Ka Nupepa Kuokoa, Volume XXXVII, Number 27, 8 July 1898 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

(PICTURE OF)

MAJOR GENERAL MERRITT, U.S.A.

(Kianina Aiihikaua no Pilipine)

 Ke Kaua ma na Moana-Kai Elua o ka Honua.

 

HOEA NA MOKUKAUA SEPANIA NO KE ALAWAI O KUEKA.

 

Hehihehi Kulana aka Aeto ma Cuba.

KOKOKE LOA O SANTIAGO DE CUBA E HAULEPIO.

 

            HOEA NA MOKUKAUA SEPANIA MALALO O ADIMARALA CAMARA I KE ALAWAI OKI O KUEKA.

            Port Said, Aigupita, Iune 26, - Ma keia kakahiaka nui i komo mai ai noloko nei o ke awa, he aumokukaua Sepania, oia noi, ka mokukaua Pelayo, ka moku lawe hae ia, a oia ka mau o ke komo ana mai, i ukaliia mai e ka mokukaua Kale V., ka mokukaua Patriota, oia ka moku Noromania manua, e hali ana he 12 pu, me kekahi mau koa aina me na koa marina, ka moku Buenos Ayres, me 2 pu ame kekahi mau koa aina, ka moku pepehi topido Audaz, ka mokukaua hao Isia Panay, me 2 pu, me ka lako ai ame na koa aina, ka moku Rapido, oia o Columbia mamua, e lawe ana he 12 pu, a he mau koa aina, ka moku Colona, aohe pu, aohe poe koa aina o luna, me he la he moku lawe ai a ukana keia, na moku pepehi topido Proserpina ame he la he moku lawe ai a ukana keia, na moku pepehi topido Prosepina ame Osada, ka moku lawe koa Covadonga, aohe mau pu, ame ka moku lawe lahanu Kapalakiko. O na moku apau, koe wale no na moku Kale V., Patriota, Andaz ame Proserpina, ua paa ko lakou mau iwi-kaele i ka pioeoe ame ka limu, a he kulana maikai ole ko lakou. e hoopihaia ana lakou i ka lanahu mai ka lako lanahu aku a na Hoahanau Cory aku.

            Eia iho na inoa o na moku na’lii o luna o ka moku, ka nui o na kanaka ame ke ano nui o na ukana: Pelayo, o Ria Adimarala Camara ko luna, o kona Kapena, oia o Fernandez Jose, he 565 kanaka: Kale V., o Kapena Jose Jurez maluna ona, 561 na Kanaka; Audaz, o kona Kapena, oia o Guilletino do Avila, 73 kanaka; Proserpina, o Sances kona kapena, 72 kanaka; Osado, o Shimer kona kapena, 72 kanaka; Rapido o Camagon kona kapena, 238 na Iuina, he 200 koa aina; Patriota, o Barrier kona kapena, he 250 Iuina, he 200 kou aina: Buenose Ayres, o Grau kona kapena, 198 na Iuina, he 1044 koa aina: Isia de Panay ( Mokupuni o Pane) o Baste kona kapena. 103 na Iuina, 703 na koa aina; Covadonga, o Prestely kona kapena, 117 Iuina, he lanahu kaua ukana: Colon o Louis Campos kona kapena, he 120 Iuina, he mau lako no na koa kana: Kapalakiko, o Morrosig kona kapena, 68 Iuina, he lako kaua kana.

            Ua lauahea ae nohoi he lono, he eha mau mokukaua hou e hoea mai ana.

            Landana. Iune 26. – E hoike ana kekahi lono mai alexandria mai. Aigupita, ua hoea aku ke aumokukaua Sepania, me na moku lawe koa a ukana, no Port Said. Aia o Port Said ma ka nuku o ke alawai oki o Kueka, ma ka huli Kaiwainahonua aku nei.

            Cairo, Iune 26. – Aole i nonoi mai o Adimarala Camara e aeia aku kona mau moku e hoopiha i ka lanahu.

            Maderida, Iune 26. – O ka hoea ana aku o ke aumokukaua o Sepania ma Port Said, aole ia hemea e puiwa ai o onei nei, oiai ua hoike mua mai no o Adimarala Camara e holo aku ana oia no na Mokupuni o Pilepine.

