Ka Nupepa Kuokoa, Volume XXXVII, Number 41, 14 ʻOkakopa 1898 — Page 3

This text was transcribed by:	Cheryl Mokuau
This work is dedicated to:	Mokuau Ohana

Ka Nupepa Kuokoa

KE KILOHANA POOKELA NO KA LAHUI HAWAII.

Ka Hui Alahao me Aina o Oahu

MAI A MAHOPE AKU O IUNE 13, 1898

Manawa Holo

WAHI`HOOLULU. Mai Honolulu aku)	Waianae, ka huikau, na la apau koe ke Sabati	Waialua kaa ohua, na la apau.	Waianae kaa ohua na la apau.	Wili o Ewa kaa ohua na la apau
	A.M.	A.M.	P.M.	P.M.
Honolulu	7:10	9:15	3:10	5:10
Manoa	8:07	9:48	3:43	5:50
Wili o Ewa	8:37	10:08	4:08	6:10
Waaianae	9:27	10:53	4:43
Waialua		12:00	5:38
WAHI HOOLULU (Mai waho mai a i Honolulu)	Wili o Ewa kaa o ohua, koe ke Sabati.	Waialua, kaa ohua na la apau.	Waianae, kaa huikau, na la apau, koe ke Sabati	Waialua, kaa ohua, na la apau	Wili o Ewa, kaa ohua, Sabati wale no
	A.M.	A.M.	A.M.	P.M.	P.M.
Waialua		6:12		2:39
Waiana		7:12	10:09	3:55
Wili o Ewa	5:50	7:47	10:59	4:32	12:45
Manana	6:15	8:07	11:34	4:52	1:10
Honolulu	6:50	8:40	12:15	58:26	1:45

G. P. Denison,

Luna F.C. SMITH

Luna Kuai Palapala Holo

HU HOU HAWAII

Eia mai no na moolelo ekolu a makou ke puka aku nei ma ka pepa o keia la.

E nana ae e na makamaka i na olelo hoolaha e puka aku nei ma ko makou pepa o keia la.

Ma ka la 80 keia mahina, ma ka mahakihi 1840 i haawi mai ai o Kamehameha III. i ke Kumukanawai o Luaehu, ma Lahaina, Maui.

Ua hala aku o Lunakanawai Stanley ma ka Mokuahi Kinau o ka Poalua nei no Hawaii, no ka malama ana i ke Kau Hookolokolo Kaapuni ma Kohala Akau.

Ma ka Poalua nei i loaa hou mai ai ko Hon. W.C. Achi palapala loio mai ka Aha Kiekie mai, mamuli o na hooikaika ana a Hon. J.L. Kaulukou. Mahalo no.

Ma ka Poakolu nei i hoomoeia ai ka hao mua loa o ke alanui kaa mahu e holo la mai Waialua aku a hoe i Kahuku. He nuhou maikai keia no na kini kokoke aku o Koolauloa ma ia mau wahi.

Ua lauaheaia ae, aole liuliu na la mai keia la aku, a holo aku o Mr. S.K. Ka-ne, hoa a ka papa loio Hawaii, a lala o ka Aha Kuka o ke Aupuni, no Kapalakiko. Owai hou ae hoi?

Ma ka la 18 o keia mahina, oia keia Poalua ae, e ku mai ai ka mokuahi Gaelic no Honolulu nei a hala loa aku i ke Komohana. Ma ka la 26 aku hoi @ ku mai ai ka mokuahi Australia; a ma ka la 28 aku e ku mai ai ka warimu.

Ua hala aku nei ke kauoha hua pai a ka Hui Lahui Hawaii i Kapalakiko ma ka mokuahi Mariposa aku nei. O ka inoa o ka nupepa a ua Hui la e kaalo aku ai mawaena o ka lahui oiwi, oia no Ka lahui Hawaii. He hapa namunamu ana paha kekahi.

Ke holomua loa nei ka hooponopono @ ana o ka buke Piliolelo Enelani, he mau la wale no koe a pa`i buke maoli ia aku ua buke la no ka pomaikai o na kanaka Hawaii makemake e loaa ka ike olelo Beritania.

Ua hala aku nei o Hon. W. C. Achi no Kapalakiko, maluna aku o ka mokuahi Mariposa o ka Poalua nei. E nala ana paha hookahi mahina okoa iaia i ke anu o Keleponi a huli hoi mai oia no Honolulu nei.

He umi tausani poe daimonio e nanali ana i ke ola o ke kanaka, aole no ia i oi aku ke ino mamua o na hoehaaha ana a ka uha hemo maneo. Aka, aia no nae he laau lapaau e ola ai. aiAole pahu`a iki ka Laau Hamo a Doan.

O kela hihia hoopii a kekahi kanaka maoli o lalo o Ewa ia W.J. Lowrie, ka luna nui o ka mahiko o Ewa ae nei, a i hookolokoloia ai imua o ka Aha Apana o Honolulu nei i keia pule iho la, ua kaa ka pono ma ka aoao o ka mea hoopiiia.

