Ka Nupepa Kuokoa, Volume XXXVII, Number 29, 22 July 1898 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

NU HOU HAWAII

            Ma ko makou pepa o keia la e pau ai ka paka ana o na "Kanawai o ka Ahaolelo o 1898."

            Ma ke kakahiaka Poakolu nei i ku mai ai ka mokuahi Alameda mai Kapalakiko mai.

            Ua pau kekahi mau moa momona a ko makou makamaka Mr. S. Anapu i ka aihueia e ka opu aloha ole.  Pela mai ana ia ia makou.  Kolohe no ohi.

            Ua oleloia, ua hiki aku i keia wa ka huina o na lilo no na hookipa ana i na koa Amerika i hoea mai nei no onei a hala aku la i Manila i ka $9,000.

            Aloha "Ka Ahailono o Hawaii" Repubalika, e hai aku oe i ka lono ulumahiehie i ka lahui oiwi o kaua, Ua hui kakou.  Pau ae la keia.

            Ua loaa mai ka lohe ia makou, aole ka e kaheaia ana he Ahaolelo kuikawa, ke ole e loaa mai ia nei he kauoha oia ano mai a Persidena MaKinile mai.

            Ua hoopauia kela hoopii a ke Alii Kapiolani kue i na Keikialii Kawananakoa me Kalanianaole, mamuli o kekahi hooponopono maikai i aelikeia e na aoao elua.

            Ua lilo ae nei i na Hoahanau Lucas ka aelike no ke kukulu ana i ka Halema'i o na koa Amerika e ku aku ana ma "Paka Kuokoa," mawaho ae nei o Pawaa.

            Ua loaa mai ia makou ka lauahea e malama ae ana kekahi poe Hawaii o loko nei o ke kulanakauhale he ahaaina hoomanao kiuaia no ka la 31 o Iulai nei mauka ae nei o Kapalama.

            Ma ka Poaono aku nei i hala, ua pii aku ia kekahi poe, he eha paha ko lakou nui, iluna o ka pii o Leahi, a huki ae la i ka have hoku o Amerika maluna o ka pahu have ana-aina e ku nei ma ia wahi.

            E hoea hou mai ana no o Senatoa Mogana i Hawaii nei.  Pela na lono i loaa mai ia nei.  Kani hou no paha auanei ua "Moa ® Kane" (gan) nei ma Kawaihao?  Pehea na "moa opili wale" a oukou ma?

            Ua manao wale ia, ua hala o Frank LAke, kekahi o na hoonoho hua kepau kamaaina loa o Honolulu nei a hoea @ Hilo aku nei, no na mokupuni o Pilipine, ma ka huakai hope aku nei a na koa Amerika no ia wahi.

            Hookahi bila dala i hana apukaia, nona hoi ka huina o $20, i loaa mai i ka @lmaku mai ka Hui Mahiko mai o Oahu i keia mau la i hala ae nei.  Eia no ka Oihana Makai ke hoomau nei i ka huii ana i keia hookalakupua e hana mai nei.

            Ua oleloia, o ka huina nui o na dala i loaa i ka Hui Kea Ulaula o Honolulu nei-he hui hoi i hoala ia ae no ka pono o na koa Amerika i poino e hoea mai ana ia nei-mai kinohi mai o kona hoalaia ana, he $2,032.20, a ua hooliloia e ia hui, he $314.05, nolaila, e koa ana maloko o ka baneko, he $1,718.15.

            Ua loohia mau ka maua bebe i ka mai nahu ame ke kolera infantum mai kona wa i hanau mai ai, a o ka mea wale no i hiki ia maua ke hana, oia ka haawi ana aku iaia i kekahi mea e loaa ai iaia kahi oluolu no ka manawa, a hiki wale i ko maua hoao ana i ka Laau Ola a Kamalena no ke Nahu, ke Kolera ame ka Hi.  Makemake maua e haawi aku ia oukou i keia olelo hoolaha i hoike no ko maua mahalo nui, aole hoi no ko maua ike ana i mea e hoolaha aku ai oe ma ke akea-G. M. Law, Keokuk, Iowa.  E kualia ana e na Poe Hana a Kuai Laau apau.  O Benson, Smith & Co., Ltd., na Agena kuai kukaa ma ko Hawaii Pae Aina.

