Ka Nupepa Kuokoa, Volume XXXVII, Number 29, 22 July 1898 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KANAWAI 69.

 

HE KANAWAI E HOOMANA A E HOOMAOPOPO ANA I KE KUKULU ANA, MALAMA ANA  A ME KA HOOHANA ANA I ALAHAO ALANUI A MAU ALAHAO MA KA APANA O HONLULU MOKUPUNI O OAHU.

 

E Hooholoia @ ka Ahaolelo o ka Repubalika o Hawaii:

 

NA HOAKAKA ANA.

 

            PAUKU 1.      Ma na wahi o keia Kanawai e loaa ana na huaolelo mahope iho nei e manaoia na loaa ia lakou ka mana a me ka manao e like me ka m@a i hoikeia maloko nei ke ole e hoike ia mai he manao okaa.

            "Ka Hui i oleloia ame na poe e ae," e manao ia a e hoike ana o Clinton G. Ballentyne, Frederick J. Lowrey, Theodore F. Lansing, James A. Kennedy, Charles S. Desky, Joseph A. Gilman, James F. Morgan, George R. Carter a me John H. Soper, ko lakou poe hoa hui a me na hope, a i ole ia, o ka hui e kukulu ia ana e lakou e like me ia i hoikeia ma ka Pauku 2 o keia Kanawai.

            "Aha Hooko," e pili ia a e manao ia o ka Aha i kapaia o ka Aha Hooko ma ke Kumukanawai o ka Repubalika.

            "Kuhina Kalaiaina." na pili ia a e manao ia o ke kanaka e lawelawe ana ma ke ano he Kuhina Kalaiaina i kela ame keia manawa e like me ka hoakaka ana o ke Kumukanawai a o kona hope paha ma ka oihana i ku i ke Kanawai.

            "Alahao," na pili ia a e manao ia o na alahao, ala, alanui a me na pono e pili ana, na mea hana a me na hookui ana e waiho ana, ma na alanui, na ala a mau wahi ma ka Mokupuni o Oahu i hoakakaia e keia Kanawai a i ole ia, i na alahao, ala, alanui, etc., o kekahi hui e aku e ku nei i keia manawa a e hoomoe ia aku ana ma keia mua aku.

            "Honolulu," a i ole ia, "Ka Apana o Honolulu," ua pili ia a e manao ia o kela wahi a pau o ka Mokupuni o Oahu i komo iloko o ka Apana Hookolokolo, Hoonaauao a Auhau e hoakakaia nei e ke Kanawai, o ka Apana o Honolulu, a i ole ia, Apana o Honolulu.

PONO ALAHELE

 

            PAUKU 2.      Ma keia ua haawiia ka pono ia Clinton G. Balentyne, Frederick J. Lowrey, Theodore F. Lansing, James A.Kennedy, Charles S. Desky, Joseph A. Gilman, James F. Morgan, George R. Carter a me John H. Soper, a i ko lakou poe hoa hui a me na hope a i ka hui paha e kukuluia aku ana e lakou e kukulu, hoomoe, malama a e hoohana no ka manawa o Kanakolu Makahiki mahope iho o ka hoomaka ia ana o ke Alahao i hoomanaia ma keia Kanawai i kekahi alahao pakahi a palua paha, a i ole ia, hapa i ka pakahi a hapa i ka palua, me na kee na kuiki ma aka kapae, na kia na uwea malalo o ka honua a ma ka lewa paha, na auwai a me na mea hana e ae a me na pono e pili ana a i makemake ia i kela ame keia manawa no ka pono a me ka hoohana ana o ke alahao, maloko a maluna o na alanui a alahele a mau wahi maloko o ka apana o Honolulu ma ka Mokupuni o Oahu i oleloia oia hoi:

            E hoomaka ana ma ke kihi o Alanui Wyllie a me Nuuanu a e holo ana ma alanui Wyllie e oleloia a hiki i alanui Liliha; alaila ma alanui Liliha a hiki i alanui Moi; alaila ma alanui Moi a hiki i kekahi wahi maluna a e kokoke ana i ka muliwai o Nuuanu; malaila ma ke ala pololei a ane pololei e komo ia aku ai ke alanui Hotele; me ka mana e kukulu i @apo ma ua muliwai la no ia kumu, me ka mana e a'e aku ma kela wahi e waiho ana mawaena o kela pauku o ka apana aina e pili ana i ka muliwai ma ka akau; alaila ma ke alanui Hotele, alanui Paipalapla, ala Alii, a o ke alanui e weheia aku ana ma kahi o Alanui Paipalapala a e hooloihi ia aku ana a i ka palena o alanui Young ma alanui Alapai, me ka mana e a'e ma na wahi e waiho ana mawaena o ka palena o Alanui Paipalapala a me kahi i oleloia ma alanui Alapai, ina aole e hooloihi ia ana ua alanui la ma ia manawa; ma ke Alanui Young a hiki i ke alanui Kapiolani; a ma ke alanui Kapiolani  a i ke alanui Beretania, a i ole, alanui Moi; ma alanui Beretania, a i ole ia, alanui Moi a i alanui Victoria; a ma alanui Victoria a i alanui Young; alaila ma alanui Young a hiki i ka palena Hikina Hema o alanui Young i oleloia; mai laila aku a i alanui Moi me ka a'e aku i na wahi mawaena; alaila ma alanui Moi a me ka hooloihi ana i wehe ole ia o ia alanui a hiki i ke alanui mai alanui Beretania e moe ana i Moiliili; alaila ma ke alanui i oleloia e moe ana i Waialae a me Palolo a hiki i ke alanui Kapahulu; alaila ma ia alanui a hiki i alanui Leahi; alaila ma ke alanui i oleloia a maluna aku o na wahi mawaena a hiki i ke alanui kokoke i ka aekai i ka Hema-Komohana a me ka Hema o Leahi; a ma ia alanui i oleloia a hiki i Waialae.

            E hoomaka hou ana ma ka huina o ke alanui i oleloia makai o Leahi a me Kapiolanai Paka, alaila maloko o ka Paka i oleloia ma kekahi laina e moe like ana me ke alanui makai, a i ole ia, Komohana o ka Paka, a mauka o ke alanui i oleloia ma kekahi laina i kuhikuhiia a i aponoia e ka Ahahui Kapiolani Paka a hiki i ke alanui o Waikuku ma, a i ole ia, kokoke ana i Makee Ailana: alaila ma ka aoao mauka o ke alanui Waikuku makoko o na wahi e pili ana i ua alanui la a hiki i kahi i kapaia ke kuiki a Bihopa.  Eia nae, e loaa mua ka ae ana o ka Aha Hooko e loaa ia kuleana alanui maloko o  ka Paka i oleloia e like me ia i hoakakaia maloko o ke Kanawai 53 o na Kanawai o ke Kau o 1896, i aponoia Iune 6, 1896; a i ole ia, ma kekahi alanui okoa ma Waikiki o keia mahope iho nei: Mai Kapiolani Paka i oleloia ma ke Alanui Waikiki a hiki i kekahi alanui e komo ana iloko o Kekio Tract e pili ana me Kapiolani Paka; alaila ma ke alanui i oleloia a ae aku maluna o ka muliwai o Hamohamo me ka a'e aku i na aina mawaena a hiki i ke kahawai o Apuakehau; alaila ma ia kahawai a hiki i ka uapo ma ke alanui Waikiki, me ka a'e aku i ua uapo la a huli i ka Hema ma kekahi wahi kupono no ka a'e aku i na wahi mawaena a hui me ke alanui Kalia ma kona palena Hikina-Hema; alaila ma ke Alanui Kalia i oleloia a hiki i ke alanui Kahakai, a i ole ia, mahope o ka a'e ana i ka uapo i oleloia e hoomau aku ma ke alanui Waikiki a hiki i kahi i kapaia Kuiki a Bihopa; alaila ma ke alanui e moe ana i ka Hema-Komohana a i ke alanui Kalia; alaila ma ke alanui Kalia i oleloia a hiki i ke alanui Kahakai ma ke kahawai o Piinaio; alaila ma ke alanui Kahakai a i kekahi wahi ma ke alanui Sheridan ma ka laina o ka hooloihi ana o alanui Moiwahine alaila ma ia laina a hiki i alanui Moiwahine; a ma laila aku i alanui Muliwai; alaila ma alanui Muliwai a hiki i alanui Hotele.