            O ka olelo hooweliweli a ke Aupuni o Amerika, na ka nee ana mai o kona mau oumokukaua no na kapakai o Sepania nei, aole ia ia nanaia aku. Ke hoomakaukau nei i keia wa ka mahele ekolu o na aumokukaua no ke kiai ana i na kapakai o Sepania.

 

            O HAWAII NEI KE ALAHELE O NA MOKUKAUA O CAMARA

            Nu Ioka, Iune 26. – E hoike ana kekahi lono telegarama mai Port Said mai a i ka Nupepa Tribune, penei: Ua loaa mai he lono hiki he hilinaiia, o kahi maoli a na mokukaua o Camara e holo aku ai, aole ia i Manila, aka, i Hawaii, a mahope holo aku i Kapalakiko.

            Ladana, Iune 26. – E hoike ana ka mea kakau o ka nupepa “Daily News” ma Gibaraleta, penei: Ua lauaheaia ae, e haalele iho ana ia Cadiz, maka la 15 o Iulai, ka mahele ekolu o na aumokukaua Sepania. O na moku malaila i keia wa, oia ka Vitoira, kupono no ke pale ana i ke kapakai; ka Alfonso XII., i makaukau ole no ka holo aku i keia wa, aia paha a hala he wa loihi, alaila, loaa iaia ka makaukau. Ua hiki nae iaia ke holo he 12 mile i ka hora. O ka Havela kekahi. Ua loaa iho nei kona mau pu mai ka hui hana pu mai o Armstrong. Elua paha pule i koe, a makaukau loa ka mokukaua Numanecia e ku nei ma Barcelona. E haalele iho ana ka mokukaua Lepanto, ko Sepania mokukaua helu ekahi, ia Cartagena iloko o 10 la, a holo aku i Cadiz no  ka hoao ana i kona mau pu. O ka mokukaua Kadinela Cisneros, aia oia i Ferrol, aohe ona wahi waiwai. He lehulehu loa na moku lawe ukana a lawe koa e ku nei ma Cadiz i keia wa, me na wahi pu kakaikahi. Ua manaoia, he poe moku waiwai ole lakou no ka lawe koa a ukana ana.

           

UA HULI HOI  HOU NA MOKUKAUA PELAYO ME KALE V. I HOPE.

            Wasinetona, Iune 26. – Ua loaa mai ka lono ia nei, ua haalele iho la na mokukaua Pelayo ame Kale V. i ka puuluulu o na moku Sepania ma Port Said, a huli hoi hou aku la no Sepania. Ina he oiaio keia lono, alaila, ua hupo o keia ahalhele, oiai ua haalele aku lakou ia Sepania me ka lawa ole i na  moku e kiai i kona mau kapakai, a i ole ia, ua ae ole na luna Aupuni Beritania e komo keia mau moku – ka Pelayo ame Kale V. – ma ke alawai o Kueka no ka nunui loa o ko laua mau kino.

 

KA HAALELE ANA IA CADIZ.

            Nu Ioka, Iune 17 – E hoike ana kekahi lono telegarama mai Cadiz mai, Sepania, ma ke alahele mai o Gibaraleta, ua haalele iho la ke aumokukaua malalo o Adimarala Camara ia wahi ma ka hora 5 o ke kakahiaka, a nee aku la no ke Kaiwaenahonua, ma ke alahee e hoea aku ai i na Mokupuni Pilepine. E komo aku ana ma ke alawai o Kueka. Aole i holo aku ka mokukaua Alfonso XIII, ma keia huakai.

 

            Juagua, Cuba, Iuna 25, hora r auina la (ma ke alahele ma Kingston, Jamaica, Iune 26, hora 10 kakahiaka). – E hoomanaoia ana ka hoouka kaua i malamaia ai mawaena o nakoa kaua lio o Konel Wood ma Cuba, me ka poe Sepania, ma ke ano o ka hoouka kaua o La Quesina, a e paa ana keia hoouka kaua ana ma ka moolelo o ke ao nei. He hoouka kaua keia i manao loa ia ai e poino holookoa ana na Amerika i na Sepania, oiai ua maikai maoli ke kulana hoonohonoho kaua a na Sepania i lawelawe ai ma keia kaua ana. Ua paa na Sepnai i ke kulana kaua a na Ilikini, oia hoi, ke kaua ana ma ke ano hoohalua. Ma kahi i noho hoohalua ai na Sepania me ka makaukau pono i na lako kaua apau, oia kahi a na koa, Amerika i komo poo aku ai me ka maopopo ole ia lakou o keia mea.