            A keia pule ae puka aku ka moolelo o Lubiana Kasimila.

            Eia i Honolulu nei o Mr. T. K. Robert o Hookena.  Kona Hema.  Hawaii. i keia mau la.

            Ua loaa palapala mai nei no makou na Cecilia Poepoe mai e noho mai la i San Jose.  He maikai no kona ola.

            E hoea mai ana he poe koa Amerika mai ka mokuaina mai o Nu loka no ke kiai ana ia Hawaii nei.

            Ua loheia mai e haalele iho ana ke Kamaliiwahine Kaiulani ia Hawaii nei a e hoi loa aku ana ia i Enelani e noho ai.

            Ua hala aku nei o Henry Smith, Kakauolelo o ka Aha Kaapuni, i Kapalakiko no ka lapaau ana i ka hokuli o kona mau pepeiao.

            Ke hooliuliu mai nei kekahi poe o Honolulu nei no na hana no ka hoohiwahiwa ana i ka la e hukiia ai ka have Amerika.

            Ma ka Poakolu nei i loaa mai ai ko Kale Hapakini hookohu ma ke ano he Komisina no ka Papa Hoonaauao Hawaii.           

            Ua manao loa kekahi poe ma keia pule ae e ku mai ai na moku lawe koa mua loa i holo aku nei no Manila, ma ke lahele huli hoi aku no Kapalakiko.

            Ma ka la i nehinei i hoolewaia ae ai ke kino make o kekahi o na koa Amerika i waihoia iho ai ia nei.  Ua aualo loa ia aku kona kino no uka o Maemae.

            Ua lohe wale ia mai e hoi mai ana ke Alii Liliuokalani i Hawaii nei, a huli hoi hou aku no i Amerika, no ka hooikaika ana no kona mau pono iloko o na aina leialii iloko o ka Ahaolelo o Amerika e noho ana ma ka malama ae nei o Dekemaba.

            He hou pahi manaonao kai lawelaweia ae e keahi haole makai ae nei o Kakaako, a ua loaa he poino ia Kawi, hoahanau o Moses Nakuina, ame ko laua luaui makuahine, oia hoi o Rebeka Nakuina, mamua.

            Ke lohelohe wale ia aku nei mawaena o kekahi poe Roialiti, e hoala ana ka, ia aoao i mau palapala nonoi ia Presidena Makinile e hoonoho mai ia Liluokalani i Kiaaina no Hawaii nei.  U, o ka hooikaika ana e hooholo ole ia ka hoohui Aupuni, a ia oukou ka miki ae e noho Kiaaina.

            Ua miala ae "na papale biva ame na kuka kanahai loloa" o ka Hui Kalaiaina, no kai o ka uwapo mokuahi, ma ke kakahiaka Poakolu nei.  Iulai 20, ma ka wa i ku mai ai ka mokuahi Alameda mai Kapalakiko mai, me ka manao ua hoi mai ke Alii Liluokalani.

            Ua lauahea ae, ua manao wale o Mr. H. Renjes, ka Hope Kanikela Sepania ma Honolulu nei, e haalele iho ia anei, mahope iho o ka hukiia ana o ka have Amerika, a holo aku no Beritania Columebia, a mai laila oia e hoouna aku ai i Sepania i kona waiho ana i ka oihana kanikela no ia Aupuni ma Hawaii nei.

HE MAKANA

            Ua haiia mai ia makou, ua ae o Hon. W. C. Achi. Lunamakaainana o na Kona, Kohala ame Kau ma Hawaii, e haawi kokua aku i ke kukuluia ana o ka Luakini o Pukaana, ma Hookena, Kona Hema Hawaii he Hookahi Haneri Dala.  He makana maloeloe keia e mau ai hoomanao noina ole ana a ko Kona poe.

KE KEKAUINOAIA ANA O KA OLELO HOOHOLO HOOHUI AUPUNI

            Mahope iho o ka hala ana o ekolu pule o ka hoopaapaaia ana o ke Olelo Hooholo Hoohui Aupuni e ka Aha Senate, ua hooholo loa ia iho ia, ma ka hapaha hora i hala ae o ka hora eono o ka Poakolu, Iulai 6.