            Eia nae, o ka hui i oleloia me na poe e ae ma ka lawelawe ana i ke ala ma alanui Young ua hiki ia lakou ma ka loaa mua ana o ka ae ana  o ka Aha Hookoo i kakauia e komo aku maloko o Kamaki Kuea ma kahi o ka lawelawe ana i ke ala i hoakakaia mamua ae nei e hookaawale ana ia Kamaki Kuea mai ka lawelawe ia ana ma ke ano oia kekahi o ke ala ma alanui Young.

            2.  E hoomaka ana nohoi ma ke kihi o alanui Papu a me Moiwahine a e holo ana ma alanui Papu a hiki i ka uapo; alaila ma kahakai a hiki i alanui Alakea: alaila ma alanui Alakea a hiki i alanui Ema: alaila ma alanui Ema a hiki i alanui Puowaina ma ka huina me alanui Kula; alaila ma alanui Puowaina a hiki i ke alanui o Pauoa; alaila ma ke alanui i oleloia a hiki i kekahi wahi e hiki ai ina e a'e ia aku na wahi mawaho, a ua haawi ia ka mana e hana pela, ua hiki e hui me ka welau Hikina-Hema o alanui Kauka ma ka muliwai o Nuuanu, a e a'e aku ana i ka muliwai ma kekahi uapo; alaila ma alanui Kauka a hiki i alanui Nuuanu; alaila ma alanui Nuuanu a hiki i ka Pali, a i ole ia, ma kahi o ke ala ma allanui Alakea a hiki i alanui Ema o keia mahope iho nei: E hoomaka ana ma ka huina o alanui Alakea a me ke kahakai; alaila ma alanui Alakea a hiki i ke alanui makai o ka Makeke; alaila ma ka aoao Hema o ka Makeke a hiki i alanui Likeke; alaila ma alana Likeke a hiki i alanui Beretania a hiki i alanui Ema.

            3.  E hoomaka ana no hoi ma ke kihi o alanui Ema a me Malawaina; alaila ma alanui Malawaina a me kona hooloihi ana a hiki i alanui Liliha; alaila a'e aku ma na aina i kapa mau ia o Kapalama a i kekahi wahi makai, a i ole ia, e kokoke ana i kahi noho o Hapakela ma ke alanui e pili ana i ka Pa Kula o Kamehameha; alaila ma ia alanui a i alanui Moi; a malaila aku ma alanui Moi a hiki i Moanalua, a i ole ia, ma kahi o keia; keia hope iho nei, ma kahi o ke ala mai ke kihi o na alanui Ema a me Malawaina a hiki i kahi kokoke i ko Hapakela wahi, o keia, oia hoi: E hoomaka ana ma ke kihi o na alanui Ema a me Kula, alaila ma alanui Kula a hiki i alanui Liliha; alaila a'e aku i na aina mawaena; alaila ma ke alanui ma ka aoao o ka Pa Kula o Kamehameha a hiki i alanui Moi ma Waipilopilo.

            4.  E hoomaka ana no hoi ma ke kihi o alanui Hotele me Betela, alaila ma alanui Betela a i ke alanui Moi; alaila ma alanui Moi a hiki i alanui Papu; alaila ma alanui Papu a i alanui Kalepa; alaila ma alanui Kalepa a hiki i alanui Likeke (me kakahi mana e hiki, a i ole ia, e kokoke ana i ka Hale Mele Hawaii); alaila ma alanui Likeke i oleloia a hiki i ka aekai me ke kuleana e hoohui me ka laina ma alanui Likeke ma ka aekai a ma alanui Alani, a i ole ia, alanui Halekauwila.

            5.  E hoomaka ana no hoi ma ke kihi o na alanui Young a me Alapai, a e holo ana ma alanui Alapai, a i ke alanui Lunalilo, alaila ma alanui Lunalilo a i alanui Pensacola; alaila ma alanui Pensacola a i alanui Waila; alaila ma Alanui Waila a i alanui Punahou ma ka huina me alanui Beckwith; alaila ma alanui Beckwith a i alanui Metcalf; alaila ma alanui Metcalf iloko o ke awawa o Manoa e hui ana me na alanui e ae; a i ole ia, ka aina mawaena me ka laina 6.

            6.  E hoomaka ana no hoi ma ke kihi o na alanui Waila a me Punahou a e holo ana ma alanui Punahou a i ke alanui o ke awawa o Manoa; alaila ma ke alanui o ke awawa o Manoa a komo iloko o Manoa.

