Peresidena o ka Papa Ola ma ka aoao o ke ola o ka lehulehu, ua haalele iho la ka puali koa nona ke aliikoa i hoao e a'e mai maluna o ka mana o ka Papa Ola Hawaii me ka olelo kuamuamu ame ka lima ikaika i ke kahua hoomoana a lakou i malama ole ai me ka maikai.

 

NA LETA.

ULUMAHIEHIE NA HANA OLELO HOOHOLO ROIALITI.

            Maloko o ka nupepa ke Aloha Aina (puka la) o ka Poakahi nei, Nov. 7, i ike iho ai makou i kekahi olelo hooholo mai kekahi Komite mai o ka Hui Aloha Aina o na wahine o Puna, Hawaii, a ke aie nui nei makou ia makamaka nupepa no ko makou lawe ana mai i ua olelo hooholo la:

            Oiai, akahi no a malama ia 'ko makou halawai aloha aina, nolaila, ua ulolohi loa ka makou pane kue ia lakou.

            Nolaila, e oluolu oe e Ke Aloha Aina e hoike ae i ka makou mau kumu kue ia lakou penei:

            O makou no na lala o ka Ahahui Aloha Aina Lala o na Wahine o Kalapana, Puna, Hawaii, ma o ko makou Komite la i koho pono ia, ma ka halawai i malama ia i Okatoba 30, 1898.

            Ma keia, ke hoike nei makou i ko makou mau manao kue, a me ka hilinai ole i ka memoriala a na wahine o ka Aha Kuwaena ma Honolulu i hana ai, no na kumu i hoike ia malalo iho nei:

            1.  Ko lakou hana a uauhi kaokoa an i memoriala na lakou, e kue ana i ka memoriala a ka Aha Elele Lahui a na kane a puni ka Paiaina i hana ai.  Oiai nae o kekahi mau lala no o ua Aha Kuwaena la o na Wahine kekahi i hana, kuka, a hooponopono pu i kela memoriala a ka Aha Elele o na kane i hana ai.

            2.  O ko lakou hoike hoopunipuni ana ae nei i ke akea, na ka Aha Elele Lahui o lakou a puni ka Paiaina i hana i keia memoriala a lakou i hana ai, oiai, aole a lakou kuahaua Aha Elele i kahea ai.  I hiki ai la hoi i kela a me keia ahahui lala ke koho i mau Elele no lakou, e hele ai e hana pu i memoriala no ko lakou mau ahahui ponoi.

            3.  Mamuli o keia mau hana kue a ua Aha Kuwaena la o na Wahine ua lilo ia he hana e hoomokuahana, ai i ka noho lokahi ana o ka lahui malalo o ko kakou moto kaulana i keia wa, oia hoi ke aloha aina.

            Nolaila, me 'ka minamina nui i ko kakou noho lokahi ana, a me ke kahua onipaa a kakou e ku nei, i ka hoolilo wale ia i mea ole e na hana kue a kela Aha Kuwaena o na Wahine.

            Ke hoike nei makou i ko makou mau manao kue oiaio, a me ka hilinai ole i ka memoriala a lakou i hana ai, ma na ano a pau, a ma na kumu hoi i hoike ia ae la maluna.

            Me ka oiaio,   O makou iho no o ke Komite:  Mrs. Lucy Keola Pea, Mrs. Mary Makua, Rebecca Kaiwi.  Kalapana, Puna, Hawaii, Novemaba 2, 1898.

 

NA HUNAHUNA MEA HOU O KONA AKAU.

            Mr. Lunahooponopono, Aloha oe:--He mau hunahuna mea hou liilii no keia o Ka Lai Malino a Ehu, e hu ai no hoi ka aka ke ike iho, a he mau mea hoohauoli no hoi kekahi, a he mau mea hookuhau no hoi kekahi i ka manao o kekahi poe.

