Ka Nupepa Kuokoa, Volume XXXVII, Number 23, 10 June 1898 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

@oolaha @olo

W.R. KAKELA.

Loto a he Kokua ma ke b@@o@@

HE LUNA HOOIAIO PALAAP@A

LYLE A. DICKEY

Lolo a he Kokua ma ke Kanawai.

Ala@al Kaahuma@@. Helu 14.  Tel.682.

        Iloko o ke Keena o ka Loio Kuhina mamua, a be Loio Hoopli ma ka Aha Apana o Honolulu.

        E hookoia na hana pill kanawai apau mai na Mokupuni mai.

        O A. F. Tavares, Kakauolelo, Maheleolelo a Notere no ka Lehulehu.        1yr.

 

@oolaha Kumau

Papa! Papa!

Aia ma kahi o

LEWERS & COOKE (Lui Ma)

Ma ke Kahua Hema o na Alanui Papu me Moi.

E LOAA NO NA

Papa Nouaiki

O kela a me keia ano.

Na Pani Puka

Na Puka Aniani

Na Olepelepo

Na Pou

Na O’a

Na Papa Hele

Na Papa Ku

Na Papa Moe

Na Pili Hale

O na Ano apau.

A me na

Wai Hoohinuhinu Nani

O Na Ano Apau.

 

Na Palaki o na Ano he Nei Wale

        Ke haiia aka nei oukou e na makamaka a pau, ua makaukau keia mau makamaka o oukou e hoolawa aka ma na @ a p@ e pili ana ma ka laua Oihana no ka

 

Uku Haahaa Loa

@ @ke m@ ka m@a e holo ana maw@ @ L@ a @e ka Mea Kuai.

 

E H@l@ Mai e Wae n@ Oukou I@@.

        Ua oleo ae o Mr. C.L. Hasbrouck, he kanaka kawili laau ma Mendon. Mikigana, ua biki no ke loaa na kope apau o na olelo hoolaha maikai loa no ka@aau Ola a Chamberlain no ke Nahuame ka Hi iloko ola kulanakauhale. E kuaila ana e na poe kuai @@au lapaau apa@. O Besson. Smith & Co., na eAg@a no ko Hawaii Pae Aina.

        Ma ka auina la Poakahi ne@ i lilo ai ma ke kuai kudala ia e Jas. F. Morgan, ka luna kudala eleu'o Honolulu nei, he 14 eka aina mauka iho o ke Kula Kamehameha, o@a ka aina o ka waiwai o Spooner, no ka huina o $14@500. Lilo o na Kahu o ka Waiwai o Pauahi.

 

KA MEA HUNA POHIHIHI

U@@h@@a @ Hoo@kama@@@@ @ "Ke Kilokaua P@@ @ @ @ Hawaii"

MOKUNA XXXVII

        Ua kamailio mai la hoi ua Haku Hametona nei i keia mau huaolelo me ka leo i mokuhia ia e ke aloha keiki, a e hoike ana hoi kona helehelena apau ia haawina maemae i lupeaia iloko o kona puuwai.

        Ua hoomaopopo aku la nohoi kana kaikamahine i keia manao aloha e lulumi ana iloko o kona luaui makuakane. @olaila, ua pane aku la ia:

        "E Papa, aohe a'u mea e ae e pane aku a@ imua ou, aka, i nonoi aku au ia oe e hilinai mai no oe maluna o'u nei, kau kaikamahine nei. E kuu Papa aloha, e hai aku a@ ia oe, he mea oiaio, @e mea huna pohihihi io no ka'u e hiipoi nei i keia wa, aka, e hiki mai ana ka la, a e ike no oe, e kuu makua ia mea, a no keia wa nae, e ae mai oe, e hoomanawanui iki oe. Ano la, ua hele au a ehaeha loa, ua loloku welenia ia kuu puuwai e ka ehaeha, a i nonoi aku au ia oe, e kuu makua, e ae mai oe ia'u e loaa ia'u he wahi hooluolu ana--ae--i maha no kuu naau ehaeha. E kuu Papa, e aloha mai oe ia'u."

        I keia wa i umalu ae ai ka nanaina walohia o ke aloha ma ka helehelena o ua Lede Beatirisia nei, a ua like ia me kekahi mea kino i aahuia e kekahi h@ona nani kupaianaha i kiliheheia iho e na hoonenehiwa ana a ka ui. Me he mea la, ua hoi mai ka nani ame ka ui pamalo ole maluna o ua Beatirisia nei, a o ke puanuanu a koou hoi o kona puuwai, elike me ka mea maa mau iaia, ua auhee aku ia mai iaia aku.

