Ka Nupepa Kuokoa, Volume XXXVII, Number 22, 3 Iune 1898 — HE MEA HOU. [ARTICLE]

HE MEA HOU.

Lunahooponopono o ke Kuokoa, — Aloha oe: —Ua ku ma Hookena, S. Kona, ma ka la 21, he mokukuna mai Tahiti mai. He moku keia e lawe ana he palaoa, kopaa, laiki, Tole ame na waiwai e ae no kekahi mau mokupuni e ae o Tahiti. Aka, ma ka la 26 o Feberuari. IS<>B, ua puhiia ka moku e ka makani a nalowale ka aina; a ua hele mai lakeu a pau ka wai, a aohe wahi

o ka moku e moa ai na mea ai, a ua noho lakou he 24 hora me ka wai ole. aka, me ka ulia o ka laki, ike ana lakou i na kuahiwi o Hawaii, aneane loa e ekolu malama o keia auwana hele ana i ka moana. He mokukuna nui no keia, a aia pu no iluna o ka moku kekahi o na ona moku. He 8 ka nui 0 fe«ia poe, he poe Tahiti wale no, me 1 wahine ohua, ua hoao mai lakou o maiio na kino, no ka ai kupono ole. • Aloha no keia poe olulo.

Ua teleponaia keia nuhou i Hilo i ke keena Makai Nui a ua kauohaia o Deputy Sheriff S. Lazaro 1 kapena o lawe i ka moku i Honolulu, a nana o lawe ana, ma kona wahi ike kela kahiko no. Ua aa no o S. Lazaro e lawo loa i keia moku a hiki i Tahiti a hoi mai no ma ka waa; a wahi ana, he 5 la wale no a hiki ka moku i Bora.bora ma ka ihu aku o "south, south, west," a malaila ae a Kuaihelani i ka okilo hee, a huli loa mai no Hawaii ka ihu. Aloha nui, leou, KONA.