            Ma ka auina la o ka Poaha, Iulai 7, ua waihola aku la ka olelo hooholo i pau i ke kakau poepoeia imua o ka Peresidena, a ma ka hora 7 me ekolu minute, na kakauinoa iho la ia, a ma iaihana ana, ua pau loa iho la na hana apau e hololea ai ka hoohui ana mai ia Hawaii.

            O ka hoike kela i loaa mai ia makou mai Wasinetona mai. 

KE ALII LILIUOKALANI

            E hoike ana ka nupepa "Chronicle" o Kapalakiko, la 14 o Iulai nei, he lono i loaa mai ilaila mai Wasinetona mai, ua haalele aku ke Alii Liliuokalani.  Moiwahine Poo Aupuni mua loa a hope loa o Hawaii, ia Wasinetona, ma ka la 15 aku nei, a e hoea mai ana oia no Kapalakiko, a maluna mai o ka mokuahi "Gaelie," e haalele ana ia Kapalakiko no Honolulu nei, ma ka la 26 ae nei, e huli hoi mai ai oia no ke oneahanau.  Nolaila, e ku mai ana oia no Honolulu nei ma ka la 2 o Augate ae nei.

HE NUPEPE HOU LOA

            Ua lohe mai makou e hoopukaia aku ana e Joel K. Kamakea, ma keia mua kokoke iho he nupepa puka pule ma ka inoa "Ka Momi o ka Pakipika."  E hoolaaia aku ana kona mau kolamu ma na moolelo oili i na Naita kaulana o ka wa kahiko, na moolelo makai kiu, ke kilokoilo ao opua Hawaii, na mea akeakamai a hoonaauao, na wehewehe pili Baibaia naauao, ame na mea hoonaauao e ae he nui.  He nupepa ana paha keia o eha aoao heluhelu.  Ua haiia mai ia makou ma ke "kope" (copy) ana no ke kuai o keia pepa.

            MA KE ALAHELE POLOLEI

            Ina i laweia e Eneginia Lounsbury ke Kuiki pololei ole, inu ua ike ole ia keia hopena.

            O ke lehulehu o na kanaka i kau ole maluna o ke Kaa Ahi, a i halawai pololei ole hoi me kekahi ulia poino, aole loa lakou i ike i ka nui o ka pilikia i kau iho maluna o ka Eneginia.  No kekahi mau makahiki lehulehu, e hiki ana iaia ke hele ma ke alanui, mamuli hoi o kekahi wahi hoohemahema uuku, he kuhihewa hoi ma ka hooko ana i ke kauoha, hoohuliia ae la he kuiki pololei ole, aia hoi, komo aku la na ola he mau haneri ka nui iloko o ka popilikia.  O ka eneginia akamai ame ka eleu, oia ke hana ana me ka hikiwawe ame ka noonoo makaala.  O keia na makaukau i kupono e loaa i ka Eneginia.  A pela iho la o Eneginia A. G. Lounsbury o 10 Alanui Blaine o Hornellsville, Nu Ioka, i lawe ae ai i ke alahele pololei, a o ka moolelo mahope iho nei, e hoike ana ia i ka hiki loa ana ke koho hewa i ka hoailona i hoikeia mai.

            Penei ka olelo a Mr. Lounsbury; "Makemake loa au e haawi i na kalele ana apau no ka oiaio o ka'u mau olelo, i hiki ai ia'u ke kono aku i kela ame keia mea i loohia i ka ma'i o ka puupaa, e hoao i na Huaale a Doan no ke Kikala Haneenee ame ka Puupaa.  O ke kumu o ko'u manaoio ana i keia laau, oia no keia:  Aneane hookahi makahiki i hala ae nei, ua hoopapau loa iho la au i ka hana ana ma ko'u wahi noho, oiai, ua makemake loa ia au e pau ua wahi hana nei, ua hoomau aku la au i ka hana ana, oiai nae e haule ua kilihune ana ia wa.  Ma ka wa hoi i pau ai ka'u hana ana, ua eha mai la kuu kua.  Mamuli hoi o ka lohe ana o ka'u wahine i kekahi mau hoa hana kaa ahi e ae o makou e mahalo ana i na Huaale a Doan no ke Kikala Haneenee ame ka Puapaa, ua kuai aku la ia i pahu o ua mau Huaale la, ma ka halekuai laau e pili koke mai ana ia maua.  Ua ai iho la hoi au i ua mau Huaale la elike me na kuhikuhi, ua ike iho la au i ko'u pono mai kinohi mai no, a he mau Huaale no ka'u o ka ai ana, a o ko'u ola loa no ia.  Ua loaa no hoi au i ke ano ma'i elike iho la me keia mamua, a ua nui nohoi ka'u mau laau o ka ai ana, aole nae he loaa o ka oluolu hikiwawe elike la me ka hiki i keia mau huaale ke hana, a he ola loa maoli nohoi.  Ok aeha keia a'u i ike ai ke ala ae mai kahi moe ae, i hoopololei ae hoi i kahi kino ma ka wa e kuou aku ai imua, ua pau loa ae la.  Ua nui nohoi ka'u mau poho huaale i ai ai, a ua ike au ua loaa ia'u ka pomaikai ma na ano apau.

