Ka Nupepa Kuokoa, Volume XXXVII, Number 25, 24 June 1898 — Page 6
| This text was transcribed by: | Jean Howard |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Hoolaha Mana Hooko
=======
POAKAHI, IULAI 4, 1895, he La Kulaia Aupuni ia. Nolailia, e paniia ana na Keena Aupuni apau a puni ka Repubalika o Hawaii ma ia la.
HENRY E. COOPER
Kuhina Kalaiaina no ka manawa Keena Kalaiaina, Iune 23, 1895
2708-2t
----------
HOOLAHA NO NA AINA AUPUNI.
-----------
Ma ka hora 12 o ke awakea, o ka la 2@ o Iulai, ma ke Keena o E.D. Baldwin, Hilo, Hawaii, e kuai kudala akea ia aku ai, manuli hoi o ka aeiike kuikawa no ka hookaa ana ame ka hana hou ana, ka Apana 13, Kahoahuna, Hilo, Hawaii, maloko o laila he lii o 66 9-10 Eka. Oi iki aku a emi mai paha.
Kumukuai oi aku maluna o $533.20.
No na hoakaka piha e pili ana i na aelike ame na kumu, kii, a pela aku, e ninau ma ke Keena Aina, a i ole ma ke Keena o E.D. Baldwin, Hilo, Hawaii.
J.F. BROWN, Agena o na Aina Aupuni
June 10, 1898. 2708-td
------------------------------
HOOLAHA WAI
-----
I kulike ai me ka Pauku 1 o ka Mokuna XXVI, o na Kanawai o 1896:
Ke hoolahaia aku nei ma keia i ka poe apau e paa ana i na pono wai, a i k apoe hoi e hookaa ana i na uku wai, e hookaaia ana na uku wai no ka manawa e pau ana i Dekemaba 31, 1898, ma ke Keena Oihana Wai o Honolulu, ma ka la 1 o Iulai, 1898.
O na uku wai apau i hookaa ole ia iloko o 15 la mahope aku o ka wa e hookaa ai ia mau uku, e kauia iho no he uku kaulele o 10 pa keneta.
O na pono wai i hookaa ole ia ko lakou mau uku ma ka la 15 o Augate, 1893 (30 la mahope iho o ka lilo ana he uku-wai i hookaa ole ia), ua hiki ke okila ia mau pono wai me ka hoolaha hou ole ia ana aku.
Ma ke Keena Oihana Wai ma Kapuaiwa Hale e hookaaia ai na uku wai.
ANDREW BROWN,
Luna Nui o ka Oihana Wai o Honolulu, Honolulu, K.H. P. Iune 20, 1898
2708-3t
--------------
HOOLAHA HUI
-----------------
Ma ka Hana Hoopau o ka Hui Kope me Ti Hawaii (Hawaiian Coffe & Tea Company, i Kaupalenaia.
Oiai, ua waiho mai ka Hui Kope me Ti Hawaii (Hawaiian Coffe & Tea Company) i Kaupalenaia, he Hui i Hoohuila a e ku ana malalo a ma o ka mana la o na kanawai o ko Hawaii Pae Aina, elike me ke kanawai, no ia mau hana, ma ke Keena o ke Kuhina Kalaiaina, he palapala noi no ka hoopau ana i ua Hui ‘la i Hoohuiia, me kekahi Palapalo Hooia i hoopili pu ia, elike me ke kauoha a ke kanawai.
Nolaila, ke hoolahaia aku nei ma keia, i kela ame keia mea, a i na kanaka nohoi apau i loaa mamua a i kela wa nohoi he kuleana o kela ama keia ano iloko o ua Hui ‘la i Hoohuila, e waihoia mai na kue no ka aeia ana o ua Noi la, ma ke Keena o ke Kuhina Kalaiaina, ma ka Poalua, a mamua ae paha oia la, Augate la 30, 1898, a o kela ama keia kanaka, a poe kanaka e makemake ana e hooloheia ma keia hana, e hele kino mai ma ke keena o ka mea nona ka inoia malalo iho nei, ma ka Hale Oihana Hooko, Honolulu, ma ka hora 10 a.m. o ua la ‘la, e hoike mai i kumu, no keaha la e ae ole i ai ua Noi’la.