            No hookahi hora okoa ame ka hapa i ku ai na koa Amerika, oiai na poka a na Sepania e lele makawalu mai ana, mamua pono mai o lakou, a ma na aoao mai nohoi. Ua like me ke kua-ua ka hiolo kupinai o na poka. Oiai, na koa Amerika e ku ana me ka wiwo ole, iloko ok keia aluka a ka make mai na Sepania mai, aole lao lakou i kuemi iki mai i hope; ai ka hala ana o hookahi hora ame ka hapa o ko lakou paio ana me ka hopo ole, ia  wa i hoeu ai ai o Konela Wood, ma ka eheu akau, a o Konela Roservelt, ma ka eheu hema, o ka paulikaua lio e lele kaua maoli aku ana maluna o na Sepania. A ma ia hana ana, ua hoauehhia aku la na Sepania, me ka pupuahulu nui, a pinana aku la lakou iluna o na puu, ma ka huli e pili ana i Santiago.

            He 16 ka nui o na kanaka Amerika i make, a he 60 o lakou i hoehaia, a i maopopo ole kahi i nalowale aku ai. Mawaena o ka poe i make, hookahi kapena, 3 kakiana, 1 kopala, a he 11 poe koa. Mawaena o ka poe i hoehaia: 1 mekia, 2 kapena, 2 lutanela, 2 kakiana, 2 kopala, 2 puhi o-le, a he 25 poe koa; a 1 mea kakau nupepa. O na poe i nalowale mai loko aku o ka puali, he poe koa wale no lakou apau.

            O ka nui o ka poino ma ka aoao o na Sepania, ua oi loa aku ia mamua o ko na Amerika. Ua ikeia nae, he 37 poe Sepania i make, a ua pau lakou apau i ke kanuia. He lehulehu loa no na kino make o na Sepania maloko o ka ulunahele, a ma ka aoao o ka pali i nahalo aku ai lakou.

            Ua maopopo loa, ua ike mau na Sepania e nee aku ana na koa Amerika ma ke alahele e hoea aku ai i Sevilla, a ua ikeia keia mea, mamuli o ka nui o ko lakou makaukau make pale ana mai ma keia wahi i halawai aku ai na koa Amerika. O ka puali nui maoli o na koa Sepania, ua  hoonohoia ia maluna o kekahi puu, a ma ka huli o ua puu la, ma kahi a na Amerika e nee aku ana, ua paa i ka ululaau, a maloko o keia ululaau, ua kukuluia he elua mau hale pauku laau nunui, a i hoopunila hoi me na pa pohaku ame napa i hanaia mai na kumu laau nunui mai i kuaia a hina ilalo.

            Malalo pono iho o keia wahi, oia hoi he owawa, e holo ana he elua alanui, a malaila i nee aku ai na koa o Konela Rosevlet me walu mau mahele koa o ka mahele kaua lio ekahi ame umi, me eha pu (kuniahi) o “Hotchkiss.” He inoino keia mau alanui, he haiki ooiowi, a maikai ole ka hele ana ma kekahi mau wahi. Ma keia mau alanuii hooukaia ai ke kaua. He anenae hapalua mile okoa ke ka-wa o na koa o Konela Roosevlet mai na mahale aku o na koa kumau. Aia hoi mawaena o keia poe koa, a ma na aoao nohoi elua o ke alanui, iloko o ka puukiuki o ka laau, i pee ai kekahi puali koa nui o na Sepania, a ua ki mai la lakou i na Amerika me ka eleu ame ka makaukau. Ua hoomaka koke aku la o Konela Roosevelt e pii aku ma ka aoao o ka pali nihoniho, mahope mai o kahi i kapaia o Liboney, e kaua aku la i na Sepania ma ka eheu akau, oiai hoi o Kenerala Young, ma ia wa hookahi no i lawe ae ai i kona kulana ma ke alanui, malalo ponoi aku o kahi a na Sepania e paa ana. He 2 paha mile me ka hapa mai ke kahua hoomoana aku, oia kahi i kauohaia ai  o Konela Roosevelt e lawe pio mai. He wahi ia i paa ia e na Sepania me ka ikaika loa. Aku, ua nee malie aku no nae na Amerika a hiki i ko lakou kokoke ana aku i ka puu a na Sepania e hoomoana mai ana, o ka wa ia i hoomaka ai ke kaua ana.

