Ka Nupepa Kuokoa, Volume XXXVII, Number 35, 2 September 1898 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

LOADING BIG FIELD GUNS.

  It is no small task to transport the big field guns which our troops are using in the fight for Cuban independence.  To place them on board and remove them from the transport vessels requires time, patience and labor.  The picture shows a transport loading a big gun at Tampa.

 

HOOUNA ANA I NA PU NUNUI KAUA AINA.

  Aole he hana uuku a paani hoi ka hoouna ana i na pu nunui kaua aina maluna ona moku. ka mea hoi a na koa Amerika e hoohana nei no ke kuokoa o Cuba.  O ka hookau ana ia lakou maluna o na moku ame ka hoolele ana ia lakou iuka o ka aina. na nui no ka manawa e pau ana ilaila iloko o ka hoomanawanui ame ka hana nui.

 

Ka Liona o ka Akau

He Mooolelo no ke Au Manawa

- : o : -

Gustavus Adolphus

Kakaua e G.M. Henty a unuhiia e kekahi mea

unuhi moolelo o ke Kuokoa.

 

MOKUNA I.

  "Ua makemake loa au e hele aku e haawi i ka'u kokua ana i ko'u mau hoa o ka aina hanau hookahi nei. ma keia hana hemolele a ka Moi o Suedena e hana mai nei no ka pono o ka Hoomana Karistiano i Hoomaemaeia.  Aohe no o'u makemake i keia ano nohona a'u e noho nei i kela wa.  I kela ame keia wa a'u e heluhelu ai i na mea a pili ana i na hana hoomaau no keia mau hana hoomainoino.  Aka, malalo o kekahi kumu aole hiki ia'u ke hele." i pane ae ai o Nigela Gerema i kona mau hoa.

  "Aole pela. e Nigela." wahi a Kapena Hume i pane mai ai. "i hakalia wale no oe mamuli o kou hooholo pono ole ana iho iloko ou no ko kakou hele pu aku ma kekahi hana e loaa ai ia oe he inoa hanohano a mae koke ole hoi.  Aole anei o ke kumu nui nana i koopupu i kou noonoo, oia ka mea e pili ana i kela wahi keiki?  Ina pela. heaha nohoi kona mea e hele pu ole ai me kakou?  He oiaio. he opiopio oia. aka, ua hiki nae ia Munero nei ame a'u nohoi ke hooiaio ma ka hoohiki hemolele, he keu keia a kahi keonimana opio maka'u ole a wiwo ole hoi."

  "E Papa." wahi a kahi keiki i pane iho ai, oia hoi o Makamu. "makemake loa au e hele pu kaua me keia mau keonimana maikai.  No'u nei, aole loa au mea e maka'u mai ai. a e hopohopo ai hoi.  No ka hele wawae ana ma kahi loihi. aole loa he kanaka maloko nei o na palena o ko kakou mau kaiaulu nei e hiki. me kona mama apau. ke hoomao-pa mai ia'u ma ka hele ana iloko o ka naele ame ka hihipea o na kuahiwi ahiu o Sekotia nei."

  I kela wa i huli ae ai o Nigela Gerema a ninau ae la i ua wahi keiki nei:

  "E Makamu, pehea ka hale nei. ka aina ame na holoholona?"

  "Manao au, aole ia mau mea e pilikia ma ko kaua ia mau mea na Dunekana e malama." i pane iho ai ua wahi keiki nei.

  Huli ae la o Nigela a kamailio aku la i kana mau malihini: Ke lohe u ae la no kakou i ka pane a kahi keonimana opio a olua i olelo mai nei: aka, he mea pono nae ia'u ke noonoo mua mamua o ko'u haawi ana aku i ka ae ana ia olua.  Manao au i ke kakahiaka nui o ka la apopo e hoike aku ai au i ko'u manao.  A no keia wa. e oluolu olua e hai mai ia'u no ka mea e pili ana i keia kaua pili hoomana ma Geremania. oiai hoi ina au e hele aku ana i ke kahua kaua elike me ka olua e poloai mai nei ia'u. alaila. he mea pono ia'u ke ike pono i ke kahua nui i konoia ai au e haawi aku i ka'u pahikaua."

