Ka Nupepa Kuokoa, Volume XXXVII, Number 35, 2 Kepakemapa 1898 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

Aina i hapa no Amerika Huipuia.  Iini au no ka pomaikai o na kanaka o keia mau mokupuni. a ua mamina loa au i ka ike ana he wahi huna manao iloko o kekahi mea hookahi. a i ole ia, he wahi lihi manaolo paha iloko o kekahi kanaka. o ka hoohuila ana aku o keia mau mokupuni, he keehina kaua wale no ia. a ma ke ano hoi no ka manawa wale no. a ke lana nei ko'u manao e poai puni ae ana na kanaka o keia mau mokupuni ma ka @@@ Amerika, elike me ka hana ana a na kanaka e ae o Amerika Huipuia.  Ano e na hoa makaainana. i hookahi a elua a'u mau huaolelo, a noho iho au ilalo.  Ke manaolana loa nei au. no ka pono ame ka pomaikai o na kanaka o keia pae aina, he poe a'u i hoomaopopo iho nei, elike nohoi me ko'u mahalo ana i ka nai o ko lakou mau pae moku, aole loa e hoopulapula hou ia aku ka noonooia ana iloko o oukou. o ka hoohui ia ana aku o keia mau mokupuni me Amerika Huipuia no ka manawa wale no ia. nokamea, mamuli o ka pulama ana i ka manao oia ano. ua hana oukou i ka hana e hoopilikia nui loa aku ana ia oukou iho.  O kuu hoaloha hanohano i waiho mai nei i na ninau, ke hooia nei au ua hana oia ia hana, me ka naau kuio a oinio hoi.  Lana kuu manao, e huli aku ana ia i keia ninau ame ka moolelo i pili i keia kumuhana, a e hooholo auanei ia aole keia he hana no ka manawa wale no a pau ae.  Ua ninau mai nei kuu hoaloha, ina paha ua ike makou i ka manao laniaha o na kanaka o keia mau mokupuni, a ina paha ua imi makou ia mea, mamuli o ke koho balota ana a na kanaka, mamua o ka hooholoia ana on ka olelo hooholo hoohui aina e ka Ahaolelo Nui.  O kekahi hoi, he hana maa mau anei ia Amerika Huipuia ka lawe ana ae i na aina e ae.  Ke makemake nui au e pane aku iaia, me ka naau maikai a laelae hoi,  ole makou i ike i ka manao o na kanaka o keia ame keia wahi o na mokupuni.  Eia ke Aupuni o Amerika Huipuia ke hana nei a ke kuka nei elike nohoi me na Aupuni e ae.  me na hoa Aupuni e ae.  Aole kuka ke Aupuni oa Amerika Huipuia me ne kanaka ma na puuluulu.  Ua ike ke Aupuni o Amerika Huipuia, he Aupuni ma Hawaii, a oia Aupuni kana o ke kuka olelo ana, elike no me kana i hana ai ma na wa e ae he nui.  Oia hoi ka wa i loaa ai iaia ka hapanui o na aina (o Amerika) mai a Farani mai.  Aole makou i kuka pu me kanaka. aole nohoi O Farani i huli ae a @i aku ia lakou.  Lawelawe hana pololei ko makou Aupuni me ke Aupuni o Farani, ka mea i kuleana i ua mau aina la.  Manao au he mea makehewa wale no ka'u kamailio loihi ana aku ma keia ninau.  Ua hoohuiia keia mau Pae Aina, me ka ae ana o ke Aupuni o Ko Hawaii Pae Aina.  a e noho mau aku ana ia ma ia kulana hoohuiia.  A ke lana nei ho'u manao, aole loa hookahi makaainana o ko Hawaii Pae Aina, e manao iho.  he hoohui ana wale no keia no ka manawa. a e, hoi hou aku ana oukou a ko oukou kulana mua.  Ke mahalo aku nei au ia oukou apau no ko oukou hoolohe maikai ana mai. a ke haawi nei nohoi i ko'u aloha hope ia oukou.

 

HE AHAAINA KALAIAINA NO KA MANAWA

 

          Ua kukulu ne nei kekahi poe Hawaii maoli o loko nei o ke kulanakauhale he ahahui nona ka inoa ka Hui Hawaii Lahui.  O ka manao nui o keia ahahui. oia ka hoomakaukau ana i na kumuhana no ka waiho ana'ku imua o ke Komisina Hooponopono Aupuni o Hawaii nei.  Ua loaa ko lakou Peresidena.  Hope Peresidena, Kakauolelo, Puuku ame ka Papa Hooko.