HENRY E. COOPER
Kuhina Kalaiaina no ka manawa. Keena Kalaiaina, Iune 20, 1898
2708-9t
----------------
NA RULA O KE KEENA HOOIA, HELU 1
NA HAAWINA HOOMAU A ME NA UKU MAKAHIKI
Malalo o ke Kanawai Luna Hooia hou o na mea a pau a me na luna o ke Aupuni i hoakakaia maloko o ka Bila Haawina o na uku makahiki a me na uku hana, a me na poe e ae a pau i hoohana mau ia e ke Aupuni i loaa ia lakou he mau uku mahina mau, e ukuia no lakou mai ke Keena Hooia aku mahope iho o ka la ekahi o Iulai, 1898, ma ke kikoo ponoi i ka Waihona.
I mea e hoopuka pono ia ai me ka hikiwawe o na kikoo no kela a me keia aku mahina e ka Luna Hooia, e waiho ia ae na pepa uku hana, a i ole ia papa inoa o ka poe i hoohanaia i hookomo la ka inoa, kulana oihana a me ka huina uku mahina o kela a me keia mea i hoohanaia e na poo o ka oihana me ka Luna Hooia iloko o ka manawa kupono mamua iho o ka la hope o kela a me keia mahina, e kauia ma@una o ia papa uku hana, a i ole ia, poapa inoa ka apono ana o ke poo o ke keena nana i hoohana ia poe.
I ka loaa ana o ia mau papa uku hana, a i o’e ia, papa inoa e hoopuka aku no ka Luna Hooia i na kikoo ponoi ma ka inoa o ka poe i hoohanaia i hoikeia ka inoa maloko, a oia mau kikoo e hoounaia aku no i ka mea e hooka@ia @@ ma ke ano i oi aku ke kupono i ikeia.
NA PAPA UKU HANA.
No na mekanika a me na kanaka hana a me na poe e ae i hoohanaia no ka manawa wale no, e waihoia ae na papa uku hana i hooia pono ia e ka luna nana i kauoha ia hoolilo ana, a o na hana i kakiia ai ka uku ua hooko pono ia; i ka aponoia ana o ia papa uku hana e ka Luna Hooia e hoopuka no oia i kekahi kikoo ma ka inoa o kekahi luna hookaa i hoomana pono ia e ke poo o ke keena nana i hoohana i ka poe hana; na ia luna hookaa e haawi i palapala hookaa no ka manawa no ia kikoo a e kikoo i ke dala mai ka Waihona a uku koke aku i na limahana a poe paha i hoohanaia kuleana ia mea, me ka lawe i ko lakou mau palapala hookaa pakahi no la mea, a mahope koke iho o ia manawa e hoihoi i ka papa uku hana i kakau hookaaia i ka Luna Hooia, me ka loaa iaia o kona palapala hookaa no ka manawa mai ka Luna Hooia mai, a ma ia ano e hookunia ai oia mai na hoopaaia ana no ia mea.
Ua papa ke Kanawai i ka Luna Hooia i ka paa ana i ka manawa hookahi mamua aku o hookahi palapala hookaa no ka manawa mai ka luna hookaa hookahi no na papa uku hana malalo o ka haawina hookahi.
NA BILA.
E lilo ana i hana na ke Keena Hoola e hookaa i kela mahina keia mahina ma ke kikoo no @a koi kupono a pau i ke Aupuni; i mea e hiki ai ka hana ana pela he mea kupono e hiki aku na bila no na lako hana, na lako, a me kela me keia mea i ke Keena Hooia iloko o ka manawa kupono mahope iho o ka pau ana o keia am keia keia mahina, ma o ke keena a buro paha nana i aie aku ia mea; e hanaia na bila i oleloia maluna o na poo bila like e hoolakoia ana e na keena, e hookomoia na aitemu no hookahi mahina wale no (koe ma na hana e pili ana i na uku hoolimalima ma ka hapaha, hapalua makahiki a makahiki paha, na uku kokua a me na mea e ae o ia ano) a e hoakaka pono ia keia mau mea mahope iho nei: oia hoi keia: Ka mahina me ka la ma ka aoao e hoike ana i ka la i hoolakoia ai na waiwai; ka nui i hoolakoia, oia hoi ka nui o na paona, na toma, na kakini, a pela aku. Na uku i kakiia, i hiki ai ke hooiai@ia na huahelu i kakauia.