  "Ina pela. alaila. aole loa oe e lilo iki ana i koa oiaio." wahi a Kapena Hume i pane mai ai me ka mino aka ana iho, a hoomau mai la nohoi, "ina o kou makemake i kela wa ame keia wa o ka ike i ke kumu o kou hakaka ana i na wa apau. alaila. aole  no oe e komo ana iloko o na paio ana i komohia ai kou mau hoa o ka aina hanau hookahi; aka, aole no nae he hewa ke hoike aku maua i kekahi mau mea i pili ana i keia kaua.  Manao au na Konela Munero e hai aku ia oe i na mea apau e lawa ai kau mea i makemake ai e ike.  O ka mea nui no nae, he kaua keia mawaena o na Hoolepope ame na Katolika.  A oiai he Hoolepope au. ua ku no au a paio ma ka aoao o ka Hoolepope. me ko'u kiola ana aa mahope o ko'u kua i ke kumu o ko laua paio ana."

  I keia wa i hoomaka ai o Konela Munero e kamailio:

  "Ua ike no oe, e Nigela. he iwakalua makahiki i hala ae nei ua kukulu ae la na Alii Hoolepope o Geremania he Ahahui, no ke kiai me ka malama ana i ko lakou mau pono pili hoomana a pili aupuni nohoi.  Ua kapa lakou i keia Ahahui, ka Hui Lokahi a na Hoolepope.  Hookahi hoi makahiki mahope  iho ke ku ana o keia Ahahui mawaena o na Alii Hoolepope, ua kukulu ae la nohoi na Alii Katolika he Ahahui Lokahi mawaena o lakou, a ua kapala nae ia Ahahui. o ka Hui Hemolele (Holy League).  A ma ia wa e noho ana na Hoolepope o Geremania iloko o ka nohona kupilikii. mamuli o na hana paonioni a na poe Katolika.  Ma bohemia hoi, kahi i lilo ai ka elua-hapakolu o na kanaka iloko o ka lahui he poe Hoolepope, ua haawi mai la o Rudolph II., i ka pono kuokoa o nei mea he hoomana, a ua haawi pu mai nohoi o Matia i keia pono maluna o na kanaka o ka aina. Oia ke pani o Rudolph."

  "Aka nae, a hala wale kekahi wa mahope mai, ua oi loa aku la ka ikaika o na hoohulihuli ana a ka poai Katolika e noho ana imua o kona aloalii, a ua hanaia iho la na kanawai he nui e hoopau ana i keia pono kuokoa i loaa mua mai i na kanaka no ka mea e pili ana i ka hoomana. a mai la wa mau i ulu ai na manao eneenemi o na aoao elua, a hiki wale i ka awahia maoli ana o kekahi aoao i kekahi.  Ma ka la23 o Mei, 1618, halawai iho la ka Aha kuka o na Hoolepope o Bohemia ma Parague. a ua hoea mai la imua oia Aha kuka ma Alii Hoolepope. e alakaiia ana e Kauna Thurn. a ua lako hoi lakou apau me na mea kaua.  Ua koi aku la lakou i ka Aha Kuhina o ke Aupuni i ke kumu i lawe lima nui ai ke Aupuni i na hana hoopilikia a hookaumaha i na Hoolepope.  Ma ia wa i ulu ae ai he paio hahana. a iloko o keia paio olelo hahana ana, ia wa i lalau aku ai na elele Hoolepope i na hoa o ka Aha Kuhina o ka Moi. no laua hoi na inoa o Mattinitz ame Slavata, a pela pu hoi me ka laua kakauolelo, a kiola aku la ia lakou ekolu mawaho o kekahi puka-aniani. a haule aku la lakou iloko o kekahi auwaha eli, aneane he 50 kapuai malalo iho.  Aka, ua laki no nae keia poe ma keia haule ana iloko o ka auwaha. oiai ma ia wa, ua paapu o loko o ua auwaha la i na opala o kela ame keia ano. nolaila, i ko lakou haule ana iho la lakou maluna o keia mau puu opala. aole hoi i loaa ia lakou na palapu ehaeha.  O keia iho la ka hoomaka ana o ke kaua mawaena o na aoao elua. I keia wa, ua aneane kuokoa loa o Bohemia mai a Auseturia mai, oiai hoi e hooponopono ana no o Bohemia i kona mau hana kuloko iho.  Nolaila. ua haawi iho la ka Ahakuka i ka mana Alihikaua Nui. no ke alakai ana aku i na koa aupuni ia Kauna Thurn.  Ua kakoo mai la hoi ka Hui Lokahi o na Hoolepope i ka hana i hanaia e na Alii Hoolepope o Bohemia.  I keia wa i hoao ai o Mathias e hoomalielie i na aoao e hiki ana kana mau hoao ana i mea e loaa ai ka maluhia. ia wa oia i alakai mai ai i kekahi pualikoa iloko o Bohemia.