          Eia iho na luna nui:  J. L. Kaulukou, Peresidena: D. L. Naone.  Hope Peresidena: J. N. K. Keola.  Kakauolelo, a o S. K. Ka-ne.  Puuku. 

          Eia kela ahahui i keia wa ke noonoo nei ina paha he mea hiki ke hoohuiia na noonoo ana o na poe ake maoli i ka pono o na kanaka Hawaii, malalo o ke kulana hou o Hawaii e nee aku nei, a waiho aku imua o ke Komisina. 

 

MAIKAI NO KEIA NO KA INU ANA

 

          O ke kopaa keokeo maikai loa. oia ka mea i hoohanaia no ka Laau Kunu a Kamalena, a peia pu hoi me na nalaau i inwejaweia no ka hanaia ana oia laau. a oia ka mea i like ai kona ano me ko ka malakeke "mapie," a he maikai ke inu aku.  Aohe ona lua ma ke ano laau e lia ni ke kunu. ke anu, ka ia grippe. ke kunu ho ame ke kunu kalea.  E oia koke ana me ka hikiwawe loa.  E kuaila ana e na poe kuni iaap apau.  O Benson, Smith, & Co., na Agena no ko Hawaii Pae Aina. 

 

MAU NO PELA

 

          Ke wanana ae nei ke Kuokoa e hoomau ia aku no na Luna Aupuni e noho nei i keia wa i poe hookele no ka Waa Aupuni hou o Hawaii a hoea aku kakou i ka lokahi ana o ko kakou mau manaoio.

 

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@  seems to be a train schedule here @@@@@@@@@

 

NU HOU HAWAII

 

          Ua makemake loa ko Hilo poe e loaa ia kakou ka pono.  Aupuni hooponopono kuloko.

          Ua oleloia, aia ma ka la @3 ae nei paha o keia mahina e pau ai ka ke Komisina hana maanei.

          Ma ko makou pepa o keia pule ae, e hoolaha aku ai makou i na halolelo a na Komisina ma Hilo ame Kona.

          E nana ae i ka palapala a Mr. Heleluhe i ikeia maloko o ka Nupepa Examiner o Kaleponi o ka la 21 o Augate aku nei.

          He maemae a maikai ka hale pohaku hou e pii ae nei ma ke kihi makai, aoao Waikiki o na Alanui Papu ame Kalepa.

          Eia i Honolulu nei i keia wa ke Komisina holookoa mahope iho o ka pau ana o ka lakou hele makaikai ana ia Maui ame Hawaii.

          Ua hopuia mai nei ma Hilo he Iapana i maamaalea i ka hana ana i na dala apuka, na paa pu me kana mau lako paahana apau.

          Ma ka Poakolu ne i hooloheia ai ke noi a na Pake imua o ke Komisina e aeia e loaa ia lakou na pono elike me ka loaa ana i na lahui e ae.

          Ma ka Poalua ne i paina ai na koa Amerika o ka mokukaua Arizona ma ka Pa Hale Hooko, he 1000 ame na haneri keu ka nui o ka poe ai ma ia wahi.

          Ua loaa mai ka mahalo mai na poo Aupuni Iapana mai i ke Kuhina Amerika maa nei i keia wa. no ka loaa pono aku o ka huina o $75,000 uku poho no  aa eemoku Iapana.

          Maemae keia ninau a ko Wailuku poe i ninau ai i na Komisina no ka mea e pili ana i ka hoohui aina, e wawaia nei e na poe hapa ike o Honolulu nei, he hoohui aina wale no keia no ka manawa.

          Ma ka Poakahi nei i waihoia aku ai ka hoopii a na Pake o Honolulu nei imua o na Komisina, a ma ka Poakolu nei hoi i hoolohe ai ke Komisina i na kalai olelo ana a ko lakou loio o Mr. Hako.

          Ua komohewa ae kekahi lio eleele hao kuni L ma ka uha hema.  Lae keokeo. keokeo ka wawae akau o hope, ma ka pa-hale o C. Kaanoi ma Kawaiahao.  E kii mai iloko o na la he 15 o lilo loa.