Ina ua hoolakoia na lako hana, a i ole ia, ka hana mamuli o kekahi aelike, a i ole ia mamuli o ke koho ana, e hoakakaia no pela maloko o ka bila.
E hooiaioia na bila i oleloia e ka luna o ke Aupuni nana i kauoha ia hoolilo ana, e hoike ana o na lako hana me na lako a me kela a me keia mea ua loaa mai ma ke ke ano maikai.
E lilo no i hana na na poo o na keena a me na buro e waiho ae mamua ae o ka la umi o kela mahina keia mahina no na hoolilo ana ma ka Mokupuni o Oahu, a aole hoi mahope o ka la umi-kumamalima o keia mahina keia mahina no na hoolilo ana ma na mokupuni e ae, i ka Luna Hooia i kekeahi hoakaka piha no na bila a pau no ka mahina mamua iho e like me na mea i hoakakaia maluna ae i huia me na bila i hoakoakoaia malalo o na poo o na haawina pakahi e kakiia ai lakou; e hookomoia maloko o kela a me keia bila i hoakoakoaia na bila no hookahi mahina wale no a e kauia me ka apono ana o ke poo o ke keena nana i aie aku ia hoolilo ana. Na ka Luna Hooia i ka wa e loaa ai o ia mau bila e nana i ka pololei o na bila, a i ka manawa e aponoia ai e hoopuka i na kikoo no ka hookaa ana o ia mau bila; e hanaia no na kikoo i na manawa a pau ma ka inoa o ka mea a ke Aupuni i aie maoli ai ina aole ia mea i hoike ma kona kakau kua ana ma kana bila i kekahi mea e ae ana i makemake ai e hanaia ke kikoo ma kona inoa.
NA AELIKE ME-NA KOHOKOHO ANA.
E waihoia aku na kope o na aelike a me na koho ana i aeia no na lako hana, a i ole ia, no ka hana i huipuia me kekahi kope o ka olelo hoolaha i kaheaia ai ia olelo aelike a koho na paha me ka Luna Hooia i ka manawa e aeia ai.
O na rula maluna ae e pili ana i na bila no na lako hana a me kela lilo keia lilo, e pili n ia i na bila hookaa hapa, a i ole ia, ma ke ano piha no na aelike.
KOPE O KA BUKE DALA O KA WAIHONA
Na ka Luna Buke Helu e hoouna aku i ka Luna Hoola i kelala keia la i kekahi kope o kana mau hana pili i ke daia no ka la mamua iho e like me ia i kakauia maloko o ka Buke Dala o ka Waihona, ma ke ano i hooholo like ia mawaena o ke Kuhina Waiwai a me ka Luna Hooia.
NA MALAMA BUKE O KA LEHULEHU
E waihoia ae na hoike i hoohibila no ea loaa Aupuni a dala e ae paha i ohi@a i kela mahina keia mahina i ka Luna Hooia e like no me ia i hana mua ia iho nei, e na luna malama buke ma Honolulu aole e haia mahope o ka la umi o ka mahina a e na luna buke mawaho aku o Honolulu, aole e hala mahope o ka la umikumamaha mahope iho o ka pau ana o kela a me keia mahina.
MANA O NA RULA.
E mana keia mau rula a e like me ke kanawai ma ka manawa hookahi me ke Kanawai hooia hou, oia hoi mai a mahope iho o Iulai 1, 1898.
H. LAWS,
Luna Hooia
Aponoia:
SANFORD B. DOLE, Peresidena
HENRY E. COOPER,
Kuhina o ko na Aina E. S. M. DAMON
Kuhina Waiwai
HENRY E. COOPER,
Kuhina Kalaiaina no ka manawa.