            E kuaiia ana na Huaale, Doan no ke Kikala Haneenee ame ka Puupaa e ka Hui Kuai Laau o Hollister, a e na poe kuai laau lapaau nohoi a puni ka Pae Aina, a i ole, e hoounaia aku no ma ka Eke Leta e Foster McClellan Hui.  E hoomanao i ka inoa-DONA-mai lawe i kekahi laau e ae.

            E kuaiia ana na Huaale a Doan no ke Kikala Haneenee ame ka Puupaa e na poe kuai laau lapaau apau ma ke 50 keneta no ke poho a i ole ia, e hoounaia aku no i ka mea e kauoha mai ana, maloko o ke leta, ke loaa mai ke kumukuai o ka laau.  Na ka Hui Kuai Laau Lapaau a Hollister e hoouma aku, o lakou na Agena, Honolulu.  E hoomanao i ka inoa-DOAN-a mei lawe i kekahi laau e ae.

            He nui no na maka o Honolulu nei i keia mau la.

            Poakahi, Iulai 18, 1898, he LA Huikaia Lahui i a no na Pio Kalaiaina o ka Haunaele Hooulu Ikaika a na Rolallii i ka M. H. 1893.  Pau aku la ia pilikia.

HOOLAHA I KA POE AIE

            Ke hoolahaia aku nei ma kea i ka poe apau he mau koi ka lakou malona i ka waiwai o Dr. C. H. Wetmore i make, no Hilo, Hawaii e waho mai ia mau mea me ka hooia pono ia ana i na mea no iaua na inoa malalo iho nei ma ke Keea o Dr. F. M. Wetmore, Hilo i oleloia iloko o eono mahina mai ka la aku o keia hoolaha a i ole pela @ hooie mau loa ia aku no iakou:  a o ka poe hoi i aie i ua waiwai la, ua kauohaia e hookaa koke mai ma ia Keena Oihana no.

            Hanaia ma Hilo, Hawaii i keia la 7 o Iulai. M. H. 1998.        

            DR. FRANCES M. WETMORE.

            HENRY DEACON.

            Na Lunahooko o ka Palapala Hooilina a Kauoha Hope a Dr. C. H. Wetmore.

            OLELO HOOLAHA

            Ke hoolahaia aku nei ma keia, ua hoopau au i keia la i ka mana hookohu hope i haawiia ai e a'u ia S. Ahmi (Pake) i hanaia ma ka la 10 o Mei, A. D. 1898 a pela pu hoi me na mana apau a'u i haawi aku ai ia S. Ahmi ma ka palapala a ano e ae paha e hana ma ke ano he Agena a Hope.

            MARY KEAWEPOO

            Hanaia, Honolulu Iulai 15, 1898

OLELO HOOLAHA I KA POE AIE

            Oiai, ua hookohuia mai ka mea nona ka inoa malalo iho nei i Lunahooko no ka Palapala Kauoha a Eleazer Lazarus, o Honolulu mamua, i make, ko hoolaha ia aku nei ma keia i ka poe apau he mau koi la lakou i ua waiwai la, e waiho mai i ka lakou mau koi i hooiaio pono ia, me na palapala hooiaio, in a he mea kekahi oia ano, in a nohoi ua hoopaaia ke koi ma o kekahi moraki la maluna o ka waiwai paa, a ano e ae paha, ma ke keena o ka mea nona ka inoa malalo iho nei ma Alanui Kalepa (Merchant Street), iloko o eono mahina mai ka la aku o keia keia hoolaha, a i ole ia, e hoole mau loa ia aku no lakou.  A o ka poe hoi apau i aie mai i ua waiwai la, ke kauohaia aku nei ma keia e hookaa koke mai ia mau aie i ka mea nona ka inoa malalo iho nei.