          Mai noho a hookuu aku e hoopilikia ia na keiki liilii me ka ma'i meeau aaki ulaula (eczema) a ano ma'i aai e ae o ka ili.  E ola ana ia i ka Laau Hamo a Doan.  Aole Pilikia iki, ina no he ili lahilahi a palupalu loa.  50 keneta.

          E maiamaia ana he Halawai Makaainana Nui ma ka Poakahi, Sepatemaba 12, no ka waiho ana aku i kekahi memoriala mai ka aoao aku o na kanaka Hawaii, imua o na Komisina.  Ua loheia e akoakoa pu mai ana na elele mai na mokupuni e mai.

          Ma ka hora 10 o ka po o ka Poaono @o keia pule aku nei i ku mai ai ka moku lawe koa Arizona no Honolulu nei mai Kapalakiko mai, iloko o na la holo he 6 ame ka hapa.  He 1000 a oi aku ka heluna o na koa i kau mai maluna ona.

          E hoola koke ia ana ka wela ahi a wai wela paha ma ka hamo ana i ka Laau Hamo a Kamalena.  E hoola ana ia i na wahi i poino me ka hikiwawe mamua o na laau e ae. a ke ole ka paa wela ikaika, e ola ana no me ka loaa ole he wahi alina.  E kuaiia ana e na poe kuai laau apau.  O Benson, Smith & Co., na Agena no ko Hawaii Pae Aina. 

 

HE MAKAHIKI KANIKOO

Ke pokole nei anei ka wa o ko kakou ola ana?

O ke Kau Hooilo o ko kakou ola ana

--Ke ano e oia ai me ka maikai

          Aohe he nanaina manaonao e ae ke nana aku elike me kahi el makule a luahine kupao'e, hapa olalau, loaa i ka @matika. oloi ka hele ana. @@@@@ @@@ ke kua.

          Aole ne he pono e ikeia laua ma ia ano.

          O na makahiki kanikoo. he mea pono ke oia ia me ka maikai.  ka oluolu, ka maha ame ka hauoli, aole hoi me ke ola paluhe maluna o kela kino nui maikai o ka wa ui.

          E loaa ana no keia pomaikai ma kahi hana maalahi loa.

          O keia ame keia kanaka i hoea aku na makahiki i "ka pa-kolu 20 ame 10" hou iho. he mea pono ke like me ka olelo a Hoonaueueihe:

"Oiai he ele makule au. aka, he @kaika no nae au ame ke konekonea,

Oiai, i kuu wa opio. aole au i hoopili aku

Hoko o kuu koko i na mea inu wela a ikaika hoi.

Aole hoi i hoaikane aku kuu lae

Me na mea e nawaiiwali ai au;

Nolaila, o kuu mau makahiki he wa pukani no ia."

          Lehulehu na kanaka kino ikaika i make pinepine i na la omaka mua, aole mamuli o ka pau wale ana o ka ikaika ola o ko lakou mau kino. aka, mamuli o ko lakou hai-na ana ia lakou iho, hoomaunauna wale lakou i ko lakou mau ikaika. a hoonawaliwali hoi i ko lakou mau kino.

          Nolaila, o ka poe akahele o ka malama ana i ke kino, e ola loihi ana lakou; a o na kanaka kino nunui malama ole ia, e holo paukiki ana lakou i ko lakou mau luakupapau me ka hikiwawe.

          Aka, he mea kupanaha nae, mamuli o ka apo ana o kekahi poe kane ame na wahine he nui i na kulana maikai o ka malama kino ana i lanakila ai lakou maluna o na ma'i e make koke ai na kanaka kino ikaika.  Mamuli o ka malama pono ono, ua loaa ia lakou ke ola kino ikaika kamahao loa.

          Ke hoea ke kanaka i na kakahiki he 40, alaila, e malama pono ka e hiki ai.

          Mai ka hanau ana mai a hoea i na makahiki he 30. o ke ola ana ame ka ai ana e ola ai ke kino, ua oi aku ia mamua o ka mea e kiolaia aku ana mai ke kino aku.

          Mai ke 30 a ke 40, ku iho la ke kino me he mea la aia i kahi hookahi; a kaulike ae la na mea komo iloko o ke kino me na mea kiolala aku.