            7.  E hoomaka ana no noi ma ke kihi o alanui Waila a me Keeaumoku a e holo ana ma ke alanui Keeaumoku a i ke alanui Moi; alaila ma alanui Moi i alanui Sheridan; alaila ma alanui Sheridan i ke alanui Kahakai.

            8.  E hoomaka ana no hoi ma ke kihi o na alanui Waila a me Pensacola, a i ole ia, ma kekahi wahi kokoke i ka uapo o Pauoa ma alanui Puowaina; alaila ma ke alanui, a i ole ia, maloko o ka aina ma ke kualapa a hiki i ka Paka Noho o Tantalus.

            9.  E hoomaka ana ma ke kihi o na alanui Wyllie a me Liliha a e holo ana ma alanui Liliha i ka Akau-Hikina, a malaila a ku e a'e ana i na aina mawaena a hiki i ke alanui Nuuanu, ma a e kokoke ana i ka Hale Hana Uwila; mai laila aku a hiki i ka Pali.

            10.  E hoomaka ana ma alanui Moi ma ka huina o kekahi o na alanui e moe ana iuka; alaila ma ia alanui e a'e aku ana i ke awawa o Kalihi a iloko o Kahauiki ma kekahi ala kupono maloha o Kahauiki, a i ke alanui Moi ma kekahi wahi ma Moanalua, e a'e ana i na wahi mawaena.ke

            11.  I kela a me keia manawa a ka hapanui o na poe mea aina ma kela a me keia alanui a alahele paha ma Honolulu e noi ai ma ka palapala i ka hui a me na poe e ae i oleloia e hoomoe i alahao ma ia alanui a alahele paha a ua ae ka Aha Hooko i ka hana ana pela, e hoomoe ia no ia alahao malaila, a ua hiki no ma ia hope iho e malama ia a e hoohanaia no ke koena aku o ka manawa o keia pono.

 

NA IKAIKA HOONEE

 

            PAUKU 3.      E hooh@aia ua alahao la me na mea hana uwila mamuli o na uwea ma ka lewa a malalo paha o ka honua, a i ole ia, mamuli o na mea hooahu uwila, a i ole ia, ma o kekahi ano e ae i oi aku ka maikai imua o ia mau mea, a i ole ia mamuli o ka ea i kaomi ia, a i ole ia, ma o kekahi mea ikaika hoonee e ae a ua hui la a me kekahi poe e ae e koho ai i kela a me keia manawa, malalo no uae o ka ae ana a me ka apono mua ana o ka Aha Hooko. Eia nae, e hiki no ke hoohanaia kekahi hapa o @a alahao la e kekahi mea hoonee hookahi oiai kekahi mau wahi okoa aku e hoohana ia ana me kekahi mea hoonee ano okoa, me ka ae a me ka apono ia nae e like me ia i oleloia, a e hoomaopopo hou ia aole i ku i ke Kanawai ka hoohana ana i ke alahao holookoa a i  kekahi hapa paha ma kekahi wahi mawaena o Leahi a me ka palena Komohana o Kalihi, a i ole ia, mawaena o ka Pa Kahakai ma kekahi aoao a me kekahi laina i kaha pololei ia a aneane pololei paha me ke kapa kahakai he mile a me ka hapa ke kowa mai laila mai ma kekahi aoao, me kekahi kaa, enegini a ano kaa e ae e puka ana ka mahu a me na ea kupono ole e ae, a i ole ia, e puhi lanahu ana a mea hoaa e ae paha oiai e holo ana maluna o kekahi alanui, alahele a wahi mawaena o ia mau palena, aole hoi me na holoholona i hoopaa ia aku ia na kaa.

            2.  Ina e loaa ana i @a Hui la a me na poe e aku i kekahi manawa ma ka hoolimalima a ano e ae paha na pono. pomaikai a na waiwai o na poe e aku, a hui e hoohana ana, he alanui alahao maloko o Honolulu, a ma ke kau wahi e ae ma ka Mokupuni o Oahu, e hiki no i na mea hana hoonee i hoomanaia ma keia Kanawai ke hoohanaia maluna o ke alahao i lilo mai, a o na pono, na pomaikai, na mana a me na hoomana ana i haawiia e keia Kanawai e pili ana no ka paa ana i na alanui, malama me ka hoohana ana o na alahao, na kaa a me na mana e ae i haawiia ma keia @a hoomanaia e malama a e hoohana i ka waiwai i lilo mai.