            J.O. CARTER,

            Lunahooko o ka Palapala Kauoha a Eleazer Lazarus.

            Hanaia Honolulu, Iulai 8, 1898.

            HOOLAHA A KA LUNAHOOPONOPONO WAIWAI

            Oiai, ua hookohu pono ia mai ka mea nona ka inoa malalo iho nei i Lunahooponopono Waiwai no ka Waiwai o J. W. Lota, i make, no Hanalei, Kaui mamua, ke hoolahaia aku nei ma keia i ka poe apau he mau koi ka lakou i ka waiwai i oleloia e waiho mai ia mau koi iaia ma kona keena oihana ma Hanamaulu, Kaui, iloko o eono mahina mai ka la aku o ka puka mua ana aku o keia hoolaha, a i ole pela, e hoole mau loa ia aku no.

            O ka põe hoi apau i aie i ua Waiwai la ke kauohaia aku nei e hookaa koke mai i ka mea nona ka inoa malalo iho nei.

            W. G. SMITH

            Lunahooponopono Waiwai o ka Waiwai o J. W. Lota.

            HOOLAHA I KA POE AIE

            Oiai, ua hookohuia ka mea nona ka inoa malalo iho nei i Lunahooponopono no ka Waiwai o Wo Hing o Canton mamua, Kiua, i make, a he waiwai kona ma ko Hawaii Pae Aina, ke hoolahaia aku nei ma keia i ka poe apau e waiho mai i ka lakou mau koi i ka waiwai o Wo Hing, i hooia pono ia me na palapala hooia, ke loaa, in a nohoi ua hoopaaia ke koi ma o ka moraki la maluna o ka waiwai paa a ano e ae paha, ia George Rodiek, ma ke Keena o H. Hackfield & Co., Kaupalenaia, ma Hilo, Hawaii, a i ole, ma Honolulu, Oahu, iloko o eono mahina mai ka la aku o keia, a i ole, e hoole mau loa ia aku no lakou, a ke kauoha ia aku nei ka poe apau i aie i ua waiwai la e hookaa koke mai ia mau aie i ke inea nona ka inoa malalo iho nei.

            GEORGE RODIEK,

            Lunahooponopono o ka Waiwai o Wo Hing.

            Honolulu, Iune 21, 1898.

HOOLAHA I KA POE AIE.

            Oiai, ua hookohu pono ia mai ka mea nona ka inoa malalo iho nei i Lunahooponopono no ka Waiwai o Solomon Naauao, o Honolulu mamua, Mokupuni o Oahu, i make.

            Ke hoolahaia aku nei ma keia i ka poe apau e waiho mai i ka lakou mau koi i ka Waiwai o Solomon Naauao i oleloia, i make, i hooiaio pono ia, in a paha ua hoopaaia ma ka moraki a ano e ae, i ka mea nona ka inoa malalo iho nei, ma ke Keena o Kikila Baraunu ma Alanui Kalepa, ma Honolulu i oleloia, iloko o eono mahina mai keia la aku a i ole, e hoole mau loa ia aku no lakou.  A o ka poe apau i aie i ua waiwai la, ma keia ke kauoha ia aku nei e hookaa koke mai i ka mea nona ka inoa malalo nei.

            E.M. KANEHIWA

            Lunahooponopono o ka Waiwai o Sol. Naauao.

            Hanaia Honolulu, Iune 20, 1898.

            HOOLAHA HOOKO MORAKI

HOOLAHA A KA MEA MORAKI NO KA MAKEMAKE HOOKO MORAKIA A KUAI.

