Ka Nupepa Kuokoa, Volume XXXVII, Number 20, 20 May 1898 — Untitled [ARTICLE+ILLUSTRATION]

Ke kii keia e hoike aua i ke kulana o kekahi kahua kaua moana kaulana loa o ke ao nei e lawelawe ia aku ana mawaena o na mokukaua Amerika ame na mokukaua Sepania E ike ana ko makou poe heluhelu i kahi Mokupuni o Cuba, a pela hoi me ka Mokupuni o Hayti, a pela nohoi me ka Mokupuni o Porto Rico. Aia hoi ma ka aooa akau o keia kii, e kokoke ana i Aferika na Mokupuni o Lae Verede. Mai ia mau mokupuni mai a hoea i Porto Rico he 2,100 mile. E ike pu ia ana nohoi, ua aneane kaulike loa ko laua mau ku ana ma ka waiho ana iloko oka Moana Atelanika. Mai Lae Verede aku hoi holo aku i ka akau hikina paha loaa na mokupuni o Keneri. Oka mainao mawaena o keia mau mokupuni a i elua he 800 mil<? paha. Mai na mokupuni Keneri aku hoi a hoea i Cadi2a, ma Sepania, he 600 mile. Mawaena hoi o Cadiz ame Nu loka, oia kela kaiiakaha kikokiko e moe ae la ma na mokupuni Azores, he 3,400 mile. He kii ano nui loa keia a makou e hoike aku nei imua o ko makou poe heluhelu, oiai, ua pili keia kii no na mokupuni e kamailio mau ia ana maloko o na nuhou mai Cuba mai. Aia maluna ponoi aku o Cuba, e ikeia ana o Key West, oia hoi o Ki Komohana. O keia kahi hoolulu nui o na aumokukaua malalo o Adimarala Kamekona. O (keia moana kai Atelaniika. ka iko ke ao-nei e hekau aku nei na maka no-ka hanaia ana o kekahi hana lua ole o ke aiwaiwa ma nei mea he hoouka kaua moana mawaena o na mokukaua i hoohanaia e nalkanaka o kekahi mau aina i piha like i ka naauao ame ka ike ma nei mea he kaua.