            Eia ka mua:  1--Hulei lua na kaa.  Mahope iho o ka maikai ana o ke alanui o na Kona ai elua, ua ikeia aku na keiki lalawai o ua mau Kona nei e hoolako mai ana i mau kaa no lakou.  A pela pu no hoi me na malihini mai na aina e mai.  Ua lako a makaukau na kaa o kela ame keia ano;   ke ike aku oe ia la, heaha la ia, nonoha lua i muliwaa.  Ua nani no kela, he au hou keia o ka aina, ke oni ae la na hana hou, e hapai ae i ke kulana o ke ka naka mikiala hana a hookuonoono hoi.  A mai waena ae hoi o keia nui kaa apau o Kona Akau, hookahi kaa helu ekahi ma ka hoohelelei ohua, oia no ke kaa o kekahi o na Kaiko o Kona nei.  Aia maluna o ke kaiaiwa ke kumu i pau ai na ohua o keia kaa i ka hooheleleiia, aole paha oia i nana i ka pukoa nui mamua, a poino iho la.  No ka manawa mua, eha ia ka iwi aoao o kekahi lede:  no ka lua mai o ka manawa moku ia ka pepeiao o kekahi lede.  Manao au na Kaomoa paha kela lede.  Maikai hoi ha ke kaa, ua ao ia ka pepeiao i lohe.

            2.--Ka wili ko.  Eia ke kanu nui mai nei na Pukiki ame ka Hui o Jacob Coeper i na aina o Pu-a-a, Waiaha, na Kahului ame kahi hapa o Holualoa ekahi ame elua i ke ko.

            I ka nana aku i keia mau aina apau, uliuli ka ulu ana o ke ko, ua like me ka ulu ana o ke ko o na aina wai.  O ka poe mea aina nui, no lakou keia pomaikai i nee mai nei a ka puka ponoi o ka hale.  He mea pono nae e makaala ka poe mea aina nui e pili koke ana ma ka mahi ko, a e hoomanao oukou i ko Kohala poe.  O ka hapa nui o lakou, aole lakou ma Kohala i keia la, ua lilo lakou he poe malihini mai luna o ko lakou mau aina paa.  Nolaila, e ka poe mea aina nui ma Kona, leha ana na maka i ka lelo ae o ke gula a i ka hulali anapa mai hoi o ke dala, hoomanao ae no oe, e ke ke Aloha Aina no ka oi ae.  Aohe hewa, ke haawi ka aina i ka hoolimalima, a ma ka uku hapalua makahiki a makahiki okoa paha kau e lawe ai, a oia ke Aloha Aina oiaio.  I kuu manao ana, i na holopono keia hana mahiko a Jacob Coerper ma keia apana, he manaolana ko'u, e hoopau ia no kahi mau hemahema o na kupa o ka aina, a loaa ia lakou ka noho lako ana, a ke hauoli nei au no keia hana ano nui i komo mai iloko o ka aina.  Nani kela.

            3.--No ke Kope.  He makahiki hua nui keia o ke Kope i ka'u ike aku.  O ke kumu i piha pono i ka hua, he malili ka hapa nui o lakou a io ole, a maloo mai la iluna o ke kumu me ka ohi ole ia aku, a lilo kela hua nui ana i mea waiwai ole.  A na keia mea i hookuhau mai i ka manaolana mahi kope o kekahi poe o na Kona nei;  a o ka lua hoi o ke kumu hoemi mai ia manaolana kanu kope, o ke emi loa mai o an keneta no ka paona.  Ma na halekuai o Kona nei, haawi mai no lakou he 11 keneta no ka paona kope.  Ke hele aku hoi ma ka halekuai kukaa o Hakafila ma, "aia a piha he mau tausani paona," loaa ia oe he 12 keneta. 

