Ka Nupepa Kuokoa, Volume XXXVII, Number 41, 14 ʻOkakopa 1898 — MOOLELO O KA AHAHUI KULA SABATI, MOKUPUNI OAHU. [ARTICLE]

MOOLELO O KA AHAHUI KULA SABATI, MOKUPUNI OAHU.

Kaumakapili, Oct. 6, 1898. * Noho ka Ahahui Kuia Sabati, Mokupuni Oahu. Weheia na hana me ka hapaha hora haipule. Kohoia o S. K. Nawaa i kakauolelo no ka manawa. Hoomaopopoia na lala i hiki mai: Na Kahu Kula Sabati ame na hope. D. L. Naone, W. H. Kailimai, S. Paaluhi, H. K. Meemano ame J. Davis. Na elel: S. K. Nawaa, T. Hoomaha, S. Paaluhi, N. Mahi, D. Naoho, J. Malemano, J. A. Awai, J. K. Paele ame J. N. Kaailau. Na Ka>hu Kula Sabati Nui: D. L. Naone no na Kona; E. »P. Aikue no na Koolau. Kohoia o D. L. Naone i Lunahoomalu no ka Aha; S. K. Nawaa i Kakauolelo. Na ka Lunahoomalu i koho ia Rev. E. S. Tim | oteo l E. P. Aikue ame J. A. Awai i mau Komite Imi Hana. Ma ke noi a Rev. J. Davis ua lilo na haumana o ke Kula Kahunapule i mau hoa. Na kumuhana a ke komite: 1. Hapalia hora haipule. 2. Hoike a na Kahu Kula Sabati Nui. 3. Hoike a na Kahu Kula Sabati Apana. 4. Hoike.a na Elele. 5. Koho ana i na, Elele ame na Komite i ka Aha"hui Nui. 6. Lulu Dala no ka "Hoahana." 7. Komite Hoeueu. 8. Kaihi ame ka wa e halawai ai keia Aha. Ma ke noi a Rev. J. Davis ua aponoia ka Hoike Komite Imi Hana. Haipaiia ke Kumuhana 2. Na D. L. Naone i heluheiu mai i ka Hoike Kahu Kula Sabati Nui o na Kona. Na E. P. Aikue i ka Hoike Ka'hu Kula Sabati Nui ona Koolau. Ma k« noi a Rev. J. Davis ua waihoia keia hoike ma ka papa a noonooia ke Kumuhana 7. Hapaiia ke Kumuhana 3. Na D. L. Naone, W. H. Kailimai ame H. K. Meemano i heluhelu mai i ko lakou mau hoike a aponoia. Na ke Kakauolelo i heiuhelu mai i ko Makua ame' WaiaKia a aponoia. Hapaiia ke Kumuhana 4. Na T. Hoomuha, S. Paaluhi, N. Mahi, J. Halemano, J. A. Awai, J. K. Paele ame J. N. Kaailau i ka lakou mau Hoike Elele, a na ke Kakauolelo i heluhelu mai i ko Kawaiahao ame Waianae.

Hapaiia ke Kumuhana 5. Na ka Lunahoomalu i koho ia S. K. Nawaa a>m£ J. Halemano no na Kona; J. K. Paele ame J. N. Kaailau no na Koolau, i mau Elele i ka Ahahui Nui iloko o lune, 1899. Na ka Aha i koho ia S. K. Nawaa i Komite no na Hoike K'ihapai a ia J. K. Paele i Komke no na hana a keia Aha. Hapaiia ke Kumuhana 6. Noi mai o Rev. S. K. Oili e hoomauia na haawina dala i maihelehele mua ia ai. Kokuaia. Ninau a hooholoia. N<yi mai o S. H. Oni e hoomaopopoia na Kula Sabati i hookaa i ko lakou mau haawina. Kokuaia. Ninau a hooholoia. Ma ka hoomaopopoia ana, ua pau ko na Kula Sabati e ae koe o Makua ame Waianae. Hapaiia ke Kumuhana 7. Waiho mai 'o Rev. J. Davis i ka inoa o Theo. Richards i Komite Hoeueu iwaena o na Kula Sabati o keia Mokupuni. Kokuaia. Ninau N a hooholoia. Hapai ia ka Aoonoo ana i ka Hoike a ke Kahu Kula Sabati Nui o na Koolau, no ke kuee mawaena o na haumana am£ ke Kahu o ka Apana o Hauuia. Ma Ke noi aka Aha, ua waiho ia ma ka lima o E. P. Aikue ame ke Kahu o Hauula a na laua e hooponopono i na pilikia i loaa i keia Kula Sabati. Hapaiia ke Kumuhana 8. Noi mai o Rev. J. Davis e noho keia Aha ma kahi o ka Ahahui Ekalesia e noho ai, ma ka oaha mua o Aperila, 1899. Kokuaia. Ninau a hooholoia. Waiho mai o H. K. Meemano he olelo hoohoio: Olelo hooholo, hooholoia—Ke haawi aku nei keia Ahahui Kula Sabati i ko lakou hooanaikai i na Kula Sabati o Kaumakapili no ko lakou malama ana mai i na lala o keia Aha me na mea e oluolu ai ke kino. Aponoia. Hooholoia e hookomo ke Kakauolelo i'ka moolelo o na hana o keia Aha ma ka nupepa Ke Aloha Aina ame ke Kuokoa, Hoopaneeia na hana me ka himeni ame ka pule. S. K. NAWAA, Kakauolelo.