Ka Nupepa Kuokoa, Volume XXXVII, Number 45, 11 November 1898 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXXVII. HELU 45. HONOLULU. POALIMA, NOVEMABA 11, 1898.

NA HELU APAU 2728.

 

-----------------------------

Hoolaha Loio.

 

WILLIAM C. ACHI

LOIO A KAKAOLELO MA, KE KANAWAI.

 

      Keena Oihana – Helu 10 Alanui Moi, Honolulu, H. I.

 

-----------------------------

W. R. KAKELA.

 

Loio a he Kokua ma ke Kanawai

 

HE LUN HOOLAIO PALAAPLA.

2870

 

-----------------------------

LYLE A. DICKEY.

 

Loio a he Kokua ma ke Kanawai.

 

Notari no ka Lehulehu.

Kihi o Alanui Betela me Moi. Pahu Leta 286.

 

      Iloko o ke Keena o ka Loio Kuhina mamua, a he Loio Hoopii ma ka Aha Apana o Honolulu.

 

      E hookoia na hana pili kanawai apau mai na Mokupuni mai.

      O A.F. Tavares, Kakauolelo, Maheleoleo a Notere no ka Lehulehu.       1 yr.

 

-----------------------------

Hoolaha Kuman.

-----------------------------

Papa! Papa!

Aia ma kahi o

LEWERS & COOKE

(Lui Ma.)

 

Ma ke Kahua Hema o na Alanui Papu me Moi.

 

E LOAA NO NA

Papa Nouaiki

O keia a me keia ano.

 

Na Pani Puka .......... –––––

Na Puka Aniani....... –––––

Na Olepelepe........... –––––

Na Pou..................... –––––

            –––––  Na O’a...........

            –––––  Na Papa Hele........

            –––––  Na Papa Ku...........

            –––––  Na Papa Moe.........

 

-----------------------------

Na Pili Hale

O na Ano apau.

A me na

Wai Hoohinuhinu Nani

O Na Ano Apau.

 

Na Palaki o na Ano he Nei Wale.

 

      Ke Haiia aku nei oukou e na makamaka a pau, ua makaukau keia mau makamaka o oukou e hoolawe aku ma na mea a pau e pili ana ma ka laua Oihana no ka

 

Uku Haahaa loa

@ like me ka mea e holo ana mawaena e L@ a me ka @ Kuai.

-----------------------------

E @ Mai @ Wae no Oukou Ike

-----------------------------

      He la hauoli a lealea ka Poakolu o keia pule ae. Oia ka la hanau o ka Moi Kalakaua i aloha nui ia.

 

-----------------------------

KA MEA HUNA POHIHIHI

 

Unuhiia e Hooulumahiehie no “Ke Kilohaua Pookela o ka Lahui Hawaii.”

 

      Ua awiwi aku la lakou nei a hoea i ka hale hotele. Mamuli hoi o na hoakaka ana a ka Haku Rosevena imua o ka mea hotele, ua ae mai la ia e’hookipa aku ia lakou maloko o kona hale ma ia wanaao.

      Ua hoike pu aku la nohoi ka Haku Rosevena imua o ua mea hotele nei, ua makemake oia i kaa me ona lio i kekahi la ae, oiai e holo aku ana lakou no kahi o ka Lede Beatirisia.

      He hapalua hora paha mahope iho o ko lakou nei hoea ana aku i ka hotele, ua hiamoe aku la o Alamira ame kona wahi kaikunane, oiai hoi o Rosevena i hoomau aku ai i ke ala ana maloko o ka “holo” (hall) i ku ai ko Alamira ma rumi e moe ana.

      Ua hoolilo iho la oia iaia iho i koa kiai, a e makaala loa ana ia no ka Haku Adelo, ina paha e ulia ana kona hiki ana mai.

 

MOKUNA XLVII.

 

      Ano, e ka makamaka heluhelu, ma keia wahi e huli ae kaua a nana aku ia Negewina ame Pegi Wilese.