            Ma keia, ua like ia me ka i mai, mai kanu oukou i ke kope, he hana waiwai ole.  Ma keia mau mea, ua hoonawaliwaliia ka manaolana, o kekahi poe mahi kope, a eia lakou ke leha ae nei na noonoo ana maluna o ka mahi ko, ke ole hoi e hamabata mai o Jacob Coeper.  Aka, e akahele no paha kakou, a pau poo a pau hiu auanei ia Punihaiki, kahi mano hi'u wiwi o ke kai.  No ka mea, o kahi mano no keia nana i nahu pu iho nei o H. N. Greenwell ame Manuel Gouveia.  E ao kanaka mai no, oia no ka hana naauao.

            Me keia mau mea liilii, ke kaohi mai nei au.    Ua lawa a no kahi wa aku.  Me ka mahalo.  D. A. Kona-Kaiopua, Oct. 27, 1898.

 

            (Mahalo nui ia oe, e ka makamaka, no kou hoouna ana mai i na mea hou o ua Aina Kaulana nei i ke "Kai Opua i ka La'i."  L. H. )

 

 

HUAKAI NO KA UA LANI HAAHAA.

            Ma ka Poakolu, Okatoba 19, A. D. 1898, ua kaahele iho la kou mea kakau nei i ke awa holu o Kahului me ka Hon. J. W. Kalua, Lunakanawai Kaapuni Apana Hookolokolo Elua, a kau aku la maluna o Claudine no ka ua Lani Haahaa, he 15 minute i hala ae o ka hora 11 a. m.  Ma ka hora 12:45 ku aku la makou no Keanae, hoomakaukau ia iho la na waapa me na ukana a pela pu hoi me na ohua a holo aku la no ke uka o ka aina, ia makou e holo ana a kokoke i Mokuholua ma kahi aneane elua kaulahao, ua ku mai la he mau nalu nunui a uhi pu ae la i ua wahi nei a makou e holo aku nei, a nolaila, ua hiki ole ia makou ke hoonee aku no mua a ua hoi hou makou no luna o ka moku.  Haalele iho la makou ia Keanae'a hoonee aku la makou no ke awa o Pueokahi, ma ka hora 2:15 p.m. komo aku la makou iloko o ke awa, mahope iho o ka hoomakaukau ana no na mea e pili ana i ka moku ua kau aku la makou maluna o na waapa no ka aina, a hui aku la me Judge Iokepa, Judge Kaleo. Hon. J. K. Hanuna, B. K. Kaiwiaea, Deputy Sheriff Kaipo, ame Mr. Aina.

            Mahope iho ua hoi aku la makou no ka home nani o Judge Iokepa a malaila, ua paina iho la makou i kekahi papaaina i hoomakaukauia.  Ua hoonuu iho la makou i ka lokomaikai o ia kamaaina heahea o ka aina, malaila pu ae ka luna nui o ka mahiko o Hana (Mr. Gjerdrum) kahi i paina pu ai me makou.  Ma ia ahiahi iho ua hoi aku la o Judge Kalua ma ka home o ka Luna Nui Gjerdrum e hooaumoe ai. 

            Ma ka Poaha, Okatoba 20, 1898, hora 10:45 a. m. ua noho ka hihia a Mrs. Kaleo kue ia M. Kaleo imua o Lunakanawai Kalua.  He hoopii poho keia, a ua haawi ia ka pono o ka olelo hooholo no ka mea hoopii.  Ua kapaeia ke poho, a ua uku i ke koina he ekolu dala.  Ma keia hihia he mea ku i ka ehaeha o ka naau ka hoaia ia ana o na manao kue o ke keiki i ka makua a kiloi ia aku la na wahi welu o ka makuahine i waho o ka hale.  He nui na olelo a'o waiwai mai ka Aha aku i na aoao elua, me ka iini o ka Aha e loaa ana i ka makua ame ke keiki ka nohona kuikahi ma keia hope aku.

