Ka Nupepa Kuokoa, Volume XXXVII, Number 25, 24 June 1898 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

No ka Makahiki          $2.00

No Eono Mahina         @1.00

 

Kuije ka Rula.

@UE@@ ANAA      1 Pule              2 Pule              3 Pule              4 Pule              5 Pule              6 Pule

1 iniha                         $@.00             $2.00               $2.50               $3.00               $3.50               $4.00

2 iniha                         2.00                 2.75                 3.50                 4.00                 4.50                 5.00

3 iniha                         2.50                 3.50                 4.50                 5.00                 5.50                 6.00

4 iniha                         3.00                 4.00                 5.00                 6.00                 6.75                 7.50

5 iniha                         3.50                 4.75                 6.00                 7.00                 8.00                 @

6 iniha                         4.00                 5.50                 7.00                 8.00                 9.00                 10.00

 

            O na Olelo Hoolaha a pau e hoounaia mai ana no ka Hoolaha maloko o keia Nupepa, e hoouna pū mai ka auhau, a ina aole, ahoe hookomoia.

 

HOOPUKAIA @ @

HAWAIIAN GAZETTE CO.

C. G. BALLENTYNE, Luna Nui.

JOSEPH M. POEPOE, Lunahooponopono

Honolulu, Oahu.

 

POALIMA     JUNE 24, 1898.

 

            HOOHOLO LOA IA KA OLELO HOOHOLO HUI NO KA HOOHUI ANA IA HAWAII NEI ME AMERIKA

 

            Ma ke ku ana mai nei o ka mokuahi Moana mai Kapalakiko mai ka Poakolu nei, i loaa mai ai ka lono i Hawaii nei no ka hooholo loa oa ana o ka Olelo Hooholo hoohui Apuni a Lunamakaainana Newland o ka Hale o na Makaainana o Amerika Huila ma ka la 15 o keia mahina. O ka nui o na hoa oia Hale i koho ma ka aoaoa kokua i ka Olelo Hooholo he Elua Haneri me Eiwa, a o ka nui o ka poe i kue he Kanaiwa-kumamakahi wale no ko lakou nui.

            Ua maopopo loa ma keia lanakila ana o keia olelo hooholo maloko o ka Hale o na Makaainana, ua loaa ia makou ka lanakila no ka oiaio o ka makou me i  aku ai imua o ka lahui, aole i make ka Hoohui Aupuni mawaena o Hawaii nei ame Amerika Huiia, aka, he kumuhana ola noho ia e moe lolii maikaki la iloko o ka Hale Ahaolelo oia Aupuni a hiki i kona wa e ku ai me ka lanakila imua o kona mau enemi.

            He mea maopopo, hookahi hale koe a kakou e kali nei, oia ka Hale o na Senate. No makou iho, ke hoike aku nei no makou me ke kaualua ole, elike no me ko makou kanalua ole mai kinohi mai, a hoea mai ka lono io kakou nei ma keia mua kokoke iho, aia hoi, ua lilo ka Lanakila ma ka aoao o ka Hoohui Aupuni maloko oia Hale a ua hoauheeia hoi na enemi o ua kumuhana la, elike me ka hoauhee ia ana o kona mau enemi maloko o ka Hale o na Makaainana, a huli pu ana keia Emepera kaulana loa o loko oia Hale, oia hoi o Reed, a hiki ole i kona ikaika ame kona akamai ke hoopuhili ia Peresidena MAkinile ame na hoa o kona Aha Kuhina maluna o keia kumuhana.

            Ua puhili ka ikaika o kela Hui Hoomaemae Kopaa o Kaleponi, ka enemi o ko Hawaii nei poe kanu ko. Ua opa pu ia lakou apau e ka ikaika o Peresidena MaKinile.

            Aole kanaiua, aia no ka hapanui o na hoa o ka Aha Senate ma ka aoao kokua i ka Hoohui aku ia Hawaii nei me Amerika. Aole keia he koho ma ka loaa ana o ka elua-hapakolu o na hoa o ka Hale, aka, he koho ana keia ma ka loaa ana o ka hapanui wale no o na hoa apau o ka Hale, oia hoi, ina he kanawalu ka nui  o na hoa apau o loko o ka Hale, alaila, o ka loaa ana je kanaha-kumamakahi ma ka aoao kokua i ka olelo hoohol o kona lanakila ana no ia.