  "A ina paha i ola loihi o Matia, ina no paha ua pau wale keia uluku a kuee mawaena o na aoao elua, aka, me ka minamina nui i e na poe noonoo maikai apau. ma ka aoao Katolika a pela nohoi ma ka aoao o na Hoolepope. ua make aku la ia. a ua pani ia aku ia kona hakahaka e Feredinana II.  O kela Feredinana hoi. oia kekahi o na Katolika poo-koi loa ma Bohemia.  He kanaka nohoi ia i piha i ka manao ino loa i na Hoolepope.  Ua oleloia. ua lawe oia i hoohiki ma Loretto. ina oia e kau ana maluna o ka nohoalii. e kukulu hou ana ia me kona ikaika apau i ka oihana Katolika maluna o Bohemia.  Ua maopopo loa. me keia kau ana ae o keia kanaka maluna o ka nohoalii aohe mea i koe a na aoao elua e hana ai. aka. o ka hoomakaukau wale no ia laua iho no ka paio.  Ua ku ae la hoi ka lahui Bohemia a kue mai la iaia. me ka hoole pu ana mai hoi i kona mana maluna o lakou. nolaila. ua koho iho la na Hoolepope i ka Elector Palatine Frederike V. ke kane a kekahi kama'liiwahine o Sekotia nei, i Moi no lakou.

  O ka hoouka kaua mua loa i kaua ia mawaena o na aoao elua ma Zablati no i.  Ma ia hoouka kaua ana, ua hoauheeia ka pualikaua Hoolepope, e alakaiia ana e Mansfeldt. e ka pualikaua Katolika e alakaiia ana e Kenerala Bucquoi.  He mu la kakaikahi wale nohoi mahope iho. ua maki aku la o Kauna Thurn, me kona mau koa, maloko aku o Moravia, ame Auseturia Luna, a hoopuni aku la ia Viana.  Ua nui ka hoowahawaha o na makaainana ponoi o Feredinana iaia, a ua aponoia hoi ka leo hooho o na Hoolepope e na mea apau. oia hoi e loaa ka pono kaulike maluna o na aoao Hoomana apau. Aia nohoi ma Auseturia he lehulehu loa o na Hoolepope. He uuku loa na wahi koa malalo o Feredinana, ua piha huhu hoi na kanaka iaia. a ina i komo mua o Kenerala Thurn ma Bohemia, ina ua paa pio iaia ka Emepera Feredinana me ka nui ole o ke koko e kahe.