WILLIAM O. SMITH,
Loio Kuhina
Honolulu, Iune 21, 1898,
2708-2t
------------------
I keia la i hookohuia aku ai o ALEXANDER LINDSAY, JR., ESQ., i Notere no ka Lehulehu, no ka Apana Hookolokolo Kaapuni Ekolu o Ko Hawaii Pae Aina.
HENRY E. COOPER,
Kuhina Kalaiaina no ka manawa.
Keena Kalaiaina, Iune 15, 1898,
2708-3t
------------
OLELO HOOLAHA I NA HUI I HOOHUILA.
-------------
I kulike ai me ka Pauku 1441 o ke Kanawai Kivila, ke hoikeia aku nei ka lohe i na Hui i Hoohulia, e waiho ma i Hoke piha a pololei o ka lakou mau hana i ke Keena Kalaiaina, ma ka la 31 o Iulai ae nei, a mamua ao paha oia wa, a he hoike hoi ia no ka makahiki e pau ana i ka la 1 o Iulai, 1898.
E hoolakoia aku ana no na Pepa Pa’i Hakahaka no keia hana, ma ke noi ana mai i ke Keena Kalaiaina.
Ma ka wa e hooko ole ai kekahi Hui i Hoohuiia i ka waiho ana mai i ka Hoike, maloko o ka manawa i kauoha ia, e kauoha aku no ke Kuhina Kalaiaina, oia ponoi iho, a i ole e hookahi a oi aku paha o na Komisina i hookohuia e ia, e laweia mai na buke ame na pepa hoike o ka Hui i Hoohuiia a e ninaninauia na Luna oia Hui, malalo o ka hoohiki ana, no na hana e pili ana i ua Hui la.
HENRY E. COOPER
Kuhina Kalaiaina no ka Manawa,
Keena Kalaiaina, Iune 15, 1898,
2707-3t
----------
OLELO HOOLAHA HOOPAU HUI.
-----------
No ka hoopoau ana i ka Hui i ikeia o Waihee Sugar Company:
No ka mea, o Waihee Sugar Company, he hui i kukuluia a i hoohanaia i kulike me ke kanawai o ko Hawaii Paeaina, a oiai, ua waihoia mai he palapala noi ma ke Keena o ke Kuhina Kalaiaina, no ka hoopau ana i ua Hui la, ame kekahi palapala hooia kupono elike me ke kuhikuhi o ke Kanawai.
A nolaila, ke hoolahaia aku nei i na poe apau i kuleana ma na ano apau iloko o ua hui la, ina he mau kumu hoohalahala kupono kekahi no ka palapala noi e hoopau, e waiho mai ma ke Keena o ke Kuhina Kalaiaina, ma a mamua ae o ka Poalima, Iulai 15, 1898, a o kela ame keia e makemake ana e hoolohe e pono e hiki mai ma ke keena o ka mea nona ka inoa ma lalo iho ma ka Hale Mana Hooko, ma ka hora 10 o ua la ‘la i oleloia, e hoike mai ina he mau kumu kekahi e hoole ana i ua palapala noi ‘la.
HENRY E. COOPER,
Kuhina Kalaiaina Kuikawa, Keena Kalaiaina, Mei 6 1898
2702-10t
-====================
Hooheno ka manaoiana hoopepe o na Roialiti i ka Hale o na Senate. He ole ka maliu ia mai.
---------
“I kela kau makalii aku nei i loohia ai ka’u moopuna i kekahi ma’i ma ka opu,” wahi a Mrs. E. G. Gregory o Frederickstown, Mo. “Ua lilo iho la na laau lapaau a ko makou kauka ohana i mea ole, nolaila, hoao iho la makou i ka Laau Oia a Chamberlain no ka Hi ame ke Kolera.” E kuaiia ana e na poe kuai laau lapaau apau. O Benson, Smith & Co., no Agena ma Hawaii Pae Aina.