            Ma ko makou makaikai ana i keia kulana o ka hele ana o ua kumuhana nei ke hui pu ia hoi me ko Amerika kulana kaua e oni nei maloko nei o ka MoanaPakipika i keia mau la, ua maopopo loa aole hiki i na enemi o ka Hoohui Aupuni ke lanakila iloko o ka Aha Senate.

            Ke hooia aku nei makou, ua kani ka moa kualua a ke Kuokoa, o ke kuakolu koe o ka moa, a o ka olino no ia o ka malamalama o ke Au Hoohui Aupuni maluna o Hawaii.

            O ka paio a ke paonioni ma o keia kumuhana Hoohui Aupuni la, ke hookokoke Kuokoa, a e kulike auanei ia me na mea i hoike mau ia aku ai e ia i na wa i hala ae nei no ka hoea ana mai o keia hopena maluna o Hawaii. nei.

 

E KOMO AKU ANA ANEI KO KE AO NEI APAU ILOKO O KEKAHI KAUA HULIMAHI WELIWELI LOA.

 

            Mamuli o kekahi mea hoike e holiolio mai nei imua o makou elike me ia mau mea e kau mai nei ma ka huina aouli o ko ke ao nei noho ana, a e ikeia aku nei hoi mawaena o na oni ana o na Aupuni o Europa, oiai keia kaua mawaena o Amerika ame Sepania e hookaukooia nei i keia mau la, ua hiki ke ikeia ke hoike nei he mau oali maopopo, ke mau nae ko lakou ku ana ma ia ano, a pili ae hoi lakou i ka hookanaka makua ana, ua kokoke loa mai ka wa e owil@@a aku ai ko ke ao nei apau e komo iloko o kekahi hoouka kaua weliweli i@a i ike ole ia kona @ua mai ka hookumuia ana mai o ke ao nei.

            Ina no e komo mai ana o Geremania e kue ia Amerika no keia kaua e paioia nei e ia me Sepania, a i mea paha nei e noho mana ai ma na mokupuni Pilipine, elike me na aiana ana aku a Sepania imua ona, aole no ia he mea e hookuemi hope ia ai na kanaka Amerika, a e aa ana no lakou e paio me Geremania a hiki i kona hoopioia ana.

            Hookahi papa mean nana e ho-uhalu ia Amerika, oia ko Europa holookoa ku ana mai ma ka aoao o Sepania e kue mai ia Amerika, aka,ma ia wa hookahi no nae, ua hiki no ia makou ke olelo ae me ke kanalua ole e aa ana no ka Ae@o Amerika e paio aku ia lakou apau no ka pono o kana kumuhana e hoopaakiki nei i keia la, oia hoi e hoopau loa ia ka Sepania mau hana hoomainoino maluna o na lahui i paa malalo o kona mau lima, a e noho ana hoi maloko o ka hapa poepoe komohana. Ua hoikeia ma ka olelo hoakaka alakai Aupuni a Peresidena Monroe ko Amerika ku ana ma ke kuleana kiai makaala loa ana i na pono o na lahui kanaka e noho ana maloko o ka Hapa Poepoe Komohana, a e kue ana ia i na hana mauae apau a na mana o Europa e hana ai mawaena oia lahui, ina hoi he mau hana ia e kueia ai ko Amerika hanohano ma ke ano he Aupuni malamalama, a pela hoi kona mau pomaikai kalepa a pono pili Aupuni maloko o ka moana Pakipika.

            Mawaena o na mea hou i loaa ia makou mai Amerika mai no ka mea e pili anai ka loaa ana aku o ka lono ia Peresidena Makinile ame kona Aha Kuhina no Geremania manaoia ana e komo ana ae la kekahi hoa o ka Aha Kuhina Amerika, aole loa on a hopohopo no ko Geremania komo ana mai i moepuu no Sepania. Ua hiki loa i na mokukaua o Adimarala Dewey ke paio aku me ka hopohopo ole i na mokukaua Geremania i hoounaia ae la no na kai o na mokupuni Pilepine

            Ua hiki nohoi ke hoomaoppoia he Aupuni o Amerika ihiki ke hoonae i kekahi kaua ikaika loa e lawa ai na mana huiia o Europa apau ke hakoko ia.

            Aka, in a hoi elike me na mea i lohe ia mai i o kakou nei, una e ala io mai ana he kaua hulimahi mawaena o kekahi mau mana o Eropa ame Amerika, alaila, oia ka wa e hui mai ai o Enelani ame Iapana me Amerika no ke kaua ana aku i ua mau mana la o Europa i huipu ae me Sepania, oia no ka wa a makou e olelo nei ua komohia aku ke ao holookoa nei iloko o kekahi kaua weliweli loa, e ninini ia ana kona mau palapu ame kona mau ehaeha maluna o na moanakai ame na aina maloo.