      Ma ke kakahiaka o ka la mamua iho o ka la nona ka po a kaua, e kuu makamaka i ike ae nei ua loaa aku o Alamira ame kona wahi pokii kaikunane i ka Haku Rosevena, a i hoopakeleia mai ai hoi laua mai loko mai o ka hale i hoopaa pio ia ai laua, ua hooneeneeia aku kahi hikiee moe a Negewina e moe ana a kokoke ma kekahi puka aniani.

      Ma ia wahi puka aniani, e hiki ai i ua wahi Negewina nei ke nana aku ma kekahi kula mauu papu e waiho mai ana imua o kona mau onohi maka, a e ike pu aku ana hoi ia i ka pu-a hipa a Pegi Wilese ma ia kula mauu.

      Ma ia kakahiaka nohoi i hoea aku ai ke kauka mai kahi kauhale aku o Daletona, ka mea hoi au e kuu makamaka heluhelu e hoomanao iho ai, oia no ke kauka i hoolimalima ia ai e Alamira. Mahope iho o kona nana pono ana ia Negewina ua hoopuka ae la i kona manao, ua pau ka five mai iaia aku, a ua palekana hoi oia mai na umii ana a ia mai. Alaila, ua huli @ aku la ia no ke kulanakauhale.

      He mea oiaio, he mau nanaina oluolu a maikai ko Negewina i keia kakahiaka. A oiai hoi ia e moe ana maluna o kona moe me ka hialaai nui ana o kona noonoo ma kekahi mea ano nui ana i manao ai, aia hoi, ua anehe ae la ia e kahea aku ia Pegi, aka, lohe e ae la ia i ke kamumumu ana mai o kekahi mau kapuai ma ka puka, a ike mai la ia i kekahi kahuhipa e peapeahi mai ana ia Pegi, a hele aku la hoi ia a hui iho la me ua wahi keiki kahuhipa nei ana.

      Ia wa ninau aku la o Pegi i ua wahi keiki la:

    “Pehea aku nei kau huakai i hele aku nei?”

      “Ma ke kaa helu ekolu au i kau aku nei a hoea i Penoke i ka la inehinei, a i ka po nei no ko’u hoi ana mai. I keia kakahiaka hoi hoea mai la au ia nei, e hoike aku ia oe i ka’u mau mea i lohe ai.”

      “Ae; a heaha ka nuhou? Aia anei ka Lede Beatirisia i Hametonavila?”

      “O ka’u i lohe ai, ua manao loa ko laila poe, o nehinei kona la e hoea aku ai ilaila. Ua haiia mai nohoi au, e noho ana ia ma Hametonavila no elua a ekolu pule paha.”

      “Ua pono. Eia mai kou uku o kou hooko ana i ka’u kauoha. Ano, e hele oe e nana aku i na hipa,” wahi a Pegi i pane aku ai i kahi keiki kahuhipa me ka haawi ana aku i hapalua ulaula.

      Huli ae la o Pegi a komo aku la iloko o ka hale kuke e hoomakaukau ai i wahi mea ai na Negewina.

      Oiai nae o Pegi ame kahi keiki kahuhipa e kamailio ana, ua lohe mahuihui aku la o Negewina i ka inoa o ka Lede Beatirisia ma ka wa a Pegi i kamailio aku ai i kahi keiki, a no ia mea, ua nalu wale iho la no o loko ona i ke kumu nui o ko Pegi makemake ana e ike i kahi mea e pili ana i ua Lede ia o Hametona Kakela. Ua lilo keia i mea nana e noonoo nui ai, a ua lilo hoi keia noonoo ana i mea nona e uluhua ai a kupilikii maoli kona manao.    

      Mahope iho, @ komo mai la o Pegi maloko o ka rumi a Negewina e moe ana, a nana iho la hoi ia (Pegi) maluna ona. Nana ae la nohoi ia i ka wahine nana oia e malama ana, a ninau ae la:

      “E Pegi, heaha la ka olelo a ke kauka no’u?”