            Ma ka hora 7:30 kakahiaka, ua haawi ae ia o Kenerala Young i ke kauoha e ki aku lakou i na pu (kuniahi) Hotchkiss. A o ka wa nohoi ia i iho makawalu mai ai na kipu ana a na Sepania mai luna mai o ka puu. Me ka leo nui ua kahea ai la, o Kenerala Young i kona mau koa: “Aole e ki i kekahi pu, aia a ikeia aku ka mea e ki aku ai.” A ua malamaia keia kauoha e na koa.

            Ma ia wa nohoi, aia ma ka eheu hema, lohe ia aku la ke kani alapine mai a na pu a na koa o Konela Wood, a pela nohoi ka na Sepania. A ma ia wahi ua nui ka poino o na Amerika.

            Ua loaa aku la hoi ia Konela Roosevelt he 1,500 poe koa Sepania e paa ana i ko lakou mau kulana ma ka aoao o ka puu me ka lako pono i na pu raifeia ame na pu wiia. Ua olelo ae keia Konela no na kipu ana a na Sepania he kau aku a ka pololei ame kaeeu, a ua hoopahaohao lao ia kona noonoo no keia makaukau i loaa ia lakou.

            Mahope iho, ua kaa pono ae ia o Konela Wood ma ka eheu akau, a o Roosevelt hoi ma ka eheu hema, a nee aku la ko laua mau kao no mua. O kahi a lakou i nee aku ai, he hale pauku laau ia, aneane 500 i-a mai kahi a lakou i hoomaka aku ae e nee. I ko lakou hiki ana aku ma kahi he 500 i-a a hoea aku i ua hale ia, ua ikeia aku la ka puhee ana aku o na Sepania, a o ka wa keia i alapine loa aku ai ke kani ana o na pu a na Amerika maluna o na Sepania e auhee ana.

 

EHA MILE I KOE HOEA AKU NA AMERIKA I SANTIAGO DE CUBA.

            Kahua Hoomoana o Kenerala Chaffee (elua mile ma o aku o Sevilla). La Sabail, Iune 26, awakea (ma ke alahele aku o Port Antonio, Jamaiea,  Poakahi Iune 27, hora 12:30 M.@ I keia wa, aia na koa Amerika ma kahi he eha mile a hoea aku i Santiago de Cuba. Ma ka po nei, a ma keia la nohoi, he elua mau mahele koa (brigades) mailoko mai o ka pualikoa o Birigadia Keneraia Lawton, malalo hoi o ka noho alii kiekie ana a Keneraia Chaffee ame Konela R.H. Hall o ka Mahele Elua o na Koa Pualu o Makakuseta, i nee aku ai no mua. Ua kaa hope mai ia o Sevila, kahi i manaoia ai oia kahi e hoouka kaua hou mai ai na Sepania. Ua kau aku la  na Amerika maluna o na puu, ma ka huli akau, a ma ka huli hema nohoi.

            Elua hoi mile ma o aku o kahi a na koa Amerika i hoomoana ai, he pualikoa o na koa Cuba, he 1500 ka nui. A ua paa ia lakou na alanui e hele ana i ke kulanakauhale o Santiago de Cuba. Aia keia poe koa Cuba malalo o Kenerala Carlos Gonzales. Aia nohoi ke houluulu la na koa Cuba apau malalo o Kenerala Kalito Garcia, no ka huipu ana me na koa Amerika maluna o ke kuianakauhale o Santiago de Cuba. Ua manaoia, o ka huina nui o keia poe, he 5,000 no ia. A mamua o ka napoo ana o ka la i keia ahiahi, e hoea mai ai lakou. ma keia la iho la o nae, ua hoea mai ia, mai Acerraderos mai, he wahi ia he 20 mile ma ke komohana aku o Santiago, he 2,000 poe Cuba.

            Mawaena o Baiquiri, kahi i pae aku aika hapanui o na koa Amerika, a moea i Santiago ma ia mau wahi. O ke auhee ana o na Sepania ma ka hoouka kaua ana o ka la i nehinei, ua holo loa aku no lakou a hoea iloko o na papu o Santiago.

