Ka Nupepa Kuokoa, Volume XXXVII, Number 33, 19 ʻAukake 1898 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXXVII.  HELU 33.  HONOLULU, POALIMA, AUGA@E 19, 1898. NA HELU APAU 2716

 

Hoolaha Loio.

 

 

W.R. KAKELA

 

            Loio a ke Kokua  ma ke i a @

 

HE LUNA HOOLAIO PALAAPLA.

 

LYLE A DICKEY.

 

Loio a he Kokua ma  ke Kanawai.

 

Notari no ka Lehulehu.

 

Kihi o Alanui Betela me Moi. Pahu Leta 286.

 

            Iloko o ke Keena o ka Loio Kuhina mamua, a he Loio Hoopii ma ka Aha Apana ao Honolulu.

 

            E hookoia na hana pili kanawai apau mai na Mokupuni mai.

 

            O A. F. Tavares, Kakuolelo, Maheleolelo a aNotere no ka Lehulehu. 1 yr.

 

Hoolaha Human.

 

Papa! Papa!

 

Aia ma kahi o

 

LEWERS & COOKE

(Lui Ma.)

 

Ma ke Kahua Hema o na Alanui Papu me Moi.

 

E LOAA NO NA

 

Papa Nouaiki

 

O kela a me keia ano.

 

Na Pani Puka              _____

Na Puka Aniani           _____

Na Olepelepe              _____

Na Pou                                    _____

 

_____  Na O`A

_____ Na Papa Hele

_____Na Papa Ku

_____Na Papa Moe

 

Na Pili Hale

 

O Na Ano Apau.

 

Na Palaki o na Ano he Nei Wale.

 

            Ke haaia aku nei oukou e na makamaka a pau, ua makaukau keia mau makamaka o oukou o hoolawa aku ma na mea a pau e pili ana ma ka laua Oihana no ka

 

Uku Haahaa Loa

 

@ like me ka mea a holo ana [@ too blurred]

 

E @ o Wao no Oukou Ike

 

            He mea pono i kela a me keia ohana ke lkoaa ona laau lapaau maman o na ma`i o ka opu. I laau  lapaau puhili no ka “Moku ino loa o ka lepo” (Diarhea) Nahu, Umii, Kolera ame na ma`i apau o ka opu, aole he laau lapaau oi aku o ka maikai nelike me ka PERRY DAVIS LAAU PENIKILA (Pain Killer). Ua lawelawela keia laau no na makahiki he kanalima, a ko ke hana mau ia nei i kela ame keia la, ma na ina apau o ka honua nei. O ka Hui Kuai Lapaau o Hollister O ka Hui Kuai Laau Lapaau o Hollister ka Agen.

 

NA KOMISINA ELIMA.

O keia na Kii o na Kanaka i waeia e Peresidena McKinley no ka hoomakaukau ana i Kanawai e hooponopono ai i ke Kulana Aupuni o Hawaii a waiho aku i ka Ahaolelo Nui.

 

KA MEA HUNA POHIHIHI

 

Unuhiia e Hoouiwmahiehie no “Ke Kilohaua Pookela o ka Lahui Hawaii.”

 

MOKUNA XLII.

 

            “Aole me a`u kou manaoio a manaoio ole mai i ka`u mau olelo e hai aku nei ia oe.  Me oe no ia. Aole nohoi au i manao iki e manaaoio mai ana oe i ka`u mau olelo. Aole, “ wahi a Adelo i pane mai ai.

 

            “Ua kamailio mai la hoi ua Adelo nei i keia mau olelo me he mea la he oiaio, a ua komohia io mai la ka welenia oia mau olelo iloko o ko Alamira mau noonoo ana a manaoio iho la ia ua pau io paha ke aloha o kana ipo iaia. Ua lilo keia i mea hookaumaha loa i kona noonoo. Ua olelo wale iho la nohoi ia iloko iho o kona noonoo ana, ma ke kumu hea e hiki ai i ka Haku opio ke hookuu ole ae i kona aloha nona, ina ua komo aku iloko ona na manao kakanalua nona mamuii o kona hoomaopopo ana he kaikamahine io no ia na kekahi kanaka koikoi o loko o Pelekane i haawi ia na hoowahawaha ana iaia, e like hoi me ka Haku Tereveliana i hana ai i kona luaui makuakane oia hoi. O Geofere Tereveliana.

 

            Ua hoopoluluhi ae la keia manao iloko ona, aka, no ka wa pokole wale no aia hoi, poha hou ae la na olino ana o ka hauoli iloko o kona puuwai, a hu mai la no kona aloha no ka Haku Opio Rosevena, a lilo ae la na manao kanalua apau ana i hoohanaiahuhu ai i na sekona mamua iho i mea ole, a oni paa hou iho la kona paulele maluna o kana mea i aloha ai.