      “Ua hoike mai nei oia ia’u, ua aneane loa ka make e kaili aku i kou ola mai a oe aku; ake, mamuli o kou loaa koke ana iaia me ka maikai nohoi o kou malamaia ana, ua palekana oe i keia wa. Ua pau ka fiva, a ua hiki ia oe ke ala ae iluna a nana ma o a maanei elike me kou makemake. A ua hai mai nei nohoi ia, aole e liuliu loa na la mai keia la aku, a hoi ae no oe a kou ano mau.”

      Alaila, huli ae la ka nana ana a ua wahi Negewina nei ma o a maanei o loko o ka rumi – nana hou ae la nohoi ia ia Pegi – a hapai ae la ia i kona lima akau a kau iho la ma kona lae, alaila, hamo ae la @ i kona lauoho. Me kahi leo uuku ano hawanawana pane ae la ia:

      “E Pegi!”

      “E o,” wahi a Pegi i pane iho ahi.

      “E Pegi! Ua ike no paha oe ia’u? Aole paha oe i poina owau nohoi o Geoki Negewina?”

      “Aole au i poina ia oe. Ua ike no au o oe no keia o Geoki Negewina, ka mea hoi a’u i ike ole ai no kekahi wa loihi i kaa hope ae nei.”

      Ma keia wahi hakanu iho la ua wahi Negewina nei, a hala kekahi mau sekona, pane ae la ia:

      “Huhu paha oe ia’u, e Pegi?”

      “Aole,” wahi a Pegi i pane iho ai.

      “Ae; ke hoomanao nei nohoi paha oe, ua hoopalauia kaua iloko o na la mamua o ko’u nalowale ana mai Enelani aku nei?”

      “Ae; ke hoomanao nei au ia mea, aole nohoi au i poina iki ia mau la. Ua ae aku au imua ou e lilo au i wahine nau, aka, me ka maopopo mua ole hoi ia’u, ua nalowale honua iho la oe mai Enelani aku nei. He umikumamawalu na makahiki o ko kaua kaawale ana, akahi no kaua a hui hou.”

      “He oiaio, he umikumamawalu makahiki i hala ae nei, ua aloha mai oe ia’u, e Pegi, a owau hoi ka mea i hana ino aku ia aloha au i haawi mai ai no’u nei. Aka, e hai aku au ia oe, aole no kuu aloha ole ana ia oe ke kumu o ko’u kaawale ana aku mai a oe mai me ko’u hoike mua ole ana mai ia oe – aole; aka, ua hana au ia hana no ka hiki ole ana ia’u ke nana mai i kou mau onohi maka hoopono. Ua hoolimalimaia au e haalele iho ia Enelani nei. He lehulehu wale na po a’u i moe ai ma Auseteralia i hoomanao poina ole ai au no. He nui nohoi na wa i hiolo iho ai na waimaka ma ko’u mau papalina nei. A ina paha i noho au mamuli ou, e Pegi, aole la au e komo aku iloko o keia poino a’u e auamo nei i keia wa.”

      No keia mau olelo hoalohaloha a ua wahi Negewina nei, ua komo iho la nohoi ke aloha iloko o Pegi, alaila, pane hou aku la ia:

      “Ma ko’u wa i loohia ai keia eha, e hele mai ana au ia nei no ka ike ana ia oe. Ua hai mai o Wigebi ia’u i kou wahi i noho ai , a, wahi nohoi ana i hoike mai ai ia’u, aole oe i mareia i ke kane, nolaila, manao iho la au e hele mai au e ike ia oe no ka wa hope loa, a e hoao hoi e hooulu hou i keia aloha kahiko o kaua. Ma keia huakai a’u i hele mai ai ua ike oe, e Pegi, i ka mea i loohia iho maluna o’u. Ua lawe nae oe ia’u a malama iho la, a ia oe hoi au i aie nui ai no ka pakele ana o ko’u ola.”

      “O ka hana a’u i hana aku ai nou e George he hana no ia e lawelaweia aku ana e a’u i kela ame keia mea i komo iloko o ka pilikia,” wahi a Pegi i pane mai ai.