            No keia oni ana e oni nei i jeia wa ke hukiia aku nei ko ke ao nei mau maka a hakilo i na hoohele ana o ke au o ka manawa, ame na mea hoike maluna iho o kona mau papalina. Ke ku nei na mana ikaika apau o ka Hana Poepoe Hikina ame ka makaukau e ninini i ko lakou mau hue i piha i ko lakou mau inaina maluna o kela ame keia aoao i kau aku ai na kuakoko o ko lakou inaina. E kali, a e nana i na ouli o ka manawa.

 

            E hele oe a puni ke ao nei aole e loaa ia oe kekahi laau elike me ka Laau Ola a Chamberiain no ka Hi ame ke Kolera no na ma ʻ i o ka opu. He oluolu a maikai ka inu ana. E kuaiia ana e na poe kuai laau lapaau apau. O Benson, Smith & Co., na Agena mako Hawaii PAe Aina.

 

            Ma ka Poakahi nei, holo aku la he ekolu haole maluna o kekahi wahi moku kiakahi, mailoko aku nei o ke awa, no ka holoholo waapa, me na manaolana ulumahiehie maikai, aka, ia lakou i hoea aku ai i ka hapalua like o ka nuku o ke awa, ike i ho la lakou me ke pihoihoi nui i ke komo nui loa ana mai o ka liu, a ia wa i hoohuli ae ai lakou no uka nei o ka aian. Ua nui loa mai la ke komo ana o ka liu, aole hiki ke pau i ke ka, nolaila, manao iho la kekahi mau haole e au i ka uka nei o ka aina, a o ke kolu o ka haole, ua hoole mai la ia, aole hiki iaia ke au, a oiai lakou e hoopaapaa ana, ia wa i hoea aku ai he waapa mai uka aku nei no kekahi keiki hoe waapa o ka uwapo a nana i hoopakele i keia poe, me kona olelo ana aku, aole oa he wahi kupono no ka au ana, oiai he nui ka mano malaila.

 

E HOOKOLOKOLO OIHANA KOA IA ANA KA ADIMARALA SEPANIA.

 

            Hongkong, Mei 24 -- ua loaa mai kekahi lono ia nei e hoike ana e hookolokolo koa ia ak ana o Adimarala Montijo, ka Adimarala Sepania no na mokukaua i pau ai i ka lukuia e na moku Amerika, no kona maka ʻ u wale a hohe wale hoi.

 

NUHOUONAAINAE

 

            Waaine@ona, Iune 1 -- I keia la i hoolaha ae ai ke Keena Aumokukaua i keia hoolaha: Ma ka la 7 o Iune, ua kauoha aku ia o Adimarala Kamekona i ka mokukaua Marblehead. Kapena i ka mokukaua McClla, ame ka moku Yankee, Kapena Brownson, e lawe a lio ke kaikuono waho o Guantanamo. Ma ka wa i puka mai ai ka la ma ke kakahiaka o ka la 7, ua komo aku ia keia mau moku iloko o ke awa, a hookuemi hope aku ia i kekahi mokukaua Sepania, a lilo mai la ke kaikuono a laua i komo aku ai.

            Ma ka la 11 mai, ua lele aku ia na kpa marina Amerika he 600 ko lakou nui, mawaena o ka uahi pauda e punohu ana me ka ikaika loa, mai luna alu o na moku no uka o ka aina, a kulukulu iho la i ko lakou mau hale lole ma na wahi ona papu kuwaho o Guantanamo i pau i ka ulupaia e na pu a na Amerika, a malaila i huki ae ai lakou i ka hae hoku o Amerika no ka wa mua loa ma Cuba, maluna o kekahi pahu have i kukuluia e ka poe Sepania.

            O ka mokukaua Oregona ka mea i ahai ae i ka hanohano o ka lilo ana i mea mua loa nana i hoolele aku no uka o ka aina he 40 poe koa marina me ka hololea loa, ma keia kekahiaka, a lawe ae ia lakou i ka aoao hema o ka nuku o ke awa e kommo aku ai iloko o ke kaikuono, a hiki i ka hoea ana mai o ka moku lawe koa, oia ka Panther me 600 poe koa.