 

            “E kuu haku, e Adelo, mai olelo hou mai oe ia`u i kekahi mea e pili ana no ka Haku Rosevena.” Wahi a Alamira i pane aku ai ia Adelo, “oiai, aohe o`u wahi manaoio iki i kau mau mea apau e olelo mai nei. Aole o`u wahi kanalua iki, aia iloko o ka puuwai aloha a maikai o keia elemakule hoopono, oia hoi ka Haku Tereveliana, he manao e kala mai ia`u no ke karaima a`u i hana ai, ina nae hoi he hewa kekahi oia ano i hanaia e a`u imua ona koe wale no paha ke karaima i hoe mai mamuii o ko`u lilo ana i kaikamahine na Geofere. Ke manaoio nei nohoi au, aia no iloko ona ka manao ana e hooki oia i kana mau hana hoomaau i keiki i aloha ai me ka oiaio, i ole wale no ka hoopuniia ana e kau mau olelo alakai hewa, elike nohoi me kau e hana mai nei ia`u.”

 

            Ua lilo keia mau olelo a Alamira i pane aku ai, i mea e hooponiuniuia ai ko Adelo poo, eia nae, aole oia i pane mai

 

            Ma keia wa noho hamau iho ai laua me ka pane leo ole ana i kekahi ame kekahi. Ua hookikina aku la hoi o adelo i ka holo ana a ka lio, a maluna o ua holoholona la i hookuu aku ai oia i kona huhu ame kona ukiuki no na olelo a Alamira i pahu aku ai imua ona.

 

            Ke hele nei i keia wa i ke kulu aumoe. Ua hiamoe iho la hoi o Jose. a o kona wahi poo keia, ua kau mai la ia maluna o na kuli o kona kaikuahine. O Alamira hoi, ua noho iho la ia me ka nane leo ole aka ma ia wa hookahi no, aia kona uhane ko hoomaha la iluna i ke apopolohiwa a iluna aku. Ae—e pule ana oia i kona Makua Lani, a e hoomaha ana kona uhane ilaila.

 

            I ka hele hana hoi, a hoe i ka wanaao ana, ia wa i o mai ai na welau huihui a ke aheahe kehau kakahiaka. Aole i kana mai ka ikaika o ka pa ana mai a ke kehau, a ikaika pu mai la nohoi ka houhou ana mai a ke anu. Ia wa i pupue iho ai o Alamira iloko o kahi kihei kaa e uhi ana mamua ona ame Adelo.

 

            “Kokoke kaua e hoea aku i ka hale a`u i hoomakaukau ai no olua,” wahi Adelo i pane mai ai ia Alamira. O kou wahi aku ana ia e noho ai, a o kou home hou hoi ia. Aole hoi e hiki ana ia oe ke haalele iho ia wahi, aia wale no oe a ae mai e lilo oe i wahine na`u.”

 

            Hoomau aku la nohoi lakou nei i ka hele ana, a hiki wale i ka puka ana mai o ka la, a ia wa i ike aku ai o Adelo i ka hale ana i hoolimalima ai, a o ka hale hoi ana i makemake ai i wahi ia e hoopaa pio ai kana mau paahao.

 

            Hoomau aku la lakou nei i ka holo ana, a hiki i ke kokoke loa ana i ua wahi hale nei. Maanei i huli ae ai o Adelo a pane aku la ia Alamira:

 

            “Aia ko olua hale. Ma kela wahi oe e noho ai e Miss Tereveliana a hiki i kou ae ana e mare mai oe ia`u. Ke ike nei oe, o ka hale hookahi wale no keia ma keia wahi. Aole loa e moeuhane ana kekahi kanaka ola o ko keia ao, eia oe ma keia wahi kahi i noho ai.”

 

            I ko lakou nei hoea ana aku hoi i ka puka pa o ua wahi hale la, ua lele mua iho la o Adelo ilalo me ka lalau ana mai hoi ia Jose. Ua hana oia i keia hana mamuli o kona manao ana, ina oia e waiho aku ana i ua wahi keiki la iluna o ke kaa, he mea ia no Alamira e holo aku ai maluna o ke kaa, a haalele ia hoi oia e hoaa ana.

 

            Nolaila, paa mai la oia i ua wahi keiki la me kekahi lima, a me kona lima hoi i kaawale wehe aku la ia i ka puka o ka pa. I ka hemo ana, ua lawe loa aku la ia ia Jose a waiho aku la iaia ma ka lanai o ka hale, alaila, huli mai la ia a kii mai la ia Alamira.

 

            Eia nae iaia i hookokoke aku ai i kahi a Alamira e kau ana maluna o ke kaa, ia wa i pane mai ai oia iaia, ma ka i ana mai:

 

            “Mai hoopa mai oe i kou lima maluna o`u. Na`u no au e lele mailuna aku nei o ke kaa. E hele aku ana no au mahope ou.”

 

            I kela wa i ka@  pokii kaikunaue iaia:

 

            “Sister Dear come”

 

            “I am here, darling” wahi a Alamira i pane aku ai. “Aole au e haalele ia oe”

 

            Alakai aku la o Adele ia lana iloko o ka hale, a komo aku la lakou a aahoea i ka rumi hookipa aua hoonaniia nohoi o loko me ka ma@ loa. Maanei pane mai la o Adelo ia Alamira@

 

            “Aia ko elua rumi e noho ai ma ka hale maluna. Nolaila, e oluolu oe, e aAlamira, e uika@ mai mahope o`u.