            I keia la, i lawe mai ai ka moku lawe koa “Leona,” mai Acerraderos mai a i Jaragua, he huina o 2,000 poe Cuba, i lako pono i na mea kaua. O kahi hapa keia o na koa o Keneraia Garcia, a ua hoounaia mai lakou no ka huipu ana me na koa Cuba e paa la i na alanui e hoea aku ai i Santiago.

            Mawaho ae o Juragua, Poaono, hora 8 ahiahi (make alahele aku o Kingston, Jamaica, Iune 26, hora 3:30 p.m.) – Ua aneane loa e halawai na koa Amerika ame na Sepania, he alo no a he alo. He eha wale no nae mile ke kaawale mawaena o laua. I keia po iho la, ua hoea aku la ko makou poe koa kiai kuwaho, ma kekahi mau wahi i hiki ke o aku, a lohe mai no na Sepania. Ua maopopo loa, iloko o hookahi pule mai keia la aku, a hooukaia n oke kaua o Santiago de Cuba. Ua pau mai na koa apau no uka nei o ka aina, ma keia wahi, a ma Baiquiri nohoi, koe wale no ka poe i  nee aku no mua. Ua lawa nohoi ka ai, e hiki ai i na koa ake noho no hookahi pule okoa, ma keia mau wahi elua i lele mai la na koa, a ua manaoia hoi, maka Poalua ae nei, Iune 28 e pau loa mai ai na lako mea ai i ka hooleleia mai.

            Ua olelo ae o Kenerala Shafter i keia la, penei: “Ua hauoli loa au no ka holomua o na hana i lawelaweia. Ua ulolohi  no ka hoolele ana i na koa, aka, mamuli no ia o ka uuku o na mea paahana i loaa mai no keia hana, ame ka hiki ana i na pu a ka enemi ke hoohanaia, me ka holoea, ma kekahi mau wahi, aka, ua holopono no nae ka hookoia ana o keia hana. Ke kali wale nei no au o ka hooleleia mai o na lako ai e lawa ai no ka hoomaka ana aku e nee i Santiago de Cuba. Aole hiki ia’u ke hoike aku ia manawa. Ua hauoli nohi au no ka wiwo ole o ko kakou poe koa ma ka la inihinei, ma ka hoouka kaua ma Sevillia, no ko lakou piha pihoihoi ole a koa maoli nohoi. He lanakila maopopo loa keia.”

            I keia wa, eia ka hapanui o na  koa Amerika ma Sevilla a ma na kaiaulu e kokoke mai ana iaia. O ke kaawale o Sevilla mai Santiago de Cuba mai, he aneane 9 mile. O ka nui o na koa Amerika ma keia wahi, he 6,000 a he 1,500 poe Cuba. O Kenerala Wheeler, ka alihikaua kiekie loa ma keia wahi, e huipu ana me ia, na Kenerala Young. Lawton ame Chaffee. E hoomau ana ko Kenerala Wheeler noho ana ma Sevilla, ma ke ano oia kuhi hoomoana nui o na koa Amerika e pae aku ana ma Baiquiri.

            Ua hoouna e ia aku nei manua ka poe kaua lio no ke oki ana i alahele mawaena aku o ka uluaahele.

            Mai ke kuiana aku e paa ia ana e na Amerika ma Sevilla, ua hiki loa ke ike pono ia aku e Santiago, a pela hoi kona mau papa kaua.

            Eia hio na hoike a na Kenerala e nee mua ia i Santiago ia Kenerala Shafter.

            “Ia Kenerala Shafter: o ko’u ike ana iho ia no ia i kekahi mau keiki Negero elua @ haalele aku ia Santiago ma keia kakahiaka (Poaono). Na laua i hoike mai ua pilikia na koa ame na kanaka i ka uuku loa o kahi ai. Ua pau i ka hopuia e ua’liikoa ame na koa na mea ai o loko o na halekuai. Aia lakou ke pepehi la i na lio opiopio i ai na lakou, a maloko o na halemai, aia kahi ola i ka palaoa i hanaia noloko mai o ka palaoa raiki.