            Ua holo lea loa na kipoka ana a na mokukaua Amerika i na papu o uka o ka aina. Ua ulaa pu ia na wahi i hanaia e na Sepania i mau papu lepo no lakou e malumalu ai mai na pu aku o na mokukaua Amerika, a ua pau i ka hoohioloia kekahi mau papu i hoopiha pono ia me na pu. O ka mokukaua Marblehead ka mea nana i hooko i keia hoouka kaua holopono, i kokuaia hoi e na mokukaua Vixen ame Dolphin.

            No kekahi mau la he lehulehu i hala ae nei i hoomakakiu mau ai keia poe moku ma ka nuku o ke awa, a ma ka la inehinei i komo aku ai lakou iloko o ke awa, a hala hookahi mile okoa iloko, ia wa i ki aku ai lakou he kanalima mau poka i na papu ma ka aoao hema o ke kowa a lakou i komo aku ai. Ma ka aoao akau o keia wahi, aohe mau papu kiai. Aole nohoi i hoaoia e hoolele aku i kekahi poe moku la, a hiki wale iho la i keia kakahiaka ma ka wa i komo aku ai ka mokukaua Oregona. He kanaha poe marina mailuna aku o ka mokukaua Oregona, a he iwakalua hoi mailuna aku o ka mokukaua Marblehead aku. Ma ka wa i kau aku ai keia poe koa i uka o ka aina ike iho la lakou me ka hoohewahewa ole ua haalele pupuahulu iho na Sepania ia wahi. E muu mokai ana na wati, na wahi e hiamoe ai o na koa ame kekahi mau lako kaua he nui, a ua loaa iho la nohoi he hae Sepania ma ia wahi.

            Aia keia wahi a na koa Amerika i pae aku ia ma kahi he kanaha paha mile ma ka hikinaa aku o Santiago de Cuba, a he wahi maikai loa keia no ke kahuna hoomoana no ka hoolako ana i na mokukaua me ka lanahu ame na lako ai a pono e ae nohoi.

            KAhua Hoomaona Amerika (ma ka Nuku o ke Kaikuono o Guantanamo),  Sabati, Iune 12 (ma ke alahele aku o Kingston, JAmaica, Poakahi, Iune 13. hora 8:30 a. m.)-Ua hoauheeia na Sepania i lele kaua mai ma ka po nei maluna o na koa marina Amerika i hoomoana ma keia wahi, a malalo hoi o ka noho aliikoa kiekie ana a Lutanela R. W. Huntington, au a nui ka poina o na Sepania. He eha ka nui o na Amerika i pau i ka make, a hookahi mea i hoehaia. Aole hoi i maopopo ka nui o na Sepania i pau i ka  make a i hoehaia.

            Ua hoomaka keia hooukakaua ana ma ke kipuia ana mai o na koa kiai ma kahi he 1,000 i-a ka mamao mai ke kahua hoomoana aku. Ma ia wa e ku kiai ana ka mahele koa malalo o Kapena Spicer, a ua hookuemi hope iki ia mai la hoi lakou kulana me ka wiwo ole a hookuemi hope aku la i na enemi. Ua loaa hoi na kino make o kekahi mau koa Amerika elua. Ua laweia ku ko laua mau lole mai ko laua mau kino aku, ka laua mau kahei poka, a ua pau ko laua mau kio i ka okioki mainoinoia me na koilipi a na Sepania.

            Guantanamo, Iune 12.-Ma ka hora 9 o keia kakahiaka, ua hoomaka hou mai la na Sepania e kipu i na Ame-rika. O kahi a na Sepania i ki mai ai i ka lakou mau pu, mai luna mai ia o kekahi wahi mokupuni, aneane hookahi mile ma ka hikina akau aku. Ua panai koke ia aku keia kipu ana e kekahi pukuniahi o ekolu iniha anawaena, a iloko o ka wa pokole ua nalowale aku la na Sepania. Ua huli hoi mai na Lutanela Nevila ame Shaw me ko laua mau koa he kanakolu ka nui, mahope iho o ka hala ana he 18 hora o ke ku kiai ana. Ua hele lakou a luhi ma ka nana aku, aka, aole i hoopalupaluia ko lakou manao wiwo ole. Hookahi o laua kanaka i make. Ma ka hapanui o ke ao a pele nohoi i ka po, ua hoopuniia ko laua man wahi koa e au Sepania i oi aku ko lakou nui mamua o ka nui o ko laua maui wahi koa. Ua maopopo he elima ka nui o na Sepania i make, a ma ko laua manao @ae ua oi aku ka nui o na Sepania a i make a i pau i ka hoahaia mamua oia heluna.