  "Aka. ua kanalua nae o Kauna Thurn. a ua hoao ikaika ia e loaa he mau kumu aelike, mawaena o na aoao elua, i loaa ai he maha i na Hoolepope, wahi a kona noonoo.  He umikumamaono hoi ka nui o na Barona Auseturia iloko o ke kulanakauhale e hooikaika ana e kakauinoa o Feredinana i aelike o keia ano, a ma ia wa i komo mai ai ka pualikoa kokua.  Nolaila, ua kuemi hope mai la o Kauna Thurn.  Ua akoakoa ae la hoi na Alii ame na elele Katolika ma Frankfort, a koho iho la ia Feredinana i Emepera no Geremania.  Ma ia wa ua komo koke aku la ia iloko o ka hana ana i kekahi aelike me Makimiliana o Bavaria, e kipaku loa ia na Hoolepope mailoko aku o Geremania.  Aka, ua lele kaua hou aku la no ka poe Bohemia, e kokuaia ana e Bethlem. Moi o Hunegaria. maluna o Viena, eia nae mamuli o ke komo koke ana mai o ka hooilo, ua kuemi hope mai la lakou.  Mai ia wa mai, ua poino loa ka aoao o na Hoolepope.  Ua haalele iho la na mahele aina o Sakoni ame HesseDarmstadt i ka Hui Lokahi a na Hoolepope, a huipu aku la me Feredinana.  Ua ku malie iho la hoi o Denemaka.  oiai oia kekahi i haawi aku i kana ae e kokua i na Hoolepope.  Ma keia wa hoie e kaua ana o Suedana me Polani.

  "Ua houluulu ae la na pualikoa Hoolepope ma Ulama: o ka pualikoa Katolika hoi, malalo o na kauoha ame na alakai ana a Makimiliana o Bavaria, ua akoakoa ae la ma Donuworth.  Mamuli hoi o na hana hooweliweli a Makimiliana i na Alii Hoolepope, ua ae iho la lakou e hoopau i ke kana ana mawaena o na aoao a elua, a ae pu hoi keia poe Alii Hoolepope e kokua lakou ia Ferederika V.

  "Ia wa, ua maki aku la na koa Imeperiela. oia hoi na koa o ka Emepera Feredinana. a hoouka kaua aku la i na koa o Ferederika mawaho mai o Prague: a iloko o hookahi hora o ke kaua ana, ua hoauhee ia na koa o Ferederika.  Ua holo aku hoi o Ferederika ame kona ohana i Holani.  ua lawe ae la hoi o Feredinana i na keehina hana no ka hooko ana aku i kana hoohiki.  Ua hoopauia ae la na pono kuokoa o ka Hoomana i haawila mai ai e Matia.  Ma Bohemia, Moravia, Silesia, ame Auseturia ponoi iho nohoi, ua lehulehu loa na poe i haawi i ka lakou mau kokua ana i na Hoolepope i luku mainoino ia a i laweia hoi ko lakou mau waiwai.  Ma kekahi makahiki mai, ua kipakuia mai la na hoahanau o ka Ekalesia Kalavina mailoko mai o ka aina; a he mau mahina kakaikahi wale nohoi mahope mai. ua kipakuia mai la na hoahanau o ka Ekalesia Lutera, a ma ka makahiki 1627, ua papa loa ia ka lawelaweia ana o kekahi hana pili hoomana maloko o Geremania a ma na wahi apau i lanakila ai na koa Katolika. koe wale no na hana pili hoomana a ka Ekalesia Katolika.  He 200 alii koikoi o ka aina, me na hoahanau Hoolepope he 30,000 - he poe waiwai ka hapanui o lakou, a he poe kuonoono nohoi - i kipakuia mailoko aku o ka aina.  Ua laweia aku mai na Hoolepope aku ka huina waiwai io ma ka aina ame na waiwai e ae, i hiki aku i ka 5,000,000 a ka 6,000,000 paona dala. ma ka kakou helu dala nei.

