Ka Nupepa Kuokoa, Volume XXXVII, Number 23, 10 June 1898 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

MA KE KAUOHA.

 

KANAWAI 40.

 

He Kanawai e Hoolohe ana in a Pauku 69, e like me ia i Hoaloha ma ka Mokuna 10@ o na Kanawai o ka Makahiki 1892 a me ka Pauku 74 o ka Mokuna 57 o na Kanawai o ke Kau o 1892, i Kapaia “He Kanawai e Hooponopono Hou ai i ka Oihana Hookolokolo,” e Pili ana in a Hoopii Hoohalahala a me na Palapala Hoohalahala.

 

Hooholoia e ka Ahaolelo o ka Repubalika o Hawaii:

 

Pauku 1. O ka Pauku 69 o ka Mokuna LVII. o na Kanawai o ke Kau o 1892, i kapaia “He Kanaeai e Hooponopono hou ai i ka Oihana Hookolokolo” e like me ia i hoololiia e ka Mokuna 109 o na Kanwai o 1892 ma keia ke hoololiia i kumu e heluheluia ai penei:

“Pauku 69. E aeia no na hoopii hoohalahala main a olelo hooholo na olelo hooko, na olelo kauoha a mau olelo kuahana paha a na Lunakanawai Kaapuni ma ke Keena i ka Aha Hookolokolo Kiekie, koe ma na hihia i kuleana ai ka mea e hoohalahala ana e hoohalahala aku i ke kiure, in a manawa a pau a ka mea e hoopii hoohalahala ana e waiho ae ai i ka olelo hoolaha o kana hoohalahala iloko o elima la, a e uku in a koina i maopopo, a e waiho aku i kona lawa kupono ma ka huina o Kanalima Dala, e hoomaopopoia no ka hookaa ana in a koina e ili hou mai ana ina oia e haule ana ma ka Aha Hookolokolo Hoopii Hoohalahala, a ma ka Dala maoli paha e like me ia ka nui, iloko o umi la mahope mai o ka waihoia ana aku o ka olelo hooholo, olelo hooko, olelo kauoha a olelo kuahana paha i hoopii hoohalahala mai ai; aka nae hoi, ma kekahi hihia a ke kanawai i ae ai i kekahi hoohalahala mai ka olelo hooholo, olelo hooko, olelo kauoha a olelo kuahana paha a kekahi Lunakanawai ma ke Keena e hookolokoloia imua o kekahi kiure, alaila, aole ka Lunakanawai nana ka olelo hooholo, olelo hooko, olelo kauoha a olelo kuahana paha i hoohalahala mai ai, e noho ma ke hookolokoloia ana oia hoopii hoohalahala imua o kekahi Kiure, aka, e kupono no e hooloheia ua hoopii hoohalahala @a ma ke kau mahope aku o ka Aha Hookolokolo Kaapuni o ka Aha Kaapuni iloko ona i hookolokoloia ai ua hihia la ma ke Keena, a o ka Lunakanawai Kaapuni o kahi Apana Kaapuni e aku, i hoomanaia hoi no ia mea ma ka palapala nonoi i kakauia e ka Lunakanawai Nui, a e kahi Lunakanawai e ae paha o ka Aha Hookolokolo Kiekie, e noho aku ma ka hookolokoloia ana o ia hoopii hoohalahala; aka, eia hou aku nae hoi, ina e laweia mai ia hoopii hoohalahala mai ka olelo hooholo, olelo hooko, olelo kauoha a olelo kuahana paha e kekahi Lunakanawai o ka Apana Kaapuni Ekahi ma ke Keena, e kupono no hoi e hooloheis ma ke kau mau mahope aku o ia Apana Kaapuni, aka, aole ka Lunakanawai nana ka olelo hooholo, olelo hooko, olelo kauoha a olelo kuahana paha i hoopii hoohalahala ia mai ai e noho ma ka hookolokoloia ana o ia hoopii hoohalahala. E aeia no na hoopii hoohalahala mamuli o na kumu like no ka waiho ana aku i ka palapala hoopaa a me ka uku ana in a koina e ka Lunakanawi Kaapuni e like me kona manao he pono ma na hoohalahala main a olelo hooholo e hole ana in a palapala pale kumu, a i ole ia, main a olelo hooholo e ae, na kauoha a me na hooholo ana in a manawa apau a ka Lunakanawai Kaapuni e manao ai ua kupono i mea e hoopau kokeia ai na hoopii. O ka hole ana o ka Lunakanawai Kaapuni e ae i kekahi hoopii hoohalahala mai kekahi olelo hooholo, kauoha, a i ole ia, kekahi hooholo ana, aole no ia e hiki ke nana hou ia e kekahi Aha Hookolokolo e ae.”