Lubiana Kasmila
-----
Mahope iho o ka haia ana aku o ka Naita Eleeie me kona mau kokoolua ame ka Lede Ariadane, a nalowale honuanua aku ia hoi lakou me ke kupaianaha loa maloko aku o ka paia o ka hale, a mahope iho hoi o ka hala ana o kekahi mau minute o ke ku ana o ke Duke Nui Rupereto ame ka Kauna Gasepa, ua pane mai la ua Kauna Gasepa nei, me ke ano pihoihoi imua o kona kokoolua:
“E Frankenstein, he keu keia o ka hana akami lua ole i hana ia mai nei maluna o kaua. Aole hiki ia kaua ke olelo ae he mau hupo kaua no ko kaua aa ole ana aku nei e paio me keia poe kanaka i hoea mai nei imua o kaua me ke kupaianaha loa a nalowale aku nei no hoi me ke kamahao loa, oiai ua hiki no ia kaua ke ike iho, aole kaua i makaukau no ka hakoko pu ana me lakou, a nolaila, ua komo pono kaua iloko o ko lakou mau lima, a o ka hana pono wale no a kaua e hana ai, oia ke ku malie wale aku no imua o lakou me he mea la he mau pio kaua na lakou; aka, e Rupereto, ano la e lilo auanei kaua i mau kanaka hupo loa ina e hoao ole ana kaua e hana i kahi hana e paa ai lakou iloko nei o ka halealii. Nolaila, o ka kaua hana i keia wa oia ka hoike ana aku i keia mea imua o ka Moi, ame ka haawi ana aku hoi i ka lohe i na koa kiai o loko nei o ka halealii a e huliia o loko nei o ka halealii ma na wahi apau.”
He mea oiaio, ua lilo ka hoear ana mai o ka Naita Eleele ame na kanaka elua i ukali mai ai mahope ona i mea nona e hookaumaha loa ia ai, a ua konohia iho la hoi ka makau iloko ona me ke kukonukonu loa, a ua hooi loa ia aku hoi keia maka’u ame keia weliweli i poipu iho maluna ona, mamuli o na olelo a ua Naita Eleele la i pane mai ai imua ona, aka, mamule hoi o na olelo a kona hoa, oia o Gasepa, ua ano hoomama ia ae la kona noonoo.
Molaila, ua iho aku l laua ilalo a hoike aku la i na koa kiai a komo loa aku la hoi laua no ka rumi a ka Moi e noho ana, a hoike aku la laua imua ona i na mea apau a laua i ike ai a i lohe ai maloko o ke keena a laua i kii aku ai i ka Lede Ariadane.
I ka lohe ana o ka Moi i keia mau olelo, ame kona hoomaopopo ana mai loko ponoi aku o kona halealii i laweia aku ai ka Lede Ariadane, ua hoopiha loa ia oia i ka huhu ame ka inaina ua hoopuka koke aku la ia i ke kauoha i na koa kiai apau o loko o ka halealii e makaala loa kela ame keia mea pakahi o akou, ma na wahi apau o loko o ka halealii a mawaho nohoi o ka hale.
Ua hookoia keia kauoha a ua Moi nei e kona poe kanaka me ka eleu ame ka hikiwawe, a i ka hala ana o kekahi wa loihi o ko lakou ku kiai ana ame ka huli ana nohoi maloko a mawaho o ka halealii, aia hoi aohe mea kino kanaka malihini i ikeia e lakou, a ua hoikeia aku keia mea imua o ka Moi, a ua lilo hoi ia nele ana imea no ua Moi Oto nei e piha loa ai i ka inaina.
Ua akoakoa mai la hoi na ‘lii koikoi o loko o ke kulanakauhale maloko o ka halealii, a ua piha ae la na mea apau i ka pioo no ka hana i hanaia me ke kamahao loa maloko o ka halealii. Ua hoopihaia nohoi lakou me ka hopohopo nui no ka ikeia ana o ke kanaka a lakou i lohe wale ai i na wa i hala ae oia hoi ka Naita Eleele o ka Lima Ulaula. Ua ike lakou me ka maopopo loa, he manawa wale no a haule mai ka laau hahau weliweli a ka Hui Naita Lima Ulaula mawaena o na ‘lii o Bohemi, nolaila, ua ulu ae la kekahi ninau mawaena o lakou, oia hoi:
“Heaha la ka kakou hana pono e hana ai?
No keia ninau i ulu ae mawaena o ua poe alii nei malalo o ka Moi Oto, ua hoike mai la o Gasepa i kona manao, ma ka pane ana aku imua o ka Moi:
“E ka Moi, e ae mai ia’u e ninau aku, aole anei aia ka pualikoa holookoa o ka Moi, ma Kempenhausen e kokoke ana i Elbe?