            3. O na mea hoonee i hoomanaia ma keia Pauku e hiki no ke hoohanaia no ka lawelawe alahao ana ma ka lawe ana i na ohua, leta, ukana a me na mea e ae.

 

KE ANO O KE KUKULU ANA

 

            PAUKU 4.      1.  O ke alahao i oleloia i hui pu ia me kona mau lala a me kona mau pili, e kukuluia me ka maikai a me ka paa loa, ma ke ano e keakea ole ai i ka hana akea ia o na alanui, alahele a me na wahi e hoomoe ia ai, a o ka hoomoe ana ma ke alanui e like no ia me ke kuhikuhi o ke Kuhina Kalaiaina.

            2. O na kaa no ka lawe ana i na ohua e hanaia no ma ke ano i hoaponoia uo ka oluolu, maemae a palekana no na ohua, a e hoolakoia me na hao pale o ke ano maikai loa a me na lako hoomalamalama a me ka hoike a@a aku a me na helu a papa kuhi ala kupono i aponoia e ka Aka Hooko.

            3.  Aole e oi aku ka laula o ke ala mamua o eha kapuai me ewalu a me ka hapalua iniha mawaena o na hao.

            4.  Na ka hui i oleloia a me na poe e ae e uku i na lilo a me na poho apau a hoopakele i ke Aupuni mai na poino, lilo poho a me na lilo apau mamuli, a i ole ia, e ulu ae ana mai ka hana ia ana a me ka hoohana ia ana o ke alahao i oleloia, a e uku no na hana hou ana i na alanui e hoomoe ia ai i kupono e hana ia mamuli o ka hana ana a me ka hoohana ana i ke alanui i oleloia.

            A na ka hui i oleloia a me na poe e ae e hoomakaukau no na uwila a e hoomakaukau no na mea lawe uwila a me ka hoihoi hou ana e loaa ole ai ka pono i na paipu wai, na paipu lawe mea ino, na paipu ea aa, a i ole ia, waiwai e ae o ke Aupuni, a i ole ia, kekahi mea e ae a hui a ae paha, a e hoopaekle i ke Aupuni, a i ole ia, kekahi mea a hui paha mai na poho, na lilo a me na poina mamuli o ia mea.

            5.  O ke ano ke kaola e hoohanaia e ka hui i oleloia a me kekahi poe e ae ma ka hana ana a me ka hoomoe ana i ke alahao a me ka hoomoe ana e hanaia no ma ke ano i aponoia e ke Kuhina Kalaiaina, eia nae, aole e emi ke kaumaha o ia mau kaola malalo o 56 paona no ka ia hookahi.

            6.  Ma ka hoomoe ana i na alahao i oleloia, aole e oi aku mamua o hookahi pauku ma kekahi laina ke akeakeaia i ka manawa hookahi, a e hoomauia ka hana ana a hiki i ka pau ana.

            7.  E hoomakaia ke alahao i oleloia iloko o hookahi makahiki mahope iho o ka hooholoia ana o keia Kanawai, a e pau hoi aole e emi malalo o umi mile i hoolakoia a makaukau no ka lawe ana i na ohua ilko o elua makahiki mahope iho o ia hoomaka ana, a no ka hooko pono ana na ka hui i oleloia a me kekahi poe e ae e haawi i ko lakou bona no na dala elima tausani i ke Kuhina Kalaiaina e lilo ua bona la i oleloia i ke Aupuni ina ua hana ole ia a paa a makaukau ua mau mile la he umi o ke alahao i oleloia iloko o ke elua makhiki i oleloia, a o ke koena o ia alahao e hanaia a paa, hoolakoia a hoomakaukauia no ka lawe ana i na ohua iloko o eha makahiki mahope iho o ia hoomaka ana, a  o ka pono e haawiia nei ma keia e pau loa no ia e pili ana i kekahi alanui, alaloa a wahi paha i hana ole ia e like me na mea i hoakakaia maloko nei iloko a ka manawa i oleloia.  Eia nae, o kekahi manawa e kaohiia ai ka hana mamuli o na hoopii a i ole ia, na kaohi ana, a i ole ia, na hoopii e ae e keakea ana,