Pauku 2. Ma keia ke hoololiia nei ka Pauku 74 o ke Kanawai i oleloia i kumu e heluheluia ai penei:

“Pauku 74. E hiki no i kekahi mea ke hoike aku in a olelo hoohalahala i kekahi o ia manao, kuhikuhi, ao, rule, a kauoha paha, a oiai ia mea na hanaia a paa ma ke kakau ma kea no awiwi, a waihoia aku i ka Lunakanawai iloko o ke kau, a i ole, iloko a umi la mahope aku o ia manawa: a ina ma na hana i hanaia iloko o ka manawa hoomaha me he la ua like no me ko ke kau, iloko o umi la mahope iho o ka manao ana, kuhikuhi ana, ao ana, rula ana a kauoha ana paha i kueia, a ina ua ikeia ua kulike me ka mea oiaio, e aeia no a e kakauinoaia e ka Lunakanawai, aka, in aka Lunakanawai e hole i ka ae ana e kakauinoa no ia mau olelo hoohalahala kumu, ua hiki no nae hoi i ka oiaio o na mea i oleloia maloko o ia palapala ke hooiaio imua o ka Aha Hookolokolo Kiekie, a me na kumu hoohalahala i aeia mamuli o ia; eia nae, ina e haawi hou ia ana he manawa hou aku e ka Lunakanwai ma kona manao ana. Ua hiki no e waihoia aku na palapala hoohalaa imua o ka Aha Hookolokolo Kiekie malalo o na kumu like e pili ana i ka waiho ana i ka palapala hoopaa, a me ka hookaa ana in a koina main a olelo hooholo, e hole ana in a palapala pale, a i ole ia, main a kauoha, olelo hooholo, a i ole ia, na olelo hooko e ae in a manawa a pau a ka Lunakanawai e like me kona manao he pono e manao ai he mea kupono no ka hoopau koke ana i ka hihia. O ka hole ana o ka Lunakanawai e hooiaio aku i kekahi palapala hoohalahala imua o ka Aha Hookolokolo Kiekie, aole no e hiki e nana hou ia e kakahi Aha Hookolokolo e ae.” Aponoia i kei la 27 o Mei. M. H. 1898. SANDFORD B. DOLE. Peresidena o ka Repubalike o Hawaii.

 

DON CARLOS, THE SPANISH PRETENDER.

He Moolelo no Don Carlos.

 