Ua ae mai la hoi ka Moi.
“Ehia la ka nui o na koa malaila?
“Manao au.” Wahi a ka Moi i pane mai ai, “he eha tausani ko lakou nui; a i ole, ua oi aku no paha mamua oia heluna.”
“alaila, eia ko’u manao,” wahi a Valesebuga i pane mai ai imua o ka Moi, “e hoouna aku ke Alii i kekahi elele me kekahi kauoha i ke kenerala nui o kela poe koa e maki mai lakou no ke kulanakauhale nei me ka hooka’ulua ole. Ke ole hoi au e kuhiewa, aole i oi aku mamua o eono legue ka mamao mai ke kulanakauhale aku nei a hoea ilaila. Me he mea la, mamua o ka napoo ana o ka la, e hoea aku no ka elele i kahi o ke kenerala, a iloko hoi o hookahi hora mahope aku oia manawa a ua hiki no ke maki mai ka puali holookoa no ke kulanakauhale nei, a mamua o ka hoea ana mai o ke aumoe o nei po, a i ole, mahope koke iho paha oia wa, e hoea mai no lakou no onei nei. A mamua hoi o ka puka ana mai o ka la o ke kakahiaka o ka la apopo, ua paa na alanui apu o loko nei o ke kulanakauhale i ke kiai ia e na koa.”
Ua hooho like mai la hoi na lii e ae apau me ka hauoli no ka maikai o keia manao o Kauna Valesebuga, a nolaila, ua apono aku la ka Moi i ua manao ia. Ua hoounaia aku la kekahi elele, me kekahi kauoha i ke kenerala o na koa e hoonee koke mai ia i kona pualikoa me ka awiwi loa no ke kulanakauhale alii.
Ua lilo hoi keia papa hoonohonoho hana a Kauna Valesebuga i mea e hoomama nui ia ai na noonoo pioloke ame ka pioo mawaena o ua poe alii Bohemia nei i mea mama, aole hoi elike me ia mamua aku ka uulukai o na mea apau.
E kuu makamake heluhelu, maanei e huli aku kaua a nana i ka Naita Eleele ame ka Lede Ariadane, me ka poina ole ana hoi i na kanaka o ka aahu eleele e ukali ana i ua Naita Eleele nei.
Ma ka wa i hopu aku ai ka Naita Eleele a paa ka lima o ka Lede Ariadane, a nalowkale aku ai lakou apau me ke kamahao lo maloko aku o ka paia o ka hale, u komo aku la lakou ma kekahi alahele olowi i hoomalamaia mai e kekahi puka aniani ma ka aoao hikina o ua alahele la, a e huli ana hoi ia puka aniani ma ka aoao o k halealii e pili na me kekahi pa ma ka aoao hikina o ua hale alii la.
Oiai hoi o Ariadane e ukali ana i ka Naita Eleele, ua ninau ae ia ia i ua Naita la:
“O oe no anei o Mamiona?”
“E ka Lede maikai, owau no ia,” wahi a ua Naita Eleele nei.
“E hoomaikaiia ke Akua ma na lani kiekie loa.” I hooho ae ai ua Lede Opio nei, me ka hopu ana aku hoi i ka lima hema o mamiona a kaikai ae la i kona mau lehelehe a muki iho la ia.
I kela wa i pane mai ai o Mamiona iaia:
“E kuu kaikuahine, ke haawi aku nei au ia oe i ka’u mau hoomaikai ana ia oe. Ano, e hahai mai oe ia’u, a mai hopoopo iki oe no kou palekana.” Hele pololei aku la ua Naita Mamiona nei a hoea i kekahi paia pohaku, a he wahi hoi ia i hana ia me kekahi mea oonani o ka ano kamahao loa ma ka Ariadane hoomaopopo ana aku. Me keia wahi, hoopa aku la o Mamiona i kekahi wahi opuu laau e oku mai ana ma ua wahi nei i hoonaniia ai, aia hoi ike aku la o Ariadane i ka niniu ana ae o ua wahi nei i hoonaniia ai a kpoo aku la iloko o ka paia pohaku, aia hoi ike aku la o Ariadane e hamama mai ana kekahi puka komo, a ma ia wahi aku e moe ana kekahi alapii pohaku ilalo.