Ma ka palapala hope loa i loaa mai nei ia makou mai a Miss Cecilia K. Poepoe mai e hoike mai ana ia, ua nonoi aku kekahi kahunapule o ka Ekalesia Baptist iaia, nona ka inoa o Elder J.H. Keeley i kaikuahine oia nona ma ke kuahu o ka materemonio. Ua hai mai oia, e hoea mai ana keia kahunapule no Hawaii nei ma keia makahiki ae.

O ka hale pohaku oi loa aku ana paha o ke kiekie mawaena o na hale pohaku pili oihana kalepa o Honolulu nei, oia no ka hale pohaku o ka Lunakanawai Kiekie Alapaki, e hanaia nei ma ke kihi o na Alanui Kalepa me Papu. Hanohano no keia hale ke ike aku.

Mamuli o ko Lunakanawai J.W. Kalua wae ana mai waena ae o ko Honolulu nei poe opio Hawaii makaukau a ike olelo Beritania ia Mr. J.N. K. Keola i kakauolelo no ka Aha Kaapuni o Maui, ua hoike mai ia i kekahi noonoo naauao. Ma ko makou hoomaopopo ana, ua lilo kae eo ia Maui, mamuli o ko lakou lawe ana ak ui ka helu elua o na Hawaii ponoi i noho kakauolelo no ka Ahaolelo i lima paahana no ko lakou aha hookolokolo. Aole hoi oia wale no, aka, he kanaka op@o makaukau loa oia ma ka olelo Beritania, a ua loaa nohoi iaia ka ike hoohana e eu ma ka mikini kakau. Nana ponoi no i kakau mikini iho nei i ka moolelo o ka Ahaolelo o 1898 iloko e ekolu m@ hina, a paa iho nei. Ke manao nei makou he maheleolelo Hawaii kupono loa oia na ka Aha.

NO NA AEKAI MALIHINI.

Lunamakaainana o na Kohala, Kona ame Kau no Kaleponi.

Ma ka mokuahi Mariposa o ka Poakolu nei i kau aku ai o Hon. W.C. Achi (Kale Aki), ka Lunamakaainana o na Kohala, na Kona ame Kau, Hawaii, no ka ipuka gula o Kaleponi. Ua holo aku nei ia i kela mau kaiaulu malihini no ka hooluolu ana iaia iho.

Aole paha e poina ana ko makou poe heluhelu iaia. Ua ikeia mai Hawaii a Kauai oia kekahi o na hoa hanohano o ke Kau Ahaolelo o keia makahiki (1898), a oiai kona mau la maloko oia hale hanohano, ua hoike mai ia i kona makaukau nui ma ka oihana kaukanawai, a ua hoike pu mai nohoi ia i kona makee nui i ka pono o kona lahui oiwi iho, ma ka aoao o kona luaui makuahine. Ua hoike mai nohoi ia i kona noononn kaulike a ewaewa ole ma kana mau hana i lawelawe ai maloko oia hale.

Ua hanauia oia ma Kohala Akau, Hawaii; a malaila i hoomaka ai oia i ka imi ana i ka naauao ma ke kula apana, a ke ole makou e kuhihewa, eia no kana kumu mua loa nana i pu-a i na mana mua o ka ike ke ola nei, oia hoi o Mr. Zebedaio o Niulii, Kohala. Mai kana kula aku, komo oia i ke kula hanai a Rev. Elias Bond, i hala aku i ka make; a mai keia kula aku komo oia i ke Kula Hanai o Hilo e malama ia ana e Rev. D.B. Laimana. Mai laila mai komo oia i ke kulanui o Lahainaluna. I kona hemo ana mai keia kula mai, ua holo mai oia i Honolulu nei a komo i ke kulanui o Punahou. No elua paha makahiki o kona noho ana malaila, mahope iho o kona ike ana, aohe mau palapala kupono e ae e hiki ai iaia ke hoomau aku i ka noho a`o ana, ua waiho aku la ia i ke kula a komo i ke ao kanawai ma ke Keena Loio o Mr. W.R. Kakela.

O ke hana nana i hookaulana loa iaia ma Hawaii nei, oia no ka hana Boroka, ma ke kuai ana a hoopukapuka dala ma ka aina. He hana holomua loa keia i lawelaweia e ia. Aia nohoi ma kona kua, e kokua ana iaia, he poe Hawaii opio, ma ka oihana kalepa waiwai paa.

Ke lana nei ko makou manao, mamuli o keia holo ana aku nei ona i kaleponi e loaa ai he hoomamaia ana o kona noonoo mai na poluluhi kaumaha a ka nui noonoo i ka hana, i na la i hala ae nei, a ma kona wa e huli hoi hou mai ai i Honolulu nei e loaa ana no iaia ka ikaika hou o kona noonoo no kana mau hana.

