Ka Nupepa Kuokoa, Volume XXXVII, Number 33, 19 August 1898 — UA HOEA MAI NEI NA KOMISINA HOOPONOPONO KANAWAI. [ARTICLE]

UA HOEA MAI NEI NA KOMISINA HOOPONOPONO KANAWAI.

Ma ke ku ana mai o ka mokuahi Marii»osa, ma ka Poakolu iho nei, i ho/»a mai ai o Senatoa Cullom, Senatoa Morgan ame Lunamakaainana Hitt. na hoa Amerika ekolu o loko o ke Komisina Hooponopono Kanawai a kulana Aupuni o Hawaii nei. He elima ka nui o na hoa o keia Komisina. he elua no Hawaii nei. O ke ano o ka lawelawe ana aku o keia Komisina i lakou hana, aole no ia ma ke ano malu; aka, i kekahi wa no nae, be mea pono no ke hoolaikiia ko ka lehulehu ae laula ia ana e kiai aku i na hana a lakou. Aole no i maopopo lōa la makou i keia wa ka papa 'hana a ke.tx Komisina. Aka, he mea maopopo no nae, aia no na hooheleia ana o ka lakou mau hana' maloko o na palena ano nui i kau paleia e ka Olelo Hooholo Hui a Lunamakaainaua Newlantls. E hoomakaukau ana keia Komisina i na mea apau e lawa pono ai ka lakou hoike e waiho akni al lmua o ka Ahaolelo Nui o Amerika Huiia, ma ka. malama. de nei o Dekemaba. O kahi e malamli ai keia Komisiua 1 ka lakou mau lawelawe hana ana, pela ka lohe i loaa loaa mai ia makou. maloko no ia o ke Keena Ahaolelo o na Lnnamakaainana. Ma ka auina la Poakolu nei i hele aku ai na lala Amerika o k« Komisina o hui a e launa pu me na hoa Hawaii o ua Komiaina la. nui ka Hale Oihana Hooko.