            Ma ka hora 7 p.m. ua konoia mai la makou e hele aku no ka paina i hoomakaukau ia e Mr. ame Mrs. Aina ma ka hale paina o ka mahiko no ka hanohano o Lunakanawai Kalua o na poe i konoia oia no o Judge Kalua, Judge Iokepa, Judge Kahakuoluna, Judge ame Mrs.Kaleo, Mr. Gjerdrum, Mr. Cooper, Hon. W. P. Haia, Mr ame Mrs. Aaina ame J. U. Iosepa.

            Ua ai makou a hoonuu i na mea ai like ole i hoomakaukau ia e ke keiki o Kina, a ua hiki ole ke pau, mahope iho o ka ai ana, ua hoohala aku la makou ia mau hora kuliu ma ka home o ka Luna Nui Gjerdrum.  He haole piha oluolu a lokomaikai pu, ua hoohala ia mau hora me ka himeni anuunuu mai a Hon. W. P. Haia, Judge ame Mrs. Kaleo, he nui ka hauoli, ma ka hora 12 hookuu iho la ka makou halawai a hui hou i ke ahiahi Poalima ae ma kahi o Judge Kaleo.

            Ma ke kakahiaka Poalima ae, ua kono mai la o Manager Gjerdrum e holo aku no ka hoomakaikai ana ia Kaeleku, kela mau eka ko hou e ulu nei o na poe i konoia mawaho ae o Manager Gjerdrum, oia no o Judge Kalua, Judge Iosepa, Judge Kahokuoluna. Hon. J. K. Hanuna ame Hon. W. P. Haia.  O ka loa o keia alanui kaa ahi he elua me ekolu-hapaha mile e holo kikee ana iloko o ka a-a me ka mahelemele e hoopuni ana.  Ua hooholo malie ia ke kaa ahu i hiki ke ike pono ia ke ano o ka aina, ua holo makou a ma kahi i pau ai o ke alanui hao a ua kau aku la makou maluna o na kaa ame na lio i lawe mua ia aku, a holo aku la he hookahi mile a oi a hiki aku la makou ma kahi kokoke i kahi o Hutchinson ma, ua hele makaikai aku la makou iloko o na apana ko, a he ku maoli i ka hoihoi ka ike ana i na ko nunui a loloa, ma ka olelo mai o ka Luna Nui ia makou me he mea la e loaa ana he 6 tona o ka eka.  Ua huli hoi hou mai makou me ka hanoi.  E mahalo nui ia o Manager Gjerdrum no kona oluolu a lokomaikai.

            Ma ke ahiahi ana iho hora 8 p.m. ua haawiia he papaaina luau nui ma kahi o Judge Kaleo e Manager Gjerdrum no ka hanohano o ka Lunakanawai Kaapuni J. W. Kalua.  O na poe i konoia a i akoakoa ae o Mr. Kibbling (Kupakako o Claudine), me ke Kupakako ukana, Louis V. Tempsky, Miss Iwa Haia, Judge me Mrs. Kaleo. Hon. J. K. Hanuna, Mr. Cooper, Mr. me Mrs. Aina.  Mr. ame Mrs. Jeo.   Manager Gjerdrum, Mrs. K. Kaleo, Hon. J. W. Kalua, P. N. Kahokuoluna, a he poe e ae he nui ame ka hana lahui o Hana, malalo o Propeka Kia.  O ko laila himeni lahui o "Nani Koolau."  O ka hapanui o ka poe i konoia aole i hiki mai, no ka nui loa o ka ua.  Mahope iho o ka paina ana i na mea ono i hoomakaukau ia ua hoonanea iho la ke anaina ma ka himeni ana o ke club o Hana. He mau hulahula Europa, me Hawaii ponoi, ua hoike mai kela ame keia i ka nui o ko lakou ike, ua ano lapuu ka pauku kino ke nana aku.

            Aneane aku paha i ka hora 12 p.m. hoopanee iho la ka halawai a hui hou i keia makahiki ae, kau aku la ma na lio no ke awa kumoku a hoohiki aku la ikuna o ka oneki o Claudine.