Mamua ae hoi o kona haalele ana iho i ka aina nei, ua oluolu loa ia i ka Aha Kiekie ka haawi ana`ku a hoihoi hou ana`ku i kona laikini loio iaia. Ke haawi aku nei makou i ka Aha Kiekie i ka mahalo nui no keia hana ana.

Na ke Akua lokomaikai e kiai ia oe e ka Opio Hawaii a huli hoi hou mai oe i ka aina oiwi.

KUU KE AHO—PAU KA LUHI!

Ua loaa mai la ka lohe i Honolulu nei, maluna mai o ka mokuahi Upolu, mai Hawaii mai, ma ka Poakolu nei, e hoike ana, ua haalele mai la i keia ola ana o “Aikue Hikikoki” (E. G. Hitchcock) ma ka hora 11:15 o ke kakahiaka Sabati, Okatoba 9, ma kahi noho o George Renton Pueokahi), ka luna nui o ka Hale Wili o Halaula.

Ma ia ahiahi iho, ua laweia aku la kona kinowailua no Hilo, maluna aku o ka mokuahi Hawaii. Ua hoounaia mai ia moku mai Hilo mai, mamuli o ka loaa ana aku o kekahi lono telepona. Ua haalele aku la ua mokuahi Hawaii la ia Hilo, me Konela F. Little maluna ona, ma ka hora 3 o ka auina la, a holo mai la no Kohala. Iloko o 8 hora a ua wahi moku nei i holo mai ai, ku mai la ia i Honoipu, ma Kohala. Ua hanaia hoi na hana apau no ka hoihoi ana i ke kinowailua o kekahi o na kakoo ikaika loa o ke Aupuni Repubalika no kona home lua ma ke taona o Hilo.

Ka Poakahi iho nei i ku aku ai ka Hawaii no Hilo, a ua hoihoi loa ia aku kona kino no ka home lua ma ia la no. Ua malamaia ke anaina holewa a haipule maloko o ka luakini o Haili, a ua haiolelo mai o Rev. Kivini Desha me ka walohia no ka mea i hala e aku.

Ua hanauia oia ma Lahaina, Maui, ma ka la 20 o Ianuari, 1837, nolaila, ua piha iaia na makahiki he 62 ma keia ao.

Hoolaha Gooko Moraki

HOOLAHA MANAO HOOKO MORAKI A KUAI AKU A KA MEA PAA MORAKI.

I kulike ai me ka mana kuai ame kekahi mau olelo a mau kumu aelike e ae i paa maloko o kekahi palapala moraki i hanaia Auguage 1, A.D. 1895, mai a Dick Chew mai o Kapaa, Kauai, ia Kealia Store, ma o George H. Fairchild la o Kea@ia, Kauai, oia hoi, ka Makee Sugar Company, he hui i hoohuiia a e lawelawe hana ana malalo o na kanawai o ko Hawaii Pae Aina, a ua kopeia ua moraki la maloko o ke Keena Kope Palapala ma Honolulu, Mokupuni o Oahu, maloko o ka Buke 180, ma na aoao 485 a hoea i ka 487.

Ke hoolahaia aku nei ma keia, ke makemake nei hoi ka mea paa moraki (Mortgagee) malalo o ua moraki la, e hooko aku i ua moraki la, no ka uhaki a ana o na kumu, oia hoi: ka uku ole ia ana o ka ukupanee ame ke kumupaa ma ka wa e hookaa ai.

Ke hoolahaia aku nei nohoi ma keia, e kuaiia aku ana na aina apau, na pono ame na mea apau maluna iho a e pili ana ia lakou, ame na waiwai apau i paa a ai hoakakaia maloko o ua moraki nei, a i hoikeia nohoi mahope ae nei, ma ke kuai kudala akea ma ka Hale Hookolokolo ma Kapaa, Kauai, ma ka Poaono, ka la 5 o Novemaba, A.D. 1898, ma ka hora 12 o kea awakea o ua la `la.

No na mea i koe e ninau ia Kinney & Ballou, na loio o ka mea nona ka inoa malalo iho nei.

Hanaia Honolulu, K.H. P. A., Okatoba 7, 898.

THE KEALIA STORE,

Na George H. Fairchild o Kealia, Kauai, The Makee Sugar Company.

HOAKAKA O KA WAIWAI E KUAI IA AKU ANA.