E hoomanaoia e ko makou poe heluhelu o ka mea non aka moolelo a makou e hoolaha aku nei ma keia wahi o ka makou pepa o keia la oia no ka moolelo o kekahi kanaka kaulana loa o Europa i keia mau la e nee nei ke kaua mawaena o Amerika ame Sepania, a i kekahi mau wa nohoi i hala lilo ae nei. e ike ana nohoi ko makou poe heluhelu no ka lua o ka manawa i ke kii o ka mea nona keia moolelo, malalo iho nei. O ka mea nona keia moolelo a makou e hoolaha aku nei, oia ka helu ekolu o na kanaka i koi e loaa ka noho Moi ana maluna o ka nohoalii o Sepania. Ua hanauia oia ma ka la 30 o Maraki, ma ka makahiki 1848, a o kona inoa piha oia o Don Carlos de los Dolores Juan Isidoro Hose Franciso Quirino Antonia Miguel Gabriel Rafael, Duke o Maderida, a o ka Mea Koi Kuleana i ka Nohoalii o Sepania. He moopuna keia na Don Carlos I., ka hoahanau ponoi o Feredinana VII., ka Moi o Sepania i make ma ka makahiki 1833. He ekolu poe keiki a keia Don Carlos I. Ka mua, oia o Don Carlos, ka mea i kapaia ke Kauna o Montemolina (Count de Montemolin); o ka lua, oia o Ferdinana; a o ke kolu oia o Don Juan. Na keia Don Juan mai keia Don Carlos e ola ne ii keia wa, a e koi ne ii ka nohoalii o Sepania. Ma ka makahiki 1833 make iho la ka Moi Ferdinana VII., ua waiho iho la ia i kana kaikamahine opio, non aka inoa o Donna Isabella, ame kana Moiwahine-kanemake, oia o Kilikina o Napela, ka luaui makuahine nohoi o Isabella. O kei Kilikina hoi o Napela, oia ka wahine, eha a ua Moi Feredinana VII. nei. Ma ka wa i make aku ai ua Moi nei, aohe ana keikikane , o kela kaikamahine wale ae la no. E ola ana hoi ma ia wa, kona hoahanau ponoi, oia o Don Carlos I. Ma ke kanawai hoi o Sepania e pili ana i ka nohoalii, i ikeia mai ka makahiki 1713 mai, e ili no ka nohoalii maluna o ka hoahanau-kane o ka Moi i make, ina aohe ana keikikane e ola ana. Nolaila, malalo o keia kanawai, he mea pono ke ilika nohoalii maluna o Don Carlos I. Aka, ma na makahiki hope loa o ke ola ana o ka Moi Feredinana VII., a hiki wale i ka hanau ana o ka laua kaikamahine, ua paa loa oia malalo o na alakai ana a kana wahine, nolaila, ma ka wa i hanau ae ai ka laua kaikamahine, ua koi ikaika loa o Kilikina i ka Moi, e hoopuka oia i kekahi olelo kuahaua alii e hoonele ana i kona hoahanau, oia hoi o Don Carlos I., aole e ili ka nohoalii o Sepania maluna ona, a e kau hoi ka nohona Moi maluna o ka laua kaikamahine. A ua hooko o Feredinana i keia manao o kana wahine, mahope iho o ka hoopauia ana e ka Ahaolelo ke kanawai o ka aina e pili ana i ka ili ana o ka nohoalii. Ua hanauia hoi o Isabella ma ka makahiki 1830, he ekolu wale no makahiki mamua ae o ka make ana o Feredinana, kona luaui makuakane. Ma ka wa no i make, aku ai o Feredinana, ka Moi, ua kukala koke ia o Isabella i Moiwahine no Sepania, malalo hoi o ka noho kahu Aupuni ana a kona makuahine, oia o Kilikina, a o ka makahiki 1833 ia, oia no ka wa he ekolu wale no makahiki o ua Moiwahine bebe nei o Sepania. Ma keia makahiki iho la i hoomaka ai ke koi kuleana nohoalii ana a ka ohana Don Carlos. Ua hoomaka ka mahae lua ana o na kanaka Sepania ma keia makhiki 1833 no ka nohoalii o Sepania. O kekahi poe mahope ia o Don Carlos I., a o kekahi poe hoi mahope no o ka Moiwaine Opio. E kokua an aka mana Ekalesia o Roma mahope o Don Carlos, aka, o na aupuni o Farani ame Enelani mahope laua o ka Moiwahine Opio. Ua kapaia hoi ka poe mahope o Don Carlos, he poe Kalelika, a o ka poe hoi mamuli o ka Moiwahine Opio, he poe Isabela. No na makahiki elima i mau ai ka hakoko ana me ka ikaika mawaena o na aoao elua. A ma ka makahiki 1839 ua piha paupauaho o Don Carlos I., nolaila, ua haalele oia ia Sepania. Ma keia makahiki 1839, i hoopaa loa ia ai ka nohoalii maluna o ka Moiwahine Isabela, oiai he umi wale no ona mau makahiki ia wa, a ua kapaia oia o Isabela II. Ua make hoi o Don Carlos I. ma ka makahiki 1855. Mahope aku o ka make ana o Don Carlos I., ua ala ae la kekahi o kana mau keiki, oia hoi o Don Carlos, ka mea i kapaia o ke “Kauna o Montemolina,” a ua hoomaka keia koi ana a keia keiki ma ka makahiki no i make aku ai ko lakou makuakane, a me he mea la no na makahiki elima kana hoomakaukau ana no ia hana. Nolaila, ma ka makahiki 1860 i hoomaka ai kekahi kaua kipi ma Velenacia, aka, ua hoauheeia nae ua Don Carlos II. nei, a ua opu pio ia oia ame kona hoahanau, oia o Feredinana. Aka nae, mahope iho o ko laua kakauinoa ana malalo o kekahi palapala e hookuu a e haalelel ana i kolaua mau kuleana koi apau i ka nohoalii o Sepania, ua hookuu ia laua mai ka paa pio ana mai. O ke kolu hoi o na hoahanau Carlos, oia o Don Juan, aole ia i haalele i kona kuleana koi i ka nohoalii o Sepania elike la me kona mau hoahanau—ke “Kauna o Montemolina” ame Feredinana. Aka, ma ka makahiki 1868, ma ka wa i holo aku ai ka Moiwahine Isabela, mamuli o ka ikaika loa o na hoonee kaua ana a ka poe Kalelika, ua hoolilo ae la ia (Don Juan) i