        Aole i kana mai ka lelle pihoihoi o ko ka Haku Hametona noonoo i ka ike ana aku i keia hiona nani e kiliwehi mai ana maluna o kana kaikamahine. Me he mea la ua ike aku la ua Haku aoo la, i kekeahi muliwai aiai e lana ana me ka nani nui, malalo iho o kekahi wahi i uhi paa mau ia e ka hau puanuanu. He mea hou loa@ keia ana i ike aku ai maluna o kana kaikamahine, a ua hoopihaia kona naau i ke pahaohao, a no ia mea ua hookuemi hope ia aku la ia me ke pihoihoi nui, a pane mai la ia me ka leo haalulu:

        “E Beatirisia e—E kuu kaikamahine—E ae mai oe ia’u e a@amo pu aku kou luaui makuakane i kou kaumaha ame kou ehaeha. Ke ike aku nei au, aia ke a mai la he luapele nui o ke okooko ahi enaena o ke kaumaha maloko aku o kela anu puanuanu me he hau la au i aahu mau ai, e kuu Beatirisia. E paulele mai oe ia’u i kou luaui makuakane nei.”

        Aka, no kekahi wa pokole wale no@ aia hoi, ua nalohia awiwi ae la ka hiohiona nana i hoopahaohao i ka Haku Hametona main a helehelena aku o Beatirisia, a hoali hou iho la ke puanuanu maluna ona elike me ka mea mau iaia.

        Nana hou mai la ua Haku Hametona ne ii kana kaikamahine me ka umalu hou ana iho o ke kaumaha maluna ona, a pane mai la ia:

        “E Beatirisia, ua ike anei oe i ka mea a na kanaka e kamailio nei i keia wa maloko o na anaina apau?”

        “Aole, e kuu makua, aole au i ike. Malia paha e kamailio ana lakou no ka aha hulahula e haawiia ana e ka Lede Belefoda?”

        “Aole pela, e kuu Beatirisia, aka aohe a lakou olelo e ae, o ka mea wale no ia e pili ana ia oe, ola hoi, eia lakou ke olelo nei e mareia aku ana ka Lede Beatirisia puuwai puanuanu o Hametona Kakela me ka Haku Adelo.”

        “Aole au i ike iki pehea la i hiki a ii na kanaka ke hookuu @a lakou ilio iloko o na ko ana a na manao waiwai ole elike me ka lakou e noonoo wale nei no. Ma ka mea nae paha e pili ana la’u nei me he mea la ua loaa paha la lakou he mea e hiki ai @a lakou ke manaoio. A ke ole au e kuhihewa, o na olelo luhelelei wale a ka Haku Adelo, ke kumu nui o ko lakou kamailio an@ ma ia ano.”

        "Aka, e Beatirisia, aole anei nau ponoi nohoi i haawi aku iaia i na kuma maopopo oia hana ana a ka Haku Adelo elike me ia kea no? Aole anei hoi he mea oiaio, ua hoopalauia oe iaia?”

        “Aole loa pela, e kuu makua maikai. No na Manawa he lehulehu loa ana i hookokoke mai ai ia’u no ko’u ae ana aku iaia e mare aku au iaia, ua hoike maopopo aku no au iaia i ko’u manau ia maoli, oia hoi, aole i komo mai iloko o’u ka makemake ame ka hoihoi e mare au i ke kane i keia wa. Aka, no kona koi mau mai nae ia@, ua olelo aku au iaia, e hoike aku ana au iaia i ko’u manao ma ka wa pono a’u e ike ana.”

        Me ka helehelena i haikea pu ia, pane mai la ua Haku Hametona nei:

        "Alaila, ke olelo hou aku nei au imua ou, he ku maoli no i ke pohihihi kou ano apau e Beatirisia ia'u nei."

        Aole nae i pane aku o Beatirisia no keia mau olelo a kona luaui, alaila, pane hou mai la ua Haku Hametona nei:

        "E hoomaopopo anei au, aole loa oe e mare iki ana i ke kane elike no me kau i hoike mau ai ia'u iloko o keia mau makahiki lehulehu i hala ae nei? Pela anei?"

        "Oia maoli no ko'u manaoio maoili e Papa. Aole loa au e mare i ke kane," wahi a Beatirisia.

[illustration with caption: Ka Adimarala Sampson, Kaeaea o ka Atelanika.]