Ma keia puka i komo aku ai o Mamiona a iho aku la ilalo o ke aiapii pohaku, oiai hoi o Ariadane i ukali aku ai mahope ona, a mahope aku hoi o laua na kanaka elua me na aahu eleele. O keia alahele pohaku a lakou e iho aku nei, ua poi pu ia iho ia e ka pouli, a e a mai ana hoi he wahi ihoiho kukui mai lalo mai o ua alapii nei.
I ko lakou hoea ana aku ma kahi e a ana ua wahi ihoiho kukui nei, ua hiki aku la lakou ma ke poo o kekahi alapii pohaku hou, e kamoe ana ilalo, me he mea la ma ka hoomaopopo iho a Ariadane, eia keia alapii malalo o ka honua.
Ma keia alahele i hoomau aku ai lakou i ka hele ana. He alanui i kikeekee keia o kona hele ana. Aka, i ka hala ana ia lakou e wa loihi o ka hele ana, ua hoea aku la lakou i kekahi alapii e moe pololei ana iluna. A ma keia wahi i pii aku ai lakou, a i ko lakou hoea ana aku i ke poo o ua alapii la, aia hoi ike iho la o Ariadane i kona komo ana aku iloko o kekahi keena, a ike pu iho la nohoi ia i ka malamalama o ka la e poha ana malaila.
O keia keena a Ariadane i komo aku ai, ua hoonaniia la me ka malau loa. E kuku mai ana na noho nani ame na punee nani, he maikai maoli no ke nana aku.
Ike aku la hoi o Ariadane me ka piha o kona naau i ka hauoli i kekahi wahine aoo helehelena ui a maikai e noho mai ana. I ka ike ana mai hoi o keia wahine ia Ardane, ua ku ae la ia iluna a haawi mai la ia i kona mau lima, me ka olino ana ae o ka hauoli ma kona mau papalina, ame ka leo aloha, pane mai la ia:
“E kuu keiki, i keia wa eia oe iloko o ka Hale Hoohiki o Maria Hemolele, a owau ka Luna wahine nui o keia hale. Nolaila, ke pahola aku nei au imua ou i na hookipa ana. O kou home keia no keia wa.”
Me ka hauoli launa ole, ua apo aku la o Ariadane i na lima o ua Lede nei, aole hoi oia wale no, aka, ua Puili maoli aku la ia i ka wahine nona na helehelena oluolu ana i ike aku ai. Ua lede nei nohoi kekahi i puili mai ia Ariadane. No kekahi mau minute pokole pane iho la oia ia Aridane:
“E kuu keiki, aole owau wale no k ou hoaloha o keia wahi, ei ae no keia poe hoaloha ou.”
I keia wa i aea ae ai ua Lede opio nei a pane aku la imua o ka Lede aoo:
“E ka Lede maikai, he oiaio no, ua ike mai nei au ia Mamiona, a he mau kanaka okoa nohoi kekahi, aka, -------“
Aole hoi i pau pono loa keia mau huaolelo hope i ka hoopukaia aku e ia, aia hoi, i kona alawa ana ae ma kekahi aoao o ka rumi ia wa oia i ike aku i ia Manaferede a ku mai ana me na helehelena mohala maikai, a ia wa i hooho ae ai ia me ka hauoli:
“Auwe no ka hoi, o oe ka kela e kuu makua maikai.”
Hoomaopopo aku la nae o Ariadane he kapa loihi eleele ko Manaferede e komo ana, a ike pu aku la nohoi ia @ ku mai ana ka lua o na kanaka me ka aahu eleele.
I keia wa pane mai la o Manafereda imua o Ariadane: “E kuu keiki, owau no keia o kou hoaloha kahiki. Aole makou i poina ia oe. Ua ike makou i na keehina hana apau a Frankenstein ame Valesebuga. Ua ha@wila na kisi makaala ana nou e kou poe hoaloha. Ano, e kuu kaikamahine, he hoaloha e ae no kekahi ou, a ua makaukau oia e halawai me oe i keia wa.”