          Aka, i ka hoea pono ana i ke 40, a mahope aku hoi, hoomaka mai la ke kino e nawaliwali, a oi aku ka mea kiolaia mai ke kino aku mamua o ka mea e paahanaia ana no ke kino.

          He mea oiaio, he liilii loa no keia haha. aka, e mau ana nae kana paahana ana.

          Ua ili hou iho la maluna o na paahana ana a ko kakou mau puupaa he hana hou o ke kiola ana aku i na mea awaawa ame na mea ino mailoko aku o ke kino.

          O ke kumu keia i loaa pinepine ai na kanaka i hala na makahiki he 40.

          O keia ke kumu i hoea mai ai ka Ma'i o ka Puupaa i ike ole ia i na wa i hala hope ae, a hoea mai la ka nawaliwali o ka ike ana a ka maka, ka nawaliwali maoli, ame ka ohao.

          O ke kumu keia e pono ai ia oukou ke ai i na Huaale a Doan no ke Kikala Hanene, a hoomama ae i na paahana ana a keia mau mea paahana i hoohemahema nui ia.

          "Ke nele ka ike, nele ka noonoo," a ua pili pono ka oiaio o keia mau olelo i na Puupaa.

          E kokua ana na Huaale a Doan no ke Kikala Hanene e loaa ia oukou na makahiki kanikoo.

          O kekahi nohoi, e hoohana ana lakou i na Puupaa e kanana i ka wai aeida awaawa mailoko aku o ke koko. a pela e palela aku ai ka Rumatika, a hoolaia ae nohoi ia ma'i. ka poino o na makahiki elemakule.

          Aole keia mau Huaale no ka opu -- aole lakou he mau huaale hoona-ha maoli, aole lakou e hoonawaliwali ana i ke kino.  Aka, no na Puupaa lakou ame na Mea Paahana halihali mimi, a no keia mau mea paahana wale no.  Ina makemake oukou e kakia i ke kui, e lawe anei oukou i pahiolo?  Ina makemake oukou e kakau palapala e lawe anei oukou i laau?  Aole.  E hoohana ana oukou i mea paahana kupono no kela ame keia hana, a peia no nei mea he laau lapaau.  Ina e ike oukou i na hoailona o ka Ma'i o ka Puupaa, elike me ke kikala hanene, e pono e k@@ i ka laau i hanala no la ma'i.  A ke k@@ oukou i na Huaale a Doan no ke Kikala Hanene, e makaala pono loa e ninau i ka huaale pololei.  He inoa pohihihi ole no hoi ko "Doan."  E hoomanao ia inoa, a ma ka hoomanao ana ia inoa, mai poina i kona hoapili oia o Kikala Hanene. oia ho@  "Doan's Backache Pills."  a mai lawe i na huaele e ae.

          E kuaiia ana ka Doan's Backache Kidney Pills (Ka Doan Huaale no ke Kikala Hanene) no ke 50 keneta o ke  poho, a he eono poho no $2.50. a e hoounaia aku ana no ma ka eke leta ke loaa mai ke kumukuai e Hollister Drug Co Co., kaupalenala, Honolulu, Agena no na mokupuni.

 

Ke Aloha o kuu Makuahine

KE ALOHA O KAU MEA I ALOHA AI

Ka Mana o ke Aloha

He Moolelo Walohia

@@@@@@@@@@@@@@@@@@@@@@@@@@

          "Aka, e pane mai ana no ka'u kane ia oe, ala no la i ka manao o ka maua kaikmhine."

          "Aole keia o ko'u wa'e hele aku ai imua ona.  Aka, no keia wa, ua makemake loa au e loaa mai kau mau kokua ana, oiai o oe no ko'u hoaloha oiaio loa, a nau no auanei e nonoi aku i kau kaikamahine e mare mai oia ia'u."

          Me ke ano e loa o na helehelena o ka Baroua-wahine, pane ae la ia:

          "Aole--aole.  Ua hoolohe aku nei au i kau mau huaolelo haakei. me ka hoomanawanui.  Ke ike nei au ke aumoe loa aku nei; nolaila. e hele oe.  Aka e hoolohe mai nae oe: oiai e paa ana kahi hanu ola iloko nei o'u, aole loa oe e mare ki ana i kuu kaikamahine.  Hele oe pela.  Ina nohoi e ae ana o Aliee i kou makemake lapuwale. e hoao ana no au me kuu ikaika apau e hookoole ia ka mare mawaena o olua.  Nolaila, e hele oe."