kona kuleana koi i ka nohoalii o Sepania maluna o kana keiki, oia hoi keia Don Carlos e ola ne ii keia wa. Ma ka wa i holo aku ai ka Moiwahine Isabela mailoko aku o Sepania ma ka makahiki 1868 i hoikeia ae la, ua kukuluia iho la he Aupuni Kuikkawa no ka aina ia wa, malalo o na hoonee ana a Prim ame Sagasta, na koo ikaika o ua Aupuni la, a na laua hoi i haawi mai ika nohoalii ana ia Don Carlos e ola ne ii keia wa, malalo nae o ko Don Carlos ae ana aku, e haawi oia i kumukanawai no ka aina a e hookaawale loa ia hoi ka mana Ekalesia mai ka mana Aupuni aku, aka, ua hole nae o Don Carlos i keia manao, a ua olelo aku hoi ia, penei: “Ma ko;u wa e komo aku ai iloko o ko’u Aupuni, e hooponopono no au iaia elike me ka’u i ike ai he pono.” Ma ka makahiki 1870, ua kohoia o Amadeu, he hoahanau no Victor Emmanuel o Italia, e ka Ahaolelo i Moi no Sepania. A ua kue aku hoi o Don Carlos i keia hana. Ma ke kau makalii o ka makahiki 1872, ua ala ae la na mahele aina akau o Sepania a lalau aku la in a mea kaua, mlalo o ke alakai ana a Don Alfonso, he hoahanau nona (Don Carlos), a kipi aku la i ke Aupuni. Ua mau ka hoomakaukau ana o keia poe i ka hoala ana i ke kaua, a hiki i ka malama o Iulai o ka makahiki 1873, ka wa i hoea kino aku ai o Don Carlos, a mai keia wa aku i hoomauia ai na hoouka kaua liilii ana mawaena o na koa o Don Carlos ame na koa o ke Aupuni, a hiki i ka hoomaka ana o ka makahiki 1876, ua nui maoli ka poina i ikeia ma loko o na apana aina i hooukaka ai keia mau kaua. Ua haalele aku ia hoi o Amedeus i ka nohoalii o Sepania, a ua kohoia ke Keikialii Opio o ka Moiwahine Isabele i haalele ai ia Sepania i Moi no na Aupuni la, malalo o ka inoa o Alfonso XII. O ka Moi hoi o Sepania i keia wa oia no o Alfonso XIIII., oia ke keiki a ka Moiwahine Maria Kilikina, me ka Moi Alfonso XII., i make, ma ka makahiki 1885. Ua hana aia kela Moi Opio o Sepania ma ka la 17 o Mei, makahiki 1886. Nolaila, ke hele nei keia Moi Opio o Sepania i ka umikumamalua o kona mau makahiki i keia wa. Ma ka malama o Feberuari o ka makahiki 1876, ua lilo pio aku la i ka aoao Alii na papa e kakoo ana mahope o Don Carlos, eia hoi o Biibao Estella ame Tolosa, nolaila, ua haalele iho ia o Don Carlos ia Sepania a holo aku ia no Farani. Ma ia wahi hoi i hoopuka mai ai oia i kekahi olelo kuahaua akea imua o ka lahui Sepania, e hoike ana i kona manao aole oia i haalele i kona manao koi i ka Nohoalii o Sepania, aka, ae kaii wale ana no ia a hiki i ka wa pono, alaila, hoomaka oia e lawelawe hou in a hana e kau ai oia maluna oia Nohoalii. No keia olelo kuahaua a ua Don Carlos nei,k ua kipaku ia aku oia mailoko aku o Farani. Ua haalele, oia ia Farani a ua holo mai no Amerika Huiia ae nei, mai laila aku o Mekiko, a huli hoi hou i Europa. O kona wahi in oho paa loa ai oia no ke kulanakauhale o Venisa maloko o kekahi halealii nani. He elua manawa i mareia ai keia kanaka i ka wahine. O ka mua, ma ka makahiki 1867, a o ka inoa o kana wahine i mare ai, oia no ke Kamaliiwahine o Bourabona, he kaikamahine hoahanau na ke Kauna Chambord (Count de Chanbord). Ua noho ilihune loa o Don Carlos me kana wahine no kekahi mau makahiki lehulehu wale mahope iho. Aka, ma ka wa i make ai ke Kauna de Chambord ame kana wahine nohoi na ili ka hapanui o ko laua waiwai i keia wahine a Don Carlos, a no ia mea ua loaa ia laua he noho ana iloko o ka hanohano i klike me ko laua kulana alii. O keia Kauna Chambord oia kekahi koko alii kiekie loa o Farani, a oia nohoi kekahi mea koi kuleana i ka Nohoalii o Farani ma ka lalani alii la o Luio XVI. Mamuli hoi o kona make ana, ua pau iho la ke koko alii o ka lalani pili pololei mua i ka Moi Lui XVI. ma o kana keiki mua la; kw kwiki hipo ma ka aoao o na kane a ke keikikane elua a Lui XVI., nolaila, ua lilo iaia ke kuleana mua e koi ai i ka Nohoalii o Farani, mamaua ae hoi o ke koi a ke Duke o Oliana, nona ke koko alii i pili aku i ka Moi Lui XVI. ma o kona hoahanau la. Ua oleloia ae nohoi, ina e make ana ke Kamaliiwahine Maria o Bavaria, kekahi mea i kuleana i ka Nohoalii o Enelani, ma ka aoao o ka lalani alii o Iakobo II., Moi o Enelani, alaila, o Don Carlos kekahi mea i kuleana i ka Nohoalii o Enelani ma o ia lalani alii la. Ma ka makahiki 1893, make ka wahine mua a Don Carlos. A mamuli o ka maikai ole o ke ola ana mawaena ona ame kana wahine, ua hooili ka wahine i kona mau waiwai apau maluna o kana poe keiki, me ka hoonele aia Don Carlos. I ka piha ana hoi o ka makahiki hookahi o ka waiho ana o ka wahine ilalo, ua mare hou iho la o Don Carlos i ka lua o kana wahine, oia hoi ke Kamaliiwaine Marie Berthe de Rohan. He wahine waiwai loa keia. Aole nae keia wahine noloko o kekahi koko alii, aka, mamuli o kona puka ana mai mailoko mai o kekahi ohana i olelo mau ia he loko alii ko lakou, oia wale no ke kumu i kaheaia ai oia he Kamaliiwahine. (Ma keia pule ae he moolelo kamahao no ka Moi Opio o Sepania.)