            I kulike ai me na olelo o kekahi moraki i hanaia e G. S. Houghtailing ia J. A. Magoon, hanaia ma ka la 21 o Iulai, 1896, i kopeia ma ke keena Kakau Kope, Oahu, maloko o ka Buke 163, ma na aoao 210, 211 me 212, ke hoolahaia aku nei ma keia, ke makemake nei ua mea paa moraki nei (Mortgagee) e hooko aku i ua moraki la, no ka uhakiia ana o na kumu aelike, oia hoi, ka hookaa ole ia ana o ka mahele hookaa mua o ke kumupaa, ma ka wa e hookaa ai, ame ku ukupanee hoi, ma ka wa e hookaa ai.

            Ke hoolahaia aku nei ma keia mahope iho o ka hala ana o ekolu pule mai keia la aku, e hooahaia aku no ka waiwai i hoopaaia ma ua moraki nei, a e kuai kudala ia aku no, ma ke keena kudaia o J. F. Morgan, Honolulu, ma ka Poaluu, Augate 2, 1898, ma ka hora 12 awakea oia ia.

            Hanaia Honolulu, Iulai 5, 1898.

            J. ALFRED MAGOON.

            Mea Paa Moraki (Mortagagee).

            Eia na waiwai e kuaila aku ana:

            1. Kela apana aina e waiho ia ma Waikane, Koolaupoko, Oahu, he hapa ia no ka Palapala Sila Nui 138, Kuleana 5919, maloko o laiia he lii o 249 Eka.

            2. Kela apana aina e waiho ia ma Aianui Papu, ma Koleaka, Honolulu, oia ka aoao mauka o ka aina i hoakakaia maloko o ka Palapala Sila Nui 1834.

            3. Kela apana aina e waiho la ma Alanui Moi, ma Pawaa, Honolulu, oia nohoi kai hoikeia na palena ma ka Palapala Sila Nui 7185, Kuleana 3134, maloko o laila he Ili o 2 Ruda ame 9 pereka.

            O keia mau aina apau i hoakakaia maluna ae, ua hooliloia mai ia G. S. Houghtailing, ma ka Palapala Kuai a Eliza Meek, i hanaia i Iulai 27, 1896, kopeia ma ke Keena Kakau Kope, Oahu maloko o ka Buke 164, ma na aoao 4 me 5.

            HOOLAHA A KA MEA MORAKI NO KA MAKEMAKE HOOKO MORAKI A KUAI AKU

            I kulike ai me na olelo o kekahi moraki i hanaia e D. Kekaulike, oia hoi o D. Kamakauahoa, me Pililua, kana wahine, ia S. M. Damon, e lawelawe oihana ana ma ka inoa o ka Hui o Bihopa (Bishop and Company), i hanaia ma ka la 17 o Iune 1895, i kopeia ma ke Keena Kakau Kope, Oahu, maloko o ka Buke 153, ma na aoao 317, 320, me 321, ke hoolahaia aku nei ma keia, ke makemake nei ua Mea Paa Moraki nei (Mortagagee) e hooko aku i ua moraki nei, no ka uhaiia ana o na kumu aelike, oia hoi, ka hookaa ole ia ana o ke kumupaa ame ka ukupanee in a ka wa e hookaa ai.

            Ke hoolahaia aku nei ma keia, mahope iho o ka hala ana o na pule ekolu mai keia la aku, hoolahaia aku no ka waiwai i hoopaaia ma ua moraki nei, a e kuai kudala ia aku no, ma ke keena kudala o J. F. Morgan, Honolulu, ma ka Poalia, Augate 2, 1898, ma ka hora 12 awakea oia la.

            S. M. DAMON,

            Mea Paa Moraki (Mortagagee)

            Hanaia Honolulu, Iulai 5, 1898.

            No na mea i koe, e ninau ia

            J. ALFRED MAGOON

            Loio no Bishop & Co.

            Eia na waiwai e kuaila aku ana:

            1. O kela apana aina apau e waiho la ma Moanalua, Oahu, i hoakakaia ma ka Palapala Sila Nui 3505, Kuleana 1059 ia Kekaha, oia na Apana 1, 2, 3, ame 4, i hooliloia mai ai ia D. Kekaulike i oleloia, ma ka palapala kuai a Mokuaiki, hanaia i Feberuari 10, 1879, a i kopeia maloko o ka Keena Kakau Kope, Oahu, maloko o ka Buke 58, ma na aoao 120-1.