          "E, mai holo ahui loa oe me kou manao huhu no'u nei," wahi a ke Kauna Berene i pane mai ai, me ka mino aka ano hoonaukiuki ana iho.   "oia hana au, aole ia he mea e holo pono ai na hana me ka maikai."

          I kela wa i hehi iho ai ka Barona wahine i kona wawae iluna o ka papaliele me ka ukiuki nui.

          "E, eia nei, alia oe e olelo mai ia'u e haalele iho au ia nei, oiai aole i pau ka kaua kamailio ana; eia kaua ke hele aku nei i kahi maikai a waiwai loa o ka kaua mau kuka ana.  Nolaila, e noho iho oe, a e u kamailio nohoi kaua me ka maikai ame ka oluolu. elike me he mau hoaloha kahiko la.  Aole ia he mea nou e hoohewahewa ai e Adele.  Aole paha i poina loa o Alafonso ia Adele, ea?"

          No keia mau olelo a ua Kauna nei no na mea o ka i hala, aole i kana mai ka huhu o ka Barona-whine, a ia wa i hookupololei ae ai oia i kona kino, a pane mai la me ke kuhikuhi ana o kona lima i ka puka:

          "E ke kanaka lapuwale--e ka puuwai hohe wale!"

          "Aka, aole nae ia he mea e uhalu iho ai o na manao o ua aKuna Berene nei, oiai ua pane aku la ia, me ka haka pono loa ana o kona mau maka i na helehelena o ka Barona--wahine:

          "Eia ia'u na pu-a palapala i holo ia mawaena ou ame o'u i kela mau la poina ole o kaua, a ke malma nei au ia mau palapala, ma ke ano he puolo makamae loa ia na'u.  I keia kakahiaka iho nei no kuu heluhelu ana ia lakou.  Nani nohoi na mapuna olelo oia mau palapala.  Ono.  Ua malama hiipoi au ia mau mea, oiai ua noala mai ia mau mea iloko o'u i na hoomanao poina ole ana no ia mau la i kipu ia e ke aloha.  Aole loa au e ae e hemo aku keia mau palapala mailoko aku o ko'u lima; aka, e hoihoi hou aku no au ia oe i ua mau palapala la ma ka la e mare mai ai kau kaikamahine ia'u."

          I ka lohe ana o ka Barona-wahine i keia mau olelo a ua kanaka la, ua noho koke iho la ia maluna o kona noho, a pane mai la ia:

          "Manao anei oe, ua like ka aleele iapuwale o ko'u manao i keia wa elike me kou e keia kanaka hilahila ole.  He keu maoli no oe a ke kanaka hilahila ole.  He wahine au i noho iloko o ka pilikia i kela wa, a mamuli ia o kou hana aloha ole ia'u, aka, oiai he nawaliwali io no au, aka, ua loaa no ia'u kahi ikaika e hiki ai ia'u ke ku ae a paio aku no kuu kaikamahine, a e alai hoi iaia mai ke komo ana'ku iloko o ka hilahila ame ka hoowahawahaia."

          "E akahele loa oe i ke ano o kau mea e kamailio mai nei," wahi a ua Kauna Berene nei i pane mai ai, "Aole loa au he kanaka pipika wale i hope mai ka mea mai a'u i makemake ai e loaa.  Nolaila, e manaoio mai oe, mai hoao oe e hoopuhili i kuu makemake."

          "Alaila, ke hooweliweli mai nei oe ia'u?  E manao ana anei oe e hiki ana ia oe ke hoomaka'uka'u mai ia'u?"  Aole o'u maka'u ia oe.  Ua oi aku ka pono e make au ia oe, a i ole, e kau mai oe i ka poino maluna o'u mamua o kuu ike ana e komo aku ana kuu kaikamahine iloko o ka noho ana wahine a kane ana me oe.  E ku no au mawaena ou ame ia a e hoao ana nohoi au me kuu ikaika apau e hoopuhili aku i kou makemake."

          "Mai nono oe a aa e paio mai me a'u," wahi a ua Kauna nei i pane mai ai me ka leo oolea;  "ua hai aku nei au ia oe, aole loa au e hoi hope ana.  Ua ike no oe, aia maloko o kela mau palapapa he mau olelo hoike kupaianaha loa ina e waiho ia aku ana ia mau mea malalo o na maka o kau kane ame kau kaikamahine, e lilo ana oe i wahine hoowahawaha loa ia e laua."