            O@a@ianamo, Poakahi, Iune 18, amekea.- Mahope iho o ka hala ana o na po elua o ka hakaka ama me ka ikaika loa mawaena o na Sepania me na Amerika, ua loaa pono ana me ka ikaika loa mawaena o na Sepania me na Amerika, uua loaa pono loa iho la i na koa Amerika he kulana paa ma kahi a lakou i pae aku ai a i lilo mai hoi ia lakou. Ke mau la no ka weio ana o ka hae Amerika ma ia wahi, a ua lawe ae na koa Amerika i ka hoohiki paa, e hoomau aku ana lakou i ke kananka hope loa o lakou, a hiki nohoi i ka wa e loaa mai ai o na koa hou. He mea maopopo loa, in a aole lakou i kokuaia e na pu o na mokukaua, ina no ua pau lakou i ka lujuia e na koa Sepania i hele a nui hewahewa. Ma ka nana aku, e hiki ana ia lakou ke paa i ko lakou kulana e noho ia i keia wa, aka, aole nae e hiki ia lakou ke nee aku imua a hiki i ka wa e loaa aku ai he mau kokua hou ia lakou.

            Mahope iho o ka hoouka kaua o ka Paono nei, ua manao loa o Koela Huntington e lele kaua hou ia mai ana no lakou ma ka po Sabati, nolila, ua hoomakaukau iho la ia i kona kulana pale i na enemi. He mea oiaio, i ka hiki ana mai i ka la Sabati, a i ka napoo ana o ka la, ua hoomaka hou mai la na Sepania e leie kaua mai maluna o na Amerika, a ua hoomauia kela hoouka kaua a hoea wale i ka wanaao ana. Ua hahana keia hoouka kaua ma na aoao elua. He elua mau kanaka i make ma ka aoao o ka poe Ameria, a he eha poe i hoehaia.

 

E KOMO POO AKU ANA KA HOOKAUA ANA A PERESIDENA MAKINILE I SEPANIA

 

            Wasinetona, Iune 14.-O ke kumuhana ano nui loa e nooncoia nei i keia wa, oia ke kumuhana a Peresidena Makinili no ka hoonee ana aku i ke kaua i Sepania ponoi ke ole o Sepania e haawi pio mai. Ua waihoia aku keia kumuhana imua o ka Aha Kuhina a ua noonooia hoi me ke akahele loa. Ua hoike ae ka Presidena i knoa manao, e iawe pio mua ana ia ia Santiago de Cuba, alaila, lele kaua aku maluna o San Juan, a hoolele aku i kekahi pualikaua ikaika ma Porto Rico, e lawa ana hoi ko lakou nui ame ko lakou makaukau no ka paa ana ia wahi. A ke hololea keia mau keehina hana, alaila, e hooneeia aku no he pualikoa o 100,00 ka nui, a i ole, oi aku no paha maluna oia heluna no ke kulanakauhale o Havana. Mahope iho hoi o ka lawe pio ia ana o Cuba ame Porto Rico, alaila, e hoouna aku no ia i aumokukaua ikaika loa no ka lawe pio ana ia Teneriffe ame na mokupuni Keneri. Ona moku i manaoia no ka hoounaia ana aku ma keia huakai, oia no ka Nu ioka, Brooklyn, Minneapoli, Coumbia. Indiana, Iowa a me regona ame eono a ewalu mau mokukaua paha o ka papa elua. Ua manaoa ka Peresidena e hoonee loa aku i keia kaua i Europa, in a ek hoopaakiki loa nana Sepania i kei kaua. Ua hoike aku nohoi ka Peresidena imua o na hoa o ka Aha Kuhina, ua makemakeia e paa i na aina apua o epania maloko o ka Pakipika.

 

HUI PAHA AUANEI O GEREMANIA ME SEPANIA?

 

            Ladana, Iune 14.- Ua maopopo loa i keia wa e hoao ana ka Moi puni kaua o Geremania e hoonioni i ka nohona maluhia ana o na Aupuni o Europa, a e aa ana oia e paio me Amerika. Aia ke houluuiu la na mokukaua Germania ma kahi kokoke loa i na mokupuni Pilepine, O na mokukaua Germania ma ia wahi i keia wa, oia ka mokukaua papa ekahi Keiserin Augusta; mokukaua papa elua Geflon; mokukaua pap ekolu Cormoran ame Arcona i keia wa ma Manila. Aia nohoi ma na kai o Kina, na moku kaua Deutscher o ke Keikilii Heneri, ame na mokukaua Kamaliiwahine Wileelema ame Irene.

