Ka Nupepa Kuokoa, Volume XXXVII, Number 31, 5 August 1898 — Page 1
| This text was transcribed by: | Rosemary Mccune |
| This work is dedicated to: | Tenley Ueda Cotchay and Kekoa |
Ka Nupepa Kuokoa
KE KILOHANA POOKELA NO KA LAHUI HAWAII.
-------
BUKE XXXVII. HELU 31. HONOLULU. POALIMA, AUGATE 5, 1898.
-------
Hoolaha Loio.
W. R. KAKELA.
Loio a he Kokua ma ke Kanawai
HE LUNA HOOIAIO PALAPALA.
@
-----
LYLE A. DICKEY.
Loio a he Kokua ma ke Kanawai.
Noturi no ka Lehulehu.
Kihi o Alanui Betela me Mo@ Pahu Leta 286.
Iloko o ke Keena o ka Loio Kuhina mamua, a he Loio Hoopii ma ka Aha Apana o Honolulu.
--
E hookoia na hana pili kanawai apau mai na Mokupuni mai.
O A. F. Tavares, Kakauolelo, Maheleolelo a Notere no ka Lehulehu. 1yr.
-----
Hoolaha @uma@.
--
Papa! Papa!
** Aia ma kahi o **
LEWERS & COOKE
(Lui Ma.)
Ma ke Kahua Hema o na Alanui Papu me Moi.
-----
E LOAA NO NA **
Papa Nouaiki
O kela a me keia ano.
--
Na Pani Puka.... _____
Na Puka Aniani.... _____
Na Olepelepe..... _____
Na Pou.............. _____
_____ Na O'a...........
_____ Na Papa Hele..
_____ Na Papa Ku.......
_____ Na Papa Moe....
-----
* Na Pili Hale
* O na Ano apau.
A me na . .
Wai Hoohinuhinu Nani
O Na Ano Apau.
-.-
No Palaki o na Ano he Nei Wal
-
Ke haiia aku nei oukou e na makamaka a pau, ua makaukau keia mau makamaka o oukou @ hoolawa aku ma na mea a pau e pili ana ma ka laua Oihana @o ka
Uku Haahaa Loa
@ like me ka mea @ holo ana mawaena @ Laua a me ka Mea Kuni.
-----
E Hele Mai o Wao no Oukou Iho.
-----
He mea pono i kela a me keia ohana ke loaa ona laau lapaau maman o na ma'i o ka opu. I laau lapaau puhili no ka "Moku ino loa oka lepo" (Diarhea) Nahu, Umii, Kolera ame na ma'i apau o ka opu, aole he laau lapaau oi aku o ka maikai nelike me ka PERRY DAVIS LAAU PENIKILA (Pain Killer). Ua lawelaweia keia laau no na makahiki he kanalima, a ke ke hana mau ia nei i keia ame keia la, ma na ina apau o ka honua nei. O ka Hui Kuai Lapaau o Hollister @ ka Hui Kuai Laau Lapaau o Hollister ka Agen.
_____
KA MEA HUNA POHIHI
--
Unuhiia @ H@@homahiehie no "Kekilohaua Pookela o ka Lahui Hawaii."
--
I ka ho@a ana mai okamea hotele na hoike aku la oia imua ona i kana mea i makemake ai a na hai mai la hoi ka mea hotele i haina no kana mea i makemake ai e ike. Hai mai @a ia he hapalua hora wale no koe a hoea mai ka wa e holo aku ai ke kaa ahi @ Cardiff. a ina e hele ana ma ia kaa, e loaa ana iaia he hookahi a elua hora okoa e noho ai iloko o ke kulanakauhale mamua o ka huli hoi hou an mai o ke kaa ahi ma ka auina la ae, a e hoea hou ana i Daletona mamua o ka molehulehu loa ana.
Nolaila, hoomakaukau iho la ua Adelo nei no ka holo ana kau i Cardiff. Mamua hoi o kona haalele ana iho i kahotele, ua kakau iho laia he wahi palapala na kana kauwa e hoke ana iaia i kana mau mea apau i makemake ai iaia e hana oiai kona wa i kaawale aku ai i kahi e, e hoakaka pu aku ana hoi oia iaia no ke kumu o kona haalele aua iho ia Daletona, alaila, waiho iho laia i ua palapala la maoko o ke keena o ke kauwa, a hele aku la oia no kahi hoolulu kaa ahi.