      “Pela no,” wahi a Negewina i pane aku ai me ka hoike ana ae o kona helehelena i ke ano kaumaha.” Ua ike no au, e Pegi, aole no oe e manao hou mai ana ia’u elike la me ko kela mau la i hala loa aku. Aole no paha e hiki ana i kekahi wahine ke kala i kekahi kanaka i haalele manawa ino iaia no na makahiki he umikumamawalu. Aole no o’u ahewa ia oe, e Pegi, no ia mea, aka, e hai aku nohoi au ia oe me ka oiaio, i keia wa aole hiki la’u ke ola imua ou me ko’u mihi ole ana aku imua ou no na hana apau a’u i hana hewa aku ai imua ou, e Pegi. Nolaila, aole anei hoi e hiki ia oe ke kala mai ia’u?”

      “E Negewina, he umikumamawalu makahiki aloha ole au i waiho hookahi mai ai ia’u, nolaila, o ke kala ana aku iloko o ke sekona hookahi, he hana no ia e pono ke noonooia me ke akahele.”

      “Ua pololei oe, e Pegi. He mea oiaio, ua nui maoli no ka hewa i hanaia e a’u. Ke hoohalikelike ae au ia’u ame oe, ua maopopo, he nohona maemae a maikai kou, a owau nei hoi, aole pela; ua piha au i ka pono ole, ka maikai ole ame ka hewa nohoi. O kekahi nohoi, he waiwai oe, a he ilihune au, eia nae, no’u nei, he mau wahi dala mahuahu paha ke loaa mai ana ia’u ma keia mua aku, oiai hoi ua ae mai o Haku Adelo e haawai mai ana ia u i kekahi puu dala nui.”

      I kela wa i nana mai ai o Pegi iaia me na onohi maka inoino, a pane mai la:

      “E George, mai hoike mai oe ia’u ia mea. Oia dala e loaa mai ana ia oe, he hua ia no ka hana hewa. Aole loa au e mare i kekahi kanaka i loaa na dala mamuli o kona hana ana i kekahi karaima eleele loa.”

      “Alaila, e ae ana no anei oe e mare i kekahi kanaka ilihune elike la me a’u nei ke ano? He waiwai oe a he ilihune au.”

      “E mare no au i na kanaka ilihune la ina nae ua aloha au iaia.”

      I keia wa i hooholo ae ai ka ula ohelonelo ma na papalina o ua wahi Geoki Negewina nei, a pane ae la ia me ke ano pihoihoi:

      “E Pegi, e Pegi, aole anei hoi oe e aloha mai ia’u? Ea, aole anei oe e lawe hou aku ia’u, a malalo hoi o kou malu e hoolilo mai ai oe ia’u, i kanaka o ke ano hou – ae – i kanaka maemae a maikai.”

      Kulou iho la ko Pegi poo ilalo me ka noonoo ana iho iloko ona, a hala kekahi mau sekona ia wa oia i pane iho ai la Negewina:

      “E George, o ke ana la kau i makemake ai ia’u e lawe mai me a’u? E lawe mai anei au i ke kanaka e haalele ana mahope ona i kona mau hala ame kona mau hewa apau, a e hoao hoi e hooponopono iaia ma ke kulana o ka nohona maemae a maikai? O’a ano kanaka anei kau i makemake ai ia’u e lawe mai malalo o ka malumalu o ko’u hale, a i kokoolua hoi no’u ma keia ola ana?”

      “Ae, ae, e Pegi, oia. E hana ana au i ka hana pono. E hoomaemae ana au ia’u iho, e lilo no au i kauwa hana nau, a e hana nohoi au me kuu ikaika apau nou. Nolaila, e kala mai anei oe ia’u, a e lawe hou aku oe ia’u elike me ko ka wa i hala?”   

      Nana iho la o Pegi iaia a lalau iho la i kona lima a honi iho la, a no ia hana ana iho a Pegi, ua pane ae la ua wahi Negewina nei:

      “E Pegi, heaha la ke ano o keia hana au e hana ie?”