  "Ua komo ia aku la na aina o ka Moi Ferederika V. a ua hoauheeia na Hoolepope, ua laweia ae la ko lakou mau aina, aua hooliloia iho la o Makimiliana i Alii kui no Bavaria. a ua hooko hou ia aku la no na kanawai hoomainoino apau maluna o na Hoolepope na ia wahi.  I keia wa i maopopo loa ai i ko Europa apau ua makemake loa ka Emepera o Auseturia e anai loa i ka Hoomana Hoolepope mailoko aku o Geremania: a no ia mea ua pioo ae la na Alii Hoolepope. a ua nonoi aku la lakou i na aupuni Hoolepope apau. oia hoi o Enelani nei. Holani ame Denemaka. Ua ae hoi ka Moi Iakobo o Enelani nei, mamuli o kona ike ana i ka poino i kau iho maluna o kana kaikamahine ame kana kane e haawi i na kokua ana. a nolaila ua ae o Enelani nei e haawi i uku hoomau i keia ame keia makahiki:  ua ae hoi o Holani i mau pualikoa kana e hoolako ae ai: a o ka Moi hoi o Denemaka. ua komo pu ae la iloko o ka Hui Lokahi a na Hoolepope ka Moi o Denemaka nana pono e alakai aku i na koa Hoolepope e kue i na koa Katolika.

  "Ma Geremania. e mau ana no ka paa ana o na mea kaua ma na lima o na Hoolepope ma Sakoni Lalo ame Brunswick. a pela nohoi o Mansfeldt.  Ua komo aku la ka pualikoa Hoolepope. e alakaiia ana e ka Moi o Denemaka. i Brunswick. a malaila oia i halawai ai me na koa o ka Hui Hemolele malalo o Kenerala Tilly: a ma ia wa hookahi nohoi, ua hoalaia ae la he pualikoa Auseturia e Wallenstein. a nee mai la lakou e kue i na Hoolepope.  Ua hooikaika hoi o Mansfeldt e hui ole mai o Wallenstein me Tilly. aka. ua hoauheeia nae oia e Wallenstein. Nolaila, ua nee hou o Mansfeldt i Brandenburg. a houluulu hou i poe koa nona. alaila. hui aku la ia me na koa malalo o ke Duke o Saxe-Weimar. a nee awiwi aku la lakou no Silesia ame Moravia. no ka hui pu ana me Bethlem Gabor ma Hunegaria.  Nolaila. ua haalele o Wallenstein i kona manao e nee aku e hoouka kaua i na Denemaka. a ua huli ae la ia a hahai aku ia mahope o Mansfeldt.  Ua nui aku la hoi o Mansfeldt me ka pualikoa Hunegaria; aka. mamuli o ka uuku loa o kona mau wahi koa i keia hoea ana aku ona e hui me Gabor. ua hoole mai la keia Kenerala, aole oia e ae e kaua mai i na koa Auseturia malalo o Wallenstein.

  "Nolaila, ua hoopau ae la o Mansfeldt i kona manao nee aku no ke kaua. ua hookuu oia i kona mau koa, e elua mahina mahope iho mare iho la ia. Alaila, huli ae la o Wallenstein a nee aku la i ka akau.  Ma ia wa nohoi. ua lele kaua aku la o Kenerala Tilly maluna o ka Moi Cristiana ma Lutter. a hoauhee aku la iaia. I ka hoea ana mai hoi o Wallenstein i ka akau, ua hooholoia a nee aku o Tilly iloko o Holani. a na Wallenstein e kaua aku i ka Moi o Denemaka ame na Alii Hoolepope.  Iloko o na makahiki elua o kana hoonee kaua ana, ua hoauheeia mai la e ia na Denemaka mailoko mai o Silesia. lanakila ae la ia ma Brandenburg ame Mecklenburg, alaila, nee ae la oia i Pomerania, a hoouka kaua aku la ia Stralsund.

  "O keia kahi i hoopuhiliia ai ua Wallenstein nei me ka nui o kona ike kaua, ame ka wiwo ole nohoi o kona mau koa.  Ma keia wahi i paa ai ko makou poe koa, a e hoomanao iho oe, e Nigela, o kahi keia i paa ia ai na koa Sekotia, me ka wiwo ole.  Ua manao loa o Wallenstein e lilo pio ana keia wahi iaia, aka, ua ko ole ia moeuhane ana a ua Kenerala Auseturia nei.  Mahope koke iho o ka hoomaka ana mai o na koa Auseturia e lele kaua mai maluna o keia wahi kulanakauhale, ia wa i komo mai ai o Lutanela Kenerala Sir Alekanedero Leslie me 500 poe koa Sekotia ame Suedana, me ka paio hele ana me na koa Auseturia mai waho mai a hoea i ko lakou komo ana iloko o ke kulanakauhale.  Ekolu mahina o ko makou paa ana i keia kulanakauhale me ka hoauhee ana i na Auseturia i kela ame keia wa a lakou e lele kaua mai ai maluna o makou. a o ka hopena i ikeia oia ka unuhiia ana aku o na koa Imeperiela mai ia wahi aku.  O ka nui o ko lakou poino he 12,200.