          "He keu oe a ke kanaka ino a lapuwale nui wale."

          "E hana aku ana au ia hana ke hoomau oe i kou kue ana mai ia'u."

          Me na waimaka e hiolo ana ma na papalina a ua Barona-wahine nei, aia hoi. pane mai la ia:

          "Aole no o'u kanalua iki no ka hiki ole i kou noonoo kohu holoholona ke hana aku ia hana.  Ua ike no au e hana ana no oe peia, oiai he kanaka no oe i maa i ka hana ana i na hana karaima eleele loa.  O keia hana hooweliweli au ia'u, aole no o'u maka'u iki ia oe.  Ina no oe e hoike aku ana i na palapala au i olelo mai nei i kuu kane e hele aku ana no au imua ona. a mihi aku au iaia, i mea hoi e pakele ai ka'u kaikamahine mai a oe mai.  E kiola no au ia'u iho ma na wawae o ka'u kane. aole o'u maka'u ia mea.  Aka. o ke aloha o kuu kaikamahine. aole hiki ia'u ke ae aku iaia kino hemolele e hoopaumaeleia e kekahi kanaka lapuwale loa elike la me oe.  Malia paha e kipaku mai ana kuu kane ia'u. e hoino mai ana oia ia'u malia paha e pepehi mai ana oia ia'u. aka. e ike ana nae ia i kou ano me ka maopopo loa.  E kipaku no oia ia oe mai keia hale aku. alaila. aohe a Alice mea e maka'u ai mai a oe mai.              (Aole i pau.)

 

KULA KAIKAMAHINE O KAMEHAMEHA

          E hoomaka hou ana keia kula ma ka Poakahi ae nei, a nolaila. ua makemakeia na haumana apau e akoakoa ae ma ke wa e weheia ai ke kula.  Imua e na kaikamahine Hawaii, e hooikaika i ka naauao i loaa ka makua kupono o keia noho ana aku o ke Aupuni ma keia mua aku.  He Aupuni ike Olelo Beritania ko keia mua aku.  Nolaila, e hoomanawanui mai paupauaho.  He nui ka wa no ka noho ana imi naauao ole. a he haiki ka wa imi i ka ike, ke pau ia. o ka hala no ia o ka wa pono.

 

KA LAAU LAPAAU MAIKAI LOA NO KA MA'I KEWE

          Penei ka olelo a Mr. John Matthias, he kanaka kuai mahele o na hui waiwai o Pulaski, Ky: "Mahope iho o ka waiho a ma'i ana no hookahi pule a oi me ka ma'i kewe, a hiki ole hoi i ko'u kauka ke hoola ia'u. ua aoia mai la au e hoao i ka Laau Ola a Kamalena no ke Nahu, Kolera mae ka Hi, a ua loaa hoi ia'u ka hauoli o ka hoike ana aku, ua loaa ia'u ke ola i ka pau ana o ka hapalua omole laau."  E kualia ana e na poe Kawili a Kuai Laau Lapaau apau.  O Benso, Smith & Co., na gena no ko Hawaii Pae Aina.         

Pae Aina.

 

@ela ame Keia.

 

HOOLAHA KULA                   

 

          E weheia ana ka makahiki kula hou o ke Kula Kaikamahine o Waikupanaha, Kohala Akau, Hawaii, ma ka Poakahi, Sepetemaba 5( 1898.  O na noi apau a na haumana hou e makemake ana e komo ma ia kula e waihoia aku no ia Miss M. Truett ma Koala.