      “Ae; e George, e hai aku au ia oe. O kuu aloha nou aole ia i pau. Ua paa no keia aloha iloko o’u iloko o na makahiki loihi i kaawale ai kaua. O kou nalowale ano e ana mai Eneiani nei aku, he mea ia i hoopilikia nui loa mai i ko’u noonoo; a ua noho iho no au me ka hoomanao mau ana ia oe me ke aloha. O ka’u wale no e hai aku nei ia oe, e mihi no oe i na hewa au i hana hewa aku ai i kekahi poe okoa aku, a i ke Akua nohoi. No’u nei ua kala aku au ia oe. E awiwi kaua a loaa ka oluolu maikai loa ia oe, alaila, mare kaua.”

      Aole i kana mai ka hauoli o ua wahi Negewina nei, ua hiolo iho la na waimaka ma kona mau papalina, a ke hoomau ae la nohoi ia i ka nana ia Pegi e @ iho ana maluna ona.

      I kela wa ua hooi ae la ua wahi Negewina nei e ala ae iluna, me ka lua ole o ka hauoli o kona noonoo.

      Ua lawe mai la o Pegi i noho nona, a hookolo aku la kana nee ana a haule aku @ mai luna aku o ka moe, a noho iho la maluna o ka noho.

      (Aole i pau.)

 

-----------------------------

      KA LAAU HOOPIPILI MAIKAI LOA.

 

      O kahi apama lole huluhulu i hooma-uia iloko o ka KAMALENA LAAU HAMO (Pain Balm) a wahi ae ma na wahi i eha, ua oi aku ia i na laau hamo e laau hoopili e ae. Ina e eha mai ka umauma, ka aoao, a ano hanene mai ke kua, e hoao i keia laau. E oi aku ana kou hauoli no keia laau mamuli o ka loaa ana iaoe he ola hikiwawe. O kela laou “Pain Balm” (Laau Hamo) he laau hoola nohoi ia no ka rumatika (ke anu ame ka hu’i o na a-mi o ke kino). E kuaiia ana e na poe kuai laau apau. Benson Smith & Co., na Agena no ko Hawaii Pae Aina.         *

 

-----------------------------

HALAWAI PAPA OLA.

 

Kauoha e Hana kokela ka Mea

Hoomaemae Lawe Mea

Ino o Honolulu nei.

 

HOOHOLOIA HE MAU OLELO HOOHOLO IKAIKA.

 

Ka Hoike a Kauka Alvarez no ka Anoano Ma’i Lepera.

 

      Ma ka halawai ana a ka Papa Ola ma ka auina la o ka Poaono i hala i ikeia ai kekahi mea ano nui e pili ana i ke kulana hana hoomaemae i ke kulanakauhale o Honolulu nei me na auwaha lawe mea ino, ame kekahi mau mea ano nui e ae e pili ana i ke ola o ka lehulehu.

      Ua noonooia e ka Papa Ola ka mea e pili ana i ka ae ole ana e hookomoia aku na mea kanu e paa ana no me ka lepo iloko o ke kahua mai lepera ma Molokai, a pela pu hoi me ka huli kalo.

      Na Kauka Wahie i waiho mai imua o ka Papa Ola i kekahi Olelo Hooholo e pili ana i ka hana koke ia ana o na paipu lawe mea ino o loko nei o ke kulanakauhale o Honolulu nei, a ua aponoia hoi ua olelo hooholo la. Eia iho ka olelo hooholo:

      Oiai, o ke kulana hana i keia wa e pili ana i ka laweia ana mai o na mea ino mailoko mai o na lua liilii ame na lua hookio mea ino, he ku loa ia i ka hoopilikia ana i ke ola o ka lehulehu, a

      Oiai hoi, ua loaa i ke Aupuni i keia wa na Kii ame na olelo hoakaka no ke kukuluia ana ona oihana lawe mea ino noloko nei o Honolulu, a ua loaa pu hoi ke dala no ia hapa mai ka Ahaoielo mai,

      Nolaila, e Hooholoia, e koi aku ka Papa Ola i ke Kuhina Kalaiaina he mea pono e hana koke ia keia oihana lawe mea ino o Honolulu nei.