O kela aina apau ma Kapaau, Kauai, malalo o ka hoolimalima ma ka la mua o Augate, A.D. 1898, ia Tuck Chew Company, me ka wili raiki, ame na mikini ame na mea paahana i pili i ua wili raiki nei, ame na hlale apau mamua iho o huaina `la i hoolimalimaia aku elike me ia i hoikeia ae nei, mai ka Makee Sugar Company mai, oia ka aina apau i paa ma kekahi hoolimalima i hanaia ma ka la mua O Iulai, A.D. 1894, mawaena o ka Makee Sugar Company, Kealia, Kauai, ma o kona Luna Nui la, o William Blaisdell, ame ka Tuck Chew Company o Kealia, Kauai, ma o kona Luna Nui la, Tuck Chew a penei i hoikeia ai na palena malolo o ua palapala hoolimalima al:

Kela apana aina apau e waiho la ma Kealia, Kauai, maloko o laila aneane Kanono-kumamalua (62) Eka oi aku a emi mai paha, a i ikeia hoi, ka Aina Naku o Kapaa (Kapaa Swamp); 28 eka aina o ua kuleana hoolimalima la., i ike Mahele I, a he 34 eka o loko o laila i ikeia he Mahele II.

2724-4t

HOOLAHA NO KA HOOKO ANA I KA MORAKI.

Ke hoolahaia aku nei ma keia, i kulike ai me kekahi mana kuai maloko o kekahi palapala moraki i hanaia, Iune 26, 1894, e Joeseph Nawahi ame Emma A. Nawahi, kana wahine, no Honolulu, ma ka Mokupuni o Oahu, ia H.A. Widemann oia wahi hookahi no kakau kope ia ma ka Buke 147, ma ka aoao 350 a pela aku, a i hooliloia mai hoi e H.A. Widemann i oleloia ia Louisa Ahrens, ma ka la 30 o Okatoba, 1894, a oia ka ona o ka nota aie ame ua moraki la, a no ka uhakiia ana o na kumu maloko o ua palapala moraki la, oia hoi, ka uku ole ia`ana o ke kumupaa ame ka ukupanee i hoopaaia malaila, nolaila, mahope iho o ka manawa i kaupalenaia, e kua kudala akea ia aku na aina apau, na pono ame no mea apau maluna iho a i pili i ua poe aina la, i hoikeia maloko o ua palapala moraki la, no ka uhakiia ana o na kumu i hoikeia ae nei maluna.

A ke hoolaha hou ia aku nei ma keeia, ma ka Poakahi, la 14 o Novemaba, 1898, ma ka hora 12 o ua la `la, ma ke Keena Kuai o Jas F. Morgan, Luna Kudala, ma Honolulu, ma ka Mokupuni o Oahu, e kuai kudala ia aku ai na waiwai apau loa i hoikeia a i hoakaka ia maloko o ua moraki la, no ka uhaki ia ana o na kumu i paa maloko o ua moraki la.

Hanaia Honolulu, Okatoba, 1898.

LOUISA AHRENS.

Ka mea i hooliloia mai ai o ka Moraki e H. A. Widemann, ka mea moraki martgage0

O ka waiwai paa i hoikei a i hoakakaia maloko o pua palapala moraki la penei no ia.

1. O kela ana apau e waiho la ma Kalapana, Puna, Mokupuni o Hawaii, maloko o laila he Ili o 158.95 Eka, a i hoakakaia na palena maloko o na Palapala Sila Nui Helu 875 ame 1942 ia kekua.

2. O kela aina apau e waiho la ma Kaunaloa, Puna, Mokupuni o Hawaii, maloko o laila he 296 Eka, a i hoikeia na palena maloko o na Palapala Sila Nui 2165 ame 2807.

3. O kela aina apau e waiho la maloko o ke taona o Hilo, Mokupuni o Hawaii i oleloia, a oia no hoi ka aina i hooliloia mai ia Jseph Nawahi e BenJamin Pitman ma ka palapala kuai i kopeia ma ka Buke 33, ma ka aoao 67, a maloko o laila he 2 Eka, oi aku a emi mai paha.

O na aina e waiho nei ma Puna, ua kaulana ma ke ano he poe aina kope maikai. O ka aina ma Hilo, oia no kahi noho hope loa iho nei o ka mea moraki mai (Mortgagee ame kona ohana.

No na mea i koe e ninau ia CECIL BROWN, Loio o ka Waihona (Assignee) o ka Moraki.

2724-5t

Kela ame Keia.

HOOLAHA.

Ma keia, ke hoolahaia aku nei, ua hookohuia na keonimana Enoch Johnson a me Patrice Silva e lawelawe i ko`u mau hana, a i ole, na hana o ka Hui o W.C. Achi & Co., oiai au e kaawale ana mai Ko Hawaii Pae Aina aku. W.C. ACHI.

Oct. 12, 1898. 2724-1m

OLELO HOOLAHA NO KA MAKEMAKE E LAWE AINA.