Oiai hi ia e hele ana ma kealanui, aole oia i hoohala iki i ka nana ana ma o a maanei o ke alanui, a pela nohoi iluna o nahalema ke ake ana e ike ia Alamira, aka, aole nae oia i ike iki iaia.
Eia nae ua halawai aku lano ia me kana kauwa iaia i puka mai maikoko mai o kahale kahi umiumi. Me ke ano pohihihi no nae oia i hoomaopopo aku ai iaia, mamuli o ka loku ano e loa ana o kona helehelena, a ike iho la hoi ia aole e hiki ana ia Alamire kehoomaopopo koke ana ia Wigby.
Ua ku iho la ia a kamailio pu iho la me kona kauwa me ka hoakaka pu ana aku iaia ikana mau mea apau e hana ai. I ka pau ana o kana kamailio ana me ia, ua hoomau aku la ia i ka hele ana no kahi hoolulu kaa ahi.
Ua hoea aku la hoi ia i kahi hoolulu kaa ma ka wa pono, a kau aku la noluna o ke kaa a holo aku la no Cardiff.
I kona hoea ana aku i ua wahi kulanakauhale nei, ua hele koke aku la ia e ike i ka mea nona ka hale hoolimalima ana i ike ai maloko o ka hoolaha. Halawai pu iho la ia me ia kanaka, kamailio u iho ia hoi no ka uku hoolimalima o ka hale, a mahope o ka hoohooloia ana o na mea apau e laua ua hookaa aku la ua Adelo nei i ka uku hoolimalima o ka mahina mua, paa mai la oia i ke ki o ua hale la a huli hoi mai la ia no Daletona me ka maikai o kona noonoo.
Ma ka hora eono paha o ke ahiahi, a he wa molehulehu nohoi ia kamoe aku la kona mau kapuai ma na alanui e hoea aku ai i kona hale hotele. I kela wa e aa ana na kukui oloko o na hale juai o kela ame keia ano. He kakaikahi loa hoi na wahi kanaka ana i ike ai e hele ae ana ma ke alanui.
Ma keia wa nae ana e hele ana e ua liilii ana me ka nee pu ana a ka ohu pohina. A nolaila, ua hele ae la na kanaka me na mamalu ame na kapapale ua.
Ua awiwi loa aku la ka hele ana a ua Adelo nei a hoea i kona hotele, komo aku laia iloko o kona rumi,wehewehe ae la i kona mau wahi aahu i kawau iho ia i ka ua, alaila, kahea aku la ia no kana akuwa, a pela pu hoi no kona aina ahiahi.
I ka hoea ana mai o kana kauwa, ua ninau koke aku la ia no kana mea i ike ai ma kana huakai hele, mahope iho o kona haalele ana iaia.
Me ka hauoli hoi, hoike mai ia ua wahi kauwa nei i na mea apau ana i ike ai ma kana huakai hele iloko o ke kulanakauhale.
Hai mai la ia, mahope iho o kona hele ana ma na wahi he lehulehu me ka hakilo pono ana ma kela a me keia wahi no Alamira, ua halawai iho la ia me kekahi wahi keiki uuku ma ke alanui. Ma kona ninau ana aku iaia, ina paha ua ike oia i kekahi lede opio mak@ malihini loa maloko oia kulanakauhale. Ua aw mai la ua wahi keiki nei, a ua hoike mai la ia, ua ike oia i kekahi lede opio. me kekahi wahine aoo ame kekahi keiki kahu hipa e hele ana a lele manua o kekahi hale puhi pa@aoa. Ua hoike mai nohoi keia wahi keiki he wahi keiki uuku kekahi e hele pu ana me ka lede opio.
________________________________________________________________________________________________________________________________________________________________________________________________________
[Picture of a military unit with cannon...it spans two columns in width and is boxed in with both English and Hawaiian commentary. It is at the top of columns 3 & 4.]
BEHIND BARBED WIRE.
This picture, made from a photograph, shows a Spanish battery in front of Santiago. With a blockhouse to protect the rear and a barbed wire fence in front the posistion is an unusually strong one, but Uncle Sam's boys in blue succeeded in routing every such battery that they ran across.
-----
O keia k@ e hoike ana i kekahi papa o na Sepania, i pakuia a puni me na uwea ooi, me ka manao oia ka mea e pale aku ai i ka enemi, aka, o na keiki o ka aahu holu, ua hooliio lakou ia mau mea i mea ole.