      Ua hoouna ia he kope o keia olelo hooholo i ke Kuhina Kalaiaina.

      Ua waiho ae hoi o Dr. Alvarez imua o ka Papa Ola i kekahi palapala e pili ana i ka anoano mai lepera, a oia keia mahope ae nei:

Mr. W. O. Kamika. Peresidena o ka Papa Ola.

      Aloha oe: – Oiai au ma ka Hui Huli Ano Mai Lepera ma Berelina ma kela Okatoba aku nei, ua hoomaopopo loa au i kekahi pepa hoike manao i hoounaia ae e Dr. Herman o Lae Manaolana Maikai (Cape of Good Hope) no ka mea e pili ana “I ka Anoano Mai Lepera iloko o ke kino kanaka ma na manawa like ole o kona ulu ana.”

      Ua olelo ae o Dr. Herman, aole e paa mau ana ka wai hooluu ulaula o ka anoano hou a opiopio o loko o ka mai Lepera, ma ka wa e hookomoia ai iloko o kekahi wai acida nitrie i paipaiia o 30 hapa-haneri ka ikaika.

      Mamua aku nei ua ao ka poe huli mai Lepera ua hiki no ke ike ia na Anoano mai Lepera mai na anoano ma i e ae he lehulehu, mamuli o kekahi mea maopopo, oia hoi, aole hiki ke hoopauia kona wai hooluu ma o ka hookomoia ana iloko o na wai acida minerala ikaika.

      No na mahina he lehulehu mahope mai o kuu hoi ana mai nei ma ka malama aku nei o Dekemaba, a i ke Keena Paaha@a ma Kalihi, ua hoomakaukauia e a’u he mau haneri poe aniani loloa, a maloko oia mau aniani i hookomo ia iho ai na anoano mai lepera, a i ka nana ana iho ia mau mea ma ua mau aniani la. e ike wale ia ana no na anoano haulaula. Aole mae au i paupauaho, aka, ua hoomau no au i ka huli ana a hiki i ka hiki ana ia’u ke hoike ae me ke kanalua hou ole, ka ikea io ia ana o na anoano mai lepera ma ke ano aohe o lakou wai hooluu ma ka wa e hookomoia ai maloko o 25 hapa-haneri o ka wai acida sulphuric, a i ole ia, o ka acida nitric he 30 hapa-haneri.

      Ma ka halawai hope aku nei a ke Komite no ka Lapaau ana i ka Lepera, ua hoike aku au i na papa aniani loloa i hoikeia ai na ano ano lepera ulaula ame na anoano mai lepera i nele i ka wai hooluu, ma loko no oia papa aniani hookahi no, a i keia wa ua loaa ia’u na papa aniani i oi aku ka maikai o ko lakou hoomakaukaui ana mamua o kela mau papa aniani i ikeia ai e ke komite, a aia keia mau mea maloko o ke keena oihana.

      Aole loa i loaa ike ia’u na @ lepera nele i ka wai hooluu maloko e na uuluhaku kahiko, a o na wahi paha o ka ili i puho a aai ae ai ka mai. Aia na wahi e loaa ai keia mau anoano maloko o ua mai puka hou ae, a o na puupuu lehulehu hou o ka ili a me he mea la o na anoano opiopio keia a ikaika hoi o ka oni ana, a me he mea la hoi o na anoano lepera i ikeia ka wai hooluu ulaula, ola na anoano kahiko a oni ole me ke ola ole nohoi.