NA KUMU E LILO AI KA CHAMBERLAIN LAAU NO KE KOLERA, KE NAHU AME KA HI I LAAU POOKELA LOA.

1. E loaa koke ana no ke ola ame ka oluolu o ke nahu ma ka opu, ka eha ma ka opu am eke kolera morbus.

2. Noakamea, oia wale no ka laau e puhili ole ana ma na ma’i ikaika loa o ka bi koko ame ka hi maoli.

3. Nokamea, oia wale no ka laau e ola ai ka hi mau.

4. Nokamea, oia wale no ka laau e ola ai ke nahu kau mau.

5. Nokamea, oia wale no ka laau e ola ai ka hi koko laulaha puni.

6. Nokamea, oia wale no ka laau e ola ai na ma’i kolera infantum

7. Nokamea, oia ka laau ola koke o ka ma’i o ka opu.

8. Nokamea, aohe e loaa mai ana na hopena ino.

9. He oluolu a maikai ka inu ana.

10. Nokamea, ua oi aku na ola i pakele i keia laau mamua o na laau e ae. E kuaiia ana e na poe kuai laau lapaau apau. O Benson, Smith & Co., na Agena no ko Hawaii Pae Aina.

 

Apopo paha e ku mai ai ka mokuahi Peru mai Kina ame Iapana mai no Honolulu nei, ma kona alahele no Kapalakiko.