        "Ke ike nei au," wahi a ka Haku Hametona i hoomau mai ai, "eia oe e Beatirisia ke noho nei me ka hoomanao mau ana no Geofere Tereveliana. Na keia kanaka i hooponalo i kou ola ana; nana nohoi i hoauhee aku i ka hauoli ana mai ia oe aku, a hooliloia hoi oe i wahine puuwai puanuanu. He mea oiaio ua like loa ko'u manao inaina nona, me ko ka Haku Tereveliana."

        I keia wa i hooki iho ai ua Haku Mametona la i kana olelo ana mai, oiai ua ike ae la ia i ke aka o kekahi wahine i ka maalo ana ae maloko o ke aniani nana nui e ku ana iloko o ka rumi hookipa ana e noho ana me kana kaikamahine. I kona huli ana ae hoi e nana ike powehiwehi aku la ia i ua wahine @a, oia nohoi i Mrs. Fleck, ka wahine lawelawe o kana kaikamahine, maloko o ka lua o na rumu hookipa.

        Me ka hoomaopopo ole ana hoi o ua wahine lawelawe nei, eia ka Haku Hametona ke nana aku nei iaia, aia hoi, ke noke mai la ia i ka okuku i kekahi wahi palapala ana e paa ana ma kona lima ma kahi a Beatirisia e noho aku ana, me ka peahi ana mai nohoi iaia, aka, aole nae o Beatirisia i ike aku iaia ma ia wa.

        No ka pane hou ole ana mai hoi o ka Haku Hametona ame kona huli ana aku iloko o ka lua o na rumi hookipa, oia hio kahi a ka wahine lawelawe e ku mai ana, ua hoohuluiia ae la ko Beatirisia mau maka e nana aku maloko oia keena.

        He mea oiaio, iaia i nana aku ai ma@oko oia keena, ike aku la ia i ke ku mai o Mrs. Fleck, a ia wa i puiwa ae ai kona noonoo no nei haua nui a ka wahine lawelawe i hoea aku ai ma ia ano imua ona.

        Me ka haikea e uhola ana ma kona mau helehelena ia wa kahea aku la ia i ua wahine lawelawe nei e komo mai:

        “Komo mai oe, e Mrs. Fleck. He wahi palapala paha kau i lawe mai la na’u?”

        Ua lawe mai la ua wahine lawelawe la i ka palapala imua o kona haku wahine, a haawi mai la iaia. Ma kona haawi ana mai hoi ia Beatirisia, ua olelo ku la kona haku wahine opio iaia:

        “E Mrs. Fleck maikai, ma keia mua aku ke lawe hou mai oe i kekahi palapala, elike iho la me keia au i lawe mai nei, a oiai hoi au e noho pu ana me ka Haku Hametona nei, e pono oe e lawe mai maluna o kekahi pa dala.”

        Ma ka wa nae a ua Lede Beatirisia nei i kamailio aku ai i kana wahine lawelawe ua nana pono aku la oia ma kona mau maka, a pela nohoi ua wahi wahine aei i nana mai ai iaia

[illustration]

me na helehelena kaumaha me he mea la e hoike e mai ana ia, o ua palapala la ana i lawe mai ai na Alamira mai no ia.

        Ua haalele iho la hoi ua wahine lawelawe nei ia loko o ke keena hookipa, a ia wa i nana iho ai o Beatirisia i ka inoa mawaho o ka wa-hi leia, a ike iho la ia i ka lima kakau o kana kaikamahine aloha, a ia wai hooholo ae ai ka ula ohelohelo ma kona mau papalina.

        Aia hoi ka Haku Hametona he haka pono loa mai la kona mau onohi maka maluna o kana kaikamahine, oiai ia e paa ana i ka palapala ma kona lima.

        I ko Beatirisia hoomaopopo ana i keia nana pono ana mai o kona luaui makuakane, ua uhae ae la ia i kawa-hi, a haehae lillii ae la hoi a hookomo iho la iloko o kona eke. Ma keia wa i ninau mai ai kona makuakane:

        “E Beatirisia, he palapala poloai kena i hoea mai la ia oe?”

        “Aole; he palapala pili makamaka no,” wahi a Beatirisia i pane aku ai imua o kona makuskane, iaia hoi i wehe ae ai i ua wahi palapala la a hoomaka iho la e heluhelu, me ka olelo mua ana aku hoi i kona makuakane e kala mai oia iaia ma kona wa e heluhelu ana i ua wahi palapala ia.

        “E heluhelu oe e kuu Beatirisia i kena palapala,” wahi a Haku Hametona i pane mai ai, me ka hoomau ana mai nohoi, “makemake loa au e ike, owai la hoi o ko kaua mau hoaloha kai kakau palapala mai nei @a oe ma keia ano hou nohoi keia i like loa na lalani olelo me na lalani o na mele a Solomona?”