            “Ma ke kaua o nehinei ma Sevilla, ua komo pu mai na Kenerala Sepania. He elima poe kaa i piha pono i ka poe eha i laweia aku iloko o Santiago, a he lehulehu hoi na poe i hoehaia i kuoe wawae aku nolaila. Ua hiki ia makou ke ike aku i ka Papu o Morro (Morro Castle), a ua maopopo loa ka ikeia ana aku o ka hae mai ko makou kulana aku nei. Ua hooia mai ka poe Cuba, no ka maikai o na kulana pale o na papu e hoopuni ana i ke kulanakauhale. He ehiku mau pa uwea ooi e hoopuni ana i na auwaha eli. I keia wa koke iho nei no i eli@@ ai na Sepania i na auwaha lepo hohonu a puni ke kulanakauhale, a oia na alahele e hoohui ana i na launa ana mawaena o na papu pale liilii.

                                                            WHEELER”

 

            Auina la Poaono.

            “Ia Kenerala Shafter: ua hiki ia moku ke ike pono aku ia Santiago, me he mea la, aole paha he ehiku maile kona kaawale mai a nei aku. He papu palahalaha maikai ke kulana o ka aina ma keia huli mai o ke kulanakauhale, me he mea la no eono mile ke akea, loe wale no na puu ma ka hema aku, a ua holo aku lakou no ka mamao o hookahi mile a hoea aku i Santiago. He ano panoa pu keia mau puu i ka nana aku. Ua waiho wale ka aina, aohe mea akeakea no ka nee ana aku o na koa. Ma keai la iho la i noho ai o Kenerala Chaffee ma Sevilla.

                                                                        YOUNG”

 

MANAO O CERVERA E HAALELE IA LOKO O SANTIAGO DE CUBA.

(Hoopaneeia mai kela pule mai.)

            Ku Ioka, Iune 22. – E hoike ana kekahi lono mai Santiago de Cuba mai o ka la 20 o Iune, ma ke alahele mai ma Kingston, Jamaica, ua lawe mai kekahi poe Cuba i ka lohe ia Adimarala Kamekona, aia o Adimarala Cevera ke hoomakaukau la i kona mau moku, no ke haalele ana aku ia loko o ke awa o Santiago de Cuba, ma ka wa pono mua loa ana e ike ai no ka hooko ana ia hana. Ua hoopihaia na moku Sepania apau a piha me ka lanahu, a ua hooleia ka lele ana o na luina i uka o ka aina. E hooliuliu mau ana na moku apau i keia ame keia po no ka puka aku iwaho. Ua oleloia, o ka manao o ka Adimarala Sepania, oia ka hiki ana iaia e hoopakele i kekahi hapa o kona mau moku mai ka lilo pio ana aku i na Amerika, ame ka hiki ana hoi iaia ke hoopiholo i mau mokukaua Amerika.

 

MAKAUKAU LOA NA PUALIKAUA

HUI O NA AMERIKA ME KA CUBA E LELE KAUA AKU MALUNA O SANTIAGO

            Me na Koa, Poaono, Iune 25 (ma o ka moku lawe nuhou o no Nupepa Call me Herald, oia o Golden rod, i ke Awa o Antonio, Jamaica, la Sabati. Iune 26). – O ka hopena o na hana i ikeia ma keia la, oia ka akoakoa ana o ka huina o 20,000 koa, oia hoi na koa o Kenerala Shafter ame Kenerala Garcia. A ua makaukau loa keia poe no ka lele kaua ana aku maluna o ke kulanakauhale o Santiago de Cuba. Aia na koa o Kenerala Wheeler ma kahi he 10 wale no mile mai Santiago mai. I keia la,i hoea mai ai o kenerala Shafter, a ua hhouna awiwila aku na koa ma ka alahele i Santiago.

            Ma ke awakea o keia, i pau loa mai ai na koa o luna o na moku lawe koa, a ekolu hora mahope iho, ua ikeia he puali o na koa he 8,000 e nee ana ma ka huli komohana aku nei o Siboney no ka mamao o 8 mile ka loa.Ua  hoouna mua ia aku he puali o na poe ana-aina a eneginia hoi no ka hana ana i na alanui kupono no ka maki ana aku o na koa, ame ka lawe ana aku i na pu. He hana nui a alolohi no ka huki hele ana i na pu nunui ma na alahele mauna, aka, e makaukau ana no nae na mea apau ma ka wa e hoea mai ai o Kenerala Shafter mai Baiquiri mai.

 

NEE NA KOA SEPANIA NO SANTIAGO.