 

Ua haalele aku ka mokukaua Mohikana ia Kapalakiko ma ka la 3 iho la o Iune nei a holo mai la no keia awa. Ua manaoia e ku mai ana ia no onei ma ka la 14 ae nei, oia ka Poakolu.

 

E hele oe a puni kea o nei aole e loaa ia oe kekahi laau elike me ka Laau Ola o Chamberlain no ka Hi ame ke Kolera no na ma’i o ka opu. He oluolu a maikai ka inu ana. E kuaiia ana e na poe kuai laau lapaau apau. O Benson, Smith & Co., na Agena ma ko Hawaii Pae Aina.

 

Hoolaha Kumau. Ka Ayer Laau Hoomaemae Koko. SARSAPARILLA.

 

E hoomaemae oe i kou koko me ka Ayer Laau Hoomaemae Koko (Sarsaparilla), o keia ka laau pahu’a ole o kona ikaika hoola. Kupono maoli keia laau no ka ma’i Alaala, ma’i Hehe Puha, ma’i Aai, ma’i Kuapuhi, ma’i Puupuu oolohu, ma’i Kane pohaka, ama na ma’i no apau e ulu mai ana mailoko mai o ke koko ino. He kupono loa nohoi kei LAAU HOOMAEMAE KOKO A AYER no ka ma’i nalulu (catarrh), rumatika ame ka rumaika pehu.

Ma kea no he laau hooikaika kino ia, aohe ona lua. E kokua ana ia in a mea paahana o ka opu ma ka hoowali ana i ka ai, hooikaika i ka hana ana a ke ake-paa nawaliwali, hooikaika hoi in a aa-lolo a hooikaika pu hoi i ke kino i hele a nawaliwali mamuli o ka luhi ame ka hoomailo ana a ka ma’i Ua ike na kauka lapaau ma na wahi apau, he Laau maikai loa keia Laau Hoomaemae Koko a Ayer. He laau keia i loaa no loko mai o ka pa’ipa’i ame ke kawili a hoohuihui naauao ia ana o na laau hoomaemae koko a hooikaika kino ikaika loa. Aohe laau hoomaemae koko elike me keia, a i makemake nui ia nohoi elike me keia.

Ka Ayer Sarsaparilla Hoomakaukauia DR. J. C. AYER & CO., Lowell, Mass., U. S. A. Oia ka Ma’i Awa awahia o ka Opu loa Huaale a Ayer

No Keaha i hookawelewele loa aku ai oe i kela ANU, KUNU ame PUU EHA?

 

Ua Kaulana lo aka LAAU KUNU A AYER (Ayer’s Cherry Pectoral) iloko o na makahiki he aneane 60, ma ka hoola ana in a Ma’i o ka Puu ame ke Akemama, ke Anu, ke KUnu, ka Ma’i La Grippe, ame ka Ma’i Mala o ka pale Akemama. He ono keia laau ma ka inu ana, a he oiaio ke ola. AYER’S CHERRY PECTORAL Na Medala Cula main a Hoikeike Nui o ke Ao Mai lawe in a Laau Emi i Hoohalikela me keia Hollister Drub Co. Lt. Na Agena ma ka Paeaina Hawaii.

Kakela me Kuke. Ka Halekuai Nui o na Waiwai Like Ole o na mea HANA KAMANA A PAU Na Lako Pili Hao Kukulu Hale, Na Kepa bela, Na Lei Ilio, Na Kaulahao Ilio, Na Pahi, Na Upa, Na Kope Hulu, Na Pulupulu Na Palau Lio Na Mea Mahiai, Na Au Ho, Na Au Koi, Na kua bipi, Na lei bipi, Na kalahao bipi Na uwea pa, Na kaa palala, Na meapiula, Na Ipuhao.

Makau me Aho Lawaia

Na Iliwai Na Pakeke Na Kula Na Pakeke Hao Na Hulu Pena Na Kapu Hao Na pulumi Na Pauda Na Pena me Aila Na Kukaepele Na Kopa Na Uwiki a me Na Aila Mahu Na Ipukukui

Mikini Humuhumu Kau la a Wilcox & Gibbs Hookahi Lopi, KA REMINGTON, Elua Lopi, A me na ukana he nui wale kela a me keia ano. Kakela me Kuke.