 

KE KAENA A NA KANAKA IKE KAUA MOANA O AMERIKA.

 

            Wasinetona, Iune 14.-Hookahi pule i hala ae n'ai, ua hoomakaukau iho la ke Keena KAua Moana i kekahi hoike no ka ikaika kaua moana o Geremania no ka pono o ka Peresidena ame Aha Kuhina. A ma keia ia iho la i nanaia ai keia palpala e ka Aha Kuhina. Ua hoike ae ua hoike la a ka Buro kaua Moana, elike me ka mea i noliia e na kanaka akamai o Amerika i na mea e pili ana i ke kaua moana, he kulana nawaliwali loa ko na mokukaua Geremania ke hoohalike ia me na mokukaua Amerika o keia wa e nee nei, a ua hiki loa i na mokukaua Aerika ke hooauhee ia lakou ma kekahi hooauhee ia lakou ma kekahi hooukakaua e malamaia ana mawaena o na aumokukaua elua ma na kai o Asia. Ua hoike ae hoi ke Keena Kaua Moana, ua hiki loa i na mokukaua Amerika malalo o Adimaraia Dewey ma Manila, ke hoopio i na mokukaua Geremania elima e aa ana e lele kaua aku maluna o lakou. Aka, in a na oi aku ka nui o na mokukaua o Geremania ma ia mau kaiaulu i ka elima, a ua hiki aku paha lakou i ka heluna 15, alaila, he whi kumu ia e hopohopo ai. ME he mea la nae e koi ana o Geremania e loaa iaia ka pono o ke kiai ana i kona mau pomaikai kalepa ma ia mau mokupuni, i ole e hoopoinoia e na pee kipi o Pilepine.

            Ua hoike ae hoi o Senatoa Chandler o Na Hamekire a i noho Kuhina Kaua Moana nohoi mamua i kekahi manao penei ke ano:   

            "Aole loa o Geremania e kue mai ana i ko kakou mau pono ma Pilepine. Oiai, e ku mamao ana o Enelani mailoko aku o keia uluaoa ana, elike nohoi me kana e hana nei i keia wa, aole loa hookahi aupuni o Europa e aa ana e kue mai ia Amerika, aole hoi auanei e komo mai ana ma ke ano hui na Aupuni o Europa e kue mai ia kakou, oiai o ka hana ana peia oia ka hui ana o Amerika, me Enelani ame Iapana e kue aku ia lakou apau.

            Ma ka akoakoa ana nohoi o ka Aha Kuhina i keia ia, a mahope iho o ka hookuu ana o ka lakou akoakoa ana, ua hoike ae la kekahi olakou, penei: O kela ame keia hoao ana mai a Geremania e kue mai ia Ameriaka ma kana mau hana e hoonee nei ma na mokupuni Pilepine he aa ana ia o Geremania e kaua mai ia Amerika. A ina aole i ike o Geremania ia mea, alaila, e hoao ia e hana mai ia hana me ka hikiwawe a ike auanei ia i ka hopena o kana hana. Ua manao makou e paa i na mokupuni Pilepine, aole loa makou e ae e hoopuhiliia keia manao e Geremania, aole nohoi e kekahi Aupuni e ae.

            Ua malamala kekahi kukakuka kamailio ana ma keia la mawaena o ke Kanikela Geremania ma Manila, ame ke Kenerala Sepania, me ke ku mai o na mokukaua Geremania he elima ko lakou nui mawaho o ke awa, ua lilo keia i mea e hoohui nui ia ai e na Amerika. A o ka oi loa aku nae o ka hoohuoiia oia no ka malamaia ana o keia hana ma keia wa kaua mawaena o Amerika ame Sepania.

KA HOIKE A ADIMARALA KAMEKONA.

 

            Wainetona, Iune 14.-Ua hoolaha ae nei ke Keena Kaua Moana i keia palapala: Mole St. Nicholas, Iune 14.-O ka huli hoi ana mai nei no ia o Lutanela Blue mahope iho o kona hele hakilo ana aku no na mile he kanahiku ma ke awa o Santiago o ke awa.