 

            Ua pii aku la oia ma ke alapii, me ka hii ana ae hoi ia Jose ma kona mau lima, oiai hoi a Alamira i hahai aku ai mahope ona.

 

            O ka manao mu@ i komo mai iloko ona, oia kona haalele ana iho ia Adelo me kona wahi pokii kaikunane, a e holo oia mailoko aku o ka hale a kau hou iluna o ke kaa, alaila, e huli hou oia i hope no ka imi ana i kokua nana e hoopakele i kona wahi pokii kaikunane, aka, noona hou iho la ia, he hana wale no ia ana e hana ai i mea e komohia aku ai kona wahi kaikunane iloko o ka pilikia nui, nolaila, ua hoopau oia ia manao ona.

 

            I ka hoea ana aku o Adelo iluna pono o ka hale o luna ua lawe loa aku la ia i kana mau pio a hoea iioko o kekahi keena i hoolako pono ia oloko me na mea hoonani hale o keia ame keia ano ame na mea nohoi apau e pono ai ka noho ana oloko o nei mea he keena hookipa.

 

            Ma keia keena i hoonoho iho ai ua Adelo nei ia Alamira ma.

 

            E hamama ana hoi ia wa ka puka o kekahi keena moe i hoolako pono ia me na pono apau, a kuhikuhi ae la na Adelo nei ia Alamira o kona rumi ia e moe ai. A e pili pu ana me keia rumi he wahi ikeena uuku, a he wahi moe uuku nohoi ko loko, a ua hooliloia aku la ia e ua Adelo nei, i rumi e hiamoe ai kahi kaikunane o Alamira.

 

            Ua komo aku ai hoi ua Adelo nei maloko o keia mau rumi e nana a e makaikai ai, a mahope puka hou mai la oia iwaho a kamailio aku la ia Alamira.

 

(Alole i pau.)

 

HE MAA KAHIKO.

 

            (Mai ka Republican Traveler mai, Arkansas City, Kan.)

 

            O na huakai hele i kekahi wahi hooano o Sana Vitusa, i mea e ola ai ka ma`i i ikeia ka St. Vitus dance, aole i hanaia ia mau huakai hele. O ke ano hou o ka lapaau ana i keia ma`i. aia ia ma ka ipuka o kela ame keia home, elike me ka mea i hoikeia mai e Karl A. Wagner, kahi keiki a George Wagner nona na makahiki he 11, a aia kona wahi noho ma ka helu 515 , 9 ^th St. Arkansas City, Kan. Penei ka molelo o ka makuakane i hai mai ai:

 

            “He makahiki a oi i hala ae nei,” wahi ana “loohia ia iho la o Karl i ka ma`i St. Vitus dance, a ua mau ka ikaika o ua ma`i la maluna ona iloko o na mahina elima o kona lapaaula ana e ke kanaka Ua lolo mai la kona aelolo, a ua hiki ole ia makou ke hoomaopopo i kekahi wahi huaolelo ana e kamailio mai ai. Hele mai la kona kino a wiwi, lolo mai la hoi kona wawae akau, a ma na ano apau, ua lilo oia i luahi na ka ma`i nawaliwal

. Ua aneane e pau ko maua manaolana, a oia ka wa a kekahi wahine i kamailio mai ai i ka`u wahine e hoao i na Huaale Akala a Dr. Williams, oiai hoi, u@ ike keia wahine i ke ola ana o kana kaikamahine i loaa i ka ma`i elike me keia i keia ano huaale.

 

            “Ua kuai aku la au he poho huaale a ai nohoi o Karl, a ua ike io aku la maua i ka loli ana a e o kona ano. Ua hauoli loa ia au, a nolaila, kuai hou aku la au i poho huaale hou, a ma ka wa i pau ai iaia na huaale o na poho elima, ua nalowale loa aku la ka ma`i mai iaia aku.

 

            “He aneane eono mahine ae nei ia i hala, aole hoi i ho`i hou mai ua ma`i la. Ua oia loa, a ua ike hoi au, aohe laau lapaau e ae e loaa ai keia ola kupaianaha ana. Hauoli maua i ka hoihoi hou ia ana mai o ka maua keiki, a ua ike nohoi maua o na Huaale Akala a Dr. Williams, he lua ole ke kamahao, aohe ona laau elike ai.”

 

            Aohe mea i loaa iloko o keia mau la hou e nee nei i llilo i mea hoopomaikai nui i na kanaka elike me na Huaale Akala a Dr. Williams. E hoohana koke ana lakou i ke koko, i na aa lolo, a e hooikaika ana hoi i ke kino, e hooponopono ana i na mea paahana, e hoihoi hou mai ana i ka ikaika ame ke ola iloko o ka mea ma`i ma ka wa e puhili ai na lapaau ana a ke kauka.

 

            He nawaliwali koikoi loa ko ka Pope o Roma.

 

            O Kadinela Seraphino Vanutelli, ka mea nona ka inoa ikaika loa no ka noho ana i Pope, ke make o Leo.