I ka poe apau e nana mai ana i keia: E hoomaopopoia, ke makemake nei ka Hui Alahao a aina o Oahu, mamuli o ka mana i haawiia a hoonohonoho ia iloko ona e kona Palapala hoohui, e ke Kanawai i aponoia ma ka la 11 o Sepatemaba, A.D. 1888, i kapaia “He Kanawai e hoomana ana a e hoohoihoi ana i ke kukulu ana i na Alanui Kaa Mahu ma ka Mokupuni o Oahu,” ame na mana e ae i loaa iaia ma keia ano, e lawe a e hoohana aku no ka pono o ke Alanui Hao i hoomanaia ai ia e kukulu aku, a no ka pono hoi o na hana e pili ana ia oihana, i na apana aina i hoakakaia penei:

E hoomaka ana ma kahi i komo aku ai ka laina waena i hoomoeia o ke Alanui Hao o Oahu, ame ka palena komohana o ke Kuleana (Grant) 232 ma ka Apana o Waialua; alaila, holo aku ma ka laina waena e holo hikina ana 1320 kapuai maloko aku o ke Kuleana (Grant) 232 ia Haaihelu, e kuleanaia nei e Henry Waterhouse: 675 kapuai maloko aku o ke Kuleana (Grant) 246 i koi kuleana ia e Pea, Kahau, Kanewahine ame Henry Waterhouse; 8075 kapuai maloko aku o ke kuleana (Grant) 244 ia Pukai, o ke Kuleana (Grant) 232, Apana 1, Kuleana 228 ia Opunui, Kuleana (Grant) 243 ia Kila ame Hoonapuni, Kuleana (Grant) 458 ia W.H. Rice, Kuleana (Grant) 3543 ia Nahoa ame kekahi poe e ae ame Kuleana (Grant) 338 ia Hikiau ame Kana, a maloko aku o ke Kuleana (Grant) 229 ia Huaailani ame kekahi poe e ae, i kuleanaia e Henry Waterhouse; 708 kapuai-maloko aku o ke Kuleana (Grant) 333 ia Manana ame Mekulu i kuleanaia e Keawe, Kaiona ame Kaiaiulaula; 600 kapuai maloko aku o ke kuleana (Grant ) 343 ia Kaluaohaena ame kekahi poe e ae, i kuleanaia e Kaiona, Napuakau, Maile ame Kaaemoku; 680 kapuai maloko aku o ke Kuleana (Grant) 279 ia Mahiahume ame kekahi poe e ae, i koi kuleanaia e W.R. Cast. E, Mokuhia, Kekuanoni, Nakeawalu ame Henry Waterhouse; 440 kapuai maloko aku ke Kuleana (Grant) 260 ia Kaakau ame ke Kuleana (Grant) 259 ia Haule i kuleanaia e W.R. Castle ame Henry Waterhouse; 220 kapuai maloko aku o ke Kuleana (Grant) 258 ia Kane, i kuleanaia e W.R. Castle; 6335 kapuai maloko aku o ma Kuleana (Grants) 240, 456, 459, 457, 241, 457 me 270 i kuleanaia e Henry Waterhouse; 700 kapuai maloko aku o ke Kuleana (Grant) 1123 ia Poli ame kekahi poe e ai i kuleanaia e Kaaemoku ame Henry Waterhouse; 3650 kapuai maloko aku o na Kuleana (Grants) 231, 230, 233, 342 ame 273, i kuleanaia e Henry Waterhouse; 7940 kapuai maloko aku o na Kuleana (Grants 340, 242, 502, 201, 341 ame 239, i kuleanaia e Joseph P. Mendoca a i hoolimaalimaia aku i na Kahu Waiwai o ka Waiwai o James Gay; 1380 kapuai maloko aku o na Kuleana (Grants) 276 ame 281 i kuleanaia e hilahila, i hoolimalimaia aku e Robert Halstead; 685 kapua maloko aku o ke Kuleana (Grant) 268 ia Kaoo, i kuleanaia e Robert Halstead; 685 kapuai maloko aku o ke Kuleana (Grant) 267 i kuleanaia e Robert Halstead; 685 kapuai maloko aku o ke Kuleana (Grant) 235 ia Kuemanu i hoolimalimaia aku ia, Robert Halstead; 685 kapuai maloko aku o ke Kuleana (Grant) 272 ia Kepahu i kuleanaia e D. Kawananakoa ame J. Kalanianaole i hoolimalimaia aku ia Robert Halstead; 685 kapuai maloko aku o ke Kuleana (Grant) 264 i kuleanaia e Robert Halstead; 685 kapuai maloko aku o ke Kuleana (Grant) 263 ia Ile, i kuleana hapa ia e Robert Halstead; 80 kauai maloko aku o ke Kuleana (Grant) 262 ia Kapahu, i kuleanaia e Robert Halstead ame Kahanawali; ma ka hikina akau aku 990 kapuai maloko aku o ke Kuleana (Grant) 647 ia J. H. Smith, i kuleanaia e helela, i hoolimalimaia aku ia Edgar ame Frank Halstead; 240 kapuai maloko aku o ke Kuleana (Grant) 2976 ia Haalilio, Apana 3; 26-200 kapuai maloko aku o ke Kuleana Alodio 7713, Apana 34, ame Apana 33 e paaia nei e na Kahu Waiwai malalo o ka Palapala Kauoha a Bernice Pauahi Bishop, Apana 34, Paalaa i hoo limalimaia aku ia Amara ame kekahi poe e ae, ame Apana 33, Kawailoa, i hoolimalimaia aku ia M.P. Robinson ame B. F. Dillingham; maloko aku o ke Kuleana 8349, Ap. 2 ia Koha; maloko aku o ke Kuleana Alodio 2903Ap. 3 ia Kaula; maloko o ke Kuleana Alodio 9917 ia lohe, i kuleanaia e Amara; ma ka hikina akau aku 2000 kapuai maloko aku o Waimea e kuleanaia nei e James Campbell, Jrs. Ju`ia A. Paty ame kekahi poe e ae, i hoolimalimaia aku i ka Hui Alanui Hao me Aina o Oahu; maloko aku o ke Kuleana (Grant 33, Ap. 1, i ka Papa Hoonaauao; 21,000 kapuai maloko aku o Pupukea, Paumalu ame Waialua e kuleanaia nei e ke Aupuni Hawaii i hoolimalima ia i ka Hui Alanui Hao me Aina o Oahu; maloko aku o Pupukea; Kaunala, Pahipahialua, Opana, Kawela, Punalau, Kahuku ame Keana e kuleanaia nei e Jas. Campbell a i hoolimalimaia aku i ka Hui Alahao a Aina o Oahu; Kuleana Alodio 4369 ia Kaahamoa, i kuleanaia e Kulia Apana; Kuleana Alodio 3776 ap. 1 ia Opunui, i kuleana ia e Louiki Apaa,--Kuleana Alodio 377, Apana 1 ia Apaa; kuleanaia e Louiki Apaa; Kuleana Alodio 3950 ia Naonohiuli, i kuleanaia e Louiki Apaa; Kuleana Alodio 3808 Laipo, i kuleana ia hoi e Kulia Apana, Kuleana 2756 Ap. 2 ia Kahuaka; Kuleana 2721 ia Pahua; Kuleana 2728 ia Poonui; Kuleana 2179 ia Kelukui; Kuleana 2821 Ao. 2 ia Kanaoihuiia; Kuleana 27666 Ap. 2 Naloloa i kuleanaia e Kinokii, e komo pu ana he laula o 40 kapuai, 20 kapuai ma kela ame keia aoao o ke kaha waena, ame na akea hou aku hoi e pono ai ka hana ana o ua Alanui Hao la.