            Ua lele kaua ae na Sepania maluna o kahi hoomoana o na Amerika ma Guantanamo. Ua make mailoko aku o na koa kia ihe kino i ka okioki mainoinoia. Ua make pu hoi o kauka Gibs.    Kamekona

 

NAUEUE KA NOHO AUPUNI ANA O KIRISTINA

 

            Ladana, Iune.-E hoike ana ka mea kakau o ka nupepa Daily News mai Maderida mai, ua laha ae la ka lono maloko o ke kulanakauhale e hoike ana ua manao ka Moiwahine Kahu Aupuni e waiho i kona noho Kahu Aupuni ana no Sepania, a e haawi aku i ke Kamaliiwahine Isabela ka noho Kahu Aupuni ana, a nana e ae aku i na kumu apau a Amerika e koi mai ai.

 

KELA AME KEIA LONO

 

            Ua manao loa ia e kue mai ana o Rusia i ko Adimarala Dewy ae ana e kokua pu o Aguinaldo no ke kue ana ia Sepania.

            Ua hoike aku hoi o Kapena Kenerala Augusti o Manila imua o kona Aupuni. o Manila imua o kona Aupuni, aoleʻhoki iaia ke hoomau aku i ka paa ana i ke kulanakauhale o Manila. Ua lilo keia hoie a ua Kena rala la i mea hoopuiwa nui loa i na Kuhina ame ka iahuikanaka.

            E hoike ana ka nupepa Daily Telegraph o ka la 15 o Iune, ua loaa aku iaia na hooiaio eia o Austuria, Farani, Geremania ame Rusia ke kukakuka nei i keia wa e komo mai lakou e uwao mawaena O Amerika ame Sepania.

            Ua oleloia ae, o ka Emepera o Auseturia ka mea nana i hoeueu i keia hana. He mea pono nae ia Sepania ke ae e noho kuokoa o Cuba ame Porto Rico, a me he mea la hoi e paa ana o Amerika i na mokupuni Pilepine ma ke ano he mea hoopaa no kona mau poho no keia kaua.

            Ua loaa mai nae he mau lono kuikawa mai Berelina mai e hoole ana i ka oiaio o keia lono.

            E hoike ana hoi ka nupepa Standard, ua loaa mai iaia kekahi lono mai kona mea kakau mai Roma mai e hoike ana, ua telegarapa aku ka Pope o Roma i ka Moiwahine Kahu Aupuni o Sepania, mamuli o na lono i loaa mai na mokupuni Pilepine mai, ua ae oia e hookauwa iaia iho no ka imi ana e loaa ka maluhia mamuli o kona hoopii ana aku i na mana o Europa e homo mai lakou e akeakea i kei kaua.

 

            Ua ku mai ma ke kakahiaka nui o ka la inehinei ka moku lawe koa "Kina" mai Kapalakiko mai. Ua ma naoia hoi i kela kakahiaka e ku mai ai na moku i kow ekolu.

 

            Ua olelo ae o Mr. C. L. Hasbrouck, he kanaka kawili laau ma Mendon, Mikigana, ua hiki no ke loaa na kope apau o na olelo hoolaha maikai loa no ka Laau Ola a Chamberlain no ke Nahu ame ka Hi iloko ola kalanakauhale. E kualia ana e na poe kuai laau lapaau apan. O Besson, Smith & Co., na @Agua no ko Hawai Pae Aina.

 

NU HOU HAWAII

 

            Ma ka Poakahi iho nei i noho ai ka Aha Keikie ma ka Banako.

 

            Ma ka hora 9 o ke kakahiaka Poalua nei i malamaia ai na hana hoike o ke Kuia Hoomakaukau o Punahou.

 

            Eia ke Ahi o Wailuku i Honolulu nei i keia mau la, aole wale nohoi oia, o ke Paniwai o Iao keʻkabi, alua laua i ka Malu a ke Ao.

 

            Ma kekahi la o keia pule i ho nei i ike aku ai makou i ka holo ana ae o Dr. Hari maluna o kona kaa, oia me kana wahine ame ka laua keiki. Ma ka nana aku he makai no kona helehelena

 

            E nana ae i ka Olelo Hoolaha Wai e paka aku nei ma ko makou pepa o keia la. Ua hoomaopopo loa la ka wa e okiia ai na piula wai i kaa ole na uku ma ka la 1 o Iulai, a hala na la he 15 mahope aku oia 1.