            2. O kela apana aina apau e waiho la ma Moanalua i oleloia, maloko o laila he Ili 0 1-3 Eka, a oia hoi kai hooliloia mai ia D. Kamakauahoa i oleloia, ma ka palapala kuai a S. M. Damon me kana wahine, i hanaia i Aperila 6, 1891, a i hoakakaia penei: "E hoomaka ana ma ke kihi Akau Kom. o ka Apana Elua o Kekaha, Palapala Sila Nui Helu 3505, a e holo Akau 45 deg. Hik. 86.5 kap. holo Kom. 22 deg. 30 min. Hikina 258 kap. ma ko Kekaha Apana Ekahi, alaila Ak. 46 deg. Kom. 27 kap. alaila Ak. 40 deg. Kom. 132 kap. ma ka palena o ka Pa Hale Kula, Ak. 45 deg. Hik. 3 kap. Ak. 45 deg. Kom. 79 kap. a hoea i kahi i hoomaka ai.

            3. O na kuleana a mahele hoi apau i mahele ole ia o D. Kamakauahoa i oleloia, maloko o kekahi apana aina e waiho ana ma Leleo, Honolulu, Oahu.

HOOLAHA HOOKO MORAKI

            Mamuli o kekahi mana kuai i hoike ia maloko o kekahi palapala moraki i hanaia mawaena o Mele Kapo ame Kapo, kana kane, ame Kaikui o Huelo, Maui, o ka aoao mua, ame W. R. Castle (Kahu), o Honolulu, Oahu, o ka aoao elua, ma ka la 6 o Okatoba, 1892, i kakau kope ia ma ka buke 139, aoao 241, a mamuli o ka uhaiia ana o na kumu aelike o kela moraki, oia hoi, no ka hookaa ole ia o ka ukupanee ame kumupaa i ka wa e hookaa ai, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.

            A ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ana me ke keena kudaia o Jas. F. Morgan, ma Honolulu, ma ka Poaono, ia 30 o Iulai, 1898, hora 12 oia la.

            Aia ma kahi o W. R. Kakela na olelo hoakaka no keia mea.

            Hanaia i keia la 13 o Iune, 1898.

            W. R. CASTLE, Kahu.

            Mea Moraki mai.

            Penei na aina i morakiia:

            1. 10 11-100 Eka ma Honopou, Hueio, Maui, i hoakakaia ma ka Paipaia Sila (Grant) 1264 ia Kahaleilaau.

            2. Kela mau apana aina apau ma Waikapu, maloko o laila he 88-100 o ka Eka.  2 apana i hoakaka pono ia hoi maloko o ke Kuleana Alodio 2208 ia Manu, ma ka palapala kuai a Hookano ia Mele i kopeia ma ka Buke 135, aoao 483.

            3. O ke kuleana apau o ka Mea Moraki (Mortgagori) maloko o na waiwai e ae o Manu ma Maui, maloko a Puako, Walluku, maloko o laila he 12-100 o ka Eka ame ka Palapala Sila (Grant) 283 ia Manu ma Kamaole ma Kula maloko o laila he 10 Eka ame 33.15 Eka nohoi maloko o ka Palapala Sila (Grant) 1498 la Manu, maloko o Moomuku, Honuaula, Maui.

            HOOLAHA MANA HOOKLOKOOLO

ILOKO O KA AHA KAAPUNI APANA

            Hookolokolo Elua o ko Hawaii Pae Aina.  Ma ka hana o ka waiwai o Luka (w), Makalena (k), Palena (k), Makanahelehele (k), Kaiuli (k), Ikoa (k), Kaahaaina (k), Kuanea (k), Kekua (k), Hoopii (k), Kalama (k), no Hamakualoa, Mokupuni o Maui.

            Ma keia, ke kauohaia aku nei na poe apau i pili i ka hihia i oleloia maluna e lawe mai lakou imua o ke Kakauolelo o ka Aha Kaapuni Apana Hookolokolo Elua, iloko o iwakalua ka mai keia la aku, i ka lakou mau bila hookaa no na dala i waihoia iloko o ka lima o G. Armstrong i make e pili ana i keia hihia.

            Na ka Aha:

            A. F. TANARES Kakauolelo.

            Wailuku, July 9, 1898.