OAHU RAILWAY AND LAND COMPANY.

Ma o S.C. Allen la kona Peresidena.

Ame W.G. Ashley, kona kakauolelo.

Honolulu, Okatoba 4, 1898.

2724-4t

OLELO HOOLAHA.

O kela ame keia mea e ikeia ana e komohewa ana maluna o keia mau aina ma Lahaina, Launiupoko, Keaalii, Hahakea, Wahikuli, Hanakaoo, a maluna paha o kekahi aina malalo o ka mana o ka PIONEER MILL CO., LAHAINA, MAUI, me ka palapala ae ole a ka Luna Nui (Manager) e hoopiiia no ma ke kanawai.

PIONEER MILL CO.

Lahaina, Maui, Sept. 24, 1898.

2722-4t

WAIWAI PAA MA KE KUAI AKEA.,

Ma ke kauoha a ka Aha Kaapuni, Apana Hookolokolo Ekahi o ko Hawaii Paeaina, e kuai aku ana au ma ke akea i ka POAKAHI, la 17 o OKATOBA, M.H. 1898, hora 12 awakea, ma ke alo mauka o Aliiolani Hale, i kela mau waiwai paa o Kepola (w) i make kauoha ole, no ka hookaa ana i na aie o ka mea i make, penei:

1. Aina loi lao ma Aala =, Honolulu, oia no ka Apana 1 o ka Palapala Sila (Grant) 2066 ma ka ino o J.W. Marsh ili ½ eka, oi aku a emi mai paha; a me

2. Aina loi kalo ma ia wahi no, oia no ka Palapala Sila Nui 311, Kuleana Helu 724, ma ka inoa o Kealiiokaloa, ili 702 anana, oi aku a emi mai paha, koe nae na apana i lilo mua ia Nui a me Kealakai.

Na lilo no ka palapala ma ka aoao no ia o ka poe koho ,a na ka Aha e apono mua ia ke kua ana. No na mea e ae e ninau ia.

W. L. WILCOX,

Lunahooponopono o ka waiwai o Kepola (w) i make. 2721-4t

HOOLAHA MAKEMAKE E LAWE I KA AINA.