(Aole i pau)
-----------------
Ua loaa mai makou, ua loaa mai la i kekahi io pili kokoe aka i ka laai, he episetole, e hoike mai ana, aohe manaolana i koe no ka “ho hoi hou i ka paakai i Waimea.” A o kahi manaolana wale no i koe, oia ka mea e pili ana i na aina i leiia ai e ka ua Kamakahaia” Na oukou no ia e imi mai i ka puana a ka moe.
=================
KA HUI ALAHAO ME AINA O OAHU
Wai a Mohope aku o Iune 13, 1898
(Drawing of a train)
MANAWA HOLO.
WAHI HOOLULU
(Mai Honolulu Ak@)
A.M. A.M. P.M. P.M.
Honolulu 7:10 9:15 3:10 5:10
Manana 8:07 9:48 3:43 5:50
Wili o Ewa 8:37 10:06 4:08 6:10
Waaianae 9:27 10:53 4:43 ------
Waialua ------ 12:00 5:38
WAHI HOOLULU
(Mai waho mai a i Hononulu)
A.M. A.M. A.M. P.M. P.M.
Waialua ----- 6:12 --- 2:39 ---
Waianae ----- 7:12 10:09 5:55 ---
Wili o Ewa 5:50 7:47 10:59 4:32 12:45
Manana 6:15 8:07 11:@4 4:52 1:10
Honolulu 6:50 8:40 12:15 5:26 1:45
G.P. DENISON, Luna
F.C. SMITH, Luna Kuai Palapala Holo
====================
Hoolaha Rumau
==============
Ola Nawaliwali
MAMULI O KE
KOKO INO.
---
E heluhelu iho i ka mea i hauaia e ka Ayer Laau Sarasaparila no ka Rev. Z.P. Wilds, he misionari kamaaina loa maloko o ke kulanakauhale o Nu Ioka hoahanau nohoi o Lunakanawai Wildsi make, he kanaka kaumana:
“No na amakahiki lehulehu he luahi au no ka ma’i pa-palahu ame na ma’i aai e ae, i puka noloko mai o ke koko ino. Ono ole mai la ka’u ai, a nawaliwali mai ko’u nui kono apau. Mamuli o ko’u ike ana i ke ola ana o kekahi poe e ae no ko lakou inu ana i ka Laau Sarasaparila a Ayer, ua hoomaka iho la au e inu i ua laau la. A ua
ONO AE LA KA’U AI
Mai ko’u inu mua loa ana mai no i ua laau la: alaila, hoomaka mai la ka maikai o ko’u ola. He haneri pa-keneta ka oi o ko’u ikaika ae i keia wa, a ua loa mai keia mai ka LAAU SARASAPARILA MAI A AYER, ka laau hoi a’u e hoike aku nei me ka oialo, oia ke pookela loa o na laau hoomaemae koko i ikeha.”
No na ma’i apau i loaa noloko mai o ke koko ino e lawe i
Ka Ayer Laau
Sarsapailla
-------------
KA AYER HUAALE Ka Leau Hoola ao ka @@@ Awaswahia o ka Opu.
---------------
Ke pookela o na laau no ka malama ana, ka hoopulu ana, ka hooulu ana me ka hoonani
Ana i ka lauoho, oia ka
Ayer Laau Hooul Lauoho
Aole e kepia ke poo, oia na ma’i puupuu, aole hoi helelei ka lauoho. Ina maloohaha mai ka lauoho, binawenawe a ano hina mai, alaila, na kela laau e ho’iho’i hou ae a kona ano mua, a hooulu lupalupa ae la i ka lauoho. Ma na wahi apau, o keia Laau Hooulu Lauoho a Ayer ke pookela, a ua lilo ia i punahele a i hoapili no na le@@ ame na keonimana.
Ayer’s Hair Vigor
I homakaukauia e
DR. J.C. AYER, Lowell, Mass., U.S.A.
============
Na Medala Guia mai na Hokeike Nui o ke Ao
-------------
Hollister Drug Co. Lt.
Na Agena ma ka Paeaina Hawaii