  "O keia wale iho la no kahi lanakila hookahi i loaa ia makou, a he mau malama kakaikahi mahope mai ua kakauinoa iho la ka Moi Christiana i ke kuikahi maluhia.  Ma ia kuikahi ua hoopaa iho la oia iaia iho, aole ia e komo hou aku iloko o na hana ma Geremania.  Nolaila, i ka ike ana o Feredinana, ua malaelae kona alahele e lawelawe aku ai i kana mau hana ma Geremania, ua hoopuka mai la ia i olelo kuahaua e kauoha ana i na Hoolepope apau mai kela ame keia pae mai o Geremania. e hoihoi hou aku lakou i na Katolika i na hale hoohiki apau ame na aina apau o na Katolika i laweia e na Hoolepope.  O na hana ekalesia Katolika wale no ke aeia e lawelawe ia maloko o Geremania.  Ua kauoha pu ia hoi na Alii Katolika iloko o ke Aupuni e kaohi lakou me ko lakou ikaika apau i na kanaka malalo o lakou iho. e noho lakou mamuli o na ao ana ame na alakai ana a ka Ekalesia Katolika: a ua haawi pu aku nohoi keia kauoha i na Alii Hoolepope e hooko aku i na kauoha o keia ano.  Eia nae, aole ae na Alii Hoolepope i keia kauoha.  Ua hoole nohoi ke Aupuni o Farani i keia manao o ka Emepera o Geremania, oiai ua manao iho la kona Kuhina Nui. ola o Kadinela Richelieu. aole i ku i ka hanohano o ke aupuni o Farani. e lilo o Feredinana i Alii, a i ole ia. ia i Moi Poo no Geremania holookoa.

  "Nolaila, i ka ike ana o Gustavus o Suedana i keia mea, ua paa iho la kona manao e kokua oia i na Hoolepope me ka ikaika o na mea kaua.  Aole loihi loa na la mai keia la a kakou e kamailio nei e nee aku no ia imua o ke kahua kaua.  Nolaila, e Nigela. o keia iho la ke kumu o ko maua hoea ana mai nei ia nei.  Aia nohoi ma Denemaka. o lakou no ka iwikuamoo o ka pualikoa ma ia wahi. ka hapanui hoi o ua aliikoa maloko o na pualikoa ma Denemaka a ma Suedena nohoi. he poe Sekotia.

  "Mamua aku nei. ua lawelawe au i ka oihana koa maloko o ka pualikoa Denemaka. aka. he mea maopopo loa e huipu aku ana ko'u regimana malalo o na alakai ana a ka Moi o Suedena.  Ua hai ia mai nohoi ia makou ma ke ano malu. ma Denemaka ua hiki no ia makou he hana elike me ka makou i ike ai he pono. aka. aole nae ka Moi Christiana e haawi mai ana i na kokua maoli ana. oiai ua paa oia malalo o ke kuikahi.  Ua nui ko makou poino ma ka hoouka kaua o Lutter. a ua makemake loa au i 500 poe kanaka Sekotia no ka hoopiha hou ana i ko'u puali i loaa ai ka heluna piha pono.

  "Nolaila, ke manaolana loa nei au o oe kekahi e kokua mai ana ma keia hana.  O oe. owau. o Kapena Hume nei nohoi ame Hepburn. he poe kakou a pau iloko o ke kuianui. a noloko nohoi o ka papa kula hookahi.  Aole i kana mai o ka mea maikai no kakou apau e hakaka ana no ka pono kuokoa i hoohuki ai. he alo no a he alo me na enemi o ua Manaoio la o kakou.  E hai aku nohoi au ia oe. e Nigela. i keia la ua helu ia o Hepburn. oia kekahi o na kanaka koa ma Europa nei."