            E mahalo nui ia ka Luna Nui o ka mahiko o Hana, no kona hoohiwahiwa, a i a Judge Kaleo ame kana lede, no ko laua eleu ma ka hoomakaukau ana i na mea ai.  Ma ka hoomaopopo ana a kou mea kakau he poe lokomaikai maoli a heahea ko Hana.  Ma ka hora eha o ka wanaao haalele aku la makou i ke awa lai o Kapuiokahi, Hana, no Nahiku, a mai laila mai no Kahuli i ka hora 11 a oi o ke kakahiaka lele mai la i ka uwapo, a kaawale ae la maua me ka Lunakanawai Kaapuni no na hame like ole.    Me ke aloha nui.   UA UKIU.  Paia, Okatoba 24, 1898.

 

HOALOHALOHA NO MRS. HANNAH KEAKAAIA KAHALEOLE.  ME KA WALOHIA NUI.

            Mr. Lunahooponopono, aloha oe:--O makou o na haumana o ke Kula Sabati o Hanapepe, aKaui, ma o ko makou Komite la a ia Rev. J. B. Kahaleole.  Luuluu wale.  Oiai ua lalau mai la na lima menemene ole o ka make i ka hanu oia o Mrs. Hannah Keakaaia Kahaleole, ko makou makuahine i aloha nui ia.  Iloko o ka Haku Iesu Kristo ma ka hora 12:30 p.m. Sabati la 30 o Okatoba, 1898, ma Niumalu, Kauai, oiai oia e ola ana ua pili ia e makou me ia ma na hana o ke Kula Sabati mai Waimea a hiki i Hanalei, ka hoike hui o na Kula Sabati o ka Mokupuni o Kauai nei.  E ka wai ulailiai o Waimea ua pau koa ike ana iaia:  e ka ua maka'upili opeapea ua pau kou houhou ana i kona il@@ e ka makani ao'a o Hanapepe ua pau kou pa aheahe maluna o kona kino:  e ka ua noe o Koloa ua pau kou hoopulu ana ma kona mau papalina:  e ke kula o Leponui ame na alanui ou e lahue ua paa kuu e ia ana @ na @@@@ o kona lio, e @@ pau @ aa @ @ @@@ mai iaia 3 ka maia @@@@ @@@ na pau kona maa@@ ana @@@@@@@ mala@ e ka no hika @@@@@@@ ko Mrs. Hannah Keakaaia o K@@@@ ike ana koa anuana au@ @@@@@@ ua hoi aku oia i ka @@@@@@    Ma Mana L@@@ Nana u@ @@@@@ @@@ Nana no i lawe aki @@@@@@@@   ke komo pu aku u@@@@@@@@@@@   ko makou makua @ @@@n@@@ wahine ole ame @ona p@@@@@ ia i ke kaikuaana oie i ae mai a@@@ kou e auamo pu me olu@  ua@@@@@ ame na ehaeha o ke kaumah@@@@   hoomanao ana i ka mea haia .  K@@ holo hou ia ke pule nui nei mako ka lokomaikai o na lani i hooma mai i ko kakou mau kaumaha @@@ o kona mana kamahao.

            E hoomaikai ia ke Akua ma na @n kiekie loa he malu ma ka honua aloha i kanaka.

            O makou iho no me ka haahaa @@ oukou mau kauwa iloko o ka Hi@@  Iesu.         Komite--

Mr. S. P. Kamauleu@@

Mr. J. R. Mahikau,

Mr. S Panahoa,

Mr. Edward Makao@aoa

Mr. Oscar K. Pa@hui

Mr. W. H. Kapua

Mr. Will Kuheleloa

Mrs. Kanaina Maiiekai

Mrs. Mary Punahoa.

Mrs. Maluihi Kamauleu,

Mrs. Julia Aki,

Mrs. Fanny Sao@

 

He Oia Kupanaha.