        Aole nae o Beatirisia i nana aku i na huaolelo a lona luaui makuakane i pane mai ai iaia, o@ai ua lilo loa iho la ia ma ia wa iloko o na koia ia ana e na olelo o ka palapala a kana kaikamahine aloha. Ike iho la ia, ua pakele o Jose, a ua lilo ia i mea nona e haouli ai.

        Me keia wa ana e heluhelu aua i ua palapala la, ua ike aku la kona makuakane i ka hohola ana ae o kekahi helehelena o ka nani ame ka mahiehie maikai maoli ma na hiohiona o kana kaikamahine. Ma kana hoomaopopo ana aku, ua omamaka hou mai la ka ui ame ka maemae o ka nani maluna o kana kaikamahine elike no me kona mau la mamua iho o ka nalowale ana aku o Geofere Tereveliana. O keia mau ano apau ana e ike aku nei maluna o Beatirisia, he mau hiohiona ia e hoike mai ana e auau ana ua kaikamahine nei ana iloko o na kulu kehau o ka hauoli, a ua nalohia hoi mai iaia aku na haawina o ke kaumaha. A ma ia wa i hawanawana iho ai ua Haku Hametona nei iloko ona:

        “What a beautiful girl she is!”

        Ma ka wa hoi i pau ai ka heluhelu ana a Beatirisia, ia wa oia i puana ae ai i kekahi mau huaolelo me ka malie loa, i ka i ana:

        "Safe! Safe! Thank God, he is safe! (Palekana, ua palekana oia, e hoomaikaiia no ke Akua).

        Ua hoike mai la ka hiohiona o ua Lede Beatirisia nei i ka mahamaha o kona puuwai, a he nani okoa aku nohoi ia a kona luaui makuakane i nana hou mai ai maluna o kana kaikamahine me ka hialaai nui. Hoomaopopo iho la ia ma ia wa, mamuli o keia kahulihuli mau o ke ano o kana kaikamahine, mai ke puanuanu a ka mohala maikai ana iloko o ka nani, o ka mea huna pohihihi i komohia aku ai kana kaikamahine aloha, aia no ia ma ke kulana i oi aku kona nui ame ka mahuahua o kona ano mamua o na mea huna maa mau i ikeia mawaena o ka hapa nui o na opio. A no ia mea, hu hou mai la no kona aloha no kana kaikamahine, a pane mai la ia me ka haalulu o kona leo:

        "E kuu Beatirisia, me he mea la, ia'u e nana aku nei maluna ou i keia wa, ua hoi hou mai kuu Beatirisia o keia mau la o kona noho ana me ka hauoli--oia hoi na le e olino ana ka nani ame ka ui i hoomailo ole ia e ke puanuanu. Ke ike aku nei no au ia oe iloko o kou ano oiaio maoli, a ke ike nei nohoi au i keia wa, he aahu wale no ka keia puanuanu e uhi nei maluna ou. Aole ka ia o kuu Beatirisia, ei aku ka ia maloko aku o keia aahu puanuanu. Nolaila, e Beatirisia, aole anei e hiki ia oe ke hoihoi hou mai i keia nanu a'u e ike aku nei maluna ou, a paa mau ioa iho ia haawina maluna ou, elike nohoi me ka'u e ike aku nei i keia wa maluna ou, a o ka nani hoi i kuluma ia oe mamua o ka wa i nalohia aku ai kela kanaka lapuwale, ola o Geofere Tereveliana, a o--"

        I keia wa i kahuli ano e hou ae ai na helehelena o ua Lede Beatirisia nei, a ma kahi o ka nani ame ka ui hanohaweo i pahola iho maluna ona i na minute mamua iho, ka wa hoi a ka Haku Hametona i hoopuka ole aku ai i ka inoa o Geofere, na kau iho la kela hiohiona puanuanu maluna ona, a oaka mai la na helehelena o ka puuwai i oni paa ia iloko o ka uhane i haalele i ka haouli.

        Ua hookomo iho ia ua Lede Beatirisia nei i ka palapala iloko o koua poli. A ia wa i pane hou mai ai kona luaui makuakane:

        "He keu oe, e Beatirisia, a ka wahine kupaianaha nui wale. Aole i kana mai ko'u makemake e hoea kino mai ia nei ka mea nana mai nei kena palapala. Ina paha oia maanei i kou wa e heluhelu ana i na huaolelo ana i kapili ai maluna o keia palapala ana i hoouna mai nei, e komohia ana ia iloko o ka haouli."