                                                                                                (Aole i pau.) 

 

HE AUPUNI TERITORI ANA KO HAWAII.

  Mamua o ka paa ana o ka makou pepa i ke ahiahi Poaha nei. aia hoi. loaa mai la ka lohe ia makou. he Aupuni Teritori ana ko Hawaii nei. aka. me ka loaa ana no nae he mau wahi pono i ikeia ma na kulana Aupuni Mokuaina maoli.  Aole nae e hoohalike ia ana kakou me Alaska ame ka Apana o Columebia. oia hoi e District of Columbia. O ke kulana Aupuni a loaa ana ia Hawaii nei. oia no ke kulana Aupuni e loaa ana ia Cuba ame ua aina hou i loaa iho nei ia Amerika. ke ole makou e kuhihewa o ka inoa o keia kulana Aupuni hou o Hawaii. oia no ke kulana Aupuni Teritori o Hawaii.

  E haawiia mai ana ka pono hooponopono kuloko ia kakou.  E mahelehele ia ana hoi na mokupuni o kakou iloko o na apana nunui. aole e like me ko keia wa ka liilii.  E loaa ana no ka pono koho balota ia kakou. Huro!  Ua lanakila ke Kuokoa!!

 

AOHE LOAA KA PONO MOKUAINA IA HAWAII.

  Ua lohe mai makou. eia mawaena o na oleloao e paaia nei e ke Komisina i keia wa. aole loa i ae o Peresidena MaKinile e haawi mai ia Hawaii nei i ke kulana pono Mokuaina (Statehoo).  Well, well, Hawaii is not in her babyhood.  Is she?  Poor girl.  She has been once a very large girl in her womanhood.

 

HOOLAIA KA MA'I HI MAU.

  He mea hoike aku keia. ua loohia au i ka ma'i hi mau mai ka wa mai o ke kaua huliamahi.  No ka nui loa o ko'u nawaliwali. aole hiki ia'u ke hele a hana i kahi mea.  Hookahi no omole o ka Laau Ola a Kamalena no ke Nahu, Kolera ame ka Hi, ua ola loa ae la au a maikai.

J. R. GIBBS.

Fincastle , Va.

  Ua loaa au i ka ma'i hi mau no 12 makahiki.  Ekolu omole o ka Laau Ola a Kamalena no ke Nahu, Kolera ame Hi o ko'u ola no ia.

S. L. SHAVER,

Fincastle. Va.

  O Mr. Gibbs ame Mr. Shaver, he mau kanaka mahiai koikoi laua e noho ana ma kahi kokoke i Fincastle, Va.  ua kuai laua i ka laau mai a Mr. W.E. Casper mai, he kanaka kawili laau no ia wahi, a i kamaaina loa hoi me laua. a e hooiaio ana hoi i ka oiaio o keia mau olelo ae la.  E kuaiia ana e na poe kuai laau apau.  O Benson. Smith. & Co., na Agena ma Ko Hawaii Pae Aina.

 

  He elua paha mau mokuahi e e ku mai ana i keia ia mai Amerika mai.

 

  Ua haulepio o Manila iloko o ka lima o na koa Amerika.

 

  Eia mai no na moolelo ekolu a ke Kuokoa ke puka aku nei me ka piha i na hooheno o ke au hou.

 

  O Miki Saite ke Kanikela Iapana no Hawaii nei.  Ua noho kanikela mua oia no Iapana ma Tacoma.

 

  O ka la hanau keia o ka Moiwahine (i pau) Liliuokalani.  He anaina hookipa ka ka Moiwahine e malama ana i keia la ma Wasinetona Hale.

 

  Ma ka wa a Mr. Keoni Rikikini i noho uku nei i Wasinetona, ma ke ano Komisina mai Maui mai. ua kakau oia i kekahi buke e hoakaka ana i kona manao no ka mea e pili ana i ka ninau Hoohui aina.  He buke keia ma ka Olelo Beritania. me na kuhikuhi kanawai.