________________________________________________________________________________________________________________________________________________________________________________________________________
I keia wa i hooho ae ai ka Haku Adelo me ke pihoihoi nui, ma ka olelo ana ae:
"Laki maoli oe. Ke ike nei au, aole i haalele mai na ulia pomaikai i ka kaua huakai. O kela wahi keiki uuku me Alamira, oia no kona wahi kaikunane o Jose. Nolaila, e loaa ana ia oe he uku maikai no kau hana. He oiaio, he kauwa hoolohe a maikai oe, e Wigebi. Pehea la aole paha i hoea mai nei o Hasekini?"
Ua hoole mai la hoi o Wigebi.
"Kupaianaha maoli ka hoi keia wahi kanaka," wahi a Adeo i pane ae ai. "Ua hele lalau paha oia, a i ole, e hana apuhi mai ana paha oia ia'u. Ua maopopo loa aole oia i hele aku i kahi o ka Lede Beatirisia? Ua ike no au, aole oia i hele aku i ona la. Nolaila, he mea pono ia kaua ke awiwi loa i ka hana a'u i makemake nui loa ai e hookoia, a oia hoi ko'u mare ana me kela Lede Opio. Aole pono ia kaua ke hoohakalia hou. Ke ike nei au o na hana ho-ulolohi apau, he mau hana hoopakalaki wale no ia."
Maanei hoomaha iho la ua Haku Adelo nei me ka pane leo ole no kekahi manawa. A mahope aea ae la kona poo iluna, a haawi mai la ia he mau dala gula ia Wigebi, ma ke ano o kona uku ia no kana hana ma ia la.
Alaila, pane aku la o Adelo iaia me ka mino aka ana iho:
"E Wigebi maikai, ua loaa ia oe ka manu, a ua loaa hoi ia'u ka hale e hoopaa ia ai ka manu. Ua hoolimalima aku nei au he wahi hale mawaho iki aku o ke kulanakauhale o Cardiff. He wahi mehameha loa keia. Nolaila, he mea pono ke loaa ka Lede opio ia kaua ma kahi wa o keia po, a ma keia po nohoi kaua e lawe aku ai iaia i kela wahi. O ka wa maikai loa nae paha e lawe aku ai iaia, o keia wanaao. Pehea la manao no anei oe e loaa ana ia kaua he kaa lio me ona mau lio hoolimalima?"
"Pela kuu manao," wahi a Wigebi i pane mai ai.
"Penei oe e hana ai. E lawe oe i na lio au i hoolimalima ai a kii aku oe ia Mrs. Bite, ma kela hale i ka lae kahakai, a ke loaa oia ia oe e olelo koke oe iaia e hele mai me oe, nokamea, ua makemake loa au e hoonoho aku iaia i mea nana e malama i ka Lede opio ame kona wahi kaikunana. E lawe mai hoi oe iaia a hoea i kela hale ma Peneko, he mau mile wale no ka mamao mai kahi kulanakauhale aku o Cardiff. Malaila au e loaa ae ai ia oe. No'u hoi, ma ka wa e loaa ai ia kaua ka Lede opio ame kona wahi kaikuane, e kau no makou maluna o ke kaa a holo aku makou no ua wahi hale la. Nolaila, ke ike mai ia oe i ka kaua hana e hana aku ai i keia po."
"E hooko aku ana au i keia mau mea apau au i kauoha mai nei la'u e kuu Haku. E kauoha koke aku ana au i kekahi kaa e hoomakaukau ia nou. E lawa loa ana au ka manawa no'u e kali ai, a ike aku au ua holo pono kau huakai hele e mea pilikia a'u e ike nei, oia keia, pehea la e loaa ai ia kaua ke Lede opio? E komo no anei kaua iloko o ka hale puni palaoa a kaili mai iaia me ka lima ikaika?"
"Aole pela ko'u manao," wahi a Adelo i pane aku ai, "Manao au, mamuli o kou ike ole ana iaia e holoholo ana ma ke alanui i keia la iho nei, a pela nohoi au i ike ole ai iaia ma ko'u wa i hele aku ai no kahi hoolulu kaa ahi, alaila, e hele ana oia i waho i keia po ma ke ano hooluolu. Ua maopopo no ia'u, aohe, ona maka'u i nei mea he ua. Nolaila, i kou makaukau ana me na mea apau a'u i kauoha aku nei ia oe, e hele aku kaua a mawaho mai o ka hale puhni palaoa, malaila kaua e kahi ai nona."