I ka poe apau i kuleana ma keia hana:

E hoomaopopo oukou, ua makemake ka Hui Kaa Ahi ame Aina o Oahu (The Oahu Railway and Land Company), mamuli o na mana ame na kuleana i haawiia a i hoonohoia mai iloko ona ma o kona Palapala Hoohui la, ame ke Kanawai i aponoia ma ka la 11 o Sepatemaba, A.D. 1888, i kapaia, “He Kanawai e Hoomana ana a e Kokua ana i ke Kukulu ana i na Alanui Kaamahu ma ka Mokupuni o Oahu,” ame na mana e ae apau o kela ame keia ano e kokua ana iaia ma keia hana, e lawe mai a e hoohana aku no na hana o ke alahao i hoomanaia ai ia e kukulu aku, a i hoomakaia hoi na hana ana oia hana i na apana aina i hoakakaia mahope ae nei:

E hoomaka ana ma Kahi Hoolulu 22-75 o ke Alahao o Oahu: alaila, holo aku ma ka laina waena o ke Alahao i manaoia ai e hana aku; ma ke komohana elike me ia i hoailonaia ma ka lepo e na makia, a i hoikeia hoi ma ke kii maloko o ke Keena Oihana o ka Hui, 380 kapuai maloko aku o Kuwili i kuleanaia e ke Aupuni Hawaii; e komo ana malaila he 100 kapuai ke akea, he 20 kapuai ma ka huli akau, a he 80 kapuai ma ka huli hema o ua laina waena la: 450 kapuai maloko aku o ke Kuleana 153, i kuleanaia e Dowsett ame Sumner, maloko o laila he akea o 40 kapuai, 12 kapuai ma ka huli akau a he 28 kapuai ma ka huli hema o ua laina waena la: 143 kapuai Kuleana 2937 Ap. 2 i kuleanaia e Ah In maloko o laila he akea o 40 kapuai, 12 kapuai ma ka huli akau a he 28 kapuai ma ka huli hema o ua laina waena la: 540 kapuai maloko aku o ka Loko I`a o Pukui, e paaia nei e na Kahu Waiwai malalo o ka Palapala Kauoha a Bernice Pauahi Bishop, a i hoolimalimaia aku ia Ah In: maloko o laila he akea o 40 kapuai, 12 kapuai ma ka huli akau a he 28 kapuai ma ka huli hema o ua laina waena la: 2000 kapuai maloko aku o ka Loko I`a o Kuwili, i kuleana ia e ke Aupuni Hawaii, i hoolimalima ia aku ia Ah In, maloko o laila he akea o 40 kapuai, 20 kapuai ma kela ame keia aoao o ua laina waena la: 100 kapuai maloko aku o ke Kai Lawaia o Iwilei i kuleanaia e John Ena, maloko o laila na aina apau i komo maloko o 20 kapuai mai ua laina waena nei aku: alaila, e komo ana he akea o 40 kapuai, 20 kapuai ma kela ame keia aoao o ua laina waena nei: 2,900 kapua, maloko aku o Kapalama ame Kaiwiula e paaia nei e na Kahu Waiwai malalo o ka Palapala Kauoha a Bernice Pauahi Bishop, 1,895 kapuai maloko aku o ke Kuleana 6450 Ap. 1, ame ke Kuleana (Grant) 420 i kuleanaia e D. Kawananakoa ame J. Kalanianaole; 290 kapuai maloko aku o ke Kuleana 803 Ap. 5, i kuleanaia e W. Auld i hoolimalimaia aku ia W.L. Wilcox; 390 kapuai maloko aku o ke Kuleana 5011 Ap. 5, i kuleanaia e W.L. Wilcox, 880 kapuai maloko aku o Kaluaopalena i kuleanaia e ke Aupuni Hawaii i hoolimalimaia aku ia Allan Herbert; 70 kapuai maloko aku o Keuwiwi; 160 kapuai maloko aku o Kaluaopalena i kuleanaia e ke Aupuni Hawaii; 175 kapuai maloko aku o Haunapo i kuleana ia e W.L. Wilcox; 375 kapuai maloko aku o ke Kuleana 803 Ap. 4 i kuleanaia e W. Auld; 580 kapuai maloko aku o ke Kuleana 818 ame Kuleana 10,498 i kuleanaia e W.L. Wilcox; ame 780 kapuai maloko aku o Kahauiki i kuleana ia e ke Aupuni Hawaii, a e komo pu ana me keia mau akea i hoikeia ae la na aina apau i kupono no ka hooholo pono ana aku i ka hanaia ana ame ka malamaia ana o ke Alahao i oleloia ae nei.

OAHU RAILWAY AND LAND CO.

Ma o S. C. Allen, kona Peresidena, ame W. G. Ashley, kona Kakauolelo.

Honolulu, Sept. 10, 1898.

2721-4t

Hoolaha Mana Hookiokoolo

ILOKO O KA AHA KAAPUNI APANA

Hookolokolo Elua o ko Hawaii Pae Aina. Ma ka Hooponopono Waiwai. Ma ka hana ao ka waiwai o S.D. Kapono o Keoneoio, Honuaula, Maui, ka mea i make kauoha ole.

No ka mea, ua waihoia mai e J. D. Keamo he palapala noi no ka hookohu Lunahooponopono Waiwai, no ka waiwai i oleloia, a e hoopukaia aku ia palapala iaia.