            Ua pai mua ia keia mooleio ma@@@ o ka Nupepa Ka Monika  ( The Montor).  he nupepa i hoolahaia ma @@@ford, Ontario.  Ua ala mai @a na kana@lua ana no ka oiaio o keia maa m@@@lelo, no ia mea, ua kiai loa @ ke ma'i na elua makahiki a ama ua @@ hooiaio loa ia ka olelo @@@@@ nohi.

            He kanaka o Mr. Pe@@@@ @@@ mai lolo no elima makahiki a ua n@@ ia i ka manaolana no ka @@@ @@@@ ae.  Ua lilo kona mai i mea @@m@@ nui ia.  Ua waiho oia mam@@@@@@ wahi moe, a ua paa oia @@ @@@@ a puni kona kino, aoie @@@ @@@@ ai i ka ai. Wahi a na ka@@@ kona ma ke aa lolo o ka @@@@@ a olelo na mea apau aole @ @@ ke ola.  Mahope iho o ka na@@@@@ pono ana o ka Hui Hoopaa Oia M@ o Kanada i kona pilikia ma @@@ apau, ua uku aku la lakou @@@ huina o $1,650, no ka manao a @@@ ia e ola hou ana.

            No ekolu makahiki o kona @@ ana @ ame.  @@ pe @@ @@ ona @ Huaale Ak@ la a Pe Will lawa ou ua Kauaka Na uanakea.  @@ @k@@ ka @@ ana @@@ @ eia aku @ ka puka ana mai o ka hou.  Alaila ike @@@@ i ka oeoe liilii maloko @ kona @ mahope mai hoomaka ae ia k@@@ e holo maikai iloko o kona @@ hele loa ae la ka ikaika o ka h@@@ o ua koko la i ka maikai a pua@@@ kino.  Emoole hoi, ua hoihoi @@@ mai la kona ola kahiko.

            Ua hele aku la hoi kekahi mea kau o ka nupepa The Monitor     ia Mr. Petch a ua haila mai a

            "E hiki ana  no ia oe ke @ @@@ popo mai, aohe kanalua i koe n@@ ola?  I keia wa ua maikai i @@@ oia i ko ka wa au i hele mua m@@ e ike ia'u a he mea oiaio ho@ @@@ mai ia'u keia oia mai na H@@aai- @@ mai a Dr. Williams no na Kan@@@@@ nakea.

            "O keia mau huaaie ae kau @ ai ia'u ka hookuuia ana ma @@@@ ana elike la me he mea ia ua @ maoli, a e hoomaikai mau ana @ ka la i koaoia ai au e a @@ @ @@@@ huaale."

            O keia ka moolelo o kek@@@@ kupaianaha loa i ikeia i keia @@@.   Me keia olelo hoike ae la, e @@@  i kekahi mea ke olelo ma@@@@ mea pono e noonoo akaheiea na @@ ale Akala a Dr. Williams e a@ a keia mea i loohia i ka ma, kane @@hine, a keiki hoi?  Aole anei @@ kupaianaha maoli keia, a ne@  @ana na hoi no keia an hou @@ @@ @@ keia ma'i?"

            E kuaiia ana keia ma@ @ @@@ @ poe kawiii laau apau, a @@ mana@@ hoi lakou apau o kekahi ke@@ @ @@ waiwai nui i ikeia e aeia @@ @@@.

 

            Ua laulaha ae ka iono @@@@@ aku ana ke Aiuwahine la@@@@@ Wasinetona, ma keia mua @@@ @@@.  Ua manao loa ia, e kau aku ana maluna o ka moki@ahi @@@p@@@@ Poalua ae.  E ukali aku ana @@@@ Kauka iaia, a e lawe aku ana a lede opio Hawaii.

           

            Ua hala aku no Sana Jose @@@ poni, o Kimo Oua Mihona.  K@@ @@@ launu ame Mrs. C. Brown, ma@@@ ka mokuahi Moana.  Me ne mea holo aku nei @@ Oua Mihona a e h@@ holo pono loa i na hana e pili ana kela hotele o Sana Jose, @ilo ma iaia.