Ua holo iho la keia manao ia laua elua. Ua hele aku la o Wigebi a loaa na lio, loaa nohoi ke kaa, ua haalele koke io ia laua i ke kulanahauhale ia wa me ka hoike ana i ka mea hotele e hele ana laua no ke kuaaina, a e hala ana paha ia laua he elua la a hoi hou mai no ke kulanakauhale.
Aka, holo aku la no nae laua a kukulau iho ia i ke kaa ame na lio ma ka...kokoke aku i kahi hala puhi palaoa. Alaila, hele aku la laua a mamua iho o ua wahi hale ia, malaila kali iho ia laua o ka ike aku i ka mea a laua i makemake ai e ike aku. Ua ku iho la laua malaila no aneane hookahi hora okoa me ka ike ole ana ika laua mea i makemake ai, a ua hoouluhua loa ia hoi o Adelo, I keia wa i hoomaka ai oia e namunamu no ka loaa ole paha auanei o ka Lede opio ia laua,aka, oiai nae ia e namunamu ana, ua ho-ki mai ia o Wigebi iaia me ka olelo ana mai:
"E kuu Haku, e hamau."
I keia wa i hemo mai ai ka puka o ka hale puhi palaoa, a olino mai la he malamalama kukui iwaho o ke alanui.
Ia wa i pee ae ai ua Adelo nei ame kana wahi kauwa a pili loa i kekahi pa laau, a ku iho la hoi laua me he mau tiga la i makaukau loa e lele aku maluna o ka mea a laua i makemake ai.
Alaila lohe aku la laua i kekahi leo e kamailio ana: "Aole o'u maka'u iki i keia wahi ua. He wahi lelehune wale no keia. O kekahi nohoi, ua makaukau loa maua me na kapa mehana no ka hele ana aku. Ua makemake loa au e hoouna palapala aku ia Pegi ame kela kanaka popilikia i waiho la iloko o kona hale. E hoea aku ana nohoi ke kauka nolaila me ke kakahiaka o ka la apopo, a he mea pono ia'u ke ike i ke kauka i keia po mamua o kona haalele ana iho i ke kulanakauhale nei i ke kakahiaka o ka la apopo. Aole nohoi he loihi loa mai a nei aku a hoea aku ilaila. Nolaila, e Mrs. Jones mai lele kou pihoihoi no maua.
"He maikai no keia mau mea au e olelo mai nei la'u,"wahi a Mrs. Jones i pane mai ai, me ka hookailewa ana ae i ka ipukukui ana e paa ana ma kona lima i lele pono loa mai ai kona malamalama i waho nei o ke alanui, me ka hoomaa ana mai nohoi i ke kamailio ana. "O ko'u makamake loa nae hoi, e loaa ona mea kupono e hele aku ai me olua i keia po. Nolaila, ke manao nei au, e hele pu aku no au me olua, koe wale nohoi keia aohe mea nana e malama ka hale nei."
"Aole, aoie e Mrs. Jones, mai hana oe pela." i pane aku ai o Alamira me ka leo moakaka, a hoomau aku la: "E haawi mai oe ia'u i ka omole jele ame na wahi mea ono a'u i hookaawale ai na ke kanaka ma'i, a e hele ae maua. Aole maua e pilikia. Aole nohoi i liuliu a hoi mai maua."
Ma ia wa ua haawi mai la ka wahina o ka hale puhi palaoa iaia (Alamira) i na mea ana i nonoi aku ai, a ia wa i haalele aku ai ke kaikuahine ame ke kaikunane i ka hale a laua i hoolilo ai i home no laua, a kamoe aku la ko laua mau kapuai ma ke alahele e hoea aku ai i kahi o ke kauka.
Ua paa ae ia hoi o Alamira i kekahi mamalu maluna o laua, oiai hoi kona wahi pokii kaikunane i paa aku ai iaia, a hele aku la laua oiai na kulu lelehune o ka ua e haule iho ana maluna o laua.
Ia laua i hele ae ai, aia na maka o Adelo ame ko kana kauwa ke nana pono loa la iua mau opio aloha nei, oiai laua e hele ana me kekahi misiona ku i ke alohna, me ka moe uhane mua ole aua hoi eia ka powa ke hoohalua nei mahope o ko laua mau meheu.