          Ma ke kauoha a ka Papa Kahu Waiwai.                    2715-4t

 

OLELO HOOLAHA NO KA MAKEMAKE E LAWE AINA 

 

          I ka poe apau e nana mai ana i keia: E hoomaopopoia, ke makemake ne ka Hui Alahao a Aina o Oahu, mamuli o ka mana i haawiia a hoonohoia iloko ona e kona Palapala Hoohui, a e ke Kanawai i aponoia ma ka ia 11 o Sepatemaba, A. D. 1898, i kapaia "He Kanawai e hoomana ana a e hoohoihoi ana i ke kukulu ana i na Alanui Kaa Mahu ma ka Mokupuni o Oahu," ame na mana e ae i loaa iaia ma keia ano, e lawe a e hoohana aku no ka pono o ke Alanui Hao i hoomanaia ai ia e kukulu aku, a no ka pono hoi o na hana e pili ana ia oihana, i na apana aina i hooakakaia penei:

          E hoomaka ana ma ke "Station" 22-75 ma ke Alanui Kaamahu o Oahu, alaila, ma ka laina waenakonu aku o ke aiakaamahu i manaoia e kukulu aku, ma ke komohana elike me ia i hoailonaia ma ka honua me na maki

a hoailona, a elike me ka mea i hoikeia ma ka palapala aina maloko o ke keena oihana o ka Hui, 380 kapuai maloko aku o ka Palapala Sila Nui 3475 i kuleanaia e ka Hui; 400 kapuai maloko aku o Kuwili i kuleanaia e ke Aupuni Hawaii, maloko o laila he akea o 100 kapuai, 20. kapuai maka aoao akau, a me 80 kapuai ma ka aoao hema o ka laina waenakonu i oleloia; 450 kapuai maloko aku o ke Kuleana 153 i kuleanaia e Dowsett ame Sumner, maloko o laila he akea o 40 kapuai, 12 kapuai maka aoao akau. a he 28 kapuai ma ka aoao hema o ka laina waenakonu i olelola; 143 kapuai ma o ke Kuleana 2@37 Ap. 2 a i kuleanaia a Ah ia. maloko o laila he akea o 40 kapuai.  12 kapuai ma ka aoao akau, a he 28 kapuai ma ka aoao hema o ka laina waenakonu i olelola; 2,000kapuai maloko aku o ka Lokoi'a o Kuwi@@ i kuleanaia e ke Aupuni Hawaii, i hoolimalimaia aku ia Ah In.  maloko o laila he akea o 40 kapuai, 20 kapuai ma kela ame keia aoao o ka laina waenakonu i oleloia: 100 kapuai maloko aku o ke Kai Lawaia o Iwilei i kuleanaia e John Ena. maloko o laila na aina apau maloko mai o @@ kapuai mai ka laina waenakonu aku i oleloia; alaila. e komo ana he akea o 40 kapuai. 20 kapuai ma kela ame keia aoao o ka laina waenakonu. 2,900 kapuai maloko aku o Kapalama ame Kaiwiula i paaia e na Kahu Waiwai malalo o ka palapala kauoha a Bernice Panahi Bishop.  1895 kapuai maloko aku o ka Kuleana 6450 Ap. 1 ame  Palapala Sila (Aina Aupuni) 3420 i kuleanaia e D. Kawananakoa ame J. Kalanianaole; 290 kapua maloko aku o ke Kuleana 5011 Ap. 5 i kuleanaia e W. L. Wilcox; 880 kapuai maloko aku o Kaluaopalena i kuleanaia e ke Aupuni Hawaii.  i hoolimalimaia aku ia Allan Herbert; 70 kapuai maloko aku o Kauwiwi; maloko aku o Kaluaopalena i kuleanaia e ke Aupuni Hawaii: maloko aku o Haunapo i kuleanaia e W. L. Wilcox; e a'e aku ana ma kela aoao o ke kahawai o Kalihi a maloko aku o ka aina: i maopopo ole ka mea nona ia kuleana; 580 kapuai maloko aku o ke Kuleana 818 ame ke Kuleana 10498 i kuleanaia e W. L. Wilcox; ame 780 kapuai maloko aku o Kahauiki i kuleanaia e ke Aupuni Hawaii. a e komo ana maloko o na akea i hoikeia ae nei, kela ame keia aina i kupono no ka hana ono ana a malama ana hoi i na Alakaamahu la. 

 

OAHU RAILWAY AND LAND COMPANY.

Ma o S. C. ALLEN, Kona Peresidena.

Ame W. G. ASHLEY, Kona Kakauolelo.

Honolulu Augate 30, 18@8.

2715-@@

 

HOOLAHA A KA LUNAHOOPONOPONO WAIWAI.