 

Hoolaha Kumau.

 

Ka Ayer Laau

Hoomaemae Koko.

SARSAPARILLA.

  E hoomaemae oe i kou koko me ka Ayer Laau Hoomaemae Koko (Sarsaparilla). o keia ka laau pahu'a ole o kona ikaika hooia.  Kupono maoli keia laau no ka ma'i Alaala. ma'i Hehe. Puha. ma'i Aai. ma'i Kuapuhi. ma'i Puupuu oolohu. ma'i Kane pohaka. ame na ma'i no apau e ulu mai ana mailoko mai o ke koko ino.  he kupono loa nohoi keia LAAU HOOMAEMAE KOKO A AYER no ka ma'i nalulu (catarrh). rumatika ame ka rumatika pehu.

  Ma ke ano he laau hooikaika kino la. aohe ona lua.  E kokua ana ia i na mea paahana o ka opu ma ka hoowali ana i ka ai. hooikaika i ka hana ana a ke ake-paa nawaliwali. hooikaika hoi i na aa-lolo a hooikaika pu hoi i ke kino i hele a nawaliwali mamuli o ka luhi ame ka hoomailo ana a ka ma'i  Ua ike na kauka lapaau ma na wahi apau. he Laau maikai loa keia Laau Hoomaemae Koko a Ayer.  He laau keia i loaa no loko mai o ka pa'ipa'i ame ke kawili a hoohuihui naauao ia ana o na laau hoomaemae koko a hooikaika kino ikaika loa.  Aohe laau hoomaemae koko elike ma keia, a i makemake nui ia nohoi elike me keia.

Ka Ayer Sarsaparilla

Hoomakaukauia e

DR. J. C. AYER & CO.,

Lowell , Mass., U. S. A.

O ka Ma'i Awa - awahia o ka Opu i na Huaale a Ayer

 

No Keaha

I HOOKAWELEWELE LOA AKU AI OE I KELA

ANU, KUNU

AME

PUU EKA?

 

Ua kaulana loa ka LAAU KUNU A AYER

(Ayer's Cherry Pectoral) iloko o na makahiki

he aneane 60, ma ka hoola ana i na Ma'i o ka

Puu ane ke Akemama, ke Anu, ke Kunu, ka

Ma'i La Grippe. ame ka Ma'i Mala o ka pale

Akemama.  He ono keia laau ma ka inu ana,

a he oiaio ke ola.

AYER'S CHERRY PECTORAL

Na Medala Gula mai na Hoikeike Nui o ka Aa

 

Mai lawe i na Laau Emi i Hoohalikeia me keia

Hollister Drug Co. Lt.

Na Agena ma ka Paeaina Hawaii.

 

Kakela ME Kuke.

Ka Halekuai Nui

- : O NA : -

Waiwai Like Ole

O na Mea

HANA KAMANA A PAU

Na Lako Pili Hao Kukulu Hale,

Na Kepa bela,

Na Lei Ilio,

Na Kaulahao Ilio,

Na Pahi,

Na Upa,

Na Kope Hulu,

Na Pulupulu

 

Na Palau Lio

Na

Mea Mahiai

Na Au Ho, Na Au Koi,

Na kona bipi, Na lei bipi, Na kalahao bipi,

Na uwea pa, Na kaa palala,

Na mea piula, Na

Ipuhao.

Makau ME Aho Lawaia

Na Iliwai..................................           Na Pakeke...................

Na Kula...................................            Na Pakeke Hao...........

Na Hulu Pena..........................            Na Kapu Hao..............

Na Pulumi...............................            Na Pauda....................

Na Pena me Aila.....................            Na Kukaepele............

Na Kopa.................................             Na Ipukukui...............

 

Mikini Humuhumu Kaulana a

Wilcox & Gibbs

Hookahi Lopi,

KA REMINGTON, Elua Lopi.

A me na ukana he nui wale e kela a me keia ano.

Kakela me Kuke.