I keia wa i haalele iho ai o Adelo ame kana kauwa i kahi a laua e pee ana a hele hookolo malie aku la mahope o Alamira ma.
Aloha wale no ka hoi.
(Aole i pau.)
-------
E NIHI KAHELE MAI HOOPA.
E kuu lahui owi e noh ana mai ka la puka i Haehae a ka ihona olu o ka la i Lehua, aloha oukou: - Hamuli o na kokoina o ke au e nee nei, ua kono ia mai au e hoike awiwi aku imua ou, e kuu lahui, e nana ae i kela mau hua e kau keha nei ma ke poo o keia kukulu manao ana, "E nihi ka hele mai hoopa."
Ia'u i holoholo ai iloko o keia kulanakauhale o Honolulu nei, nui ka walaau o na kana i puana ae ai he opio: "Aole o'u makemake e uhi mai ka malu o Amerika maluna o'u." A o kekahi, e kali a ekolu mahina i koe, e hoea mai ana ka wa e hoihoi hou ia mai ana ke aupuni Moi, a pela aku.
E na makamaka, ke hopohopo nei au. No keaha: O lilo kakou i poe kipi a me ka haukae wahi a ka Buke Nui. Aole e hiolo ka oiaio o ke Akua i ka hoomaloka o kanaka. A ke puana ae nei au "Aole e loaa a e hoihoi hou ia mai ana ke Aupuni Moi. Pehea oe e Hawaii lahui, e kue hope nei ka huila? Ua make o Loka wahine, i kona hoi hope ana. Ua luku ia o Palao me ka hanohano nui i ke Kaiula. Ua kukuia o Sodoma a me Gomora i ka paakiki. I ka pule i hala i komo mai ai ka mokuahi Gaelic ua ulumahiehie kona ano me na hae like ole o na Aupuni o ke ao nei e hoike ana ua hooholoia e ka Aha Senate ua hui o Hawaii me Amerika. Ua lohe kahiki ku, kahiki moe, ka hookui, ka halawai, a e hauoli auanei kou mau kupa, na mauna, na puu, a o kou mau muliwai e hookahe mai no i na waipuna. Wahi a ke Kaula, "I keia wa ke ike poaeae nei kakou, i kela wa aku e ike aku no he maka a he maka." E na makamaka, aohe mea i koe. E oopau loa i ko kakou kuhihewa ana, hoopaakiki, hoihope, lauwili a manao iho e hoi hou mai ana ke Aupuni Moi. E hooho ae kakou. Aole, aole. Ua hala ka hooilo ua pau ka ua. O kakou o na makua o na keiki he lahui Amerika ponoi i keia wa. O ko kakou mau Hui Aloha Aina ma Wasinetona i holo ponoi aku nei a hoi mai nei, aohe i hilinai ia mai ka lakou mau apana hana. E aho ia mau hoaloha, a oki loa hoi kakou. Ina alakai ka makapo i ka makapo haule pu no laua i ka lua hookahi.
E Mr. Lunahooponopono mai kapae oe i keia kukulu manao ana. He wa keia o na makani kupikipikio a e oia hou mai ana o Nunu mea hauwalawalaau. I nui ke aho. E ae mai ia'u ma kahi kowa o kou mau kolamu. Ke manao paa nei au, me kuu manaolana e kau leo aku imua o kuu lahui. Aole no ka poe naauao ia a hoopono, aka no ka poe kapekepeke. Auhea ka pono i koe o ke au i hala? Kona mau alii ikaika a me ka lanakila. I ko lakou pii ana maluna o ka nohoalii, ua liuliu ole ko lakou hookele ana a make. Pii ae o Liliu maluna o ka nohoalii e Hawaii, emoole kahuli ka makau ka iao a kaua, e maliu mai oe a oi ala, o ia nei lakou, makou. Iho la ke kaula aole au e hakoko me ka mea io aole hoi me ka mea koko, aka, me na @lii, na haku o ka pouli o keia ao a me na uhane ino o ka lewa.
E o'u hoaoloha me keia mau mea au e panee aku nei imua o oukou me ka haaaa e komo ae malalo o na eheu o ka manu gula aeko o Amerika Huiia.
Ua oki au, ke hoi nei ke keiki o na pali hauliuli o Koolau.