 

            Ua loaa mai na lono ia nei, e holo mai ana ka mokukaua Piledelepia no Hawaii nei na keia mua kokoe loa iho, a e hookuene iho ana oia no onei a hiki i ka wa e welo ai kihei a ke aeloa (Hae Amerika).

 

            Ma ka Poalua nei, hhora 8 o ke ahiahi, i malamaia ai na hana haiolelo, hookani ogana, himeni ame na hana hoonaauao e ae o ke Kulanui o Punahou maioko o Pauahi Hale.

 

            Mahope koke iho o ka loaa ana mai ia nei oka lono no ka holo ana o ka olelo hooholo no ka hoohui Aupuni, ma ka Poakolu nei, na haule koikoi mai la na wainaoa o Kulanihahoi, ke hele la a holo a-ia ka wai i na alanui o Honolulu nei.

 

            Ma ka Poakahi iho nei, ma ka wa i kuaiia ai kekahi mau mahele o na mahiko o loko nei o ka aina, ua hiki aku la ka mahele hookahi o ka Hui Mahiko o Wea ae nei i ka $500, ko Honokaa i ka $250, a o ko Makaweli i ka $125. He ohohia paha keia no ka Hoohui Aupuni Hawaii.

 

            Ua hele ka Kilohana Pookela no ka Lahui Hawaii i kela pule ulumahiehie me na olelo hoolaha he nui.

            Ma ka la apopo e malamaia ai ka hoike makahiki o ke kula Aupuni o uka ae nei o Kalihi-waena ae nei. He nui na mea maikai e hoikeia mai ana e na haumana oia kula imua o ka lehulehu.

 

            Ua haawi ae ka Bana Puhi Ohe o ke Kulanui o Sana Lui he anaina puhi ohe akea maloko o ka pahale kula oia kahua o ka naauao ma ka auina la Poalua iho nei. O ke mele i mahalo nui ia oia ke mele i puhiia mai ma ke kelanika e Master S. J. Kaulukou, keiki a ka Lunahoomalu, Kaulukou o ka Hale o na Makaainana. O ua mele ia, oia o "Song of the Roses."

 

            He paikau hookahakaha ka na kaiko o Honolulu nei ma ka auina la o kela Poaono aku nei mauka ae nei o Punahou, a ua nui na poe makaikai i hele aku e nana i ka lakou mau hana. He nui ka makaukau o na makai ma keia hana, a ua keha ae hoi kekahi poe o loko nei o ke kulanakauhale, ua kupono loa lakou e hoounaia i Manila me na koa Amerika.

 

            Ua huli hoi mai nei o James B. Castle, ke kakauolelo o ke Keena kuhina Hawaii ma Wasinetona, no Honolulu nei, maluna mai o ka mokuahi Moana, a nana i hoike mai, ma kona wa ma aKpalakiko i loaa mai ai iaia ka nuhou mi Wasinetona mi no k ahooholola ana o ka Oolelo  Hooholo Hui no ka Hoohui Aupuni Hawaii e ka Hale o na Makaainana.

 

            Ua ku mai ka mokuahi Moana mai Vanekoua mai ma ka Poakolu, nei, a hala loa aku la n oAuseteralia, a ma on a la i loaa mai ai ka nuhou no ka hooholo ana o ka Hale o na Makaainana o Amerika i ka Olelo Hooholo Hui a Lunamakaainana Newland. He 209 poe kokua i ka olelo hooholo a he 91 ma ka aoao kue. Ua like me 118 ka oi o ka aoao lanakila.

 

            E hoopukaia aku ana ma keia mua kokoke iho he nupepa puka mahina nona ka inoa Ke Ola o Hawaii. He ano buke ke kulana e puka ai keia wahi nupepa, nona na aoao he 24. O Mr. George Kala ka ona o keia nupepa hou. Ua lohe mai makou, he mau moolelo ame na manoa hoonaauao na ukana a keia wahi moku e lawe aku ai no kona mau awa pae lehulehu ma keia mau mokupuni.

           

            Ua loaa wahi paiapala mai nei no kakou mai Cecilia Kealoha mai e noho mai ia i San Hose, ma ka mokuahi Moana o ka Poakolu nei. He maikai no kona ola kino, a ke hoomau la no ia i ke aʻo ana i kana poe haumana hookani piano, ame kona hookau ana nohoi i kona ao ana i na mele hookan ipiano o ke kulana "classic." A ua manao oia e hele aku e hoomana me kona maui hoaloha he nui ma na wahi he lehulehu o Kaleponi Hema, ma ka malama ae nei o Augate.