        Noho iho @a ua Haku Hametona nei a liuliu iki ninau mai la ia i kana kaikamahine:

        "He ipo anei kau? Ua loaa anei @a oe kekahi mea i kupono o kou makemake? E hai mai oe ia'u."

        "E Papa, aole loa au e mare i kekahi kane. Pela no au e noho ai. Ua oi aku ka pono ke noho au elike me keia no a'u e noho nei."

(Aole i pau.)

 

KA HANA A KEKAHI WAHINE NO KONA WA E OLA ANA.

Hoolaaia no ka pono o ka poe i hoehaehaia.--Noho pilikia iloko o na makahiki he umikumamakolu mamuli o ka ma'i--Ala nae, i keia wa ua hiki ke kokua i kekahi poe okoa aku.

Mai ka Nupepa Plaindealer, Canton. N.Y.

        O ka noho ana iloko o ka ehaeha no kekahi mau makahiki lehulehu mamuli o kekahi mai ehaeha i hoopuhili aku i ka ike o na kauka, aka nae, ua loaa hou ke la mamuli o kekahi laau mama loa, oia ka pomaikai i loaa is Mrs. Geo. L. Rogers, o Canton, Nu Ioka.

        "Umikumamakolu makahiki i haia ae nei," wahi a Mrs. Rogers i kekahi mea kakau nupepa, "ua loaa iho @a au i kekahi rumatika ame kekahi mai e ae. Aole hiki ia'u ke hoakaka mai e ae. Aole hiki ia'u ke hoakaka aku i ke on oo ka mai i loaa ai ia'u ka ehae@a ke nana mai oe i keia mau lima. Ua pehuia keia mau lima, ua wili ae ia a ano e nohoi. O kuu mau manamana wawae keia, ua manamana nui maluna o kahi mau manamana e ae a hoea kona poo i kahi  manamana uuku. Ua hoaoia nohoi e a'u na kauka like ole ame na laau he nui, aole nae i loaa mai ia'u he wahi pono. Iloko o Maraki i hala aku nei ua hoao iho la au i na Huaale Akale a Dr. Williams, a mamua o ka pau ana ia'u o na huaale o ka pahu mua, ua ike iho la au i ka hoomaka ana mai o ko'u maikai. Hoomau aku la au i ka ai ana, a mau mai la nohoi ka pli ana mai o ko'u maikai. Ua pau ia'u i ka ai ia na huaale o na poho he umikumamakolu, a i keia la ua ike au i ko'u maikai loa i oi ae i ka mea i ikeia e a'u iloko o na makahiki he umikumamalima i hala ae nei. Ono ka'u ai ana, maikai ko'u noonoo a hoihoi nohoi, a makemake loa au e komo iloko o na anaina hoolaulea. He hoahanau au no ka Ekalesia Metodita no na makahiki he lehulehu, aka, he eono nae makahiki i hiki ole ai ia'u ke hele. I keia wa ua hiki ia'u ke hele i na halawai apau, a ke haouli nei au i ka loaa ana ia'u oia pomaikai. Ke manao nei au he laau kupainaha loa na Huaale akala a Dr. Williams, a ua paa loa hoi ko'u manao, aole laau e ae e hiki ke hoola ia'u me ke kupaianaha elike me keia. Ua hauoli loa au i ka hoike ana aku i kei mea, malia he mea ia e loaa ai ka pomaikai i kekahi mea poino elike me a'u nei."

        O ke kumu o keia oia ana, mamuli no ia o ka laau kokua ana i ka paahana ana a ke kino, @ o ka loaa ana he koko ino, oiai, ua hoohuihu@@a maloko o na Huale Akala a Dr. Williams na la@@ noleko mai o na mea @, a ua loaa ia @akou ka ikaika o ka hoomaemae ana @ ke koko. He nui loa na ma'i i manao@a e na kauka aole hiki ke hoolaia, aka nae, ua pau lakou i ke ola malalo o na paahana ana a keia mau huaale. E kuaila ana e na poe kuai laau apau.

 

HOOLAHA I KA POE AIE

        O ka mea nona ka inoa malalo iho na hookohu pono ia mai oia i Lunahooponopono Waiwai no ka Palapala Kauoha hope l@a a @ Keak@ mahama Akau, o Honolulu, i make, ma keia, ke hoolaha ia aku nei i na poe apau ina he mau koi ka lakou e waiho koke mai me na hooiaio kupono ma ke keena o William O. Smith Alanui Kalepa, iloko o na mahina eono mai keia la aku, a i ole e hoole mau loa ia aku.

        WILLIAM O. SMITH,

        Luuaho@ponopono Waiwai o Achi K.

        Akau, i make.

        Honolulu, Iune 7, 1898.