Kingston, (jamaica), Iune 25, hora 11 o ka po. –Ua hoike mai kekabi o na kanaka paahana o ka poe Cuba i hoea mai i Faimouth nei, Jamaica, maluna o kekahi waapa pea, mahope iho o ka hala ana o elua la iaia ma ka moana, mai ka mahele aina mai o Manzanillo, aia malaila kahi i houluulu ai he 5,000 poe koa Sepania, a e nee komohana aku ana lakou ma ke alahele e hoea aku ai i Santiago no ka hoopuipui ana i na koa Sepania ma ia wahi.

 

Ka Ayer Laau Hoomaemae Koko

SARSAPARILLA

            E hoomaemae oe i kou koko me ka Ayer Laau Hoomaemae Koko (sarsaparilla), o keia ka laau pahu’a ole o kona ikaika hoola. Kupono maoli keia laau no ka ma’i alaaia, ma’i Hehe. Puha, ma’i Aai, ma’i kuapuhi, ma’i ame na ma’i no apau e ulu mai ana mai o ke keko ino. He kupono loa nohoi keia LAAU HOOMAEMAE KOKO A AYER no ka ma’i nalulu(@@@@rrh) ruma@ika ame ka ruma@ka pehu.

            Ma ke ano he laau hooikaika kino ia, aohe ona lua. E kokua ana ia i na mea paahana o ka opu ma ka hoowali ana i ka ai, hooikaika i ka hana ana a ke-paa nawaliwali mamuli o ka luhi ame ka hoomailo ana a ka ma’i. Ua ike na kauka lapaau ma na wahi apau, he Laau maikai loa keia Laau Hoomemae Koko a Ayer. He laau keia i loaa no loko mai o ka pa’ipa’i ame ke kawili a hoohuihui paauao ia ana o na laau hoomaemae koko a hooikaika kino ikaika loa. Aohe laau hoomaemae koko elike me keia, a i makemake nui is nohoi elike me keia.

Ka Ayer Sarsaparilla

Hoomakakala e

            DR.J.C AYER & CO.

Lowell, Mass., U.S.A.

Ola ka ma’i awa awehi o ka opuina Huaale a Ayer

No Keaha HOOKAWELEWELE LOA AKU AI OE I KELA

ANU, KUNU AME PUU EHA?

            Ua kaulana loa ka LAAU KUNU A AYER (Ayer’s Cherry Pectoral)iloke o na makahiki he aneane 60, ma ka hoola ana i na Ma’i o ka Puu ame ke akemama, ke Anu, ke kunu, ka Ma’i La Grippe, ame ka Ma’i Maia o ka pale Akemama. He ono keia laau ma ka inu ana, a he oiaio ke ola.

 

AYER’S CHERRY PECTORAL

 

Na Medala Gula mai na Hoikeiki Nui o ke Ae

 

Mai lawe i na Laau emi i Hookalikeia me kela

 

Hollister Drug Co. Lt.

Ma Agena ma ka Pacaina Hawaii.

 

Kakale

Me Kuke.

 

Ka Halekuai Nui

 

-O NA –

 

Waiwai Like Ole

 

O na Mea

 

HANA KAMANA A PAU

 

            Na Lako Pihi Hao Kukulu Hale,

                        Na Kepa bela.

                                    Na Lei Iho

                                                Na Kaulahao Ilio

                                                            Na Pahi,

                                                                        Na Upa,

                                                                                    Na Kope Hulu,

                                                                                                Na Pulupulu.

 

Na Palau Lio

Na

Mea Mahiai

Na Au Ho, Na Au Koi,

Na kua bipi, Na lei bipi. Na kalahao bipi

Na uwea pa, Na kaa palala,

Na mea piula. Na

Ipuhao.

 

Makau me Aho Lawaia

 

Na Iliwai                     Na Pakeke

Na Kula                       Na Pakeke Hao

Na Hulu Pena              Na Kapu Hao

Na Pulumi                   Na Panda

Na Pena me Aila         Na Kukaepele

Na Kopa                      Na Uwiki a me

Na Aila Mahu             Na Ipukukui

 

Mikini Humuhumu Kaulana a

 

Wilcox & Gibbs

 

Hookahi Lopi,

 

KA REMINGTON, Elua Lopi.

A me na ukana he nui wale e keia a me keia ano.

 

Kakela me Kuke.