      O keia mea i loaa iho la, he kumu ia e hoomaopopo mai ana i ke kumu i hololea ole ai ka hooulu aua i keia ano anoano mai lepera mamuli o ka mea hana maoli. Ina e hookomo ana ka mea e huli ana i keia ano anoano i kana mau ohe hooulu oia ano anoano iloko o na pohakahaka kahiko, mai manao ia e loaa ana iaia na hu@ hoohanau mailoko mai o na anoano lepera, ina no pahta aole i make ua mau anoano la. oiai ua pau ka ikaika hooulu mai o na mau anoano la. a i na hoi e loaa ana iaia na anoano i nele i ka wai hooluu, he mea maopopo loa e kioia ana ia ia mea. Ua pinepine loa ko’u kapae ana ae i keia ano ula ana o na anoano, me ka manao loa ana he mau mea hokae wale iho no ia, mamuli o ka hiki ole ana ia lakou ke hoololi ae i ko lakou mau ano ma o ke pale ana mai i ka ikaika wai acida minerala no ka haawi ana i wai hooluu. He mea oiaio no paha, ua loaa no kekahi mau anoano oiaio o @ mai lepera ma keia hoouluia ana.

      Mahope iho nei ua loaa ia’u he mau hooulu ana o na anoano i like loa me ko ka mai lepera maloko o ke aweawea koko, a ke manaolana loa nei au mahope iho o kekahi huli ana aku no kekahi wa, e ikeia no he mau anoano mai lepera. Ua hiki ke hookahuliia ka wai hooluu o keia mau anoano e na wai acida minerala, a o ko lakou ulu ana ua aneane hiki ole no ia ke ikeia iho. O kahi hoail@ wale no e hoike ana i ka ulu ana he wahi mea ano pohina no ia ma ka ili o ka mea i o ia aku ai a i hoouluia aku ai ua anoano la. O ka iole mongoose @ ia aku ai a i hookomoia aku ai keia anoano, ua hoike mai la ia i ke ano lolo ma na wawae hope, a he mau @ kakaikahi wale no mahope aku make aku la ia, aka, ma ka nanaia ana nae o kona kino, aole loa i ike iki ia ke kumu o kona make ana. O na mea paahana apau o loko ona, oia mau no ka maikai.

      I mau manawa hou aku ka imi ame ka huli ana ma keia mahele i mea e loaa pono ai ke ano maoli o keia kulana hooulu haahaa.

      Ke waihoia aku nei me ka haahaa.

      F. L. ALVAREZ. M.D.

      Honolulu, Oct. 25, 1898.

 

-----------------------------

HE HOAILONA OIAIO NO KE OLA O KE KUNU KALEA.

 

      O ka hanapilo ana mai o ka leo o ke keiki i loaa i ke kunu kalea, he hoailona oiaio ia no ka hookokoke ama mai o ka ma’i. Ina e haawiia aku ka LAAU KUNU a KAMALENA ma ka wa i hanapilo ai ka leo o ke keiki, a mahope koke iho paha o ka @ ana mai ke ano Kunu Kalea, he mea ia e paleia aku ai ka ili koikoi ana mai o ke kunu. He lehulehu @ na makuahine he poe keiki ka lakou i loaa i keia ano kunu i malama mau i keia laau, a ua ike hoi lakou he nui ka pilikia i paleia ae a pela nohoi ka luhi. He hiki ke hilinai mau ia ke@a laau, a he maikai ka inu ana. E kuaila ana e na poe kuai laau apau. Benson Smith & Co., na Agena no ko Hawaii @ Aina.

-----------------------------

      Mamuli o ka hanohano i leaa @ Miss Anna Rose o Hilo mai ka Hui Naita Carnival mai o ka Mokuaina o Kansas, ua lilo i Kauakanilehua ka h@heo ana i ka Lede Opio Hawaii mua loa i H@ i Moiwahine no Kansas.

 

      Ua pau iho nei i ke paiia e ko makou nei keena pai ka Buke a Moramona i unuhiia ma ka olelo Hawaii malalo o ke kauoha a ka Peresidena o ka La@a Ekalesia o Iesu Karisto i Hooponopono hou ia no na poe hoano no la hope ma Hawaii nei. O ke kope mua loa o ua buke la i paa i ka humuia ua hoounaia aku ma ka moku@ Moana i ke keiki a Iosepa Kamika, ka mea mua loa i loaa ai keia buke ma ka olelo Aigupita.