Ka Nupepa Kuokoa, Volume XXXVII, Number 20, 20 May 1898 — Ke Komite Hookipa i na Koa Amerika. [ARTICLE]

Ke Komite Hookipa i na Koa Amerika.

Ma ka po Poakolu nei i noho ai ke•kahi halawai nui o na poe kuonoono o Honolulu nei, malokō o ka Hale Paikau Aupuni, no ka noonoo ana no ke ano e hookipa mai ai i na koa Amerika e hoea mai ana ma ka apopo, a ma ka Ia Sabati paha. He halawai ohohia nui ia keia e ka poe apau i akoakoa ae malaila. He lehulehu loa na olelo paipai ulumahiehie i kamailioia mai e ka poe kamailio, a ua piha uvdla na mea apau. Mawaena o na poe i kohoia i poe kokua pu i na hana hookipa mai i na koa Amerika, ua ike iho makou i keia mau inoa kanaka Hawaii maoli: John Ena, H. L. Holstein, J. Kea, J. L. Kaulukou, S. K. £a-ne, S. K. Kaeo, A. N. Kepoikai, D. L. Naone, Robert W. Wilcox. J. M. Poepoe ame kekahi poe e ae. O ka hoea ana mai ia nei he poe kanaka koa i hiki ko lakou nui i na tausani he puulu ia e loaa ai he ohohia nui ana mawaena o ko kakou poai nei. O ka ikeia ana o kekahi huina koa i hiki aku* i ka 6,000 a 7,000 ma ka wa hookahi ma Honolulu nei, he nanaina nuhou loa ia ia kakou nei o keia wa.