ILOKO O KA AHA KAAPUNI APANA

            Hookolokolo Ekahi o ko Hawali Pae Aina.  Ma ka hana o ka waiwai o KEPOLA (w), o Honolulu, Oahu, i make kauoha ole.

            No ka mea, ua waihoia mai he palapala e ka Lunahooponopono waiwai, W. L. Wilcox, e nonoi ana e kuai kedala ia na waiwai paa o ka mea i make e waiho la ma Aala, Honolulu, Oahu, i mea e hookaa ai i ka ale o ka mea i make.

            Nolaila, ma keia ke haaia aku nei ka lono i na poe a pau i kuleana, o ka POALIMA, la 5 o Augate, 1898, hora 10 kakahiaka, ma Aliiolani Hale, Honolulu, Oahu, oia kahi ame ka manawa e hooloheia ai ua paiapala hoopii la, a e hoike mai lakou no keaha la e ae ole ia ai ke noi a ka Lunahooponopono waiwai.

            Honolulu, Iulai 1, 1898.

            Na ka Aha.

            P. D. KELLETT, JR. Kakauolelo.

            AHA HOOKOLOKOLO KAAPUNI

            Apana Kaapuni Ekahi o ko Hawaii Pae Aine.  Ma ka Hooponopono Waiwai.  Ma ka Hana o ka Waiwai o Moses Barrett, i make, no Kona, Hawaii.

            Oiai, ua waihoia mai ke noi ame ka hoike waiwai a ka Kunahooponopono Waiwai o ka mea i make i oleloia ae nei, a malaila oia i nonoi mai ai e nanaia a e aponoia kana hoike waiwai, a e hoopukaia hoi ke kauoha hope e hookuu ana iaia mai na koikoi mai apau o ka noho Lunahooponopono Waiwai ana.

            Ua keuahaia o ka Poakahi la 22 o Augate.  M. H. 1898, ma ka hora 10 a.m., ma ke Keena maloko o ka Hale Hookolokolo, ma Honolulu, oia kahi ame ka manawa i kohoia no ka hoolohe ana i ua noi la ame ka hoike waiwai, a ma ia wa a ma ia wahi e hele mai ai na poe apau i kuleana ma ia hana, a e hoike mai hoi i kumu, in a ke kumu kekahi a lakou e ae ola ia ai ke noi.

            Honolulu, Iulai 16, 1898.

            Na ka Aha:

            J. A. THOMPSON. Kakauolelo.

                        Aha kaapuni o ka apana kaapuni ekahi o ko hawaii pae aina.  Ma ka Hooponopono Waiwai.  Ma ka hana o ka Waiwai o John Beswick Wilkinson, i make, o Auckland mamua, New Zealand.

            Oiai, ua waihoia mai he kope i hooialo pono ia o ka Palapala Kauoha a Hooilina hope loa a John Beswick Wilkinson o ke Kulanakauhale o Auckland mamua, ma ka Mahele=aina o Auckland, ma ka Okana aina o New Zealand, i make, ame ka hookoia ana o ua Palapala Kauoha la ma kahi i noho ai o ua John Beswick Wilkinson, maloko o ka Aha Hooko Kauoha ma Auckland i oleloia, a ua waihoia mai imua o ka Aha Hooponopono Waiwai (Hooko Kauoha) o Ko Hawaii Pae Aine i oleloia, ame ke noi e hookoia ua palapala la, i waihoia mai e John D. Holt, Jr., e nonoi ana e hoopukala na Palapala Hooponopono Waiwai i huipuia me ke Kauoha la John D. Holt. Jr., i oleloia.

            Nolaila, na kauohaia, o ka Poalima, la 29 o Iulai.  A. D. 1898, ma ka hora 10 a.m. ma ka ke Keena Hookolokolo o ua Aha la ma Honolulu i oleloia oia kahi ame ka wa i kohoia no ka hooiaio ana i na Kanoha la, ame ka hoolohe ana i ua Noi la, a ma ia wa a ma ia wahi e hele mai ai kela ame keia mea i kuleana a kue mai ia hana.

            Hanaia Honolulu, K. H. P. A., i keia la 21 o Iune, A. D. 1898.

            Na ka Aha:

            J. A. THOMSON.