D. B. POHEEPALI
Kakaako, Honolulu. Augate 1,1898.
-----
KANALUAIA KA MANA HOOKOLO O KA AHA KAAPUNI HAWAII E KU NEI I KEIA WA.
-
Ma ke kakahiaka Poakolu nei, Aug 2, imua o ka Aha Kaapuni. Kau Kiure o Augate nei, ua hapaiia ae kekahi ninau koikoi a ano nui loa imua o ka Aha no ka mea e pili ana i ka mana hookolokolo ole o ka Aha elike ma ia e ku nei i keia wa. Ma ka hihia keia o W. D. Hamilton i hoopiiia no ka pepehikanaka ma ke degere 1. O George A. Davis me J. M. Davidson na loio o ka mea hoopiiia, a na laua i waiho ae i keia mau kumu pale, no ka pono o ke laua haku, eia hoi:
Aohe karaima i hanaia e ka lawahala ma ke kalana aina (territory) o Amerika Huiia: he kue maopopo i ke Kumukanawai o Amerika Huiia no kekahi lunakanawai kaapuni ka hoapono ana i kekahi palapala hoopii oiaio (true bill) no ke karaima e kue ana i kekahi lawehala: na pau ka mana o ka Repubalika o Hawaii ame ka Loio Kuhina o Hawaii, na mea no laua na inoa i waihoia mai ai ka palapala hoopii hoahewa (indictment):
o na lawelawe hana ana apau ma keia hihia, aohe mana, no ka nele ana i ka mana hookolokolo.
Ua hoole mai o Lunakanawai Stanley i keia mai kumu. Nolaila, ua waiho na kokua o ka mea hoopilia he noi na ka Palapala Kuu Kino, a ua aeia a ka Lunakanawai Kiekie.
E hooloheia ana keia noi ma ke kakaiaka o ka la apopo (Poaono) imua o ka Aha Kiekie.
O Loio Kikila Baraunu kekahi i hapai e kue o keia ano ma ka Poakahi nei, ma ka wa i kaheaia ai ka Papa Hihia no keia Kau Kiure.
-----
KA LAAU LAPAAU MAIKAI LOA LOA O KA MA'I KEWE.
-
Penei ka olelo a Mr. John Matthias, he kanaka kuai mahele o na hui waiwai o Pulaski, Ky: "Mahope iho o ka waiho a ma'i ana no hookahi pule a oi me ka ma'i kewe, a hiki ole hoi i ko'u kauka ke hoola ia'u, ua aoia mai la au e hoao i ka Laau Ola a Kamelena no ke Nahu. Kolera ame ka Hi, a ua loaa hoi ia'u ka hauoli o ka hoike ana aku, ua loaa ia'u ke ola i ka pau ana o ka hapalua omole laau." E kuaiia ana e na poe Kawili a Kuai Laau Lapaau apau. O Benson, Smith & Co., na gena no ko Hawaii Pae Aina.
-----
Ma keia Poaono aku nei i puka ae ai ka helu mua o ka Nupepa "Ka Momi o ka Pakipika," i noho one ia e Joel K. Kamakea ame George Haili. Ua ike iho makou ma kekahi o kona mau aoao i na mahele Kilokilo Ao Opua ame ka Hale. He moolelo no ka Naita o ke Kea Ulaula kekahi a makou i ike iho ai e nee ana ma na kula pa-paa la o Suria.
-----
He mau la nune aku a nune mai keia o ke kulanakauhale e nee nei. Aole i kana mai o na wa olelo ana. O Hononunu no la keia, nu aku, nu mai na olelo ana.
-----
Ua loaa mai ne he ipu-pu (palaai) i Honolulu nei mai Kukuihaele, Hawaii mai, o kona kaumaha he 80 paona. E ikeia no ma ka hale tela lole o Medeiros & Decker, ma Alanui Moi, kokoke i Alanui Alakea.
-----
Ua nonoi aku nei ka Hui Kaa Hapaumi o Honolulu nei i ke Kuhina Kalaiaina, ma ka la 29 o Iulai aku nei, e aeia mai ia Hui e lawelawe i na pono i loaa iaia ma ke kanawai no ka hoomoe palua ana i na alanui alahao ma kekhi mau alanui o Honolulu nei, a pela pu hoi me ka hooneeia ana o kona mau kaa e ka uwila.