          Oiai, ua hookohuia mai ka mea nona ka inoa malalo iho nei i Lunahooponopono no ka Waiwai o JAMES I. DOWSETT, o Honolulu iho nei i make , ke hoolahaia aku nei ma kela i ka poe apau he mau koi ka lakou i ka Waiwai o JAMES I. DOWSETT i oleloia, e waiho mai ia mau mea i aponoia, me na palapala hooia kupono, ina hoi he mau palapala kekahi oia ano, ina no ua hoopaaia ke koi ma ka Moraki maluna o ka waiwai paa, a ano e ae paha, iloko o EONO MAHINA mai ka ia i puka mua aku ai keia hoolaha, i ka mea nona ka inoa malalo iho nei ma kona Keena ma Alanui Kalepa, maloko o Honolulu i oleloia, a i ole ia, e hoole mau loa ia aku no lakou.  A o ka poe hoi apau i aie mai i ua Waiwai nei, ke kauohaia aku nei e hookaa koke mai ia mau aie i ka mea nona ka inoa malalo iho nei, ma kona Keena i oleloia ae la.

JOHN M. DOWSETT.

Lunahooponopono o ka Waiwai o Jas. I. Dowsett, i make.

Hanaia Honolulu.  Inlai 29. 1898/

2713-6t

 

@oolaha Mana @ooklokoolo.

 

ILOKO O KA AHA KAAPUNI APANA

          Hookolokolo Ekahi o ko Hawaii Pae Aina.  Ma ka Hooponopono Waiwai.  Ma ka Hana o ka Waiwai o KAALEWAI PEARSON.  o Honolulu, Oahu.  i make kauoha ole.

          Nokamea, ua waihoia mai e Louis Pearson, ke kanewahinemake. he palapala noi no ka Hookohu Lunahooponopono Waiwai no ka Waiwai hoi i oleloia.  a e hoopukaia aku ia palapala iaia, nolaila, ma keia ke hoolaha ia aku nei i k poe a pau i kuleana ma ua waiwai la. o ka POALIMA. Sepatemaba 30, 1898, ma Aliiolani Hale, Honolulu, Oahu, hora 10 o ke kakahiaka, oia kahi ame ka manawa e hele mai ai lakou. a e hoike mai i kumu. ina he kumu ka lakou e ae ole ia ai ke noi.

          Honolulu, Augate 31, 1898.

                   Na ka Aha:         

                                      J. A. THOMPSON,

2718-3t                                            Kakauolelo

 

AHA KAAPUNI O KA APANA KAA

          puni Eha o ko Hawaii Pae Aina.

          Ma ka Hooponopono Waiwai.  Ma

          ka hana o ka Waiwai o Kea (w) i

          make.

          Mamuli o ka waihoia ana mai o ke Noi e Mrs. Pihana.  ka Lunahooponopono Waiwai o ka Waiwai o Kea (w), e nonoi ana e kohoia i la no ka hoolohe ana i kana Noi, a e hookuuia hoi oia mailoko mai o na ko'iko'i a pau o ka noho Lunahooponopono ana.

          Ma keia ke hoolahaia aku ne, o ka Poaha. la 15 o Sepatemaba, A. D. 1898, hora 9 a. m., ma ke Keena, ma ka Hale Hookolokolo ma Hilo, Hawaii, oia kahi e hooloheia ai ua Noi la, a ma ia wahi a ma ia manawa e hele mai ai na poe apau i kuleana ma ia hana, a hoike mai i kumu, ina he kumu ka lakou, nokeaha la e ae ole ia ai ua Noi la.

          Hilo.  Aug. 15, 1898.

                   Na ka Aha:                                      

                                DANIEL PORTER

2717-3t                                            Kakauolelo

 

Vapo-Cresolene  He Laau Hoola.  Oiai no Oe e Hiamoe ana no ke

@@@@ Kalea, ka Hano, Ku@@Ho, ka Halulu Kau, ke Anu 

          Ma ka wa e hoopunohuia ai ka uwahi o ke CRESOLENE maloko o ke keena o ka mea ma'i, e loaa koke no ka oluolu.  He ka mahao kona ikaika hoola a ma ia wa hookahi nohoi e kaohila aku no ka pahola ana mai o na ma'i lele, ma o kona lilo ana he laau kinai ma'i. a he laau pilikia ole nohoi no na keiki.  Ekuaiia ana e na poe hana lanu.  E haawi wale ia no ka buke hoakaka.                                

          HOLLISTER DRUG CO., Honolulu, H. I. na Agena