Nolaila, ma keia, ke hoolahaia aku nei i ka poe apau i kuleana ma ua waiwai la o ka Poaha, la 10 o Novemaba, 1898, ma ka Hale hookolokolo o Wailuku, Maui, hora 10 o ke kakahiaka, oia kahi a me ka manawa e hele mai ai lakou, a e hoike mai i na kumu, ina he kumu ka lakou e ae ole ia ai ke noi.

Wailuku, Oct. 5, 1898.

Na ka Aha:

A. F. TAVARES,

2724-3t Kakauolelo.

AHA KAAPUNI, APANA KAAPUNI

Eha o Ko Hawaii Pae Aina. Ma ka Hooponopono Waiwai. Ma ka hana o ka waiwai o kea (w), o Hamakua, Hawaii, i make.

Oiai, ua waihoia mai he Noi e Pihana (w) o Kukuihaele, Hamakua, Hawaii, e nonoi ana e kukalaia na hooilina o ka waiwai maluna ae nei.

Ke hoolahaia aku nei ma keia, o ka Poakolu, la 26 o Okatoba, A.D. 1898, ma ka hora 9 a.m. (kakahiaka), maloko o ka Hale Hookolokolo, Hilo, Hawaii, oia ka manawa ame kahi e hooloheia ai ua Noi la, a oia ka wa ame kahi e hele ae ai o ka poe apau i pili ia waiwai a hoike mai i kumu, ina he kumu ka lakou, nokeaha la e ae ole ia ai ua Noi la.

Hilo, Sepatemaba 15, 1898.

Na ka Aha:

DANIEL PORTER,

2722-3t Kakuolelo.

ILOKO O KA AHA KAAPUNI, APAna Hookolokolo Ekahi o ko Hawaii Pae Aina. Ma ka Hooponopono Waiwai. Ma ka hana o ka waiwai o Kealoha Iuko, o Honolulu, i make kauoha ole.

No ka mea, ua waihoia mai e Eliza Hagens, ke kaikamahine ponoi, he palapala noi no ka Hookohu Lunahooponopono Waiwai no ka waiwai i oleloia, a e hoopukaia aku ia palapala iaia: nolaila, ma keia, ke hoolahaia aku nei i na poe apau i kuleana ma ua waiwai la, o ka POALIMA, OKATOBA 28, 1898, ma Aliiolani Hale, Honolulu, hora 10 oke kakahiaka, oia kahi ame ka manawa e hele mai ai lakou, a e hoike mai i na kumu, ina he mau kumu ka lakou e ae ole ia ai ke noi.

Honolulu, Sepatemaba 22, 1898.

Na ka Aha:

GEORGE LUCAS

2722-3t Kakauolelo.

ILOKO O KA AHA KAAPUNI, APAna Hookolokolo Ekahi o ko Hawaii Pae Aina. Ma ka hooponopono Waiwai. Ma ka hana o ka waiwai o H. Riemenschneider, o Honolulu, i make.

Oiai ua waihoia mai ka Palapala Noi ame ka Hooike Waikai a ka Lunahooponopono Waiwai o ka waiwai o ka mea i make i oleloia ae la, a ma ia palapala i noi mai ai oia e nana ia a e apono ia kana hoike waiwai a e hoopukaia ke kauoha hope loa no ka mahele ana i ka waiwai e koe nei ma kona lima i na poe i kuleana ma ia waiwai, a e hookuu ana iaia mai na koikoi mai a pau ma kona ano Lunahooponopono waiwai.

Ua kauohaia, o ka POAKAHI, la 31 o OKATOBA, M.H. 1898, hora 10 o ke kakahiaka, ma ke Keena Hookolokolo, Aliiolani Hale, ma Honolulu, oia kahi ame ka manawa i kohoia no ka hoolohe ana i ua noi la ame ka Hoike Waiwai, a malaila a ma ia wa hoi e hele ae i na kanaka apau i kuleana ma ia waiwai a hoike mai i na kumu, ina he mau kumu ka lakou e ae ole ia ai ua noi la.

Honolulu, Sepatemaba 22, 1898.

Na ka Aha:

GEORGE LUCAS,

2722-3T Kakauolelo.

VapoCresolene

He Laau Hoola.

Oiai no Oe e Hiamoe ana no ke

Kunu Kalea, ka Hano, Kunu Ho, Ka Nalulu Kau, ke Anu

Ma ka wa e hoopunohuia ai ka uwahi o ke CRESOLENE maloko o ke keena o ka mea ma`i, e loaa koke no ka oluolu. He ka mahao kona ikaika hoola, a ma la wa hookahi nohoi e kaohila aku no ka pahola ana mai o na ma`i lele, ma o kona lilo ana he laau kinai ma`i, a he laau pilikia ole nohoi no na keiki. Ekuaiia ana e na poe hana laau. E haawi wale ia no ka buke hoakaka.

HOLLISTER DRUG CO., Honolulu, H.I. na Agena.